საქართველოში შვედეთის საელჩო შვედეთში ექსტრემისტულ და სხვა ანტიდემოკრატიულ მიზნებთან დაკავშირებული საქმიანობის უცხოური დაფინანსების თაობაზე დაწყებული პროცესისა და საქართველოში „უცხოური აგენტების რეგისტრაციის აქტთან” დაკავშირებით განცხადებას ავრცელებს.

საელჩოს განმარტებით,შვედეთის მთავრობამ დანიშნა სპეციალური გამოძიების თავმჯდომარე, რომელიც შეაფასებს, უნდა აიკრძალოს თუ არა შვედეთში ექსტრემისტულ და სხვა ანტიდემოკრატიულ მიზნებთან დაკავშირებული საქმიანობის უცხოური დაფინანსება, აღნიშნული პროცესი კი მკვეთრად განსხვავდება „უცხოური აგენტების რეგისტრაციის აქტისგან“, რომელიც ეხება ყველანაირ უცხოურ დაფინანსებას, მისი მიზნობრიობის მიუხედავად და რომელიც მიღებულ იქნა ნაჩქარევად, სათანადო საჯარო კონსულტაციების გარეშე.

„შვედეთის მთავრობამ დანიშნა სპეციალური გამოძიების თავმჯდომარე, რომელიც შეაფასებს, უნდა აიკრძალოს თუ არა შვედეთში ექსტრემისტულ და სხვა ანტიდემოკრატიულ მიზნებთან დაკავშირებული საქმიანობის უცხოური დაფინანსება და ასევე შესთავაზებს ასეთი აკრძალვის მარეგულირებელ ჩარჩოს. ამის მიზანია შვედეთის დემოკრატიისთვის საფრთხის შემცველი საქმიანობის წინააღმდეგ ბრძოლა, როგორიცაა ტერორისტული და ძალადობრივი ექსტრემიზმის აქტების დაცვა ან ძალადობრივი ქმედებებისა და დივერსიის წახალისება. გამოძიების თავმჯდომარეს ასევე ევალება, ისეთი შეთავაზების უზრუნველყოფა, რომელიც შვედეთის კონსტიტუციას, ადამიანის უფლებათა ევროპულ კონვენციას და ადამიანის უფლებათა სხვა ვალდებულებებსა და მოთხოვნებს შეესაბამება.

ეს პროცესი მკვეთრად განსხვავდება „უცხოური აგენტების რეგისტრაციის აქტისგან“, რომელიც ეხება ყველანაირ უცხოურ დაფინანსებას, მისი მიზნობრიობის მიუხედავად და რომელიც მიღებულ იქნა ნაჩქარევად, სათანადო საჯარო კონსულტაციების გარეშე.

ვენეციის კომისიამ ასევე დაასკვნა, რომ „უცხოური გავლენის გამჭვირვალობის შესახებ“ კანონით დაწესებული შეზღუდვები არ აკმაყოფილებს დემოკრატიულ საზოგადოებაში კანონიერების, ლეგიტიმურობისა და საჭიროებების მოთხოვნებს და მკაცრად ურჩია საქართველოს ხელისუფლებას მისი გაუქმება. პლურალისტური და მშვიდობიანი სამოქალაქო საზოგადოების მხარდაჭერა კი, მნიშვნელოვანი პრიორიტეტული სფეროა შვედეთის გრძელვადიანი რეფორმების თანამშრომლობისთვის საქართველოში, რომელიც მიზნად ისახავს დემოკრატიის განვითარებისა და ადამიანის უფლებათა პატივისცემის ხელშეწყობას”, – აღნიშნულია შვედეთის საელჩოს განცხადებაში.

გიორგი ვოლსკი ევროპარლამენტის ანგარიშს გამოეხმაურა, რომლის ავტორებიც ადგილობრივ არჩევნებში ოპოზიციას მონაწილეობისკენ მოუწოდებენ. ამ თემაზე პარლამენტის თავმჯდომარის პირველმა მოადგილემ „დღის ქრონიკაში“ ისაუბრა.

„კონტექსტიდან არ უნდა ამოვიღოთ ეს მოწოდება. აბსოლუტურად ნორმალური, გამართლებული, სწორი, ევროპული იქნებოდა, რომ მოუწოდო პოლიტიკურ პარტიებს მონაწილეობა მიიღონ არჩევნებში. ამაზე ორი აზრი არ არსებობს. ეს არის სწორედ ის სტანდარტი, რომელიც ევროკავშირს უნდა ახასიათებდეს. მაგრამ ამის იქით იკითხება კიდევ სხვა, რომ არ არის ხელისუფლება ლეგიტიმური, რომ პრეზიდენტი არის სალომე ზურაბიშვილი და ა.შ.

ამ ვითარებაში, როდესაც ასეთ უტიფარ, უსამართლო რეზოლუციას ან სხვა დოკუმენტს მიიღებ საქართველოს მიმართ, ამ პოზიციის გაფერადება, რომ პოლიტიკურ პარტიებს ეუბნები, არჩევნებში მიიღონ მონაწილეობა, სხვა არაფერია თუ არა ეს – თქვენ თუ მიიღებთ არჩევნებში მონაწილეობას, ეს არ ნიშნავს იმას, რომ ხელისუფლება ლეგიტიმურიაო. წარმოიდგინეთ, რამხელა აბსურდთან გვაქვს საქმე და ამას თავისი ცუდი შედეგები მოაქვს – საზოგადოებაში განწყობები იცვლება. არ იცვლება საგარეო კურსი, მაგრამ სკეპტიციზმი მატულობს“, – განაცხადა ვოლსკიმ.

გიორგი ვოლსკი ევროპარლამენტის ანგარიშს გამოეხმაურა, რომლის ავტორებიც ადგილობრივ არჩევნებში ოპოზიციას მონაწილეობისკენ მოუწოდებენ. ამ თემაზე პარლამენტის თავმჯდომარის პირველმა მოადგილემ „დღის ქრონიკაში“ ისაუბრა.

„კონტექსტიდან არ უნდა ამოვიღოთ ეს მოწოდება. აბსოლუტურად ნორმალური, გამართლებული, სწორი, ევროპული იქნებოდა, რომ მოუწოდო პოლიტიკურ პარტიებს მონაწილეობა მიიღონ არჩევნებში. ამაზე ორი აზრი არ არსებობს. ეს არის სწორედ ის სტანდარტი, რომელიც ევროკავშირს უნდა ახასიათებდეს. მაგრამ ამის იქით იკითხება კიდევ სხვა, რომ არ არის ხელისუფლება ლეგიტიმური, რომ პრეზიდენტი არის სალომე ზურაბიშვილი და ა.შ.

ამ ვითარებაში, როდესაც ასეთ უტიფარ, უსამართლო რეზოლუციას ან სხვა დოკუმენტს მიიღებ საქართველოს მიმართ, ამ პოზიციის გაფერადება, რომ პოლიტიკურ პარტიებს ეუბნები, არჩევნებში მიიღონ მონაწილეობა, სხვა არაფერია თუ არა ეს – თქვენ თუ მიიღებთ არჩევნებში მონაწილეობას, ეს არ ნიშნავს იმას, რომ ხელისუფლება ლეგიტიმურიაო. წარმოიდგინეთ, რამხელა აბსურდთან გვაქვს საქმე და ამას თავისი ცუდი შედეგები მოაქვს – საზოგადოებაში განწყობები იცვლება. არ იცვლება საგარეო კურსი, მაგრამ სკეპტიციზმი მატულობს“, – განაცხადა ვოლსკიმ.

ევროპარლამენტმა საქართველოსთან დაკავშირებით ყოველწლიური ანგარიშის შესახებ რელიზი გაავრცელა, სადაც 2025 წლის ადგილობრივი თვითმმართველობის არჩევნებზეც არის საუბარი.

კერძოდ, ევროპარლამენტარები ფიქრობენ, რომ მოახლოებული არჩევნები საქართველოს დემოკრატიისა და პოლიტიკური პლურალიზმის მედეგობის მორიგი გამოცდაა და მოუწოდებენ ოპოზიციურ პარტიებს გამოიყენონ ეს შესაძლებლობა.

საქართველოს შესახებ ანგარიშის პროექტი პოლიტიკურად მიკერძოებულია, – განაცხადა ევროპარლამენტარმა, ჰანს ნოიჰოფმა „სუვერენულ ერთა ევროპის“ (ESN) ჯგუფის სახელით ევროპარლამენტის საგარეო ურთიერთობების კომიტეტის სხდომაზე, სადაც კომიტეტის წევრებმა საქართველოს შესახებ ანგარიშის პროექტი დაამტკიცეს.

„მსურს, ESN ჯგუფის სახელით უმცირესობის პოზიცია დავაფიქსირო. ნება მომეცით, რომ სამი პუნქტი წარვადგინო. ჩვენ უარვყოფთ პროექტის მეხუთე პუნქტს, რომელიც მოითხოვს პერსონალური სანქციების დაწესებას წინასწარი სამართლებრივი პროცედურების გარეშე, რაც კანონის უზენაესობისა და ინდივიდუალური უფლებების ფუნდამენტურ პრინციპებს არღვევს. მეტიც, მსგავსი სანქციების ოჯახის
წევრებზე გავრცელება კოლექტიური დასჯის ფორმას წარმოადგენს, რაც ევროკავშირის ფუნდამენტური უფლებებისა და საერთაშორისო სამართლებრივი ნორმების აშკარა დარღვევაა.

ჩვენ უარვყოფთ მერვე პუნქტს, რომელიც ევროკავშირს საქართველოს დემოკრატიულად არჩეული მთავრობის არაღიარებისკენ მოუწოდებს, რაც სუვერენული სახელმწიფოების შიდა საქმეებში ჩაურევლობის პრინციპის აშკარა დარღვევას წარმოადგენს.

ჩვენ უარვყოფთ მეათე პუნქტს, რომელიც საგარეო პოლიტიკის გადაწყვეტილებებთან დაკავშირებით ევროკავშირის ერთსულოვნების პრინციპისთვის გვერდის ავლას ცდილობს, რაც ევროკავშირის სამართლებრივ ნორმებს ძირს უთხრის. ამგვარად, ჩვენ კატეგორიულად უარვყოფთ საქართველოს შესახებ კომისიის ანგარიშის პროექტს, რომლის ტექსტი აშკარად პოლიტიკურად მიკერძოებულია. ასევე, ის შეიცავს რამდენიმე დებულებას, რომლებიც ევროკავშირისა და საერთაშორისო სამართლის მიხედვით იურიდიულად და ინსტიტუციურად მიუღებელია“, – განაცხადა ჰანს ნოიჰოფმა.

ევროპარლამენტის საგარეო ურთიერთობების კომიტეტმა საქართველოს შესახებ ანგარიშის პროექტი შესწორებებით, 55 ხმით დაამტკიცა.