აშშ დოლარის ოფიციალური ღირებულება 2.7061 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7061 ლარი გახდა. კურსი, რომელიც დღეს მოქმედებდა, 2.7067 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
რაც შეეხება ევროს, მისი კურსი 3.0936 ლარია. მაშინ, როცა დღეს მოქმედი კურსი 3.1230 ლარს შეადგენდა. შესაბამისად, ევროს ცვლილებამ 0.0294 ლარი შეადგინა.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
მოამზადა სიმონ კილაძემ
2 აგვისტოს დედოფლისწყაროს მუნიციპალიტეტში ერთად აღინიშნება საეკლესიო და სახალხო დღესასწაული ელიაობა და დედოფლისწყაროობა.
სახალხო დღესასწაული წელსაც მასშტაბურად აღინიშნება და 2024 წლის შემდეგ უკვე მეორედ, მასში მონაწილეობას თიბისიც მიიღებს.
დედოფლისწყაროს ცენტრალურ მოედანზე კულტურული ღონისძიებებია დაგეგმილი. თიბისი კი, საკუთარი სივრცით იქნება წარმოდგენილი, სადაც ადგილობრივებსა და ქალაქის სტუმრებს სხვადასხვა სახის გასართობი და თიბისის ბრენდირებული საჩუქრები დახვდებათ.
სახალხო დღესასწაული უკვე მეთორმეტე წელია ტარდება, რომლის ფარგლებშიც, ტრადიციულად ასახელებენ საპატიო დედოფლისწყაროელებს, იმართება საზეიმო კონცერტი და სხვადასხვა სახის აქტივობები.
ზაფხულის შუა პერიოდიდან ტემპერატურის მატება საგრძნობლად შესამჩნევი გახდა. სინოპტიკოსების ვარაუდით კი აგვისტო კიდევ უფრო ცხელი იქნება, რაც იმას ნიშნავს, რომ მაღალი ტემპერატურა დიდხანს დარჩება ჩვენი ყოველდღიური ცხოვრების ნაწილად. გაუსაძლისი სიცხეები პირდაპირ ზეგავლენას ახდენს ჩვენს პროდუქტიულობაზე და ორგანიზმის საერთო მდგომარეობაზე.
ალბათ გქონიათ ის განცდა, როცა შუადღის მზის ქვეშ ქუჩაში ხართ და თითქოს წამიერად ძალ-ღონეს კარგავთ, უცებ გიჩნდებათ დაღლილობის შეგრძნება, თავბრუსხვევა და უსიამოვნო შეგრძნებები. ეს ყველაფერი შესაძლოა იყოს დეჰიდრატაციის (გაუწყლოების) გამოვლინების კლასიკური ნიშნები, რომელიც ზაფხულის მაღალი ტემპერატურის ფონზე განსაკუთრებით ხშირად ვითარდება.
სიცხეში ორგანიზმი შინაგანი ტემპერატურის გასაკონტროლებლად ოფლის გამოყოფის მექანიზმს ამუშავებს. ოფლთან ერთად კი სწრაფად იკარგება არა მხოლოდ წყალი, არამედ სასიცოცხლოდ მნიშვნელოვანი ელექტროლიტები, მაგ. ნატრიუმი, კალიუმი და სხვ. მათი დანაკარგი აზიანებს უჯრედულ ფუნქციებს, არღვევს ენერგიის ბალანსს და სწორედ ისეთ სიმპტომებს იწვევს, როგორიცაა თავბრუსხვევა, სისუსტე და გულისრევა. ამ მხრივგანსაკუთრებული სიფრთხილე მართებთ ბავშვებსა და ხანდაზმულებს, რადგან ისინი დეჰიდრატაციის კუთხით ყველაზე მოწყვლადი ჯგუფები არიან.
ბავშვები აქტიური დღის რეჟიმისა და ჯერ კიდევ, ჩამოუყალიბებელი თვითშეგნების გამო, ხშირად ვერ აფიქსირებენ წყურვილის მოთხოვნას. რაც უფრო მცირეა ბავშვის ასაკი, მით მეტია მის ორგანიზმში წყლის პროცენტული შემცველობა, რაც იმას ნიშნავს, რომ ბავშვის ორგანიზმი სითხის დანაკარგს ძალიან სწრაფად გრძნობს. თუ ბავშვს დროულად არ მიეწოდა წყალი ან მინერალებით გამდიდრებული ხსნარები, შესაძლოა გამოვლინდეს სისუსტე, გაღიზიანება, მადის დაკარგვა ან სხვა სერიოზული სიმპტომები.
მოხუცებში კი პრობლემა კიდევ უფრო სიღრმისეულ ხასიათს იძენს – ასაკის მატებასთან ერთად წყურვილის შეგრძნება დათრგუნულია, უჯრედები ნაკლებად რეაგირებენ ელექტროლიტების დანაკლისზე, ხოლო ხშირი მედიკამენტოზური თერაპიები, მაგ. შარდმდენები, კიდევ უფრო მეტად უწყობს ხელს სითხის დაკარგვას. შედეგად, ერთი შეხედვით თითქოს მსუბუქი და „უვნებელი“ სიმპტომები, როგორიცაა დაღლილობა, საერთო სისუსტე და არტერიული წნევის დაქვეითება, უკვე შეიძლება სერიოზული დეჰიდრატაციის ნიშნებად ითვლებოდეს.
ზაფხულის პიკში, როდესაც ტემპერატურა ყოველდღიურად 35 გრადუსს აჭარბებს, დეჰიდრატაცია მხოლოდ ბავშვებისა და ხანდაზმულების პრობლემა აღარ არის და ის თითოეული ჩვენგანის გამოწვევაც ხდება. სიცხეში ორგანიზმი უწყვეტ რეჟიმში ცდილობს ტემპერატურის კონტროლს და ამ პროცესში ჩვენ ვკარგავთ უზარმაზარი რაოდენობით სითხესა და აუცილებელ მინერალებს. ეს მდგომარეობა კი ხშირად შეუმჩნევლად ვითარდება, სანამ არ გამოჩნდება ისეთი სიმპტომები, როგორიცაა საერთო სისუსტე, კონცენტრაციის დაქვეითება, თავბრუსხვევა ან პულსის აჩქარება.
