საქართველოს ცალკეულ რაიონში დღეს ხანმოკლე წვიმა და ელჭექია მოსალოდნელი, ხვალიდან კი უნალექო ამინდი იქნება. უახლოესი დღეების ამინდის პროგნოზს გარემოს ეროვნული სააგენტო ავრცელებს.

თბილისში დღეს შესაძლოა ხანმოკლე წვიმა აღინიშნოს, ხოლო 18-19 აგვისტოს უნალექო ამინდი იქნება. ჰაერის ტემპერატურა დღისით +30, +32 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი) უნალექო ამინდი იქნება. ჰაერის ტემპერატურა დღისით +28, +30 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) დღეიდან უნალექო ამინდია მოსალოდნელი. ჰაერის ტემპერატურა დღისით +33, +35 გრადუსი დაფიქსირდება.

დასავლეთ საქართველოს მთიან რეგიონებში (ამბროლაური, ონი, ცაგერი. შოვი, ჭიათურა, საჩხერე, ხულო, რიკოთის უღელტეხილი) ასევე უნალექო ამინდია მოსალოდნელი. ჰაერის ტემპერატურა დღისით +30, +32 გრადუსი იქნება.

დასავლეთ საქართველოს მაღალმთიან რეგიონებში (მესტია, ბახმარო) უნალექო ამინდი, ჰაერის ტემპერატურა კი დღისით +27, +29 გრადუსი იქნება.

ქართლში (რუსთავი, ბოლნისი, მარნეული, გარდაბანი, გორი, ცხინვალი) დღეს ზოგან შესაძლოა ხანმოკლე წვიმა ელჭექით აღინიშნოს, ხოლო 18-19 აგვისტოს უნალექო ამინდია მოსალოდნელი. ჰაერის ტემპერატურა დღისით +31, +33 გრადუსი იქნება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო) მოსალოდნელია ხანმოკლე წვიმა ელჭექით, შესაძლებელია სეტყვა და ქარის გაძლიერება. ხოლო 18-19 აგვისტოს კი უნალექო ამინდი იქნება. ჰაერის ტემპერატურა დღისით +31, +33 გრადუსი დაფიქსირდება.

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური) მოსალოდნელია ხანმოკლე წვიმა ელჭექით, შესაძლებელია სეტყვა და ქარის გაძლიერება, ხოლო 18-19 აგვისტოს უნალექო ამინდი იქნება. ჰაერის ტემპერატურა დღისით +29, +31 გრადუსი დაფიქსირდება.

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო) მოსალოდნელია ხანმოკლე წვიმა ელჭექით, ხოლო 18-19 აგვისტოს უნალექო ამინდი იქნება. ჰაერის ტემპერატურა დღისით +22, +24 გრადუსი დაფიქსირდება.

ვერ­ძი

თქვენ გარ­შე­მო არ­სე­ბუ­ლი ვი­თა­რე­ბა სწრა­ფად შე­იც­ვლე­ბა. მო­ძებ­ნეთ ახა­ლი შე­საძ­ლებ­ლო­ბე­ბი, გა­და­დით თქვე­ნი მიზ­ნის­კენ სა­ვალ გზა­ზე. სა­ინ­ტე­რე­სო დღეა, გჭირ­დე­ბათ მეტი აქ­ტი­უ­რო­ბა, კო­მუ­ნი­კა­ბე­ლუ­რო­ბა, არ შე­გე­შინ­დეთ ექ­სპე­რი­მენ­ტე­ბის.

კურო

დღეს ბედი გა­გიხ­სნით ახალ შე­საძ­ლებ­ლო­ბებს, რომ­ლი­თაც ოს­ტა­ტუ­რად ისარ­გებ­ლებთ. გა­მო­ი­ჩი­ნეთ მოქ­ნი­ლო­ბა და დიპ­ლო­მა­ტია, მო­ერ­გეთ ადა­მი­ა­ნებ­სა და სი­ტუ­ა­ცი­ებს. ვარ­სკვლა­ვე­ბი დარ­წმუ­ნე­ბუ­ლე­ბი არი­ან, რომ ამ გზით მეტს მი­აღ­წევთ და სა­სარ­გებ­ლო გა­მოც­დი­ლე­ბას მი­ი­ღებთ.

