Home Blog Page 8

დადგება ოქტომბერი და ყველა ვნახავთ, რომ საქართველოს პრეზიდენტის, მიხეილ ყაველაშვილის მიერ დანიშნულ თვითმმართველობის არჩევნებში ყველა მიიღებს მონაწილეობას -შალვა პაპუაშვილი

დადგება ოქტომბერი და ყველა ვნახავთ, რომ საქართველოს პრეზიდენტის, მიხეილ ყაველაშვილის მიერ დანიშნულ თვითმმართველობის არჩევნებში ყველა მიიღებს მონაწილეობას, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.

როგორც პაპუაშვილმა აღნიშნა, ოპოზიცია გარედან იმართება. მიისვე თქმით, ოპოზიციის განცხადებების მიზანია, ძირი გამოუთხარონ საქართველოს ეკონომიკას.

„მარიონეტული ოპოზიცია სრულად გარედან იმართება. ამ დღეებშიც აკვირდებოდით, რომ შემოიარეს რამდენიმე დედაქალაქი, მიიღეს ინსტრუქციები. არ ვიცი, ნაწილი ჩამოვიდა, ნაწილი ჯერ კიდევ იქ არის.  ვხედავთ უკვე მათ განცხადებებს, როგორ უნდა გამოუთხარონ ძირი საქართველოს ეკონომიკას, როგორ უნდა დააორგანიზონ ტერორი და ასე შემდეგ. ვგულისხმობ ზურაბ ჯაფარიძის განცხადებებს ამასთან დაკავშირებით. ჩვეულებრივი ინსტრუქციები და მისი შესრულება.

ამიტომ არჩევნებს რაც შეეხება, რა თქმა უნდა, აქაც სრულად დამოკიდებულები არიან ინსტრუქციებზე, როგორც მარიონეტები. თუმცა, საბოლოო ჯამში, მათ პოლიტიკურ განცხადებებს დიდი ფასი არ აქვს ხოლმე. დადგება ოქტომბერი და ყველა ვნახავთ, რომ საქართველოს პრეზიდენტის, მიხეილ ყაველაშვილის მიერ დანიშნულ თვითმმართველობის არჩევნებში ყველა მიიღებს მონაწილეობას. მიიღებს მონაწილეობას იმ კანონმდებლობით, რომელიც საქართველოს პარლამენტმა მიიღო. მიიღებს მონაწილეობას იმ ცესკო-ს შემადგენლობით, რომელიც საქართველოს პარლამენტმა აირჩია. მიიღებს მონაწილეობას იმ არჩევნებში, რომელსაც მიხეილ ყაველაშვილი დანიშნავს“,- განაცხადა შალვა პაპუაშვილმა.

კიდევ ერთხელ, მკაფიოდ შეგვიძლია ვთქვათ, რომ სწორედ საქართველოს მაგალითზე, მომავალში ჩვენი ქვეყნის მიმართ აშშ-ის მიდგომებით და თანამშრომლობის ფორმებით გამოჩნდება, მოხერხდა თუ არა ამერიკაში Deep State-ის დამარცხება-მამუკა მდინარაძე

მკაფიოდ შეგვიძლია ვთქვათ, რომ სწორედ საქართველოს მაგალითზე, მომავალში ჩვენი ქვეყნის მიმართ აშშ-ის მიდგომებით და თანამშრომლობის ფორმებით გამოჩნდება, მოხერხდა თუ არა ამერიკაში „დიფ სთეითის“ დამარცხება, – ამის შესახებ ჟურნალისტებს საპარლამენტო უმრავლესობის ლიდერი მამუკა მდინარაძე სოციალურ ქსელში წერს.

„მსოფლიოში განვითარებულმა მოვლენებმა ბევრ კითხვაზე გასცა პასუხი, მაგრამ ბევრი ჯერ კიდევ პასუხგაუცემელია…

ბოლო პერიოდში საქართველოსთან და ქვეყნის ლეგიტიმურად არჩეულ ხელისუფლებასთან მიმართებით ევროკავშირის წევრი არაერთი ქვეყანა განსაკუთრებულ აგრესიას გამოხატავს, მათ შორის კი, ყველაზე უხეში და სიცრუეზე აგებული რიტორიკით ბალტიისპირეთისა და სკანდინავიის ქვეყნები გამოირჩევიან. ისინი უხეშად ერევიან საქართველოს შიდა საქმეებში, ახალისებენ რადიკალიზმს, ღიად უჭერენ მხარს ხელოვნურ პროტესტს და პირდაპირ ცდილობენ, მაქსიმალურად წაახალისონ რადიკალური პროცესები, რომლის მთავარი მიზანი საქართველოს ხელისუფლების დამხობა, მისი აგენტურით შეცვლა და ხელისუფლებაზე სრული კონტროლის დამყარებაა.

