რუსეთის პრეზიდენტმა ვლადიმირ პუტინმა გამართა შეხვედრა უკრაინის მოსაზღვრე რეგიონებში არსებული ვითარების შესახებ და თავდაცვის სამინისტროს მოსთხოვა კურსკის ოქლიდან „მტრის განდევნა“ მოსთხოვა.
ჩვენ უნდა გავდევნოთ მტერი ჩვენი ტერიტორიიდან” – თქვა პუტინმა.
პუტინის განცხადებით, თავდაცვის მინისტრის მთავარი ამოცანა ახლა ტერიტორიიდან მტრის გაყვანაა.
ამასთან, როგორც ვლადიმერ პუტინმა აღნიშნა, უკრაინის შეტევის მოტივაცია მოლაპარაკებების პოზიციის გაუმჯობესება იყო.
განცხადებების დონეზე, რასაც მათი მხრიდან ვისმენდით, სიცრუის კამპანიაა, რაც „გამჭვირვალობის შესახებ კანონს“ ეხებოდა. გვიმტკიცებდნენ, რომ გამჭვირვალობა ცუდი ყოფილა – აღნიშნული ურთიერთობები [ამერიკა-საქართველოს შორის] ჩიხშია შესული და საჭიროებს გადატვირთვას,- ამის შესახებ დედაქალის მერმა, კახა კალაძემ ამერიკელი კონგრესმენის, მაიკ ტერნერისა და სენატორის, ჯინ შაჰინის ვიზიტის შესახებ დასმული კითხვის საპასუხოდ განაცხადა.
კალაძის შეფასებით, მმართველი პარტია ამერიკასა და საქართველოს შორის ურთიერთობების გაღრმავებისთვის კონკრეტულ ნაბიჯებს დგამს.
„განცხადებების დონეზე, რასაც მათი მხრიდან ვისმენდით, სიცრუის კამპანიაა, რაც გამჭვირვალობის შესახებ კანონს ეხებოდა. გვიმტკიცებდნენ, რომ გამჭვირვალობა ცუდი ყოფილა. დეტალებზე არ საუბრობდნენ. როცა რაიმეს არასწორად ვაკეთებ, თუ ჩემი მეგობარი ხარ, უნდა მითხრა, რომ აი, შენ მეგობარო, ამას არასწორად აკეთებ. სამწუხაროდ, არანაირი არგუმენტი არ ყოფილა აღნიშნულ კანონთან დაკავშირებით, რომელიც შეიძლებოდა მიგვეღო და გაგვეხილა. მხოლოდ ერთი პასუხი ჰქონდათ – იმიტომ. ეს სწორი დამოკიდებულება არ არის. პატივს ვცემთ ქვეყნის სტრატეგიულ და პარტნიორ ქვეყნებს. არაერთხელ გაგვიკეთებია მსგავსი განცხადება და მზად ვართ მეგობრობისთვის და თანამშრომლობისთვის, მაგრამ ეს უნდა იყოს ორმხრივი. აღნიშნული ურთიერთობები რაც არის, ვფიქრობ, დღეს ჩიხშია შესული და საჭიროებს გადატვირთვას. საქართველოს ხელისუფლება დგამს კონკრეტულ ნაბიჯებს, რომ არსებული ურთიერთობები გავაღრმაოთ და კიდევ უფრო დავაახლოოთ“, – აღნიშნა კახა კალაძემ.
1 აშშ დოლარის ოფიციალური ღირებულება 2.6942 ლარი გახდა.
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6942 ლარი გახდა. კურსი, რომელიც დღეს მოქმედებდა, 2.6967 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0025 ლარი შეადგინა.
რაც შეეხება ევროს, მისი კურსი 2.9431 ლარია. მაშინ, როცა დღეს მოქმედი კურსი 2.9451 ლარს შეადგენდა. შესაბამისად, ევროს ცვლილებამ 0.0020 ლარი შეადგინა.
დღევანდელი ვაჭრობის შედეგად მიღებული კურსები ძალაში ხვალ შევა.
ძალიან მნიშვნელოვანი რიკოთის მთავარი, აღმოსავლეთისა და დასავლეთის დამაკავშირებელი ახალი გვირაბის მშენებლობა დასრულდა. შესაბამისად, ტრანსპორტის მოძრაობა აღნიშნულ გვირაბში უკვე დღეს გადაირთვება,- ამის შესახებ რეგიონული განვითარებისა და ინფრასტრუქტურის მინიტრმა ირაკლი ქარსელაძემ რიკოთის ახალი გვირაბის დათვალიერებისას განაცხადა.
ინფრასტრუქტურის სამინისტროს ინფორმაციით, აღმოსავლეთ-დასავლეთის მაგისტრალური გზის რიკოთის საუღელტეხილო მონაკვეთზე, რიკოთის ისტორიული გვირაბის პარალელურად, ახალი 1800 მ-იანი გვირაბის მშენებლობა დასრულდა და ავტოტრანსპორტის მოძრაობა დღეიდან გაიხსნა. ახალი 1800 მ-იანი გვირაბი რიკოთის საუღელტეხილო გზაზე არსებულ და მშენებარე გვირაბებს შორის ყველაზე გრძელია.
ირაკლი ქარსელაძის თქმით, ახალი გვირაბი სრულად არის აღჭურვილი საგზაო უსაფრთხოების აბსოლუტურად ყველა, მექანიკური თუ ელექტრო სისტემით.
„რა თქმა უნდა, სავინტილაციო, პირდაპირი კავშირების, შეტყობინებების სისტემებით. ასევე, მიმდინარეობს ამ სისტემების მართვასთვის საჭირო ინფრასტრუქტურის მშენებლობა. მნიშვნელოვანია ისიც, რომ ორი პარალელური გვირაბი ერთმანეთან დაკავშირებული იქნება სამი საევაკუაციო, მათ შორის, ერთი სამანქანო გასასვლელით. თამამად შეიძლება ითქვას, რომ დღეისათვის საქართველოს ყველაზე გრძელი გვირაბები აღჭურვილი იქნება საგზაო უსაფრთხოების ყველა აუცილებელი სისტემებით”-აღნიშნა ირაკლი ქარსელაძემ.
მინისტრის თქმით, დღეიდან ავტოტრანსპორტი იმოძრავებს ახალი გვირაბით, ძველ გვირაბში კი სარეაბილიტაციო სამუშაოები დაიწყება. ძველ გვირაბში განახლდება გზის საფარი, გამოიცვლება სანათები, დამონტაჟდება საგზაო უსაფრთხოების აუცილებელი სისტემები.
ირაკლი ქარსელაძემ, ასევე, ისაუბრა რიკოთის ჩქაროსნული გზის დარჩენილ სამუშაოებზეც, რომელიც ინტენსიურად გრძელდება.
„დასკვნით ეტაპზეა შორაპანი-არგვეთას მონაკვეთის მშენებლობა და ინტენსიურად მიმდინარეობს სამუშაოები ჩუმათელეთ-ხევის მონაკვეთზე. ზოგიერთი დიდი ფერდის დამუშავება უკვე დასკვნით ეტაპზეა. რა თქმა უნდა, გამოწვევა არის მეწყრულ მონაკვეთზე, სადაც მოეწყობა ახალი გზა, რომელზეც გადაერთვება მოძრაობა. სამუშაოები გაგრძელდება და კლიმატური პირობების გათვალისწინებით, საფარის დაგებაც დაიწყება. შესაბამისად, შეილძება ითქვას, რომ ამით მთლიანად რიკოთის მონაკვეთის მშენებლობა იქნება დასრულებული”-აღნიშნა მინისტრმა.
სამინისტროს ინფორმაციით, ამ დროისათვის, ავტოტრანსპორტი უკვე სარგებლობს რიკოთის ახალი ჩქაროსნული გზის 36 კმ-ით, რომელიც მოიცავს 77 ხიდსა და 43 გვირაბს. რიკოთის უღელტეხილზე, საერთო ჯამში 52 კმ სიგრძის 4 ზოლიანი ჩქაროსნული გზა, 51 გვირაბი და 97 ხიდი შენდება. რიკოთის 51 გვირაბიდან 50 გვირაბი და 97 ხიდიდან 89 ხიდი უკვე აშენებულია. ახალი გზა ითვალისწინებს საგზაო უსაფრთხოების ყველა თანამედროვე სტანდარტს, მათ შორის, განათების სისტემას.
ბრიტანული „სანდი თაიმსი“ (The Sunday Times) აქვეყნებს სტატიას სათაურით „უკრაინა მოსკოვის მხრიდან საპასუხო დარტყმისათვის ემზადება: რუსეთმა შეიძლება კიევში პარლამენტი და სხვა სახელისუფლებო დაწესებულებები დაბომბოს“ (ავტორი – ტომ ბოლი).
„11 ივლისს კიევი რუსეთმა ჩრდილოეთკორეული ბალისტიკური რაკეტებით დაბომბა. არის მსხვერპლი, თუმცა ეს შეიძლება მხოლოდ საპასუხო სამხედრო დარტყმების დასაწყისი იყოს, კურსკის ოლქში უკრაინის ჯარების შეჭრის გამო“, – ნათქვამია პუბლიკაციაში.
როგორც ავტორი წერს, იგი („ფრანს-პრესის“ ჟურნალისტთან ერთად) ესაუბრა ერთ-ერთ უკრაინელ მაღალჩინოსანს, რომლის თქმით, უკრაინის ხელისუფლება რუსეთის მხრიდან მძლავრი სარაკეტო დარტყმის მოსაგერიელებლად ემზადება:
„რუსეთს, რასაკვირველია, ჩაფიქრებული აქვს მკაცრი პასუხის გაცემა – ისეთი პასუხისა, რომელიც მთელ მსოფლიოს აჩვენებს, რომ რუსეთი ძლევამოსილი სახემწიფოა და კურსკის ოლქში სეჭრის მსგავსი მოვლენები არასოდეს დაუსჯელი არ დარჩება… ეს იქნება არა ოთხი-ხუთი, არამედ ათეულობით და ასობით რაკეტა – კომბინირებული დარტყმის სახით – ფრთოსანი რაკეტებით, ბალისტიკურით, „შაჰედებით“… ამგვარი პასუხი ჩვენი ჰაერსაწინააღმდეგო დაცვისთვის დიდი პრობლემა იქნება. თუმცა, ვფიქრობ, ჩვენ მათ შეჩერებას და გაუვნებლყოფას მაინც შევძლებთ“, – ამბობს ანონიმი მაღალჩინოსანი.
გარდა ამისა, პუბლიკაციაში აღნიშნულია, რომ რუსეთს მიზანში ექნება ამოღებული რიგი მნიშვნელოვანი ობიექტები, პარლამენტისა და სხვა სახელისუფლებო ორგანოების სახით, ანუ ის სტრუქტურები, სადაც გადაწყვეტილებები მიიღება.
ბრიტანული გაზეთი „დეილი ტელეგრაფი“ (The Daily Telegraph) სტატიაში სათაურით „რუსები ჰყვებიან, თუ როგორ პანიკურად გაიქცნენ უკრაინის არმიის შეტევის გამო: კრემლი სამარცხვინო მდგომარეობაშია, მის მორალურ სულს კიევმა დარტყმა მიაყენა“ (ავტორი – ჯეიმს კილნერი) ასახულია ის პანიკური მდგომარეობა, რომელშიც კურსკის ოლქში უკრაინის არმიის ქვედანაყოფების შეჭრამ გამოიწვია.
გთავაზობთ პუბლიკაციას შემოკლებით:
„რუსები, რომლებმაც საკუთარი სახლები მიატოვეს და თავს უშველეს უკრაინის ჯარების შემოტევის გამო, ჰყვებიან, თუ როგორ გახდნენ იძულებულნი გაქცეულიყვნენ, როცა ადგილობრივი ხელისუფლება დაემხო.
პანიკა და შიში სწრაფად გავრცელდა კურსკის ოლქის სამხრეთის რაიონებში, დაწყებული ექვსი აგვისტოდან, როცა კიევის რეგულარულმა ჯარებმა მეზობელი სახელმწიფოს საზღვარი გადალახეს და ქვეყნის ტერიტორიაზე შეიჭრნენ. რუსეთზე ამგვარი თავდასხმა მეორე მსოფლიო ომის შემდეგ არცერთ სახელმწიფოს არ გაუბედავს.
„ჩვენ არ გვესმის, რატომ არ ამბობს ჩვენი მთავრობა სიმართლეს“, – ამბობს ერთ-ერთი კურსკელი ქალი პროსამთავრობო გაზეთ „კომერსანტის“ ჟურნალისტთან საუბარში, – „ტელევიზორით სულ იმას ამბობენ, საგანგებო სიტუაცია გამოვაცხადეთო. რომელ საგანგებო სიტუაციაზეა ლაპარაკი, როცა უკრაინელებს ჩვენი ქალაქები ოკუპირებული აქვთ და ქუჩებში ამერიკული ტანკები დაგრიალებენ? ეს ხომ უკვე ნამდვილი ომია!“
უკრაინელმა სამხედროებმა, კვირას, 11 აპრილს, რამდენიმე ვიდეორგოლი გამოაქვეყნეს, რომლებიც ასახულია, თუ როგორ ხსნიან ქალაქებში – რილსკში და სუჯაში – რუსეთის სახელმწიფოს დროშებს სამთავრობო შენობებიდან და მიწაზე ყრიან. ამით უკრაინელები კრემლს დასცინიან და ამცირებენ.
უკრაინელი ჯარისკაცები შეიჭრნენ კურსკის ოლქის მესამე რაიონულ ცენტრშიც – ქალაქ ბელოვშიც, რაც ადგილობრივმა ხელმძღვანელმა უკვე აღიარა.
უკრაინის უშიშროების სამსახურის წარმომადგენლის ცნობით, შეტევაში, რომლის შედეგად რუსეთის ტერიტორიის 600 კვადრატული კილომტრი დაიკავეს, ათასობით სამხედრო მოსამსახურე მონაწილობს. „მიზანი ისაა, რომ მოწინააღმდეგის პოზიციები გაიფანტოს, მაქსიმალური ზიანი მივაყენოთ როგორც ცოცხალი ძალის, ასევე სამხედრო ტექნიკის თვალსაზრისით და რუსეთში დესტაბილიზაცია გამოვიწვიოთ“, – თქვა მან ანონიმურობის პირობის დაცვით.
ჩამოთვლილი სასაზღვრო ქალაქებიდან კურსკისაკენ ათობით ათასი რუსეთის მოქალაქე გაიქცა ავტომობილებით, ველოსიპედებით, მოტოციკლებით, მათ თან მხოლოდ სწრაფად აღებული ბარგი მიჰქონდათ. ბევრმა პირადი დოკუმენტების აღებაც კი ვერ მოასწრო.
ვიდეორგოლში, რომელზეც სუჯადან გამოქცეული საშუალო ასაკის მქონე ქალების ლაპარაკია ასახული, ბევრი ტირის გადატანილი საშინელების გამო და მკაცრად აკრიტიკებს ადგილობრივ ჩინოვნიკების მოქმედებას.
