ეჭვი მეპარება, რომ სააკაშვილმა ტყუილი თქვა, ამ შემთხვევაში ეჭვი მაქვს, რომ ასე უთხრეს, ვინც მის ინფორმირებას აკეთებს, ის ხალხი, ვინც კონგრესმენთან და სენატორთან შეხვედრაზე „ნაციონალურ მოძრაობას“ წარმოადგენდა, სავარაუდოდ, ვერ ეტყვის მიხეილ სააკაშვილს, რომ მისი საკითხი არ იყო აქტუალური იმ მომენტში, – ამის შესახებ „გირჩის“ წევრმა, ალექსანდრე რაქვიაშვილმა განაცხადა.

მისი თქმით, სავარაუდოდ მიხეილ სააკაშვილის არასწორი ინფორმირება მოხდა.

„ნათლად ჩანს, რომ ლიდერსა და დანარჩენ პარტიას შორის დარღვეულია კომუნიკაცია, რაც ცუდად აისახება „ნაციონალური მოძრაობის“ გადაწყვეტილებებზე. თვითონ „ნაციონალური მოძრაობის“ საქმეა საბოლოოდ ეს ყველაფერი. იერარქიულ სისტემებში, რიგით თანამშრომელს ძალიან უჭირს თავის ხელმძღვანელს სიმართლე უთხრას, დარწმუნებული ვარ, ბიძინა ივანიშვილსაც ატყუებენ „ქართული ოცნების“ რიგითი წარმომადგენლები, იგივე ხდება „ნაციონალურ მოძრაობაშიც“. ეჭვი მეპარება, რომ „ნაციონალურ მოძრაობაში“ ბევრი ისეთი ადამიანია, ვისაც შეუძლია მიხეილ სააკაშვილს უთხრას, ცდებითო. ამიტომ, ვიღაცას შეიძლება, გამბედაობა არ ეყო, რომ ეთქვა, არ იყო შესაძლებლობა თქვენ საკითხზე გველაპარაკაო“, – განაცხადა რაქვიაშვილმა.

საქართველოს ყოფილმა პრეზიდენტმა, მიხეილ სააკაშვილმა სენატორ ჯინ შაჰინისა და ამერიკის წარმომადგენლობათა პალატის, სადაზვერვო კომიტეტის თავმჯდომარის მაიკ ტერნერის საქართველოში ვიზიტთან დაკავშირებით სოციალურ ქსელში დაწერა: „მიხარია, რომ სენატორი შაჰინი ხშირად საუბრობს ჩემზე, ხოლო მაიკ ტერნერმა ცოტა ხნის წინ ჩემი გათავისუფლების მოთხოვნის წერილი გაუგზავნა ოფიციალურად სახელმწიფო დეპარტამენტს. მადლობელი ვარ იმისთვისაც, რომ, ჩემი ინფორმაციით, სხვადასხვა შეხვედრაზე ამჯერადაც ჩემი უკანონო და უსამართლო პოლიტპატიმრობის საკითხი არაერთხელ წამოიჭრა“.

მოგვიანებით განცხადება გაავრცელა საქართველოში აშშ-ის საელჩომ, სადაც აღნიშნულია: „ჯინ შაჰინისა და მაიკ ტერნერის ვიზიტისას სააკაშვილის საკითხი არ განხილულა, განხილვის საკითხი იყო, რომ აშშ-ს სურს კარგი ურთიერთობა საქართველოსთან და პირველი ნაბიჯი საქართველოს მთავრობამ უნდა გადადგას“.

ქოლცენტრების წინააღმდეგ საქართველოს პროკურატურის მრავალი საგამოძიებო ქმედება არსებობს, მათ შორის გერმანიის პროკურატურასთან ერთად, ამ დროს, როდესაც ასეთ კომენტარს აკეთებ, რა ნდობა რჩება ქართველ ხალხს ასეთი განცხადების გამკეთებლის მიმართ, – ამის შესახებ „ქართული ოცნების“ წევრმა, ირაკლი ქადაგიშვილმა განაცხადა.

ქადაგიშვილს კითხვა დაუსვეს ჰელსინკის კომისიის განცხადებაზე, სადაც ნათქვამია, რომ „საქართველოს მთავრობა ეყრდნობა შავ ფულს, რომელსაც მთელ მსოფლიოში მოქმედი თაღლითური ქოლცენტრებიდან იღებს, რათა დააფინანსოს თავისი ოპერაციები და დევნოს ოპოზიცია“.

„ისმის კითხვა, აბა საქართველო რას აკეთებს გადატვირთვისთვისო. კომენტარიც ძნელი სათქმელია, როდესაც ამ საკითხზე „ბიბისის“ საგამოძიებო ფილმს ვხედავთ. მაგრამ ყველაზე მთავარი, არსებობს საქართველოს პროკურატურის მრავალი საგამოძიებო ქმედება ქოლცენტრების წინააღმდეგ, მათ შორის გერმანიის პროკურატურასთან ერთად წარმოებული გამოძიებები, სადაც კეზერაშვილის და ძმათა მათი საქმიანობა იკვეთება. ამ დროს, როდესაც ასეთ განცხადებას აკეთებ, უბრალოდ მითხარით, რა ნდობა რჩება ქართველი ხალხის თვალში ასეთი განცხადების გამკეთებლის მიმართ“, – განაცხადა ირაკლი ქადაგიშვილმა.