დეჰიდრატაციის პრობლემა ასევე განსაკუთრებულად მწვავედ დგას ფიზიკურად აქტიური ადამიანებისთვის ან მათთვის, ვინც დიდ დროს ატარებს ღია სივრცეში.
დეჰიდრატაციის პრევენცია და მის პირველ ნიშნებზე სწორი რეაგირება გადამწყვეტია, განსაკუთრებით ზაფხულის მაღალი ტემპერატურის დროს. როგორ მოვიქცთ დეჰიდრატაციის თავიდან ასაცილებლად?
დეჰიდრატაციის თავიდან ასაცილებლად მხოლოდ წყლის დალევა ხშირად საკმარისი არ არის, განსაკუთრებით იმ პირობებში, როცა ორგანიზმი ინტენსიურად კარგავს სითხეს ოფლის, სიცხისგან გაძლიერებული ცირკულაციის ან მედიკამენტების ზემოქმედების შედეგად. ამ დროს მნიშვნელოვანია არა მხოლოდ სითხის, არამედ ელექტროლიტების სწრაფი და ეფექტური აღდგენა.
დეჰიდრატაციის მართვის იდეალური სტრატეგია უნდა მოიცავდეს ისეთი ფორმულის გამოყენებას, რომელიც უზრუნველყოფს როგორც წყლის სწორ შეწოვას, ისე ნატრიუმის, კალიუმის და სხვა მიკროელემენტების დეფიციტის სწრაფ შევსებას.
ამ მხრივ, ყველაზე ეფექტური და უალტერნატივო გადაწყვეტილებაა ჰიდრო-ბალანსი – გერმანული წარმოების საკვები დანამატი, რომელიც ელექტროლიტების, C ვიტამინისა და დექსტროზას უნიკალურ კომბინაციას წარმოადგენს. ჰიდრო-ბალანსის გამზადებული ხსნარი, ჩვეულებრივ სასმელ წყალთან შედარებით, შეიცავს 10-ჯერ უფრო მეტი რაოდენობით მინერალებს და შესაბამისად, ერთი ჭიქა (200 მლ) ჰიდრო-ბალანსით ვიღებთ მინერალების იმ რაოდენობას, რისი მიღებისთვისაც მინიმუმ 2 ლიტრი წყალია საჭირო.
ჰიდრო-ბალანსში შემავალი ელექტროლიტები (კალიუმი და ნატრიუმი) უზრუნველყოფს ნერვული სისტემის, კუნთების, გულის, თირკმელებისა და საჭმლის მომნელებელი სისტემის გამართულ ფუნქციონირებას. მასში შემავალი კომპონენტების სინერგიული მოქმედება ხელს უწყობს არა მხოლოდ ორგანიზმის შინაგან ბალანსს, არამედ კანის ელასტიკურობისა და ჯანმრთელი იერის შენარჩუნებასაც.
ჰიდრო-ბალანსი ის შემთხვევაა, როცა სითხის მიღება სასარგებლოსთან ერთად სასიამოვნოცაა. ჰიდრო-ბალანსის შუშხუნა ტაბლეტი იხსნება 1 ჭიქა (200 მლ) გრილ წყალში და აქვს ფორთოხლის სასიამოვნო გემო. მიღებული ხსნარი უნდა მივიღოთ მომზადებისთანავე.
ჰიდრო-ბალანის შუშხუნა ტაბლეტი მიიღება მოზრდილებსა და ბავშვებში 12 წლის ზემოთ. მაქსიმალური დღიური დოზაა 3 ტაბლეტი.
ჰიდრო-ბალანსი – როცა მხოლოდ წყალი საკმარისი არ არის.
„ოცნებამ“ თბილისის მერობის კანდიდატად წარადგინა ადამიანი, მეტსახელად კორუფცია – შეუძლებელია ერთი მხრივ, იჭერდე ყოფილ საშუალო რგოლის მაღალჩინოსნებს და ამავდროულად კახა კალაძეს, რომელიც კორუფციასთან ყველაზე მეტად ასოცირდება, წარადგენდე თბილისის მერობის კანდიდატად მესამე ვადით, – ამის შესახებ პარტია „გახარია საქართველოსთვის“ ერთ-ერთმა ლიდერმა, გიორგი შარაშიძემ განაცხადა.
მისი თქმით, „ოცნება“ ადასტურებს რომ მისი კორუფციასთან ბრძოლის ფაფხური მხოლოდ და მხოლოდ კორუფციასთან ბრძოლის იმიტაციაა და სინამდვილეში არანაირი სერიოზული ზომების გატარებას არ აპირებს.“
„ოცნებამ“ თბილისის მერობის კანდიდატად წარადგინა ადამიანი, მეტსახელად კორუფცია. ნებისმიერი თბილისელი რომ გამოჰკითხოთ, უმრავლესობა დაგიდასტურებთ, რომ კახა კალაძე არის ყველაზე მეტად ასოცირებული და დაკავშირებული კორუფციასთან. ამით „ოცნება“ ადასტურებს იმას, რომ მისი თითქოს კორუფციასთან ბრძოლის ფაფხური მხოლოდ და მხოლოდ კორუფციასთან ბრძოლის იმიტაციაა და სინამდვილეში ის არ აპირებს არანაირი სერიოზული ზომების გატარებას კორუფციის წინააღმდეგ. შეუძლებელია ერთი მხრივ, იჭერდე ყოფილ საშუალო რგოლის მაღალჩინოსნებს და ამავდროულად კახა კალაძეს, რომელი კორუფციასთან ყველაზე მეტად ასოცირდება, წარადგენდე თბილისის მერობის კანდიდატად მესამე ვადით“, – განაცხადა გიორგი შარაშიძემ.
შარაშიძემ ასევე ისაუბრა პარტია „გახარია საქართველოსთვის“ და „ლელო – ძლიერი საქართველოს“ მერობის კანდიდატზე და აღნიშნა, რომ პრიორიტეტი არის ნეიტრალური კანდიდატი, მაგრამ ამავდროულად, პარტიული კანდიდატებიც განიხილებიან.
„ჩვენ ახლა მოლაპარაკებების და კონსულტაციების აქტიურ ფაზაზე ვართ. პრიორიტეტი არის ნეიტრალური კანდიდატი, მაგრამ ამავდროულად, პარტიულ კანდიდატებსაც განვიხილავთ – რაც სხვადასხვა მეთოდოლოგიით იზომება. ძალიან მალე გაიგებს ამ კანდიდატის შესახებ საზოგადოება. ჩვენ ვადა 4 სექტემბრამდე გვაქვს, მაგრამ შექმნილი ვითარებიდან გამომდინარე ყველაფერს გავაკეთებთ, რომ უფრო მალე წარვადგინოთ თბილისის მერობის კანდიდატი. ჩვენი კანდიდატი ვინც არ უნდა იყოს, იქნება ადამიანი, რომელიც შეძლებს, რომ თბილისში ერთხელ და სამუდამოდ დაამარცხოს კორუფცია და თბილის კორუფციისგან თავისუფალი ქალაქი გახდეს. თბილისი კორუფციის გარეშე – ეს იქნება ჩვენი გუნდის ერთ-ერთი მთავარი დაპირება და ჩვენი კანდიდატიც იქნება პასუხისმგებელი იმაზე, რომ კალაძეს ჩამოვაცილებთ მმართველობას და თბილისის ბიუჯეტი მთლიანად თბილისელების კეთილდღეობას მოხმარდება“, – განაცხადა შარაშიძემ.
მოსწავლე გოგონებს ვისაც აინტერესებს ტექნოლოგიების სფერო და სჯერათ, რომ განათლებით საკუთარი ამბის შექმნა შეუძლიათ, თიბისიმ მათთვის შექმნა საზაფხულო Crash კურსები, სადაც მათ სრულიად უფასოდ შეისწავლეს ტექნოლოგიების და დაეულებიან თავიანთ მომავალ პროფესიას.
ხელოვნური ინტელექტის, მობილური აპლიკაციების შექმნის, ვებგვერდები პროგრამირების Back-End (Python & Flask) და Front-End (HTML,CSS) შესავალი – ეს იმ ონლაინ კურსების ჩამონათვალია, სადაც 9-12 კლასის 140-მა მოსწავლე გოგონამ, მთელი საქართველოდან, სრულიად უფასოდ შეისწავლეს ყველაზე მოთხოვნადი ტექნოლოგიური პროფესიების საწყისი ეტაპები.
თიბისი ზრუნავს, რომ განათლება ახალგაზრდებისთვის მაქსიმალურად ხელმისაწვდომი იყოს. Crash კურსებზე მიღებული ცოდნა გოგონებისთვის ორიენტირად იქცევა მათი სამომავლო პროფესიის შერჩევაში. სურვილის შემთხვევაში კი შემოდგომიდან თიბისი ტექსკოლაში შეძლებენ ტექნოლოგიების შესწავლას.
ყველაფერი გამოგივა, მთავარია გჯეროდეს შენი მიზნების, თიბისის განათლების პროგრამები კი გაძლევს შესაძლებლობას ისწავლო იქ, სადაც ხარ და სიახლეების მუდმივ ძიებაში გაიღრმაო ინტერესები და ცოდნა.
ამერიკულ გაზეთ „ნიუ-იორკ თაიმსში“ (The New York Times) დაბეჭდილია სტატია სათაურით „დონალდ ტრამპი აღიარებს: ანტირუსული მეორადი ფინანსური სანქციები კრემლზე ან იმოქმედებს, ან არა“ (ავტორი – ერიკ გრინი). შეშინდება თუ არა ვლადიმერ პუტინი დონალდ ტრამპის მუქარით და დათანხმდება თუ არა ომის შეწყვეტის მოთხოვნას? კიდევ რა ბერკეტები აქვს თეთრ სახლს კრემლზე ზეწოლის მოსახდენად? – ასეთი კითხვებია დასმული პუბლიკაციაში, რომლებზეც ავტორი პასუხის გაცემას ცდილობს.
გთავაზობთ პუბლიკაციას შემოკლებით:
როგორც ჩანს, დონალდ ტრამპი არ არის დარწმუნებული, რომ რუსეთის წინააღმდეგ მიმართული 10-დღიანი ულტიმატუმი რაიმე შედეგს მოიტანს: „მე არ ვიცი, მოახდენს თუ არა გავლენას ეს რუსეთზე, რომელიც სამხედრო მოქმედებებს აგრძელებს. შეიძლება იმომედოს, შეიძლება არ იმოქმედოს… მაგრამ ჩვენ მაინც უნდა შევეცადოთ“, – განუცხადა აშშ-ის პრეზიდენტმა თვითმფრინავში მყოფ ჟურნალისტებს.
იყო, დრო, როცა დონალდ ტრამპი ამბობდა, რომ დაურეკავდა ვლადიმერ პუტინს და მასთან კაცურად ისაუბრებდა – „როგორც მამაკაცი მამაკაცთან“. იგი ცდილობდა რუსეთ-უკრაინის ომის ისტორიის გადაწერას და უკრაინის პრეზიდენტის ბოროტმოქმედად წარმოჩენას… მაგრამ ახლა, როცა აშშ-ის პრეზიდენტმა თავისი რუსი კოლეგის მიმართ პოზიცია შეიცვალა, ჩნდება კითხვები, თუ რა ბერკეტები აქვს დარჩა შეერთებულ შტატებს რუსეთზე ზეწოლისათვის და განზრახული აქვს თუ არა დონალდ ტრამპს ამ ბერკეტებით სარგებლობა.
„საქმეს ისეთი პირი უჩანს, რომ დონალდ ტრამპი მხოლოდ ახლა აცნობიერებს იმას, რასაც ბევრი თავდაპირველად ხედავდა… პრობლემა ვოლოდიმირ ზელენსკიში არ არის და არც უკრაინაში. პრობლემა ვლადიმერ პუტინშია“, – ამბობს მეთიუ დასი, საერთაშორისო პოლიტიკის ცენტრის აღმასრულებელი ვიცე-პრეზიდენტი, – „აშკარაა, რომ დონალდ ტრამპი სრულიად იყო დარწმუნებული თავის უნარებსა და შესაძლებლობებში – „მე რომ გარიგების დადების ოსტატი ვარ, ამას პუტინთან ურთიერთობაშიც დავამტკიცებ“ – მაგრამ რეალობა მტკივნული აღმოჩნდა“.
ნაკლებადსავარაუდოა, რომ დონალდ ტრამპის ულტიმატუმი ვლადიმერ პუტინის თვალსაზრისს შეცვლის. რუსეთის ლიდერს მტკიცედ აქვს გადაწყვეტილი, რომ განსაზღვრული ისტორიული მისია შეასრულოს – დააბრუნოს უკრაინა მოსკოვის კონტროლქვეშ.
რუსეთის არმია საზაფხულო შეტევას აგრძელებს. ვლადიმერ პუტინი თვლის, რომ მას ბრძოლის ველზე უპირატესობა აქვს. მართლაც, ეს რეალობაა: უკრაინის ცოცხალი ძალის რესურსები იფიტება, მოსკოვი კი ახალ წარმატებებს აღწევს.
რუსმა ტექნოკრატებმა ეკონომიკის მართვაშიც თავი გამოიჩინეს: ომის განმავლობაში მათ ისეთი ეკონომიკა შექმნეს, რომელიც დასავლურ ყოვლისმომცველ სანქციებს უკვე მეოთხე წელია წარმატებით უძლებს, ხოლო მოსკოვის ერთ-ერთი საუკეთესო უნივერსიტეტი გეგმავს, რომ ეკონომიკურ სწავლებაში ახალი ხარისხი შემოიღოს – მაგისტრი სანქციებიდან თავის არიდებაში. მაგრამ ისიც ფაქტია, რომ რუსეთი ძველებურად დამოკიდებულია ნავთობისა და გაზის ექსპორტზე, რომელიც ქვეყნის საბიუჯეტო შემოსავლების ერთ მესამედს უზრუნველყოფს.
დონალდ ტრამპის მუქარა მეორადი ანტირუსული ბაჟები დაუწესოს იმ ქვეყნებს, რომლებიც რუსეთის ნავთობისა და გაზის ყიდვას აგრძელებენ – ჩინეთს, ინდოეთს, თურქეთს და სხვებს – აშშ-ის პრეზიდენტის გლობალური სავაჭრო ომის პოტენციურ ესკალაციას წარმოადგენს.
როგორც რუსი კომენტატორები აღნიშნავენ, პრობლემა ისაა, რომ თუ ჩამოთვლილი ქვეყნები რუსულ ნავთობს არ იყიდიან, ანუ თუ რუსული ნავთობი მსოფლიო ბაზარზე არ იქნება, ისინი მათთვის აუცილებელ ენერგომატარებლებს (რომლის მოცულობა ძალიან დიდია) სხვაგან დაუწყებენ ძებნას, ნავთობის ფასი მოიმატებს, რაც საერთაშორისო ეკონომიკაზე ნეგატიურად აისახება. დასავლელი პოლიტიკოსები რუსეთის შემოსავლების შესამცირებლად ისეთ პოლიტიკას ახორციელებენ, რომელიც ნავთობზე „გონივრულად ზღვრულ“ ფასებს გულისხმობს, რომელმაც მსოფლიო ბაზრის რყევა არ უნდა გამოიწვიოს, მაგრამ ეს სტრატეგია შეფერხებით მუშაობს და ის ვლადიმერ პუტინს ვერ აჩერებს.
დონალდ ტრამპს სრულიად არ ადარდებს, თუ რა გავლენას მოახდენს მეორადი ანტირუსული სანქციები ნავთობის ბაზარზე. ექსპერტები ამბობენ, რომ აშშ-ის პრეზიდენტს აქვს სხვა ეკონომიკური ბერკეტები რუსეთზე ზეწოლის მოსახდენად, რათა კრემლი იძულებული გახდეს და ომი შეწყვიტოს. დიახ, რუსეთმა შეძლო თავისი ეკონომიკის დაცვა სანქციების გავლენისაგან, მაგრამ ის მაინც მოწყვლადი რჩება. არსებობს ეკონომიკის ისეთი სეგმენტებიც, რომელთა გამოყენება ამერიკას შეუძლია.
თეთრ სახლს ჯერ არ განუცხადებია, განზრახული აქვს თუ არა დონალდ ტრამპს სხვა ვარიანტებით სარგებლობა. როგორც ეველინ ფარკასი – აშშ-ის თავდაცვის მინისტრის ყოფილი თანაშემწე – ამბობს, პრეზიდენტს ხელში სხვა კოზირებიც აქვს, სენატის კანონპროექტის ჩათვლით, რომელიც 500%-იანი ბაჟის დაწესებას ითვალისწინებს იმ ქვეყნებისათვის, რომლებიც რუსული ურანის იმპორტს ეწევიან. „მაგრამ მთავარი ისაა, რომ დონალდ ტრამპმა რუსეთის დარწმუნება უნდა შეძლოს – კრემლი ომს ვერ მოიგებს. აშშ-ის პრეზიდენტი და მის მიერ დანიშნული მომლაპარაკებლები ფიქრობდნენ, რომ რუსეთის კომპრომისზე წასვლას მიაღწევდნენ, მაგრამ პუტინი კომპრომისით დაინტერესებული არ არის“, – აღნიშნავს ეველინ ფარკასი.
კრემლს პრაქტიკულად არანაირი რეაქცია არ მოუხდენია დონალდ ტრამპის მუქარებზე. პუტინის პრეს-მდივნის დიმიტრი პესკოვის თქმით, აშშ-ის პრეზიდენტის ნათქვამი „ცნობად იქნა მიღებული“. მაგრამ კრემლის ელიტამ დონალდ ტრამპის მიერ ვადების ცვლილება აბუჩად აიგდეს და დამცინავი დამოკიდებულება გამოხატეს.
დენიელ ფრიდი, ყოფილი მაღალჩინოსანი დიპლომატი, რომელიც ახლა ვაშინგტონში არსებული კვლევითი ცენტრის – „ატლანიკური საბჭოს“ მეცნიერ-მუშაკია და რომელსაც რუსებთან მოლაპარაკების გარკვეული გამოცდილება აქვს, ამბობს, რომ დონალდ ტრამპს ჯერ კიდევ აქვს შანსი მთლიანად გამოასწოროს დაშვებული საშინელი შეცდომა – როცა პრეზიდენტმა მიანიშნა, რომ უკრაინას მხარს არ უჭერს. დენიელ ფრიდის აზრით, აშშ-ის ასეთმა პოზიციამ რუსეთს ხანგრძლივი თამაშის შესაძლებლობა მისცა: რაც შეიძლება მეტად გაეხანგრძლივებინა ტრამპისათვის პასუხის გაცემა და ამ დროს შეტევა გაეგრძელებინა. „როგორც ჩანს, დონალდ ტრამპმა გააცნობიერა, რომ პუტინი თამაშობს, ამიტომაც ხისტი მოქმედება დაიწყო“
ჩარლ კუპჩანი, ჯორჯთაუნის უნივერსიტეტის პროფესორი, ამბობს, რომ დონალდ ტრამპი სიტყვიდან საქმეზე გადადის და იგი, ალბათ, თავის რუს კოლეგას რეალურად აჩვენებს დასავლური ძალისმიერი დიპლომატიის („იძულებითი მშვიდობის“) ზემოქმედებას. „ვლადიმერ პუტინი მხოლოდ მაშინ გაჩერდება, როცა მას გაჩერებას აიძულებენ. აშკარაა, რომ დონალდ ტრამპს არ სურს ისტორიაში აშშ-ის ისეთ პრეზიდენტად შევიდეს, რომელმაც უკრაინა დაკარგა“.
მოამზადა სიმონ კილაძემ
წაგება შეიძლება სასამართლოშიც, არბიტრაჟშიც, მაგრამ ამას ახლავს ის პოლიტიკური ასპექტი, რომელიც უნდა იქნას დანახული და შეფასებული, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.
მისი თქმით, მძიმე სურათია, რომ საქართველოს ედავები მილიარდ-ნახევარს, მაშინ, როდესაც აპირებდი, ქვეყანა შეგეყვანა მძიმე მდგომარეობაში, იმის გამო, რომ საკუთარ ვალდებულებებს ვერ გაართვი თავი.
„სასამართლო დავა, საარბიტრაჟო დავა არ უნდა იყოს უცხო ხილი, მსოფლიოში ხდება ასეთი რამ, დაპირისპირება სახელმწიფოსა და ბიზნესს შორის, მაგრამ აქ არის გადაჭდობილი ეს დავა სერიოზულ პოლიტიკურ ასპექტებთან. ხაზი უნდა გაესვას, რომ არსებობდა ასეთი თაღლითური პროექტი და გამოვლინდა, რომ ეს პროექტი მართლაც თაღლითური იყო, მით უმეტეს, იმ დამოკიდებულებით, რომელიც ანაკლიის პორტის ყოფილმა მფლობელებმა განახორციელეს, რაღაც დრიბლინგი პოლიტიკურ ველზე. ეს დადასტურდა, ჩვენთვის ამას აქვს მნიშვნელობა, წაგება შეიძლება სასამართლოშიც, არბიტრაჟშიც, მაგრამ ამას ახლავს ის პოლიტიკური ასპექტი, რომელიც უნდა იქნას დანახული და შეფასებული. ეს არის მძიმე სურათი, რომ საქართველოს ედავები მილიარდ-ნახევარს, მაშინ, როდესაც აპირებდი, ქვეყანა შეგეყვანა მძიმე მდგომარეობაში, იმის გამო, რომ საკუთარ ვალდებულებებს ვერ გაართვი თავი. ეს არის დასკვნა, ამის იქით არაფერი არსებობს, არც არანაირი დაცემებული ქველმოქმედება, გარდა იმისა, რომ წალენჯიხაში რაღაც პატარა პლასტმასის აბაზანა ააგეს, ამის იქით არაფერი არსებობს. არსებობს ერთი დასკვნა – საქმე გვაქვს ასეთ პოლიტიკურ თაღლითებთან“, – განაცხადა გია ვოლსკიმ.
საქართველოს იუსტიციის სამინისტროს ინფორმაციით, მამუკა ხაზარაძემ და ბადრი ჯაფარიძემ ანაკლიის პორტის საქმეზე დავა ვაშინგტონის არბიტრაჟშიც წააგეს. მათივე ცნობით, აღნიშნული დავის ფარგლებში ხაზარაძისა და ჯაფარიძის ჰოლანდიელი პარტნიორი ბობ მეიერი ითხოვდა 64 მილიონი აშშ დოლარის გადახდას, თუმცა არბიტრაჟმა მისი ყველა მოთხოვნა უარყო და მას თავად დააკისრა საქართველოს მთავრობის სასარგებლოდ 6,5 მილიონი აშშ დოლარის გადახდის ვალდებულება.
ამასთან დაკავშირებით განცხადება გაავრცელეს ინვესტორმა ბობ მეიერმა და ანაკლიის განვითარების კონსორციუმმა.
⭕ რუსთაველის თეატრის სამხატვრო ხელმძღვანელი, რობერტ სტურუა იუბილარია. რეჟისორს 87 წელი შეუსრულდა.
რობერტ სტურუა დაიბადა 1938 წლის 31 ივლისს. რეჟისორის მამა, რობერტ ივანის ძე სტურუა ცნობილი მხატვარი, რომლის ნამუშევრები თბილისის ხელოვნების მუზეუმშია გამოფენილი. დედა – ცუცა (მაყვალა) ბოლქვაძე.
⭕ რობერტ სტურუამ 1962 წელს დაამთავრა თეატრალური ინსტიტუტის სარეჟისორო ფაკულტეტი (მიხეილ თუმანიშვილის სახელოსნო). რუსთაველის თეატრში 1963 წელს მოვიდა. 1979 წლიდან თეატრის მთავარი რეჟისორია, ხოლო 1980-2011 წლებში მისი სამხატვრო ხელმძღვანელიც იყო. დღეს იგი თეატრის დირექტორის მოვალეობის შემსრულებელია. რუსთაველის თეატრის სცენაზე დადგმული აქვს ასამდე სპექტაკლი. რეჟისორი ძალიან კარგად ხატავს, უკრავს ჯაზს, წერს პიესებს.
⭕ პირველი წარმატება რეჟისორს არტურ მილერის „სეილემის პროცესის” დადგმამ მოუტანა (1965 წ). მოგვიანებით სტურუამ თქვა კიდეც: „ამ წარმოდგენით, ჩემთვის შეუმჩნევლად, კონცეპტუალურ რეჟისურამდე მივედი”. თეატრალური ფორმის ოსტატობა გამოჩნდა მის მეორე მნიშვნელოვან ნამუშევარში — დავით კლდიაშვილის „სამანიშვილის დედინაცვალი“, რომელიც თემურ ჩხეიძესთან ერთად დადგა. დიდი წარმატება მოჰყვა აგრეთვე სპექტაკლს „ხანუმა“.
⭕ 70-80-იან წლებში იქმნება სტურუას ყველაზე ცნობილი სპექტაკლები: პოლიკარპე კაკაბაძის „ყვარყვარე”, რომელმაც ყველა უკვე „სტურუას თეატრის” განსაკუთრებულ მოდელზე აალაპარაკა; ბერტოლდ ბრეხტის „კავკასიური ცარცის წრე” – სპექტაკლი-დღესასწაული, რომელმაც მსოფლიო შემოიარა, შევიდა საერთაშორისო კრებულში „XX საუკუნის საუკეთესო სპექტაკლები” და დღესაც ცოცხალ ლეგენდად რჩება.
⭕ რობერტ სტურუა ცნობილია, როგორც შექსპირის თეატრის „პარადოქსული ინტერპრეტატორი”. 37 პიესიდან 17 უკვე დადგმული აქვს რუსთაველის სცენაზე და მსოფლიოს სხვადასხვა თეატრში. ლონდონის „რივერსაიდ სტუდიაში’’ დადგმული „ჰამლეტი” (1986) მთავარ როლში ალან რიკმანით შექსპირის საერთაშორისო საზოგადოებამ ბოლო 50 წლის მანძილზე შექმნილ ათ საუკეთესო სპექტაკლს შორის დაასახელა. თბილისური „ჰამლეტის” ორივე ვერსია (2001, 2006), სტურუას თქმით, „დრომ მოიტანა”, ისევე, როგორც მკაცრი და დინამიური „მაკბეტი” (1995), ან „როგორც გენებოთ, ანუ შობის მეთორმეტე ღამე” (2002) თავისი განსაცვიფრებელი რიტმითა და პირობითობით.
⭕1980-იანი წლები განსაკუთრებით ნაყოფიერი იყო სტურუას შემოქმედებაში. ამ პერიოდში იდგმება თამაზ ჭილაძის „როლი დამწყები მსახიობი ქალისთვის“ (1980), მიხეილ შატროვის „ცისფერი ცხენები წითელ ბალახზე“ (1980). 90-იანი წლების სპექტაკლებში კი აქცენტები უკვე ადამიანსა და მის სულიერ სამყაროზეა გადატანილი, ასეთებია: კალდერონის “ცხოვრება სიზმარია” (1992), ბრეხტის „სეჩუანელი კეთილი ადამინი” (1993), „იაკობის სახარება” (1995).
⭕ 1997 წელს ლაშა თაბუკაშვილის პიესის მიხედვით დადგმული „მერე რა, რომ სველია სველი იასამანი“ განსაკუთრებით პოპულარული გახდა ახალგაზრდა თაობაში. 1998 წელს მოსკოვის თეატრ „სატირიკონში“ დაიდგა სტურუას „ჰამლეტი“, რომელშიც მთავარ როლს ასრულებდა კონსტანტინ რაიკინი. 2000 წელს ისევ მოსკოვში, თეატრში ET CETERA იდგმება „შეილოკი“ (შექსპირის „ვენეციელი ვაჭრის“ მიხედვით).
⭕ 21-ე საუკუნეში შექმნილ სპექტაკლებში რობერტ სტურუას დიალოგი მაყურებელთან უფრო ფილოსოფიური გახდა. რეჟისორი თითქოს მეტს ფიქრობს მარადისობაზე, ეძებს სიცოცხლესა და სიკვდილს შორის გადებულ ზღვარს. ასეთია გია ყანჩელის მუსიკაზე შექმნილი პლასტიკური სპექტაკლი-ფანტაზია „სტიქსი” (2002), „ჰამლეტის” ორივე თბილისური ვერსია (2001, 2006), ბეკეტის „გოდოს მოლოდინში” (2002).
⭕ რობერს სტურუას მიღებული აქვს მრავალი თეატრალური პრემია:
პრემიები:
სსრკ სახელმწიფო პრემია (1979)
რუსეთის ფედერაციის სახელწიფო პრემია (2000)
საქართველოს სახელმწიფო პრემია (1996)
კოტე მარჯანიშვილის სახელობის პრემია (1976)
შოთა რუსთაველის სახელობის პრემია (1981)
მიხეილ თუმანიშვილის სახელობის პრემია (1997)
ალ. ყაზბეგის სახელობის პრემია (1999)
ჩაპლინ-კლუბის პრემია (1998)
საქართველოს ღირსების ორდენი (1998)
საერთაშორისო პრემიები:
ალბერტ შვეიცერის სახელობის პრემია (1975)
ინგლისური კრიტიკის პრემია (1980)
იტალიური კრიტიკის პრემია (1981)
არგენტინის სახელმწიფო უნივერსიტეტის პრემია (1988)
რუსთავის საერთაშორისო თეატრალური ფესტივალის პრემია- “პრეზიდენტის ოქროს მედალი” (1998)
“თოლია”, ყველაზე ორიგინალური რეჟისორული ინტერპრეტაციისთვის (მოსკოვი, 1998)
ფესტივალ “ბალტიური სახლის” მთავარი პრემია (1998)
“ჯორჯიან თაიმსი” რუსთაველის თეატრის სამხატვრო ხელმძღვანელს, რობერტ სტურუას 87 წლის იუბიულეს ულოცავს! ლეგენდარულ რეჟისორს, ჯანმრთელობას და ხანგრძლივ სიცოცხლეს ვუსურვებთ.
როგორ დავიცვათ ბავშვები ძლიერი სიცხისგან — პედიატრი ლალი ჯანაშია, სოციალურ ქსელში რჩევებს გვიზიარებს:
⭕ “მოგესალმებით და მინდა რამოდენიმე რჩევა მოგცეთ გარემოში არსებული მაღალი ტემპერატურის ზეგავლენის პრევენციის და გართულებების თავიდან აცილების მიზნით!
‼️გარდაუვალი აუცილებლობის გარდა თავი შეიკავეთ 11 საათიდან 19 საათამდე გარეთ ყოფნისგან!
‼️არ დაუშვათ პატარების დახურულ სივრცეში დატოვება, განსაკუთრებით ავტომობილში, რომელშიც ტემპერატურა სწრაფად აღწევს 17-დან 49° C მდე!
‼️ განსაკუთრებული სიფრთხილე გამოიჩინეთ 1 წლის ასაკამდე ბავშვების შემთხვევაში, რომელთა თერმორეგულაციის ცენტრი უმწიფარია და პირდაპირ დამოკიდებულებაშია სხეულის ტემპერატურა გარემოს ტემპერატურასთან! ხშირად გადაავლეთ გრილი დუში, რადგან ოფლის ჭარბ გამოყოფას ახლავს კანის პასუხი ე.წ. ნაოფლის გამონაყარის სახით, რომელსაც ქავილი და დისკომფორტი ახლავს!
‼️ჩააცვით ბავშვებს გრილი, ფართო და თხელი სამოსი, დამზადებული ნატურალური მასალისგან! მიეცით დიდი რაოდენობით სითხეები, ელექტროლიტებით მდიდარი მზა და მარტივად მოსამზადებელი ხსნარები!
‼️შეძლებისდაგვარად უზრუნველყავით მოხუცების და ბავშვების ადგილსამყოფელი სავენტილაციო საშუალებებით!
‼️გარეთ არ უნდა იყონ:
1.მცირე ასაკის და ხანდაზმული
ადამიანები!
2.გულსისხლძარღვთა სისტემის,
ფილტვის უკმარისობის მქონე და
ასევე ჭარბწონიანი ადამიანები!
‼️ყველაზე მძიმე გართულებები:
1.გადახურებით გამოწვეული
კუნთების სპაზმი(კრუნჩხვა)!
2.სითბური გამოფიტვა!
3.სითბური გადახურება(ყველაზე
მძიმე გართულება)
‼️არ შეიძინოთ ბურღულეული და მალფუჭებადი პროდუქქტები ღია სივრცეებში, რომელშიც არ არის კონდიცირების და ვენტილაციის სისტემა!
‼️მაცივარში ულუფებად დაფასოებული პროდუქტები შეინახეთ! დაუშვებელია გაყინული პროდუქტის გალღობის შემდეგ დარჩენილი ხორცპროდუქტების საყინულეში ჩაბრუნება!
‼️ თუ თქვენი ოჯახის წევრი დიდხანს დარჩა მაღალ ტემპერატურაზე და აღენიშნება ძლიერი სისუსტე, თავის და კუნთების ტკივილი, ცხელება, წნევის დაბალი ციფრები, ან ცხელება, რომელსაც არ ახლავს კატარალური მოვლენები, გადაიყვანეთ გადაუდებელი დახმარების დაწესებულებაში.
სიფრთხილისკენ მოწოდებასთან ერთად ჯანმრთელობას გისურვებთ!❤️
‼️P.S. თუ რაიმე მნიშვნელოვანი გამომრჩა, ან კითხვები გაგიჩნდათ, ჩაშალეთ კომენტარების ველში, ან მომწერეთ პირადი შეტყობინების სახით! ❤️- წერს სოციალურ ქსელში პედიატრი ლალი ჯანაშია.
შინაგან საქმეთა სამინისტროს ქვემო ქართლის პოლიციის დეპარტამენტის ბოლნისის რაიონული სამმართველოს თანამშრომლებმა ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად 1998 წელს დაბადებული ბ.ი. და 1995 წელს დაბადებული ქ.ი. ჯგუფურად ჩადენილი თავისუფლების უკანონო აღკვეთის ბრალდებით დააკავეს. ინფორმაციას შსს ავრცელებს. დანაშაული 7-დან 10 წლამდე ვადით თავისუფლების აღკვეთას ითვალისწინებს.
„გამოძიებით დადგინდა, რომ ბოლნისის მუნიციპალიტეტში ბ.ი.-მ ძმის, ასევე ბრალდებულის სახით დაკავებული ქ.ი.-ს დახმარებით 2006 წელს დაბადებულ გოგონას ქალისა და მამაკაცის თანასწორობის შეუწყნარებლობის მოტივით, ცოლად შერთვის მიზნით თავისუფლება უკანონოდ აღუკვეთა.
სამართალდამცველებმა მომხდარი დანაშაულის თაობაზე ინფორმაციის მიღებისთანავე მყისიერად ჩატარებული ოპერატიულ-სამძებრო ღონისძიებების შედეგად გატაცებული გოგონას ადგილსამყოფელი იმავე დღეს დაადინეს, ხოლო ბ.ი. და ქ.ი. ბრალდებულების სახით დააკავეს.
წინასწარი შეთანხმებით ჯგუფის მიერ თავისუფლების უკანონო აღკვეთის ფაქტზე გამოძიება საქართველოს სისხლის სამართლის კოდექსის 143-ე მუხლის მე-3 ნაწილის „ა“ ქვეპუნქტით მიმდინარეობს“, – აღნიშნულია შსს-ს ინფორმაციაში.
„ნიკორა ტრეიდმა“ 120 მილიონი ლარის ობლიგაციების პროგრამის ფარგლებში, მე-2 და ბოლო ტრანშის სახით, 60 მილიონი ლარის არასუბორდინირებული, არაუზრუნველყოფილი ფასიანი ქაღალდები გამოუშვა და თიბისი კაპიტალის ექსკლუზიური მხარდაჭერით წარმატებით განათავსა. ობლიგაციების საპროცენტო განაკვეთი TIBR3M + 3.50%-ით, ხოლო ვადა 5 წლით განისაზღვრა. ფასიანი ქაღალდების დაშვება საქართველოს საფონდო ბირჟაზე იგეგმება.
კომპანია მოზიდულ სახსრებს თბილისში ახალი ლოგისტიკური ცენტრის მშენებლობისთვის გამოიყენებს. პროექტი ხელს შეუწყობს კომპანიის ოპერაციების ეფექტიანობისა და პროდუქციაზე ხელმისაწვდომობის ზრდას, მიწოდების ჯაჭვის ოპტიმიზაციას, დამატებითი სამუშაო ადგილებისა და ადგილობრივი მეწარმეებისთვის ახალი შესაძლებლობების შექმნას.
ობლიგაციებზე ინვესტორთა მოთხოვნამ გამოშვებული ფასიანი ქაღალდების მოცულობას გადააჭარბა. ემისიაში მონაწილეობა ადგილობრივმა ფინანსურმა ინსტიტუტებმა მიიღეს, რაც ინსტიტუციონალური ინვესტორების მხრიდან კომპანიის მიმართ არსებული მაღალი ნდობის მორიგი დადასტურებაა.
დღეს “ნიკორა ტრეიდმა” ობლიგაციების ₾120-მილიონიანი პროგრამა წარმატებით დაასრულა. თიბისი კაპიტალსა და “ნიკორა ჯგუფს” მრავალწლიანი პარტნიორობა აკავშირებთ – დაფინანსების ალტერნატიული წყაროების მოძიებაში კომპანიის მთავარი პარტნიორები ვართ და ერთად ვავითარებთ ფასიანი ქაღალდების ბაზარს. ჯგუფი სავალო კაპიტალის ბაზრის აქტიური მოთამაშეა: 2016 წლიდან ეს უკვე მე-8 წარმატებული ტრანზაქციაა, საიდანაც 7 სწორედ თიბისი კაპიტალთან თანამშრომლობით განხორციელდა. თიბისი კაპიტალისთვის წელს ეს მე-7 ტრანზაქციაა ფასიანი ქაღალდების ქართულ ბაზარზე: წლის დასაწყისიდან მონაწილეობა მივიღეთ 300 მილიონ ლარზე მეტი მოცულობის ობლიგაციების გამოშვებაში, შედეგად, თიბისი კაპიტალი ბაზრის ლიდერის პოზიციებს ინარჩუნებს და 2025 წლის მდგომარეობით, საჯარო ფასიანი ქაღალდების ბაზრის 68%-იან წილს ფლობს“,- ოთარ შარიქაძე, თიბისი კაპიტალის დირექტორი.
„მოხარულები ვართ, რომ კიდევ ერთი წარმატებული ემისია განხორციელდა თიბისი კაპიტალთან თანამშრომლობით. ეს ჩვენს ისტორიაში რიგით მერვე და მოცულობით ყველაზე მსხვილი ემისიაა, არა მხოლოდ კომპანიის, არამედ ბოლო პერიოდში საქართველოს კაპიტალის ბაზარზეც, რაც ინვესტორების მაღალი ნდობის ნათელი მაგალითია. მოზიდული ფინანსური რესურსი თბილისში ლოგისტიკური ცენტრის მშენებლობას მოხმარდება — პროექტი, რომელიც უპრეცედენტოა ქვეყნის მასშტაბით. 10 ჰექტარ ფართობზე განთავსდება 42,000 კვ.მ. თანამედროვე სასაწყობე ინფრასტრუქტურა, სრულად აღჭურვილი იქნება თანამედროვე ტექნიკითა და ციფრული მართვის სისტემით. ახალი ლოგისტიკური ცენტრი არსებითად გააუმჯობესებს მიწოდების ჯაჭვს, რაც პოზიტიურად აისახება როგორც კომპანიის ოპერაციებზე, ისე ჩვენს მომხმარებლებსა და პარტნიორებზე“, – თემურ ალექსანდრია, ნიკორა ტრეიდის აღმასრულებელი დირექტორი.
„ნიკორა ტრეიდი“ ნიკორა ჯგუფის წევრი კომპანიაა, რომელიც ბაზარზე „ნიკორა სუპერმარკეტისა” და „ლიბრეს“ ბრენდებით ოპერირებს და საქართველოს მასშტაბით 700-მდე ფილიალს მართავს. კომპანია უკვე 25 წელია, რაც საცალო-სასურსათო ვაჭრობის ბაზარზე მუშაობს და ამ დარგში ლიდერი ქართული კომპანიაა.
(R)
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge