საპარლამენტო უმრავლესობის წევრის, ირაკლი ზარქუას შეფასებით, აშშ-ის საპრეზიდენტო არჩევნებში დონალდ ტრამპის გამარჯვება ომის დასრულებას ნიშნავს.

როგორც ზარქუამ აღნიშნა, ომის დასრულების შემდეგ მოიხსნება საქართველოს მიმართ მეორე ფრონტის გახსნის მოთხოვნა.

„ტრამპს ვუჭერ მხარს, რადგან მგონია, რომ ის არის მნიშვნელოვანი რეგიონისთვის. რატომ? იმიტომ კი არა, რომ ტრამპი პრეზიდენტი გახდება თუ არა, მეორე დღეს იტყვის, მორჩა. ეს პროცესია და მიდგომები ასე სწრაფად არ იცვლება. ვთქვით, რომ ტრამპის მოსვლა რეგიონში ომის დამთავრებას ნიშნავს, რაც რეგიონისთვის მნიშვნელოვანი გამოწვევაა. ომის დამთავრება ნიშნავს, რომ მეორე ფრონტის გახსნის ვალდებულება, მოთხოვნა და ბულინგი მთავრობის მიმართ მოიხსნება „გლობალური ომის პარტიის“ მიერ. რატომ აფინანსებენ არასამთავრობო ორგანიზაციებს? – სახელმწიფო ინსტიტუციებს რომ შეუტიონ. და ეს შემთხვევითი გგონიათ? მათ ნებას არ დავყევით, არც მეორე ფრონტი გავხსენით და უარი არ ვთქვით ანაკლიის პორტის აშენებაზე, რომელიც მნიშვნელოვანი კვანძია ევროპასა და აზიას შორის. არასამთავროების მობილიზება, ეს ყველაფერი ამის გამო ხდება. ყველაფერი იმდენად გამჭვირვალე გავხადეთ, რომ უკვე პოლიტიკაში წამოვიდნენ.

მათი მხრიდან დამალვას აზრი არ აქვს, პოლიტიკაში მანამდეც იყვნენ. ამერიკაში ტრამპის მოსვლა ომის გაჩერებას ნიშნავს. ამით მოიხსნება ჩვენ მიმართ მოთხოვნა, რომ მეორე ფრონტი გაიხსნას. მესამე მნიშვნელოვანი საკითხია ის, რომ არასამთავრობო ორგანიზაციებს დაფინანსება შეუწყდებათ, რაც მშვიდობის მნიშვნელოვანი ფაქტორი იქნება. ტრამპმა სწორედ ამიტომ უნდა გაიმარჯვოს. გახსოვთ, გვარამია თავისი ეთერებიდან რას გაჰკიოდა? ტრამპის მოსვლა იყო პუტინის ხაზის გაგრძელება, დამღუპველიო, ტრამპმა წააგო და დამარცხდაო. ბოკუჩავა რას ამბობდა? ბაიდენის გამარჯვება არის მესიჯი, რომ ტრამპის მიერ გზას აცდენილი ამერიკა სწორ რელსებს დაუბრუნდებაო. სამადაშვილი რას ამბობს, ამას აზრი არ აქვს, რადგან ხაზარაძეს სამარცხვინოს ეძახდა და დღეს მასთან არის გაერთიანებული. ამათი სახეცვლილება ნახეთ? ტრამპზე თავდასხმის შემდეგ „ბოკუ“ ამერიკაში აფრინეს, 700 დოლარით ბილეთი უყიდეს და კონგრესის სხდომაზე წამოასკუპეს, დერეფანში გაასეირნეს. არ გახსოვთ, სააკაშვილი კიბის ქვეშ რომ ელოდებოდა ხოლმე ლიდერებს, კამერებით რომ გადაეღოთ? პრეზიდენტობას რომ მორჩა, ამერიკამ ვიზა არ მისცა, ახლოს არ გაიკარეს. რატომ ჰგონიათ, რომ ქართველ ხალხს ტრამპის მიმართ ამათი დამოკიდებულება არ ახსოვს? უპრინციპოები და უნამუსოები არიან, შევახსენებთ, არ გავუტარებთ“, – განაცხადა ირაკლი ზარქუამ.

ჯო ბაიდენმა აშშ-ის 2024 წლის საპრეზიდენტო არჩევნებში თავისი კანდიდატურა მოხსნა.

„მიუხედავად იმისა, რომ ჩემი განზრახვა იყო ხელახლა არჩევა, მჯერა, ჩემი პარტიისა და ქვეყნის ინტერესებშია განზე გადგომა და მხოლოდ ჩემი ვადის დარჩენილ პერიოდზე ფოკუსირება“, – აღნიშნა ჯო ბაიდენმა გამოქვეყნებულ წერილში.

ამასთან, ბაიდენმა განაცხადა, რომ 2024 წლის საპრეზიდენტო არჩევნებზე დემოკრატიული პარტიის კანდიდატად ვიცე-პრეზიდენტ კამალა ჰარისს დაუჭერს მხარს.

ჩემთვის შოლცი არალეგიტიმურია! – როცა მე მორალს შოლცი წამიკითხავს, რომელიც საკუთარ ქვეყანაში ბოლო ადგილას გავიდა, ღირსეული ლიდერი გადადგებოდა და წავიდოდა! ღირსება არ გააჩნია! მეორე, საფრანგეთის ის რომ არის – მაკრონი! ბიჭო, საკუთარი მოსახლეობა არ გენდობა, გამოდიხარ და ამ უძველესი ცივილიზაციის და კულტურის ქვეყანას ეუბნები, ევროპული ღირებულებებისგან გადაუხვიეთო! – ეს განცხადება გერმანიისა და საფრანგეთის ლიდერების მისამართით მმართველი პარტიის დეპუტატმა ირაკლი ზარქუამ გააკეთა.

ზარქუას აზრით, ევროპელი ლიდერების მხრიდან საქართველოსთან მიმართებაში ორმაგ სტანდარტს აქვს ადგილი.

მისივე თქმით, მალე ორმაგ სტანდარტს აშშ-ც ეტყვის უარს.

“ჩვენთვის პრობლემას კრიტიკული განცხადებები არ წარმოადგენს. ჩვენ ვითხოვთ, კრიტიკა იყოს ობიექტური, სამართლიანი და კონკრეტულ არგუმენტებზე დამყარებული.

მომიწოდებ და მეუბნები, რომ გამჭვირვალობის შესახებ კანონი არ მივიღო, რადგან ეს კანონი არის რუსული, ეს უსამართლობაა.

როდესაც საფრანგეთის პირველი და მეორე პალატა გაცილებით მკაცრ კანონს იღებ, ამაზე შენ ხმას არ იღებ, ისევე როგორც მსგავს კანონს იღებს ესპანეთი, კანადა, თურქეთი და ხმას არ იღებენ, ეს ორმაგი სტანდარტია და მიუღებელია.

ამ ორ სტანდარტს მათ შორის ამერიკელი ხალხი ეტყვის უარს.

ცენტრალურ ევროპაში მოსახლეობამ უკვე უარი უთხრა – ჩემთვის შოლცი არალეგიტიმურია. როცა მორალს მე შოლცი წამიკითხავს, რომელიც საკუთარ ქვეყანაში, პარტიაში ბოლო ადგილას გავიდა, ღირსეული ლიდერი გადადგებოდა და წავიდოდა. ღირსება არ გააჩნია!

მეორე, საფრანგეთის ის რომ არის – მაკრონი! ბიჭო, საკუთარი მოსახლეობა არ გენდობა, საკუთარმა მოსახლეობამ უარი გითხრა და რომ გამოდიხარ და ამ უძველესი ცივილიზაციის, კულტურის ქვეყანასა და ერს ეუბნები, ევროპული ღირებულებებისგან გადაუხვიეთო… არასწორ რელსებზე ხართო…. ორი მოსმენით საკუთარი ქვეყნის პარლამენტმა მიიღო – შეიძლება მაკრონსაც უმალავენ ამ თემას?! რატომ არ დაგმე?! რატომ არის იქ გამჭვირვალობა მისაღები და ჩვენთან მიუღებელი?! შეგიძლია ახსნა? – საკუთარ ხალხს ვერ აუხსენი, როცა არჩევნები წააგე და ჩვენ რას აგვიხსნი!

უსამართლობას არ გავუტარებთ, ვინც არ უნდა იყოს და რა ლიდერიც არ უნდა იყოს.

ვინც ჩემს ქვეყანას, ჩემს ხალხს, კულტურას, ჩემს მიდგომებს არასწორად შეეხება …. ჩვენ ვართ ევროპული ღირებულებების მატარებლები და ერთ-ერთი დამფუძნებლებიც. ჩვენ ვიცავდით ქრისტიანობას, რომელიც არის საწყისი და ყოვლის მომცველი ღირებულებები, რითაც თქვენ დღეს ამაყობთ”, – განაცხადა ირაკლი ზარქუამ.

„ნაცმოძრაობის“ მხრიდან დაწყებულია ხმებზე ნადირობა, – ამის შესახებ საპარლამენტო უმრავლესობის წევრმა, ირაკლი ქადაგიშვილმა განაცხადა.

