საპარლამენტო უმრავლესობამ მიიღო გადაწყვეტილება, ხელახლა აღძრას იმპიჩმენტის პროცედურა სალომე ზურაბიშვილის წინააღმდეგ და ახალი მოწვევის პარლამენტის პირველივე სხდომებზე ზურაბიშვილს არანაკლებ 100 ხმით იმპიჩმენტის წესით თანამდებობიდან გადააყენებს, – ამის შესახებ „ქართული ოცნების” პოლიტსაბჭოს წევრმა, პარლამენტის თავმჯდომარემ, შალვა პაპუაშვილმა პარტიის ოფისში გამართულ ბრიფინგზე განაცხადა.

„როგორც მოგეხსენებათ, 2023 წლის 16 ოქტომბერს საქართველოს საკონსტიტუციო სასამართლომ, იმპიჩმენტის პროცედურის ფარგლებში, სალომე ზურაბიშვილი კონსტიტუციის დამრღვევად გამოაცხადა და დაადასტურა საქართველოს კონსტიტუციის 52-ე მუხლით დადგენილი წესი, რომ პრეზიდენტს საგარეო ვიზიტის განხორციელების უფლება აქვს მხოლოდ საქართველოს მთავრობის თანხმობის შემთხვევაში.

ისიც მოგეხსენებათ, რომ კონსტიტუციის დარღვევის ფაქტის დადასტურების შემდეგ, სალომე ზურაბიშვილმა პრეზიდენტის თანამდებობა მხოლოდ რადიკალური ოპოზიციის წარმომადგენელი პარლამენტარების მხარდაჭერის ხარჯზე შეინარჩუნა.

მიიღო რა რადიკალური ოპოზიციისგან კონსტიტუციის დარღვევის საკითხში ხელშეუხებლიბის გარანტია, სალომე ზურაბიშვილმა საქართველოს კონსტიტუციის უხეშად დარღვევა მოგვიანებითაც განაგრძო. კერძოდ, მან იმპიჩმენტის პროცედურის დასრულების შემდეგაც განახორციელა რამდენიმე საგარეო ვიზიტი საქართველოს მთავრობის თანხმობის გარეშე, მათ შორის, გასულ კვირას ვიზიტით იმყოფებოდა საფრანგეთში, გერმანიაში, პოლონეთსა და ბელგიაში.

აღსანიშნავია, რომ თუკი საკონსტიტუციო სასამართლოს გადაწყვეტილებამდე უცხო ქვეყნებს და ორგანიზაციებს შეეძლოთ ეთქვათ, რომ მათთვის ცნობილი არ იყო, რომ პრეზიდენტს ვიზიტისთვის მთავრობის თანხმობა ესაჭიროებოდა, ამ გადაწყვეტილების შემდეგ საქართველოს მთავრობის სავალდებულო თანხმობის გარეშე სალომე ზურაბიშვილის მიღება, ქართველი ხალხის და მისი კონსტიტუციური მოწყობის განზრახ უპატივცემულობასთან ერთად, ქვეყნის შიდა საქმეებში ჩაურევლობის პრინციპის დარღვევაა და ეწინააღმდეგება ჩვენს საერთო ევროპულ ღირებულებებს.

ჩვენი კონსტიტუცია ის ფუძემდებლური აქტია, რომელშიც ქართველი ხალხის ნება განსაკუთრებულ ასახვას ჰპოვებს, ამიტომ მისი განზრახი, ღია და თავხედური დარღვევა რეაგირების გარეშე ვერ დარჩება.

აქედან გამომდინარე, საპარლამენტო უმრავლესობამ მივიღეთ გადაწყვეტილება, ხელახლა აღვძრათ იმპიჩმენტის პროცედურა და მოვამზადოთ ახალი კონსტიტუციური წარდგინება, რომელიც საქართველოს საკონსტიტუციო სასამართლოს საპარლამენტო არჩევნებამდე წარედგინება.

საქართველოს საკონსტიტუციო სასამართლოს მიერ კონსტიტუციის დარღვევის ფაქტის დადასტურების შემდეგ, ახალი მოწვევის პარლამენტი, პირველივე სხდომებზე, სალომე ზურაბიშვილს არანაკლებ 100 ხმით იმპიჩმენტის წესით თანამდებობიდან გადააყენებს.