თუმცა, მნიშვნელოვანია, კიდევ ერთხელ მკაფიოდ დავაზუსტოთ, რომ არ არსებობს არანაირი ლიეტუვის, ესტონეთისა თუ შვედეთის ხელისუფლება. არ არსებობს ამ ქვეყნების არანაირი საგარეო საქმეთა სამინისტრო, ან ცალკე მდგარი რომელიმე უწყება. ამ ქვეყნებს სრულად აქვთ წართმეული სუვერენიტეტი და ხელისუფლებები. ფორმალური თანამდებობის პირები არა მათი ქვეყნის ინტერესების, არამედ გლობალური ომის პარტიის, „დიფ სთეითის“ კარნახით მოქმედებენ. სწორედ ამიტომ, საქართველოსადმი ამ ქვეყნების თავდასხმა უნდა განვიხილოთ არა როგორც რომელიმე ქვეყნის ქმედება, არამედ „დიფ სთეითის“ პირდაპირი მცდელობა, რომ საქართველოში ხელისუფლება შეიცვალოს.

საინტერესოა ისიც, რომ დღეს ჩვენ „დიფ სთეითის“ რებრენდინგის მომსწრენი ვართ – ამ გლობალური და სახიფათო ძალის სისტემური მოდერნიზების და ძველი, გაცვეთილი და უკვე ცნობილი მეთოდების ახალი, შეფარული მეთოდებით ჩანაცვლების.

მაგალითად, თუ აქამდე გლობალური ომის პარტია ძირითადად USAID-ის და NED-ის საშუალებით აფინანსებდა მათ კონტროლს მიღმა არსებული ეროვნული ხელისუფლებების ჩამოგდებას, ეს მისია კონკრეტული ქვეყნების მარიონეტულმა „მთავრობებმა“ აიღეს საკუთარ თავზე. ე.წ. დონორი ორგანიზაციები კონკრეტულმა ქვეყნებმა, იგივე შვედეთმა, ნორვეგიამ, ესტონეთმა და სხვა სუვერენიტეტწართმეულმა ევროკავშირის წევრმა ქვეყნებმა ჩაანაცვლეს.

შესაბამისად, თამამად შეგვიძლია, ვთქვათ, რომ მას შემდეგ, რაც დახურეს USAID, NED და „დიფ სთეითის“ კონტროლქვეშ არსებული სხვა დონორი ორგანიზაციები, ეს ფუნქცია ასევე მათი კონტროლის ქვეშ არსებულ ე.წ. მთავრობებს გადაულოცეს. სწორედ ამიტომ, „დიფ სთეითის“ რებრენდინგისა და მოდერნიზაციის შემდეგ, არ უნდა გაგვიკვირდეს, რომ საქართველოსა და მისი ლეგიტიმური ხელისუფლების წინააღმდეგ კიდევ უფრო გახშირდება თავდასხმები, უხეში ჩარევა ქვეყნის შიდა საქმეებში და გამუდმებული მცდელობა, რომ ეროვნული ხელისუფლება აგენტურით შეიცვალოს.

საზოგადოება კარგად ხედავს, რა დღეში ჩააგდო „დიფ სთეითმა“ ევროკავშირი, მისი ეკონომიკა და ქვეყნები. საზოგადოება ასევე კარგად ხედავს და ამერიკის სახელმწიფო მდივანი მარკო რუბიოც ადასტურებს, რომ რუსეთის წინააღმდეგ გლობალურმა ძალებმა უკრაინის ხელით პროქსი ომი აწარმოეს. საბოლოო ჯამში კი, შედეგად მიიღეს დასუსტებული ევროპა და განადგურებული უკრაინა.

მეორე მხრივ, უამრავი პრობლემა შეუქმნეს რუსეთსაც, რამაც ცხადია, მისი საგრძნობი დასუსტება გამოიწვია. და რადგან საქართველოს ხელისუფლებამ უარი განაცხადა წინასწარ დაწერილ და ამავე დროს ჩვენთვის დამღუპველ სცენარში მონაწილეობაზე, ბუნებრივია „დიფ სთეითი“ ყველა მეთოდს გამოიყენებს, რომ საქართველოში „ურჩი“ ხელისუფლება შეცვალოს, მმართველობაში თავისი აგენტურა მოიყვანოს და თუ მეორე ფრონტის გახსნის აუცილებლობა აღარ იქნება, ეკონომიკურად დაანგრიოს საქართველო. ზუსტად ისე, როგორც ეს ევროკავშირის წევრ ქვეყნებს გაუკეთეს. თანაც, ევროპაში გლობალურ ძალებს არათუ დასუსტების და განადგურების ეტყობა რაიმე, არამედ პირიქით, ის მოდერნიზაციას განიცდის და ახალი, შეფარული და აქამდე უცნობი მეთოდებით ცდილობს მიზნების მიღწევას.