ტყუ­პი

აირ­ჩი­ეთ ყვე­ლა­ზე სა­ინ­ტე­რე­სო და უჩ­ვე­უ­ლო საქ­მე­ე­ბი. 17 აგ­ვის­ტოს დიდი ენერ­გია გაქვთ და შე­გიძ­ლი­ათ ურ­თუ­ლე­სი სა­კი­თხე­ბის გა­დაჭ­რა. თქვე­ნი აქ­ტი­უ­რი ქმე­დე­ბე­ბი მალე პო­ზი­ტი­ურ ცვლი­ლე­ბებს მო­გი­ტანთ. სა­სარ­გებ­ლოა ვარ­ჯი­ში.

კირჩხი­ბი

დღეს უნდა მო­ე­რი­დოთ აჩ­ქა­რე­ბას და საქ­მე­ე­ბი კომ­ფორ­ტუ­ლი ტემ­პით გა­ა­კე­თოთ. გექ­ნე­ბათ დრო, რომ შე­ას­რუ­ლოთ ყვე­ლა­ფე­რი და­გეგ­მი­ლი, თუ რა­ცი­ო­ნა­ლუ­რად გა­ა­ნა­წი­ლებთ ძა­ლებს. იყა­ვით თავ­შე­კა­ვე­ბუ­ლი, მო­უს­მი­ნეთ თქვენს ინ­ტუ­ი­ცი­ას.

ლომი

სა­ინ­ტე­რე­სო და დატ­ვირ­თუ­ლი დღეა. უნდა მო­ემ­ზა­დოთ სი­ურპრი­ზე­ბის­თვის. მო­სა­ლოდ­ნე­ლია ახა­ლი შეხ­ვედ­რე­ბი და ნაც­ნო­ბო­ბა, გა­რე­მო­ე­ბე­ბი თქვენს სა­სარ­გებ­ლოდ გან­ვი­თარ­დე­ბა. უმ­ჯო­ბე­სია გა­და­დოთ ფი­ნან­სუ­რი სა­კი­თხე­ბის მოგ­ვა­რე­ბა. თუ გა­და­წყვე­ტი­ლე­ბის მი­ღე­ბა გჭირ­დე­ბათ, რჩე­ვა სთხო­ვეთ საყ­ვა­რელ ადა­მი­ა­ნებს.

ქალ­წუ­ლი

თუ აქ­ტი­უ­რი და და­ჟი­ნე­ბუ­ლი ხართ, შე­გიძ­ლი­ათ მი­აღ­წი­ოთ შე­სა­ნიშ­ნავ შე­დე­გებს და მი­ი­ღოთ ის, რაც გსურთ. თუ რამე არ გა­მო­ვა პირ­ველ ჯერ­ზე, სცა­დეთ ალ­ტერ­ნა­ტი­უ­ლი მიდ­გო­მა, გა­მო­ი­ყე­ნეთ უჩ­ვე­უ­ლო მე­თო­დე­ბი. და­უ­ფიქ­რებ­ლად ნუ გას­ცემთ პა­სუხს.

სას­წო­რი

წარ­მა­ტე­ბუ­ლი და ნა­ყო­ფი­ე­რი დღეა. დღეს კარგ ხა­სი­ათ­ზე ხართ და და­დე­ბი­თად აღიქ­ვამს იმას, რაც ხდე­ბა. ზო­გი­ერ­თმა მოვ­ლე­ნამ შე­საძ­ლოა გავ­ლე­ნა მო­ახ­დი­ნოს თქვენს გეგ­მებ­ზე, მო­გი­წევთ ადაპ­ტა­ცია. გირ­ჩევთ მეტი დრო გა­ა­ტა­როთ ბუ­ნე­ბა­ში.

მო­რი­ე­ლი

სიფრ­თხი­ლე გმარ­თებთ ბას­რი საგ­ნებ­თან, მო­ე­რი­დეთ და­ზი­ა­ნე­ბებს. უმ­ჯო­ბე­სია დღე მშვი­დად გა­ა­ტა­როთ, და­კავ­დეთ ჰო­ბით, უყუ­როთ ტე­ლე­ვი­ზორს, და­ის­ვე­ნოთ. ნუ მი­ი­ღებთ სპონ­ტა­ნურ, ნაჩ­ქა­რევ გა­და­წყვე­ტი­ლე­ბებს.

მშვილ­დო­სა­ნი

დღე შე­სა­ფე­რი­სია კო­მუ­ნი­კა­ცი­ის­თვის, კონ­ფი­დენ­ცი­ა­ლუ­რი სა­უბ­რე­ბის­თვის. სა­სარ­გებ­ლოა ახ­ლის, სა­ინ­ტე­რე­სოს გა­კე­თე­ბა და ნა­თე­ლი ემო­ცი­ე­ბის მი­ღე­ბა. ახალ ნაც­ნო­ბებ­თან სიფრ­თხი­ლე გჭირ­დე­ბა. არა­ვინ მო­გა­ტყუ­ოთ.

თხის რქა

იმის­თვის, რომ დღეს და­გეგ­მი­ლი ყვე­ლა­ფე­რი გან­ხორ­ცი­ელ­დეს, კარ­გი გეგ­მა გჭირ­დე­ბათ. ბევ­რი საზ­რუ­ნა­ვი და ვალ­დე­ბუ­ლე­ბა და­გიგ­როვ­დათ. მი­მარ­თეთ დახ­მა­რე­ბის­თვის თქვენს ოჯახს: მათი მუ­შა­ო­ბის შე­დე­გე­ბი გა­გა­ხა­რებთ. უპი­რა­ტე­სო­ბა მი­ა­ნი­ჭეთ სა­კი­თხებს, რომ­ლე­ბიც ადრე იყო გა­და­დე­ბუ­ლი.

მერ­წყუ­ლი

შე­საძ­ლე­ბე­ლია პო­ზი­ტი­უ­რი ცვლი­ლე­ბე­ბი, რომ­ლე­ბიც შე­გიც­ვლით შე­ხე­დუ­ლე­ბებს გარ­კვე­ულ მოვ­ლე­ნებ­ზე და გა­ა­უმ­ჯო­ბე­სებს თქვენს ცხოვ­რე­ბას. არ და­ი­წყოთ რთუ­ლი ან სა­პა­სუ­ხის­მგებ­ლო ამო­ცა­ნე­ბი. მეტი დრო და­უთ­მეთ სა­სი­ა­მოვ­ნო სა­მუ­შა­ოს და და­კავ­დით ჰო­ბით. უმ­ჯო­ბე­სია სა­ღა­მო პა­სი­უ­რად და მო­დუ­ნე­ბუ­ლად გა­ა­ტა­როთ.

თევ­ზე­ბი

ყო­ველ­დღი­ურ სა­კი­თხებ­თან გამ­კლა­ვე­ბა მო­გი­წევთ, თუმ­ცა ეს და­გამ­შვი­დებთ, ემო­ცი­უ­რად მო­დუ­ნე­ბის და პო­ზი­ტი­უ­რი გან­წყო­ბის ამაღ­ლე­ბის სა­შუ­ა­ლე­ბას მოგ­ცემთ. სა­ღა­მო და­უთ­მეთ თქვენს სა­ჭი­რო­ე­ბებს, წა­დით სა­ლონ­ში, გა­ი­კე­თეთ მა­სა­ჟი, გა­მო­ი­ძი­ნეთ და აღიდ­გი­ნეთ ძალა. შე­სა­ფე­რი­სი დღეა შე­რი­გე­ბის­თვის.

ეს ჯილდო ნამდვილად დიდი მოტივაცია იყო იმ ადამიანებისთვის, ვინც უმედლოდ დარჩა, – ასე აფასებს ოლიმპიური ჩემპიონი, გენო პეტრიაშვილი მთავრობის გადაწყვეტილებას, რომლის თანახმად, უმედლოდ დარჩენილ ოლიმპიადის მონაწილეებს 50 000 ლარი პრემია გადაეცემათ.

„ბევრი ადამიანი მოინდომებს პროფესიონალურ დონეზე მოეკიდოს სპორტს და ეს ადამიანები აღარ იგრძნობენ თავს უყურადღებოდ. ეს ძალიან კარგი ჟესტი იყო“, – აღნიშნა გენო პეტრიაშვილმა.

მთავრობის გადაწყვეტილებით, 50 000 ლარი პრემია გადაეცემა გუნდის უკლებლივ ყველა წევრს, რომელსაც მედალი არ მოუგია ოლიმპიურ თამაშებზე, თუმცა თავისი წვლილი შეიტანა საერთო წარმატებაში.

პარიზის ოლიმპიადაზე საქართველომ სამი ოქროს, სამი ვერცხლისა და ერთი ბრინჯაოს მედალი დაიმსახურა.

ქუთაისის მუნიციპალურ სატრანსპორტო კომპანიაში მზის ფოტო-ელექტრო სადგური მოეწყო. ამის შესახებ ინფორმაციას ქუთაისის მერიის პრესსამსახური ავრცელებს.

მათივე ცნობით, 100 კილოვატიანი სიმძლავრის ფოტო-ელექტრო სადგური პროექტის “მერები ეკონომიკური ზრდისთვის” (M4EG) ფარგლებში დამონტაჟდა.

პროექტის განსახორციელებლად ქუთაისის მერიას გრანტის სახით 212 779 ლარი გადაეცა. სამუშაოები კომპანია “მობილფონმა” შეასრულა.

ინოვაციური პროექტის გასაცნობად სატრანსპორტო კომპანიაში იმყოფებოდნენ: ქუთაისის მერის მოვალეობის შემსრულებელი დავით ერემეიშვილი, საკრებულოს თავმჯდომარე ირაკლი შენგელია, ადგილობრივი თვითმმართველობის წარმომადგენლები.

„ფოტო-ელექტრო სადგურები დღეისათვის აქტუალურ თემას წარმოადგენს, რომელთა მოწყობის შემთხვევაში, ნებისმიერი კომპანია ახორციელებს ობიექტის ელექტრომომარაგებას ეფექტური და ეკონომიური პარამეტრების გაზრდით.

ქუთაისის მუნიციპალურ სატრანსპორტო კომპანიაში მოეწყო ფოტო-ელექტროსადგურის ქსელური სისტემა, რის საფუძველზეც სატრანსპორტო კომპანია “ენერგო-პრო ჯორჯიას” ქსელში ჩართავს აღნიშნულ სისტემას, ანუ გასცემს და მიიღებს ელექტროენერგიას.

ქუთაისისთვის, რომელიც ეკო სმარტ ქალაქის მიმართულებით ვითარდება, მნიშვნელოვანია ასეთი ინოვაციური იდეების განხორციელება“, – განაცხადა დავით ერემეიშვილმა.

გელათის რეაბილიტაციის კომიტეტი ტაძრის სარეაბილიტაციო სამუშაოებთან დაკავშირებით განცხადებას ავრცელებს.

როგორც გავრცელებულ განცხადებაშია ნათქვამი, დაგეგმილი სამუშაოების წარმოების დრო მნიშვნელოვნად გაიზარდა და საჭირო გახდა სამუშაოების პერიოდის გახანგრძლივება.

ამასთან, როგორც განცხადებაშია აღნიშნული, კომიტეტის მხრიდან მონასტრის გახსნაზე შეზღუდვა მოხსნილია და რჩება რა მონასტერი კვლავ დახურულ რეჟიმში, ეს ადგილობრივი ეპარქიის – მაღალყოვლადუსამღვდელოესი იოანეს გადაწყვეტილებაა, მონასტრის შიდა ცხოვრებიდან გამომდინარე.

„როგორც ცნობილია, გელათის ღვთისმშობლის შობის სახელობის ტაძრის (მთავარი ტაძრის) მულტიდისციპლინური კვლევითი და საკონსერვაციო სამუშაოების განსახორციელებლად, მიმდინარე ეტაპზე, გელათის რეაბილიტაციის დროებითი კომიტეტის მიერ, გარე ხარაჩოების მოწყობისა და ტაძრის მკლავების დროებითი გადახურვის სამუშაოები მიმდინარეობს.

კომპლექსურობიდან გამომდინარე, სამუშაოების წარმოებისას, გელათის მსოფლიო მემკვიდრეობის ძეგლის სრული დაცულობისა და უსაფრთხოების უზრუნველსაყოფად, მიმდინარე წლის ივლისის თვეში, გერმანული კომპანია „ქუადრექსის“ სპეციალისტები უაღრესად ფრთხილად და ზედმიწევნით პროექტის შესაბამისად ახორციელებდნენ დროებითი გადახურვის კონსტრუქციის მოწყობის სამუშაოებს.

ერთიანი დროებითი გადახურვის მოწყობის სამუშაოების საწყის ეტაპზე, ტაძრის ერთიანი დროებითი გადახურვის პროექტიდან გამომდინარე და ადგილზე გამოკვეთილი გარემოებების გათვალისწინებით, სამუშაოების წარმოების გეგმაში საჭირო გახდა გარკვეული ცვლილებების შეტანა, რამაც გავლენა იქონია სამუშაოების შესრულების გრაფიკით განსაზღვრულ ვადებზე, მაგალითად, ერთიანი/დროებითი გადახურვის გარე პერიმეტრის მოსაწყობად, არ იყო დაგეგმილი ტაძრის არსებული დროებითი გადახურვების მოხსნა, ადგილზე, სამუშაოების დაწყებისას, გერმანელმა და ქართველმა სპეციალისტებმა, გელათის რეაბილიტაციის დროებით კომიტეტთან შეთანხმებით, მიიღეს გადაუდებელი გადაწყვეტილება მხოლოდ საკურთხევლის აფსიდის დროებითი გადახურვის საფარის მოხსნასთან დაკავშირებით, რადგან ცხადი გახდა, რომ მხოლოდ ამ, საკურთხევლის აფსიდის გადახურვის მონაკვეთში, თუნუქის დროებითი გადახურვა 100%-ით ეყრდნობოდა მხოლოდ მეტალის ხარაჩოს და არანაირი კავშირი არ ჰქონდა ტაძრის სტრუქტურასთან. შესაბამისად, შეუძლებელი გახდა აფსიდის გარე ხარაჩოს მოხსნა ისე, რომ არსებული დროებითი გადახურვა შენარჩუნებულიყო, რომელიც ახალი ერთიანი/დროებითი გადახურვის კონსტრუქციის საძირკვლის ბეტონის ფილების ორი რიგის პერიმეტრში ექცეოდა. აღნიშნული ვითარების გათვალისწინებით, გერმანელი სპეციალისტების მიერ, საკურთხევლის თავზე დამატებით მოეწყო დროებითი საფარი, ვიდრე ძირითადი დროებითი გადახურვის კონსტრუქცია აიგებოდა.

ზემოაღნიშნული გარემოებების გათვალისწინებით, დაგეგმილი სამუშაოების წარმოების დრო მნიშვნელოვნად გაიზარდა და საჭირო გახდა სამუშაოების პერიოდის გახანგრძლივება.

ამასთან, კომპანია „ქუადრექსის“ ხელმძღვანელმა, სამუშაოების წარმოების ვადის გახანგრძლივების თხოვნით, ოფიციალური წერილით მიმართა გელათის რეაბილიტაციის დროებით კომიტეტს, რადგან აგვისტოს თვეში რეგიონში არსებული მძიმე (ცხელი და ტენიანი) კლიმატური პირობები ძალზედ რთული გადასატანი აღმოჩნდა გერმანელი სპეციალისტებისთვის. ამ ფაქტორმა ასევე დიდწილად შეაფერხა სამუშაოების წარმოების ტემპი.

გელათის რეაბილიტაციის დროებითმა კომიტეტმა, იმსჯელა აღნიშნულ საკითხებზე, და მიიჩნია რომ დაგეგმილი სამუშაოების ვადის გახანგრძლივება შესაძლებელია მხოლოდ იმ შემთხვევაში, თუ “ქუადრექსი” დაასრულებდა გელათის ღვთისმშობლის შობის სახელობის საკურთხევლის გადახურვის კონსტრუქციის მოწყობას.

შესაბამისად, კომპანიის მიერ განხორციელდა ტაძრის აღმოსავლეთ მკლავის, კონქისა და აფსიდის პროექტით გათვალისწინებული დროებითი გადახურვის მოწყობა კათედრალის დანარჩენ სტრუქტურაზე, ახალი, ერთიანი დროებითი გადახურვისა და ასევე, მთელი კონსტრუქციის ვერტიკალურად დამცავი მაღალტექნოლოგიური მატერიის მოწყობის სამუშაოები, გაგრძელდება 2024 წლის 1 სექტემბრიდან და დასრულდება არაუგვიანეს 2024 წლის 30

სექტემბრამდე, რომელსაც გადაებმება კათედრალის ერთიანი/დროებითი გადახურვის მეორე ფაზის – გუმბათის გადახურვის სამუშაოები.

ასევე, გვსურს გაცნობოთ, რომ კომიტეტის მხრიდან მონასტრის გახსნაზე შეზღუდვა მოხსნილია და რჩება რა მონასტერი კვლავ დახურულ რეჟიმში, ეს ადგილობრივი ეპარქიის – მაღალყოვლადუსამღვდელოესი იოანეს გადაწყვეტილებაა, მონასტრის შიდა ცხოვრებიდან გამომდინარე.

მადლობას მოგახსენებთ მხარდაჭერისთვის, რომელიც საზოგადოებიდან იგრძნობა და გელათის საუკეთესო ინტერესებიდან გამომდინარე გთხოვთ, გაგებით მოეკიდოთ აღნიშნულ შეზღუდვებს“, – ნათქვამია განცხადებაში.

ახალ სასწავლო წელს დედაქალაქი უკვე არსებულთან ერთად ხუთი ახალი, ევროპული სტანდარტების შესაბამისი საბავშვო ბაღით ხვდება. ეს დამატებით 1500-მდე ახალი ადგილია ჩვენი პატარებისთვის. ჯამში სულ ჩვენი დედაქალაქის 62 ათასი პატარა მცხოვრები წავა წელს ბაღში. ეს უპრეცედენტო ციფრია, – განცხადება ამის შესახებ თბილისის საკრებულოს განათლებისა და კულტურის საქმეთა კომისიის თავმჯდომარემ კახაბერ ლაბუჩიძემ გააკეთა.

საკრებულოს დღევანდელ სხდომაზე სიტყვით გამოსვლისას განათლებისა და კულტურის საქმეთა კომისიის თავმჯდომარემ აღნიშნა, რომ ოპოზიციის წარმომადგენელთა განცხადებები, თითქოს მშობლები ბავშვებს საბავშვო ბაღში ვერ არეგისტრირებენ, მტკნარი სიცრუეა.

„კოალიცია „ძლიერი საქართველოს“ წევრის, ანა დოლიძის, მიერ გავრცელებული ინფორმაცია, თითქოს მშობლები ვერ ახერხებდნენ ბავშვთა რეგისტრაციას, არის სიცრუე. უცნაურია, რატომ არის ეს ადამიანი ამ სახელწოდების კოალიციაში. მათ ხომ წარმოდგენაც არ აქვთ, რომ მართლაც ძლიერი საქართველოს შექმნა ტყუილით, ცალ ფეხზე დგომით და ზღაპრების მოყოლით გამორიცხულია,“ – განაცხადა კახაბერ ლაბუჩიძემ.

მისივე თქმით, თბილისის ბაღებში რეგისტრაცია მიმდინარეობს სამ ეტაპად. როგორც კახაბერ ლაბუჩიძემ აღნიშნა, მათგან, ვინც ვერ შეძლო მეორე ეტაპზე რეგისტრაცია თბილისის მუნიციპალიტეტის ტერიტორიაზე რეგისტრაციის არქონის გამო, უკლებლივ ყველა დარეგისტრირდა მესამე ეტაპზე, ასევე, თბილისის საბავშვო ბაგა-ბაღების სააგენტოს თანამშრომლების მხრიდან თითოეულ მომართვასა თუ ზარზე იყო შესაბამისი რეაგირება.

განათლებისა და კულტურის კომისიის თავმჯდომარემ ასევე განაცხადა, რომ ახალი საბავშვო ბაღები, თანამედროვე სტანდარტების შესაბამისი შენობები და უსაფრთხო გარემო მხოლოდ და მხოლოდ ჩვენი ხელისუფლების დამსახურებაა.

„მინდა საკრებულოს წევრებს, მაჟორიტარებს, მერიისა და ბაგა-ბაღების სააგენტოს თანამშრომლებს გაწეული საქმიანობისთვის მადლობა გადავუხადო და აღვნიშნო, რომ არცერთ გადაწყვეტილებაში, რომლებიც ჩვენი დედაქალაქის მცხოვრებლების სასიკეთოდ იყო მიმართული, ჩვენი ოპოზიციის წარმომადგენლებს მონაწილეობა არ მიუღიათ,“ – დასძინა კახაბერ ლაბუჩიძემ.