ანტიკორუფციული ბიურო „ლელო – ძლიერი საქართველოს“ ლიდერის, მამუკა ხაზარაძის ქონებრივი მდგომარეობის დეკლარაციის მონიტორინგის შესახებ ინფორმაციას ავრცელებს.

როგორც გავრცელებულ ინფორმაციაშია ნათქვამი, მონიტორინგის ფარგლებში ყურადღება ეთმობა დეკლარაციაში იმ მონაცემების ასახვის სიზუსტეს, რომლებიც უკავშირდება მამუკა ხაზარაძის ოჯახის წევრის საკუთრებაში არსებულ უძრავ ქონებასა და აღნიშნულ ქონებასთან დაკავშირებულ ხელშეკრულებებს.

მათივე ცნობით, განსაკუთრებული ინტერესის საგანს წარმოადგენს ის გარემოება, თუ რა მიზეზით არ აისახა დეკლარაციაში შეთანხმება, რომელიც მამუკა ხაზარაძის ოჯახის წევრმა გააფორმა გერმანიის ფედერაციული რესპუბლიკის ელჩთან.

„მაღალი საზოგადოებრივი ინტერესის გათვალისწინებით, გაცნობებთ, რომ სსიპ – ანტიკორუფციული ბიურო ახორციელებს საქართველოს პარლამენტის ყოფილი წევრის, მამუკა ხაზარაძის ქონებრივი მდგომარეობის დეკლარაციის მონიტორინგს.

მონიტორინგის მიზანია დადგინდეს დეკლარაციაში წარმოდგენილი ინფორმაციის სისწორე და შესაბამისობა საქართველოს კანონმდებლობასთან.

საქართველოს კანონმდებლობის მიხედვით, თანამდებობის პირს ეკისრება კანონით დადგენილი ვალდებულება, დეკლარაციაში სრულად და სწორად ასახოს პირის და პირის ოჯახის წევრის საკუთრებაში არსებული ქონება და ყველა ტიპის გარიგება.

ბიუროს მიერ მიმდინარე მონიტორინგის ფარგლებში ყურადღება ეთმობა დეკლარაციაში იმ მონაცემების ასახვის სიზუსტეს, რომლებიც უკავშირდება მამუკა ხაზარაძის ოჯახის წევრის საკუთრებაში არსებულ უძრავ ქონებასა და აღნიშნულ ქონებასთან დაკავშირებულ ხელშეკრულებებს.

განსაკუთრებული ინტერესის საგანს წარმოადგენს ის გარემოება, თუ რა მიზეზით არ აისახა დეკლარაციაში შეთანხმება, რომელიც მამუკა ხაზარაძის ოჯახის წევრმა გააფორმა გერმანიის ფედერაციული რესპუბლიკის ელჩთან.

მნიშვნელოვანია, გამოიკვეთოს, იყო თუ არა ხელშეკრულების დამალვა მიზანმიმართული, უკავშირდება თუ არა შემოსავლის დაფარვის მცდელობას და რამდენად შეესაბამება ეს ქმედება კანონით დადგენილ ვალდებულებებს.

ამასთანავე, ბიურო აგრძელებს პოლიტიკური პარტიების ფინანსური საქმიანობის მუდმივ მონიტორინგს, რაც გულისხმობს შემოწირულებების კანონიერების შეფასებას.

ამ კონტექსტში მიმდინარეობს მამუკა ხაზარაძის მიერ დეკლარირებულ შემოწირულებებთან დაკავშირებული გარემოებების შესწავლა, რათა სრული სურათი შეიქმნას პოლიტიკური კორუფციის შესაძლო რისკებთან დაკავშირებით”,- აღნიშნულია განცხადებაში.

„გარდა იმისა, რომ სახეზეა პოლიტიკური კორუფცია, როდესაც გერმანიის ელჩზე აქვს ხაზარაძეს კუთვნილი სახლი მიქირავებული, რომელიც მისივე პარტიის კამპანიაში უშუალოდ მონაწილეობს და ღიად მტრობს ჩვენს ქვეყანას, გაირკვა, რომ ხაზარაძე წლების მანძილზე არ იხდიდა გადასახადებს ქონების გაქირავების შედეგად მიღებული შემოსავლებიდან“, – წერს „ერთიანი ნეიტრალური საქართველოს“ წევრი ვატო შაქარიშვილი სოციალურ ქსელში.

მისი განცხადებით, ხაზარაძე სახლის იჯარიდან მიღებულ შემოსავალს არ ბეგრავდა და რთული წარმოსადგენი არ არის დიდ ფინანსურ ოპერაციებს როგორი მაქინაციებით ატარებდა.

„მას შემდეგ, რაც მამუკა ხაზარაძე საკუთარ დანაშაულებზე პასუხისგების თავიდან ასარიდებლად და გარკვეული იმუნიტეტის მოსაპოვებლად პოლიტიკაში შემოვიდა, მისი ნაბიჯების, მის მიერ შექმნილი გუნდის და მისი გონებრივი შესაძლებლობის შემყურე, ბევრს გაუჩნდა კითხვა – როგორ მოახერხა მან ასეულობით მილიონის შოვნა. გუშინდელი იძულებითი აღიარებით კიდევ ერთხელ გაეცა ამ კითხვას პასუხი – თაღლითობით და მოპარვით!

გარდა იმისა, რომ სახეზეა პოლიტიკური კორუფცია, როდესაც გერმანიის ელჩზე აქვს ხაზარაძეს კუთვნილი სახლი მიქირავებული, რომელიც მისივე პარტიის კამპანიაში უშუალოდ მონაწილეობს და ღიად მტრობს ჩვენს ქვეყანას, გაირკვა, რომ ხაზარაძე წლების მანძილზე არ იხდიდა გადასახადებს ქონების გაქირავების შედეგად მიღებული შემოსავლებიდან. უამრავი ოჯახის უსახლკაროდ დატოვებას, ბანკის და პარტნიორების თაღლითურად გაძარცვას, ციხეებში ნაწამებ ადამიანებთან სასესხო ხელშეკრულებების გაფორმებას და შემდგომში მათი ბიზნესისა და ქონების მიტაცებას, გადასახადების დამალვაც დაემატა!

სახლის იჯარიდან მიღებულ შემოსავალს არ ბეგრავდა და რთული წარმოსადგენი არ არის დიდ ფინანსურ ოპერაციებს როგორი მაქინაციებით ატარებდა… P.S. ასეთი CV-ით და გაწყვეტილი შუბლის ძარღვით გახდა აგენტი და სხვისი ბრძანებით მტრობს ჩვენს ქვეყანას…“, – წერს შაქარიშვილი.

რუსეთ-საქართველოს საზღვარზე ჩარჩენილმა უკრაინის 5-მა მოქალაქემ „ქართველი მესაზღვრეების ქმედებების გამო“ უვადო შიმშილობა გამოაცხადა,- ამის შესახებ ერთ-ერთმა მოშიმშილემ, სერგეი ლარკომ გამოცემასთან “ეხო კავკაზა” საუბარში განაცხადა.

ლარკოს თქმით, აქციის მონაწილეები აპირებენ გადასცენ ქართველ მესაზღვრეებს შიმშილობის დაწყების ოფიციალური განცხადება.

“მე, ლარკო სერგეი ალექსის ძე, ქართველი მესაზღვრეების უკანონო ქმედებებისა და ჩემი უფლებების დარღვევაზე პროტესტის ნიშნად ვაცხადებ უვადო შიმშილობას”. – წერია ლარკოს პირად განცხადებაში.

უკრაინის მოქალაქის თქმით, 2025 წლის 21 ივნისს მას რუსეთიდან დეპორტაცია გაუკეთეს. ლარკოს მტკიცებით, საქართველოში ჩამოსვლისთანავე მას პასპორტი ჩამოართვეს და უკანონოდ  ბიომეტრიული მონაცემები ჩამოართვეს.

“მე მომათავსეს არაადამიანურ პირობებში გამშვებ პუნქტ დარიალის სარდაფში, სადაც 97 ადამიანი ცხოვრობს, ზოგ მათგანს აივ ინფექცია და ტუბერკულიოზი აქვს. უარი მითხრეს საქართველოში შემოსვლაზე, თავშესაფრის მიღებაზე, იურიდიულ დახმარებაზე და დაკავების გასაჩივრებაზე”. – ამბობს ლარკო.

მოშიმშილეები უკრაინის კონსულთან შეხვედრას, მათი დაკავების მიზეზების განმარტებას, საქართველოს ტერიტორიის დატოვების უფლებას და სამედიცინო გამოკვლევებს ითხოვენ.

კრემლი რუსეთ-საქართველოს საზღვრისკენ უშვებს პატიმრებს, რომლებიც თავდაპირველად გასამართლებული იყვნენ უკრაინის ტერიტორიაზე, რომელიც შემდგომში რუსული ოკუპაციის ქვეშ მოექცა. შემთხვევების უმეტეს ნაწილში ისინი სასჯელს რუსულ პენიტენციურ დაწესებულებებში იხდიდნენ, სადაც ისინი რუსებმა იძულებით გადაიყვანეს.

ქართული მხარის განცხადებით, საზღვარზე მყოფი უკრაინის მოქალაქეების უმეტესობა მძიმე მუხლებით არიან გასამართლებულები და საზღვრის გადაკვეთისთვის აუცილებელი საბუთები არ გააჩნიათ.

ზელენსკიმ და ტრამპმა სატელეფონო საუბრის დროს რუსეთის წინააღმდეგ სანქციები განიხილეს. ამის შესახებ ინფორმაციას უკრაინის პრეზიდენტი, ვოლოდიმირ ზელენსკი ავრცელებს.

„პროდუქტიული საუბარი პრეზიდენტ ტრამპთან, საკვანძო ფოკუსით, რა თქმა უნდა, ომის დასრულებაზე. მადლობელი ვართ აშშ-ის პრეზიდენტის სამართლიანი და მყარი მშვიდობისკენ ყველა ძალისხმევისთვის. ნამდვილად აუცილებელია მკვლელობების რაც შეიძლება სწრაფად დასრულება, და სრულად ვუჭერთ მხარს. უკვე ბევრი თვე შესაძლოა გასულიყო ომის გარეშე, რუსეთი რომ არ აგრძელებდეს მას.

დღეს ჩვენი პოზიციების კოორდინაცია მოვახდინეთ – უკრაინისა და შეერთებული შტატების. ვითარების ჩვენი შეფასებების გავცვალეთ: რუსეთი თავისი თავდასხმების სისასტიკეს აძლიერებს. პრეზიდენტი ტრამპი სრულად ინფორმირებულია კიევზე, სხვა ქალაქებსა და სოფლებზე რუსული თავდასხმების შესახებ.

რა თქმა უნდა, რუსეთის წინააღმდეგ სანქციებზე ვისაუბრეთ. მათი ეკონომიკა დაცემას აგრძელებს, და მოსკოვის სწორედ ამიტომ არის ასე მგრძნობიარე ამ პერსპექტივაზე და პრეზიდენტ ტრამპის გაბედულობაზე. ამას ბევრი რამის შეცვლა შეუძლია“, – წერს ზელენსკი.

უკრაინის პრეზიდენტმა ასევე აღნიშნა, რომ ტრამპთან მან ასევე განიხილა ევროპის გადაწყვეტილებები, რომლებიც უკრაინის თავდაცვას ეხმარება. ზელენსკის თქმით, ამერიკასთან დრონების შესახებ შეთანხმების პროექტი კიევმა უკვე მოამზადა და მზად არის ის დეტალურად განიხილოს და გააფორმოს.

სწორედ ის ფაქტი, რაზედაც ასე სუფთად წაიჭირეს „ნეიტრალური“ დიპლომატი, სამართალდამცავზე მოძალადე მზია ამაღლობელის პირადი მცველი. იმავდროულად ბანკირ-მევახშე, ხანდაზმულ თაღლით ხაზარაძესთან პოლიტიკურ კორუფციაში მხილებული გერმანიის ელჩი ბნი პიტერი ფიშერი. აშკარად მეტყველებს იმ უკიდეგანო ჭაობსა და წუმპეზე, რომელშიც თავით ფეხებამდე ჩათრეული და ამოსვრილნი არიან საქართველოში მყოფი ევროკავშირის ცალკეულ ქვეყანათა აქ მყოფი დიპლომატიური წარმომადგენლები,- წერს ექსპერტი, ედიშერ გვენეტაძე სოციალურ ქსელში.

გვენეტაძის თქმით, ხაზარაძე-ფიშერის პოლიტიკური კორუფციის ტანდემში, გარდა იმისა, რომ ხაზარაძე გადასახადებს მალავდა, ასევე იკვეთება საერთაშორისო სკანდალი, რომელშიც გერმანიის ელჩმა საკუთარი ქვეყანა გახვია.

„სწორედ ის ფაქტი, რაზედაც ასე სუფთად წაიჭირეს “ნეიტრალური” დიპლომატი, სამართალდამცავზე მოძალადე მზია ამაღლობელის პირადი მცველი. იმავდროულად ბანკირ-მევახშე, ხანდაზმულ თაღლით ხაზარაძესთან პოლიტიკურ კორუფციაში მხილებული გერმანიის ელჩი ბნი პიტერი ფიშერი. აშკარად მეტყველებს იმ უკიდეგანო ჭაობსა და წუმპეზე, რომელშიც თავით ფეხებამდე ჩათრეული და ამოსვრილნი არიან საქართველოში მყოფი ევროკავშირის ცალკეულ ქვეყანათა აქ მყოფი დიპლომატიური წარმომადგენლები. საქმე მარტო იმაში კი არ მდგომარეობს, რომ ხაზარაძე-ფიშერის პოლიტიკური კორუფციული ტანდემიდან მხოლოდ ყოფილი საბჭოთა “კომსომოლა”, რომ უმალავდა საკუთარ ქვეყანას გადასახადებს, არამედ იმითაც რომ დისციპლინითა და აკურატულობით ცნობილ გერმანიის სახელმწიფოს შეურაცხყოფა მიაყენა და სკანდალში გახვია პატივცემულმა ფიშერმა. რომელმაც იმ ქვეყნის კანონმდებლობის გვერდის ავლით , სადაც ის ელჩადაა განწესებული სასახლე დაიქირავა პოლიტიკური სუბიექტისაგან.

ეტყობა ბატონმა პიტერმა არც იცოდა და როგორც გურულები იტყვიან: “ქეც იცოდა”, როგორი უცოდველი, თაღლითი, წურბელა გაიძვერა და ქვეყნის მყვლეფავი იყო და არის სწორედ სახელმწიფო ვალდებულებებისაგან თავის არიდებას გამო პოლიტიკას შეფარებული ხაზარაძე.

თუმცა ფულის სიყვარულის გამო ეტყობა, როგორც იტყვიან ხაზარაძე-ფიშერის ხელები ერთმანეთს ბანდნენ, ხოლო ამის შემდეგ ერთმანეთს პირებს… ამიტომაც ამიერიდან, მაინც წაიკითხავს და აღიქვამს პატივცემული გერმანელი დიპლომატი ქართული ხალხური სიბრძნის: „ქათამმა თხარა თხარაო და თავის დასაკლავი დანა თავადვე ამოთხარაო“ სიდიადეს.

და ბოლოს და ბოლოს შეეშვება ხანდაზმულ თაღლითებთან პოლიტიკურ თუ სხვადასხვა სახის გარიგება-ჩარიგებებს,“- წერს ედიშერ გვენეტაძე.