ვერძი

მოვლენებით დატვირთული და საინტერესო დღეა. საქმე, რომელსაც ახლა იწყებთ, არა მხოლოდ თქვენთვის, გარშემომყოფებისთვისაც სასარგებლო იქნება. ამ დღეს ძველი შეცდომების გამოსწორების და გაწყვეტილი ურთიერთობების აღდგენის შესაძლებლობა გექნებათ. დღის მეორე ნახევარი სასიამოვნო სიურპრიზს ჰპირდება. ეს საუკეთესო დროა რომანტიკული პაემნებისთვის.

კურო

უჩვეულო ამბავი გელით, რომელიც საინტერესო იდეებს შთაგაგონებთ. გირჩევთ, ერთხელ არჩეულ გზას არ გადაუხვიოთ და ადრე შედგენილ გეგმას მიჰყვეთ. ამ დღეს იმპროვიზაცია ისე კარგად არ გამოგდით, როგორც სხვა დროს, ხოლო ნაჩქარევად მიღებული გადაწყვეტილება შეიძლება მცდარი აღმოჩნდეს.
მეორე ნახევარი ხელსაყრელია ურთიერთობისთვის. ის საშუალებას გაძლევთ, პირადი პრობლემები გადაჭრათ და დაძაბული ურთიერთობები გააუმჯობესოთ.

ტყუპები

თუ მშვიდად და აუჩქარებლად იმოქმედებთ, წარმატებას მიაღწევთ. სიმშვიდის შენარჩუნება ძალიან მნიშვნელოვანია, თუ სერიოზულ ბიზნესს ან საქმიან ადამიანებთან შეხვედრას გეგმავთ. გარშემო მყოფებთან საერთო ენის პოვნას ვერ ახერხებთ. ზოგჯერ ყურადღებას არ აქცევთ რას ამბობენ ადამიანები, ამიტომ ახალი ინფორმაციის გააზრება ან უმარტივესი საკითხების განხილვაც კი გიჭირთ.

კირჩხიბი

ხელსაყრელი დღეა ურთიერთობისთვის. შეგიძლიათ შეთანხმებას მიაღწიოთ ისეთ ადამიანთანაც კი, ვისაც ვერავინ ეწყობა. თქვენი დიპლომატიური უნარები შეიძლება ყველასთვის სასარგებლო აღმოჩნდეს – სავარაუდოდ, დაპირისპირებული მხარეების მორიგებას და ყველასთვის მისაღები გადაწყვეტილების პოვნას შეძლებთ. გამორიცხული არ არის, იმ პრობლემის გასაღები იპოვოთ, რომელიც ბოლო დროს ძალიან გაწუხებთ.

ლომი

რთული დღეა, მაგრამ რაც არ უნდა მოხდეს, ოპტიმიზმი არ უნდა დაკარგოთ. რაც უფრო მეტი დაბრკოლებაა თქვენს გზაზე, მით უფრო მეტ ხერხს იპოვით მათ დასაძლევად. ახალი იდეების დამსახურებით თქვენ წინაშე ახალი შესაძლებლობები გაჩნდება. გჯეროდეთ საკუთარი თავის და მიაღწევთ იმას, რაზედაც აქამდე არასოდეს გიოცნებიათ. თქვენი იდეები ბევრ ადამიანს მოსწონს და დახმარებისთვის მზადაა. დღის მეორე ნახევარი შეიძლება უფრო სტრესული იყოს, რადგან ამ დროს ერთდროულად რამდენიმე საკითხის მოგვარება მოგიწევთ.

ქალწული

სანერვიულო არაფერი გაქვთ. ამ დღეს თქვენს თვალს უმცირესი წვრილმანიც კი არ ეპარება, ამიტომ შეცდომების ალბათობა მინიმალურია. თქვენი წარმატებები შეუმჩნეველი არ დარჩება. გარშემომყოფები რჩევას ხშირად გეკითხებიან. ჩნდება ახალი, უჩვეულო და თამამი გეგმები. ეცადეთ, შესაძლებლობა ხელიდან არ გაუშვათ და გეგმების განხორციელება სამომავლოდ არ გადადოთ. ამ დღეს მიღებული გამოცდილება ბევრჯერ გამოგადგებათ.

სასწორი

სირთულეების მიუხედავად, ამ დღეს საქმეებს შესანიშნავად უმკლავდებით. შეუპოვრობის და მონდომების წყალობით მიაღწევთ იმას, რაც სხვებს შეუძლებლად ეჩვენებათ. ამ დღეს ურთიერთობას ადვილად ამყარებთ და საკუთარი არგუმენტების უტყუარობაში ყველაზე დიდი სკეპტიკოსის დარწმუნებაც შეგიძლიათ.
მოსალოდნელია მნიშვნელოვან პროექტზე ხანგრძლივი და ნაყოფიერი თანამშრომლობა. ხელსაყრელი დღეა საყვარელ ადამიანთან შეხვედრისა და დაუვიწყარი პაემნისთვის.

