CRRC-ის მიერ გამოქვეყნებული კვლევა აჩვენებს „ქოცური“ პარანოიული გაორების პარალელურად ნამდვილი ქართველი ხალხის ჯანსაღ ეროვნულ და პროევროპულ აზრს. ევროინტეგრაციის მხარდაჭერა რუსული რეჟიმის პროპაგანდის მიუხედავად კვლავაც ძალიან მაღალია,- ამის შესახებ „ლელო – ძლიერი საქართველოს“ ერთ-ერთმა ლიდერმა, გრიგოლ გეგელიამ განაცხადა.

მან ევროკავშირისა და ვიზალიბერალიზაციის მიმართ საზოგადოების დამოკიდებულებების შესასწავლად საქართველოს მოსახლეობის სატელეფონო გამოკითხვაზე ისაუბრა, რომელიც CRRC- საქართველომ სამოქალაქო საზოგადოების ფონდის დაკვეთითა და ევროკავშირის ფინანსური მხარდაჭერით ჩაატარა.

გეგელიას თქმით, გამოკითხულთა ნახევარზე მეტი უვიზო რეჟიმის შესაძლო დაკარგვაზე პასუხისმგებლობას „ქართული ოცნების“ რეჟიმს აკისრებს.

„ე.წ. ხელისუფლება, რომელმაც მიიღო რუსული კანონი, დააპატიმრა პოლიტიკური ოპონენტები, ასამართლებს არასამთავრობო სექტორს, თავს ესხმის ევროპული ინტეგრაციის პერსპექტივას, ბრალს დებს ევროპულ კავშირს შეთქმულების თეორიებში, თავს ესხმის სხვადასხვა სახელმწიფოების წამყვან პოლიტიკოსებს და სახელმწიფო მეთაურებს, ამავე დროს, ამბობს: „მტკიცედ არის ევროპული ინტეგრაციის ერთგული“.

ხელისუფლება, რომლის „ტიტუშკებიც” თავისუფალი მედიის წარმომადგენლებს დღისით, მზისით, ქუჩებში ესხმიან თავს, ეს ე.წ. ხელისუფლება ამბობს, რომ ის იცავს ჟურნალისტებს. ხელისუფლება, რომელიც ჩართულია კორუფციაში, ამბობს რომ მოწინავეა კორუფციასთან ბრძოლაში.

CRRC-ის მიერ გამოქვეყნებული კვლევა, კიდევ ერთხელ აჩვენებს „ქოცური“ პარანოიული გაორების პარალელურად ნამდვილი ქართველი ხალხის ჯანსაღ ეროვნულ და პროევროპულ აზრს. ევროინტეგრაციის მხარდაჭერა რუსული რეჟიმის პროპაგანდის მიუხედავად კვლავაც არის ძალიან მაღალი, 78%. ასევე ვხედავთ, უმრავლესობა თვლის, რომ უვიზო რეჟიმის დაკარგვა იქნება ძალიან საზიანო სახელმწიფოსთვის. ასევე, გამოკითხულთა ნახევარზე მეტი უვიზო რეჟიმის შესაძლო დაკარგვაზე პასუხისმგებლობას „ქართული ოცნების“ რეჟიმს აკისრებს.

ეს მნიშვნელოვანი განაცხადია ქართველი ხალხის მხრიდან. ხალხი კარგად ხედავს, რა შანსები გვაქვს ახლა მოცემული, ისტორიული რეალობების ფონზე როგორ გვაკარგვინებს ამას ხელაღებით კრიმინალური ბანდფორმირება „ქართული ოცნება“, რომელსაც მიტაცებული აქვს ძალაუფლება.

„ქართული ოცნება“ რამდენიმე ასეულ “რობოკოპზეა” ჩამოკიდებული და გადაწყვიტა, მილიონობით ქართველს წაართვას ევროპული პერსპექტივა, უვიზოდ სიარულის შანსი, ეკონომიკური და სოციალური შესაძლებლობები.

განსაკუთრებით თვალშისაცემი: ეს სტატისტიკა არის დედაქალაქის მასშტაბით. ეს კიდევ ერთხელ გვახსენებს, რომ ქალაქის 70% ოპოზიციურია, ეს ხალხი გამოვა და დაასრულებს რუს მერს ამ ქალაქში, ისევე როგორც მთელი ქვეყნის მასშტაბით გამოვა ქართველი ხალხი და დაასრულებს „რუსული ოცნების“ ანტიქართული რეჟიმის ბოგინს.

