სინოპტიკოსების პროგნოზით, უახლოეს დღეებში ხანმოკლე წვიმა, ელჭექი, ზოგან სეტყვა და ქარია მოსალოდნელი. 20-22 ივლისის მოსალოდნელი ამინდის შესახებ ინფორმაციას გარემოს ეროვნული სააგენტო ავრცელებს.

21 ივლისის დილამდე საქართველოში შენარჩუნებული იქნება დროგამოშვებით წვიმიანი ამინდი, ზოგან შესაძლებელია სეტყვა და ქარის გაძლიერება.

21-22 ივლისს კი ხანმოკლე წვიმა მოსალოდნელია მხოლოდ ცალკეულ რაიონში. ჰაერის ტემპერატურა ისევ მოიმატებს.

თბილისში 20-21 ივლისს მოსალოდნელია ხანმოკლე წვიმა ელჭექით. 22 ივლისს უნალექო ამინდი იქნება. ჰაერის ტემპერატურა დღისით +30, +32 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი): 20 ივლისს მოსალოდნელია ხანმოკლე წვიმა ელჭექით, 21-22-ში კი უნალექო ამინდი იქნება. ჰაერის ტემპერატურა დღისით +28, +30 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 20 ივლისს მოსალოდნელია ხანმოკლე წვიმა ელჭექით, 21-22-ში კი ცხელი და უმეტესად უნალექო ამინდი იქნება. ჰაერის ტემპერატურა დღისით +32, +34 გრადუსი დაფიქსირდება.

დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +30, +32 გრადუსი იქნება.

დასავლეთ საქართველოს მაღალმთიან რეგიონებში (მესტია, ბახმარო): მოსალოდნელია ხანმოკლე წვიმა ელჭექით. ჰაერის ტემპერატურა +27, +29 გრადუსი იქნება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): 20-21 ივლისს მოსალოდნელია ხანმოკლე წვიმა ელჭექით. 22 ივლისს უნალექო ამინდი იქნება ჰაერის ტემპერატურა დღისით +31, +33 გრადუსი იქნება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 20-21 ივლისს მოსალოდნელია ხანმოკლე წვიმა ელჭექით, ზოგან შესაძლებელია სეტყვა და ქარის გაძლიერება. 22 ივლისს უნალექო ამინდი იქნება. ჰაერის ტემპერატურა დღისით +31, +33 გრადუსი იქნება.

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +28, +30 გრადუსი იქნება.

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +20, +22 გრადუსი იქნება.

ონის მუნიციპალიტეტში ავტოსაგზაო შემთხვევა მსხვერპლით დასრულდა.

არსებული ინფორმაციით, შემთხვევის შედეგად 3 ადამიანი დაიღუპა, მათგან ერთი არასრულწლოვანია.

შემთხვევის შედეგად დაშავებულია ორი ადამიანი.ისინი კლინიკაში გადაიყვანეს. მომხდარზე გამოძიება 276-ე მუხლის მეექვსე ნაწილით დაიწყო.

ვერ­ძი

თავ­და­ჯე­რე­ბუ­ლი ხართ და შე­გიძ­ლი­ათ და­გეგ­მოთ ყვე­ლა­ზე რთუ­ლი ან უსი­ა­მოვ­ნო საქ­მე­ე­ბი დღე­ვან­დე­ლი დღის­თვის. რაც არ უნდა გა­და­წყვი­ტოთ დღეს, ყვე­ლა­ფე­რი შე­სა­ნიშ­ნა­ვი შე­დე­გე­ბით დას­რულ­დე­ბა. ვარ­სკვლა­ვე­ბი არაჩ­ვე­უ­ლებ­რივ ნაც­ნო­ბო­ბას და შეხ­ვედ­რებს გპირ­დე­ბი­ან. შე­ე­ცა­დეთ და­ამ­ყა­როთ ურ­თი­ერ­თო­ბა ახალ­გაც­ნო­ბი­ლებ­თან და ის­წავ­ლოთ რა­ი­მე ახა­ლი.

კურო

დიდი შან­სია, რომ თქვენს პი­რად ცხოვ­რე­ბა­ში გარ­კვე­უ­ლი ცვლი­ლე­ბე­ბი მოხ­დეს. მო­ერ­გეთ თქვე­ნი საყ­ვა­რე­ლი ადა­მი­ა­ნე­ბის გან­წყო­ბას, შე­ე­ცა­დეთ მო­ნა­წი­ლე­ო­ბა მი­ი­ღოთ მათ ცხოვ­რე­ბა­ში. სა­სარ­გებ­ლოა თქვე­ნი იდე­ე­ბის ან გეგ­მე­ბის ოჯა­ხის წევ­რე­ბის­თან გა­ზი­ა­რე­ბა და რა­ი­მე სა­ერ­თო მი­ზე­ზის გა­მო­მუ­შა­ვე­ბა. შე­ი­ნარ­ჩუ­ნე პო­ზი­ტი­უ­რი გან­წყო­ბა.