როგორც მოგეხსენებათ, სალომე ზურაბიშვილს მიმდინარე წელს ისედაც ეწურება უფლებამოსილების ვადა. შესაბამისად, იმპიჩმენტის წესით მისი გადაყენებით, სალომე ზურაბიშვილის უფლებამოსილების ვადა მაქსიმუმ ერთი თვით შეიკვეცოს. აქედან გამომდინარე, იმპიჩმენტის წესით თანამდებობიდან მის გადაყენებას, უფლებამოსილების ვადის მხრივ, აქვს მეტწილად სიმბოლური დატვირთვა, თუმცა ძალზე პრინციპულია ამ გადაწყვეტილების სამართლებრივი და პოლიტიკური დატვირთვა.

არ შეიძლება ქართველი ხალხის მთავარი კანონის განზრახი, უხეში და სისტემატური დარღვევა დაუსჯელი დავტოვოთ. კონსტიტუციის დამრღვევ სალომე ზურაბიშვილს უნდა დარჩეს არა ყოფილი პრეზიდენტის, არამედ გადაყენებული პრეზიდენტის სტატუსი, რაც, როგორც პრეცედენტი, შეასრულებს უმნიშვნელოვანეს პრევენციულ როლს მომავალში ამგვარი თვითნებობის თავიდან ასაცილებლად და ქართული დემოკრატიის განსამტკიცებლად“, – განაცხადა შალვა პაპუაშვილმა.

„დღეს კონფორმიზმის და ლიბერალურ ფაშიზმთან კოლაბორაციის დრო აღარ არის“, – წერს სოციალურ ქსელში „ხალხის ძალის“ წევრი დავით ქართველიშვილი, როცა შეეხო ევროპარლამენტარის დანილო დელა ველეს განცხადებას შეეხო. ამ უკანასკნელმა აღნიშნა, რომ საქართველო ახალისებს ყველა აქტორს, იმუშაონ მშვიდობისთვის.

როგორც დავით ქართველიშვილი წერს, საქართველო იცავს მშვიდობას, ვინაიდან იცის მშვიდობის ფასი და უკრაინის ომზე და ამ ომის მსხვერპლზე ქილიკი უზნეობაა.

„ჩვენ კი იმედი გვინდა გამოვთქვათ, რომ ასეთი „ანტი-კუბილიუსების“ ხმას ხშირად გავიგებთ. დღეს კონფორმიზმის და ლიბერალურ ფაშიზმთან კოლაბორაციის დრო აღარ არის. ომის თუ ეკონომიკური კრიზისის გაღვივების აჩრდილი პირველ რიგში ევროპაზე ჩამოწვა, რაც არ უნდა „პირიქითა დაშინება“ გვესმოდეს ბრიუსელიდან ჩვენს მისამართით. დიახ, ვიცავთ მშვიდობას და ვინარჩუნებთ სტაბილურობას – რამეთუ ომის ფასი ვიცით. ხოლო ამ ეტაპზე მილიონი დაღუპული სლავის გარშემო მშვიდობის დამყარების აუცილებლობაზე ღლიცინი ცინიზმისა და ნაძირალობის პიკია.

21-ე საუკუნეში მიწასთან გასწორებული უკრაინის დიდი ნაწილის აღდგენა და ოდესღაც ნოყიერი მიწის ნიადაგის თავის „რეპროდუქციულ“ კონდიციამდე დაბრუნება ფანტასტიკის სფეროს წარმოადგენს. დღეს საქართველოს სახით, თუნდაც ცალკეული ჯანსაღი ევროპარლამენტარები, ხედავენ სამშვიდობო პოლიტიკის „ექსპორტიორებს“ და ეს მისასალმებელია“, – წერს დავით ქართველიშვილი.

რა დროს თანამდებობების გადანაწილებაზე საუბარია? ჯერ ყველამ ერთად და ერთიანობით კრიმინალური რეჟიმი ხელისუფლებიდან მშვიდად უნდა გავუშვათ. ხალხის ყურადღების თანამდებობების გადანაწილებაზე გადატანა არასწორია, – ამის შესახებ „ნაციონალური მოძრაობის“ წევრი გიორგი ბარამიძე სოციალურ ქსელში წერს.

როგორც ბარამიძე აღნიშნავს, მიუღებელია სალომე ზურაბიშვილის პოლიტიკური მხარდამჭერების მხრიდან „ნაციონალური მოძრაობის“ მიმართ საყვედურების საჯაროდ გამოთქმა იმის გამო, რომ არ აპირებენ მათი პოლიტიკური გეგმების შესაბამისად მოქმედებას.