„მიხეილ სააკაშვილის საკითხს პერიოდულად მიივიწყებენ ხოლმე და შემდეგ გაიხსენებენ. ახლა არჩევნები მოდის და, რა თქმა უნდა, სააკაშვილს თავისი პირადი ხმების რესურსი გააჩნია. ამ ხმების მოსაპოვებლად ეს აქტიურობა ხდება. რა თქმა უნდა, საბოლოო ჯამში, მიხეილ სააკაშვილს არჩევანის გაკეთება მოუწევს რომელიმე ერთ დაჯგუფებაზე. ალბათ, დიდი ალბათობით, აქცენტს გააკეთებს ძველ „ნაცმოძრაობაზე“, რომელიც 5 ნომრით გამოვა“, – აღნიშნა ქადაგიშვილმა.

ლატვიის პრეზიდენტს თუ რაიმე ადარდებს, ის აღნიშნოს, საკუთარი ქვეყანა რატომ არის რუსეთის ნომერ პირველი სავაჭრო პარტნიორი, – ამის შესახებ საპარლამენტო უმრავლესობის წევრმა, რატი იონათამიშვილმა ჟურნალისტებს განუცახდა, რომლებმაც საქართველოსთან დაკავშირებით ლატვიის პრეზიდენტის, ედგარს რინკევიჩის განცხადებაზე დაუსვეს კითხვა.

რატი იონათამიშვილის თქმით, ლატვიის პრეზიდენტი საქართველოს შიდა საქმეებში უხეშად ერევა, მაშინ როცა ამის უფლება არ აქვს.

„გვახსოვს, როცა ეს ადამიანი საქართველოს ომში ჩართვისკენ და რუსეთისთვის სანქციების დაწესებისკენ მოუწოდებდა. შესაბამისად, ამ ადამიანის განცხადებებს არანაირი ფასი არ აქვს. თუ მას რაიმე ადარდებს, პირველ რიგში, ის აღნიშნოს, საკუთარი ქვეყანა რატომ არის რუსეთის ნომერ პირველი სავაჭრო პარტნიორი. თუ ეს დისკომფორტს არ უქმნის, კიდევ უარესი მისთვის. ეს ადამიანი საქართველოს შიდა საქმეებში უხეშად ერევა, მაშინ როცა ამის უფლება არ გააჩნია. ასეთი განცხადებების კეთება გააგრძელონ, მით უკეთესია, საზოგადოება მათ კიდევ უფრო ძლიერ „არას“ ეტყვის“, – განაცხადა რატი იონათამიშვილმა.

ტრაგედიაა, როდესაც „ნაციონალური მოძრაობის“ წარმომადგენლები საუბრობენ პატიმრების უფლებებზე, ამნისტიაზე, პატიმრებთან დაკავშირებულ ნებისმიერ საკითხზე, – ამის შესახებ საქართველოს იუსტიციის მინისტრმა, რატი ბრეგაძემ განაცხადა.

რატი ბრეგაძის თქმით, კარგად არის ცნობილი, როგორი პრობლემები იყო „ნაციონალური მოძრაობის“ დროს პენიტენციურ სისტემაში.

„ოპოზიციაზე როდესაც ვსაუბრობთ, ამ შემთხვევაში საუბარი გვაქვს კოლექტიურ „ნაცმოძრაობაზე“. რა თქმა უნდა, ყველამ იხილა, რა დამოკიდებულებაც ჰქონდა ერთიან ბოლშევიკურ მოძრაობას პატიმრების მიმართ. ეს ჩვენი სიტყვები არ არის, ყველაფერი, მათ შორის  სტრასბურგის სასამართლოს გადაწყვეტილებებით არის დადასტურებული. კარგად ვიცით, რას აკეთებდა „ნაციონალური მოძრაობა“ პატიმრებთან, როგორ აწამებდნენ ადამიანებს, რა ფორმით ეპყრობოდნენ. 2012 წელს საქართველოს პენიტენციურ სისტემაში ერთ-ერთი მთავარი სისტემური პრობლემა იყო წამება და არაადამიანური მოპყრობა. დიდი ირონიაა, როდესაც „ნაციონალური მოძრაობის“ წარმომადგენლები საუბრობენ პატიმრების უფლებებზე, ამნისტიაზე ან ზოგადად პატიმრებთან დაკავშირებულ ნებისმიერ საკითხზე. ეს არა თუ ღიმილის მომგვრელია, არამედ ტრაგედიაა. „ნაციონალური მოძრაობა“ საუბრობს პატიმრებზე, რაც მაჩვენებელია იმ პოლიტიკური უნამუსობის, რისი მატარებელიც ეს პოლიტიკური გაერთიანებაა“, – განაცხადა რატი ბრეგაძემ.