„ჩვენს მიწაზე ნატოს ტექნიკით შეიარაღებული უკრაინელები შემოიჭრნენ და რამდენიმე საათში მთელი ქალაქი ნანგრევებად აქციეს. ჩვენ დავკარგეთ კარ-მიდამო, დავკარგეთ სახლები. ცეცხლის ქვეშ გამოვიქეცით, ბევრმა დოკუმენტების აღებც კი ვერ მოასწრო“, – ამბობს ერთ-ერთი ქალი.
ამ დროს ლაპარაკში ჩაერია იქვე მდგომი მამაკაცი, რომელმაც რუსი სამხედროები რუსეთის ტერიტორიის დაცვის უუნარობაში დაადანაშაულა: „ევაკუაცია ისეთი ქაოსური იყო, რომ ადამიანები ქვედა საცვლებით და მაისურებით გარბოდნენ, ბავშვები კი ჩვრებში გახვეულები მიჰყავდათ. ერთ-ერთ სოფლის მოსახლეობა, როცა უკრაინელები მათ სოფელში შეიჭრნენ, იძულებულები გახდნენ მდინარე გადაეცურათ
მიუხედავად იმისა, რომ კრემლმა თავის პროპაგანდისტებს უბრძანა, შეემცირებინათ უკრაინის თავდასხმის მნიშვნელობა, ადამიანების შოკი და დაბნეულობა პროსამთავრობო მასმედიაშიც კი გაიჟონა. „ადგილობრივი მოსახლეობა ბედის ანაბარად იყო მიტოვებული. სატელეფონო ზარებს არავინ არ პასუხობდა. გზები დამსხვრეულ-აფეთქებული ავტომანქანებით იყო მოფენილი, დრონების თავდასხმის გამო. რა უნდა ექნათ მოხუცებსა და ინვალიდებს, რომლებსაც გადაადგილება არ შეეძლოთ? ქალაქებში აკლიათ სურსათი და სასმელი წყალი, არანაირი კომუნიკაცია და ინფრასტრუქტურა არ მუშაობს“, – ამბობს ერთ-ერთი მამაკაცი.
„მე მრცხვენია რუსეთის არმიის გამო, რომელიც კორუმპირებულია და სამშობლოს დაცვაზე არ ფიქრობს. მე მეგონა, რომ უკრაინელებს დავამარცხებდით, მაგრამ გამოდის, რომ ისინი გვამარცხებენ… ვინ ადგენს ასეთ გეგმებს? იქნებ ჯობდა, რომ ჩვენი ჯარისკაცები 2022 წლის თებერვალ-მარტში კიევისაკენ კი არ გაგვეგზავნა, არამედ აქ დარჩენილიყვნენ და მოსახლეობა საიმდოდ დაეცვათ“, – ამბობს ერთ-ერთი ქალი.
უკრაინის არმიის თავდასხმამ კურსკის ოლქზე შოკური ტალღა გამოიწვია მთელ რუსეთში და ღრმად შეაღწია რუსეთის მმართველ სისტემაში. კრემლტა დაახლოებული პირების თქმით, ამ ფაქტმა „დიდი დარტყმა მიაყენა ვლადიმერ პუტინის რეპუტაციას და რუსეთის არმიის სარდლობას“. ასეთი განწყობების გაჩენა კრემლი შეშფოთებულია, რომელიც ჩვეულებრივ, მკაცრ პროპაგანდისტულ კამპანიას ეწევა, რათა მოსახლეობის კარგი განწყობა და ომის მიმართ მხარდაჭერა შეინარჩუნოს
როგორც იუწყებოდნენ, კურსკის ოლქში შეჭრა ჯარისთვის თვითონ ვოლოდიმირ ზელენსკის უბრძანებია, რაც სულ მალე თვითონაც დაადასტურა: „აგრესორზე ასეთი ზეწოლა აუცილებელია, მან უნდა იგრძნოს მთელი საშინელება“. ასეთმა პოზიციამ უკრაინელებს მნიშვნელოვნი მორალური ბიძგი მისცა.
უკრაინაში ადამიანები რუსეთის სამარცხვინო მდგომარეობაში ყოფნას ზეიმობენ და თავიანთ ჯარისკაცებს ქება-დიდებას უძღვნიან: „დაე, რუსებმა გაიგონ, როგორია საკუთარი წამლის გემო:.
„ამერიკული ავიაგამანადგურებლების F-16-ების მიღება და კურსკის ოლქში ძლევამოსილი შეჭრა მოსახლეობას სიხარულისა და პოზიტიური საუბრის საფუზველს აძლევს“, – უთხრა „დეილი ტელეგრაფის“ კორესპონდენტს კიევში ერთ-ერთმა წყარომ, – ადამიანებს იმედი გაუჩნდათ“.
წყარო
„უკრაინის საჯარისო სამხედრო ქვედანაყოფების კურსკის ოლქში შეჭრამ დასავლელ ექსპერტებს საქმე გაუჩინა – ისინი ეძებენ პასუხს კითხვაზე, თუ რისი მიღწევა სურს უკრაინას ამ ოპერაციით“, – ნათქვამია გერმანული ჟურნალის „დერ შპიგელის“ (Der Spiegel) ვებ-გვერდზე გამოქვეყნებულ ინტერვიუში სათაურით „კურსკის ოლქში შეჭრა უკრაინის საომარი მოქმედებებისათვის შეიძლება დასასრულის დასაწყისი იყოს”“ (ავსტრიელ ექსპერტს გუსტავ გრესელს ესაუბრება ჟურნალისტი ალექსანდერ კაუშანსკი).
პუბლიკაციაში გუსტავ გრესელი აცხადებს, რომ უკრაინის არმიისათვის რუსეთის ტერიტორიაზე შეჭრა კიევისათვის ძალიან სახიფათოა და შეიძლება უკრაინის სამხედრო კოლაფსი გამოიწვიოს. მისი თქმით, ზუსტი ინფორმაცია ძალიან ცოტაა – დღემდე არავინ იცის, თუ რამდენი უკრაინელი ჯარისკაცი იმყოფება კურსკის ოლქის სამხრეთ რაიონებში, რასაც დიდი მნიშვნელობა აქვს უკრაინის წარმატებისათვის.
„ერთი რამ ცხადია: საომარ მდგომარეობაში მყოფი უკრაინა, რომელიც დონბასში მიმდინარე მძიმე ბრძოლებშია ჩართული, კურსკის ოლქის ოკუპირებულ ნაწილს დიდხანს ვერ შეინარჩუნებს. რაც უფრო წინ მიიწევენ უკრაინელები, მით უფრო სუსტდება მათი ლოჯისტიკა. მათ აუცილებლად ჭირდებათ დამატებითი ცოცხალი ძალა, სამხედრო ტექნიკა, საწვავით მომარაგება, დანაკლისის შევსება. არადა, აშკარაა, რომ ამჟამად უკრაინას დამატებითი რეზერვები არ აქვს. თუ რაიმე ჰქონდა, ისინი უკვე კურსკში იბრძვიან. დასავლური დახმარების სწრაფი გაზრდა ამ მომენტში ნაკლებად მოსალოდნელია.
ამრიგად, კურსკის ოლქში განხორციელებული სამხედრო ოპერაცია სახიფათოა თვითონ უკრაინის არმიისათვის, მაგრამ კიდევ უფრო უარესი შეიძლება იყოს შეჭრით გამოწვეული პოლიტიკური შედეგები. მართალია, უკრაინელები რუსეთის ტერიტორიის ოკუპირებით „წელში გაიმართნენ და სულში იმედი ჩაესახათ“, მაგრამ მაინც ყველასათვის გასაგებია, რომ ეს ყველაფერი დონბასის ფრონტის შესუსტების ხარჯზე მოხდა… ამიტომაც არმიის სარდლობას, თუ ისინი დამარცხდებიან, იმედგაცრუებული საზოგადოებისა და ჯარისკაცების წინაშე პასუხისმგებლობა მოუწევთ“, – ამბობს ინტერვიუში გუსტავ გრესელი.
ავსტრიელი ექსპერტი სახიფათოდ თვლის საერთაშორისო რეაქციასაც უკრაინელთა „სამხედრო ნახტომზე“, რომელიც კიევმა რუსეთის იურიდიულად აღიარებულ ტერიტორიაზე განახორციელა. „რასაკვირველია, ამერიკელები კარგად უწყოდნენ ამ ოპერაციის დაგეგმვასა და რეალიზებას. ამაზე ის ფაქტი მეტყველებს, რომ შეტევის დროს უკრაინელებმა მასიურად გამოიყენეს ამერიკული რაკეტები – HIMARS-ები. ამ რაკეტების სამიზნეთა კოორდინატები ყოველთვის ვაშინგტონთან არის ხოლმე შეთანხმებული. ამასთან, ოპერაციის შესახებ არაფერი არ იცოდა კიევის კიდევ ერთმა მნიშვნელოვანმა მოკავშირემ – გერმანიამ.
ბერლინში გაჩაღდა დისკუსია უკრაინის მხარდაჭერასთან დაკავშირებით მას შემდეგ, რაც ცნობილი გახდა, რომ კურსკი ოლქზე შეტევაში გერმანული მძიმე ტექნიკაც – ჯავშნიანი მანქანები „მარდერები“ მონაწილეობდნენ. ჯერ-ჯერობით ქვეყნის მთავრობას რაიმე ოფიციალური პოზიცია არ დაუფიქსირებია: „ალბათ, თუ როგორ რეაგირებას მოახდენენ მოკავშირეები, იმაზეც იქნება დამოკიდებული უკრაინის არმიის ოპერაციის შემდგომი წარმატება. აშკარაა, რომ გერმანიის კანცლერი რთულ სიტუაციაში აღმოჩნდება კიევისათვის დახმარების შემდეგი პაკეტის გაგზავნის დროს“, – ამბობს ავსტრიელი ექსპერტი.