პრეზიდენტ ტრამპს კიდევ ერთხელ და მთელი გულით ვუსურვებთ წარმატებას „დიფ სთეითის“ წინააღმდეგ ბრძოლაში, თუმცა, სამწუხაროდ, ჯერჯერობით არათუ დამარცხების, არამედ მისი დასუსტების ნიშნებიც კი არ ჩანს.

მოკლე პერიოდში უკვე გამოიკვეთება კონტურები, – ეს არის რეალური ბრძოლა „დიფ სთეითის“ წინააღმდეგ, თუ ეს არის საზოგადოების მოტყუების მცდელობა და ფარულ პროცესებში იმ ფორმით მოდერნიზაცია და რებრენდინგი, რომ მომავალში კიდევ უფრო რთული იყოს სიმართლის გარკვევა…

ასევე, კიდევ ერთხელ, მკაფიოდ შეგვიძლია ვთქვათ, რომ სწორედ საქართველოს მაგალითზე, მომავალში ჩვენი ქვეყნის მიმართ აშშ-ის მიდგომებით და თანამშრომლობის ფორმებით გამოჩნდება, მოხერხდა თუ არა ამერიკაში „დიფ სთეითის“ დამარცხება“, – განაცხადა მამუკა მდინარაძემ.

ზელენსკიმ ბაიდენის დროს ისე წაიღო ფული ამერიკიდან, როგორც ბავშვისგან კანფეტი და არ ვფიქრობ, რომ ის მადლიერია-დონალდ ტრამპი

აშშ-ის პრეზიდენტმა, დონალდ ტრამპმა Fox News-თან ინტერვიუში განაცხადა, რომ უკრაინის პრეზიდენტმა, ვოლოდიმირ ზელენსკიმ „ბაიდენის დროს ისე წაიღო ფული ამერიკიდან, როგორც ბავშვისგან კანფეტი“.

„მან რაც გააკეთა, იყო როგორც ბავშვისთვის კანფეტის წართმევა. ის ჭკვიანი და ძლიერი კაცია. მან ბაიდენის დროს ისე წაიღო ფული ამ ქვეყნიდან, როგორც ბავშვისგან კანფეტი. ეს ძალიან ადვილი იყო. და მე უბრალოდ არ ვფიქრობ, რომ ის მადლიერია“, – აღნიშნა ტრამპმა.

გაემგზავრეთ კანის კინოფესტივალზე თიბისი კონცეპტისა და Mastercard-ის შეთავაზებით

თიბისი კონცეპტმა და Mastercard-მა, მომხმარებლებს საგაზაფხულოდ კიდევ ერთი განსაკუთრებული შეთავაზება მოუმზადეს.

ახალი თიბისი კონცეპტ 360 Mastercard World Elite ბარათის მფლობელებს, შესაძლებლობა გაქვთ, გაემგზავროთ კანის კინოფესტივალზე და გაატაროთ დაუვიწყარი დრო მსოფლიოს ერთ-ერთ ყველაზე მასშტაბურ კინოფესტივალზე. ამისთვის, 1 – 31 მარტის ჩათვლით, ახალი კონცეპტ 360 – Mastercard World Elite ბარათით შეასრულეთ ჯამურად ყველაზე მეტი თანხის ტრანზაქცია და მოხვდით სამ გამარჯვებულს შორის.

კინოფესტივალის საგზური მოიცავს:

  • 2-კაციან საგზურს კანის კინოფესტივალზე
  • ავიაბილეთებს
  • სასტუმრო Barriere Le Majestic-ში განთავსებას
  • წითელ ხალიჩასა და კინოჩვენებებზე დასწრებას
  • ფოტოსესიას
  • ლანჩს და სადილს

არ გამოტოვოთ კონცეპტისა და კანის კინოფესტივალის გენერალური სპონსორის, Mastercard-ის ეს უნიკალური შეთავაზება და დააგროვეთ, ჯამში ყველაზე მეტი მოცულობის გადახდები.

Mastercard უკვე მრავალი წელია ფესტივალის ოფიციალური პარტნიორია და მომხმარებლებს წითელი ხალიჩის შეუფასებელ გამოცდილებას სთავაზობს.

მათ, ვისაც გსურთ შეთავაზებით სარგებლობა და ჯერ არ ხართ ბარათის მფლობელი, ახალი კონცეპტ 360 ბარათის აღება შესაძლებელია თიბისის მობაილბანკის, პირადი ბანკირის ან კონცეპტ ცენტრის *2700 მეშვეობით. გაიგეთ მეტი.