მისი თქმით, ვიღაცამ თუ სიცხადე არ შეიტანა იმ წრეში, სადაც ასეთი განცხადებები კეთდება, შეიძლება ერთ დღეს თქვან, რომ საქართველო ლუგარის ლაბორატორიაში ბიოლოგიურ იარაღს ამზადებს.

„ეს ხომ პირდაპირ თვალში ნაცრის შეყრაც აღარ არის, ეს ლოგიკა, საბოლოო ჯამში, იქამდე მიდის, თუ ვიღაცამ სიცხადე არ შეიტანა იმ წრეში, ვინც ასეთ განცხადებებს აკეთებს, შეიძლება ერთ მშვენიერ დღეს გვითხრან, ლუგარის ლაბორატორიაში ბიოლოგიურ იარაღს ამზადებს საქართველოო. ბოლო განცხადებამ ყველანაირი განცხადება დასაშვები გახადა. საზოგადოება ხომ უყურებს ამას და გაოცება, ცოტა ხანში, ადამიანებში ამერიკის მიმართ სულ სხვა აღქმაში გადაიზრდება, რისი კატეგორიული წინააღმდეგიც ვარ, მაგრამ არ შემიძლია პირი ავუკრა იმ ადამიანებს, ვინც ასეთ განცხადებებს ავრცელებს“, – განაცხადა ირაკლი ქადაგიშვილმა.

კითხვა დაუსვეს ჰელსინკის კომისიის განცხადებაზე, სადაც ნათქვამია, რომ „საქართველოს მთავრობა ეყრდნობა შავ ფულს, რომელსაც მთელ მსოფლიოში მოქმედი თაღლითური ქოლცენტრებიდან იღებს, რათა დააფინანსოს თავისი ოპერაციები და დევნოს ოპოზიცია“.

„ევროპული საქართველოდან“ წასული პოლიტიკოსები ახალ პარტიას აფუძნებენ. პარტიის სახელწოდება იქნება „ფედერალისტები“. პარტიის პრეზენტაცია, ხვალ, 19:00 საათზე გაიმართება.

როგორც ახალი პარტიის ერთ-ერთი ლიდერი, თამარ ჩერგოლეიშვილი „ფეისბუქის“ გვერდზე წერს, პარტიის ყრილობა სექტემბერში ჩატარდება და სწორედ ამ პერიოდში გახდება საზოგადოებისთვის ცნობილი, რა ფორმით მიიღებს ახალი პარტია არჩევნებში მონაწილეობას.

ზოგადად, ტყუილი სააკაშვილის ცხოვრების წესია – „ჩვეულება რჯულზე უმტკიცესიაო“. ეს ადამიანი იტყუებოდა მაშინაც, როცა ამბობდა, რომ „მომწამლეს, მაწამებენ, არ მკურნალობენ, ვშიმშილობ”, – ამის შესახებ „ქართული ოცნების“ წევრმა, ირაკლი ქადაგიშვილმა ჟურნალისტებს მიხეილ სააკაშვილთან დაკავშირებით აშშ-ის საელჩოს განცხადების შეფასებისას განუცხადა.

მისი თქმით, „სამწუხარო ის არის, რომ ქართული ე.წ ოპოზიციის დიდი ნაწილი ამ ტყუილის გარშემოა გაერთიანებული და ცდილობენ, ამ ტყუილის გარშემო ამყოფონ საქართველოს მოსახლეობის გარკვეული ნაწილი.”

„ზოგადად ტყუილი მისი ცხოვრების წესია. აქედან გამომდინარე „ჩვეულება რჯულზე უმტკიცესიაო”. ეს ადამიანი იტყუებოდა მაშინაც, როცა ამბობდა, რომ „მომწამლეს, მაწამებენ, არ მკურნალობენ, ვშიმშილობ“ და საერთოდ ყველა ფეხის ნაბიჯზე როგორც კი მიკროფონთან ან კომუნიკაციის რაიმე საშუალება მიეცემა ხოლმე, მაშინვე ტყუილების კორიანტელს აყენებს. ის რომ იტყუება, ეს მისი სტილი და ხელწერაა და ამაში გასაკვირი არაფერია. სამწუხარო ის არის, რომ ქართული ე.წ ოპოზიციის დიდი ნაწილი ამ ტყუილის გარშემოა გაერთიანებული და ცდილობენ, ამ ტყუილის გარშემო ამყოფონ საქართველოს მოსახლეობის გარკვეული ნაწილი“, – აღნიშნა ირაკლი ქადაგიშვილმა.

ცნობისთვის, საქართველოში ამერიკის შეერთებული შტატების საელჩო განმარტავს, რომ სენატორი შაჰინისა და კონგრესმენი ტერნერის „ბოლო ვიზიტის დროს პრეზიდენტი სააკაშვილი განხილვის თემა არ ყოფილა“.

„განხილვის თემა იყო ის, რომ შეერთებულ შტატებს სურს საქართველოსთან კარგი ურთიერთობა და გზაზე დაბრუნების პირველი ნაბიჯი საქართველოს მთავრობის მხრიდან უნდა იყოს. მათ წინადადებას ველით”, – ნათქვამია განცხადებაში.