„მინდა ვიყო მკაფიო სალომე ზურაბიშვილის იმ სურვილზე, თურმე მან არჩევნებამდე ფაქტიურად უნდა „დანიშნოს“ მომავალი პრემიერ-მინისტრი და თურმე მის მიერ შემოთავაზებული პიროვნება ყველა პარტიამ უსიტყვოდ და მორჩილად მოიწონოს. თურმე ეს წერია ქარტიაში, ამაზე დღეს „ტვ პირველის“ ეთერში საუბრობდა სალომე ზურაბიშვილის პოლიტიკური გუნდის წარმომადგენელი, ქალბატონი ეკა ბესელია. ქართულ ქარტიაში ეს ასე არ წერია და მისი ამგვარი ინტერპრეტაცია, სწორედაც ქალბატონი ეკას (და ალბათ სალომესიც) ინტერპრეტაციაა და არა ის, რაზეც პარტიები ქარტიის ხელმოწერით შევთანხმდით.

მეორე, რა დროს ახლა თანამდებობების გადანაწილებაზე საუბარია? ჯერ ჩვენ ყველამ ერთად და ერთიანობით მოღალატური და კრიმინალური რეჟიმი ხელისუფლებიდან მშვიდად უნდა გავუშვათ.ხალხმა პარტიებს უნდა მიანიჭოს მათი მხარდაჭერის შესაბამისი პოლიტიკური მანდატი. მხოლოდ ამის შემდეგ, ქარტიის ტექსტის ზუსტი შესაბამისობით, სალომე ზურაბიშვილის და სხვების მონაწილეობით, ხალხის შესაბამისი მანდატით ააღჭურვილი, საპარლამენტო ახალი კოალიციური უმრავლესობა ჩამოაყალიბებს ახალ (გარდამავალ) მთავრობას, სადაც იქნებიან პატრიოტი პროფესიონალები, მათ შორის უპარტიოებიც. ამიტომ ახლა ამ თემაზე მსჯელობა და ნაცვლად რეჟიმის გასტუმრებისა, თანამდებობების გადანაწილებაზე ყურადღების გადატანა ძირშივე მცდარი და არასწორი მგონია.

ამასთან ერთად, ყველას გავახსენებთ, რომ ენმ ამომრჩეველს – ქალბატონი ზურაბიშვილისთვის ნდობის პოლიტიკური მანდატი (მოგეხსენებათ) არასდროს მიუცია, მით უფრო იმ სამწუხარო გარემოების გათვალისწინებით, რადგან იგი ჯიუტად არ ასრულებს თავის კონსტიტუციურ მოვალეობას და უკანონო პოლიტიკური პატიმრობიდან, პუტინის პირად ტყვეს პრეზიდენტ სააკაშვილს არ ათავისუფლებს.

ასევე შევახსენებ ყველას, რომ საზოგადოებრივი აზრის ყველა კომპეტენტური გამოკითხვით, მიშას გათავისუფლებას მხარს უჭერს ქართული საზოგადოების საკმაოდ დიდი უმრავლესობა. ასევე, ასობით ათასმა ჩვენმა თანამემამულემ ხელმოწერები შეაგროვა და ქალბატონ სალომეს (როგორც დე ფაქტო პრეზიდენტს) მიშას გათავისუფლების მოთხოვნით მიმართა. ქალბატონი სალომეს რეაგირება სამწუხაროდ იყო ნოლი.

ქალბატონ სალომეს მიშას გათავისუფლების მოთხოვნით აგრეთვე მიმართა უკრაინის, პოლონეთის, მოლდოვასა და საფრანგეთის პრეზიდენტებმა, მისი რეაგირება იყო ნოლი.

ამასწინ პრეზიდენტის რეზიდენციაში მიღებაზე ქალბატონ სალომეს პირადად ვესაუბრე და ვუთხარი, რომ პრეზიდენტ სააკაშვილის გათავისუფლება არის მისი უფლებაც და მოვალეობაც. მისი რეაქცია იყო ნეგატიური.

ახლახან კი ევროპის ყველაზე დიდმა პარტიამ – სახალხო პარტიამ, მათ შორის ეუთო-ს ფორმატშიც, ლიბერალთა პარტიამაც პრეზიდენტ სააკაშვილის „უპირიბო და დაუყოვნებელი“ გათავისუფლების მოთხოვნით მიმართა საქართველოს ხელისუფლებას, რომლის ნაწილიცაა ქალბატონი ზურაბიშვილი, ამაზეც მისი რეაქცია იყო ნოლი.

ასე რომ, ქალბატონი ზურაბიშვილის პოლიტიკური მხარდამჭერების მხრიდან ენმ-ს მიმართ საყვედურების საჯაროდ გამოთქმა, იმის გამო, რომ ჩვენ არ ვაპირებთ ქარტიის ტექსტის ისეთ ინტერპრეტირებას როგორც მათ აწყობთ და ესმით და არ ვაპირებთ მათი პოლიტიკური გეგმების შესაბამისად მოქმედებას, არის არასწორი და მიუღებელი.

ყველას მოვუწოდებთ, ამბიციები უკანა პლანზე გადავდოთ და ვკონცენრტირდეთ მართლაც ჩვენი ხალხისთვის უმთავრესზე – მოღალატეთა რეჟიმის 26-ში ხელისუფლებიდან მშვიდობიანად გაშვებაზე!

ერთიანობით გავიმარჯვოთ და შემდეგ ქართველი ხალხის მიერ მოცემული მანდატის შესაბამისად, პასუხისმგებლიანად, საქართველოს კონსტიტუციისა და ხალხისადმი და ერთმანეთისადმი (ქართული ქარტიის ჩათვლით) დადებული პირობების შესაბამისად გადავდგათ ის ნაბიჯები, რაც საქართველოს ეროვნულ ინტერესებს სჭირდება და მოემსახურება.

დიდება საქართველოს! თავისუფლება მიშას“, – წერს გიორგი ბარამიძე.

https://www.facebook.com/baramidzeg/posts/3520355151558511?ref=embed_post

ვერძი

ამ დღეს მნიშვნელოვანია საკუთარი მოქმედებები აკონტროლოთ და შეცდომები თავიდან აიცილოთ. გაითვალისწინეთ, რომ ერთმა პატარა შეცდომამაც კი შეიძლება გააფუჭოს შთაბეჭდილება, რომლის მოხდენასაც ცდილობთ. მოერიდეთ ადამიანებს, რომლებიც თქვენით მანიპულირებას ცდილობენ – ისინი ამ დღეს უჩვეულოდ აქტიურდებიან. გირჩევთ, ნაკლები ილაპარაკოთ და მეტი მოისმინოთ. გუნდურად მუშაობა ნაყოფიერი და წარმატებული იქნება.

კურო

ეს დღე რომ წარმატებული იყოს, სამოქმედო გეგმა უნდა შეადგინოთ და ნაბიჯ-ნაბიჯ მიჰყვეთ. მცირე უსიამოვნებებმა შეიძლება განწყობა გაგიფუჭოთ და ემოციური სტრესი გაზარდოს. გირჩევთ საკუთარი ქმედებები და შესრულებული სამუშაო საგულდაგულოდ აკონტროლოთ – ამ დღეს შეცდომების დაშვების უფლება არ გაქვთ. გარშემომყოფების ჩარევამ შეიძლება მნიშვნელოვანი გადაწყვეტილების მიღებაში ხელი შეგიშალოთ.

ტყუპები

მოერიდეთ ახალი საქმის დაწყებას, სანამ ძველი არ დაგისრულებიათ. შესაძლოა, მეგობრების დახმარებით იპოვოთ პასუხი კითხვაზე, რომელიც დიდი ხანია გაწუხებთ. გირჩევთ, საკუთარ პროექტში კოლეგები ან ის ადამიანები ჩართოთ, რომლებსაც ყველაზე მეტად ენდობით – ისინი დავალებას შესანიშნავად გაუმკლავდებიან. სასურველია, რომ ცოტა ხნით განმარტოვდეთ და საკუთარ ინტუიციას უსმინოთ.

კირჩხიბი

თქვენს წამოწყებას თავიდანვე უამრავი სირთულე და დაბრკოლება ელის. თუ სირთულეების მიუხედავად არ დანებდებით, მიზანს აუცილებლად მიაღწევთ. ეცადეთ, ვარსკვლავების კეთილგანწყობა თქვენთვის სასარგებლოდ გამოიყენოთ და თაროზე შემოდებული, გაჭიანურებული საქმეები დაასრულოთ. წარუმატებლობის შემთხვევაში, ეცადეთ, ბრაზი უდანაშაულო ადამიანებზე არ იყაროთ.

ლომი

თუ მოინდომებთ, ამ დღეს შეიძლება ძალიან საჭირო და სასარგებლო ადამიანების კეთილგანწყობა და მხარდაჭერა მოიპოვოთ. სევდიანი მოგონებები და წარსულის შეცდომებზე ფიქრი მუშაობაში ხელს გიშლით. გამონახეთ დრო საყვარელ ადამიანთან გულწრფელი საუბრისთვის – ეს ახლა ორივეს გჭირდებათ. გირჩევთ, წვრილმან უსიამოვნებებს დიდი მნიშვნელობა არ მიანიჭოთ, მით უმეტეს, რომ ხვალ მათ სხვა თვალით შეხედავთ. საკუთარ ჯანმრთელობას მეტი ყურადღება მიაქციეთ – იარეთ ფეხით და სწორად იკვებეთ.

ქალწული

დღის პირველი ნახევარი დაძაბული და ემოციურად რთული იქნება. ნათესავებთან დაპირისპირება და სამსახურში მოულოდნელი უსიამოვნებები გელით. ეცადეთ, რომ მარტივ და ნაცნობ აქტივობებს მეტი დრო დაუთმოთ. ამ დღეს ნებისმიერი ახალი საქმე ჩვეულებრივზე რთული იქნება. მარტოობა არ გემუქრებათ! პირიქით, თქვენ გვერდით ყოფნისთვის ნამდვილი კონკურსია გამოცხადებული. ეცადეთ ეს შესაძლებლობა სწორად გამოიყენოთ.

სასწორი

ამ დღეს საკუთარ პრობლემებზე საუბრისა და გულწრფელობისგან თავის შეკავება ჯობს. სირთულეების მიუხედავად, ეცადეთ, ნებისყოფა გამოიჩინოთ და გარშემო მყოფების მიმართ პოზიტიური დამოკიდებულება შეინარჩუნოთ. ამ დღეს თქვენი ამოცანა ახლობელი ადამიანის დახმარებაა. ეცადეთ, მოთმინებით მოუსმინოთ და პრაქტიკული რჩევებით დაეხმაროთ. დასკვნების გამოტანამდე მეტი ინფორმაცია უნდა მოაგროვოთ. როდესაც მომხდარის ნამდვილ მიზეზებს გაიგებთ, შესაძლოა, აზრი შეიცვალოთ.

მორიელი

ამ დღეს რთული და მოსაწყენი საქმეების კეთება მოგიწევთ. დავალების სწრაფად შესრულებაში კოლეგები ან მეგობრები დაგეხმარებიან. მოულოდნელი სიახლე გეგმების შეცვლას გაიძულებთ. ეცადეთ, გარემოებებს მოერგოთ და ახალი, მოგებიანი შესაძლებლობები იპოვოთ. გირჩევთ, საღამო სასიამოვნო ადამიანების გარემოცვაში გაატაროთ, სტუმრად წახვიდეთ და მხიარულ ადამიანებთან ერთად გაერთოთ.

მშვილდოსანი

ამ დღეს ჩანაფიქრის განხორციელებისთვის პრინციპულობა და შეუპოვრობა უნდა გამოიჩინოთ. კოლეგებთან ურთიერთობა სასიამოვნოა და სავსეა სიურპრიზებით. ხელსაყრელი დღეა მოლაპარაკებების ან ურთიერთობების გარკვევისთვის. საკუთარი აზრების გამოხატვას და თანამოსაუბრის მოხიბვლას ადვილად ახერხებთ. ნებისმიერი საქმე, სადაც ურთიერთობების ცოდნაა საჭირო, თქვენი სრული გამარჯვებით დასრულდება.

თხის რქა

ემოციური თვალსაზრისით რთული დღეა, ამიტომ მნიშვნელოვანია, საკუთარი სიტყვები აკონტროლოთ და საყვარელ ადამიანებთან ურთიერთობა არ გაიფუჭოთ. კარგი განწყობა ნაყოფიერ მუშაობაში დაგეხმარებათ. ეცადეთ, თქვენ გარშემო მიმდინარე მოვლენებს ოპტიმისტურად შეხედოთ. ვარსკვლავები გირჩევენ, ახლობელ ადამიანებთან ურთიერთობაში არსებული პრობლემების გადასაჭრელად დრო გამონახოთ – გულწრფელი საუბარი ნებისმიერ გაუგებრობას გააქრობს.

მერწყული

ამ დღეს განწყობა მარტის ამინდივით სწრაფად გეცვლებათ, რაც მუშაობაში ხელს გიშლით. შესაძლოა, პარტნიორმა იმედები გაგიცრუოთ, მაგრამ ეს სამყაროზე გაბრაზების უფლებას არ გაძლევთ. სერიოზული გადაწყვეტილების მიღებამდე ეცადეთ, მომხდარის მიზეზი გაარკვიოთ. თავი შორს დაიჭირეთ ნეგატიურად განწყობილი ადამიანებისგან.

თევზები

წვილმანებს იმაზე მეტ ყურადღებას აქცევთ, ვიდრე საჭიროა და ამასობაში შეიძლება მნიშვნელოვანი მოვლენები ვერ შენიშნოთ. კარგი დღეა ძველი და უსიამოვნო საკითხის მოსაგვარებლად, რომელიც გამუდმებით თავს გახსენებთ. თქვენი სიტყვა ან საქციელი შეიძლება თქვენს კარიერასა და ფინანსურ შემოსავალზე აისახოს, ამიტომ ეცადეთ, მეტი სიფრთხილე და წინდახედულობა გამოიჩინოთ.

ქვეყნის მომავლის მშენებლობის საქმეში ემიგრაციის როლზე ისაუბრა ჟურნალისტებთან საუბრისას საპარლამენტო უმრავლესობის წევრმა სოზარ სუბარმა, რომელიც სალონიკიში ემიგრანტებს შეხვდა.

სოზარ სუბარის თქმით, ემიგრანტები განსაკუთრებულად გრძნობენ სამშობლოს განსაცდელს.

„დღეს საქართველოს გადის ბეწვის ხიდზე – შევინარჩუნებთ მშვიდობას, თუ არა. ამაზეა დამოკიდებული იარსებებს თუ არა საქართველო და ეს კარგად აქვს გასიგრძეგანებული ყველა ემიგრანტს. განსაკუთრებით ემიგრანტებს, რომლებიც მოწყვეტილები არიან სამშობლოს. მე იმედი მაქვს, რომ ეს ოფისი გააგრძელებს ფუნქციონირებას მას შემდეგაც, რაც არჩევნები ჩაივლის და ეს იქნება ერთგვარი ხიდი სამშობლოსა და სამშობლოს დროებით მოწყვეტილ ადამიანებს შორის,“ – განაცხადა სოზარ სუბარმა.

ევროპარლამენტარმა დანილო დელა ველემ მედიასთან საქართველოს საპარლამენტო არჩევნებში გარე ჩარევის დაუშვებლობაზე ისაუბრა.

ევროპარლამენტარს მიაჩნია, რომ ქართველ ხალხს უნდა მიეცეს უფლება, თავად გადაწყვიტოს საკუთარი მომავალი.

„იმედის კვირამ“ ევროპარლამენტარს გარე ჩარევის თავიდან არიდების მნიშვნელობის შესახებ დაუსვა კითხვა: „26 ოქტომბრის არჩევნების მოახლოებასთან ერთად , როგორ ფიქრობთ, არის თუ არა გადამწყვეტი მნიშვნელობის, რომ თავიდან ავირიდოთ ყველა ფორმის გარე ჩარევა, რომელმაც შესაძლოა ძირი გამოუთხაროს საქართველოს დემოკრატიულ პროცესებს? რა ზომები უნდა მიიღოს ევროკავშირმა იმისათვის რომ მხარი დაუჭიროს გამჭვირვალობის პროცესს ისე, რომ არ გამოიწვიოს უარყოფითი გავლენები, რაც საბოლოოდ რუსეთს მოუტანს სარგებელს?“

პასუხად ევროპარლამენტარმა განაცხადა:

„ვფიქრობ, ძალიან მარტივად – მიეცით უფლება ქართველ ხალხს რომ თავად გადაწყვიტონ საკუთარი მომავალი. არცერთი ქვეყანა არ უნდა ერეოდეს სხვა ქვეყანაში, არც შიგნით, არც გარეთ. არც რუსეთი, არც ევროკავშირი და არც ამერიკის შეერთებული შტატები არ უნდა ერეოდეს სხვა ქვეყნის არჩევნებში.“