ტყუ­პი

წარ­მა­ტე­ბუ­ლი და ხა­ლი­სი­ა­ნი დღეა. გექ­ნე­ბათ ახა­ლი სა­ინ­ტე­რე­სო შე­საძ­ლებ­ლო­ბე­ბი, შთა­გო­ნე­ბა შექ­მნათ რა­ი­მე გა­მორ­ჩე­უ­ლი. თქვე­ნი მომ­ხიბ­ვლე­ლო­ბის წყა­ლო­ბით სხვე­ბი მეტ ყუ­რა­დღე­ბას მო­გაქ­ცე­ვენ და თქვენს რჩე­ვებს მო­ის­მე­ნენ. პი­რად ურ­თი­ერ­თო­ბებ­ში ყვე­ლა­ფე­რი კარ­გად მი­დის.

კირჩხი­ბი

მო­გინ­დე­ბათ რა­ი­მე ძვი­რად ღი­რე­ბუ­ლი ნივ­თის შე­ძე­ნა. ფრთხი­ლად იყა­ვით ყიდ­ვი­სას: ყალ­ბის არ შე­მო­გა­ჩე­ჩონ ან მო­ტყუ­ე­ბის მსხვერ­პლი არ გახ­დეთ. 20 ივ­ლისს უნდა ეცა­დოთ უფრო მე­ტად იყოთ მხი­ა­რუ­ლი ადა­მი­ა­ნე­ბის გა­რე­მოც­ვა­ში, მო­ე­რი­დოთ მარ­ტო­ო­ბას და პე­სი­მის­ტურ აზ­რებს.

ლომი

ბოლო დღე­ე­ბის და­ძა­ბუ­ლო­ბა და წა­რუ­მა­ტებ­ლო­ბა წარ­სულს ჩა­ბარ­და და ვარ­სკვლა­ვე­ბი წარ­მა­ტე­ბულ და მშვიდ პე­რი­ოდს პირ­დე­ბი­ან. დღეს გე­ლით სა­სი­ა­მოვ­ნო სი­ურპრი­ზე­ბი და სა­ინ­ტე­რე­სო შე­თა­ვა­ზე­ბე­ბი, რომ­ლებ­ზეც უნდა და­ე­თან­ხმოთ. იყა­ვით და­ჟი­ნე­ბუ­ლი სა­კა­მა­თო სი­ტუ­ა­ცი­ებ­ში და მი­აღ­წი­ეთ თქვენს მი­ზანს.

ქალ­წუ­ლი

რაც უფრო მეტს და­უ­კავ­შირ­დე­ბით და გა­იც­ნობთ დღეს, მით მე­ტია სა­ინ­ტე­რე­სო შე­თა­ვა­ზე­ბის მი­ღე­ბის შან­სი. თქვენ წი­ნა­შე შე­იძ­ლე­ბა გა­იხ­სნას ახა­ლი მომ­გე­ბი­ა­ნი შე­საძ­ლებ­ლო­ბე­ბი. თქვე­ნი მხი­ა­რუ­ლი და­მო­კი­დე­ბუ­ლე­ბა და იუ­მო­რის გრძნო­ბა ნე­ბის­მი­ე­რი კამ­პა­ნი­ის ცენ­ტრში მო­გაქ­ცევთ. ნუ გა­ნა­ხორ­ცი­ე­ლებთ ზე­წო­ლას თქვენს ოპო­ნენ­ტებ­ზე, გა­ით­ვა­ლის­წი­ნეთ მათი მო­საზ­რე­ბე­ბი.

სას­წო­რი

დაგ­რო­ვი­ლი დაღ­ლი­ლო­ბა თავს შე­გახ­სე­ნებთ. ვარ­სკვლა­ვე­ბი გირ­ჩე­ვენ, 20 ივ­ლისს ყვე­ლა სა­მუ­შაო სა­კი­თხი შე­ა­ჩე­როთ და დღე მშვი­დად და მო­დუ­რად გა­ა­ტა­როთ. შე­საძ­ლე­ბე­ლია სირ­თუ­ლე­ე­ბი ახლო ადა­მი­ა­ნებ­თან ურ­თი­ერ­თო­ბა­შიც კი, კა­მა­თი წარ­მო­ი­შო­ბა მო­უ­ლოდ­ნე­ლად. მარ­ტო­ო­ბა ხელს შე­უ­წყობს სიმ­შვი­დის აღ­დგე­ნას.