შეთავაზების დამატებითი დეტალები და პირობები შეგიძლიათ იხილოთ ბმულზე.

(R)

აშშ-ის საიდუმლო სამსახურის წარმომადგენლებმა თეთრი სახლის მიმდებარედ შეიარაღებულ პირს ესროლეს და დაჭრეს

აშშ-ის საიდუმლო სამსახურის წარმომადგენლებმა თეთრი სახლის მიმდებარედ შეიარაღებულ პირს ესროლეს და დაჭრეს. მედიის ინფორმაციით, დაჭრილი პირი ამჟამად ადგილობრივ საავადმყოფოში იმყოფება.

როგორც „როიტერი“ წერს, საიდუმლო სამსახურმა ადგილობრივი ხელისუფლებისგან მიიღო ინფორმაცია კონკრეტული პირის შესახებ, რომელიც ინდიანიდან ვაშინგტონში მიემგზავრებოდა. მოგვიანებით აღნიშნული პირის მანქანა თეთრ სახლთან ახლოს აღმოაჩინეს. როდესაც ოფიცრები მამაკაცს მიუახლოვდნენ, მან ცეცხლსასროლი იარაღი ამოიღო, რის შემდეგაც საიდუმლო სამსახურმა ცეცხლი გახსნა.

საიდუმლო სამსახურის თანამშრომლებს დაზიანება არ მიუღიათ.

უსაფრთხოების სამსახურები ადგილზე საგამოძიებო მოქმედებებს ატარებენ.

აშშ-ის პრეზიდენტი დონალდ ტრამპი სროლის დროს თეთრ სახლში არ იმყოფებოდა, ის ფლორიდაში მდებარე რეზიდენციაშია.

სკოლებში პირველკლასელთა რეგისტრაციის პირველი ეტაპი დღეიდან იწყება

x

სკოლებში პირველკლასელთა რეგისტრაციის პირველი ეტაპი დღეიდან იწყება. სურვილის შემთხვევაში, პირველ კლასში დარეგისტრირებას შეძლებენ ის ბავშვებიც, რომლებსაც 6 წელი 31 დეკემბრის ჩათვლით შეუსრულდებათ.

რეგისტრაციის პირველ ეტაპზე, 10 მარტიდან 21 მარტის ჩათვლით, სკოლებში დარეგისტრირდებიან სპეციალური საგანმანათლებლო საჭიროების მქონე ბავშვები. ბავშვების მშობლებმა განცხადებით უნდა მიმართონ სასურველ საჯარო სკოლას.

პირველ ეტაპზე რეგისტრირებული ბავშვებისთვის დოკუმენტების წარდგენისა და ჩარიცხვის პერიოდია 24 მარტიდან 30 აპრილის ჩათვლით. მეორე ეტაპზე მოსწავლეთა რეგისტრაცია და დოკუმენტაციის წარდგენა 2 მაისიდან 20 მაისის ჩათვლით განხორციელდება. მესამე ეტაპზე საყოველთაო ონლაინ რეგისტრაცია 22 მაისიდან 17 ივნისის ჩათვლით გასტანს.

როგორც არ უნდა ვეწინააღმდეგებოდე უკრაინის პოლიტიკას, Starlink-ი არასოდეს გამორთავს თავის ტერმინალებს-ილონ მასკი

ილონ მასკი აცხადებს, რომ Starlink-ის ქსელს უკრაინელ სამხედროებს არასდროს გამოურთავს, როგორც არ უნდა ეწინააღმდგებოდეს უკრაინის პოლიტიკას. ამის შესახებ მასკმა სოციალურ ქსელ X-ზე გამოქვეყნებულ განცხადებაში აღნიშნა.

მასკის თქმით, Starlink-ის გარეშე უკრაინის საკომუნიკაციო ხაზები გამოვიდოდნენ მწყობრიდან, რადგან რუსებს შეუძლიათ ყველა სხვა კომუნიკაციის ჩახშობა.

„ძალიან გასაგებად რომ ვთქვა, როგორც არ უნდა ვეწინააღმდეგებოდე უკრაინის პოლიტიკას, Starlink-ი არასოდეს გამორთავს თავის ტერმინალებს. მე მარტივად ვამბობ, რომ Starlink-ის გარეშე უკრაინული ხაზები მწყობრიდან გამოვიდოდა, რადგან რუსებს შეუძლიათ ყველა სხვა კომუნიკაციის ჩახშობა. ჩვენ არასდროს გავაკეთებდით ასეთ რამეს და არ გამოვიყენებდით მას, როგორც ვაჭრობის საშუალებას“, – წერს მასკი.

10 მარტის ასტროლოგიური პროგნოზი

ვერძი

ამ დღეს ბედისწერა ჭადრაკს თამაშობს, ხოლო თქვენ მისი მთავარი ფიგურა ხართ, რომელსაც წესების დარღვევა შეუძლია.
დილას ერთ უმნიშვნელო დეტალს – გამოხედვას არა მხოლოდ ამ დღის, არამედ თქვენი ახლო მომავლის შეცვლა შეუძლია.
პირად ცხოვრებაში მოსალოდნელია დიალოგი, რომელშიც სიტყვებს შორის მეტი აზრი იქნება ჩადებული, ვიდრე თვითონ სიტყვებში.

რჩევა: დააკვირდით არავერბალურ ნიშნებს, როგორიც არის შემთხვევით შეხება, პაუზებს, სუნთქვა – ეს უბრალო წვრილმანები კი არა, გასაღებებია იმ კარის გასახსნელად, რომელიც დაკეტილი გეგონათ.

კურო

სამყარო გირჩევთ, პირად ურთიერთობებში მეტი სიფრთხილე გამოიჩინოთ.
მეგობრებთან ერთად საღამოს გატარება მშვენიერი იდეაა, მაგრამ ახლა ამისთვის საუკეთესო დრო არ არის – თქვენი შინაგანი მდგომარეობა სიმშვიდესა და საკუთარ თავთან მარტო დარჩენას მოითხოვს.
ასტრალური ენერგიები სულიერ სიმტკიცეს გმატებენ, მაგრამ ფრთხილად იყავით – ზედმეტმა სიმტკიცემ შესაძლოა ზედმეტ კონფლიქტებამდე მიგიყვანოთ.
თუ ამჟამად მარტოსული ხართ, ახალი ურთიერთობების სურვილი განსაკუთრებით გაძლიერდება, თუმცა, ნუ მისცემთ ემოციებს თქვენი მართვის უფლებას – ნაჩქარევმა ნაბიჯებმა შეიძლება ყველა პერსპექტივა დაამსხვრიოს.

რჩევა: უსმინეთ გულს, მაგრამ არ დაივიწყოთ გონების ხმა.

ტყუპები

ცვლილებების ნუ შეგეშინდებათ — ვარსკვლავები საყვარელ ადამიანთან ურთიერთობაში სრულ ჰარმონიას გპირდებიან. ურთიერთობებში ურთიერთგაგება არსებობს. იდეალური დროა კავშირების გასამყარებლად, ზრუნვის გამოსახატავად და მნიშვნელოვანი თემების განსახილველად. გამოიყენეთ ეს ენერგია სიყვარულისა და სითბოს ატმოსფეროს შესაქმნელად.

თუ პარტნიორის ძიებაში ხართ, შეიძლება ბედისწერამ ისეთი ადამიანი შეგახვედროთ, ვინც თქვენს ცხოვრებას შეცვლის. მთავარია, არ იჩქაროთ და არ გამოტოვოთ ნიშნები, რომლებსაც სამყარო გიგზავნით.

რჩევა: ხელიდან არ გაუშვათ კარიერული წინსვლის შესაძლებლობა — ახლა ამისთვის საუკეთესო დროა.

კირჩხიბი

არასტაბილური ემოციური მდგომარეობა ახლობლებსა და საყვარელ ადამიანებთან ურთიერთობებზე გავლენას მოახდენს. გაღიზიანებამ ან მელანქოლიამ შეიძლება გაუგებრობები გამოიწვიოს.
ეცადეთ, ემოციები აკონტროლოთ და დროებითი სირთულეების გამო განწყობა არ გაიფუჭოთ. თუ გრძნობთ, რომ მარტოობა გჭირდებათ, ნუ მოგერიდებათ, რომ დრო საკუთარ თავს დაუთმოთ.

რჩევა: ამ დღეს შინაგანი ჰარმონია უფრო მნიშვნელოვანია, ვიდრე სხვისი სურვილების დაკმაყოფილება.

ლომი

სამყარო კითხვებზე პასუხებს გიგზავნით და დღეს არცერთი, თუნდაც ყველაზე უმნიშვნელო დეტალი შემთხვევითი არ იქნება. პირად ცხოვრებაში შესაძლოა, მოულოდნელად მნიშვნელოვანი შეხვედრა მოხდეს — ეს იქნება იმ გზის დასაწყისი, რომელიც იმ ადგილზე მიგიყვანთ, სადაც დიდი ხნის წინ უნდა ყოფილიყავით.

რჩევა: საკუთარი ნიჭი არამარტო რუტინული ამოცანების შესასრულებლად, არამედ რაიმე უნიკალურის შესაქმნელად გამოიყენეთ. იქ, სადაც აქამდე შეზღუდვებს ხედავდით, დღეს ახალი შესაძლებლობების გაგეხსნებათ.

ქალწული

ამ დღეს შეიძლება ძლიერი სურვილი გაგიჩნდეთ, რომ მძაფრი ემოციები და ვნება გამოცადოთ. თუ უკვე დაოჯახებული ხართ, ფრთხილად იყავით – ცდუნებამ შეიძლება არასასურველ შედეგებამდე მიგიყვანოთ.
მოახმარეთ ეს ენერგია პარტნიორთან კავშირის გაძლიერებას. თუ მარტოსული ხართ, ეს დღე საინტერესო მოვლენებს გპირდებათ. თუმცა, ვარსკვლავები გაფრთხილებენ – არ აჰყვეთ დროებით განცდებს, თუ ღრმა და მყარ ურთიერთობას ეძებთ.

რჩევა: მიჰყევით საკუთარი გულის ხმას, მაგრამ მნიშვნელოვან გადაწყვეტილებებში გონება ჩართეთ.

სასწორი

ამ დღეს გარკვეული ძალისხმევა დაგჭირდებათ, რათა ახლობლებთან ურთიერთგაგება აღადგინოთ. ყურადღებით მოუსმინეთ მათ სიტყვებს და მოთმინება და თანაგრძნობა გამოიჩინეთ – ასე ძველი შეცდომების გამოსწორებას შეძლებთ.
პარტნიორთან გულწრფელი საუბარი და მისი გრძნობების გათვალისწინება თქვენს კავშირს გაამყარებს.

თუ მარტოსული ხართ, ახლა საუკეთესო დროა ინიციატივის გამოსაჩენად – თუნდაც უბრალოდ რომ მიანიშნოთ თქვენს ინტერესზე. თქვენი სითამამე აუცილებლად დაჯილდოვდება!

რჩევა: ხელსაყრელი დღეა ახალი წამოწყებისთვის. შესაძლოა, ახლა მოგეცეთ შანსი, რომ დიდი ხნის იდეები რეალობად აქციოთ. პროფესიონალიზმი და თავდაჯერება წარმატების მიღწევაში დაგეხმარებათ.

მორიელი

პირად ცხოვრებაში გარკვეული სირთულეები გელით, მაგრამ საბოლოოდ ყველაფერი მშვიდობიანად დასრულდება. მნიშვნელოვანი არჩევანის გაკეთება ემოციურ წონასწორობას მოგიტანთ.
გაითვალისწინეთ თქვენი ნამდვილი სურვილები და პრიორიტეტების სწორად განსაზღვრის ნუ შეგეშინდებათ. დღევანდელი დღე შესაძლოა, თვალის ახელასავით იყოს, როდესაც გააცნობიერებთ, თუ რა გსურთ სინამდვილეში.

რჩევა: თუ ურთიერთობაში პრობლემა ან გაურკვევლობაა, გულწრფელი საუბარი დაძაბულობას განმუხტავს.

მშვილდოსანი

ახლობლებზე და, მით უფრო, შვილებზე განსაკუთრებულად ზრუნავთ, მაგრამ ფრთხილად იყავით, რომ ზედმეტმა მზრუნველობამ არ დაგაზიანოთ. თუ თქვენი შეხედულებები შვილების აღზრდაზე ერთმანეთს არ ემთხვევა, საყვარელ ადამიანთან კონფლიქტი გელით.
ეცადეთ, მზრუნველობასა და თავისუფალი არჩევანის პატივისცემას შორის ბალანსი იპოვოთ.

რჩევა: გულწრფელი საუბარი საყვარელ ადამიანთან ურთიერთგაგების შენარჩუნებაში დაგეხმარებათ.

თხის რქა

ისიამოვნეთ თითოეული წუთით და ნუ მისცემთ გარე ფაქტორებს ან საკუთარ ფიქრებს უფლებას, რომ ეს ბედნიერება დაჩრდილონ. სამუშაო დღის განმავლობაში უამრავი დავალება გექნებათ და შესაძლოა დროის მართვის პრობლემებსაც შეეჯახოთ. საღამო გაატარეთ საყვარელ ადამიანებთან ერთად – ეს შინაგან კმაყოფილებას და სიმყუდროვის შეგრძნებას მოგიტანთ.

რჩევა: ამ დღის ტემპი ცოტა დამღლელი იქნება, მაგრამ სწორად დაგეგმვის შემთხვევაში ყველაფერთან სტრესის გარეშე გამკლავებას შეძლებთ.

მერწყული

ეცადეთ, ამ დღეს ემოციური განცხადებების კეთებისგან თავი შეიკავოთ. ძველი წყენა თუ გაუგებრობა შესაძლოა დღეს კონფლიქტის მიზეზად იქცეს. ეცადეთ, სიმშვიდე შეინარჩუნოთ და ურთიერთობებში მოთმინება გამოიჩინოთ. ზოგჯერ წვრილმანებს ძალიან დიდ მნიშვნელობას ვანიჭებთ და ამით საყვარელ ადამიანებს ტკივილს ვაყენებთ.

რჩევა: ეცადეთ, ურთიერთობები უფრო მეტად დააფასოთ.

თევზები

ცვლილებების დრო ახლოვდება. წარსულიდან ვიღაც მოულოდნელად გამოჩნდება და მნიშვნელოვან ინფორმაციას მოგიტანთ. ნუ იჩქარებთ დასკვნების გამოტანას, მაგრამ შესაძლებლობა ხელიდან არ გაუშვათ — დღეს მიღებული გადაწყვეტილებები ძალიან მალე თქვენს საფულეზე აისახება.

რჩევა: ყურადღება მიაქციეთ მინიშნებებს — ხანდახან მომავალი წვრილმანებში იმალება.

ილონ მასკმა პოლონეთის საგარეო საქმეთა მინისტრ რადოსლავ სიკორსკის „პატარა კაცი“ უწოდა

აშშ-ის სამთავრობო ეფექტიანობის დეპარტამენტის ხელმძღვანელმა ილონ მასკმა პოლონეთის საგარეო საქმეთა მინისტრ რადოსლავ სიკორსკის „პატარა კაცი“ უწოდა

„გაჩუმდი, პატარა კაცო. შენ ღირებულების უმნიშვნელო ნაწილს იხდი და Starlink-ის ჩამნაცვლებელი არ არსებობს“ – დაწერა მასკმა სოციალურ ქსელში.

ამ კომენტარით მასკი პოლონეთის საგარეო საქმეთა მინისტრის განცხადებას გამოეხმაურა, რომელიც წერდა, რომ უკრაინას შესაძლოა, ილონ მასკის Starlink-ის სატელიტური სერვისის ალტერნატივა დასჭირდეს.

„უკრაინისთვის Starlink-ის მიწოდებას პოლონეთის გაციფრულების სამინისტრო აფინანსებს, წლიურად დაახლოებით 50 მილიონი დოლარის ღირებულებით. აგრესიის მსხვერპლის მუქარის ეთიკის საკითხის გარდა, თუ SpaceX არასანდო პროვაიდერი აღმოჩნდება, იძულებული ვიქნებით, სხვა პროვაიდერი მოვძებნოთ“, – დაწერა სიკორსკიმ.

სიკორსკი ამ განცხადებით ილონ მასკს გამოეხმაურა, რომელიც აღნიშნავდა, რომ Starlink-ის სისტემა უკრაინული არმიის ხერხემალია.

გასულ წელს უკრაინულმა მხარემ განაცხადა, რომ ქვეყანაში Starlink-ის დაახლოებით 42 000 ტერმინალი მუშაობს. მათგან დაახლოებით ნახევარს პოლონეთი აფინანსებს, რაც უკრაინის სამხედრო ძალებისთვის სასიცოცხლოდ მნიშვნელოვან ინტერნეტკავშირს უზრუნველყოფს.

როგორი ამინდი იქნება 10 მარტს საქართველოში

გარემოს ეროვნული სააგენტოს ცნობით, უახლოეს დღეებში საქართველოში თბილი და უნალექო ამინდია მოსალოდნელი.

ქ. თბილისში უნალექო ამინდია მოსალოდნელი. ჰაერის ტემპერატურა დღისით +17, +19 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი): უნალექო ამინდი იქნება. ჰაერის ტემპერატურა დღისით +16, +18 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) თბილი და უნალექო ამინდია მოსალოდნელი. ჰაერის ტემპერატურა დღისით +17, +19 გრადუსი დაფიქსირდება.

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): თბილი და უნალექო ამინდია მოსალოდნელი. ჰაერის ტემპერატურა დღისით +12, +17 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო): უნალექო ამინდი იქნება. ჰაერის ტემპერატურა დღისით +10, +15 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): თბილი და უნალექო ამინდია მოსალოდნელი. ჰაერის ტემპერატურა დღისით +17, +19 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): თბილი და უნალექო ამინდია მოსალოდნელი. ჰაერის ტემპერატურა დღისით +18, +20 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): უნალექო ამინდი იქნება. ჰაერის ტემპერატურა დღისით +10, +15 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): უნალექო ამინდი იქნება. ჰაერის ტემპერატურა დღისით +7, +12 გრადუსი დაფიქსირდება. 

