ჩემთან ძალიან ახლოს არის მმართველი გუნდის ფასეულობები, შევეცდები, სამგორელების ხმა ვიყო საკანონმდებლო ორგანოში, – ამის შესახებ სამგორის ოლქში „ქართული ოცნების“ დელეგატმა, ვარლამ ლიპარტელიანმა საქართველოს პირველ არხთან განაცხადა.

მისივე თქმით, აუცილებელია თითოეული ადამიანის თანადგომა სარწმუნოებისა და ადათ-წესების დასაცავად.

„შევეცდები, ამ გამოწვევას გავართვა თავი. ჩვენს ქვეყანას აუცილებლად სჭირდება გვერდში დგომა, მხარდაჭერა ნებისმიერი ადამიანის მხრიდან. უალტერნატივოა ის მშვიდობა, რაც დღეს ჩვენ ყველაზე მეტად გვჭირდება. შევეცდები, სამგორის რაიონელების ხმა ვიყო და მაქსიმალურს გავაკეთებ, რათა მათი ხმა საკანონმდებლო ორგანომდე მივიტანო. სპორტი გვასწავლის ბრძოლის ჟინს, გამარჯვებისკენ სწრაფვას და დარწმუნებული ვარ, რომ აუცილებლად გავიმარჯვებთ.

ადვილი არ იყო ამ გადაწყვეტილების მიღება, რადგან მთელი ცხოვრება სპორტში ვიყავი. ძალიან ახლოს არის ჩემთან ის ფასეულობები, რომლებიც დღეს მმართველი გუნდის მიერ არის ხაზგასმული. აუცილებელია თითოეული ადამიანის თანადგომა, რათა დავიცვათ ადათ-წესები, ჩვენი ტრადიცია, სარწმუნოება და ა.შ. რეალურად, ეს ყველაფერი დღეს დასაცავია, რადგან უამრავი ძალისგან ხდება ამ ყველაფრის შეურაცხყოფა, დისკრედიტაცია. ვფიქრობ, რომ ყველას ჩართულობა საჭიროა, არ აქვს მნიშვნელობა, ეს სპორტსმენი იქნება თუ სხვა სფეროს წარმომადგენელი, ნებისმიერი ადამიანი უნდა გაერთიანდეს ამ სულისკვეთების გარშემო.

ჩემი პირველი ნაბიჯებია პოლიტიკაში და, რა თქმა უნდა, ნერვიულობაც ახლავს, მაგრამ მგონია, რომ თავს გავართმევ. სპორტი გვაძლევს საშუალებას, ძალასა და ენერგიას, რომ ყველა დაბრკოლებას, ყველა გამოწვევას გავუმკლავდეთ“, – აღნიშნა ლიპარტელიანმა.

საქართველოს პრემიერ-მინისტრმა და „ქართული ოცნების“ საარჩევნო შტაბის ხელმძღვანელმა, ირაკლი კობახიძემ დღეს თბილისის დელეგატები დაასახელა.

საკონსტიტუციო უმრავლესობით დამაჯერებელი გამარჯვება გვჭირდება, რომ ქვეყანა მშვიდობიანი განვითარების შეუქცევად გზაზე გავიყვანოთ, – ამის შესახებ „ქართული ოცნების“ წევრმა, ირაკლი ქადაგიშვილმა განაცხადა.

მისი თქმით, ქვეყანას რეალური ოპოზიცია სჭირდება, რომელიც ქვეყნის საუკეთესო ინტერესების გამომხატველი იქნება და ქვეყნისთვის უკეთესის შეთავაზება შეეძლება.

„საკონსტიტუციო უმრავლესობით დამაჯერებელი გამარჯვება იმისთვის გვჭირდება, რომ ქვეყანა მშვიდობიანი განვითარების შეუქცევად გზაზე გავიყვანოთ. ქვეყანას რეალური ოპოზიცია სჭირდება, რომელიც ქვეყნის საუკეთესო ინტერესების გამომხატველი და უკეთესი შემთავაზებელი იქნება. დავაკვირდეთ ამ ოპოზიციას, ქვეყნის ჯანჯღარის გარდა, თუ რამე შემოუთავაზებია ხალხისთვის ან ამ ქვეყნისთვის. დაუსრულებელია სია იმ საბოტაჟისა და მტრობისა, რაც მათ ქვეყნის წინააღმდეგ გასწიეს. „ქართულმა ოცნებამ“ მაქსიმუმი გააკეთა, რომ ამ პოლიტიკურ აქტორებს ზნე ეცვალათ, თუმცა მათ ზნე არ იცვალეს, 2008 წლამდე და 2008 წელს რა უბედურებაც ატრიალეს, ზუსტად იმავე უბედურების დატრიალების სურვილი აქვთ. დღევანდელ დღეს ყველას ეძლევა შანსი, მაგრამ როცა ყოველ ჯერზე შანსს ქვეყნის დასაზიანებლად იყენებ, პასუხისმგებლობის საკითხი დგება“, – განაცხადა ირაკლი ქადაგიშვილმა.

„ქართულმა ოცნებამ“ მაქსიმუმი გააკეთა იმისთვის, რომ ამ პოლიტიკურ აქტორებს ზნე ეცვალათ, მათ ზნე არ იცვალეს – რა უბედურებაც 2008 წლამდე და 2008 წელს ატრიალეს, ზუსტად იგივე უბედურების დატრიალების სურვილი აქვთ ახლა, – ამის შესახებ ჟურნალისტებს „ქართული ოცნების“ დეპუტატმა ირაკლი ქადაგიშვილმა განუცხადა.

როგორც ქადაგიშვილმა ამ კონტექსტში აღნიშნა, „ყველას ეძლევა შანსი, მაგრამ როცა შანსს ყოველ ჯერზე ქვეყნის დასაზიანებლად იყენებ, პასუხისმგებლობის საკითხი დგება“.

„პირველ რიგში, ჩვენ დამაჯერებელი გამარჯვება საკონსტიტუციო უმრავლესობით იმისთვის გვჭირდება, რომ ქვეყანა მშვიდობიანი განვითარების შეუქცევად გზაზე გავიყვანოთ. ქვეყანას რეალური ოპოზიცია სჭირდება, რომელიც ქვეყნის საუკეთესო ინტერესებს გამომხატველი და უკეთესი შემთავაზებელი იქნება. დავაკვირდეთ ამ ოპოზიციას – ქვეყნის ჯანჯღარის გარდა, თუ რაიმე შემოუთავაზებიათ ხალხისთვის ან ქვეყნისთვის. დაუსრულებელია სია იმ საბოტაჟისა და მტრობისა, რაც მათ ქვეყნის წინააღმდეგ გასწიეს“, – განაცხადა ირაკლი ქადაგიშვილმა.

ქადაგიშვილი იმასაც ამბობს, რომ სხვადასხვა ოპოზიციური გაერთიანებების სახით საქმე რეალურად ერთ დიდ „ნაციონალურ მოძრაობასთან“ გვაქვს, რომელიც გარკვეული ობიექტური თუ სუბიექტური მიზეზების გამო დაიშალა.

„დაშლილი „ნაციონალური მოძრაობის“ მცდელობაა, არჩევნებზე ამ თუ იმ კონფიგურაციით გავიდნენ – მათ არც სიახლე გააჩნიათ, არც ახალი ელექტორალური რესურსის მოზიდვის შანსი აქვთ. მათ გადაჯგუფებებს აზრი მხოლოდ შიდა ბრძოლაში აქვს, ქვეყნის მასშტაბით კი ამას განსაკუთრებული მნიშვნელობა ვერ ექნება“, – აღნიშნა ირაკლი ქადაგიშვილმა.

საარჩევნო ადმინისტრაცია აგრძელებს ელექტრონულ არჩევნებთან დაკავშირებით  ფართომასშტაბიან საინფორმაციო კამპანიას. ამჯერად, საარჩევნო სიახლეებისა და ელექტრონული ტექნოლოგიების შესახებ საინფორმაციო შეხვედრები ბაზრობებსა და ბაზრებში, მთელი საქართველოს მასშტაბით, ეტაპობრივად მიმდინარეობს.

ინფორმირების კამპანიის ფარგლებში, ცესკოს წარმომადგენლები მოქალაქეებს 2024 წლის არჩევნებისთვის მზადების პროცესისა და  ტექნოლოგიური სიახლეების შესახებ დეტალურ ინფორმაციას აწვდიან, ასევე იმართება საარჩევნო ელექტრონული ტექნოლოგიების დემონსტრაციაც, დაინტერესებულ პირებს საშუალება აქვთ პრაქტიკაში გამოსცადონ ვერიფიკაციისა და ხმის მთვლელი აპარატების მუშაობა. აღნიშნულ შეხვედრებს საარჩევნო ადმინისტრაციის წარმომადგენლები, საქართველოს მასშტაბით არსებული ბაზრობებისა და ბაზრების 31 ლოკაციაზე,  21-27 აგვისტოს პერიოდში განახორციელებენ.

აღსანიშნავია, რომ ამ დროისთვის ცესკოს მიერ გამართული საინფორმაციო შეხვედრების ფარგლებში ნახევარ მილიონზე მეტი ამომრჩეველი  საარჩევნო ელექტრონული ტექნოლოგიების მუშაობას პირადად გაეცნო და ნახა თუ როგორ მუშაობს საარჩევნო აპარატები. ინფორმირების მასშტაბური კამპანია საარჩევნო ადმინისტრაციამ საერთო არჩევნებამდე წლინახევრით ადრე დაიწყო.

ჩვენ გაცხადებულად ვამბობთ, რომ „ქართული ოცნების“ არჩევით ქართველი ხალხი იმ დაპირების შესრულებას მიიღებს, რაც „ნაციონალური მოძრაობის“ გასამართლებას გულისხმობს! „ქართული ოცნება“ ზუსტადაც ამ დაპირების შესასრულებლად მოვა და ზუსტადაც ეს იქნება დემოკრატიის ნაწილი! ნუ შეეცდებით, ეს სხვაგვარად გადათარგმნოთ! – ამის შესახებ დღეს პარლამენტში, პარლამენტის ვიცე-სპიკერმა ნინო წილოსანმა განაცხადა.

წილოსანმა მედიას უკრაინისა და მოლდოვის პრაქტიკის გაცნობა ურჩია და როგორც განაცხადა, ამ ორ ქვეყანაში ოპოზიციური პარტიები აიკრძალა, რაც მისივე თქმით, არც ქვეყნის შიდა და არც გარე აქტორების მხრიდან ნეგატიურად არ შეფასებულა. წილოსანის აზრით, ამას აღშფოთება არც საქართველოს შემთხვევაში უნდა მოჰყვეს.

„ირაკლი კობახიძე არის ერთ-ერთი უძლიერესი იურისტი, კონსტიტუციონალისტი და უძლიერესი პოლიტიკოსი. ამიტომ მისი მხრიდან ამ განცხადების გაკეთება პირდაპირ ჩვენი ამომრჩევლის და ქართული საზოგადოების ინტერესს და მოთხოვნას ასახავს, რასაც ჩვენი ამომრჩეველი 26 ოქტომბერს “ქართული ოცნებისთვის“ ხმის მიცემით დააფიქსირებს.

ჩვენი მხრიდან მაქსიმუმი გაკეთდება, რომ ყველა ის პარტია, რომელიც “ნაციონალური მოძრაობის“ საფარქვეშიდან ხელოვნურად არის გამოსული, მაგრამ რეალურად სწორედაც “ნაციონალურ მოძრაობას“ წარმოადგენს, პასუხისმგებლობას ვერ გაექცეს – იქნება ეს პოლიტიკური თუ სამართლებრივი პასუხისმგებლობა!

როგორც ირაკლი კობახიძემ განმარტა, პროცესი შეიძლება დაიწყოს და იყოს როგორც საკონსტიტუციო სასამართლოში, ასევე პროკურატურაში შეტანილი სარჩელი.

ჩვენ გავაკეთებთ ყველაფერს, რომ ყველა მათი მავნებლური მოქმედება, ქვეყნის წინააღმდეგ გადადგმული ნაბიჯი, რასაც ისინი აკეთებდნენ ხელისუფლებაში თუ ოპოზიციაში ყოფნისას, გამოაშკარავდეს. ეს სახალხო პროცესი უნდა იყოს!

მოსახლეობამ უნდა მიიღოს პასუხი, რომ “ნაციონალური მოძრაობა“ გასამართლდეს“, – განაცხადა წილოსანმა.

“ტყუილად ჰგონიათ “ნაცმოძრაობაში”, რომ პარლამენტარების მანდატებით გადაურჩებიან მართლმსაჯულებას – გასასამართლებელი მიიღებს დამსახურებულ სასჯელს, იმის მიუხედავად, თუ რა მორიგი ზეწოლა იქნება გარედან“ – წერს ანალიტიკოსი გია აბაშიძე სოციალურ ქსელში.

ანალიტიკოსის შეფასებით ქვეყნის დემოკრატიული განვითარებისთვის აუცილებელია, რომ პოლიტიკური რადარებიდან გაქრეს ღალატის პარტია “ნაციონალური მოძრაობა”.

“ტყუილად ჰგონიათ “ნაცმოძრაობაში”, რომ პარლამენტარების მანდატებით გადაურჩებიან მართლმსაჯულებას – გასასამართლებელი მიიღებს დამსახურებულ სასჯელს იმის მიუხედავად თუ რა მორიგი ზეწოლა იქნება გარედან.

საქართველოს ტერიტორიული მთლიანობის აღდგენისთვის, დემოკრატიული განვითარებისთვის, ღირსებით ევროპისკენ სვლისთვის აუცილებელია, რომ პოლიტიკური რადარებიდან გაქრეს ღალატის პარტია “ნაცმოძრაობა”, ხოლო მისმა ავაზაკმა პოლიტიკოსებმა კანონის წინაშე აგონ პასუხი.“ – წერს გია აბაშიძე.

საქართველოს პრემიერ-მინისტრის, ირაკლი კობახიძის განცხადებით, საკონსტიტუციო უმრავლესობის მოპოვება, რომელიც „ქართულ ოცნებას“ სჭირდება, კონსტიტუციიდან 78-ე მუხლის ამოღებას და არც ამ მუხლში ჩასწორებას არ გულისხმობს.

ამის შესახებ მან ჟურნალისტის კითხვის საპასუხოდ განაცხადა.

პრემიერს ჰკითხეს, „რატომ სჭირდება მმართველ პარტიას საკონსტიტუციო უმრავლესობის მოპოვება, ჩამოთვლილ მიზეზებში მეოთხე მიზეზი არ გაქვთ დაკონკრეტებული და გაჩნდა ეჭვები, რომ შესაძლოა, კონსტიტუციის 78-ე მუხლის ამოღებას აპირებთ“,

„ამაზე ცალსახად შემიძლია გითხრათ, რომ 78-ე მუხლის ამოღება არ იგულისხმება, არც შესწორება ამ მუხლში არ იგულისხმება, სხვა რამ იგულისხმება, რასაც მოგვიანებით დავაკონკრეტებთ იმ შემთხვევაში, თუ შესაბამისი კონსულტაციები წარმატებით დასრულდება“, – განაცხადა ირაკლი კობახიძემ.

კითხვაზე, იგულისხმება თუ არა მმართველობითი სისტემის შეცვლა, პრემიერმა თქვა, რომ სხვა თემებზე კომენტარს არ გააკეთებს“.

„დაველოდოთ მოვლენების განვითარებას. არის კონკრეტული საკითხი, რაზეც გვინდა, რომ წარმატებით დავასრულოთ კონსულტაციები, როგორც კი კონსულტაციები დასრულდება, მაშინვე გავაკეთებთ კონკრეტულ კომენტარს ამ თემაზე“, – განაცხადა ირაკლი კობახიძემ.