ვერძი

სიმტკიცის გამოცდის დღეა, საჭირო იქნება იურიდიული საკითხების და თანამშრომლობასთან დაკავშირებული უნარების გამოყენება, ნებისმიერ შემთხვევაში, კარგ გაკვეთილს მიიღებთ ცხოვრებისაგან.

კურო

კარიერულ საკითხებთან და სამსახურებრივ გეგმებთან დაკავშირებით, პოზიტიურ ცვლილებებს ელოდეთ. მნიშვნელოვანი საბუთები წარმატებით შეგიძლიათ გააფორმოთ.

ტყუპები

კარგი იქნება, თუ მეტ ყურადღებას დაუთმობთ პირად ურთიერთობებს, არის ალბათობა, ოფიციალურად დააკანონოთ, ან პარტნიორთან ერთად გადახვიდეთ საცხოვრებლად. პოზიტიურ ცვლილებებს ელოდეთ.

კირჩხიბი

შეხვედრებისათვის კარგი დღეა, შესაძლოა, წარმატებით შესრულებული საქმისათვის, პრემია, ან კარიერული წინსვლა დაიმსახუროთ.

ლომი

მოულოდნელ ფინანსურ შემოსავლებს ელოდეთ, თქვენი კომპანიის ბიუჯეტსაც საკმაოდ გაამდიდრებთ. ეს პერიოდი სასიკეთოა სწავლისთვის და პროფესიული დონის ასამაღლებლადაც.

ქალწული

თქვენი მზარდი ენერგეტიკის წინაშე, ყოველი დაბრკოლება და შეზღუდვა იოლად დაძლევადია, მით უმეტეს, ირგვლივ მყოფნი მეტ გაგებასა და თანადგომას იჩენენ თქვენს მიმართ.

სასწორი

პირად ურთიერთობებში დადებით ემოციებს ელოდეთ, კარგი იქნება, თუ ყველა დეტალზე შეთანხმდებით თქვენს პარტნიორთან. ერთად დაგეგმეთ დასვენება და მოგზაურობა.

მორიელი

თუ მოინდომებთ, შეუძლებელს შეძლებთ. გონებამახვილობა და დამაჯერებელი ლოგიკა,  ნებისმიერ სიტუაციაში, გამარჯვებას მოგიტანთ.

მშვილდოსანი

მეგობრებთან საინტერესო შეხვედრა და მნიშვნელოვანი საქმის წამოწყება გელით, გეგმები და მათი განხორციელების გზები, ფინანსური თემები – ეს ის საკითხებია, რომლებიც სწრაფად და ერთობლივი შეთანხმებით განხორციელდება.

თხის რქა

მოერიდეთ პირად – სასიყვარულო თემების სოციალურ ქსელში გამომზეურებას და სანამ რაიმე საკითხს გადაჭრით,  “7- ჯერ გაზომეთ“, ნუ იქნებით აგრესიული და მშვიდად გადაწყვიტეთ პრობლემები.

მერწყული

შესაძლოა, ხელმძღვანელ პირებთან დაგჭირდეთ ურთიერთობების გარკვევა, გამოიჩინეთ ტაქტი და დიპლომატია, ნებისმიერი საკითხის განხილვისას და თუ საჭირო იქნება, დათმეთ  პოზიციები, მშვიდად მოისმინეთ მათი აზრები და შეფასებები.

თევზები

დღეს შეგიძლიათ, ნებისმიერ საკითხში, მეგობრებისა და თანამოაზრეების მხარდაჭერის იმედი გქონდეთ. დიდ ენერგიას შეგმატებთ შემოქმედებითი საქმიანობა. 

მოძრაობა „სირცხვილია“ „უცხოური გავლენის გამჭვირვალობის შესახებ“ კანონის მოთხოვნის შესაბამისად საჯარო რეესტრის ეროვნულ სააგენტოში დარეგისტრირდა.

მოძრაობის წევრებმა სოციალურ ქსელში ვიდეომიმართვა გაავრცელეს, სადაც განმარტავენ, თუ რატომ მიიღეს აღნიშნული გადაწყვეტილება.

როგორც ისინი აღნიშნავენ, დარეგისტრირება გადაწყვიტეს იმიტომ, რომ არ გაუქმდეს ორგანიზაცია მოახლოებული არჩევნების წინ, არ დაკარგონ არსებული რესურსები, არ დაეკისროთ კანონით გათვალისწინებული ჯარიმა, რომელიც, მათივე განმარტებით, კოლოსალური ოდენობისაა და ამის გამო მოძრაობა „სირცხვილია“ არ მივიდეს გაკოტრებამდე.

„რუსული ხელისუფლებისგან და პრორუსული ხელისუფლებისგან ძახილი დემოკრატიული ჯგუფების მიმართ, რომ ჩვენ თითქოს ვართ „დასავლეთის აგენტები“ ამ ქვეყანაში, ნაკლებად სენსიტიური ვართ ამ საკითხის მიმართ იმიტომ, რომ ხელისუფლება წლების განმავლობაში სხვადასხვა მადისკრედიტირებელი ფრაზებით გამოირჩეოდა „სირცხვილიას“ წინააღმდეგ და არა მარტო… ყველა, ვინც მათ წინააღმდეგ უკმაყოფილებას გამოხატავდა. არა ერთხელ დაუძახიათ ჩვენთვის აგენტი, ანტი-ტრადიციონალისტები, სახელმწიფოს მოწინააღმდეგეები. ახლა ამას ფორმალურად აფორმებენ. თუ კი რაიმე ზიანი შეიძლებოდა მოეტანა ამ იარლიყების აწებებას, ეს ზიანი უკვე მოიტანა თუ ვინმეს შეიძლებოდა დაეჯერებინა, რომ რომელიმე სხვა სახელმწიფოს ინტერესებს ვატარებთ აქ და არა საქართველოსას, ისინი ამას უკვე დაიჯერებდნენ იმიტომ, რომ ხუთი წელია, ეს პროპაგანდა ძალიან აქტიურად მიმდინარეობს.

რეგისტრაცია ან არდარეგისტრირება მაინც და მაინც იმას არ განაპირობებს, აგენტის სტატუსს მიიღებს თუ არა ორგანიზაცია. ეს ისევ დამოკიდებულია ხელისუფლების პროპაგანდაზე, რომლისთვისაც ყველა ისედაც აგენტი იყო“, – ნათქვამია ორგანიზაციის მიმართვაში.

„მთის ამბების” რედაქტორმა, გელა მთივლიშვილმა, „უცხოური გავლენის გამჭვირვალობის შესახებ“ კანონზე სარჩელის განხილვასთან დაკავშირებულ სხდომაზე განაცხადა, რომ ჟურნალისტური საქმიანობის მხარდაჭერისთვის მიღებული თანხების შემომწირველთა ვინაობა და შენატანების მოცულობა კონფიდენციალურია და ეს ადამიანები თანხას იმ პირობით სწირავდნენ, რომ მათი ვინაობა არ გამჟღავნდებოდა.

მანვე აღნიშნა, რომ სადავო კანონით {„გამჭვირვალობის კანონი“}, დანართი პირველით ვალდებული ხდება დაარღვიოს კონფიდენციალურობის პირობა და გასცეს შემწირველების ვინაობა, რასაც არც გასულ წელს და არც ახლა საგადასახადო კანონმდებლობა არ ავალდებულებდა.

„ჩვენს ვებ-გვერდზე, რაც ღიად დევს ინტერნეტში შემოწირულების მიღების წესები გვაქვს გაწერილი წერილობით და საჯაროდ გამოქვეყნებული. ვგულისხმობ შემოწირულებებს, რომლებსაც საქართველოს მოქალაქეებისგან, ფიზიკური ან იურიდიული პირებისგან ვიღებთ, მცირე რაოდენობის თანხით, ჩვენი ჟურნალისტური საქმიანობის მხარდაჭერისთვის და ამ წესებში არის ასეთი პირობა, რომ არ ვასაჯაროებთ შემომწირველთა ვინაობას და მათი შენატანების მოცულობას, თუმცა მათ მიერ შემოტანილი თანხის შესახებ ცხადია „შემოსავლების სამსახურში“ დეკლარირდება. მათ შორის ეს წესი ვრცელდებოდა 2023 წელზეც, ახლაც და იმ პირობით გვწირავდნენ ეს ადამიანები თანხას, რომ მათი ვინაობა არ გამჟღავნდებოდა.

თქვენ სადავო კანონით, დანართი პირველით მავალდებულებთ, რომ დავარღვიო კონფიდენციალურობის პირობა და მოგცეთ ამ ადამიანების ვინაობა, რასაც არც გასულ წელს და არც ახლა საგადასახადო კანონმდებლობა არ მავალდებულებს. თქვენ სადავო კანონით, დანართი პირველით მავალდებულებთ, რომ დავარღვიო კონფიდენციალურობის პირობა და მოგცეთ ამ ადამიანების ვინაობა, რასაც არც გასულ წელს და არც ახლა საგადასახადო კანონმდებლობა არ მავალდებულებს,“, – აღნიშნა გელა მთივლიშვილმა.