ბექა ოდიშარია საქართველოში მიხაელ როთის ვიზიტს ეხმაურება. პარლამენტის დიასპორისა და კავკასიის საკითხთა კომიტეტის თავმჯდომარე მიიჩნევს, რომ ბუნდესტაგის საგარეო საქმეთა კომიტეტის თავმჯდომარე „არასასურველი სტუმარია“.

„არ არის ის სასურველი სტუმარი, ვიდრე არ მოინანიებს ქართველი ხალხის წინაშე იმ შეურაცხყოფას, რაც მას მიაყენა და მერეც, მიუღებელია მისი ასეთი უხეში ჩარევა, რომელსაც, როგორც ჩანს, არ იშლის. ერთხელ იყო და სცენაზე აცოცდა მარგინალ „ენჯეოებთან“ და ოპოზიციურ პარტიებთან ერთად და ახლა ოფის-ოფის დადის. რას ემსახურება ეს ყველაფერი? იმას, რომ გაამხნეოს ეს ჩაფუშული მარგინალური ოპოზიცია“, – აცხადებს ოდიშარია.

ვერძი

რთული დღეა. თქვენი სასიცოცხლო ენერგია შემცირებულია, ამიტომ დაწყებული საქმის დასრულება გიჭირთ. ახლობელი ადამიანების სიყვარული და მხარდაჭერა ძალას შეგმატებთ და შრომის ნაყოფიერებას გაზრდის. გირჩევთ, სამსახურში აქტიურობა შეამციროთ და მარტოობაში მეტი დრო გაატაროთ. შეიძლება რთული ამოცანის წინაშე აღმოჩნდეთ – იმაზე, თუ როგორ მოაგვარებთ, ბევრი რამ არის დამოკიდებული.

კურო

ვარსკვლავები გირჩევენ, რომ კონტაქტები შეზღუდოთ და განმარტოებით იმუშაოთ. თუ საკუთარ ფიქრებს ყურადღებით მოუსმენთ, შეიძლება თქვენთვის მნიშვნელოვან კითხვაზე პასუხი იპოვოთ. არ დაივიწყოთ იდეა, რომელიც ამ დღეს თავში მოგივათ. ეს შეიძლება კარგი შემოსავლის მომტანი აღმოჩნდეს. კარგი იქნება, რომ დიპლომატიური ნიჭი მოლაპარაკების დასაწყებად გამოიყენოთ და საჭირო ადამიანების მხარდაჭერა მოიპოვოთ.

ტყუპები

ამ დღეს პირველ ადგილზე ოჯახური საკითხები დგას. ეცადეთ, ოჯახის წევრებთან გულწრფელი საუბრისთვის დრო გამონახოთ, მხარი დაუჭიროთ და სადავო საკითხებზე შეთანხმებას მიაღწიოთ. ძველი გამოცდილება ახალი პრობლემების მოგვარებაში დაგეხმარებათ. ამ დღეს სხვა ადამიანების დახმარება დიდ დროს წაგართმევთ, თუმცა ეს არ გაღელვებთ, რადგან ადამიანების დახმარება უდიდეს სიამოვნებას განიჭებთ.

კირჩხიბი

გირჩევთ, საკუთარ თავს და საკუთარ საჭიროებებს მეტი დრო და ყურადღება დაუთმოთ. გამორიცხული არ არის, რომ თქვენი დიდი ხნის სურვილი ახდეს. შრომატევადი და მნიშვნელოვანი საქმეების მოგვარებისთვის არახელსაყრელი დღეა, ამიტომ მთელი ყურადღება წვრილმან საკითხებზე უნდა გადაიტანოთ. წარსულში დატოვეთ შიშები, რომლებიც წინსვლაში ხელს გიშლით – ვარსკვლავების მხარდაჭერა რთული ამოცანის გადაჭრაში დაგეხმარებათ.

ლომი

მშვიდი და მოზომილი დღეა. კარგი იქნება, თუ ამ დღეს სუფთა ჰაერზე, მარტოობაში გაატარებთ და სულიერ წონასწორობას აღიდგენთ. ვარსკვლავების ხელსაყრელი განლაგება დაგეხმარებათ, რომ სასურველ შედეგს მიაღწიოთ, ამიტომ შეგიძლიათ ექსპერიმენტებს მიმართოთ და გადაწყვეტილების მიღებისას ინტუიციას ენდოთ. საკითხი, რომელიც ბოლო დროს გაწუხებთ, შესაძლოა მოულოდნელად თქვენთვის სასარგებლოდ მოგვარდეს.

ქალწული

გასული დღეების დაძაბულობამ შეიძლება თავი იჩინოს. უამრავი საქმე გაქვთ და თქვენი ნერვული სისტემა უკვე ზღვარზეა. ვარსკვლავები გირჩევენ, აქტივობა შეამციროთ და საკუთარი პასუხისმგებლობის ნაწილი კოლეგებს გაუნაწილოთ. მარტოობაში გატარებული დრო ენერგიის აღდგენაში დაგეხმარებათ. ძველ მეგობრებთან შეხვედრა სასიამოვნო და სასარგებლო იქნება – კარგად გაერთობით და თქვენთვის საინტერესო საკითხებსა განიხილავთ.

სასწორი

წარმატებული და საინტერესო დღეა. ეცადეთ, ემოციები აკონტროლოთ და მშვიდად შეხვდეთ ყველაფერს, რაც თქვენ გარშემო ხდება. დიდი პრობლემები არ გელით, მაგრამ მცირე უსიამოვნებები გამორიცხული არ არის. ოპტიმიზმი და ხალისიანი განწყობა საქმის დროულად დასრულებაში დაგეხმარებათ. საოჯახო საქმეები დიდ დროს წაგართმევთ, ამიტომ გირჩევთ, ოჯახის სხვა წევრებსაც გაუნაწილოთ.

მორიელი

ამ დღეს ვიღაც თქვენს მოტყუებას ეცდება. ნუ დაიჯერებთ ყველაფერს, რასაც გეუბნებიან და ნებისმიერი ინფორმაცია კარგად გადაამოწმეთ. ვარსკვლავები ასევე გირჩევენ, ყურადღება მიაქციოთ მინიშნებებსა და ქვეტექსტებს. პირად ცხოვრებას სხვა ადამიანებთან ნუ განიხილავთ – შესაძლოა, თქვენი ნათქვამი არასწორად გაიგონ.

მშვილდოსანი

ენერგიული და მიზანდასახული ხართ და სიახლეების არ გეშინიათ. სხვების რჩევებსა და კრიტიკას ყურადღებას არ აქცევთ და საეჭვოა, ვინმემ თქვენზე გავლენის მოხდენა შეძლოს. ზოგი მშვილდოსანი მიიღებს იმას, რაზეც დიდი ხანია ოცნებობს. დღის მეორე ნახევარში სასიამოვნო ურთიერთობა, საინტერესო ღონისძიებები და გართობა გელით. ხელსაყრელი დღეა სწავლის დასაწყებად. პირველ წარმატებებს დიდი ლოდინი არ დასჭირდება.

თხის რქა

შესაძლოა, საყვარელი ადამიანის საქციელმა იმედი გაგიცრუოთ. ვარსკვლავები გვირჩევენ, დასკვნების გამოტანა არ იჩქაროთ – მოსალოდნელია, რომ მალე თქვენი დამოკიდებულება ამ მოვლენის მიმართ შეიცვალოს. კოლეგების დახმარებით როგორც ნაცნობ, ასევე ახალ ამოცანებს სწრაფად და მარტივად უმკლავდებით. თქვენი ინიციატივა უფროსი ნათესავების მოწონებას დაიმსახურებს.

მერწყული

ამ დღეს მხოლოდ ის უნდა აკეთოთ, რაც კარგად გეხერხებათ. სიახლეებისა და ექსპერიმენტებისთვის არახელსაყრელი დღეა. ამ დღეს საოჯახო საქმეების მოგვარება სტრესისგან გაგათავისუფლებთ და სიხარულს მოგანიჭებთ. თუ სხვების ნამუშევარი არ მოგწონთ, ყველაფერი თავად უნდა აკეთოთ. ნუ იჩქარებთ გარიგებების დადებას, სანამ არ დარწმუნდებით, რომ ნამდვილად მოგებიანია.

თევზები

რთული და დაძაბული დღეა. ახლა ოცნებების დრო არ არის, როგორი რთულიც არ უნდა იყოს, პრაქტიკულ საკითხებს და დაგროვილ პრობლემებს უნდა გაუმკლავდეთ. ახლობელ ადამიანს თქვენი დახმარება დასჭირდება. ეცადეთ, გულწრფელი საუბრებისთვის დრო გამონახოთ. მცირე შესყიდვები წარმატებული იქნება, მაგრამ დიდ შესყიდვებს ჯობია მოერიდოთ.

ვიმედოვნებთ, რომ საქართველოს ხელისუფლება დაუბრუნდება იმ გზას, რომელიც მის ხალხს ასე ნათლად სურს , – ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა პრესკონფერენციაზე განაცხადა.

მეთიუ მილერმა განმარტა აშშ-ის სახელმწიფო დეპარტამენტისა და სახაზინო დეპარტამენტის სანქციების დაწესების მოტივაცია.

„ამერიკის შეერთებული შტატები კვლავ ღრმად შეშფოთებულია საქართველოს მთავრობის მიერ განხორციელებული ანტიდემოკრატიული ქმედებებით, რომლებიც ევროკავშირისა და ნატოს წევრობის ნორმებს არ შეესაბამება. ე.წ. „უცხოური გავლენის შესახებ კანონის“ მიღების გარდა, ჩვენ ასევე ვნახეთ, თუ როგორ მიმართავდა ძალადობას საქართველოს მთავრობა საქართველოს მოქალაქეების წინააღმდეგ, რომლებიც აღნიშნულ კანონს აპროტესტებდნენ. დღეს, აშშ საქართველოს მთავრობის ორ ოფიციალურ პირსა და მოძალადე ექსტრემისტული დაჯგუფების ორ ლიდერს სანქიციებს უწესებს, ასევე, 60-ზე მეტ ქართველ პირს სავიზო შეზღუდვებს უწესებს, ადამიანის უფლებების დარღვევაში, კორუფციასა და სხვა ანტიდემოკრატიულ ქმედბებში მონაწილეობის გამო“, – განაცხადა მეთიუ მილერმა.

მეთიუ მილერის განცხადებით, აღნიშნული ქმედებები ორმხრივი თანამშრომლობის შესახებ მიმდინარე ყოვლისმომცველი გადახედვის შედეგს წარმოადგენს.

„აღნიშნული ქმედებები არსებული ორმხრივი თანამშრომლობის ჩვენი მიმდინარე ყოვლისმომცველი გადახედვის შედეგია, საქართველოში ანტიდემოკრატიული ქმედებების გამო, ისევე როგორც საქართველოს ხელისუფლების მაღალი თანამდებობის პირების ცრუ განცხადებების გამო, რომლებიც საქართველოს ხელისუფლებასთან ჩვენი ათწლეულების განმავლობაში არსებული ურთიერთობის სულისკვეთებას ეწინააღმდეგება“, – აღნიშნა მეთიუ მილერმა.

მისივე თქმით, საქართველოს მთავრობას თავისუფალი და სამართლიანი არჩევნების ჩატარებით, ანტიდემოკრატიული კანონმდებლობის გაწვევითა და გაუქმებით და ევროკავშირში გაწევრიანებისთვის აუცილებელი რეფორმების რეკომენდაციების შესრულებისას მნიშვნელოვანი პროგრესის ჩვენებით, შეუძლია თავის ევროატლანტიკურ ტრაექტორიას დაუბრუნდეს.

„ბოლო 32 წლის განმავლობაში, აშშ საქართველოს დემოკრატიული და ეკონომიკური განვითარების ყველაზე დიდი მხარდამჭერია. ჩვენი მხარდაჭერა მიზნად ისახავს იმას, რომ საქართველო უფრო ძლიერი, წარმატებული გახდეს და გახდეს ქვეყანა, რომელსაც საკუთარი სუვერენიტეტისა და ტერიტორიული მთლიანობის დაცვა შეუძლია. ვიმედოვნებთ, რომ საქართველოს ხელისუფლება დაუბრუნდება იმ გზას, რომელიც მის ხალხს ასე ნათლად სურს“, – განაცხადა მეთიუ მილერმა.

ჩვენი გმირები შეეწირნენ ერთიანი საქართველოს იდეას და ამ იდეის აღსრულებას სჭირდება დიდი შერიგება ჩვენს ოს დებთან და ძმებთან, ჩვენს აფხაზ დებთან და ძმებთან. ხოლო დიდი შერიგება ბოდიშის გარეშე შეუძლებელია, – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.

მდინარაძის თქმით, არსებობს კონფლიქტის გადაჭრის ორი გზა: ერთია ომი, მეორე – ურთიერთპატიება, „ქართული ოცნება“ კი ირჩევს ურთიერთპატიების გზას.

„იმ ადამიანებმა, ვინც გაილაშქრეს ქვეყნის ერთიანობის, ურთიერთპატიების, შერიგების წინააღმდეგ, კარგად უნდა გააცნობიერონ, რას დაუპურისპირდნენ, რასთან დაკავშირებით სცადეს სპეკულაციები, რასთან დაკავშირებით სცადეს ამ ბინძურ პოლიტიკურ შეხლა-შემოხლაში – და სიბინძურე მხოლოდ მათი მხრიდან არის – გაერიათ, გაესვარათ გმირების სახელები და გვარები. რას ატყუებენ ისინი ქართულ საზოგადოებას და რატომ სჭირდებათ ტყუილები, თითქოს ვინმე ამბობდეს, ოკუპანტს, მკვლელს ან მწამებელს ვინმემ ბოდიში უნდა მოუხადოს. უნდა ჩამოვყალიბდეთ, ოსები და აფხაზები არიან თუ არა ჩვენი დები და ძმები თუ როგორც ისინი ამ სამი დღის განმავლობაში ასე ბინძურად აკეთებენ, არიან დამნაშავეები. დიახ, დამნაშავეა მკვლელი და მწამებელი. და ის მკვლელები და მწამებლები ისეთივე ოსები და ისეთივე აფხაზები არიან, როგორც მიხეილ სააკაშვილია ქართველი, მაგალითად. ეს უნდა შეიგნონ ბოლოს და ბოლოს. ქვეყნის გაერთიანების იდეის და ერთიანი საქართველოს იდეის აღსრულებას დიდი პოლიტიკური გამბედაობა და ვაჟკაცობა სჭირდება. ამ ვაჟკაცობის შემადგენელი ნაწილია ბოდიშის მოხდაც, სადაც ეს საჭირო და აუცილებელია ურთიერთპატიებისთვის. ბოლოს და ბოლოს, უნდა გავაცნობიეროთ, რომ ჩვენ ვართ ვეფხის და მოყმის ქვეყანა, ძეგლი დავუდგით და ჩვენ გვაქვს შერიგების მინისტრის ინსტიტუტი. ესენი რომ მიუშვა, ერთსაც გააუქმებენ და მეორე, შეიძლება, საერთოდ აიღონ. როცა ყოფნის ვიღაცას ვაჟკაცობა, მათ შორის, პოლიტიკური გამბედაობა და ამბობს, რომ დიახ, ჩვენ ბოდიში უნდა მოვიხადოთ, ჩვენ ჩვენს შეცდომებზე უნდა ვილაპარაკოთ, მათ – თავისზე, აქ ქართველებზე, ოსებზე და აფხაზებზეა ლაპარაკი და არა – მკვლელებზე, სადისტებზე, ოკუპანტებსა და მწამებლებზე. ეს უნდა გავაცნობიეროთ, თორემ სხვა შემთხვევაში არ დასჭირდებოდათ მათ ტყუილების თქმა, აქ რომ იტყუებიან – რუსებს მოვუხადოთ ბოდიში? ან ანწუხელიძის მკვლელებს მოვუხადოთ ბოდიში? საიდან მოიტანეს ეს? როგორ აკადრეს ან ანწუხელიძის სახელს და გვარს, ან ჩვენს გმირებს, მაგრამ აკადრეს. იცით, რატომ? თავის დროზე აკადრეს, ომის დანაშაული დააბრალეს, ეს აკადრეს ომიდან ორ თვეში და ამიტომ აკადრეს დღეს ეს ყველაფერი“, – განაცხადა მდინარაძემ.

როგორც ჩანს არაფორმალური გავლენები იმდენად მძლავრია, მათ შორის აშშ-ში, ჩვენს პარტნიორ ქვეყანაში, რომ ამ გავლენების შესაბამისად, კიდევ ერთხელ დაგვასანქცირეს, ოღონდ არ გვეუბნებიან ვინ და ვინ , – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.

მამუკა მდინარაძის თქმით, აშშ-ის სახაზინო დეპარტამენტის მიერ 60-მდე ქართველის დასანქცირება საქართველოს საპარლამენტო არჩევნებში ჩარევის მცდელობაა.

„ამ შემთხვევაში ფინანსური სანქციები დააწესეს რამდენიმე პირზე. ერთმანეთში არიეს, მათ შორის, „ალტ-ინფოს“ წარმომადგენლები და პოლიციელები, პოლიციის მაღალჩინოსნები. ეს არის პოლიციის შეურაცხყოფა ერთი მხრივ, ინსტიტუტის შეურაცხყოფა მეორე მხრივ და მესამე მხრივ, ეს არის ქართველი ხალხის არჩევანზე და ნებაზე ზეგავლენის მოხდენის მცდელობა და ქართულ არჩევნებში ჩარევის მცდელობა, არაფორმალური გავლენებით. რა შეიცვალა იმის მერე, რაც თქვეს, რომ 30 ადამიანი დავასანქცირეთ? – ერთადერთი რამ შეიცვალა, არჩევნები მოახლოვდა. არჩევნების მოახლოებასთან ერთად ჩვენ კიდევ ველოდებით მსგავს და შეიძლება კიდევ უფრო მძაფრ სხვადასხვა რეაქციებს განცხადებების სახით“, – განაცხადა მამუკა მდინარაძემ.

როგორც მამუკა მდინარაძემ სანქცირებაზე საუბრისას აღნიშნა, „ასეთი სასაცილო გადაწყვეტილებები აზიანებს თავად სანქციის დამწესებელს“.

„ჩანტლაძის ცნობილი „სკეტჩის” არ იყოს, რამდენჯერ უნდა დაგვასანქცირონ? ადგნენ და თქვან დავასანქციერეთ ესა და ეს 60 ადამიანი. არ შეიძლება, რომ ამხელა ქვეყნის, ჩვენი პარტნიორი ქვეყნის ოფიციალური სტრუქტურების ქმედებები სასაცილო იყოს. ძალიან უხერხულია. ეს ჩვენ ზიანს ვეღარ გვაყენებს. გაცვდა ეს მოქმედებები, ზიანს აყენებს აშშ-ის რეპუტაციას საქართველოში და ძალით რატომ აკეთებენ ამას? რას ეხვეწებიან აქედან ისეთს? – ვერაფერს ვერ ვაკეთებთ და იქნებ დაასანქციროთო“, – განაცხადა მამუკა მდინარაძემ.

ცნობისთვის, აშშ-მა ადამიანის უფლებების სერიოზული დარღვევისთვის ქართველი ოფიციალური პირები და ექსტრემისტები დაასანქცირა. კერძოდ, აშშ-ის სახაზინო დეპარტამენტმა მშვიდობიანი დემონსტრანტებისა და პოლიტიკური ოპონენტების ძალადობრივ დარბევასთან დაკავშირებით საქართველოს მთავრობის ორ ოფიციალურ პირსა და ორ კერძო პირს სანქციები დაუწესა. აშშ-ის სახაზინო დეპარტამენტის მიერ დასანქცირდნენ განსაკუთრებულ დავალებათა დეპარტამენტის ხელმძღვანელი, ზვიად ხარაზიშვილი, გიივე “ხარება” და მისი მოადგილე მილერი ლაგაზაური, „ალტ-ინფოს“ დამფუძნებელი კონსტანტინე მორგოშია და ზურაბ მახარაძე. გარდა ამისა, აშშ-ის სახელმწიფო დეპარტამენტი სავიზო შეზღუდვებს აწესებს საქართველოში დემოკრატიის ძირის გამოთხრაში მონაწილე 60-ზე მეტი ქართველისა და მათი ოჯახის წევრების წინააღმდეგ.

იმედი ვიქონიოთ, რომ ბატონი ივანიშვილი თავის ზრახვებში გულწრფელი იქნება და აფხაზ ხალხთან მიმართებაში სწორ სიტყვებს იპოვის , – ამის შესახებ განცხადებას ოკუპირებული აფხაზეთის ე.წ. საგარეო საქმეთა სამინისტრო ავრცელებს.

განცხადებაში ე.წ. საგარეო საქმეთა სამინისტრო აღნიშნავს, რომ ასეთი განცხადება „შეიძლება მშვიდობიანი თანაარსებობისა და კეთილმეზობლური ურთიერთობებისკენ მიმავალი პროცესის დასაწყისი გახდეს“.

„ყურადღება მივაქციეთ საქართველოს მმართველი პარტიის „ქართული ოცნების“ თავმჯდომარის, ბიძინა ივანიშვილის ბოლო განცხადებას, რომლის მიხედვითაც, 26 ოქტომბერს დაგეგმილ საპარლამენტო არჩევნებში გამარჯვების შემდეგ საქართველოს ხელისუფლება ძალას იპოვის ბოდიში მოიხადოს იმის გამო, რომ „ნაციონალურმა მოძრაობამ“ 2008 წელს „ოსი დები და ძმები ცეცხლის ალში გაახვია“. მიუხედავად იმისა, რომ ეს განცხადება აფხაზეთის რესპუბლიკას პირდაპირ არ ეხება, გვინდა აღვნიშნოთ, რომ ასეთი განცხადება შერიგებისკენ გადადგმული რეალური ნაბიჯებით გამყარების შემთხვევაში, წარსულის შეცდომების გადაფასებასა და სამხრეთ ოსეთისა და აფხაზეთის ხალხების მიმართ ბოდიშის მოხდის, პოლიტიკური და ეკონომიკური ზეწოლის მეთოდებზე უარის თქმისა და სამშვიდობო ხელშეკრულებების ხელმოწერის საფუძველზე, შეიძლება მშვიდობიანი თანაარსებობისა და კეთილმეზობლური ურთიერთობებისკენ მიმავალი პროცესის დასაწყისი გახდეს“, – ნათქვამია განცხადებაში.

ე.წ. საგარეო უწყების განცხადებით, ბიძინა ივანიშვილის განცხადება აჩვენებს, რომ „საქართველოში შიდა გადაფასებისა და შეცდომების აღიარების რესურსი ჯერ კიდევ არსებობს, როგორც ეს ჩვენ ურთიერთობებში არაერთხელ მომხდარა“.

„შეგახსენებთ, რომ ჯერ კიდევ 1956 წელს საქართველოს კომუნისტური პარტიის ცენტრალურმა კომიტეტმა აგვისტოს პლენუმზე, ი. სტალინისა და ლ. ბერიას მმართველობის დროს აფხაზეთის მიმართ საქართველოს ხელმძღვანელობის ქმედება დაგმო. 1978 წლის 27 ივნისს საქართველოს კომპარტიის ცენტრალური კომიტეტის XI პლენუმზე ედუარდ შევარდნაძემ განაცხადა: „პირდაპირ უნდა ითქვას, რომ წარსულში, ჩვენთვის ცნობილ პერიოდში, აფხაზი ხალხის მიმართ ტარდებოდა პოლიტიკა, რომელსაც პრაქტიკულად შოვინისტური უნდა ეწოდოს“. სამწუხაროდ, ამან ხელი არ შეუშალა ბატონ შევარდნაძეს, რომ 1992 წელს აფხაზეთში ომი დაეწყო“, – აღნიშნულია განცხადებაში.

ე.წ. საგარეო უწყება იმედს გამოთქვამს, რომ „ბატონი ივანიშვილი თავის ზრახვებში უფრო გულწრფელი იქნება და აფხაზ ხალხთან მიმართებაში სწორ სიტყვებს იპოვის, რომლებიც საქმესთან წინააღმდეგობაში არ მოვა და აფხაზეთსა და საქართველოს, სამხრეთ ოსეთსა და საქართველოს შორის ძალის გამოუყენებლობის საერთაშორისო გარანტიების შესახებ იურიდიულად სავალდებულო დოკუმენტის ხელმოწერით დასრულდება“.

აშშ-მა ადამიანის უფლებების სერიოზული დარღვევისთვის ქართველი ოფიციალური პირები და ექსტრემისტები დაასანქცირა. ამის შესახებ განცხადებას აშშ-ის სახაზინო დეპარტამენტი ავრცელებს.

აშშ-ის სახაზინო დეპარტამენტის განცხადებაში ნათქვამია, რომ ხაზინის დეპარტამენტის უცხოური აქტივების კონტროლის ოფისმა მშვიდობიანი დემონსტრანტებისა და პოლიტიკური ოპონენტების ძალადობრივ დარბევასთან დაკავშირებით საქართველოს მთავრობის ორ ოფიციალურ პირსა და ორ კერძო პირს სანქციები დაუწესა.

აშშ-ის სახაზინო დეპარტამენტის მიერ განსაკუთრებულ დავალებათა დეპარტამენტის ხელმძღვანელი, ზვიად ხარაზიშვილი, გიივე “ხარება” და მისი მოადგილე მილერი ლაგაზაური, „ალტ-ინფოს“ დამფუძნებელი კონსტანტინე მორგოშია და ზურაბ მახარაძე დასანქცირდნენ.