ალექსი პეტრიაშვილი სოციალურ ქსელში უკრაინაში მიმდიანრე მოვლენებს ეხმაურება:
“დღეს გამთენიას ისევ იყო საჰაერო შეტევა კიევსა და ლვოვზე. წინასწარი მონაცემებით, კიევის მიმართულებით გამოშვებული 20-ვე ირანული შაჰიდი დრონი განადგურებულია; დაზუსტებული ინფორმაციით, 35-დან 32 დრონი იქნა განადგურებული; ლვოვში არის ერთი მოხვედრა კრიტიკულ ინფრასტრუქტურაზე, მაგრამ მსხვერპლი არ არის; ზაპოროჟეს მიმართულებითაც გაუშვეს ს-300-ის 7 რაკეტა. მსხვერპლი აქაც არ არის;
საჰაერო თავდაცვით რადგან დავიწყეთ, გუშინ ემანუელ მაკრონმა ოფიციალურად დაადასტურა, რომ ფრანგულ-ტალიური სამპ-ტ ჰსთ სისტემა უკრაინაშია და ჩართულია საერთო თავდაცვის სისტემაში. უახლოეს მომავალში მოსალოდნელია, რომ უკრაინა კიდევ 1 სამპ-ტ-ს მიიღებს პარტნიორებისგან;
ამერიკული გიგანტის ლოქჰიდ მარტინის ხელმძღვანელმა განაცხადა, რომ მზად არის უკრაინას მიაწოდოს ფ-16-ები, მოამზადოს მისი პილოტები და ახლო მომავალში საერთოდ განათვსოს ლოქჰიდ მარტინის ბაზა უკრაინაში (სერიოზული სამხედრო ინდუსტრიები მოიწევენ უკრაინაში დასამკვიდრებლად);
დანიამ ხო განაცხადა, რომ მზად არის ფ-16-ების უკრაინისთვის გადასაცემად; მანამდე ხომ დაამტკიცა მრავალწლიანი გეგმა სამხედრო დახმარების. ჰოდა გაიზარდა ეს დახმარების თანხა 2.5 მილიარდი დოლარიდან 3.2 მილიარდამდე. 2023-ში 1.1 მილიარდი, 2024-ში – 1.5 და 2025-2028 ყოველწლიურად 150 მილიონი! ჯიგრები ვიკინგები!
ამასობაში ჩეხეთის და სლოვაკეთის მხარდაჭერით უკრაინა გეგმავს 1000 ერთეული შვედური ქვეითთა საბრძოლო ჯავშანმანქანის სვ-90 (ერთ-ერთი საუკეთესო მსოფლიოში) შეძენას;
გუშინ პრეზიდენტი ზელენსკი ტელეფონით ესაუბრა ბრიტანეთის პრემიერ- მინისტრ რიში სუნაკს. განიხილეს 21-22 ივნისს ლონდონში დაგეგმილი უკრაინის რეკონსტრუქცია/მხარდაჭერის საერთაშორისო კონფერენციის და მოახლოებული ვილნიუსის სამიტის საკითხები. უკრაინა ბოლომდე იბრძვის, რომ მიიღოს კონკრეტიკა ვილნიუსის სამიტზე – გარანტიები, ვადები და ა.შ. მნიშვნელოვანია, რომ ბრიტანეთის პარლამენტი აპირებს მიიღოს გადაწყვეტილება საკანონმდებლო დონეზე, რომლის თანახმად დიდი ბრიტანეთი არ მოუხსნის სანქციებს რუსეთს, ვიდრე ის არ გადაუხდის რეაპარაციებს უკრაინას; აგრეთვე, ლონდონი მიმართავს რუს ოლიგარქებს მიიღონ თანამონაწილეობა უკრაინის აღდგენაში (აბრამოვიჩმა გააჯაზა, ჩელსიდან მიღებულ ფულს უკრაინასთან ერთად რუსეთში ომისგან დაზარალებულების დასახმარებლადაც გადავრციხავო. მოხვდება იახტაში რომანჩიკა. ლონდონის კონფერენციის და უკრაინის აღდგენაში მხარდაჭერის თემაზე პრეზიდენტ ზელენსკის ჰქონდა საუბარი ევროკომისიის პრეზიდენტთან ურსულა ვონ დერ ლეიენთან. ვრცელდება ინფორმაცია, რომ ლონდონში ევროკომისია 50 მილიარდი ევროს დახმარებას გამოაცხადებს უკრაინისთვის. ვნახოთ, ვნახოთ. პრეზიდენტებმა ასევე განიხილეს მოსალოდნელი პირველი წინასწარი ანგარიში რეკომენდაციების შესრულებასთან დაკავშირებით, რომელზეც 22 ივნისს უნდა იმსჯელონ.
ნატოს გენმდივანი იყო გუშინ ბერლინში. შოლცთან ერთობლივ კონფერენციაზე სტოლტენბერგმა ისევ განაცხადა, რომ მხოლოდ უკრაინა განსაზღვრავს მოლაპარაკებების დროს და პირობებს. შოლცმა კი აღნიშნა, რომ გერმანია იმდენ ხანს დაეხმარება უკრაინას, რამდენიც საჭირო იქნება. ნატოს სამიტთან დაკავშირებით თქვეს ის, რაც მოსალოდნელი იყო და ყველამ ვიცით – რომ ამ სამიტზე უკრაინას ოფიციალურად ნატოს არ მიიწვევენ. არც ჰქონიათ უკრაინელებს მოლოდინი, რომ ვილნიუსის სამიტზე მიიწვევდნენ. ვნახოთ, მოლაპარაკებები გრძელდება!
აშშ-ს სახელმწიფო მდივანი ენტონი ბლინკენი შეხვდა სი ძინპინს და ჩინეთის მაღალჩინოსნებს. პირველი ინფოები ასეთია: ჩინეთი არ აწვდის და არ მიაწვდის რუსეთს ლეტალურ იარაღს, თუმცა პრობლემად რჩება ჩინური კომპანიები, რომლებმაც შეიძლება მიაწოდონ ტექნოლოგიები რუსებს რაკეტების დასამზადებლად, აშშ მხარს არ უჭერს ტაივანის დამოუკიდებლობას და მხარს უჭერს არსებულ სისტემას;
სი ძინპინმა ხაზი გაუსვა, რომ აშშ-ს და ჩინეთის ურთიერთობებზე დამოკიდებული მსოფლიოს მომავალი.
ჩინეთის არმიის გადამდგარმა პოლკოვნიკმა ჩჯოუ ბომ დაასამარა რუსეთის არმია: “რუსეთის არმიის სამხედრო ავტორიტეტი და იმიჯი დაიმსხვრა”, განაცხადა პეკინის ერთ-ერთი უნივერსიტეტის მეცნიერ-თანამშრომელმა, ხვდებით ხო, რომ თავისით და შემთხვევით არ დააფრქვევდა ამ ჭეშმარიტებას ჩინელი პოლკოვნიკი.
ფრონტზე: გააქტიურდა ურდო კუპიანსკის, სვატოვოს და კრემინნას მიმართულებით. თავდაცვიდან კონტრშეტევაში გადმოვიდნენ, მაგრამ ბრძოლები მაინც ლოკალური მნიშვნელობისაა!
ბახმუტის ჩრდილოეთ და ჩრდილო-აღმოსავლეთ ფლანგებზე ჩვენებმა კიდევ 1.83 კვადრატული კილომეტრი ტერიტორია გაათავისუფლეს და წინ წაიწიეს. კარგად უტევენ კურდიუმოვკის და კლეშჩეევკის მიმართლებითაც. აქ შეიძლება ჩვენებმა გაარღვიონ ურდო და გორლოვკას გათავისუფლებაზე წავიდნენ. გამოჩნდება ამ დღეებში!
ზაპოროჟიეს და დონეცკის ფრონტებზე ინტენსიური არტ დუელებია და ცხარე ბრძოლები კონკრეტულ მიმართულებებზე. პიატიხატკის გათავისუფლების შემდეგ ცდილობენ რომ გააგრძელონ სვლა სამხრეთით ვასილივკას მიმართლებით. ასევე რობოტინეს უტევენ ჩვენები.
შეგახსენებთ, რომ 12 უკრაინული დივიზიიდან მხოლოდ 3-ია აქტიურ საბრძოლო მოქმედებებში ჩართული! დიდი გარღვევა ჯერ კიდევ წინ არის! ფაქტია, რომ ჩვენები გეგმის მიხედვით მიიწევენ წინ, ათავისუფლებენ ტერიტორიებს და ავლენენ მტრის სუსტ წერტილებს!
უკრაინა გაიმარჯვებს 2023-ში! საქართველო, ამოისუნთქე 2023-ში! პუტლერის ბოროტების იმპერია გრუხუნით ჩამოინგრევა 2023-ში!
დიდება უკრაინას!
გაუმარჯოს საქართველოს!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.