გუსტავ გრესელის ვარაუდით, კიევს იმედი აქვს, რომ კურსკის ოლქში რამდენიმე მნიშვნელოვან ინფრასტრუქტურულ ობიექტს დაიკავებს, მაგალითად, კურსკის ატომურ ელექტროსადგურს და ამით დააჩქარებს რუსეთის თანხმობას სამშვიდობო მოლაპარაკებაზე, რომელიც ახლა უკვე ტერიტორიულ გაცვლასაც გულისხმობს. მაგრამ ექსპერტის აზრით, უკრაინა ჯეროვნად ვერ აფასებს ამ მეტად სარისკო გეგმის ჩაფუშვის შესაძლებლობას: „თუ უკრაინელები კურსკის ოპერაციით რეზერვებს მთლიანად „შეჭამენ“ და ისედაც გამოფიტული არმია კიდევ უფრო დასუსტდება, მაშინ დონბასის ფრონტი ჩამოიშლება და უკრაინა იძულებული გახდება აღმოსავლეთში კიდევ უფრო მეტი ტერიტორია დათმოს“.
დონბასში უკრაინის არმიის სავარაუდო კატასტროფა გერმანულ ოპოზიციას და რუსეთუმეებს – ისეთებს, როგორებიც არიან პარტიები „ალტერნატივა გერმანიისათვის“ და „სარა ვაგენკნეხტის კავშირი“ განმტკიცების შესაძლებლობას მისცემს. ისინი ყველანაირად შეეცდებიან, რომ უკრაინა არასაიმედო პარტნიორად, „დაუფიქრებელ ჩხუბისთავად“ წარმოადგინონ, ანუ ისეთად, რომელიც არავინ იცის, რას მოიმოქმედებს. ერთი სიტყვით, თუ უკრაინა კურსკის კამპანიით საბოლოოდ ვერაფერს მიაღწევს, მაშინ აშშ და გერმანია კიევს დახმარებას მკვეთრად შეუმცირებენ. ანუ, სხვაგვარად თუ ვიტყვით, „კურსკის ნახტომმა“ შეიძლება უკრაინის სამხედრო დასასრულის დაწყება გამოიწვიოს“.
„უკრაინამ კურსკის ოლქში შეჭრით შეიძლება უფრო მეტი დაკარგოს, ვიდრე მიიღოს“, ასკვნის ექსპერტი, – „კიევს სხვა სვლები აღარ დარჩა, სარისკო ოპერაციების გარდა. უკრაინას ომის მოგება არ შეუძლია მოკავშირეების მცირე დახმარებისა და ცოცხალი ძალის დეფიციტის გამო, ამიტომ კიევი ცდილობს რუსეთს ერთჯერადი მტკივნეული დარტყმები მიაყენოს, თუმცა შედეგები, ვიმეორებ, დიდ საფრთხესთან არის დაკავშირებული“.
პატარა პარტიების ამომრჩევლის გარკვეული კომპლექსია, რომ ამბობენ, „ნაცი“ არ ვარ და „გირჩს“ ვუჭერ მხარს, „დროას“ ვუჭერ მხარს, „ახალს“ ვუჭერ მხარს და ვერ იჯერებენ, თავის თავსაც ვეღარ აჯერებენ, რომ „გირჩი“, „დროა“, „ახალი“ – ყველა „ნაცია“ და რანაირად არ ხარ ნაცი?! ბარემ, აგერ არის „ნაცმოძრაობა“ და თქვი, რომ „ნაცი“ ხარ და 5-იანს უჭერ მხარს, – ამის შესახებ საპარლამენტო უმრავლესობის ლიდერმა, მამუკა მდინარაძემ, ჟურნალისტებთან საუბრისას განაცხადა.
როგორც მდინარაძემ აღნიშნა, წარმოუდგენელი ლოგიკაა, როდესაც ადამიანები აცხადებენ,რომ ისინი „ნაცები“ არ არიან, მაგრამ ამის პარალელურად „გირჩს“, „დროას“, „ახალს“ ან „ლელოს“ უჭერენ მხარს, ვინაიდან, მათ მხოლოდ პარტიებს შეუცვალეს სახელები.
„წარმოუდგენელი ლოგიკაა, „ნაცი“ არ ვარ და გვარამიას ვუჭერ მხარს, „ნაცი“ არ ვარ და მელიას ვუჭერ მხარს, „ნაცი“ არ ვარ და ხოშტარიას ვუჭერ მხარს, „ნაცი“ არ ვარ და ჯაფარიძეს ვუჭერ მხარს, „ნაცი“ არ ვარ და მათ რეკეტიორებს და თაღლითებს, ხაზარაძე-ჯაფარიძეს ვუჭერ მხარს. რანაირად არ ხარ „ნაცი“? ყველა „ნაცია“ და შენ როგორ, სახელმა შეგიცვალა წარმოდგენა? „ახალი“ დაირქვა გვარამიამ და მელიამ და ნაცი აღარ არის – ხომ წარმოუდგენელია?!“ – განაცხადა მდინარაძემ.
მისივე თქმით, საარჩევნო არითმეტიკა სხვაგვარად მუშაობს და განსხვავებული გემოვნების მქონე ამომრჩევლების პარტიების გაერთიანება პროცენტებს ჯამურად არ ამატებს. ამის მაგალითად მდინარაძემ „ახალის“, „დროას“ და „გირჩის“ გაერთიანება მოიყვანა და განმარტა, რომ საარჩევნო არითმეტიკაში ე.წ. „მოკლე ჩართვებია“, შესაბამისად, ისინი პოლიტიკური მორალის თვალსაზრისით, განადგურებულები არიან.
„ახალი“ და „დროა“, რუბლები და დოლარები, დაფინანსების წყაროები, ერთმანეთს რომ დაეჯახა, ცოტა მოკლე ჩართვა მისცა იქ და დარჩნენ ისევ 3-4 პოცენტზე. ანუ, საარჩევნო არითმეტიკაში, 3 პროცენტიანს პლუს 2 პროცენტიანი პარტია და პლუს 1 პროცენტიანი პარტია, 6 პროცენტიანი პარტია არ ხდება. საარჩევნო არითმეტიკაში არის სხვანაირად – მოკლე ჩართვებია ხოლმე იქ. მერე, „ახალის“, ანუ იგივე „ნაცმოძრაობის“ მეორე დანაყოფის ამომრჩევლის და „დროას“ ასევე „ნაცმოძრაობის“ რუბლებით დაფინასნებული დანაყოფის ამომრჩევლების გემოვნება, თურმე, არ ემთხვევა ერთმანეთს, აძლევს მოკლე ჩართვას და ისევ 3-4 პროცენტი რჩება და განადგურებულები არიან პოლიტიკური მორალის თვალსაზრისით. შესაბამისად, ისინი ახლა, ყველა დანარჩენი ცდილობს, მიაღწიონ ბარიერს რამენაირად, ვერ ახერხებენ ამას და ამისთვის იბრძვიან. რეალურად, როგორც ჩანს, მათი ამომრჩეველიც ფიქრობს და იმიტომაა ეს მოკლე ჩართვები , რომ თუ „ნაცი“ ვარ, ბარემ „ნაცი“ ვიქნები და 5-იანს შემოვხაზავ – აი ამ ტურბულენტობაში არიან გაჭედილები.
შეურაცხყოფას კი არ ვაყენებ – პირიქით, ვიღაცას მოსწონს „ნაცმოძრაობა“, გასაგებია, მისი პოლიტიკური გემოვნების ამბავია. ბნელი წარსულის პარტია რომ მოგწონს, ჩემი აზრით, გარკვეული პრობლემაა, მაგრამ მას მოსწონს, რა ჩემი საქმეა, მე ვერ გავაკრიტიკებ ამისათვის; გავაკრიტიკებ მიდგომისათვის, შევეწინააღმდეგები, შევეკამათები, მაგრამ მას თავისი პოლიტიკური გემოვნება აქვს“, – განაცხადა მამუკა მდინარაძემ.
შინაგან საქმეთა სამინისტროს საგანგებო სიტუაციების მართვის სამსახურის თანამშრომლებმა სვანეთში, მწვერვალ შხელდაზე დაკარგული გარდაცვლილი მთამსვლელის ცხედარი, დაახლოებით 3800 მეტრის სიმაღლეზე, კლდოვან ფერდობზე იპოვეს.
უწყების ცნობით, სამძებრო-სამაშველო ოპერაციის ფარგლებში, საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მეხანძრე-მაშველების მიერ, შესაბამისი სპეც-ტექნიკისა და სასაზღვრო პოლიციის ვერტმფრენის ჩართულობით მთამსვლელის ცხედარი გადმოსვენებულია და შესაბამისი პროცედურები მიმდინარეობს.
ცნობისთვის, მთამსვლელი არჩილ ბადრიაშვილი მწვერვალ შხელდაზე, სავარაუდოდ, მეხის დაცემის შედეგად გარდაიცვალა.
თიბისის მობაილბანკში საინვესტიციო გადაწყვეტილების მიღებას, საინვესტიციო პლატფორმაზე ახალი ფუნქციონალი გაგიმარტივებს.
როგორც სხვადასხვა აპლიკაციაში და ონლაინ მაღაზიაში, ახლა უკვე საინვესტიციო პლატფორმაზეც შეგიძლია შენთვის საინტერესო აქცია ან ფონდი, შესაბამისი ღილაკით, ფავორიტებში დაამატო.
სია დაგეხმარება სათითაოდ ძიებისა და შემოწმების გარეშე, ერთ სივრცეში ადევნო თვალი სხვადასხვა აქციის და ფონდის ტენდენციასა და მდგომარეობას.
ფავორიტების სიაში ნებისმიერი რაოდენობის აქციისა და ფონდის დამატება შეგიძლია. სიის ცვლილება კი – ნებისმიერ დროს.
შექმენი შენი ფავორიტი აქციების და ფონდების სია: https://app.tbcbank.ge/YiId/i16xbomm
ცენტრალური საარჩევნო კომისიის (ცესკო) თავმჯდომარე შაორის ბანაკის მონაწილე ახალგაზრდებს შეხვდა.
გიორგი კალანდარიშვილმა შეხვედრის მონაწილეებთან არჩევნებსა და ამ პროცესში ახალგაზრდების ჩართულობის, ასევე საარჩევნო საკითხებთან დაკავშირებით ახალგაზრდების ინფორმირებულობის მნიშვნელობაზე ისაუბრა. გარდა ამისა, ცესკოს თავმჯდომარემ ახალგაზრდებს ინფორმაცია მიაწოდა საარჩევნო სიახლეების, 26 ოქტომბრის არჩევნებისთვის მზადების, ელექტრონული ტექნოლოგიების დანერგვის, ელექტრონულ არჩევნებთან დაკავშირებით არსებული მითების და რეალობის შესახებ, ასევე საარჩევნო პროცესში ტექნოლოგიების გამოყენებასთან დაკავშირებით არსებულ მსოფლიო პრაქტიკაზე. ცესკოს თავმჯდომარემ ასევე ისაუბრა იმ სასწავლო-საგანმანათლებლო პროექტებზე, რომლებსაც ცესკო ახალგაზრდებთან მიმართებაში ახორციელებს.
შეხვედრა აქტიური კითხვა-პასუხის და დისკუსიის რეჟიმში წარიმართა და გიორგი კალანდარიშვილმა ახალგაზრდებისთვის საინტერესო ყველა საკითხს ამომწურავად უპასუხა.
შეხვედრის ფარგლებში ახალგაზრდებმა იმიტირებულ კენჭისყრაშიც მიიღეს მონაწილეობა და პრაქტიკაში გამოსცადეს როგორც ვერიფიკაციის, ისე ხმის მთვლელი აპარატების მუშაობა. საარჩევნო აპარატურა ბანაკის მონაწილეებს პირადად ცესკოს თავმჯდომარემ და ამბროლაურის საოლქო საარჩევნო კომისიის თავმჯდომარემ გააცნო.
ანაკლიისა და შაორის ახალგაზრდული ბანაკები საქართველოს განათლების, მეცნიერებისა და ახალგაზრდობის სამინისტროს სსიპ ახალგაზრდობის სააგენტოს მიერ ხორციელდება. 2024 წელს ანაკლიის ბანაკი 13 ნაკადად განხორციელდება და 3120 ახალგაზრდას, შაორის ბანაკი კი რვა ნაკადად 800-მდე ახალგაზრდას უმასპინძლებს. საარჩევნო ადმინისტრაციის წარმომადგენლები საინფორმაციო შეხვედრებს პერიოდულად როგორც შაორის, ისე ანაკლიის ბანაკების სხვადასხვა ნაკადის წარმომადგენლებთან მართავენ.
თანამედროვე ადამიანისთვის ტექნოლოგიების საბაზისო ცოდნა აუცილებელი წინაპირობაა ცოდნის გაღრმავების, საქმიანობის გაფართოების თუ წარმატების მიღწევისთვის.
სწორედ ამიტომ, თიბისიმ ტექსკოლა დააარსა, რომელსაც მთელი საქართველოდან, ერთი წლის განმავლობაში, უკვე 1800-ზე მეტი მონაწილე ჰყავს.
თიბისის ტექსკოლის განკუთვნილია სკოლის მოსწავლეებითვის მე-9-დან მე-12 კლასის ჩათვლით და მისი მიზანია, ახალი თაობა უფასოდ გაეცნოს და დაეუფლოს ციფრული ტექნოლოგიების სხვადასხვა მიმართულებებს.
ტექსკოლის უნიკალურობა იმაში მდგომარეობს, რომ მოსწავლეებს სკოლის ასაკიდანვე აქვთ შესაძლებლობა, სწავლასთან ერთად, საკუთარი პროექტები შექმნან. პროექტთა ერთობლიობით, პორტფოლიოს ქმნიან და უკვე მზად არიან, პირველი ნაბიჯები გადადგან სამუშაო ბაზარზე.
სწავლა ონლაინ მიმდინარებს, რაც ნიშნავს იმას რომ პროგრამაში მონაწილეობა და ტექნოლოგიების გაცნობა საქართველოს ნებისმიერი კუთხიდან არის შესაძლებელი.
ტექსკოლა სხვადასხვა ტექნოლოგიურ მიმართულებებს 7 სასწავლო, პრაქტიკულ კურსში აერთიანებს: ვებგვერდების აწყობა და პროგრამირება, მობილური აპლიკაციების შექმნა, UI/UX დიზაინი, გრაფიკული დიზაინი, ციფრული მარკეტინგი და ფოტო-ვიდეოგრაფია.
თიბისის ტექსკოლის, ერთ-ერთი წარმატებული კურსდამთავრებული ცაგერის საჯარო სკოლის მე-11 კლასის მოსწავლე ბარბარე გუგავაა.
„ტექსკოლა გეხმარება შენი თავის პოვნაში, ერკვევი შენს ინტერესებში, იჩენ ახალ მეგობრებს, ეჩვევი შენს თავზე მუშაობას და ცდილობ განვითარდე. სწავლობ თავისუფალი დროის პროდუქტიულად გამოყენებას. ტექსკოლამ დამანახა, რომ ტექნოლოგიებთან ურთიერთობისას თავს კომფორტულად ვგრძნობ“ – ბარბარე გუგავა.
ტექსკოლის პროექტი ხორციელდება ჯეოლაბთან პარტნიორობით, კურსები კი შემუშავებულია სანდრო ასათიანის ხელმძღვანელობით. ტექსკოლაში მიღება სექტემბრიდან კვლავ განახლდება, დამატებითი ინფორმაციის მისაღებად ეწვიეთ ვებგვერდს www.tbceducation.ge
R
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge