საქართველოს განათლების, მეცნიერებისა და ახალგაზრდობის მინისტრის თანამდებობა ალექსანდრე წულაძემ დაიკავა.
განათლების ახალი მინისტრი მთავრობის ადმინისტრაციაში გამართულ ბრიფინგზე საქართველოს პრემიერ-მინისტრმა, ირაკლი კობახიძემ წარადგინა.
ალექსანდრე წულაძემ პრემიერ-მინისტრს ნდობის გამოცხადებისთვის მადლობა გადაუხადა.
გიორგი ამილახვარმა საქართველოს განათლების, მეცნიერებისა და ახალგაზრდობის მინისტრის თანამდებობა 28 სექტემბერს დატოვა და განაცხადა, რომ კერძო სექტორში ბრუნდება.
1 ოქტომბერს თიბისი ბიზნესისა და რითეილ ასოციაციის წარმომადგენლებმა ხელი მოაწერეს ურთიერთთანამშრომლობის მემორანდუმს, რომელიც ითვალისწინებს მცირე და საშუალო ბიზნესის მხარდაჭერას მრავალ ასპექტში.
დღეს SME სექტორისთვის დიდი გამოწვევას წარმოადგენს გაყიდვების არხების სწორედ შერჩევა და მსხვილ, საცალო გაყიდვების ქსელებთან მოლაპარაკება.
ერთ მხარეს არიან მცირე მეწარმეები, რომელთაც მასობრივ სეგმენტზე გასასვლელად სჭირდებათ სწორი გაყიდვების არხები, ხოლო მეორე მხარეს მსხვილი სუპერმარკეტები, რომელთან პროდუქციის დიდი ნაწილის იმპორტი უწევთ, რადგან ადგილობრივი მეწარმეები ვერ ახერხებენ მათი მოთხოვნების დაკმაყოფილებას შესაბამისი ხარისხით.
მეწარმეების მხარეს იკვეთება ისეთი პრობლემები, როგორიცაა არასწორად შერჩეული არხები, მიწოდების არაკონსისტენტური ვადები, ხარისხის კლება ქსელში შესვლის შემდეგ და ა.შ.
ორმხრივი თანამშრომლობის მიზანია ამ პრობლემის მოგვარება, მეწარმეებში ცნობადობის ზრდისა და მათთვის სწორი ინსტრუმენტების მიწოდების გზით.
პროექტი მოიცავს რამდენიმე კომპონენტს. მათ შორის განათლებას, რომელიც გადაამზადებს მეწარმეებს.
1 on 1 შეხვედრებს ქსელურ სუპერმარკეტებთან, კურსის ბოლოს შერჩეული მეწარმეები შეძლებენ პირისპირ გასაუბრებას იმისთვის, რომ მოხდეს მათი პროდუქციის შეტანაზე საბოლოო მოლაპარაკება. სხვადასხვა აქციები მცირე მეწარმეების პროდუქციაზე და B2B გამოფენა, სადაც მცირე და საშუალო მეწარმეები შეძლებენ საკუთარი პროდუქციის დემონსტრირებას ქსელური სუპერმარკეტებისთვის და სხვა პოტენციური გაყიდვების არხების წარმომადგენლებისთვის.
თურქეთის სახელმწიფო ტელერადიომაუწყებლობის კორპორაციის TRT-ის (Turkish Radio and Television Corporation) ვებ-გვერდზე, რუბრიკით „აქტუალური თემის ანალიზი“, გამოქვეყნებულია სტატია სათაურით „წარმოიდგინეთ ევროპა ომის შემდეგ: სამი სცენარი“, რომლის ავტორია პროფესორი მურათ იეშილთაში, ანკარაში არსებული ანალიტიკური ცენტრის SETA/სეტას უსაფრთხოების კვლევების დირექტორი.
გთავაზობთ პუბლიკაციას:
ჩვენ კი ორი ახალი დიდი კრიზისის წინაშე აღმოვჩნდით. ერთი ფოკუსირებულია ახლო აღმოსავლეთზე, მეორე – ევროპაზე. ორივე კრიზისის გავლენა ახალი რეგიონული წესრიგის ჩამოყალიბებაზე კრიტიკული იქნება. უკრაინაში მიმდინარე ომის შედეგის გავლენა ევროპის უსაფრთხოების გარემოზე შეიძლება გაანალიზდეს სამი განსხვავებული სცენარით: თანამშრომლობითი, კონკურენტული და ჰეგემონური. ეს სცენარები შეიძლება განხილულ იქნას სამი ძირითადი პარამეტრის საფუძველზე. ესენია ევროპის სტრატეგიული ავტონომია, აშშ-ს გავლენა ევროპაზე და რუსეთის პოზიცია ამ ჩარჩოში.
ნაყოფიერი თანამშრომლობა
ამ სცენარში, თანამშრომლობაზე დაფუძნებული უსაფრთხოების გარემო ხასიათდება ევროპის მთავრობებს შორის გაზრდილი თანამშრომლობით, ბრექსიტის შემდგომი ბრიტანეთის განახლებული თავდაცვითი თანამშრომლობით ევროკავშირთან, რუსეთის შერიგებითა და ევროპაში რეინტეგრაციით. ამის გამოვლინება იქნება ერთობლივი თავდაცვითი პროექტებისა და საწარმოო საქმიანობების რაოდენობისა და მასშტაბის ზრდა და უფრო შემრიგებლური მიდგომა კავშირის წევრებს შორის.
ადრე შეიქმნა ისეთი სტრუქტურები, როგორიცაა ევროპის თავდაცვის ფონდი (EDF) და თავდაცვისა და უსაფრთხოების სფეროში პერმანენტულ სტრუქტურული თანამშრომლობა (PESCO). EDF განსხვავდება PESCO-სგან იმით, რომ ის იყენებს ევროკავშირის ფონდებს და ხელს უწყობს კომპანიების თანამშრომლობას სახელმწიფოთაშორისი მოლაპარაკებების ნაცვლად, ამცირებს რა ისეთი კრიტიკული სახელმწიფო ინსტიტუტების როლს, როგორიცაა თავდაცვის სამინისტროები. ამრიგად, ის ეფუძნება სუპრანაციონალურ მიდგომას და მიზნად ისახავს უფრო ღრმა თანამშრომლობას, ვიდრე PESCO.
ამ თანამშრომლობით უსაფრთხოების წესრიგს ევროპაში აქვს შესაძლო ინდიკატორები, როგორიცაა კონტინენტის გაზრდილი სტრატეგიული ავტონომია. ქრონიკული პრობლემა, როგორიცაა სუპრანაციონალური უსაფრთხოებისა და თავდაცვის უზრუნველყოფის უუნარობა, რომელიც გადაილახება ისეთი მექანიზმებით, როგორიცაა EDF.
კონკურენცია და გაყოფა
ევროპის უსაფრთხოების გარემოს მეორე შესაძლო მომავალი შეიძლება განისაზღვროს როგორც კონკურენტული, სადაც სავარაუდოა მეორე ცივი ომი რუსეთთან. ეს შეიძლება წარმოიშვას, თუ განსხვავებები ევროპის მთავრობებს შორის და მათ მიერ მიღებული ზომები რუსეთ-უკრაინის ომის განმავლობაში გამოიწვევს შეუთავსებლობასა და სკეპტიციზმს მათ შორის და გარე აქტორებთან ურთიერთობებში. შესაბამისად, დიდი ძალები კონტინენტზე, როგორიცაა გერმანია, საფრანგეთი და ბრიტანეთი, მისდევენ პოლიტიკას, რომელიც პრიორიტეტს ანიჭებს ეროვნულ ინტერესებს.
ამ სცენარს აქვს შესაძლო შედეგებიც. ნაციონალიზმი და პროტექციონიზმი გააგრძელებდა ზრდას, განსაკუთრებით ადგილობრივი თავდაცვის ინდუსტრიის პრიორიტეტიზაციით, რაც არის საფრანგეთის მიერ უპირატესობა მინიჭებული პრაქტიკა. ნატოს ეფექტურობა ასევე შემცირდება ევროპული სახელმწიფოების უმართებლობის გამო, დააკმაყოფილონ თავდაცვის ხარჯები შიდა გაყოფების და შემდგომ აშშ-ს უკმაყოფილების გამო. ამით, ნდობა ევროკავშირის მიმართ შემცირდება და აღმოსავლეთ ევროპა, ბალტიის ქვეყნები და ბალკანეთი მიეცემა სწრაფ მილიტარიზაციას, რაც გამოიწვევს ახალ უსაფრთხოების დილემებს.
შეზღუდული და დამოკიდებული
ბოლოს შესაძლო უსაფრთხოების გარემო შეიძლება აღიწეროს როგორც ჰეგემონური და შემზღუდველი, მათ შორის ცივი ომი ჩინეთთან. ეს სცენარი იქნება შედეგი იმისა, რომ ვერ მოხერხდა კონტინენტზე სტრატეგიული ავტონომიის შექმნა საერთო საფუძვლის შექმნითა და საკმარისი პროექტების წარმოებით EDF-ისა და PESCO-ს სტრუქტურების ფარგლებში. ეს გაზრდის აშშ-ს გავლენას ევროპის თავდაცვასა და უსაფრთხოებაზე.
ომის დაწყებიდან, მიუხედავად ევროპის ქვეყნების საწინააღმდეგო განცხადებებისა, იარაღის შესყიდვების სულ უფრო მეტი წილი მოდიოდა კავშირის გარედან, აშშ იყო უდიდესი მიმწოდებელი. კონტინენტის ბევრმა ქვეყანამ ომამდე აშშ-ს შეუკვეთა F-35, მაგრამ, როგორც ჩანს, დამატებითი შეკვეთები გაკეთდა ჩეხეთის, გერმანიის, შვეიცარიისა და რუმინეთის მიერ. ზოგიერთმა ქვეყნებმა როგორიცაა ბულგარეთი და სლოვაკეთი, უფრო მოკრძალებული თავდაცვის ბიუჯეტით, ასევე შეუკვეთეს F-16 Block-70 გამანადგურებლები აშშ-ს. ბევრისთვის აშშ-დან თავდაცვის შესყიდვები აღიქმება როგორც ამერიკული უსაფრთხოების გარანტია და ამერიკული სამხედრო ყოფნის გაგრძელება ევროპაში. ბალტიის, აღმოსავლეთ ევროპისა და ბალკანეთის ქვეყნების სტრატეგიული დოკუმენტების გაანალიზებისას ნათლად ჩანს, რომ ამერიკული ყოფნის შენარჩუნება და გაძლიერება მათ ტერიტორიებზე მიღებულია როგორც სტრატეგიული პრიორიტეტი.
ჰეგემონური უსაფრთხოების წესრიგის შესაძლო შედეგები იქნება ორპოლარული მსოფლიოს წარმოქმნა. ამერიკული დომინირების გამო, ასევე დასრულდებოდა ევროკავშირის პრეტენზია, ყოფილიყო ძლიერი და დამოუკიდებელი მოთამაშე გლობალურ წესრიგში. ორპოლარობა გახდება უფრო თვალსაჩინო და მკვეთრი. ეს შეამცირებს მოქმედების არეალს. ამერიკული ჰეგემონიისა და ორპოლარული სტრუქტურების მახასიათებლების გამო, განსაკუთრებით მცირე სახელმწიფოები გახდებიან კიდევ უფრო დამოკიდებული აშშ-ზე.
ამ სცენარის კიდევ ერთი შედეგი იქნება რუსეთის დასუსტება და სისტემიდან გარიყვა. რადგან აშშ გაძლიერდება და დომინანტი გახდება, ის უზრუნველყოფს ომის გაგრძელებას, რამაც შეიძლება საბოლოოდ გამოიწვიოს მთავრობის ცვლილება. ეს იქნება დამამცირებელი შედეგი რუსეთისთვის. მეორეს მხრივ, თუ რუსეთი მოიგებს ომს, ის სრულად გამოირიცხება აშშ-ს დომინირებული ევროპის უსაფრთხოების გარემოდან და აღმოსავლეთ-დასავლეთის გაყოფა გაღრმავდება. ყველა ეს სცენარი, სავარაუდოდ დამოკიდებული იქნება უკრაინაში ომის შედეგზე.
პრეზიდენტმა „ოჯახური ღირებულებებისა და არასრულწლოვანთა დაცვის შესახებ“ კანონპროექტთა პაკეტს ხელი არ მოაწერა და პარლამენტს უკან დაუბრუნა.
აღსანიშნავია, რომ უკან დაბრუნებულ პროექტს პრეზიდენტის ე.წ. მოტივირებული შენიშვნები არ ახლავს თან, რაც იმას ნიშნავს, რომ სალომე ზურაბიშვილმა კანონპროექტს არც ხელი მოაწერა, მაგრამ არც ვეტო დაადო.
ასეთ შემთხვევაში, კანონპროექტს ხელს მოაწერს და გამოაქვეყნებს პარლამენტის თავმჯდომარე, რისთვისაც მას 5 დღიანი ვადა აქვს.
აგვისტოში ეკონომიკის ზრდამ 12% შეადგინა, რაც თიბისი კაპიტალის დაახლოებით 9.3-10 პროცენტიან პროგნოზს აღემატება. შესაბამისად, სრული 2024 წლის მოლოდინიც აქამდე არსებულ 9%-თან შედარებით, უფრო მეტია. მაღალი ეკონომიკური აქტივობის ფაქტორებიდან აღსანიშნავია ტრადიციული ტურიზმისა და ადგილობრივი ექსპორტის მატება.
ლარის კურსის კუთხით, თიბისი კაპიტალის, როგორც მიმდინარე ტენდენციის შეფასება, ასევე პროგნოზი უცვლელია. საკუთრივ, საგრძნობლად მომატებულია სენტიმენტების ფაქტორის მნიშვნელობა, რაც, როგორც ჩანს, პოტენციური გაუფასურების მოლოდინების ფონზე ბოლო პერიოდის განმავლობაში, იურიდიული და ფიზიკური პირების მიერ უცხოური ვალუტის წმინდა შესყიდვის მნიშვნელოვან ზრდაში აისახება. თუ სექტემბრის მეორე ნახევრამდე ისტორიულად მაღალი სავალუტო შემოდინებების პარალელურად ეს ლარის გაცვლით კურსს არ გადაეცემოდა და, უფრო მეტიც, სებ-ს აგვისტოში სავალუტო რეზერვების შევსების საშუალებაც კი ჰქონდა, თვის მეორე ნახევრიდან ლარზე ნეგატიური ზეწოლა გაძლიერდა და მცირედ გაუფასურებაში გამოიხატა.
რაც შეეხება პროგნოზს, ის 2024 წლის ბოლოსათვის აშშ დოლართან ლარის გაცვლითი კურსის დაახლოებით 2.8 ნიშნულს, შემდგომ კი ლარის გამყარებას ითვალისწინებს. ამასთან, აღსანიშნავია, რომ მოლოდინების ცვლილებისას, როგორც უკვე არაერთხელ ითქვა, სენტიმენტების ფაქტორი ლარის გამყარების მიმართულებით იმოქმედებს. ასევე, თიბისი კაპიტალის აზრით, უცვლელია საშუალოვადიან პერიოდში საერთაშორისო ბაზრებზე აშშ დოლარის დასუსტების შედარებით მაღალი ალბათობაც.
გაეცანით პუბლიკაციას ბმულზე.
ანტიკორუფციულმა ბიურომ „საერთაშორისო გამჭვირვალობა – საქართველოსა“ და ეკა გიგაურის „გაცხადებული საარჩევნო მიზნის მქონე სუბიექტებად გამოცხადების“ შესახებ გადაწყვეტილება გააუქმა.
როგორც დღეს გამართულ პრესკონფერენციაზე ანტიკორუფციული ბიუროს ხელმძღვანელმა რაჟდენ კუპრაშვილმა განაცხადა, ქვეყნის ეროვნული ინტერესების გათვალისწინებით, აუცილებლად მიიჩნევს, გამოიყენოს დისკრეცია და „საერთაშორისო გამჭვირვალობა საქართველოს“ და ეკა გიგაურს გაუუქმოს ყველა ის გადაწყვეტილება, რომლის თანახმადაც ორგანიზაციას და ეკა გიგაურს დაევალათ გამჭვირვალე გაეხადათ პოლიტიკურ პროცესებში გაწეული დანახარჯები და ეს გაეცნოთ საზოგადოებისთვის.
„არავის უნდა მიეცეს შესაძლებლობა, რომ ეჭვქვეშ დააყენოს საქართველოს მოქალაქეების მიერ არჩევნებში დაფიქსირებული შედეგები, აღნიშნულიდან და ქვეყნის ეროვნული ინტერესიდან გამომდინარე, აუცილებლად მივიჩნევ გამოვიყენო დისკრეცია და „საერთაშორისო გამჭვირვალობა საქართველოს“ და ეკა გიგაურს გავუუქმო ყველა ის გადაწყვეტილება, რომლის თანახმადაც ორგანიზაციას და ეკა გიგაურს დაევალათ გამჭვირვალე გაეხადათ პოლიტიკურ პროცესებში გაწეული დანახარჯები და გაეცნოთ საზოგადოებისთვის“, – აღნიშნა რაჟდენ კუპრაშვილმა.
საქართველოს პრემიერ-მინისტრმა, ირაკლი კობახიძემ ანტიკორუფციულ ბიუროს მიმართა, გადახედოს „საერთაშორისო გამჭვირვალობა – საქართველოსთან დაკავშირებით“ გადაწყვეტილებას და არჩევნებამდე თავი შეიკავოს სხვა შესაბამისი სუბიექტებისთვისაც საარჩევნო მიზნის მქონე ორგანიზაციის სტატუსის შეფარდებისგან.
საქართველოს ხელოვნებისა და მოგზაურობის საერთაშორისო ფილმების ფესტივალი, რომელიც გაიმართა 2024 წლის 28 და 29 სექტემბერს საქართველოში, თბილისში, ამირანის კინოთეატრის დიდ დარბაზში, წარმატებით დასრულდა. ღონისძიებამ გააერთიანა კინორეჟისორები, პროდიუსერემბი, საერთაშორისო ფესტივალის წარმომადგენლები და მონაწილეები მთელი მსოფლიოდან, რომლებიც ხელოვნებისა და მოგზაურობის კავშირით კინოს საშუალებით ზეიმობდნენ. ფესტივალი ტურიზმის კატეგორიებზეა ფოკუსირებული, ის მნიშვნელოვან როლს ასრულებს გლობალური ტურისტული კინოინდუსტრიის განვითარებაში,რომელსაც არაერთი საერთაშორისო მოდელი გააჩნია. მსგავსი ფესტივალები აქტიურად იმართება მსოფლიოს სხვადასხვა ქვეყნებში.
ფესტივალი აერთიანებს კინორეჟისორებს, პროდიუსერებს, ხელოვანებს, შემოქმედებით ადამიანიბს სხვადასხვა ქვეყნიდან, რაც ხელს უწყობს კულტურულ გაცვლას და ამავდროულად ახალი კრეატიული ერთობლივი პროექტების რეალიზებას და დამეგობრებას ქვეყნებსშორის.
.
ფესტივალის ოფიციალური მხარდაჭერია საქართველოს ტურიზმის ეროვნული ადმინისტრაცია და თბილისის მერია, ხოლო გენერალური პარტნიორი- GTI ალიანსი (საქართველოს ტურიზმის ინდუსტრიის ალიანსი).
ფეწსტივალის ჩატარება მნიშვნელოვანი ნაბიჯი იყო ქვეყნისთვის, რათა თავი წარმოეჩინა საერთაშორისო ტურისტული დანიშნულების საუკეთესო მიმართულებად.
ფესტივალს ესტუმრნენ საპატიო სტუმრები , ჟიურის წევრები და მონაწილეები მსოფლიოს სხვადასხვა ქვეყნიდან, მათ შორის პორტუგალიიდან, საფრანგეთიდან, იაპონიიდან, საბერძნეთიდან, აზერბაიჯანიდან, თურქეთიდან, ლიტვიდან, მალდდივებიდან, ინდოეთიდან. მათი მონაწილეობა ფესტივალს საერთაშორისო აღიარებას მატებს.
ფესტივალი არ იყო მხოლოდ ხელოვნებისა და მოგზაურობის ზეიმი, არამედ გახლდათ მნიშვნელოვანი საფეხური საქართველოს ტურიზმისა და კულტურული განვითარების გზაზე. ამ ღონისძიების მასპინძლობით, საქართველომ კიდევ ერთი ნაბიჯი გადადგა მდიდარი კულტურისა და ბუნების სილამაზის გლობალური აღიარებისკენ.
ფესტივალის გამარჯვებულები
ფესტივალმა გამარჯვებულები გამოავლინა ისეთი ქვეყნებიდან, როგორიცაა პოლონეთი, საფრანგეთი, პორტუგალია, ინდოეთი, ხორვატია, უკრაინა, თურქეთი, მალდივები, საბერძნეთი და საქართველო, რაც კიდევ ერთხელ აჩვენებს გლობალური მონაწილეების მრავალფეროვნებასა და ნიჭს. განსაკუთრებით ვამაყობთ ქართველი რეჟისორების მიღწევებით, რომლებმაც საერთაშორისო კონკურსში თავი გამოიჩინეს. მათი ნამუშევრები ხაზს უსვამენ საქართველოს მდიდარ შემოქმედებით პოტენციალს.
საქართველოში გამარჯვებულები გახლავთ –
ანა შანშიაშვილი (საქართველო) სერიით „ძველი თბილისის პროფესიები“.
სარეკლამო სააგენტო REDPOINT (საქართველო) სერიით „აირჩიე საქართველო, აირჩიე აჭარა“.
გასტრონომია ლაშა ადამაშვილს სერიით „იმერული გემოები“.
სარეკლამო სააგენტო REDPOINT (საქართველო) – ორი სარეკლამო ფილმით – „შეხვედრების ქალაქი“ და „მევარ ბათუმი!“.ნატალია გაბუნია „იარე ჩვენთან ერთად-„მარტვილი“ და “ოზურგეთი” Camala Production.
ფოტო კატეგორიაში – ეკა დემურია -„Travel Time“. გიორგი ვარსიმაშვილი და მისი მოგზაურობის ფოტოსერია „High Altitude“. თამთა აივაზიშვილი და მისი ფოტოსერია „Through Tamta’s lens“.
ალექს ბოქოლიშვილი და მისი სერია „Everywhere is the beginning“.გიორგი გამგებელი (საქართველო) და მისი ორი მოგზაურობის სერია „ Georgia in my mind“ და „Muslims in Highlands of Georgia“.
პროექტის მიზანია ხელი შეუწყოს ქართული და უცხოური ტურიზმის პოპულარიზაციას. ჩვენი ქვეყნის რეგიონების ცნობადობის გაზრდას საერთაშორისო მასშთაბით. ფესტივალი საქართველოს უწევს პოპულარიზაციას. ამ ფესტივალის მეშვეობით ჩვენი ქვეყნის, რეგიონების,კუთხეებისა და კულტურის გაცნობა გაზიარება და დაკავშირება ხდება სხვადასხვა ქვეყნებთან.
თბილისის მერის, კახა კალაძის განცხადებით, თბილისობა წელს, 5 და 6 ოქტომბერს გაიმართება.
როგორც მერმა დედაქალაქის მთავრობის სხდომაზე განაცხადა, ღონისძიების აღსანიშნად რიყის პარკში და ორბელიანის მოედანზე მისულ სტუმრებს დახვდებათ სადღესასწაულო დეკორაციები და ინსტალაციები, აქვე მოეწყობა ღია კინოთეატრი, გასტრონომიული და ღვინის ფესტივალები და სამეწარმეო მარკეტი. დღის მანძილზე გაიმართება საბავშვო კონცერტები, გასართობი და სპორტული აქტივობები.
კალაძის თქმით, გაიმართება მუსიკალური საღამოები და თეატრალიზებული წარმოდგენები.
„ორბელიანის მოედანზე სტუმრებს მუსიკალური ბენდები უმასპინძლებენ, ხოლო მათ, ვინც რიყის პარკს ეწვევა, საესტრადო შემსრულებლების მრავალფეროვანი მუსიკალური პროგრამა დახვდებათ. გარდა ამისა, აბანოთუბანში გაიმართება გამოფენა-გაყიდვა – „თბილისური მრავალფეროვნება“.
რაც მთავარია, 5 ოქტომბერს, 20:00 საათზე, თბილისის საპატიო მოქალაქეების დაჯილდოების ცერემონია გაიმართება, რომელიც პირდაპირი ეთერით გადაიცემა. სრული პროგრამა შეგიძლიათ იხილოთ ოფიციალურ ვებ-გვერდზე და სხვა წყაროებით. გელით, ერთად აღვნიშნოთ თბილისის დღეები 5 და 6 ოქტომბერს“-განაცხადა კალაძემ.
12-13 ოქტომბერს, თიბისი კონცეპტის და „მოგზაურის“ ერთობლივი ტურის ფარგლებში, დაესწარით – “მოგზაურობა (კოლხეთის შუაგულში) – იმერეთში – გზა მითიური ოქროს საწმისის სამეფოდან ნიკო ნიკოლაძის ევროპულ მემკვიდრეობამდე”
ტურის მეგზურები ნინო ლორთქიფანიძე და ქეთი ბაქრაძე იქნებიან.
ტურის ფარგლებში აღმოაჩენთ: ვანს, ქუთაისს, დიდი ჯიხაიშს და მათივე ღირსშესანიშნაობებს.
ტურის მთავარი აქცენტი ვანის მუზეუმს დაუკავშირდება:
“რა საიდუმლოს ინახავს ვანი?” – ვანი , რომელიც ოქროს სიმრავლით თითქოს “ელდორადოცაა” და თავისი რვასაუკუნოვანი ისტორიით პომპეიც. ევროპამ ვანი სწორედ როგორც “საქართველოს პომპეი”, ისე გაიცნო.
„რა ქმნიდა ბერძნულ კულტურას, ევროპული ცივილიზაციის ერთ-ერთ მთავარ საფუძველს?
არგონავტების მითის დიდი ნაწილი, სწორედ, კოლხეთში მიმდინარეობს. რატომ იყო ბერძნების ცნობიერებაში ეს რეგიონი ოქროს საწმისის ქვეყანა?
ამ კითხვებზე პასუხის გაცემას სწორედ ვანის მუზეუმი შეძლებს.“ – ნინო ლორთქიფანიძე, ვანის ოთარ ლორთქიფანიძის სახელობის არქეოლოგიური მუზეუმის გამოფენის კურატორი.
სრული პროგრამის სანახავად, ეწვიეთ ბმულს: https://link.tbc.ge/mogzauri
თიბისი კონცეპტის მომხმარებლებს, შესაძლებლობა გაქვთ, ისარგებლოთ სპეციალური ფასით – 980 ₾
რეგისტრაციისთვის, გთხოვთ, დაუკავშირდეთ კონცეპტ ასისტენტს: 032 2 27 27 00
დამატებითი ინფორმაციისთვის შეგიძლიათ მიმართოთ “მოგზაურის” გუნდს:
599 380 817; 599 908 906
ბრიტანული „ფაინენშელ თაიმსი“ (Financial Times) აქვეყნებს სტატიას სათაურით „უკრაინას წინ ყველაზე შავბნელი საათები ელოდება“ (ავტორები – ბენ ჰოლი, ქრისტოფერ მილერი და ჰენრი ფოი), რომელშიც განხილულია რუსეთთან სამშვიდობო მოლაპარაკების დაწყების ალბათობა და მოვლენების სავარაუდო განვითარება, ფრონტზე შექმნილი მძიმე ვითარების ფონზე. რას ფიქრობს ხელისუფლება და ხალხი? რამდენად შეიძლება კიევი მოსკოვთან გარიგებაზე წავიდეს? რა გარანტიები ექნება უკრაინას? – ასეთია კითხვები, რომლებზეც პასუხის გაცემას ავტორები ცდილობენ.
