გაგრის დაცემის დღესთან დაკავშირებით, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები თბილისის ილორის წმინდა გიორგის სახელობის ეკლესიაში იმყოფებოდნენ.

ტაძრის წინამძღვარმა დეკანოზმა ლევან ჯანაშიამ 1992 წელს გაგრაში განვითარებული ტრაგიკული მოვლენების დროს დაღუპულთა სულების მოსახსენებელი პანაშვიდი გადაიხადა.

პანაშვიდს აფხაზეთის მთავრობისა და დევნილი საზოგადოების წარმომადგენლები ესწრებოდნენ.

საქართველოს განათლების, მეცნიერებისა და ახალგაზრდობის მინისტრი ალექსანდრე წულაძე პედაგოგებს მასწავლებლის საერთაშორისო დღეს ულოცავს.

„5 ოქტომბერი მასწავლებლის საერთაშორისო დღეა.

მინდა, მივულოცო ეს ღირსშესანიშნავი თარიღი ყველა პედაგოგს, რომელიც თავისი ყოველდღიური საქმიანობით, დაუღალავი შრომით ჩვენი ქვეყნის უკეთესი მომავლის შენებას ემსახურება.

ძვირფასო მასწავლებლებო, თქვენ ხართ ჩვენი დროის რეალური გმირები და მსურს, მადლობა გადაგიხადოთ თავდადებისა და თქვენი პროფესიისადმი ერთგულებისათვის.

ჩვენი მთავარი ამოცანაა, ხელი შეგიწყოთ მასწავლებლებს თვითგანვითარებასა და პროფესიულ წინსვლაში. შესაბამისად, შევქმნათ ისეთი სამუშაო პირობები, როგორსაც იმსახურებთ.

კიდევ ერთხელ, ყველას გილოცავთ დღევანდელ დღეს, მთელი გულით წარმატებებსა და კეთილდღეობას გისურვებთ!“, – ნათქვამია მინისტრის მისალოც წერილში.

საქართველოს კულტურისა და სპორტის სამინისტროს ხელშეწყობით გიორგი ჩიტაიას სახელობის ეთნოგრაფიული მუზეუმი თბილისობის დღესასწაულს მრავალფეროვანი და მასშტაბური ღონისძიებებით უერთდება, – აღნიშნულია სამინისტროს მიერ გავრცელებულ ინფორმაციაში.

მათივე განცხადებით, 5 და 6 ოქტომბერს, 12:00 საათიდან 16:00 საათამდე, საქართველოს რეგიონების წარმომადგენლები თავიანთი კუთხეების ტრადიციებს გააცოცხლებენ. მუზეუმის ტერიტორიაზე გაიმართება ეთნოგრაფიული წარმოდგენები, მრავალფეროვანი გამოფენები, ტრადიციული კულინარიის მასტერკლასები, ფოლკლორული კონცერტები, მოეწყობა ქართული ღვინის კუთხეები. ღონისძიებებზე დასწრება თავისუფალია.

5 ოქტომბერი
შიდა ქართლი – მრავალფეროვანი გამოფენები, ძველი ქართული ჭიდაობა, თონეში ნაზუქის ცხობის მასტერკლასი, რეწვის მასტერკლასები, ფოლკლორული ღონისძიებები, ღვინის კუთხე.

ქვემო ქართლი – მრავალფეროვანი ეთნოგრაფიული გამოფენა, ტრადიციული სამზარეულოს მასტერკლასები, ფოლკლორული ღონისძიებები, თოჯინების თეატრის წარმოდგენა.

გურია – ეთნოგრაფიული წარმოდგენები, მრავალფეროვანი გამოფენები, ტრადიციული სამზარეულოს მასტერკლასები, მოსავლის აღება-დაბინავების ეთნოგრაფიული რიტუალები, ფოლკლორული ღონისძიებები.

მცხეთა-მთიანეთი – მრავალფეროვანი გამოფენები, მოხეური და ხევსურული სამზარეულოს მასტერკლასები, ფოლკლორული ღონისძიებები, ღვინის კუთხე.

რაჭა – ეთნოგრაფიული წარმოდგენები, რაჭული სტუმარმასპინძლობის რიტუალები, მრავალფეროვანი გამოფენა, ფოლკლორული ღონისძიებები, ღვინის კუთხე.

სვანეთი – უძველესი სვანური სამზარეულოს მასტერკლასები, სვანური რიტუალები და ფოლკლორული ღონისძიებები.
სამეგრელო – მრავალფეროვანი გამოფენები, მეგრული სამზარეულოს გამოფენა, ფოლკლორული ღონისძიებები.

აჭარა – ეთნოგრაფიული ნიმუშების გამოფენა, რეწვის მასტერკლასები, აჭარული ფოლკლორული ღონისძიებები.

6 ოქტომბერი
აფხაზეთი – მრავალფეროვანი გამოფენები, აფხაზური ტრადიციების გაცოცხლება, კულინარიის ნიმუშების წარდგენა, ფოლკლორული ღონისძიებები, ღვინის კუთხე.

სამხრეთ ოსეთის ადმინისტრაცია – ოსური ეთნოგრაფიისა და ტრადიციების წარმოჩენა, კულინარიული მასტერკლასები, ოსური ფოლკლორული ღონისძიებები.

აჭარა – ეთნოგრაფიული ნიმუშების გამოფენა, რეწვის მასტერკლასები, აჭარული ფოლკლორული ღონისძიებები.

https://www.facebook.com/photo.php?fbid=847657784216912&set=a.230957325886964&type=3&ref=embed_post

დღეს და ხვალ სახალხო დღესასწაული „თბილისობა“ გაიმართება.

თბილისის მერიის ინფორმაციით, დაგეგმილი პროგრამა ასეთია:

ორბელიანის მოედნის პროგრამა

5 – 6 ოქტომბერი 12:00-22:00

გარდენია შევარდნაძე – ,,თბილისური ბაზარი“
ღია კინოთეატრი
,,ორბელიანის ნუგბარი“
,,ყველიერი“
,,ისპანახობა“
კაფე „ლაღიძის წყლები”
„გაუსინჯე თბილისს გემო /Taste Tbilisi “
სამეწარმეო მარკეტი
გიგანტური ქვევრის ინსტალაცია/ღვინის მაღაზია
ინსტალაცია ,,გოგონა ბუშტით“
კიოსკი – ,,ცნობის ფურცელი“
საბავშვო კონცერტები
საღამოს კონცერტები
თეატრალიზირებული წარმოდგენა/პერფორმანსები
საბავშვო / გასართობი აქტივობები
ზღაპრის გმირები
თემატური ფოტოზონები

ორბელიანის მოედნის მუსიკალური პროგრამა

5 ოქტომბერი – გიორგი ათონელის ქუჩა

11:00 – სტუდია ჩიკოს კონცერტი
11:30 – ვოკალის აკადემიის კონცერტი
12:15 – რანინას კონცერტი
18:00 – ჯგუფი ,,რეზო და ბავშვები“
20:00 – ჯგუფი ,,ურსა“
21:00 – ელექტრონული მუსიკა (DJ) NAQEBI

5 ოქტომბერი – ა.ფურცელაძის ქუჩაზე განთავსებული სცენის მუსიკალური პროგრამა

16:00 – გიორგი თორაძე ,,თორჩო“ და ბენდი
21:30 – ბენდი ,,Goodfellas”

5 ოქტომბერი – ხაზინის ქუჩა, ქართველი შემსრულებლების ელექტრონული ლაივ შოუები

15:00 – ელექტრონული მუსიკა (DJ) NAO
18:30 – ელექტრონული მუსიკა (DJ) JUKA

6 ოქტომბერი – გიორგი ათონელის ქუჩა

13:00 – ჟოზეს წარმოდგენა
14:00 – ნუკრი კაპანაძის სტუდიის კონცერტი
18:00 – ჯგუფი ,,GOOFY LAND”
20:00 – ნოდარიკო ხუციშვილი და ბენდი
21:00 – ელექტრონული მუსიკა (DJ) NAQEBI

6 ოქტომბერი- – ა.ფურცელაძის ქუჩაზე განთავსებული სცენის მუსიკალური პროგრამა

14:00 – POSITIVE BAND
16:00 – ანკა თათარაშვილი და ბენდი ,,The Big band band”
19:00 – ანანო ღიბრაძე და ბენდი ,,Ages”
6 ოქტომბერი – ხაზინის ქუჩა, ქართველი შემსრულებლების ელექტრონული ლაივ შოუები

15:00 – ელექტრონული მუსიკა (DJ) JUKA
18:30 – ელექტრონული მუსიკა (DJ) MACHAIDZE

აბანოთუბანი 5 და 6 ოქტომბერი

12:00 – გამოფენა-გაყიდვა ,,თბილისური მრავალფეროვნება“

რიყის პარკის პროგრამა

5 და 6 ოქტომბერი

12:00 – 22:00

გასტრონომიული ფესტივალი
ღვინის ფესტივალი
ტკბილეულის ფესტივალი
თემატური დეკორაციები,ინსტალაციები და ფოტოზონები
საბავშვო კონცერტები
საღამოს კონცერტები
საბავშვო – გასართობი და სპორტული აქტივობები
ზღაპრის გმირების მსვლელობა
თეატრალიზირებული წარმოდგენა/პერფორმანსები
ატრაქციონები

რიყის პარკის მუსიკალური პროგრამა

5 ოქტომბერი – საბავშვო კონცერტები

11:00 – ანსამბლი შავნაბადას კონცერტი
11:40 – ნუცა ჯანელიძის სტუდიის კონცერტი
12:20 – ბზიკების სტუდიის კონცერტი