ჩვენი ბრძოლა გრძელდება, ეს პრინციპული და მნიშვნელოვანი ბრძოლაა, რომელიც უნდა დასრულდეს ყველა იმ კრიტიკული წერილის დაბრუნებით, სადაც „ქართული ოცნება“ გამორჩეულად სუსტია და უნდა დასრულდეს ქართული სახელმწიფოს ქართული ხალხისთვის და ევროპული გზისთვის“,- აღნიშნა გეგელიამ.

შეგახსენებთ, ევროკავშირისა და ვიზალიბერალიზაციის მიმართ საზოგადოების დამოკიდებულებების შესასწავლად საქართველოს მოსახლეობის სატელეფონო გამოკითხვა CRRC-საქართველომ სამოქალაქო საზოგადოების ფონდის დაკვეთითა და ევროკავშირის ფინანსური მხარდაჭერით ჩაატარა. კვლევის თანახმად, საქართველოს მოსახლეობის უმრავლესობა (78%) მიიჩნევს, რომ ევროკავშირთან უვიზო მიმოსვლის შეჩერება საზიანო იქნება საქართველოს მოქალაქეებისთვის. ამასთან, კვლევაში აღნიშნულია, რომ თუკი ევროკავშირი მართლაც შეაჩერებს საქართველოს მოქალაქეებისთვის უვიზო მიმოსვლას, გამოკითხულთა ნახევარზე ოდნავ მეტი (51%) პასუხისმგებლობას „ქართულ ოცნებას“ და მის ლიდერს აკისრებს. კვლევის თანახმად, საქართველოს მოსახლეობაში კვლავ მაღალია ევროკავშირში გაწევრიანების მიმართ მხარდაჭერა. ევროკავშირის წევრობას გამოკითხულთა 78% ემხრობა.

გამოკითხვა 2025 წლის 8-12 აგვისტოს მიმდინარეობდა კომპიუტერით მხარდაჭერილი სატელეფონო ინტერვიუს (CATI) მეთოდით. შემთხვევით გენერირებული ტელეფონის ნომრების შერჩევის საფუძველზე სულ 1,333 რესპონდენტი გამოიკითხა. შედეგები საქართველოს ქართულენოვანი ზრდასრული მოსახლეობის წარმომადგენლობითია. გამოკითხვის საშუალო ცდომილება 1.56%-ს შეადგენს.

მე ვერ დავგმობ ბექა ოდიშარიას გინებას, იმიტომ რომ ადამიანის ფსიქიკაზე მოქმედებს, როდესაც ათი მოლაპარაკე ტურა შემოგესევა და უკანასკნელი სიტყვებით აგინებენ შენს ოჯახს, გარდაცვლილებს, ცოცხლებს, ბავშვებს, უფროსებს – შეიძლება ასეთ ვითარებაში ადამიანმა თავი ვერ შეიკავოს, – ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან განაცხადა.

მისივე თქმით, გუშინდელ აქციაზე ახალგაზრდების მხრიდან „ვიხილეთ გინება, ადამიანების წყევლა, რაც არა ემოციური გამოვლინება, არამედ განზრახ დაგეგმილი ქმედებაა“.

ვოლსკის განცხადებით, „აბსოლუტური უცოდინარობა და ათ-სართულიანი გინების ცოდნა არის განზრახ დაგეგმილი ბოროტება საქართველოს წინააღმდეგ“.

„ჩვენმა ე.წ. ოპონენტებმა წესად შემოიღეს, რომ უნდა აგინო ადამიანს, დაწყევლო, უნდა უთხრა, რომ იგი მალე მოკვდება, უკიდურესი მძიმე სიტყვები უნდა გამოიყენო. მით უმეტეს, გოგონები არიან სპეციალურად ამისთვის ორგანიზებული და არავინ არაფერი პასუხი არ უნდა გასცეს. ასეთ ვითარებაში ადამიანი შეიძლება გამოვიდეს მწყობრიდან და პასუხი გასცეს და ამას ჰქონდა ადგილი. ეს არ არის ემოციური გამოვლინება, ეს არის განზრახ დაგეგმილი ქმედებები, რომელიც ემსახურება კონკრეტულ მიზანს, რომ შექმნან ატმოსფერო, სადაც ფასეულობა აღარ არსებობს, არც ტრადიცია, არც გულწრფელობა. აბსოლუტური უცოდინარობა და ათ-სართულიანი გინების ცოდნა არის განზრახ დაგეგმილი ბოროტება საქართველოს წინააღმდეგ. ეს ვიხილეთ გუშინ.

