ფაშისტების ახალი ტაქტიკაც გამოაშკარავდა – ნინო წილოსანი

12
spot_img

კიდევ ერთხელ გვარწმუნებთ, თქვენს ხელში მეტი ძალაუფლება რომ იყოს, უკან არაფერზე დაიხევდით, ფიზიკურ ძალადობაზეც გადახვიდოდით, ადამიანებისთვის სიცოცხლის მოსწრაფებაზეც, – ასე მიმართავს სოციალურ ქსელში რადიკალური ოპოზიციის წარმომადგენლებს და მათ მხარდამჭერებს პარლამენტის ვიცე-სპიკერი ნინო წილოსანი.

„ფაშისტების ახალი ტაქტიკაც გამოაშკარავდა. ისინი უამრავ ჩვენს მხარდამჭერს, განსაკუთრებით მათ, ვისაც გარკვეული ავტორიტეტი აქვთ ხალხში, პირადში წერენ და აშეიმინგებენ. მათზე მანიპულაციის მოხდენას ცდილობენ, თანაც ვითომ შეფარვით, კეთილის მსურველის მანტიით. რეალურად კი, პირდაპირ ფსიქოლოგიურ ზეწოლას ახორციელებენ, იმის გამო, რომ გამჭვირვალობის კანონს და ხელისუფლებას უჭერენ მხარს, იწონებენ ჩვენს პოსტებს და ა.შ.

თითოეულ ასეთ მანიპულატორს მინდა საჯაროდ მოგმართოთ – ამ თქვენი ამაზრზენი ქმედებებით პირველ რიგში თქვენ თავს ავლენთ, ყველას კიდევ ერთხელ გვაჩვენებთ თქვენს რეალურ სახეს. კიდევ ერთხელ გვარწმუნებთ, თქვენს ხელში მეტი ძალაუფლება რომ იყოს, უკან არაფერზე დაიხევდით, ფიზიკურ ძალადობაზეც გადახვიდოდით, ადამიანებისთვის სიცოცხლის მოსწრაფებაზეც და საერთოდ, ალბათ განსხვავებული აზრის მქონე ადამიანებს არსებობის უფლებასაც შეუზღუდავდით
ჩემი რჩევა იქნება, გაუფრთხილდით საკუთარ თავს და რეპუტაციას, ნუ დაკარგავთ ადამიანურ სახეს.

და ბოლოს, შეგახსენებთ, რომ მოსახლეობის 60 % გამჭვირვალობის კანონს უჭერს მხარს და თქვენი მცდელობა, უმცირესობამ უმრავლესობაზე იბატონოს, აშკარად განწირულია“, – წერს წილოსანი.