მო­რი­ე­ლი

ახა­ლი გა­მოც­დი­ლე­ბა და სა­სარ­გებ­ლო ინ­ფორ­მა­ცია 20 ივ­ლისს ახა­ლი ნაც­ნო­ბე­ბის­გან შე­გიძ­ლი­ათ მი­ი­ღოთ. ნუ შე­გე­შინ­დე­ბათ უფრო ხში­რად კო­მუ­ნი­კა­ცი­ი­სა და სა­ინ­ტე­რე­სო ადა­მი­ა­ნებ­თან სა­უბ­რის და­წყე­ბა. ასე­ვე მი­ი­ღებთ ნა­თელ ემო­ცი­ებს, ვი­ღაც შთა­გა­გო­ნებთ ამ­ბი­ცი­უ­რი პრო­ექ­ტე­ბის და­წყე­ბას. სა­ღა­მოს მო­სა­ლოდ­ნე­ლია სა­სი­ა­მოვ­ნო სი­ურპრი­ზე­ბი.

მშვილ­დო­სა­ნი

გა­ა­ტა­რეთ დღე აქ­ტი­უ­რად, და­უ­კავ­შირ­დით და შეხ­ვდით მეტს, ეწ­ვი­ეთ სა­ინ­ტე­რე­სო ად­გი­ლებ­სა და კომ­პა­ნი­ებს. თუმ­ცა, არ უნდა და­ი­ჯე­რო ყვე­ლა­ფე­რი, რა­საც გე­უბ­ნე­ბი­ან. შე­იძ­ლე­ბა ვინ­მემ შეც­დო­მა­ში შე­გიყ­ვა­ნოთ. დღეს სა­სარ­გებ­ლოა სა­ო­ჯა­ხო საქ­მე­ე­ბის კე­თე­ბა, ნივ­თე­ბის გა­და­წყო­ბა და ინ­ტე­რი­ე­რის­თვის ახა­ლი ნივ­თე­ბის ყიდ­ვა.

თხის რქა

შე­ე­ცა­დეთ ისი­ა­მოვ­ნოთ კო­მუ­ნი­კა­ცი­ით, ის­წავ­ლოთ რა­ი­მე ახა­ლი და და­ამ­ყა­როთ სა­სარ­გებ­ლო კონ­ტაქ­ტე­ბი. დღე არ არის შე­სა­ფე­რი­სი შო­პინ­გის­თვის. არ მო­გი­ტანს კმა­ყო­ფი­ლე­ბას. ჯო­ბია და­ზო­გოთ ფული და ჩარ­თოთ და­ზოგ­ვის რე­ჟი­მი. და­ე­თან­ხმეთ შე­მო­თა­ვა­ზე­ბებს, რომ­ლებ­საც დღეს მი­ი­ღებთ.

მერ­წყუ­ლი

გა­ა­ტა­რეთ ეს დღე ისე, რო­გორც დიდი ხა­ნია ოც­ნე­ბობ­დით. შე­გიძ­ლი­ათ უფრო დიდ­ხანს დარ­ჩეთ სა­წოლ­ში, ან დი­ლით ადრე გახ­ვი­დეთ ბუ­ნე­ბა­ში. და­უთ­მეთ დრო იმას, რაც გიყ­ვართ. იფიქ­რეთ იმა­ზე, თუ რო­გორ შე­გიძ­ლი­ათ ისარ­გებ­ლოთ თქვე­ნი ჰო­ბი­დან და გა­და­იყ­ვა­ნეთ ის შემ­დეგ ეტაპ­ზე. კო­მუ­ნი­კა­ცია სა­სი­ა­მოვ­ნო და სა­სარ­გებ­ლო იქ­ნე­ბა.

თევ­ზე­ბი

მო­უს­მი­ნეთ სა­უბ­რებს, გა­ი­ცა­ნით ახა­ლი ხალ­ხი. შე­საძ­ლოა, 20 ივ­ლისს გა­გი­ჭირ­დეთ აზ­რე­ბის მკა­ფი­ოდ გა­მო­ხატ­ვა, მაგ­რამ მი­ი­ღებთ სა­სარ­გებ­ლო ინ­ფორ­მა­ცი­ას და მო­ის­მენთ რა­ი­მე სა­ინ­ტე­რე­სო იდე­ას. მო­უს­მი­ნეთ თქვენს ში­ნა­გან ხმას, ეძე­ბეთ სა­კუ­თარ თავ­ში პა­სუ­ხე­ბი იმა­ზე, რაც გა­წუ­ხებთ.

„საქართველოს რკინიგზა“ 1 აგვისტოდან 25 აგვისტოს ჩათვლით და 1 აგვისტოდან 31 აგვისტოს ჩათვლით თბილისი-ბათუმი-თბილისის მიმართულებით რეისებს ამატებს, – ამის შესახებ ინფორმაციას სოციალურ ქსელში „საქართველოს რკინიგზა“ ავრცელებს.

მათივე ცნობით, ასევე 1 აგვისტოდან მსვლელობიდან იხსნება თბილისი-ბათუმი-თბილისის ღამის სამგზავრო მატარებელი.

მათ მიერ გამოქვეყნებული ინფორმაციით, თბილისიდან ბათუმის მიმართულებით მატარებელი, 1 აგვისტოდან 25 აგვისტოს ჩათვლით, 06:30 საათზე გავა, ხოლო ბათუმიდან თბილისის მიმართულებით – 14:20 საათზე.

ამასთან, თბილისიდან ბათუმის მიმართულებით მატარებელი, 1 აგვისტოდან 31 აგვისტოს ჩათვლით, გავა 10:25 საათზე, ხოლო ბათუმიდან თბილისის მიმართულებით – 17:20 საათზე.

„ბილეთების შეძენა შესაძლებელია: ჩვენი ვებ-გვერდის საშუალებით: https://ticket.railway.ge/
სწრაფი გადახდის აპარატებით
საქართველოს რკინიგზის სალაროებში
საქართველოს რკინიგზის პარტნიორი კომპანიების მეშვეობით“, – აცხადებენ „საქართველოს რკინიგზაში“.

საქართველოს პროკურატურამ ავტომობილის მოძრაობის უსაფრთხოების წესის დარღვევის ფაქტზე, რამაც ადამიანის სიცოცხლის მოსპობა გამოიწვია, საქართველოს შინაგან საქმეთა სამინისტროს საპატრულო პოლიციის დეპარტამენტის თანამშრომელი დააკავა, – ამის შესახებ ინფორმაციას პროკურატურა ავრცელებს.

მათივე ცნობით, დაკავებულს ბრალდება საქართველოს სისხლის სამართლის კოდექსის 276-ე მუხლის მე-6 ნაწილით წარედგინება, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.

„საქმეზე ამ დროისთვის ჩატარებული გამოძიებით დადგინდა, რომ 19 ივლისს, დაახლოებით 04:35 საათზე, თბილისში, რ.დ. მისი მართვის ქვეშ მყოფი მოტოციკლით გადაჭარბებული სიჩქარით გადაადგილდებოდა,შინაგან საქმეთა სამინისტროს საპატრულო პოლიციის დეპარტამენტის თანამშრომლებმა მოსთხოვეს გაჩერება, რასაც იგი არ დაემორჩილა და განაგრძო მოძრაობა ალექსანდრე ყაზბეგის გამზირის მიმართულებით, რა დროსაც შეეჯახა საგზაო მოძრაობის წესების დარღვევით მოძრავ საპატრულო პოლიციის დეპარტამენტის თანამშრომლის მართვის ქვეშ მყოფ ავტომობილს. მოტოციკლის მძღოლი ადგილზე გარდაიცვალა.

დაკავებულს ბრალდება საქართველოს სისხლის სამართლის კოდექსის 276-ე მუხლის მე-6 ნაწილით წარედგინება, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.

პროკურატურა ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით, თბილისის საქალაქო სასამართლოს კანონით დადგენილ ვადაში მიმართავს.

საპატრულო პოლიციის თანამშრომელთა მხრიდან საპოლიციო ღონისძიების, დევნის პროცესში შესაძლო დანაშაულის ფაქტთან დაკავშირებით სისხლის სამართლის საქმეზე გამოძიება გრძელდება“, – აღნიშნულია გავრცელებულ ინფორმაციაში.

ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი და მოადგილე გიორგი შარაბიძე საერთაშორისო რესპუბლიკური ინსტიტუტის (IRI) 2024 წლის საპარლამენტო არჩევნების საერთაშორისო სადამკვირვებლო მისიას შეხვდნენ.

შეხვედრის მთავარი თემა 26 ოქტომბრის არჩევნებისთვის საარჩევნო ადმინისტრაციის მიერ განხორციელებული და მიმდინარე საქმიანობა იყო.

როგორც ცესკოს თავმჯდომარემ აღნიშნა, საარჩევნო ადმინისტრაცია აქტიურად მუშაობს და არაერთ საქმიანობას ახორციელებს იმისთვის, რომ პარლამენტის არჩევნები ელექტრონული აპარატების გამოყენებით მაღალ პროფესიულ დონეზე, საერთაშორისო სტანდარტების შესაბამისად ჩატარდეს.

მისივე თქმით, განსაკუთრებით მნიშვნელოვანია ტექნოლოგიური სიახლეების შესახებ ამომრჩეველთა ინფორმირება და განათლება, რაც საარჩევნო ადმინისტრაციის ერთ-ერთ მთავარ პრიორიტეტს წარმოადგენს და ამ მიმართულებით ინფორმირების ფართომასშტაბიანი კამპანია არჩევნებამდე წლინახევრით ადრე დაიწყო.

გიორგი კალანდარიშვილმა სადამკვირვებლო მისიის წარმომადგენლებს ასევე გააცნო ინფორმაცია საარჩევნო ტექნოლოგიების საყოველთაო დემონსტრირების პროექტის შესახებ, რომელიც მთელი ქვეყნის მასშტაბით მიმდინარეობს.

გიორგი კალანდარიშვილმა ასევე ისაუბრა კომპანია „სმარტმატიკთან“ თანამშრომლობის შესახებ, რომელიც საარჩევნო ადმინისტრაციას 26 ოქტომბრის არჩევნებზე საარჩევნო ელექტრონული აპარატებითა და შესაბამისი პროგრამული უზრუნველყოფით მოემსახურება. აღნიშნულ კომპანიას 36 ქვეყანაში არჩევნების მოდერნიზების გამოცდილება აქვს.

ცესკოს თავმჯდომარემ სადამკვირვებლო მისიას დეტალურად გააცნო საარჩევნო ელექტრონული საშუალებების საერთაშორისო აუდიტის შედეგებიც. მისი თქმით, 2023 წლის 1-ელ ოქტომბერს ელექტრონული საშუალებების გამოყენებით გამართული შუალედური/რიგგარეშე არჩევნების და აღნიშნულ არჩევნებზე გამოყენებული ელექტრონული საშუალებების შესაბამისობის აუდიტი საერთაშორისო აუდიტორულმა კომპანია „Pro V&V“-მ განახორციელა.

კომპანიის მიერ გამოქვეყნებული ანგარიშის მიხედვით, ელექტრონული აპარატურა და პროგრამული უზრუნველყოფა, საერთაშორისო სტანდარტებთან, საქართველოს კანონმდებლობასთან და ტექნიკურ სპეციფიკაციებთან შესაბამისობაში იყო.

შეხვედრაზე ისაუბრეს დეზინფორმაციაზე როგორც გლობალურ გამოწვევაზე და მასთან გამკლავების გზებზე. ცესკოს თავმჯდომარემ შეხვედრის მონაწილეებს ამ კუთხით საქართველოს საარჩევნო ადმინისტრაციის მიდგომა და პრაქტიკა გააცნო, რითაც უწყება საზოგადოებისთვის სწორი ინფორმაციის მიწოდებას უზრუნველყოფს.

შეხვედრის მიმდინარეობისას გაიმართა დისკუსია. მონაწილეებმა აქტუალურ საარჩევნო საკითხები განიხილეს და მოსაზრებები გაცვალეს. შეხვედრის დასასრულს, ცესკოს თავმჯდომარემ კიდევ ერთხელ აღნიშნა, რომ საარჩევნო ადმინისტრაცია მიესალმება საერთაშორისო სადამკვირვებლო ორგანიზაციების ჩართულობას 26 ოქტომბრის არჩევნებში. მისი თქმით, საარჩევნო ადმინისტრაციას, როგორც ღია და გამჭვირვალე უწყებას, ყოველთვის ჰქონდა და მომავალშიც ექნება მჭიდრო თანამშრომლობა სადამკვირვებლო მისიებთან, რაც არჩევნების მთლიანობის უზრუნველსაყოფად ერთ-ერთი მნიშვნელოვანი კომპონენტია.

საერთაშორისო რესპუბლიკურმა ინსტიტუტმა (IRI) საქართველოში 26 ოქტომბრის საპარლამენტო არჩევნების საერთაშორისო სადამკვირვებლო მისია უკვე დაიწყო. IRI-ის 20 გრძელვადიანი დამკვირვებელი არჩევნებამდე რამდენიმე თვით ადრე დაფარავს საარჩევნო ოლქებს მთელი ქვეყნის მასშტაბით.