მე ვერ დავგმობ ბექა ოდიშარიას გინებას, იმიტომ რომ ადამიანის ფსიქიკაზე მოქმედებს, როდესაც ათი მოლაპარაკე ტურა შემოგესევა და ასეთი ინტენსიური ბულინგით, უკანასკნელი სიტყვებით აგინებენ შენს ოჯახს, შენი ოჯახის წევრებს, გარდაცვლილებს, ცოცხლებს, ბავშვებს, უფროსებს. შეიძლება ასეთ ვითარებაში ადამიანმა თავი ვერ შეიკავოს. რასაკვირველია, თავი უნდა შეიკავოს ბექამაც, მეც, ყველამ, მაგრამ ხანდახან ეს რთულია,” – განაცხადა ვოლსკიმ.

თბილისის მერის განცხადებით, საქართველოს ხელისუფლებისთვის ამერიკის შეერთებულ შტატებთან მეგობრული ურთიერთობა და სტრატეგიული პარტნიორობა მნიშვნელოვანია.

როგორც კახა კალაძემ ჟურნალისტებს ფილოსოფოს ზაზა შათირიშვილისა და პრეზიდენტ მიხეილ ყაველაშვილის მიერ აშშ-ის პრეზიდენტ დონალდ ტრამპისთვის გამოქვეყნებულ ღია წერილებთან დაკავშირებით დასმული კითხვების პასუხად განუცხადა, ხელისუფლება გულშემატკივრობს ტრამპს მისი მთავარი დაპირებების შესრულებაში.

„ჩვენ არაერთხელ გამოვხატეთ მზადება და კიდევ ერთხელ ვადასტურებ, როგორც პარტიის გენერალური მდივანი, დედაქალაქის მერი, გვაქვს სრული მზადება იმისა, რომ ურთიერთობები დავიწყოთ ახალი ფურცლიდან, გავაღრმავოთ, მეგობრული გავხადოთ. წერილშიც რცლად იყო ნახსენები, რამდენად დიდ მნიშვნელობას ვანიჭებთ ამერიკის შეერთებულ შტატებთან მეგობრულ ურთიერთობას, სტრატეგიულ პარტნიორობას. „ქართული ოცნება – დემოკრატიული საქართველო“, საქართველოს ხელისუფლება მზად არის ამ ყველაფრისთვის“, – განაცხადა კახა კალაძემ.

მისივე თქმით, მსოფლიოში საკმაოდ მძიმე მოვლენები ვითარდება და საქართველოს ხელისუფლება ჯერჯერობით დაკვირვებისა და მოლოდინის რეჟიმშია.

„დაველოდოთ. მესმის, რომ ძალიან მძიმე პროცესები არის მსოფლიოში, ვხედავთ, რა მდგომარეობაა. ორი მთავარი დაპირება იყო, რომელიც მოვისმინეთ პრეზიდენტ ტრამპისგან – ომის დასრულება, რომელიც ჯერ შესრულებული არ არის, პროცესი მიმდინარეობს და „დიფსთეიტის“ დამარცხება, რომელიც დაკავებული იყო სხვადასხვა სახელმწიფოში ხელისუფლების დამხობით, სახელმწიფო გადატრიალების მცდელობით, რისთვისაც იყენებდა სხვადასხვა გზას – დაფინანსებებს არასამთავრობო ორგანიზაციების გავლით. ეს ყველაფერი ცხადი გახდა ყველასთვის, რა ემსახურებოდა ქვეყანაში ე.წ. არასამთავრობო ორგანიზაციები. ჩვენ ვგულშემატკივრობთ პრეზიდენტ ტრამპს. პირველი დაპირება, რომელიც გულისხმობს ომის დასრულებას, ძალიან მნიშვნელოვანია, მშვიდობა გვინდა ვუსურვოთ უკრაინას. რა თქმა უნდა, მნიშვნელოვანია „დიფსთეიტის“ დამარცხებაც. ეს ყველაფერი უნდა აისახოს ჩვენს ქვეყანაზე და ურთიერთობებზე“, – განაცხადა კახა კალაძემ.

რაც შეეხება ჟურნალისტის კითხვას ხელისუფლების მოლოდინთან დაკავშირებით, რომელიც აშშ-ის ხელისუფლებაში ტრამპის ადმინისტრაციის მოსვლას და ურთიერთობების გადატვირთვას უკავშირდებოდა, მერის თქმით, დღეს რადიკალურად განსხვავებული მდგომარეობაა, ვიდრე 20 იანვრამდე იყო.

„თქვენ ხედავთ, დღეს რა მდგომარეობაა – აბსოლუტურად რადიკალურად განსხვავებული მდგომარეობაა იმასთან შედარებით, რაც იყო 20 იანვრამდე. ვერ ხედავთ, რა ხდება მსოფლიოში? ის, რაზეც ჩვენ ვსაუბრობდით, პრეზიდენტი ტრამპი გამოვიდა და პირდაპირ ყველაფერს თავის სახელით დაარქვა. როდესაც გლობალურ ომის პარტიაზე ვსუბრობდით, არ გახსოვთ კი, რომ ეს არ არის მართალი და რაღაცას ვიგონებთ. როდესაც ვსაუბრობდით, რომ არასამთავრობო ორგანიზაციები ქვეყანაში რევოლუციას აანონსებდნენ და სახელმწიფო გადატრიალებაშიც ფულს ხარჯავდნენ, გვეუბნებოდნენ, რომ მხოლოდ კეთილი საქმეებით არიან დაკავებული, მაგრამ ამხელა ქვეყნის პრეზიდენტი გამოვიდა და პირდაპირ დაასახელა ორგანიზაციები, სოცმედიაში უამრავი მასალა ვრცელდა, მათ შორის, საქართველოსთან დაკავშირებით, რომ ამ ორგანიზაციების გავლით, თანხები შემოდიოდა ქვეყანაში, რომ სახელმწიფო გადატრიალებები მოეწყოთ. ეს არის სამწუხარო რეალობა“, – განაცხადა კახა კალაძემ.

საქართველოს პრეზიდენტის, მიხეილ ყაველაშვილის ღია წერილმა დონალდ ტრამპის მიმართ, პარალელურად კი ბოლო დღეებში განვითარებულმა პოლიტიკურმა პროცესებმა კიდევ ერთხელ დამარწმუნა, რომ ჩვენს საზოგადოებას სასიცოცხლოდ ესაჭიროება ფსევდოლიბერალური პროპაგანდის ფასადს მიღმა დამალული ინფორმაციის მიწოდება, რადგან სიმართლით აღჭურვილი მოქალაქე ძლიერი სახელმწიფოს საკვანძო რგოლია სიმშვიდის და სტაბილურობის ჯაჭვში, ხოლო პირიქით – დაბნეული და სიცრუით გაბრუებული ადამიანი უმთავრესი იარაღია „დიფ სთეითის“ ხელში, – ამის შესახებ ფილოსოფოსი ზაზა შათირიშვილი აცხადებს.

შათირიშვილის თქმით, „ოლიგარქიული ოჯახები, მათივე ხელწერის თანახმად, სწორედ საკუთარ მოქალაქეებს უპირისპირებენ მათ მიერ არაკონტროლირებად, არასასურველ მთავრობებს, ხალხის ხელითვე ამხობენ მათ და შემდეგ ამ ყველაფერს რევოლუციებად, „დემოკრატიის“ გამარჯვებად ასაღებენ“.

„მათთვის სასურველ, თითქოსდა ხალხის არჩეულ მთავრობას როდესაც მოიყვანენ, რა თქმა უნდა, იგი არა ხალხს, არამედ „დიფ სთეითს“ ემსახურება. სწორედ ესაა სახელმწიფოების დაპყრობის უახლესი მეთოდი, რომელიც რამდენიმე ოლიგარქიულმა ოჯახმა შეიმუშავა (თუ ვინ არიან ოჯახები, რომლებიც ამ პროცესების უკან დგანან, ამაზე უფრო დეტალურად მოგვიანებით ვისაუბრებ). დაპყრობის ეს ახალი, უნივერსალური იარაღი შემდეგში მდგომარეობს: ხალხმა არ იცის, რომ დაპრყობილია. მონოპოლიზებული მედიის, მოქრთამული და ნაყიდი პოლიტიკური ისტებლიშმენტის პირობებში, „დიფ სთეითს“ ამგვარი ქმედება არ უჭირს და ერთ მარიონეტს მეორეთი მარტივად ანაცვლებს. რეალურად კი არაფერი იცვლება. ამის საუკეთესო მაგალითია დიდი ბრიტანეთი, სადაც ბოლო წლებში ოთხჯერ შეიცვალა პრემიერ-მინისტრი: ბორის ჯონსონი, ლიზ ტრასი, რიში სუნაკი და კირ სტარმერი – ერთი შეხედვით, ოთხი განსხვავებული პოლიტიკოსი, თუმცა კი, ყველა მათგანი „დიფ სთეითის“ გავლენის ქვეშ მყოფი. ბრიტანეთის მსგავს, სუვერენიტეტდაკარგულ ქვეყნებში, როგორებიც ევროკავშირში 90%-ს წარმოადგენენ, არსებულ ვითარებას მთელი სიცხადით წარმოგვიდგენს დოსტოევსკის ცნობილი ციტატა: „საუკეთესო გზა, რათა პატიმარს გაქცევა არასოდეს მოუნდეს – მან არ უნდა იფიქროს, რომ ციხეშია“. „დიფ სთეითს“ სხვადასხვა ქვეყანაში, საკუთარი გეგმების შესრულებაში ეხმარება პოლიტიკოსთა ჯგუფი, რომელსაც ჩვენ აგენტურას სრულიად დამსახურებულად ვუწოდებთ, თუმცა, ამ პროცესებში, აგენტების გარდა, მონაწილეობს მასა, რომელიც „სასარგებლო იდიოტებისგან“ შედგება. დღეს, რუსთაველზე მდგარი ადამიანები, რომლებიც ყველაფერს აკეთებენ, რომ საკუთარ ქვეყანას სუვერენიტეტი დააკარგვინონ, ამის ნათელი მაგალითია. საბედნიეროდ, სასარგებლო იდიოტების რაოდენობა მნიშვნელოვნად შემცირდა, რაც დიდწილად დაკავშირებულია ქართველი ხალხის სიბრძნესთან, თუმცა, ასევე აღსანიშნავია ხელისუფლების მუდმივი მუშაობა, აქტიურობა, რათა საზოგადოება ფხიზლად იყოს, ეს პროცესი კი აუცილებლად უნდა გაგრძელდეს.

ბოლო დღეებში განსაკუთრებით გამძაფრდა აშშ-ის მოქმედი ადმინისტრაციის უმაღლესი თანამდებობის პირების, მათ შორის პრეზიდენტ ტრამპის მხრიდან „დიფ სთეითის“ და ფონდების, USAID-ისა და NED-ის მწვავე კრიტიკა. მარტო ბოლო ერთ კვირაში: პრეზიდენტმა ტრამპმა გამოაქვეყნა სტატია „დიფ სთეითთან“ ბრძოლის შვიდი თვე“, სადაც აღნიშნავს, რომ აშშ-სთვის სახელმწიფოებრივი ინტერესია მისი დამარცხება. მარკო რუბიომ USAID-ს კიდევ ერთხელ უწოდა ანტიამერიკული, რევოლუციების დამფინანსებელი კორუფციული ფონდი, ხოლო ჯეი დი ვენსმა NED-ზე განაცხადა, რომ „გზას აცდენილი“ ორგანიზაციის დახურვა ამერიკელ ხალხს დაუბრუნებს კონტროლს მათ გადასახადებზე. მაშინ, როდესაც აშშ-ში ასე ღიად ამხელენ და აკრიტიკებენ კორუმპირებულ NGO ორგანიზაციებს, ნახეთ, როგორი კონტრასტია ევროპაში ამ კუთხით – საქართველოს პროკურატურის მიერ, ძალადობრივი აქციების ორგანიზებაში მხილებული NGO-ების ანგარიშების დაყადაღებამ „დიფ სთეითის“ მიერ ღიად მართული ევროკავშირის და ცალკეული ქვეყნების აღშფოთება გამოიწვია. ფაქტობრივად, ევროპამ უთხრა საქართველოს მთავრობას – როგორ გაბედეთ და შეეხეთ იმ ორგანიზაციებს, რომლის ხელით რევოლუციებს გიწყობთო… კიდევ ერთხელ, მოკლედ რომ შევაჯამოთ ერთი შეხედვით უცნაური კონტრასტი – აშშ აღიარებს არასამთავრობოთა დესტრუქციულ როლს, მათ მონაწილეობას რევოლუციებსა და არეულობებში, ხოლო „დიფ სთეითის“ მორჩილი ევროპა კბილებით იცავს აშშ-ის მიერ კორუმპირებულად შერაცხულ NGO-ებს.

რა ხდება? ნუთუ ტრამპის პოლიტიკასა და ევროპელთა მოსაზრებებს შორის ასეთი კარდინალური სხვაობაა? ნუთუ ეს დაპირისპირება და კონტრასტი რეალურია? სწორედ ეს არის მთავარი კითხვები და ვეცდები, მარტივად და გასაგებად ავხსნა რეალობა. ცხადია, არანაირი კონტრასტი და აზრთა სხვაობა არ არსებობს, ყველაფერი ერთი ხელით მართული პროცესია, რის უკანაც „დიფ სთეითი“ დგას. ოლიგარქიული ოჯახები ახლა გამალებით ცდილობენ, რომ მათი მმართველობის რებრენდინგი მოახდინონ და ის, რაც საზოგადოებამ უკვე კარგად იცის, რაც გაცხადებულია მათ შესახებ – საერთოდ გააქრონ მოქმედებათა არეალიდან. ოჯახების მთელი ენერგია ახლა მიმართულია სწორედ იმისკენ, რომ ამერიკა გაწმინდონ „დიფ სთეითის“ ნამოქმედარისგან, მოახდინონ მისი რებრენდინგი და ძველი, აპრობირებული მეთოდები მთლიანად ევროპაში ჩატოვონ, თანაც უფრო აგრესიულად და ღიად. ასე აიხსნება ის კონტრასტი NGO-ების მიმართ, რაც აშშ-სა და ევროპას შორის არის. რაც შეეხება „დიფ სთეითის“ რებრენდინგს და ამ ფარულ პროცესში ტრამპის მართლაც შესაშურ სამსახიობო ოსტატობას, მისი ხელით ოლიგარქიულმა ოჯახებმა თითქმის დაასრულეს ევროპის ძარცვა აშშ-ის სასარგებლოდ. რუსეთ-უკრაინის ომი მთლიანად ევროპას ჩამოჰკიდეს „კისერზე“, ამერიკული იარაღის ყიდვა ევროპის ვალდებულება გახადეს, ცალმხრივი, 15%-იანი სავაჭრო ტარიფები დაუწესეს, 600 მილიარდის ნავთობის შეძენასა და 750 მილიარდი დოლარის ინვესტიციებზე მათივე აგენტს, ურსულა ფონ დერ ლაიენს ხელი მოაწერინეს და საბოლოოდ დააყენეს ევროკავშირი მუხლებზე. ახლა ლოგიკური კვანძი გავხსნათ – აშშ-ის ოფიციალური პირების მიერ აღიარებულია, რომ ევროკავშირს, უნგრეთის, სერბეთისა და სლოვაკეთის გამოკლებით სწორედ „დიფ სთეითი“ მართავს, რასაც დიდი მიხვედრა და მტკიცება არ სჭირდება. როგორ ფიქრობთ, „დიფ სთეითის“ მიერ მართულმა ევროპამ იმ დონალდ ტრამპის სასარგებლოდ გააკეთა ყველაფერი, რომელიც თითქოს „დიფ სთეითს“ ებრძვის? როგორ ფიქრობთ, ოლიგარქიულმა ოჯახებმა საკუთარი თავის წინააღმდეგ ტრამპს გამარჯვების ქულები ჩაუწერეს? არა, ცხადია. ტრამპიც, რუბიოც და ვენსიც ამ დიდ გადალაგებაში მონაწილეობენ, რასაც „დიფ სთეითის“ ნამოქმედარისგან, მათი ღიად დაშავებულისგან აშშ-ს გაწმენდა ჰქვია. ისინი ყველაფერს წინა ადმინისტრაციას აბრალებენ და თავად სუფთა ფურცლიდან, ახალი მეთოდებით ასრულებენ პატრონების დავალებებს. ოლიგარქიულმა ოჯახებმა ევროპაში საკუთარი გეგმები 110%-ით შეასრულეს. დაანგრიეს ევროპის ეკონომიკა, დაასუსტეს რუსეთი, ჩაუჭრეს მას შუა აზია, ცხვირწინ ააცალეს სომხეთი და აზერბაიჯანი, აზიური ტვირთებისთვის გააკეთეს ალტერნატიული დერეფანი ზანგეზურზე და ეს დერეფანი 100 წლით იყიდეს… ახლა, როდესაც ყველაფერი სათავისოდ დაალაგეს, ოლიგარქიულ ოჯახებს, იგივე „დიფ სთეითს“ გარკვეული პერიოდის განმავლობაში შელახული რეპუტაციის აღდგენა და იმ მეთოდების ცვლილება სჭირდება, რაც ხალხმა უკვე იცის და საყოველთაოდ გაუვრცელდათ. სწორედ ამას ვგულისხმობ „დიფ სთეითის“ რებრენდინგში“, – აღნიშნავს შათირიშვილი.

როგორც შათირიშვილი აცხადებს, მიხეილ ყაველაშვილის ღია წერილში, რომელიც მან დონალდ ტრამპის გაუგზავნა, სწორად არის გადმოცემული ყველა წუხილი თუ გარკვეული წყენა.

„პრეზიდენტ ყაველაშვილის წერილს რაც შეეხება, რომელიც თავში ვახსენე, იმედი მაქვს, ეს წერილი, რომელშიც სწორად არის გადმოცემული ყველა წუხილი თუ გარკვეული წყენა, მანიშნებელია, რომ სამთავრობო ვერტიკალში აცნობიერებენ პროცესების სინამდვილეს და აცნობიერებენ იმას, რომ არანაირი „დიფ სთეითთან“ მებრძოლი ტრამპი არ არსებობს. ის უზარმაზარი ვაკუუმი, რაც აშშ-მა ხელოვნურად შექმნა საქართველოსთან ურთიერთობაში და რაზეც ბატონი ყაველაშვილი მიანიშნებს, სწორედ რომ ამის დასტურია. როდესაც საქართველოს პრეზიდენტი წერს ტრამპს – თუ მთელი მსოფლიო დაალაგეთ, როგორც ამბობთ, საქართველოსთან ურთიერთობის დალაგება რა გაგიხდათო – სწორედ აქ არის ძაღლის თავი დამარხული. ტრამპი, ანუ „დიფ სთეითი“ არ ჩქარობს, მას უნდა, რომ ნაბიჯის გადადგმამდე მაქსიმალურად დაასუსტოს, პრობლემები შეუქმნას მის მიერ არაკონტროლირებად საქართველოს მთავრობას და როდესაც საუბრის დრო მოვა, მათ სურთ, მაგიდასთან საქართველო მაქსიმალურად „გალახული“ იჯდეს. ამიტომ, უახლოეს პერიოდში კიდევ უფრო ბევრი და მძაფრი პროვოკაციაა მოსალოდნელი „დიფ სთეითის“ მართული ევროკავშირისგან, და არა მხოლოდ. ფრთხილად უნდა ვიყოთ ნებისმიერი მიმართულებით! მიუხედავად სიტუაციის სიმძიმისა, მაინც ვფიქრობ, რომ, ერთი მხრივ, არსებული ვაკუუმის, მეორე მხრივ, „დიფ სთეითის“ რებრენდინგის პროცესი და ვადები ხელისუფლებამ სათავისოდ უნდა გამოიყენოს, მაქსიმალურად გაიძლიეროს პოზიციები ქვეყანაში და საბოლოოდ ჩახსნას პოლიტიკური პროცესიდან კრიმინალების ბანდა, რასაც დღეს „ოპოზიცია“ ეწოდება. შედეგად კი, როდესაც „ლაპარაკის დრო“ დადგება, ჩვენი ქვეყანა ნებისმიერ ოპონენტთან არათუ სუსტად, არამედ მტკიცედ და მყარად წარდგება“, – აღნიშნავს შათირიშვილი.