თიბისი კონცეპტის მხარდაჭერით, სასტუმრო ტელეგრაფში, Tatuza Jazz Club იხსნება, რომელიც ლეგენდარული ბასისტის, თამაზ ყურაშვილის – თათუზას სახელს და მემკვიდრეობას ატარებს.

გახსნის საღამოს 16 სექტემბერს, 21:00 საათზე, სცენას მსოფლიო ჯაზის სამი დიდოსტატი – სტენლი კლარკი, ბექა გოჩიაშვილი და დენის ჩემბერსი დაიკავებენ.

ბილეთების შეძენა უკვე შასაძლებელია ბმულზე. თიბისი WM ვიზა ბარათით შეძენისას ბილეთზე მოქმედებს 20% ფასდაკლება, ხოლო თიბისი კონცეპტ ვიზა ბარათით შეძენისას კი მოქმედებს 15 % ფასდაკლება.

საქართველოში ჯაზი ყოველთვის სცდებოდა აკადემიურ საზღვრებს — ის იყო სულიერი ენა, იმპროვიზაციის პლატფორმა, თავისუფლების ხმა. საბჭოთა წლებშიც კი, როცა კონტროლი ყველაფერ განსხვავებულს ახშობდა, ჯაზი რჩებოდა წინააღმდეგობის სიმბოლოდ, სინათლესავით მღელვარედ გაჟღერებულ იმპულსად სიბნელეში.

ამ ისტორიაში გამორჩეული ადგილი უკავია თამაზ ყურაშვილს — უნიკალურ შემსრულებელს, მასწავლებელს და მოტივატორს, რომელმაც ათეულობით მუსიკოსის გზა განსაზღვრა. თათუზა გახდა ქართული ჯაზის მამა-დამფუძნებელი.

კლუბის კონცეფციაზე იმუყშავა ლეგენდარულმა ფრანგმა არქიტექტორმა და აკუსტიკოსმა Xavier Fabre-მა, რომელმაც შექმნა სივრცე განსაკუთრებული აკუსტიკისთვის საჭირო იშვიათი მასალებით. ინტერიერის დიზაინი ქართველმა დიზაინერმა ქეთუნა ყრუაშვილმა გააფორმა — იმპროვიზაციისა და კონცენტრირებული მოსმენის ატმოსფეროზე მორგებული სივრცე. კლუბის აუდიო სისტემაზე კი მსოფლიოში წამყვანმა ტექნოლოგიურმა ბრენდებმა — L-Acoustics და Meyer Sound (აშშ) იმუშავა.

Tatuza Jazz Club ითანამშრომლებს ცნობილ კულტურულ ორგანიზაციებთან და პრომოუტერებთან:

• Eastern Promotions — ცნობილი ქართული კომპანია რომელიც მრავალი წელია ქართული ჯაზ ფესტივალის უკან დგას
• Joel Chriss — ამერიკელი აგენტი და საერთაშორისო ჯაზ სცენის გავლენიანი ფიგურა
• ლაშა გოჩიაშვილი — ახალგაზრდა ქართველი პრომოუტერი, რომელიც კლუბის პროგრამულ და არტისტულ მიმართულებას უხელმძღვანელებს.

მათთან ერთად, კლუბი უმასპინძლებს მსოფლიოში ცნობილ ჯაზ არტისტებს და თბილისში ახალ მუსიკალურ ეპოქას დაიწყებს.

R

საქართველოს მთავრობა ევრობასკეტზე წარმატებული ასპარეზობისთვის ეროვნულ საკალათბურთო ნაკრებს 3 მილიონ ლარს გამოუყოფს და ევროპის ჩემპიონატზე ყოველი შემდგომი მოგებული თამაშისთვის ასევე 3 მილიონი ლარი დაწესდება, – ამის შესახებ საქართველოს პრემიერ-მინისტრმა ირაკლი კობახიძემ მთავრობის დღევანდელ სხდომაზე განაცხადა. 

მთავრობის მეთაურმა კალათბურთისა და ფეხბურთის ნაკრებებს გუშინდელი გამარჯვებები მიულოცა. 

„მინდა მივულოცო ჩვენს სპორტსმენებს გუშინდელი გამარჯვებები, ძალიან წარმატებული დღე იყო ჩვენი ქვეყნისთვის. მინდა, პირველ რიგში, კალათბურთელებს მივულოცო ისტორიული წარმატება, პირველად ევროპის რვა საუკეთესო გუნდს შორის მოხვდა ჩვენი ეროვნული ნაკრები.

მინდა თითოეულ კალათბურთელს და მთლიანად გუნდს, მათ შორის მწვრთნელებს გადავუხადო მადლობა ამ შთამბეჭდავი წარმატებისთვის. კალათბურთის ფედერაციას მინდა გადავუხადო მადლობა თავდადებისა და შრომის გარეშე ასეთი შედეგები არ მოდის. სამომავლოდ მინდა ვუსურვო წარმატებები. მნიშვნელოვანი მატჩები გველოდება წინ და დარწმუნებული ვარ, რომ შემდეგ თამაშებშიც წარმატება იქნება ჩვენს მხარეს. ასევე ფეხბურთელებს მინდა მივულოცო გუშინდელი გამარჯვება, შთამბეჭდავი გამარჯვება და მათაც მინდა წარმატება ვუსურვო მსოფლიო ჩემპიონატის შესარჩევ ტურნირში. 

რაც შეეხება კალათბურთელებს, გამომდინარე იქიდან, რომ ჩვენ გვაქვს ისტორიული შედეგი, გვინდა ეს შედეგი აღვნიშნოთ მთავრობის მხრიდან შესაბამისი ფულადი პრემიითაც და ვფიქრობთ, რომ 3 მილიონი ლარი გამოიყოს უკვე მიღწეული წარმატებისთვის და ყოველი შემდგომი მოგებული თამაშისთვის ევრობასკეტზე, ევროპის ჩემპიონატზე, ასევე დავაწესებთ 3 მილიონ ლარს. მიღწეული შედეგისთვის 3 მილიონი ლარი და ყოველი შემდეგი გამარჯვებისთვის 3 მილიონი ლარი. ასეთი პრემია იქნება დაწესებული”, – განაცხადა ირაკლი კობახიძემ.

31 აგვისტოს    თანამედროვე ქართული  ბრენდი Reckless 5 წლის გახდა. მისი შექმნა წარმატებული ბიზნესკომპანიების მსგავსად  100 დოლარით არ დაწყებულა,  არც  პრეზენტაციას მოუხიბლავს ინვესტორები.

შვილის დაკარგვის შემდეგ ტანსაცმლის ბრენდის დაარსება პანდორას ყუთის გახსნას ჰგავდა, სადაც ყველა მძაფრი, მტკივნეული ემოცია ერთად გატყდება თავს. „ჭრილობაზე მარილის დაყრას ჰგავდა ეს პროცესიო“, – ამბობს თავადაც სალომე გველესიანი. თუმცა, ჟანრის კანონია ისიც, რომ ამ ყუთის ძირში მთავარი – იმედი გასაზრდოებს.

პირველი კოლექციის ინსპირაცია სწორედ შვილის მიერ დატოვებული უამრავი მასალა აღმოჩნდა: მუსიკის, ნახატებისა და ანიმაციების სახით.  სალომეს სურვილი, ბრენდი ნიკუშას ხსოვნისთვის მიეძღვნა და თინეიჯერების აქამდე ჩუმი ხმა ფართო საზოგადოებას გაეგო, ასრულდა. 5 წელია, Reckless მოზარდების იდენტობის, სიხარულის, ზოგჯერ ტკივილის გამომხატველი გახდა.  უფრო მეტიც-კულტურული მოძრაობის ნაწილადაც იქცა.

„დამოუკიდებელ საქართველოში გაზრდილ ბავშვებზე მუდმივად იყო აღქმა თუ როგორი ლაღები და ფერადები იყვნენ, წვდომა ჰქონდათ ინტერნეტზე, სწავლობდნენ კერძო ან უცხოურ სკოლებში. მრავალი გიჟური ეპიტეთით ვამკობდით მათ. თუმცა, დაუცველობის შიში და შფოთი- ამ თაობისთვის თანმდევი აღმოჩნდა. ზოგადად საქართველოში  კომპლექსური პროდუქტის შექმნა დაუჯერებლად რთულია, მით უფრო, როდესაც საქმე  ტანსაცმლის ბრენდს ეხება. თუმცა ეს სირთულეები არაფერი იყო იმის ფონზე რაც ჩემს თავს ხდებოდა. ბევრად მსუბუქად გადავლახე რაღაცები ბიზნესის კუთხით“, – ამბობს სალომე.

ქართველების პირადი სივრცის უგულველყოფის თვისება და ის რომ არასდროს არავინ გტოვებს მარტო ( თუნდაც შენ ეს ძალიან გინდოდეს) ამ შემთხვევაში სალომეთვის მხარდაჭერად გარდაიქმნა. მის ირგვლივ დიდი ენთუზიაზმი ტრიალებდა, მეგობრები გულშემატკივრობდნენ,  აგულიანებდნენ. დღესაც, ქუჩაში ბევრს დაინახავთ 40 წლის ზემოთ ასაკის ადამიანებს, რომლებსაც პირველი კოლექციის მაისურები აცვიათ.

„წარმოგიდგენიათ ანუ როგორ უვლიან და უფრთხილდებიან, დღესაც რომ ატარებენ?“- მგონი,  თავადაც უკვირს სალომეს. თუმცა, რაში ეჭვიც არ ეპარება Reckless-ის ხარისხია.

ბრენდის გულწრფელობა და ხარისხის შენარჩუნება  გუნდისთვის უმთავრესია. პროფესიით მარკეტოლოგს, ბიზნესში ინტუიციის სჯერა. როცა მიხვდა, რომ რესურსი არ ჰყოფნიდა და ბრენდი ახალ სტრატეგიას საჭიროებდა, ბიზნესის განვითარებასთან დაკავშირებული პროცესები ახალ აღმასრულებელ დირექტორს თირნიკე აფრიდონიძეს გადააბარა. თორნიკეს ამ სფეროში მუშაობის დიდი გამოცდილება  აქვს და რექლესის ბრენდსაც კარგად იცნობდა. ორი წლის განმავლობაში თორნიკემ  სტრუქტურა ფუნდამენტურად შეცვალა. თიბისი ბიზნეს დაჯილდოების აპლიკაციის შევსება მისი ინიციატივა იყო. საქმისადმი დამოკიდებულებამ ჟიურიც მოხიბლა და “საუკეთესო პროდუქტის” ნომინაციაში მეორე ადგილი მიანიჭეს.

„ჩვენთვის ეს ჯილდო ბრენდის ლოკალური აღიარებაა. ნებისმიერი პლატფორმა, სადაც სათქმელს გააჟღერებ მნიშვნელოვანია“, -ამბობს თორნიკე.

მართალია, Reckless- ის აღმასრულებელ დირექტორს ზუსტად  ესმის ვინ არის Reckless სეგმენტი და ხედავს პოტენციურ ბაზარსაც, ხშირად თინეიჯერების ბუნება მაინც არაპროგნოზირებადია.

„მოზარდი არ არის კოსმოპოლიტური გაგება. ყველა ქვეყანაში სათქმელს სხვაგვარად გამოხატავენ, ამიტომ ძალიან რთულია ექსპანსია და იდენტობის გატანა. დავტესტეთ და ევროპულ ქვეყნებში street wear -მა არ გაამართლა, რადგან იქ უფრო პრეტაპორტე ტანსაცმელია აქტუალური.  ჩვენთვის აზიური ქვეყნები, იაპონია, კორეა მიმზიდველია. ეს ბიზნესი ფაქტობრივად ვა ბანკია. თუ ბრენდს მყარი საფუძველი არ აქვს ერთი სეზონის კოლექციამ შესაძლოა მისი მომავალი განსაზღვროს. მოდის ბრენდის სტრუქტურა დიდ ფინანსურ რესურსს მოითხოვს“- გვიხსნის ამ ბიზნესის თავისებურებებს თორნიკე.

Reckless-ზე საუბრისას სალომეც და თორნიკეც ბრენდისადმი ემოციურ ბმაზე ამახვილებენ ყურადღებას. თუმცა, ფაქტებიც არც თუ ისე  მშრალია.

2025 წელს  კომპანიამ მასშტაბური კოლაბორაცია დაგეგმა წამყვან ქართულ ბრენდებთან: თიბისი (Cannes Lions-ისთვის). Adjarabet-ის სპორტული ნაკრები, ZEG Festival და SportFest. Reckless-ის დიზაინერებმა Cannes Lions-ზე ვერცხლის მედალი მოიპოვეს მარკეტერის კატეგორიაში. Advan production თან თანაკოლაბორაციის შედეგად ბრენდის ვიდეო რგოლი დაშორთლისტდა Ad Black Sea-ის Craft და Berlin Fashion Film Festival-ის Short Fashion Movies კატეგორიაში.

5 წლის თავზე ეს შედეგები მართლაც წარმატებულია. რთულია პროგნოზირება როდესაც საქმე თინეიჯერებს ეხებათ,  მაგრამ ყველაზე უფრო რთული, რაც ამ სეგმენტში მომუშავე ბრენდებს ეხებათ, უკვე გადალახეს. მათ მოზარდები ენდობიან.

R

ვერ­ძი

შე­გიძ­ლი­ათ გა­ნა­ხორ­ცი­ე­ლოთ ნე­ბის­მი­ე­რი ფი­ნან­სუ­რი ტრან­ზაქ­ცია და გა­რი­გე­ბა – გახ­სნათ სა­ბან­კო ან­გა­რი­შე­ბი ან დე­პო­ზი­ტე­ბი, და­დოთ გრძელ­ვა­დი­ა­ნი კონ­ტრაქ­ტე­ბი და ხელი მო­ა­წე­როთ მნიშ­ვნე­ლო­ვან დო­კუ­მენ­ტებს, ასე­ვე აი­ღოთ ფუ­ლის სეს­ხი.

კურო

მცი­რე და­ზი­ა­ნე­ბე­ბის მა­ღა­ლი რის­კია, ამი­ტომ ფი­ზი­კუ­რი აქ­ტი­ვო­ბა უნდა შე­ამ­ცი­როთ. მეტი დრო და­უთ­მეთ პი­რა­დი ურ­თი­ერ­თო­ბე­ბის გა­უმ­ჯო­ბე­სე­ბას.

ტყუ­პი

არ მი­აქ­ცი­ოთ ყუ­რა­დღე­ბა გარ­შე­მო მყო­ფე­ბის­გან კრი­ტი­კას. აკე­თეთ თქვე­ნი საქ­მე, რაც წარ­მა­ტე­ბას მო­გი­ტანთ და ნუ მოც­დე­ბით გარ­თო­ბა­სა და არაფ­რის­მომ­ცემ კო­მუ­ნი­კა­ცი­ა­ზე.

კირჩხი­ბი

შე­გიძ­ლი­ათ ნე­ბის­მი­ერ თე­მა­ზე ისა­უბ­როთ კარგ ხა­სი­ათ­ზე მყოფ უფ­რო­სებ­თან, მაგ­რამ ყვე­ლა­ზე მნიშ­ვნე­ლო­ვა­ნია, ხელ­ფა­სის მო­მა­ტე­ბა მო­ი­თხო­ვოთ. ის მზად იქ­ნე­ბა და­აკ­მა­ყო­ფი­ლოს თქვე­ნი სურ­ვი­ლი.

ლომი

მშვე­ნი­ე­რი დღეა სახ­ლში დარ­ჩე­ნის­თვის რა­ი­მე კარ­გი სა­ბა­ბით, მი­უ­ხე­და­ვად იმი­სა, რომ ორ­შა­ბა­თია, და­ა­ლა­გეთ, მო­ამ­ზა­დეთ რა­ი­მე გემ­რი­ე­ლი და გა­ა­ტა­რეთ დრო საყ­ვა­რელ ადა­მი­ან­თან.

ქალ­წუ­ლი

თქვენ­თვის სა­უ­კე­თე­სო გა­მო­სა­ვა­ლი სუფ­თა ჰა­ერ­ზე გა­სე­ირ­ნე­ბა იქ­ნე­ბო­და: თუ ბუ­ნე­ბა­ში გას­ვლა არ შე­გიძ­ლი­ათ, შე­ე­ცა­დეთ უახ­ლო­ეს პარკში მა­ინც გახ­ვი­დეთ: სწო­რედ იქ მო­გი­ვათ შე­სა­ნიშ­ნა­ვი იდე­ე­ბი.

სას­წო­რი

პო­ზი­ტი­უ­რი ემო­ცი­ე­ბი ენერ­გი­ის წყა­რო იქ­ნე­ბა, რაც ასე აუ­ცი­ლე­ბე­ლია ცხოვ­რე­ბი­სა და სა­მუ­შა­ოს­თვის. დღეს აღ­სავ­სე იქ­ნე­ბა სა­ინ­ტე­რე­სო და სა­სი­ა­მოვ­ნო მოვ­ლე­ნე­ბით.

მო­რი­ე­ლი

წვე­უ­ლე­ბა ან სა­დღე­სას­წა­უ­ლო ვახ­შა­მი შე­იძ­ლე­ბა იყოს შე­სა­ნიშ­ნა­ვი მი­ზე­ზი იმ ადა­მი­ან­თან ურ­თი­ერ­თო­ბის გა­სა­უმ­ჯო­ბე­სებ­ლად, რო­მე­ლიც ოდეს­ღაც ახ­ლო­ბე­ლი იყო და შემ­დეგ და­შორ­დით. სა­სი­ა­მოვ­ნო ატ­მოს­ფე­რო­ში მშვი­დო­ბის დამ­ყა­რე­ბა უფრო ად­ვი­ლი იქ­ნე­ბა.

მშვილ­დო­სა­ნი

ყვე­ლა­ზე ცუდი, რაც დღეს შე­გიძ­ლი­ათ გა­ა­კე­თოთ, არის სა­ზო­გა­დო­ებ­რი­ვი აზ­რის მოს­მე­ნა და მისი გულ­თან მი­ტა­ნა. ეცა­დეთ, ისე იმოქ­მე­დოთ, რო­გორც სა­ჭი­როდ ჩათ­ვლით.

თხის რქა

დროა, თქვე­ნი დიდი ხნის ოც­ნე­ბა აიხ­დი­ნოთ – ნე­ბის­მი­ერ შემ­თხვე­ვა­ში, თუ დღეს პირ­ველ ნა­ბიჯს გა­დად­გამთ თქვე­ნი სა­ნუკ­ვა­რი მიზ­ნის­კენ, მა­შინ ყვე­ლა­ფე­რი შე­უ­ფერ­ხებ­ლად წავა – შე­საძ­ლოა, თქვე­ნი აქ­ტი­უ­რი მო­ნა­წი­ლე­ო­ბის გა­რე­შეც კი.

მერ­წყუ­ლი

დღეს და­წყე­ბუ­ლი ურ­თი­ერ­თო­ბა არა მხო­ლოდ ბედ­ნი­ე­რი, არა­მედ – რაც ძა­ლი­ან მნიშ­ვნე­ლო­ვა­ნია! – ხან­გრძლი­ვიც გახ­დე­ბა, ამი­ტომ ძა­ლი­ან მნიშ­ვნე­ლო­ვა­ნია ყვე­ლა ახალ ნაც­ნობს მაქ­სი­მა­ლუ­რი ყუ­რა­დღე­ბით მო­ე­პყროთ.

თევ­ზე­ბი

უკონ­ტრო­ლო ემო­ცი­ებ­მა შე­იძ­ლე­ბა სე­რი­ო­ზუ­ლი კონ­ფლიქ­ტი გა­მო­იწ­ვი­ოს იმ ადა­მი­ან­თან, რო­მელ­ზეც თქვე­ნი პრო­ფე­სი­უ­ლი კა­რი­ე­რა და მა­ტე­რი­ა­ლუ­რი კე­თილ­დღე­ო­ბაა და­მო­კი­დე­ბუ­ლი. ამი­ტომ, მაქ­სი­მა­ლუ­რად შე­ი­ნარ­ჩუ­ნეთ დიპ­ლო­მა­ტი­უ­რო­ბა.