მორიელი

დილიდან დადებითი ტენდენციების გავლენას იგრძნობთ. შესაძლოა, წარმატებას იქ მიაღწიოთ, სადაც არ ელოდით. უნდა ისარგებლონ ამ მომენტით და რთული დავალება შეასრულოთ. სამწუხაროდ, ზოგი მორიელისთვის ეს დღე ახლობელ ადამიანებთან უთანხმოების გარეშე არ ჩაივლის. კამათი წარმოიქმნება ისეთ წვრილმანებზე, რომლებსაც სხვა დროს ყურადღებას არ მიაქცევდით. დამშვიდდით, ეს ამბავი ხვალ არავის ემახსოვრება.

მშვილდოსანი

დაძაბული დღეა. გამუდმებით ყურადღების ერთი საქმიდან მეორეზე გადატანა გიწევთ, რამაც შეიძლება შეცდომები გამოიწვიოს. ნუ გადაიღლებით – მუშაობის დროს ხშირად უნდა შეისვენოთ. ეცადეთ, მავნე ჩვევები თუნდაც ერთი დღით დაივიწყოთ, რადგან ამ დღეს ჯანმრთელობაზე განსაკუთრებით ცუდად მოქმედებს.

თხის რქა

მშვენიერი დღეა მოკავშირეების პოვნისა და მათთან ძალების გაერთიანებისთვის. მიუხედავად იმისა, რომ უდავო ლიდერი ხართ, გირჩევთ სხვების მოსაზრებებიც გაითვალისწინოთ. დღის მეორე ნახევარი ხელსაყრელია ფინანსური და ქონებრივი საკითხების განხილვისთვის – ინტუიცია არ გიღალატებთ. გახსოვდეთ, რომ ზომიერი ფიზიკური აქტივობა თქვენს განწყობას და ჯანმრთელობას მნიშვნელოვნად გააუმჯობესებს.

მერწყული

ხელსაყრელი დღეა საქმიანი კომუნიკაციისა და სხვადასხვა საკითხის განხილვისთვის. გამორიცხული არ არის, რომ სამუშაოსთან ან გრძელვადიან თანამშრომლობასთან დაკავშირებით ხელსაყრელი წინადადება მიიღოთ.
დღის მეორე ნახევარში ფულთან სიფრთხილე უნდა გამოიჩინოთ. განსაკუთრებით ძვირად ღირებული და უსარგებლო ნივთების შეძენას უნდა მოერიდოთ.

თევზები

სირთულეები არ გაშინებთ, დაბრკოლებები ვერ გაიძულებთ, რომ უკან დაიხიოთ. იქ, სადაც სხვები დამარცხდნენ, თქვენ შეიძლება შესანიშნავ შედეგებს მიაღწიოთ. ეცადეთ, დღის მეორე ნახევარში გადაღლა თავიდან აიცილოთ და დაპირისპირება მშვიდობიანად მოაგვაროთ.

გარემოს ეროვნული სააგენტოს ცნობით, თბილისში ხვალ, 7 აგვისტოს დღისით შესაძლებელია, დაფიქსირდეს ხანმოკლე წვიმა ელჭექით, იქროლებს ჩრდილო-დასავლეთის ქარი 10-15 მ/წმ.

მათივე ცნობით, 7-8 აგვისტოს ქალაქის გარეუბნებში დროგამოშვებით შესაძლებელია ქარის 18-20 მ/წმ-მდე გაძლიერება. ჰაერის ტემპერატურა +32 +34 გრადუსი დაფიქსირდება.

რაც შეეხება შავი ზღვის სანაპირო რაიონებს: (ბათუმი, ქობულეთი, ანაკლია, ფოთი) 7-8 აგვისტოს – დროგამოშვებით ხანმოკლე წვიმა ელჭექით. ჰაერის ტემპერატურა დღისით +30, +32 გრადუსი დაფიქსირდება.

დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, სამტრედია, ოზურგეთი) მოსალოდნელია მცირე ხანმოკლე წვიმა ელჭექით. ჰაერის ტემპერატურა +31, +33 გრადუსი დაფიქსირდება.

დასავლეთ საქართველოს მთიან რეგიონებში (ამბროლაური, ონი, ცაგერი. შოვი, ჭიათურა, საჩხერე, ხულო) 7-8 აგვისტოს მოსალოდნელია მცირე ხანმოკლე წვიმა ელჭექით, ჰაერის ტემპერატურა +28 +33 გრადუსი დაფიქსირდება.

დასავლეთ საქართველოს მაღალმთიან რეგიონებში (მესტია, ბახმარო) 7-8 აგვისტოს მოსალოდნელია ხანმოკლე წვიმა ელჭექით. ჰაერის ტემპერატურა +25, +30 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი) დროგამოშვებით ხანმოკლე წვიმა და ელჭექია მოსალოდნელი, იქროლებს დასავლეთის მიმართულების ქარი 10-15 მ/წმ, 7-8 აგვისტოს ზოგან – ძლიერი 17-22 მ/წმ. ჰაერის ტემპერატურა დღისით +32, +35 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო) 7-8 აგვისტოს ზოგან მოსალოდნელია ხანმოკლე წვიმა ელჭექით. ჰაერის ტემპერატურა დღისით +30, +33 გრადუსი დაფიქსირდება.

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური) მოსალოდნელია ხანმოკლე წვიმა ელჭექით. ჰაერის ტემპერატურა დღისით +27 +32 გრადუსი დაფიქსირდება.

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო) მოსალოდნელია ხანმოკლე წვიმა ელჭექით. ჰაერის ტემპერატურა +20, +25 გრადუსი დაფიქსირდება.

გარემოს ეროვნული სააგენტოს ინფორმაციით, ვაშლიჯვრის დასახლებაში, ბროწეულის ქუჩაზე მიმდინარე პროცესი ლოკალური გავრცელებისაა და საფრთხეს უქმნის მხოლოდ სამშენებლო მოედანს, სადაც დღეისათვის სამუშაოები შეჩერებულია.

მათივე ცნობით, მიმდებარედ არსებულ საცხოვრებელ სახლებს და ინფრასტრუქტურულ ობიექტებს აღნიშნული პროცესისგან საფრთხე არ ემუქრებათ.

ამასთან, სააგენტო აღნიშნავს, რომ მიმდინარეობს დეტალური საინჟინრო-გეოლოგიური (გეოტექნიკური) კვლევები, რომლის საფუძველზეც შემუშავდება რეკომენდაციები დამცავი ღონისძიებების გასატარებლად.

„გარემოს ეროვნული სააგენტოს გეოლოგებმა თბილისში, ვაშლიჯვრის დასახლებაში სამშენებლო მოედნის მიმდებარედ გეოდინამიკური პირობები ადგილზე შეაფასეს.

აღსანიშნავია, რომ მიმდინარე წლის ივლისის თვეში ვაშლიჯვრის დასახლებაში (ბროწეულის ქ. 5) სამშენებლო მოედნის არეალში და მის მიმდებარედ ძველმეწყრულ ფერდობზე პროცესები გააქტიურდა.

სპეციალისტების შეფასების შედეგად დადგინდა, რომ ამ ეტაპზე პროცესი ლოკალური გავრცელებისაა და საფრთხეს უქმნის მხოლოდ სამშენებლო მოედანს, სადაც დღეისათვის სამუშაოები შეჩერებულია.

სამშენებლო კომპანიის დაკვეთით მიმდინარეობს დეტალური საინჟინრო-გეოლოგიური (გეოტექნიკური) კვლევები, რომლის საფუძველზეც შემუშავდება რეკომენდაციები დამცავი ღონისძიებების გასატარებლად.

რაც შეეხება მიმდებარედ არსებულ საცხოვრებელ სახლებს და ინფრასტრუქტურულ ობიექტებს, აღნიშნული პროცესისგან საფრთხე არ ემუქრებათ”, – ნათქვამია ინფორმაციაში.

ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი ბათუმის შოთა რუსთაველის სახელმწიფო უნივერსიტეტის სტუდენტებს შეხვდა.

ცესკოს ინფორმაციით, ცენტრალურ საარჩევნო კომისიაში გამართული შეხვედრის ფარგლებში გიორგი კალანდარიშვილმა დეტალურად ისაუბრა არჩევნების მნიშვნელობაზე და ამ პროცესში საარჩევნო ადმინისტრაციის როლზე, საქართველოში არჩევნების ისტორიაზე და იმ სიახლეებზე, რომელიც ტექნოლოგიურ ინტერვენციას უკავშირდება. “გიორგი კალანდარიშვილმა ასევე დეტალურად ისაუბრა 2024 წლის 26 ოქტომბრის არჩევნებისთვის მზადების პროცესზე, საგანმანათლებლო პროექტებსა და ცესკოს ფართომასშტაბიანი საინფორმაციო კამპანიის მიმდინარეობაზეც, რომელიც ამომრჩევლებისთვის ტექნოლოგიების გაცნობას ემსახურება.

როგორც ცესკოს თავმჯდომარემ აღნიშნა, საარჩევნო პროცესში ახალგაზრდების ჩართულობა განსაკუთრებით მნიშვნელოვანია, რადგან ქვეყნის დემოკრატიული განვითარებისთვის არჩევნები მნიშვნელოვანი პროცესია. აქტიურ საზოგადოებრივ და პოლიტიკურ ცხოვრებაში ახალგაზრდების ჩართვის პირველი ნაბიჯი კი სწორედ საარჩევნო უფლების გამოყენებაა.

შეხვედრის დასკვნითი ნაწილი კითხვა-პასუხის რეჟიმში წარიმართა. გიორგი კალანდარიშვილმა ახალგაზრდების მიერ დასმულ კითხვებსაც უპასუხა. სტუდენტებმა ცენტრალური საარჩევნო კომისიის ბიბლიოთეკაც დაათვალიერეს.

საინფორმაციო შეხვედრა ბათუმის შოთა რუსთაველის სახელმწიფო უნივერსიტეტის ინიციატივით, სტუდენტთა მხარდამჭერი პროგრამის ფარგლებში განხორციელდა”, – აღნიშნულია ცესკოს ინფორმაციაში.