პარიზში საპენსიო რეფორმის მოწინააღმდეგეთა აქციაზე პოლიციამ ცრემლმდენი გაზი გამოიყენა

74
spot_img

პარიზში საპენსიო რეფორმის წინააღმდეგ მიმდინარე საპროტესტო აქციაზე პოლიციამ მომიტინგეების წინააღმდეგ ცრემლმდენი გაზი გამოიყენა.

BFMTV-ის ინფორმაციით, საფრანგეთის საკონსტიტუციო საბჭოს მიერ სადავო საპენსიო რეფორმა დამტკიცების შემდეგ ამ გადაწყვეტილების გასაპროტესტებლად პარიზის ქუჩებში ათასობით ადამიანი გამოვიდა.

საფრანგეთის საკონსტიტუციო სასამართლომ პრეზიდენტ ემანუელ მაკრონის საპენსიო რეფორმას მხარი დაუჭირა.

რეფორმა, რომელიც მაკრონმა პარლამენტის გვერდის ავლით გასულ თვეს დაამტკიცა, საპენსიო ასაკის 62-დან 64 წლამდე გაზრდას ითვალისწინებს.

ამასთან, საკონსტიტუციო სასამართლოს დადგენილებით, კანონპროექტის ზოგიერთ მუხლს აქვს სამართლებრივი ხარვეზები. სადავო საპენსიო რეფორმის გამო, საფრანგეთში იანვრიდან მასობრივი საპროტესტო გამოსვლები იმართება.

მთავრობის განცხადებით, ინიცირებული ცვლილებები აუცილებელია საპენსიო სისტემის კოლაფსის თავიდან ასაცილებლად.