გთავაზობთ პუბლიკაციას შემოკლებით:
„უკრაინაში სულ უფრო ხშირად საუბრობენ რუსეთთან სამშვიდობო მოლაპარაკების აუცილებლობაზე. თითქმის გარდაუვალი ხდება, რომ კიევი გარკვეულ კომპრომისზე უნდა წავიდეს – დათანხმდეს ტერიტორიულ დათმობაზე, მაგრამ უსაფრთხოების გარანტიით“, – ნათქვამია სტატიაში, რომელიც იწყება პოკროვსკთან ახლოს ფრონტის ხაზის მდგომარეობის აღწერით, სადაც საბრძოლო პოზიცია ცალკეულ საპრეზიდენტო ბრიგადას აქვს დაკავებული.
„ჯარისკაცები ნეგატიურად აფასებენ აშშ-ის გაუბედაობას, რომელსაც ვერა და ვერ გადაუწყვეტია უკრაინისათვის რუსეთის ტერიტორიის ამერიკული რაკეტებით დაბომბვის საკითხი. უკრაინა ხელფეხშეკრული იბრძვის. „მე ახლა ჩემი ხალხის გადარჩენაზე სულ უფრო ხშირად ვფიქრობ, – ამბობს ერთ-ერთი ოფიცერი, – ძნელი წარმოსადგენია, რომ მტერს ჩვენ ახლა 1991 წლის საზღვრებამდე უკუვაგდებთ… ომი უდიდეს ზიანს გვაყენებს“.
საინტერესოა, რომ თუ ადრე ფრონტზე ამ საკითხის ირგვლივ იშვიათად თუ ვინმე საუბრობდა, ახლა სულ უფრო ხშირად ისმის ლაპარაკი გარკვეულ კომპრომისზე თვით სამხედრო მოსამსახურეებს შორის.
უკრაინას, ომის დაწყებიდან, ყველაზე შავბნელი დრო ელოდება. კიევს ბრძოლის ველზე ცუდი მდგომარეობა აქვს, რუსები ნელა, დიდი მსხვერპლის ფასად, მაგრამ შეუჩერებლად წინ მიიწევენ, ზედიზედ იკავებენ დასახლებულ პუნქტებს, ქალაქი უგლედარი კი თითქმის ალყაში ჰყავთ მოქცეული. მძიმე მდგომარეობაა თვით ქალაქ პოსკროვსკთანაც – უკრაინის არმიის ერთ-ერთ სტრატეგიული მნიშვნელობის მქონე პუნქტთან.
ამ დროს კი პრეზიდენტ ვოლოდიმირ ზელენსკიზე დასავლელი პარტნიორები სულ უფრო მეტ ზეწოლას ახდენენ, რათა კიევმა დიპლომატიური დარეგულირების გზები მონახოს და რაც შეიძლება სწრაფად, თუნდაც ისეთი სიტუაციის პირობებში, როცა უკრაინის პოზიციები ძალიან სუსტია. „დასავლეთი პირდაპირ გვიცხადებს, რომ ომის დეესკალაცია აუცილებელია“, – ამბობს ერთ-ერთი კიეველი მაღალჩინოსანი ანონიმურად.
კიევისათვის მთავარ საფრთხეს ახლა აშშ-ის საპრეზიდენტო არჩევნები წარმოადგენს. იმის პერსპექტივა, რომ ამერიკას ერთი თვის შემდეგ პრეზიდენტად შეიძლება დონალდ ტრამპი ჰყავდეს, რომელიც, თავის მხრივ, შეეცდება უკრაინას თავს მოახვიოს არამომგებიანი და საზიანო სამშვიდობო ხელშეკრულება, უკრაინელებს ბოლო იმედებს უფანტავს. რასაკვირველია, კიევის ყველაზე ერთგული ევროპელი მოკავშირეებისთვის კარგი იქნებოდა, რომ უკრაინამ ბრძოლა გააგრძელოს, მაგრამ რით? ევროპას არც სამყოფი იარაღის მარაგი აქვს და არც გეგმა საომარი მოქმედებების დასასრულებლად.
გასულ კვირას ვოლოდიმირ ზელენსკი, გაეროს გენასამბლეის სესიის ჩარჩოებში, აშშ-ში ვიზიტით იმყოფებოდა. მან თან წაიღო ე.წ. „რუსეთთან ომში გამარჯვების გეგმა“, რომელიც ჯო ბაიდენს და კამალა ჰარისს აჩვენა. გეგმის დეტალები ჯერ საჯაროდ არ არის ცნობილი, მაგრამ მისი მთავარი კომპონენტი – ამერიკული რაკეტების გამოყენების ნებართვა რუსეთის წინააღმდეგ – ვოლოდიმირ ზელენსკიმ ჯო ბაიდენისაგან ვერ მიიღო. კიდევ ერთი წარუმატებლობა – პრეზიდენტს მიანიშნეს, რომ ნატოში გაწევრიანებაზე ფიქრი ჯერჯერობით ნაადრევია. იყო მომენტი, რომ უკრაინის პრეზიდენტის ვიზიტი თითქმის უშედეგოდ უნდა დამთავრებულიყო, რომ მას „მაშველად“ დონალდ ტრამპი მოევლინა – ექს-პრეზიდენტი მოულოდნელად დათანხმდა ვოლოდიმირ ზელენსკისთან შეხვედრას. არადა, სწორედ იმ დღეებში დონალდ ტრამპი არ ერიდებოდა ვოლოდიმირ ზელენსკის მწვავე კრიტიკას, მის დამცინავად მოხსენიებას და უსიამოვნო ეპითეტებით შემკობას.
ასე იყო თუ ისე, ზელენსკის ვიზიტი ჩაფუშვისაგან როგორღაც გადარჩა. „რასაკვირველია, ვიზიტს ძველებურად ტრიუმფალურს ვეღარ ვუწოდებთ, მაგრამ არც კატასტროფული არ არის“, – განაცხადა ერთ-ერთმა უკრაინელმა მაღალჩინოსანმა.
ამერიკელი ექსპერტებისა და ევროპელი დიპლომატების თქმით, ვოლოდიმირ ზელენსკი გადაჭარბებულად აფასებს თავის „გამარჯვების გეგმას“ და მას ერთადერთ პანაცეად მიიჩნევს. რაც არასწორი პოზიციაა. ამასთან ისინი იმასაც აღნიშნავენ, რომ დელეგაციის წევრები ინკოგნიტო საუბრებში სულ უფრო თავისუფლად ლაპარაკობენ ცეცხლის შეწყვეტაზე – იმ შემთხვევაშიც კი, თუ რუსეთის ჯარს უკრაინის ტერიტორია ექნება დაკავებული.
უკრაინის საგარეო საქმეთა მინისტრი ანდრეი სიბიგა, თავის წინამორბედ დიმიტრი კულებასაგან განსხვავებით, უფრო პრაგმატულ პოზიციებზე დგას და ემოციების გარეშე განიხილავს პრინციპს „მიწა უსაფრთხოების სანაცვლოდ“. „ჩვენ ახლა, ადრინდელთან შედარებით, უფრო ღიად ვსაუბრობთ იმაზე, თუ რის შეწირვა, რა მსხვერპლის გაღება მოუწევს უკრაინას სამშვიდობო შეთანხმების დასადებად. ადრე ამ საკითხზე მსჯელობას ტაბუ ჰქონდა დადებული“, – ამბობს შეხვედრების მონაწილე ერთ-ერთი დიპლომატი (რედაქციის შენიშვნა: უკრაინის საგარეო საქმეთა სამინისტრომ უკვე განაცხადა, რომ „ფაინენშელ თაიმსის“ სტატიაში გატარებული აზრი სინამდვილეს არ შეესაბამება – უკრაინის ხელისუფლება არავითარ ტერიტორიულ დათმობაზე არ დათანხმდება).
უკრაინის საზოგადოებაც ნელ-ნელა ეჩვევა იმ აზრს, რომ სამშვიდობო მოლაპარაკება რუსეთთან აუცილებელია. კიევის სოციოლოგიის ინსტიტუტის ეგიდით ჩატარებული გამოკითხვამ აჩვენა, რომ რესპოდენტთა 57% დარწმუნებულია, რომ სამშვიდობო შეხვედრა უნდა გაიმართოს. წინა წელს ასეთი აზრის მქონე მოქალაქეების რაოდენობა მხოლოდ 33% იყო. გამოკითხვამ ასევე აჩვენა, რომ ომმა უკრაინას დიდი დემოგრაფიული ზიანი მიაყენა: მოსახლეობის თითქმის 77%-ს დაეღუპა ოჯახის წევრები და ახლობლები – ოთხჯერ მეტი, ვიდრე ორი წლის წინ. გამოკითხულთა ორმა მესამედმა აღნიშნა, რომ დიდი ვაი-ვაგლახით ირჩენს თავს და ზოგჯერ შიმშილობს კიდეც.
ზოგიერთი გამოკითხვის მიხედვით, უკრაინელების დიდი ნაწილი ტერიტორიის დათმობის წინააღმდეგია – უმეტესად ნაციონალისტურად განწყობილი მოქალაქეები. ისინი ომის გამარჯვებამდე გაგრძელებას მოითხოვენ. „რუსეთთან სამშვიდობო მოლაპარაკებაზე თანხმობამ შეიძლება სოციალური არასტაბილურობა გამოიწვიოს. ვოლოდიმირ ზელენსკიმ ეს მშვენივრად იცის“, – განმარტავს ერთ-ერთი უკრაინელი მაღალჩინოსანი, – ყოველთვის მოიძებნებიან ადამიანები, რომლებიც ნებისმიერ მოლაპარაკებას სამშობლოს ღალატად ჩათვლიან და კაპიტულაციად. მემარჯვენეებს და რადიკალებს უკრაინაში მნიშვნელოვანი გავლენა აქვთ“.
არადა, სამომავლოდ ცხოვრების პირობები, დიდი ალბათობით, უფრო უარესი და მძიმე გახდება. რუსეთმა უკრაინის ენერგეტიკული სიმძლავრეების თითქმის ნახევარი გაანადგურა – თბო- და ჰიდროელექტროსადგურები ისეა დანგრეული, რომ მათი რემონტი არ ხერხდება. ზამთრის თვეებში უკრაინას თითქმის 6 გიგავატიანი ელექტროდეფიციტი ექნება.
რა გარანტიები შეიძლება მისცეს დასავლეთმა უკრაინას, თუ კიევი მოლაპარაკების მაგიდასთან დაჯდება და კომპრომისზე დათანხმდება? ერთადერთი – მისი უსაფრთხოების დაცვა ნატოში წევრად მიღების გზით. „უკრაინა დათანხმდება რუსეთს ტერიტორიის ნაწილი გადასცეს, მაგრამ მხოლოდ ჩრდილოატლანტიკურ ალიანსში წევრად მიღების შემთხვევაში. ამას ხმამაღლა ჯერ არავინ არ ამბობს, მაგრამ ეს არის ერთადერთი სტრატეგია“, – ამბობს დასავლელი დიპლომატი.
მაგრამ დათანხმდება რუსეთი უკრაინის ნატოში მიღებას, რომლის გამოც კრემლმა ომი დაიწყო? ატლანტიკის ორივე ნაპირზე თვლიან, რომ მოსკოვის თანხმობა ნაკლებსავარაუდოა. „არ ვფიქრობ, რომ კრემლი უკრაინის ნატოში მიღებას შეურიგდება“, – ასეთი პოზიცია აქვს უკრაინელ მაღალჩინოსანს.
არ ვიცი, მოკვლით ემუქრებიან თუ არა ივანიშვილს ან მის კოჰორტას, მაგრამ ასეც რომ იყოს, ღალატს არანაირი გამართლება არა აქვს. მე რატომღაც მგონია, რომ ყოველგვარი მუქარის გარეშე, თავისი ნებით და სიამოვნებითაც კი აბარებენ საქართველოს, – ამის შესახებ საქართველოს მესამე პრეზიდენტი, მიხეილ სააკაშვილი სოციალურ ქსელში წერს.
როგორც ის აღნიშნავს, 26 ოქტომბერს, „დიდ ჯებირს ააშენებენ“.
„2008 წლის აგვისტოში, მოსკოვის გავლით, ჩვენთან ჩამოფრინდა საფრანგეთის პრეზიდენტი, ნოკოლა სარკოზი, რომელმაც ჩამოიტანა ომის შეწყვეტის 6 პუნქტიანი გეგმა, სადაც მე-6 პუნქტი ჩამატებული იყო რუსეთის მოთხოვნით და იყო შემდეგი შინაარსის: „აფხაზეთის და სამხრეთ ოსეთის სადაო ტერიტორიების სტატუსი უნდა გაირკვეს მომავალი საერთაშორისო მოლაპარაკებების შედეგად“. ამაზე ჩვენი პასუხი იყო მტკიცე და შეუვალი – 1) ტერიტორიები არაა სადაო; 2) მათი სტატუსი წყდება საქართველოს მიერ საკუთარ შემადგენლობაში და ჩვენი მიწის კოსოვიზაციას ჩვენ არ დავუშვებდით.
დაინახა რა, რომ ფეხს არ ვიცვლიდით, სარკოზიმ მითხრა: „მიშა, შენ თუ ამ პუნქტს არ მიიღებ, მე აქედან გავფრინდები და ხვალ პუტინი მოგკლავს”. „რაც არ უნდა მიქნას, არასდროს მოვაწერ ხელს ჩვენი ტერიტორიული მთლიანობის დარღვევას“.
რამდენიმე საათიანი კამათის შემდეგ, მედვედევმა თვითონ დარეკა და დასთანხმდა მე-6 პუნქტის ამოღებას. ამ საუბარს ჰყავს ბევრი მოწმე, თუ ვინმეს ჩემი არ სჯერა.
არ ვიცი, მოკვლით ემუქრებიან თუ არა ივანიშვილს ან მის კოჰორტას, მაგრამ ასეც რომ იყოს, ღალატს არანაირი გამართლება არა აქვს. მე რატომღაც მგონია, რომ ყოველგვარი მუქარის გარეშე, თავისი ნებით და სიამოვნებითაც კი აბარებენ საქართველოს. 26-ში წინ ამოვუშენებთ დიდ ჯებირს“, – წერს სააკაშვილი.
“E-commerce in a box” წარმოადგენს თიბისის, Kovzy-ს Visa-სა GLOVO-ს ერთობლივ პროექტს, რომელიც მიზნად ისახავს მცირე და საშუალო ზომის საკვები ინდუსტრიის/სარესტორნო ბიზნესების ხელშეწყობას, მათი ონლაინ აქტიურობისა და ელექტრონული კომერციის შესაძლებლობების შექმნასა და გაზრდას. პროგრამა მონაწილე ბიზნესებს სთავაზობს წვდომას მრავალფეროვან რესურსებსა და ინსტრუმენტებზე, მათ შორის ონლაინ მაღაზიის შექმნაზე, გადახდის დამუშავების გადაწყვეტებსა და მარკეტინგულ მხარდაჭერაზე.
იმ შემთხვევაში, თუ თიბისის მცირე და საშუალო სარესტორნო ბიზნესს/კვების ობიექტს არ აქვს საიტი, KOVZY პროექტის ფარგლებში აუწყობს საიტს, მიწოდებას უზრუნველყოფს GLOVO, ხოლო თიბისი უზრუნველყოფს გადახდებს და მას თიბისი ბიზნესი 3 დამატებით სარგებელს სთავაზობს:
პროგრამის მთავარი მიზანია საშუალება მისცეს მცირე და საშუალო ზომის სარესტორნო ბიზნესებს ისარგებლონ ციფრული კომერციით. ელექტრონული კომერციის აუცილებელი ინსტრუმენტებისა და რესურსების მიწოდებით, პროგრამა მიზნად ისახავს დაეხმაროს მცირე და საშუალო ბიზნესს გადალახოს ციფრულ ბაზარზე შესვლასთან დაკავშირებული წინაღობები, გააფართოოს მომხმარებელთა ბაზა და გაზარდოს შემოსავლის წყაროები.
პროგრამა გათვლილია ქვეყნის მასშტაბით არსებულ სწრაფი კვების ობიექტებზე, კაფე-რესტორნების კატეგორიაში 100 მცირე და საშუალო ბიზნესზე.
R
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge