დედაქალაქის მერი, კახა კალაძე უკრაინის პრეზიდენტის ვოლოდიმირ ზელენსკის ყოფილი თანაპარტიელის, არტემ დმიტრუკის განცხადების გამოეხმაურა, რომელმაც საქართველოს ხელისუფლებას მიმართა, რომ არ გაიმეორონ უკრაინის შეცდომები და არ ჩაერთონ ომში.

როგორც კახა კალაძემ მედიასთან აღნიშნული თემის კომენტირებისას აღნიშნა, „ქართული ოცნება“ იცავს ქვეყნის მშვიდობას და არ დაუშვებს ისეთ შეცდომებს, რასაც ხალხი არ აპატიებს.

 „ჩვენთვის ყველაზე მთავარი და მნიშვნელოვანი არის ჩვენი ქვეყნის მოსახლეობა.  ჩვენ რომ ამდენი ხანია ხელისუფლებაში ვართ, ეს არის ქართველი ხალხის დამსახურება. ვიღაცებს რადიკალური ოპოზიციიდან ჰგონიათ, რომ რომელიღაც საელჩოში უნდა ჩაატარონ საარჩევნო კამპანია. ეს არის დღევანდელი მოცემულობა. ვიცით, ერთ მხარეს რა დაჯგუფება დგას, რა არის მათი და მათი პატრონების მიზანი; მეორე მხარეს კი დგას „ქართული ოცნება“, რომელიც ქვეყნის მშვიდობას იცავს. მხოლოდ და მხოლოდ მშვიდობა გვინდა და არავის მივცემთ საშუალებას, რომ ვიღაცებმა საკუთარი ქვეყანა და ჩვენი სამშობლო გამოიყენონ თავიანთი მიზნებისთვის. შედეგად კი, ისევ ტერიტორიები დავკარგოთ, დავხოცოთ ხალხი, ახალგაზრდები სწავლის ნაცვლად ომში გავუშვათ. რატომ? რისი გულისთვის? არ გვიომია? გამოვლილი გვაქვს ეს პროცესები და ვიცით რამხელა ზიანის მომტანია ომი. 

ჩვენ შეცდომების დაშვების ფუფუნება არ გვაქვს. ამას არც აწმყოში და არც მომავალში არ გვაპატიებენ. შესაბამისად, ჩვენ ვდგამთ ნაბიჯებს, რომელიც მნიშვნელოვანია ამ ქვეყნისთვის, მშვიდობისთვის და ხვალინდელი დღისთვის“, – აღნიშნა კახა კალაძემ.

„არავინ უნდა ელოდოს, რომ რუსეთი აიღებს და ტაშ-ფანდურით გადმოგცემს იმას, რაც სააკაშვილმა ჩააბარა 2008 წელს, მუშაობაა საჭირო“, – ამის შესახებ პარლამენტის პირველმა ვიცე-სპიკერმა გია ვოლსკიმ განაცხადა.

მისი თქმით, „ნაციონალური მოძრაობის“ ხელისუფლებამ რუსეთს ტერიტორიების 20% ჩააბარეს. 

„ოპოზიციის განცადებები მოვისმინთ ლავროვის თემასთან დაკავშირებით, ჩააბარეს რუსეთს ტერიტორიების 20%, ყველაფერი გააკეთეს, რათა გაძლიერებულიყვნენ სამხრეთ კავკასიაში. თვითონ ფაქტი იმისა, რომ ჩვენ რუსეთი ხელს არ შეგვიშლის, რათა პირდაპირი ურთიერთობა გვქონდეს, ეს არ არის ცუდი მესიჯი.

მთავარია, როგორ გამოიყენებ, არავინ უნდა ელოდოს, რომ რუსეთი აიღებს და ტაშ-ფანდურით გადმოგცემს იმას, რაც სააკაშვილმა ჩააბარა 2008 წელს, მუშაობაა საჭირო.

ევროკავშირი თავის დროზე ჩაერთვება თავისი უშველებელი პროგრამებით, საერთოდ, გამოცდილება ურთიერთობისა გვაქვს, ვიდრე ჩაშლიდა სააკაშვილის მავნებელი ხელისუფლება, თუმცა ფორმატები არსებობდა. ახლა უნდა ვიწვალოთ და დავუბრუნდეთ ფორმატებს, რომლის გამოცდილებაც გაგვაჩნია“, – აცხადებს გია ვოლსკი.

ვინაიდან გახარიას პარტიის საარჩევნო სიასაც გავეცანი, „ფეისბუქის“ მეხსიერებამ მომცა კარგი შესაძლებლობა “გახარისტების” პოტენციალზე, მათ ადგილზე ქართულ პოლიტიკაში ცნობილი ექსპერტის ვახტანგ ძაბირაძის მიერ ზუსტად ერთი წლის წინ გაკეთებული განცხადება გამეხსენებინა. გავყვეთ ამ ცნობილი სპეციალისტის შეფასებას წელს, საარჩევნო პერიოდში“, – წერს სოციალურ ქსელში „ხალხის ძალის“ წევრი დავით ქართველიშვილი.

მისი თქმით, საინტერესოა, რომელი სინჯის ოქროს მანდატებს წარმოადგენდნენ შარშან პოლიტოლოგ ვახტანგ ძაბირაძისთვის გახარიას პოლიტსაბჭოს წევრები და ახლა რას ფიქრობს ის იმავე საკითხზე.

„საოქრომჭედლო “სამყაროში” განასხვავებენ ოქროს ექვს კლასიფიკაციას: 375 სინჯის (37,5%), 500 სინჯის (50%), 585 სინჯის (58,5%), 750 სინჯის (75%), 900 სინჯის (90%) და 999 სინჯის (99,9%). როდესაც პოლიტოლოგი გადადის საკუთარი აზრის გამოხატვის “ალეგორიულ” მანერაზე, ჩვენ – მის მკითხველს, გვიჩნდება დამატებითი შეკითხვების დასმის “ფანჯარა”.
ზუსტად ერთი წლის წინ ბატონმა ძაბირაძემ ბრძანა: “გახარიას აქვს ოქროს მანდატები”. საუბარი იყო გახარიას “ჩინურ ვერსია” ქემოკლიძეზე, “მარიანის ღრმულის” ცნობილ მკვლევარზე. საუბარი იყო ალეკო ხოჯევანიშვილზე და დეპუტატ ანა ბუჩუკერზე. ასე რომ, ავითარებდა თავის თეორიას ბატონი ძაბირაძე: “რასაც უკარნახებს გახარია, ან ის უნდა მიიღონ „ქართულმა ოცნებამ“ და „ნაციონალურმა მოძრაობამ“, ან მივდივართ რიგგარეშე არჩევნებზე – მე თუ მაქვს ოქროს მანდატები, შემიძლია მოვითხოვო პრემიერის პოსტიც, უნდა ვივაჭრო „ქართულ ოცნებასთან“ და „ნაციონალურ მოძრაობასთან“ და რომელიც დამითმობს პრემიერის პოსტს, იმასთან გავაკეთებ კოალიციას”.

რომელი სინჯის ოქროს მანდატებს წარმოადგენდნენ შარშან ბატონ პოლიტოლოგისთვის გახარიას პოლიტსაბჭოს ჩემს მიერ ჩამოთვლილი წევრები? ან ჩვენს საზოგადოებას რაში შეატყო – ან დემენციური ამნეზიის, ან ოქროს თითბრისაგან გარჩევის უუნარობის ნიშნები? ან თავად გახარია – რომელ სინჯს განეკუთვნება? “ბაჯაღლოს”? შარშანვე ევროპელი პენსიონერების ფულით ჩატარებული კვლევებით მისთვის მიწერილი 10 პროცენტი რამდენად “საბაჯაღლოა”? საინტერესო იქნებოდა გავცნობოდეთ პატივცემული პოლიტოლოგის წლევანდელ პოზიციასაც, ან პირიქით – ინტერესმოკლებულ კატეგორიას მიგვეკუთვნებინა იგი“, – აღნიშნავს დავით ქართველიშვილი.