ტრამპი: ვფიქრობ, რუსეთთან მიმართებით ძალიან მკაცრი ვიყავი, იმაზე მკაცრი, ვიდრე ვინმე ოდესმე ყოფილა

აშშ-ის პრეზიდენტი დონალდ ტრამპი მიიჩნევს, რომ არავინ ყოფილა რუსეთის მიმართ მასზე მკაცრი, – ამის შესახებ მან Fox News-თან ინტერვიუში განაცხადა, იუწყება The Independent.

„ვფიქრობ, რუსეთთან მიმართებით ძალიან მკაცრი ვიყავი. იმაზე მკაცრი, ვიდრე ვინმე ოდესმე ყოფილა რუსეთის მიმართ“, – აღნიშნა აშშ-ის პრეზიდენტმა.

ტრამპმა, ასევე, ხაზგასმით აღნიშნა, რომ უკრაინის პრეზიდენტი ვოლოდიმირ ზელენსკის მადლირი არ არის. 

ამერიკელი ლიდერის თქმით, „ზელენსკი ჭკვიანი ბიჭია და ბაიდენს ამ ქვეყნიდან ფული წაართვა“.

„არ ვფიქრობ, რომ ის მადლიერია“, – დასძინა ტრამპმა.

აშშ-ის პრეზიდენტი აცხადებს, რომ რუსული მილსადენი Nord Stream 2 მან შეაჩერა.

„არ დაგავიწყდეთ, რომ მე ვარ ის, ვინც რუსული მილსადენი Nord Stream 2 გააჩერა, მე შევაჩერე. მე დავადე სანქციები რუსეთს, მე მივეცი ჯაველინები რუსეთის წინააღმდეგ. ძალიან ხისტი ვიყავი, მაგრამ პუტინის კარგად მესმოდა.  ამას, პირველ რიგში, პუტინი იტყოდა – ტრამპზე ხისტი არავინ ყოფილა და ბაიდენი არ ყოფილა. ბაიდენმა არაფერი გააკეთა, ის სუსტი, პათეტიკური კაცი იყო.

რუსეთის მიმართ ტრამპზე ხისტი არავინ ყოფილა, არავინ და მათ ეს იციან. უბრალოდ შეხედეთ, რაც ახლა ჩამოვთვალე. მილსადენი – მე გავაჩერე. ყველაზე დიდი საქმე, რაც მათ გააკეთეს, მილსადენი იყო: Nord Stream 2. არავინ იცოდა ამის შესახებ, სანამ მე არ მოვიდოდი – ბედნიერად აშენებდნენ, მიწოდებას აპირებდნენ გერმანიისთვის და ევროპაში ყველასთვის – და რა გავაკეთე? მე შევაჩერე. ყველაზე დიდი ეკონომიკური საქმიანობა, რაც ოდესმე ჰქონიათ, მე გავაჩერე“, – განაცხადა აშშ-ის პრეზიდენტმა.

ამასთან, ინტერვიუს დროს პოლიტიკოსმა ხაზგასმით აღნიშნა, რომ შეერთებული შტატები ისრაელსაც და უკრაინასაც თანაბრად ექცევა. თუმცა, მან აღნიშნა, რომ ეს კონფლიქტები „ძალიან განსხვავებულია“, რადგან ახლო აღმოსავლეთი ყოველთვის იყო თავდასხმის ქვეშ.

მაიკ ჯონსონი: ზელენსკიმ ბოლო დღეებში მკვეთრად შეცვალა პოზიცია და ბოდიში მოიხადა ყველაფრისთვის

ბოლო დღეებში უკრაინამ საგრძნობლად შეარბილა თავისი პოზიცია წიაღისეულის შეთანხმებასთან დაკავშირებით, – ამის შესახებ აშშ-ის წარმომადგენელთა პალატის სპიკერმა მაიკ ჯონსონმა ინტერვიუში განაცხადა, რომელსაც The Hill ციტირებს.

„ძალიან მადლობელი და მოხარული ვარ, რომ ზელენსკიმ შეცვალა თავისი პოზიცია ბოლო რამდენიმე დღის განმავლობაში. მან ძირითადად ბოდიში მოიხადა ამ ყველაფრისთვის. და მან თქვა: „არა, ჩვენ მაინც გვსურს ეს გარიგება“, – აღნიშნა ჯონსონმა. 

აშშ-ის წარმომადგენელთა პალატის სპიკერის თქმით, უკრაინელებს „აწუხებდა“ ის, რაც ერთი კვირის წინ თეთრი სახლის ოვალურ კაბინეტში მოხდა.

„რა თქმა უნდა, ჩვენ ყველანი ნაწყენები ვიყავით, მაგრამ ის მოლაპარაკების მაგიდასთან უნდა დავაბრუნოთ“, – განაცხადა ჯონსონმა.

1...789...2,609Page 8 of 2,609
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი