Home Blog Page 900

ჰუმანური აქტი ყოველთვის ჰუმანური აქტია და თუ ოპოზიციას მიაჩნია, რომ ეს წინასაარჩევნოდაა კარგი, მაშინ თვითონაც მიიღონ ამაში მონაწილეობა – ირაკლი ქადაგიშვილი ამნისტიაზე

ჩვენი მზიანი გახლავთ ის, რომ ჩვენს ქვეყანაში პატიმართა რაოდენობა 100 000 მოსახლეზე გადათვლით, ყველაზე განვითარებული ევროპული ქვეყნების რაოდენობას გაუტოლდეს, – ამის შესახებ საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა

„ასევე მნიშვნელოვანია ბალანსის დაცვაც, რათა ამ ჰუმანურ აქტით არ მოხდეს კრიმინალური ვითარების მართვის ხელიდან გაშვება, ამიტომ ყოველთვის ხდება ამ ოქროს შუალედის არჩევა. ჰუმანური აქტი ყოველთვის ჰუმანური აქტია და თუ ოპოზიციას მიაჩნია, რომ ეს წინასაარჩევნოდაა კარგი, მაშინ თვითონაც მიიღონ ამაში მონაწილეობა. სინამდვილეში მათ უნდათ სპეკულაცია, ყველაფერში ცუდი დაინახონ და გარკვეულწილად იმოქმედონ იმ პატიმრებზე და მათ ოჯახის წევრებზე, რომელთაც არ ეხებათ ამნისტია“, -აღნიშნა ქადაგიშვილმა.

არ არსებობს ადგილი, სადაც ისრაელის გრძელი ხელი ვერ მისწვდება – ნუ შეცდებით – ბენიამინ ნეთანიაჰუ „ჰუსიტების“ პორტზე თავდასხმაზე

იემენში, „ჰუსიტების“ მიერ კონტროლირებად პორტზე ისრაელის მიერ განხორციელებული თავდასხმა ცხადყოფს ჩვენი მტრისთვის, რომ არ არსებობს ადგილი, სადაც ისრაელის გრძელი ხელი ვერ მისწვდება, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.

მისი თქმით, ისრაელი ყველანაირად და ყველა ფრონტზე დაიცავს თავს და ყველა, ვინც მას ზიანს აყნებს, მძიმე ფასს გადაიხდის.

„მე მაქვს მესიჯი ისრაელის მტრებისთვის – ნუ შეცდებით ჩვენზე“, – თქვა ნეთანიაჰუმ სატელევიზიო განცხადებაში და დასძინა:

„ჩვენ დავიცავთ თავს ყველანაირად, ყველა ფრონტზე. ვინც ჩვენ ზიანს გვაყენებს, ძალიან მძიმე ფასს გადაიხდის აგრესიისთვის. პორტი, რომელსაც ჩვენ თავს დაესხით, არ არის უდანაშაულო პორტი. ის გამოიყენებოდა, როგორც შესასვლელი პუნქტი ირანის მიერ „ჰუსიტებისთვის“ მიწოდებული სასიკვდილო იარაღისთვის“, – აღნიშნა ნეთანიაჰუმ.

ცნობისთვის, ისრაელის საჰაერო ძალებმა იემენში „ჰუსიტების“ სამიზნეებს დაარტყა, მათ შორის საწვავის საწყობებს, ენერგეტიკულ ობიექტებს და სხვა ობიექტებს ჰოდეიდას პორტში, რამაც მასიური ხანძარი გამოიწვია. გავრცელებული ინფორმაციით, თავდასხმის შედეგად 3 ადამიანი დაიღუპა და 87 – დაშავდა. აღნიშნულ იერიშამდე ერთი დღით ადრე „ჰუსიტებმა“ თელ-ავივზე დრონით თავდასხმა განახორციელეს, რის შედეგადაც ისრაელის ერთი მოქალაქე დაიღუპა და რამდენიმე დაშავდა.

პუტინის რუსეთი ყველაზე დიდ საფრთხეს წარმოადგენს უსაფრთხოებისთვის – უნდა დავიცვათ საკუთარი თავი და ბალტიის ქვეყნები – ანალენა ბერბოკი

გერმანიის საგარეო საქმეთა მინისტრი, ანალენა ბერბოკი გერმანიაში Tomahawk-ის ფრთოსანი რაკეტების და სხვა შორ მანძილზე მოქმედი იარაღის სისტემების დროებით განთავსებასთან დაკავშირებით აშშ-სთან მიღწეულ შეთანხმებას ეხმაურება და აცხადებს, რომ ეს არის მნიშვნელოვანი ნაბიჯი ევროპისა და მისი ბალტიისპირელი პარტნიორების დასაცავად.

„პუტინი მუდმივად აფართოებს არსენალს, რომლითაც ის საფრთხეს უქმნის ჩვენს თავისუფლებას ევროპაში. უნდა დავიცვათ თავი და ჩვენი ბალტიისპირელი პარტნიორები ამისგან, მათ შორის, შეკავების საშუალებების გაძლიერებით“, – აღნიშნა ბერბოკმა.

მისი განმარტებით, ნებისმიერი სხვაგვარი საქციელი იქნება „არა მხოლოდ უპასუხისმგებლო, არამედ გულუბრყვილო ქმედება ცივსისხლიანი კრემლის წინაშე“.

ანალენა ბრბოკის თქმით, ბერლინს მოსკოვთან განსხვავებული ურთიერთობა სურს, მაგრამ პუტინის რუსეთი ამჟამად ყველაზე დიდ საფრთხეს წარმოადგენს უსაფრთხოებისთვის. ბოლო წლებში კრემლმა გაანადგურა შეიარაღებასთან დაკავშირებული საერთაშორისო ხელშეკრულებები და გაანადგურა პან-ევროპული მშვიდობის არქიტექტურა.

„ამით მოსკოვი ჩვენს შეშინებას, ზეწოლას და ჩვენი საზოგადოების გაყოფას ცდილობს“, – დასძინა გერმანიის საგარეო საქმეთა მინისტრმა.

შეგახსენებთ, ვაშინგტონში ჩრდილოატლანტიკური ალიანსის სამიტზე ცნობილი გახდა, რომ გერმანიაში ამერიკული შორ მანძილზე მოქმედი რაკეტები გერმანიაში 2026 წლიდან პერიოდულად განთავსდება. ამ ნაბიჯის საპასუხოდ, კრემლმა განაცხადა, რომ რუსეთს „საკმარისი პოტენციალი აქვს ამ რაკეტების შესაჩერებლად“.გერმანიის საგარეო საქმეთა მინისტრი, ანალენა ბერბოკი გერმანიაში Tomahawk-ის ფრთოსანი რაკეტების და სხვა შორ მანძილზე მოქმედი იარაღის სისტემების დროებით განთავსებასთან დაკავშირებით აშშ-სთან მიღწეულ შეთანხმებას ეხმაურება და აცხადებს, რომ ეს არის მნიშვნელოვანი ნაბიჯი ევროპისა და მისი ბალტიისპირელი პარტნიორების დასაცავად.

„პუტინი მუდმივად აფართოებს არსენალს, რომლითაც ის საფრთხეს უქმნის ჩვენს თავისუფლებას ევროპაში. უნდა დავიცვათ თავი და ჩვენი ბალტიისპირელი პარტნიორები ამისგან, მათ შორის, შეკავების საშუალებების გაძლიერებით“, – აღნიშნა ბერბოკმა.

მისი განმარტებით, ნებისმიერი სხვაგვარი საქციელი იქნება „არა მხოლოდ უპასუხისმგებლო, არამედ გულუბრყვილო ქმედება ცივსისხლიანი კრემლის წინაშე“.

ანალენა ბრბოკის თქმით, ბერლინს მოსკოვთან განსხვავებული ურთიერთობა სურს, მაგრამ პუტინის რუსეთი ამჟამად ყველაზე დიდ საფრთხეს წარმოადგენს უსაფრთხოებისთვის. ბოლო წლებში კრემლმა გაანადგურა შეიარაღებასთან დაკავშირებული საერთაშორისო ხელშეკრულებები და გაანადგურა პან-ევროპული მშვიდობის არქიტექტურა.

„ამით მოსკოვი ჩვენს შეშინებას, ზეწოლას და ჩვენი საზოგადოების გაყოფას ცდილობს“, – დასძინა გერმანიის საგარეო საქმეთა მინისტრმა.

შეგახსენებთ, ვაშინგტონში ჩრდილოატლანტიკური ალიანსის სამიტზე ცნობილი გახდა, რომ გერმანიაში ამერიკული შორ მანძილზე მოქმედი რაკეტები გერმანიაში 2026 წლიდან პერიოდულად განთავსდება. ამ ნაბიჯის საპასუხოდ, კრემლმა განაცხადა, რომ რუსეთს „საკმარისი პოტენციალი აქვს ამ რაკეტების შესაჩერებლად“.

საქართველოს მთავრობა ძალიან შორს წავიდა – ჩვენ უნდა შევუზღუდოთ კანდიდატის სტატუსი, თუკი ის არ გადაწყვეტს, გაატაროს ღირებულებები, რომლებსაც ყველა ვიზიარებთ – ლატვიის პრეზიდენტი

საქართველოს მთავრობა ძალიან შორს წავიდა, – ამის შესახებ “ამერიკის ხმის” ქართულ რედაქციას ლატვიის პრეზიდენტმა ედგარს რინკევიჩმა განუცხადა.

კერძოდ, რიკენვიჩსმა უპასუხა კითხვას, რომ ვაშინგტონის სამიტის დეკლარაცია, წინა წლებისგან განსხვავებით, აღარ იმეორებს დაპირებას, რომ საქართველო ალიანსის წევრი გახდება, თუნდაც დემოკრატიული თუ თავდაცვის რეფორმების გატარების შემდეგ, როგორც ეს ადრე, არაერთ კომუნიკეში იყო განმარტებული, რას ნიშნავს ეს?

რინკევიჩსის თქმით, საქართველომ გადაწყვიტა, რომ შეუძლიათ იცხოვრონ ნატოსა და ევროკავშირის წევრობის გარეშე.

„ეს ნიშნავს, რომ საქართველოს მთავრობა ძალიან შორს წავიდა, ვფიქრობ, რომ „უცხოეთის აგენტების“ კანონით, საკუთარი საზოგადოების, ევროკავშირისა და ნატოს ყველა მოწოდების იგნორირებით, მათ გადაწყვიტეს, რომ შეუძლიათ იცხოვრონ ნატოსა და ევროკავშირის წევრობის გარეშე. დიახ, ფორმალურად საქართველო კანდიდატი ქვეყანაა, მაგრამ, მოდით თვალი გავუსწოროთ ამას, ჩვენ უნდა შევუზღუდოთ კანდიდატის სტატუსი საქართველოს, თუკი ის არ გადაწყვეტს, რომ გაატაროს ის საერთო ღირებულებები, რომლებსაც ჩვენ ყველა ვიზიარებთ. თუ ამას არ აკეთებ, არ ხარ ამ კლუბის ნაწილი. ეს შენი სუვერენული გადაწყვეტილებაა”, – აღნიშნა პრეზიდენტმა რინკევიჩსმა.

მისივე თქმით, ნატოს წევრობა არაა მხოლოდ პოლიტიკური საკითხი. ეს კრიტერიუმებს ეფუძნება.

„არსებობს შესანიშნავი დოკუმენტი, ნატოს გაფართოების შესახებ 1995 წლის კვლევა, რომელიც დემოკრატიის, კანონის უზენაესობის, ადამიანის უფლებათა პატივისცემის, ჯარზე სამოქალაქო კონტროლის და სხვა საკითხებს ეფუძნება.

თუკი რომელიმე ქვეყანას სურს გახდეს ნატოსა და ევროკავშირის წევრი და ის არ აკმაყოფილებს შესაბამის კრიტერიუმებს, ეს არჩევანია, ამ ქვეყნის სუვერენული არჩევანი. მაგრამ წევრი სახელმწიფოების სუვერენული არჩევანია ისიც, რომ აღარ გააგრძელონ ეს პროცესი.

მე ვიმედოვნებ, რომ საქართველო სერიოზულად გადახედავს ზოგიერთ კანონმდებლობას, და თუ ეს ასე არ მოხდა, ნუ ელოდებით ჩვენგან იმის შესაძლებლობის განხილვას, რომ საქართველოსთან პროცესი გაგრძელდეს.

ეს არ ეხება [კანდიდატი ქვეყნების თაობაზე] შეუქცევად თუ შექცევად გადაწყვეტილებას. ეს ეხება იმას, რომ კანდიდატმა ქვეყნებმა იმ ორგანიზაციების კრიტერიუმები და პირობები უნდა შეასრულონ, რომელთა ნაწილად ყოფნაც სურთ“, – დასძინა მან.

ლატვიის პრეზიდენტის თქმით, „ჩვენ არ შევეგუებით საერთო ღირებულებებიდან და შეთანხმებული პოლიტიკიდან გადახვევას.“

„ ეს მართლაც საქართველოს არჩევანია. ქართველი ხალხის ნაცვლად, ჩვენი გადასაწყვეტი არაა, მათ როგორი ქვეყნის აშენება სურთ. პირადად მე სრულად ვცემ პატივს ნებისმიერ არჩევანს, რომელსაც ქართველი ხალხი მოახლოებულ არჩევნებზე გააკეთებს. ქართველმა ხალხმა უნდა შეხედოს სხვადასხვა პარტიის შეთავაზებას.

მე არ მინდა საქართველოს პოლიტიკაში ჩარევა, მაგრამ სადაც ლატვიას ხმის უფლება აქვს – ნატოში იქნება ეს თუ ევროკავშირში, ჩვენი პოზიცია ძალიან მტკიცეა: თუკი ქვეყანა არ აკმაყოფილებს კრიტერიუმებს, არ აგრძელებს ევროპული და ევროატლანტიკური ინტეგრაციის გზას, მაშინ ნატოსა და ევროკავშირის წევრ ქვეყნებს შეუძლიათ თავიდან შეაფასონ (გადააფასონ) მათი თანამშრომლობა, მათი დახმარების პროგრამები.

ჩვენ მოგვისმენია, რომ საქართველოს ოფიციალური პირები უსაფრთხოებისა და თავდაცვის კუთხით გარკვეულ გამოწვევებზე საუბრობდნენ. თუკი ისინი ფიქრობენ, რომ ევროინტეგრაციის და ევრო-ატლანტიკური ინტეგრაციიდან გადახვევა არის გზა, რომლითაც ისინი საკუთარ უსაფრთხოებას გააუმჯობესებენ, მაშინ ესაა მათი ახსნა საზოგადოებისთვის. მე მხოლოდ იმის თქმა შემიძლია, რომ მზად ვართ გავაგრძელოთ საქართველოსთან თანამშრომლობა და მისი მხარდაჭერა, თუკი საქართველო მზადაა გააგრძელოს იმ ღირებულებების დაცვა, რომელსაც ჩვენ ყველა ვიზიარებთ.

მაგრამ ის, უსაფრთხოების კუთხით რა შედეგები მოჰყვება ამა თუ იმ გადაწყვეტილებას, ამაზე პასუხის გაცემას საქართველოს მთავრობას მივანდობდი“, – დასძინა რინკევიჩსმა.

მე დემოკრატიისთვის ნასროლი ტყვია მივიღე – დონალდ ტრამპი

აშშ-ის ყოფილი პრეზიდენტისა და „რესპუბლიკელების“ საპრეზიდენტო კანდიდატის, დონალდ ტრამპის განცხადებით, გასულ კვირას მან დემოკრატიისთვის ნასროლი ტყვია მიიღო.

“მე ახლა აქ არ უნდა ვიყო, მაგრამ რაღაც განსაკუთრებული მოხდა. გასულ კვირას მე დემოკრატიისთვის ნასროლი ტყვია მივიღე“, – აღნიშნა ტრამპმა მიჩიგანში, წინასაარჩევნო კამპანიის ფარგლებში მხარდამჭერებთან გამართულ შეხვედრაზე.

ტრამპის თქმით, „დემოკრატები“ მას დემოკრატიისთვის საფრთხის შექმნაში ადანაშაულებენ. ყოფილი პრეზიდენტის მტკიცებით, მზადაა, თეთრი სახლი დაიბრუნოს.

”ჩვენ ერთად ვიბრძოლებთ, ვიბრძოლებთ, ვიბრძოლებთ, არა? და ჩვენ გავიმარჯვებთ, გავიმარჯვებთ, გავიმარჯვებთ“, – მიმართა ტრამპმა გრანდ-რეფიდსში შეკრებილ ათასობით მხარდამჭერს.

აღსანიშნავია, რომ ეს მხარდამჭერებთან დონალდ ტრამპის პირველი წინასაარჩევნო შეხვედრა იყო მის მიერ დასახელებულ ვიცე-პრეზიდენტობის კანდიდატ ჯეი დი ვენსთან ერთად და ასევე პირველი მას შემდეგ, რაც მას პენსილვანიაში გამართულ შეხვედრაზე ესროლეს.

რუსი ოკუპანტების მიერ გაშვებული 39 “შაჰიდიდან” 35 ჩამოვაგდეთ – უკრაინის საჰაერო ძალები

უკრაინის საჰაერო ძალების ცნობით, გასულ ღამეს რუსეთის მიერ გაშვებული 39 “შაჰიდის” ტიპის დრონიდან 35 ჩამოაგდეს. ასევე, რუსეთმა უკრაინას 3 ბალისტიკური რაკეტით “ისკანდერ-მ”-ით და 2 Kh-59/69 მართვადი საჰაერო რაკეტით შეუტია. აქტიური კონტრზომების წყალობით, მტრის მართვადმა საჰაერო რაკეტებმა Kh-59/69 სამიზნეებამდე ვერ მიაღწია.

გავრცელებული ინფორმაციით, საზენიტო თავდაცვა მუშაობდა სუმის, პოლტავას, კიევის, ჩერნიგოვის, ხერსონის, დნიპროპეტროვსკის, დონეცკის, მიკოლაევის, ოდესისა და ჩერკასის რეგიონებში.

უწყების ცნობით, თავდასხმის მოგერიებაში ჩართული იყო ავიაცია, საზენიტო-სარაკეტო ნაწილები, მობილური სახანძრო ჯგუფები და ელექტრონული ომის დანაყოფები.

,,მატყუარა ტელევიზია ისევ ცდილობს შეცდომაში შეიყვანოს მოსახლეობა”- დიმიტრი ხუნდაძე

„ხალხის ძალის“ გენერალური მდივანი დიმიტრი ხუნდაძე სოციალურ ქსელში ეხმიანება ერთ-ერთი ტელეკომპანიის ეთერში გასულ ცილისმწამებლურ სიუჟეტს, სადაც საუბარია, თითქოს სახელმწიფომ ხუნდაძეს სიმბოლურ ფასად, ერთ ლარად გადასცა მიწა მცხეთის რაიონში. სინამდვილეში, ხუნდაძის განცხადებით, მას მცხეთის შემოგარენში არსებული ხსენებული მიწა სახელმწიფომ გადასცა მცხეთის ცენტრში არსებული მისი საკუთრების სანაცვლოდ, ადგილმონაცვლების პრინციპით, კანონმდებლობის სრული დაცვით.

„მატყუარა ტელევიზია ისევ ცდილობს შეცდომაში შეიყვანოს მოსახლეობა და ქალაქ მცხეთის, როგორც კულტურული მემკვიდრეობის, სასარგებლოდ მიღებული გადაწყვეტილება დარღვევად გაასაღოს. 2009 – 2010 წლებში, ნაც.მოძრაობის ხელისუფლებაში ყოფნის დროს, მოსახლეობაზე (დაახლოებით 80 ოჯახზე), რომლის ერთ-ერთი წარმომადგენელი მეც გახლდით, აუქციონის წესით, მიყიდულ იქნა სასახლკარე ნაკვეთები. ის უშუალოდ ქალაქის ცენტრში, ისტორიულ ნაწილში მდებარეობდა.

აღნიშნული ფართები საცხოვრებლად დაუშვებლად მიიჩნია იუნესკომ, რაც წლების მანძილზე გადაუჭრელ პრობლემად რჩებოდა. მოსახლეობა მოტყუებული აღმოჩნდა. დარგის სპეციალისტების მოთხოვნით, შესაბამის უწყებებთან შეთანხმებით მცხეთელებისთვის სანაცვლოდ ქალაქის განაპირა ზოლის ნაწილი შეირჩა, რომელიც ისტორიულ – არქეოლოგიურ ნაწილს არ წარმოადგენს და ეკუთვნის განაშენიანების რეგულირების ზონას. ეს არ არის თავდაცვის უწყების ტერიტორია. მიუხედავად ჩემი არაერთი შეთავაზებისა, მათ შორის საპარლამენტო ტრიბუნიდან (მიმდინარე წლის 8 თებერვალს) მესაკუთრეთა დიდი ნაწილი ჯერ კიდევ უარს აცხადებს ადგილმონაცვლეობაზე,რადგან ისინი ქალაქის ცენტრში ამჯობინებენ ყოფნას, ზოგმა კი ამ შეთავაზების გამოყენება უკვე დაიწყო.

დიახ, მე გახლდით ინიციატორი, რომ ადგილმონაცვლეობის საშუალება გაგვეჩინა მოსახლეობისთვის და კულტურული მემკვიდრეობის დაცვის სასარგებლოდ, საკუთრების სახელმწიფოსთვის დაბრუნების პროცესშიც ერთ-ერთი პირველი მაგალითის მიმცემიც თავად ვყოფილიყავი. სახელმწიფოს, ფულადი ანაზღაურების გარეშე, დავუბრუნეთ ქალაქის ცენტრში კუთვნილი ქონება. მატყუარა ტელევიზია ამაზე ბუნდოვნად საუბრობს. 25 წლის წინ შეძენილი და ახლა დაბრუნებული მიწის ნაკვეთების სანაცვლოდ, სახელმწიფომ ქალაქის განაპირა ზოლში, უსასყიდლოდ გადმოგვცა შედარებით ნაკლებად ღირებული, ქონების თანაწონადობის პრინციპის გათვალისწინებით, მიწის ფართები. რაც შეეხება მცხეთელებზე ჩემს დახმარებას, დიახ, მე დავეხმარე ჩემს ნაცნობსაც, უცნობსაც „სუსის ახლობელსაც” სასულიერო პირსაც, ექიმსაც და დავეხმარები ნებისმიერ ადამიანს, ვისაც კანონიერი გზით ეკუთვნის ამ პროცესში მონაწილეობა. კანონიერი დახმარება ჩემი პირდაპირი ვალდებულებაა.

ასევე, პირადად ვმუშაობ სხვა ალტერნატივაზეც და გენგეგმის შემუშავებაზეც, რომ მორატორიუმი, რომელიც მოსახლეობას დღემდე მძიმე ტვირთად აწევს, წლის ბოლომდე, რაც შეიძლება სწრაფად დასრულდეს. გენგეგმის მნიშვნელოვანი ნაწილი საკრებულოს მიერ უკვე დამტკიცებულია და შემდეგი ეტაპებიც მალე დასრულდება. ქალაქისა და მოსახლეობის ინტერესებს კი, ვისგანაც არ უნდა იყოს ის დასაცავი, ყოველთვის დავიცავ. მატყუარა ტელევიზიის მიერ გაშვებული სიუჟეტი კი წინასაარჩევნოდ საზოგადოების შეცდომაში შეყვანას ემსახურება და მეტს არაფერს. მცხეთის მოსახლეობას კი, კიდევ ერთხელ მოვუწოდებ, ისარგებლონ ახლა ამ შესაძლებლობით. მალე შემოთავაზებული იქნება სხვა ალტერნატივებიც“, – წერს ხუნდაძე.

21 ივლისის ასტროლოგიური პროგნოზი

ვერძი

გირჩევთ, ამ დღეს ნაკლები იაქტიუროთ და შემდგომი მუშაობისთვის ძალები დაზოგოთ. მარტოხელა ვერძი შეიძლება საინტერესო ადამიანს შეხვდეს და დაიწყოს ურთიერთობა, რომელიც მისთვის შთაგონების წყარო გახდება. დროა, მასაჟისტთან წასვლა დაგეგმოთ. სასიამოვნო პროცედურები ენერგიის აღდგენაში და ფიზიკური ფორმის გაუმჯობესებაში დაგეხმარებათ.

კურო

თუ ერთფეროვანი და მოსაწყენი საქმით დაიღალეთ, გირჩევთ გონება კროსვორდების ამოხსნით გაავარჯიშოთ. ამ დღეს საყოფაცხოვრებო საკითხის მოგვარება და საყვარელ ადამიანებზე ზრუნვაც მოგიწევთ. საკუთარი ემოციები აკონტროლეთ, აუჩქარებლად იმუშავეთ, საქმეს თანმიმდევრულად მიჰყევით და შესრულებული სამუშაო შეამოწმეთ, რომ შეცდომა არ გაგეპაროთ.

ტყუპები

ამ დღეს შეიძლება ზოგიერთ საკითხზე შეხედულება შეგეცვალოთ, რაც საშუალებას მოგცემთ, სამყარო და საკუთარი შესაძლებლობები განსხვავებული რაკურსიდან დაინახოთ. ახლა ყველაზე მეტად საკუთარი თავის რწმენა გჭირდებათ, რადგან თქვენს შეხედულებებს ყველა არ იზიარებს. ზოგს ისინი ზედმეტად ამბიციური ეჩვენება, მაგრამ თქვენ საკუთარ წარმატებაში დარწმუნებული უნდა იყოთ.

კირჩხიბი

ამ დღეს ყველა სხვა პრობლემა უნდა დაივიწყოთ და მთელი ყურადღება ოჯახზე უნდა გაამახვილოთ. სხვა შემთხვევაში, შეიძლება საყვარელი ადამიანები ძალიან გაანაწყენოთ. თქვენი სიბრძნე და გამოცდილება დაგეხმარებათ, ოჯახის ყველაზე რთული პრობლემებიც კი სწრაფად მოაგვაროთ. ვარსკვლავები გირჩევენ, რომ საკუთარი პრინციპები და შეხედულებები დაიცვათ. ნურავის მისცემთ უფლებას, რომ თავის ჭკუაზე გატაროთ.

ლომი

სიმშვიდეს და განმარტოებას დილიდან უშედეგოდ ეძებთ. გირჩევთ, ოჯახის წევრებს აუხსნათ, რომ სამუშაო კვირის ბოლოს ძალების აღდგენისთვის მყუდრო გარემოში განმარტოება გჭირდებათ. კარგი იქნება, თუ დაძაბულობას პოზიტიური განწყობით, იუმორით და კომპლიმენტებით განმუხტავთ. ეს ურთიერთობის გაღრმავებაში და სასურველი შედეგის მიღწევაში დაგეხმარებათ.

ქალწული

შესაძლოა, დილიდან შინაგანმა დაძაბულობამ და შფოთვამ შეგიპყროთ. ეს პლანეტების გავლენით ხდება. გარდა ამისა, უამრავი წვრილმანი პრობლემა გელით, რაც გაიძულებთ ყურადღება ძირითადი ამოცანებიდან მეორეხარისხოვან საკითხებზე გადაიტანოთ. მეგობრებთან შეხვედრა და გულწრფელი საუბარი სტრესის მოხსნაში დაგეხმარებათ და ენერგიით აგავსებთ.

სასწორი

დიპლომატიური უნარები და თავდაჭერილობა არა მარტო საქმიან პარტნიორებთან, საყვარელ ადამიანებთან ურთიერთობაშიც გჭირდებათ. მოთმინება გამოიჩინეთ და ოჯახის წევრებს შექმნილი ვითარების შესახებ გაღიზიანების გარეშე ესაუბრეთ. ეს დაგეხმარებათ, რომ ურთიერთგაგებას სწრაფად მიაღწიოთ. ხელსაყრელი დროა სამომავლოდ გადადებული საქმეების დასრულებისთვის, მით უმეტეს, რომ ენერგიით სავსე ხართ.

მორიელი

ეს დღე გაიძულებთ, რომ ლიდერის როლი მოირგოთ. მიუხედავად იმისა, რომ ასეთი სცენარი არ მოგწონთ, ის საშუალებას მოგცემთ, სიტუაცია აკონტროლოთ და შეცდომები თავიდან აიცილოთ. ეცადეთ, თქვენი მისამართით გამოთქმული უსაფუძვლო შენიშვნები და უსამართლო კრიტიკა გულთან ახლოს არ მიიტანოთ. ოთხ კედელში ნუ დარჩებით, ახალ ადგილებს ეწვიეთ და საინტერესო ადამიანებს დაუკავშირდით – მათგანი ერთ-ერთი მომავალში დაგეხმარებათ.

მშვილდოსანი

ეცადეთ ამ დღეს ყველა სადავო საკითხი მოაგვაროთ და ოპონენტებთან კომპრომისს მიაღწიოთ. კარგი იქნება, თუ დაძაბულობას პოზიტიური განწყობით, იუმორით და კომპლიმენტებით განმუხტავთ. ეს ურთიერთობის გაღრმავებაში და შედეგის მიღწევაში დაგეხმარებათ. თუ მოსალოდნელ რისკებს გაითვალისწინებთ, შეიძლება შეცდომები თავიდან აიცილოთ.

თხის რქა

შეეგუეეთ, რომ ამ დღეს ბევრი რუტინული სამუშაო გელოდებათ. რა გაეწყობა, ზოგჯერ ისეთი რამის გაკეთება გვიწევს, რასაც კმაყოფილება არ მოაქვს. ჩათვალეთ, რომ ეს თქვენი გამძლეობისა და შრომისმოყვარეობის გამოცდაა. საღამოს შორიდან მოსული სიახლეები სასიამოვნოდ გაგაოცებთ. გირჩევთ, სათადარიგო გეგმა მოამზადოთ, რათა ძირითადის შეფერხების შემთხვევაში, დრო არ დაკარგოთ.

მერწყული

შეიძლება შენიშნეთ, რომ ბოლო დროს მუდმივად სხვადასხვა სირთულეს და დაბრკოლებას აწყდებით. პლანეტების განლაგება გამოწვევებით სავსე პერიოდს გპირდებათ, მაგრამ მალე უსიამოვნებების წყებას უფრო ხელსაყრელი პერიოდი ჩაანაცვლებს. პირად ურთიერთობებში ეძებეთ კომპრომისები და საყვარელ ადამიანებზე ზეწოლას მოერიდეთ.

თევზები

ცხოვრება თქვენგან პირდაპირ და გადამწყვეტ მოქმედებას მოითხოვს – თვისებას, რომელსაც საკუთარ თავში ვერ გრძნობთ. ამ დღეს გადაწყვეტილების მიღების საჭიროება ისე გააღიზიანებთ, როგორც არასდროს. სჯობს, ამ დღისთვის სერიოზული გეგმები არ დაისახოთ და, თუ შესაძლებელია, საქმის დასრულება სამომავლოდ გადადოთ.

როდემდე შენარჩუნდება გრილი ამინდები – პროგნოზი ქალაქების მიხედვით

სინოპტიკოსების პროგნოზით, უახლოეს დღეებში ხანმოკლე წვიმა, ელჭექი, ზოგან სეტყვა და ქარია მოსალოდნელი. 20-22 ივლისის მოსალოდნელი ამინდის შესახებ ინფორმაციას გარემოს ეროვნული სააგენტო ავრცელებს.

21 ივლისის დილამდე საქართველოში შენარჩუნებული იქნება დროგამოშვებით წვიმიანი ამინდი, ზოგან შესაძლებელია სეტყვა და ქარის გაძლიერება.

21-22 ივლისს კი ხანმოკლე წვიმა მოსალოდნელია მხოლოდ ცალკეულ რაიონში. ჰაერის ტემპერატურა ისევ მოიმატებს.

თბილისში 20-21 ივლისს მოსალოდნელია ხანმოკლე წვიმა ელჭექით. 22 ივლისს უნალექო ამინდი იქნება. ჰაერის ტემპერატურა დღისით +30, +32 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი): 20 ივლისს მოსალოდნელია ხანმოკლე წვიმა ელჭექით, 21-22-ში კი უნალექო ამინდი იქნება. ჰაერის ტემპერატურა დღისით +28, +30 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 20 ივლისს მოსალოდნელია ხანმოკლე წვიმა ელჭექით, 21-22-ში კი ცხელი და უმეტესად უნალექო ამინდი იქნება. ჰაერის ტემპერატურა დღისით +32, +34 გრადუსი დაფიქსირდება.

დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +30, +32 გრადუსი იქნება.

დასავლეთ საქართველოს მაღალმთიან რეგიონებში (მესტია, ბახმარო): მოსალოდნელია ხანმოკლე წვიმა ელჭექით. ჰაერის ტემპერატურა +27, +29 გრადუსი იქნება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): 20-21 ივლისს მოსალოდნელია ხანმოკლე წვიმა ელჭექით. 22 ივლისს უნალექო ამინდი იქნება ჰაერის ტემპერატურა დღისით +31, +33 გრადუსი იქნება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 20-21 ივლისს მოსალოდნელია ხანმოკლე წვიმა ელჭექით, ზოგან შესაძლებელია სეტყვა და ქარის გაძლიერება. 22 ივლისს უნალექო ამინდი იქნება. ჰაერის ტემპერატურა დღისით +31, +33 გრადუსი იქნება.

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +28, +30 გრადუსი იქნება.

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +20, +22 გრადუსი იქნება.

,,ვფიქრობ, რომ გადაუწყვეტელი ამომრჩეველი “ქართულ ოცნებას” მოემატება”- ირაკლი ქადაგიშვილი

“გადაუწყვეტელი ამომრჩეველი ძალიან ფართო მცნებაა. გადაუწყვეტელ ამომრჩეველში შედის “ლელოს” ამომრჩეველიც, გახარიას ამომრჩეველიც და იმ 12-14 პარტიის ამომრჩეველიც, ვინც ამ პატარ-პატარა პარტიებს ასაზრდოებს”, –  ამის შესახებ საპროცედურო საკითხთა და წესების საპარლამენტო კომიტეტის თავმჯდომარე ირაკლი ქადაგიშვილმა “შაბათის ქრონიკასთან” ინტერვიუში განაცხადა.

მისივე თქმით, ამასთან, არის რაღაც ნაწილი გადაუწყვეტელი ამომრჩევლის, რომელიც ამა თუ იმ მიზეზის გამო, არ მოდიოდა არჩევნებზე.

ამ შემთხვევაში, ვფიქრობ, რომ გადაუწყვეტელი ამომრჩეველი, ყოველ შემთხვევაში, მოემატება „ქართულ ოცნებას“ და რატომ? ამის ერთ-ერთი მთავარი მიზეზი ის არის, რომ ეს გადაუწყვეტელი ამომრჩეველი ხედავს, რომ ამ ქვეყანაში სტაბილურობას შეიძლება შეეხოს ძალიან დიდი საფრთხე. ანუ, ის სატყუარა, რომ „ქართული ოცნება“ არის რაღაც ტოტალიტარიზმი, ხალხი ხედავს, რომ ეს ასე არ არის. ხალხი ხედავს იმას, რომ თუ ეს რადიკალები ხელისუფლებაში მოვლენ, ეს გამოიწვევს საქართველოს სწრაფ, ხშირად ეს ტერმინი გამოიყენება ხოლმე, უკრაინიზაცია-მოლდავიზაციის გზაზე წასვლას, როდესაც ქვეყნებში უმძიმესი მდგომარეობაა, მაგრამ სამაგიეროდ, პოლიტიკურ ტაშს უკრავენ. რეალური ცხოვრება ამ ქვეყნებში ასეთია, საშინელება ტრიალებს აგრესიის შედეგად და აბსოლუტურად, ასე ვთქვათ, გაყინულია განვითარებაში.

ეს გვაძლევს ჩვენ გადაუწყვეტელი ამომრჩევლის მოზიდვის საშუალებას, იმიტომ, რომ გადაუწყვეტელ ამომრჩეველს ყოველთვის უფრო მძაფრი რამ სჭირდება, რის გამოც შენ მხარი უნდა დაგიჭიროს. ის ტრადიციული ჩვენი ამომრჩეველი, რომელიც 50 პროცენტის ფარგლებში ტრიალებს, ყველა არჩევნებში ჩვენ მყარად გვყავს შენარჩუნებული“, – აღნიშნა ირაკლი ქადაგიშვილმა.

,,ისინი ჩვენს პოლიტიკურ ცხოვრებაში ჩარევას და ოპოზიციის დაფინანსებას ცდილობდნენ”- ილჰამ ალიევი

აშშ-სთან ჩვენს ურთიერთობაში იყო გარკვეული აღმავლობის და დაცემის პერიოდები, რაც ჩვენი ბრალი არ იყო. ისინი ცდილობდნენ, ჩარეულიყვნენ ჩვენს პოლიტიკურ ცხოვრებაში, ცდილობდნენ პოლიტიკური ოპოზიციის დაფინანსებას, – ამის შესახებ აზერბაიჯანის პრეზიდენტმა, ილჰამ ალიევმა შუშის გლობალურ მედიაფორუმზე განაცხადა.

აზერბაიჯანის პრეზიდენტმა ისაუბრა აშშ-სთან ურთიერთობებზე და თქვა, რომ რესპუბლიკელების ადმინისტრაციებთან ქვეყნის ურთიერთობები იყო წარმატებული და შედეგებზე ორიენტირებული.

„ჩვენ გვქონდა ძალიან ეფექტიანი თანამშრომლობა პრეზიდენტ ტრამპის დროს. ისინი აგებული იყო ურთიერთპატივისცემაზე და ურთიერთდახმარებაზე. ჩვენი ურთიერთობა შეერთებულ შტატებთან ყოველთვის სტაბილური იყო. იყო გარკვეული აღმავლობის და დაცემის პერიოდები, რაც ჩვენი ბრალი არ იყო. იმის გამო, რომ ისინი ცდილობდნენ, ჩარეულიყვნენ ჩვენს პოლიტიკურ ცხოვრებაში, ცდილობდნენ პოლიტიკური ოპოზიციის დაფინანსებას”, – განაცხადა ილჰამ ალიევმა.

სენატორი ბობ მენენდესის ერთ-ერთი ბრალდების თანახმად, მან მეუღლესთან ერთად, ასობით ათასი დოლარი და ოქროს ზოდები მიიღო 

სენატორი ბობ მენენდესი, აშშ-ის სენატის საგარეო ურთიერთობათა კომიტეტის ყოფილი თავმჯდომარე, დამნაშავედ ცნეს მის ფედერალურ კორუფციულ საქმეში, სხვა საკითხებთან ერთად, ქრთამის აღების, მართლმსაჯულების ხელის შეშლისა და ეგვიპტის საგარეო აგენტის როლში მოქმედებისთვის. ეს პირველი შემთხვევაა, როდესაც ამერიკელი სენატორი მსჯავრდებულია უცხოეთის აგენტის როლში.

საადვოკატო ფირმა Wiley სენატორის საქმესთან დაკავშირებით სტატიას აქვეყნებს, სადაც აღნიშნულია, რომ 2023 წლის სექტემბერში, სენატორ მენენდესს ფედერალურმა პროკურორებმა ბრალი წაუყენეს კორუფციის ბრალდებით, სავარაუდო ქრთამის აღებისთვის, რათა დახმარებოდა ნიუ ჯერსიში ბიზნესპარტნიორებს, რომლებიც ეგვიპტის მთავრობასთან იყვნენ დაკავშირებული. სენატორმა, მეუღლესთან, ნადინ მენენდესთან ერთად, მიიღო ასობით ათასი დოლარი და ოქროს ზოდები ნიუ ჯერსის ბიზნესმენებისგან იმის სანაცვლოდ, რომ მენენდესი ეგვიპტეში იარაღის გაყიდვას ხელს შეუწყობდა.

2023 წლის ოქტომბერში, ფედერალურმა პროკურორებმა წარადგინეს საბრალდებო დასკვნა ახალი ბრალდებების მიხედვით, რომ მენენდესმა შეთქმულება მოაწყო ცოლთან და ნიუ ჯერსის ორ ბიზნესმენთან ერთად, რათა ემოქმედათ უცხო ქვეყნის აგენტებად ეგვიპტისთვის და აშშ-ის მთავრობის საიდუმლო ინფორმაციის მიწოდებით ეგვიპტის ინტერესების წარმატებისთვის დახმარება გაეწიათ. ბრალდებები აღწერს მანჰეტენში, სადილზე გამართულ შეხვედრებს სენატორ მენენდესს, ნადინ მენენდესს, ბიზნესმენ ვაელ ჰანასა და ეგვიპტელ ჯერჯერობით უცნობ ოფიციალურ პირებს შორის, რომლის დროსაც გავრცელდა საიდუმლო ინფორმაცია.

Wiley-ის სტატიაში აღნიშნულია, რომ ფედერალური კანონი უკრძალავს საჯარო მოხელეებს, იმსახურონ უცხოელ აგენტად, თუნდაც ის რეგისტრირებული იყოს უცხოური აგენტების რეგისტრაციის აქტის (FARA) მიხედვით.

სენატორი მენენდესი 12 პირისგან შემდგარმა ნაფიც მსაჯულთა სასამართლომ წარდგენილ 16-ვე ბრალდებაში დამნაშავედ ცნო, მათ შორის, ქრთამის აღების, გამოძალვის და საჯარო მოხელის უცხო ქვეყნის აგენტად მოქმედებისთვის შეთქმულებაში.