აშშ-საელჩო საქართველოში არა თუ პრეზიდენტ ტრამპისა და სახელმწიფო მდივან რუბიოს მთავარი პრიორიტეტების მხარდასაჭერად აკეთებს რამეს, არამედ პირიქით, თავისი ქმედებით პირდაპირ ეწინააღმდეგება მათ მიერ საყოველთაოდ გაცხადებულ პრიორიტეტებს , – ამის შესახებ ფრაქცია „ქართული ოცნების“ თავმჯდომარის მოადგილე ლევან მაჭავარიანმა სოციალურ ქსელში განაცხადა, რითაც გამოეხმაურა საქართველოში ამერიკის შეერთებული შტატების საელჩოს განცხადებას.

როგორც მაჭავარიანი აღნიშნავს, საელჩო „უხეშად ერევა საქართველოს შიდა საქმეებში“ .

“მთელი პასუხისმგებლობით შეიძლება თქმა, რომ აშშ-საელჩო საქართველოში არა თუ პრეზიდენტ ტრამპისა და სახელმწიფო მდივან რუბიოს მთავარი პრიორიტეტების მხარდასაჭერად აკეთებს რამეს, არამედ პირიქით, თავისი ქმედებით პირდაპირ ეწინააღმდეგება მათ მიერ საყოველთაოდ გაცხადებულ პრიორიტეტებს – უხეშად ერევა საქართველოს შიდა საქმეებში და აძლევს დამატებით დირექტივებს მოვლენების რადიკალიზაციის შესახებ დიფ სთეითის ქართველ აგენტებს!

მეტიც, საელჩო თავის განცხადებებში, მიუხედავად უმრავლესობის ლიდერის მწვავე კრიტიკისა, არც კი გაემიჯნა ასეთ მოქმედებებს!” , – წერს ლევან მაჭავარიანი “ფეისბუქზე“.

ცნობისთვის, საქართველოში აშშ-ის საელჩომ საპარლამენტო უმრავლესობის ლიდერის მამუკა მდინარაძის დღევანდელ განცხადებებს სრულიად მცდარი უწოდა. როგორც საელჩოს განცხადებაშია აღნიშნული, მდინარაძის განცხადებები წარმოაჩენს ცოდნის ნაკლებობას.

„ბატონი მდინარაძის დღევანდელი განცხადებები სრულიად მცდარია და წარმოაჩენს ცოდნის ნაკლებობას იმის შესახებ, თუ რას აკეთებს შეერთებული შტატების საელჩო პრეზიდენტ ტრამპისა და სახელმწიფო მდივან რუბიოს მთავარი პრიორიტეტების მხარდასაჭრად – გახდეს ამერიკა უფრო უსაფრთხო

ჩვენ დიდი ხანია ვითხოვდით „ნაციონალური მოძრაობის“ მავნებლური საქმიანობის გამოძიებას. თუმცა დღეს ნამდვილად დადგა ის დრო, როდესაც ამის საჭიროებაც და აქტუალობაც კიდევ უფრო გამოიკვეთა, – განაცხადა პარლამენტის ვიცე-სპიკერმა და „ხალხის ძალის“ თავმჯდომარემ, სოზარ სუბარმა „დღის ქრონიკასთან“ საუბრისას საგამოძიებო კომისიის შექმნასთან დაკავშირებით, რომელიც „ნაციონალური მოძრაობის“ ხელისუფლებაში ყოფნის პერიოდს შეისწავლის.

მისი თქმით, „ნაცმოძრაობის“ წინააღმდეგ საკმაოდ ბევრი საქმეა დაგროვებული, რომელიც მისი მხრიდან ჩადენილ სისტემურ დანაშაულს ადასტურებს.

„შარშან იყო რამდენიმე ისეთი გადაწყვეტილება ადამიანის უფლებათა ევროპულ სასამართლოში, რომლის შემდეგაც ვალდებულებაც კი გვაქვს, რომ ასეთი კომისია შევქმნათ და ერთ -ერთი ასეთი არის „ოჩიგავა-საქართველოს წინააღმდეგ“ და ამ გადაწყვეტილებაში ადამიანის უფლებათა ევროპულმა სასამართლომ პირდაპირ თქვა, რომ სისტემურ დანაშაულებს ჩადიოდა „ნაციონალური მოძრაობა“.
რაც შეეხება უშუალოდ კომისიას, ის შეიქმნება ძალიან მალე. კანონით არის განსაზღვრული, რომ მინიმუმ ნახევარი უნდა იყვნენ ოპოზიციის წევრები. შესაბამისად, თუ შემოვა დანარჩენი ოპოზიცია, რომელიც არ აპირებს პარლამენტში შემოსვლას და ღალატობს თავის ამომრჩეველს, ამ შემთხვევაში მათ ექნებათ თავისი კვოტები და სავარაუდოდ „ხალხის ძალის “კვოტა იქნება ერთი ადამიანი. თუ ეს არ მოხდება, ამ შემთხვევაში ამ კვოტებს ჩვენ ავითვისებთ.

რაც შეეხება კონკრეტულ საქმეებს, რომელიც არის გამოსაძიებელი იმდენი გვაქვს დაგროვებული თუნდაც მარტო ჩემი მოხსენებები, რომ ავიღოთ ან იმ სახალხო დამცველების მოხსენებებიც, რომლებიც ჩემს შემდეგ იყვნენ მარტო ესენი საკმარისი, როგორც პოლიტიკური , ისე სისხლის სამართლებრივი გასამართლებისთვის“, – განაცხადა სოზარ სუბარმა.

არანაირი ცვლილება არ მომხდარა იმ გეგმაში, რაც რადიკალურ ოპოზიციას გააჩნია. რა საკვირველია კანონის გამკაცრებაა საჭირო, – განაცხადა პარლამენტის თავმჯდომარის პირველმა მოადგილემ, გიორგი ვოლსკიმ იმ ცვლილებებთან დაკავშირებით, რომელიც „ქართულმა ოცნებამ“ დააინიცირა.

მისი თქმით, ქვეყანაში წესრიგის შესანარჩუნებლად საჭიროა კანონის გამკაცრება.

„გეგმაზომიერი მუშაობა მიმდინარეობს იმისთვის, რომ დესტაბილიზაციას ჰქონდეს შეუქცევადი პროცესი. არანაირი ცვლილება არ მომხდარა იმ გეგმაში, რაც რადიკალურ ოპოზიციას გააჩნია. რა საკვირველია კანონის გამკაცრებაა საჭირო იმისთვის, იმისთვის რომ ქვეყანაში წესრიგი იყოს შენარჩუნებული. არ შეიძლება უარყოფითი ტენდენციების გაგრძელება იმ ქვეყანაში, რომელიც ყველა მაჩვენებლით არის წინ. მათ შორის ევროკავშირის ქვეყნებთან შედარებით“, – განაცხადა გიორგი ვოლსკიმ.

ცნობისთვის, „ქართულმა ოცნებამ“ დააინიცირა ცვლილებები, რომლებიც რამდენიმე მიმართულებით კანონმდებლობის გამკაცრებას ითვალისწინებს. მკაცრდება მთელი რიგი რეგულაციები.

ვიხილეთ დანაშაულის მცდელობა, რომ მოეხდინათ ავტომაგისტრალის ბლოკირება – პოლიციის ამოცანა არის ის, რომ დანაშაულის ჩადენა არ დაუშვას და ზუსტად ეს გააკეთა გუშინ მან – რაც შეეხება ცალკეულ ინციდენტებს, მე ამის შინაარსში და კომენტარში არ შევალ, ამისთვის არსებობს სპეციალური საგამოძიებო სამსახური და შეუძლიათ მიმართონ , – ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებთან განაცხადა.

მისი თქმით, გუშინდელი აქცია ძალადობრივი იყო და ზუსტად ის იყო გამაოგნებელი, რომ ბრიუსელელმა პოლიტიკოსებმა ძალადობრივ აქციას მშვიდობიანი უწოდეს.

პაპუაშვილის განცხადებით, როდესაც ბრიუსელელი ბიუროკრატები ძალადობას მშვიდობას ეძახიან, ეს აქეზებს ძალადობას.

“ამბობდნენ, რომ პოლიციელებისთვის მაშხალების სროლა, პარლამენტის დაწვის მცდელობა, ქვების სროლა, მოლოტოვის კოქტეილების სროლა იყო მშვიდობა. მაშინ ვთქვი, რომ თუკი ეს არის მშვიდობა, ასეთ მშვიდობა ჰქონდეთ თავის დედაქალაქებში ყოველ დღე. აუხდათ ხომ?! ახლაც, თუკი მათთვის მშვიდობა არის საერთაშორისო მაგისტრალების გადაკეტვა და ამის დაანონსება, ასეთი მშვიდობა ჰქონოდეთ თავის მაგისტრალებზე და ავტობანებზე.

დაანონსდა ძალადობრივი აქცია. დაანონსდა უცხოეთიდან დაფინანსებული “ენჯეოების” და “ნაცმოძრაობის” მხრიდან, რომ შეიკრიბებოდნენ მაგისტრალების მიმდებარე ტერიტორიაზე და მოახდენდნენ მაგისტრალის ბლოკირებას. თავისთავად მაგისტრალის ბლოკირების საშუალებას რომ სამართალდამცავები არ მისცემდნენ, ცხადია. იქ რომ მივიდნენ დახვდათ პოლიციის კორდონი, რომელიც მათ აფრთხილებდა, რომ არ მოეხდინათ მაგისტრალის ბლოკირება. მიუხედავად ამისა, სცადეს კორდონის გარღვევა და ბლოკირება.

ის, რაც ვიხილეთ პირდაპირ ეთერში, ეს იყო დანაშაულის მცდელობა, რომ მოეხდინათ ავტომაგისტრალის ბლოკირება. პოლიციის ამოცანა არის ის, რომ დანაშაულის ჩადენა არ დაუშვას და ზუსტად ეს გააკეთა გუშინ პოლიციამ, რომელიც მაგისტრალის ბლოკირება არ მოახდენინა. შესაბამისად, ამ დროს, როდესაც არის ძალადობრივი აქცია, თავისთავად საჭიროა საპოლიციო ძალის გამოყენება იმისათვის, რომ მოხდეს შეკავება. რაც შეეხება ცალკეულ ინციდენტებს, მე ამის შინაარსში და კომენტარში არ შევალ. არსებობს ამისთვის სპეციალური საგამოძიებო სამსახური, რომელსაც შეუძლიათ მიმართონ და სპეციალური საგამოძიებო სამსახური ამით დაკავდება.

რაც შეეხება პოლიტიკურ შეფასებას – ზუსტად ის იყო გამაოგნებელი, რომ ჩვენ გუშინვე მოვისმინეთ ბრიუსელელი პოლიტიკოსების, ჩინოვნიკების, თუ დიპლომატების განცხადება, რომლებმაც ძალადობრივ აქციას მშვიდობიანი უწოდეს. აი, ამას რომ ეძახიან მშვიდობიანს ამის გამოა, რომ ხდება შემდეგ ეს ძალადობა. ამიტომ არის, რომ როდესაც ძალადობას ეძახიან მშვიდობას და მშვიდობიან აქციას ზოგიერთ ბრიუსელელი ბიუროკრატი, ეს აქეზებს ძალადობას,” – განაცხადა პაპუაშვილმა.

საჯარო სამსახურის ბიურო საჯარო სამართლის იურიდიული პირის სახით აღარ იარსებებს. აღნიშნული გადაწყვეტილება საქართველოს მთავრობამ მართვის რაციონალიზაციისა და ხარჯების ოპტიმიზაციის მიზნით მიიღო.

აღსანიშნავია, რომ „საჯარო სამსახურის შესახებ” კანონში განხორციელებული ცვლილებების შედეგად,  სსიპ საჯარო სამსახურის ბიუროს არაერთი ფუნქცია გამოაკლდა. მათ შორის თანამდებობის პირთა დეკლარაციებისა და საჯარო სამსახურში ეთიკისა და კეთილსინდისიერების კონტროლის ფუნქციები, რომლებიც ანტიკორუფციული ბიუროს რეგულირების სფეროში გადავიდა.

ამ ეტაპზე საჯარო სამსახურის ბიუროს ფუნქციები არსებითად შემოიფარგლება საჯარო ადმინისტრირების რეფორმაზე მუშაობით, რაც მთავრობის ადმინისტრაციის შესაბამის დეპარტამენტთან მჭიდრო კოორდინაციით ხორციელდება  და საჯარო სამსახურში არსებულ ვაკანსიებზე კონკურსების შესახებ ინფორმაციის გამოქვეყნებით, რაც მეტწილად ტექნიკურ ფუნქციას წარმოადგენს. 

შესაბამისად, იმის გათვალისწინებით, რომ საჯარო სამსახურის ბიურო თავდაპირველი ფუნქციების ერთ მესამედს უკვე აღარ ფლობს, სსიპ-ის ფორმით მისი არსებობა მიზანშეუწონელია.

აქედან გამომდინარე, მთავრობის გადაწყვეტილებით, 2025 წლის 1-ლი აპრილიდან საჯარო სამსახურის ბიურო სსიპ-ის ფორმით აღარ იფუნქციონირებს და მის უფლებამოსილებაში დარჩენილ ფუნქციებს მთავრობის ადმინისტრაციის შესაბამისი დეპარტამენტები განახორციელებენ.