5 ოქტომბერი

15:00 – ქართული საესტრადო შემსრულებლების საზეიმო კონცერტი
18:00 – ქართული საესტრადო შემსრულებლების საზეიმო კონცერტი
21:00 – ქართული საესტრადო შემსრულებლების საზეიმო კონცერტი

6 ოქტომბერი – საბავშვო კონცერტები

11:00 – სტუდია ანა-ბანას და ზვიად ბოლქვაძის კვარტეტის კონცერტი
12:00 – რუსიკო ბახტაძის სტუდიის კონცერტი
13:00 – ბასტი-ბუბუს სტუდიის კონცერტი
14:00 – ქენდი სტუდიის კონცერტი

6 ოქტომბერი

19:30 საზეიმო კონცერტი ,,ქალაქური მუსიკის შედევრები“

5 ოქტომბერი – სახელმწიფო ცერემონიების სასახლე

20:00 – საპატიო თბილისელის დაჯილდოების ცერემონია.

ვერძი

ნებისმიერ სფეროში, სიფრთხილე და თავშეკავება გამოიჩინეთ. სასურველია, მოერიდოთ მნიშვნელოვან საქმეებს და მხოლოდ წვრილმან, ყოფით საკითხებზე გადაერთოთ.

კურო

სხვა ადამიანების ინტერესების გათვალისწინებით, გარკვეული ცვლილებების დაგეგმვა მოგიწევთ, თუმცა, შესაძლოა, ყოველგვარი ქმედებების გარეშე, აისრულოთ დიდი ხნის ოცნება. ელოდეთ სასიამოვნო მოულოდნელობებს.

ტყუპები

შესაძლოა, თქვენს ცხოვრებაში გამოჩნდეს ადამიანი, რომლის მეშვეობითაც ნებისმიერი ჩანაფიქრის განხორციელებას შეძლებთ. ვიღაცისთვის ადრე გაწეულმა სამსახურმა და მხარდაჭერამ შესაძლოა, სწორედ ახლა გამოიღოს ნაყოფი.

კირჩხიბი

მატერიალურ საკითხებში აქტიურობისთვის კარგი დროა, სასიკეთო და სარგებლიანი იქნება ახალი ფინანსური წყაროების მოძიება. შესაძლოა, მიიღოთ ფული, რომელსაც არ ელოდით.

ლომი

დღეს, უჩვეულო ვითარებაში, შესაძლოა, საინტერესო ადამიანები გაიცნოთ, მაგალითად, საზოგადოებრივ ტრანსპორტში ან საგამოფენო დარბაზში. დაისვენეთ, ახლა ეს ძალიან გჭირდებათ.

ქალწული

დღევანდელი ვარსკვლავების განლაგება დიდი იმედებისა და მყუდროების მომტანი იქნება თქვენს ცხოვრებაში. განამტკიცეთ ოჯახური ურთიერთობები, გაიხსენეთ თქვენი „ფესვები“, საგვარეულო ტრადიციები – ეს მეტად სასიკეთო იქნება თქვენთვის.

სასწორი

სასიკეთო დღეა, შეგიძლიათ, ყველა მიმართულებით თამამად იმოქმედოთ, ოღონდ, არ დაგავიწყდეთ, რომ განტვირთვა აუცილებელია.

მორიელი

სასიყვარულო სფეროში სასიკეთო ცვლილებებია მოსალოდნელი, შესაძლოა სტატუსის შეცვლა, სასიხარულო მოვლენები, მაგრამ სიფრთხილე გამოიჩინეთ ჯანმრთელობასთან დაკავშირებით. არის ტრავმულობის ალბათობა.

მშვილდოსანი

შესაძლოა, დაუგეგმავად შეხვდეთ თქვენთვის საძულველ ადამიანს. იყავით თავშეკავებული, ემოციები გააკონტროლეთ და ყველაფერი კარგად იქნება. შეეცადეთ, განმარტოვდეთ.

თხის რქა

განმარტოების სურვილით ხართ მოცული, ფიქრებისა და დასვენების, სიზმრების თუ ილუზიების სამყაროში დარჩენას არჩევთ. უმჯობესია, დაისვენოთ და მნიშვნელოვანი საქმეები სამომავლოდ გადადოთ.

მერწყული

გამოიყენეთ დრო ახლობლებთან კონტაქტებისთვის, შეხვდით, დაგეგმეთ მათთან ერთად ახლო მომავალი, გაისეირნეთ ან ეწვიეთ გასართობ დაწესებულებებს.

თევზები

შეეცადეთ, ენას კბილი დააჭიროთ და არ გათქვათ თქვენი საიდუმლო. მოიძიეთ მხარდამჭერები და თანამოაზრეები, იმოქმედეთ დინჯად და სტრატეგიულად.