საკუთრების უფლების ინდექსის მიხედვით საქართველომ კვლავინდებურად ისტორიული მაქსიმუმი დააფიქსირა და შეფასების 100%-ანი სისტემით 88,6% მიიღო. საქართველო მსოფლიო რეიტინგში 40 საუკეთესოს შორის, 38-ე ადგილზეა. 2012 წლის შემდეგ შეფასების გაუმჯობესებით საქართველო მსოფლიოს საუკეთესო ათეულში, ევრაზიის საუკეთესო სამეულში, ევროპაში კი პირველ ადგილზეა. ამ 11 წლიან პერიოდში საქართველომ შეძლო შეფასება 13,5 პროცენტული პუნქტით გაეუმჯობესებინა. აღსანიშნავია, რომ საქართველო 2012 წელს საკუთრების უფლების დაცულობით ევროპაში ბოლო ადგილზე იყო, მსოფლიოში კი 93-ე პოზიცია ეკავა, – წერს თბილისის საკრებულოს წევრი ვლადიმერ ბოჟაძე სოციალურ ქსელში.

ბოჟაძის თქმით, სისხლიანი რეჟიმის მმართველობის დროს 2004-2012 წლებში, ადამიანის უფლებებიდან ყველაზე მეტად სიცოცხლის და საკუთრების უფლება იყო დარღვეული და დაუცველი, შესაბამისად საკუთრების უფლების ინდექსის მიხედვით 2012 წლამდე და 2012 წლის შემდეგ განსხვავების დანახვა ადვილია.

„სისხლიანი რეჟიმის მმართველობის დროს 2004-2012 წლებში, ადამიანის უფლებებიდან ყველაზე მეტად სიცოცხლის და საკუთრების უფლება იყო დარღვეული და დაუცველი. დღეს როცა დაშლილი და გაშლილი ნაცმოძრაობა ისევ ცდილობს ხელისუფლებაში დაბრუნებას, ყველა მესაკუთრეს, ბიზნესმენს უნდა შევახსენოთ, რომ პირველი სწორედ საკუთრების უფლებას დაარღვევენ და უამრავ ადამიანს ჩამოართმევენ, იძულებით აჩუქებინებენ და გადააფორმებინებენ საკუთარ ქონებას.
2012 წლამდე და 2012 წლის შემდეგ – განსხვავების დანახვა ადვილია!
საკუთრების უფლების ინდექსის მიხედვით საქართველომ კვლავინდებურად ისტორიული მაქსიმუმი დააფიქსირა და შეფასების 100%-ანი სისტემით 88,6% მიიღო. საქართველო მსოფლიო რეიტინგში 40 საუკეთესოს შორის, 38-ე ადგილზეა.
2012 წლის შემდეგ შეფასების გაუმჯობესებით საქართველო მსოფლიოს საუკეთესო ათეულში, ევრაზიის საუკეთესო სამეულში, ევროპაში კი პირველ ადგილზეა. ამ 11 წლიან პერიოდში საქართველომ შეძლო შეფასება 13,5 პროცენტული პუნქტით გაეუმჯობესებინა. აღსანიშნავია, რომ საქართველო 2012 წელს საკუთრების უფლების დაცულობით ევროპაში ბოლო ადგილზე იყო, მსოფლიოში კი 93-ე პოზიცია ეკავა.
#მშვიდობადაწარმატებებისაქართველოს
#გელოდებითარჩევნებზე2024 #გელოდებითარჩევნებზე2025“, – წერს ვლადიმერ ბოჟაძე.

ჩემი აზრით, „გლობალური ომის პარტიას“ აცხადებდე მთავარ საფრთხედ, რომელიც მართავს ნატო-ს, ევროკავშირს და ა.შ. და მას ასი მეტრიდან მიზანში ზუსტი სროლა არ შეუძლია, ამას ამბობდე, ერთმანეთთან საწინააღმდეგოა, – ამის შესახებ „გირჩის“ წევრმა, იაგო ხვიჩიამ განაცხადა.

ხვიჩია გამოეხმაურა დონალდ ტრამპზე თავდასხმასთან „გლობალური ომის პარტიის“ შესაძლო კავშირთან დაკავშირებით მმართველ გუნდში გაკეთებულ განცხადებებს.

„უნდა თქვან, ან დაძაბუნდა „გლობალური ომის პარტია“ და მიზანშიც კი ვერ ისვრის სწორად, ან ნატო-ს, ევროკავშირსა და ამერიკას მართავს. ამ ორიდან ერთ-ერთი უნდა იყოს სწორი. „გლობალური ომის პარტიის“ შესახებ მხოლოდ ის ვიცი, რომ ის მიზანში ცუდად ისვრის, რადგან სხვა ვერაფერი წარმოვიდგინე ხელმოსაჭიდი, რას ნიშნავს და ვინ არიან. ვიცით მკვლელი, რომელიც მკვდარია და „გლობალური ომის პარტიის“ წევრია. ამის იქით უფრო მეტი უნდა გვითხრან „გლობალურ ომის პარტიაზე“, – აცხადებს ხვიჩია.

დონალდ ტრამპის მკვლელობის მცდელობა საბოლოოდ ფარდის ჩამოხსნაა. უცხოური ძალა, რომელზეც ვსაუბრობთ, რომ ებრძვის ყველას და ყველაფერს, რაც კი მას ეწინააღმდეგება, არენაზე უკვე გამოჩნდა მკვლელობების მცდელობებით, – ასე გამოეხმაურა  “ხალხის ძალის” ერთ-ერთი ლიდერი, გურამ მაჭარაშვილი  აშშ-ის ყოფილ პრეზიდენტზე, დონად ტრამპზე თავდასხმას.

მისი თქმით, რეალურად, ესროლეს მშვიდობას, და ოჯახურ ტრადიციებს.

„სლოვაკეთის პრემიერ-მინისტრ ფიცოს მკვლელობის მცდელობის შემდეგ, ევროპის საზოგადოების უმრავლესობამ თანამედროვე ლიბერალური ფაშიზმის მიმდინარეობას უარი უთხრა და თან სასტიკად დაამარცხა. როგორც ჩანს, „გლობალური ომის პარტიის“ წარმომადგენლები ამაზე ძალიან გაღიზიანდნენ და უკვე რადიკალურ ქმედებებზე გადავიდნენ. სამწუხაროდ, მივიღეთ ის, რომ შეერთებული შტატების ყოფილი პრეზიდენტი და პრეზიდენტობის კანდიდატი მკვლელობის მცდელობის მსხვერპლი აღმოჩნდა. ეს უკვე საბოლოოდ ფარდის ჩამოხსნაა. უცხოური ძალა, რომელზეც ვსაუბრობთ, რომ ებრძვის ყველას და ყველაფერს, რაც კი მას ეწინააღმდეგება, არენაზე უკვე გამოჩნდა მკვლელობების მცდელობებით.კარგად ვიცით, ტრამპის პოლიტიკა, რომელიც ემხრობა, რომ კაცი კაცად და ქალი ქალად დარჩეს, ემხრობა მშვიდობას და ამბობს, რომ ხელს შეუწყობს უკრაინაში მშვიდობის დამყარებას. რეალურად, ესროლეს მშვიდობას, ოჯახურ ტრადიციებს და ამას ვინ გააკეთებს? რა თქმა უნდა, ის „გლობალური ომის პარტიები“, რომელთაც სურთ, უკრაინაში ომი არ დამთავრდეს, საქართველოში დაიწყოს ომი და ასე შემდეგ“, – განაცხადა გურამ მაჭარაშვილმა.

ამასთან, მაჭარაშვილმა კომენტარი გააკეთა აშშ-ის სახელმწიფო დეპარტამენტის სპიკერის, მეთიუ მილერის საქართველოსთან დაკავშირებით განცხადებებზე და აღნიშნა:

„მახსოვს, ეს არის ამერიკა, რომლის დამფუძნებელი მამებიც ამბობდნენ, ამერიკის ბედს ამერიკელი ხალხი წყვეტს და არა პოლიტიკოსებიო. შესაბამისად, ყველამ თავის პოლიტიკურ პროცესს მიხედოს. დაგვანებონ ჩვენი ქვეყანა და მას ჩვენ მივხედავთ. ვინ ეკითხება ამერიკის რომელიმე წარმომადგენელს, ჩვენს ქვეყანაში რომ უხეშად ერევიან, მაგალითად, საქართველოში ხალხი რომელ ტრადიციულ მიმდინარეობას აირჩევს. ასე რომ, არჩევანი გაკეთებულია მშვიდობასა და ომს შორის“, – განაცხადა გურამ მაჭარაშვილმა.