Home Blog Page 5

გორში მკვლელობისა და დაჭრის ფაქტზე პოლიციამ ერთი პირი დააკავა

“პოლიციამ გორში მომხდარ მკვლელობის და დაჭრის ფაქტთან დაკავშირებით 1 პირი ცხელ კვალზე დააკავა”, – ამის შესახებ ინფორმაციას შინაგან საქმეთა სამინისტრო ავრცელებს.

უწყების ცნობით, გამოძიებით დადგინდა, რომ ბრალდებულმა გორში, ურთიერთშელაპარაკების ნიადაგზე, ცეცხლსასროლი იარაღიდან გასროლით მამა-შვილს რამდენიმე ჭრილობა მიაყენა, მიყენებული დაზიანების შედეგად კი, 32 წლის კაცი ადგილზე გარდაიცვალა, ხოლო დაღუპულის მამა სამედიცინო დაწესებულებაში გადაიყვანეს.

“შინაგან საქმეთა სამინისტროს შიდა ქართლის პოლიციის დეპარტამენტის თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, ორი ან ორზე მეტი პირის მიმართ, დამამძიმებელ გარემოებაში ჩადენილი განზრახ მკვლელობის მცდელობის ბრალდებით 1975 წელს დაბადებული ს.ა. ცხელ კვალზე დააკავეს.

გამოძიებით დადგინდა, რომ ბრალდებულმა გორში, ურთიერთშელაპარაკების ნიადაგზე, ცეცხლსასროლი იარაღიდან გასროლით ორ პირს, მამა-შვილს რამდენიმე ჭრილობა მიაყენა. მიყენებული დაზიანებების შედეგად 1993 წელს დაბადებული გ.ც. ადგილზე გარდაიცვალა, ხოლო 1970 წელს დაბადებული დ.ც. სამედიცინო დაწესებულებაში გადაიყვანეს.

ჩატარებული საგამოძიებო მოქმედებების შედეგად, სამართალდამცველებმა ბრალდებული, ცხელ კვალზე, შემთხვევის ადგილზე დააკავეს.

გამოძიება სისხლის სამართლის კოდექსის 19-109-ე მუხლის „ლ“ ქვეპუნქტით მიმდინარეობს”, – აღნიშნულია შინაგან საქმეთა სამინისტროს მიერ გავრცელებულ განცხადებაში.

ქართველი სტომატოლოგებისა და სტუდენტებისთვის PSP -ს ექსკლუზიური პარტნიორის იტალიური ბრენდის Curasept-ის ერთობლივი ღონისძიებები ჩატარდა

კურასეპტი PSP-ს ექსკლუზიური პარტნიორი და ევროპაში პირის ღრუს მოვლის „ოქროს სტანდარტად“ აღიარებული იტალიური ბრენდია. ყოველწლიურად PSP-სა და კურასეპტის პარტნიორობით სპეციალისტებისთვის – სტომატოლოგების, პაროდონტოლოგებისა და იმპლანტოლოგებისთვის სხვადასხვა ტიპის საგანმანათლებლო და შემეცნებით-გასართობი ღონისძიებები ტარდება.

კურასეპტი სპეციალიზირებულია როგორც პირის ღრუს ყოველდღიურ მოვლაზე ასევე სამკურნალო მიმართულების განვითარებაზე, პირის ღრუს ჰიგიენაზე ზრუნვის ქიმიური და მექანიკური საშუალებების მრავალფეროვანი ასორტიმენტის ხაზებით, მათ შორის ჩვილის ბუნებრივ ინგრედიენტებზე დამზადებული ღრძილების მასაჟორებისა და გელებიდან დაწყებული, ბავშვის და მოზარდების ჯუნიორ სავლებით, ყოველდღიური და სპეციალური მოვლის საშუალებებით ზრდასრულებისთვის და იმპლანტის შემდგომი სავლებით.

წამყვანი იტალიური კომპანიის წარმომადგენლებმა, პარტნიორ ქართულ კომპანია PSP Pharma-ს და საქართველოს იმპლანტოლოგიისა და პარადონტოლოგიის საზოგადოების წარმომადგენლებთან ერთად, საგანმანათლებლო და შემეცნებითი ღონისძიებები გამართეს სხვადასხვა უნივერსიტეტების სტომატოლოგიური ფაკულტეტის სტუდენტებთან.

სტუდენტური კონკურსის ფარგლებში IV-V კურსის სტუდენტებისთვის პაროდონტოლოგიის ძირითადად საფუძვლებზე რამდენიმე საგანმანათლებლო ლექცია ჩატარდა, ტესტისა და კლინიკური ქეისის განხილვის საფუძველზე შეირჩა გამარჯვებული. გამარჯვებულ სტუდენტს, ნია თევდორაშვილს კურასპეტის მიერ გადაეცა პრიზი, ერთ-ერთ ყველაზე მაღალრეიტინგულ ღონისძიებაზე – „ევროპერიო 2025“-ზე დასწრება, ავსტრიაში, ვენაში.

ქ. თბილისის სტომატოლოგებისთვის ჩატარებულ კონფერენციაზე კურასეპტის ამბასადორმა ექიმმა, პაროდონტოლოგ-იმპლანტოლოგმა მატეო ბასომ წარადგინა თემა: “პაროდონტისა და იმპლანტის გარშემო ქსოვილების შეხორცების ახალი ინსტრუმენტები მინიმალური ინვაზიური მკურნალობისთვის” გაუზიარა კლინიკური კვლევები და ქეისები ქლორჰექსიდინის მოქმედების მექანიზმების შესახებ. კურასეპტის საერთაშორისო ოპერაციების დირექტორმა ანდრე ლემამ და რეგიონალურმა მენეჯერმა პატრიცია პულსონემ საინტერესო მიმოხილვით გააცნეს კომპანია კურასეპტი დამსწრე საზოგადოებას. კონფერენცია იტალიელი სტუმრებისა და ქართველი სტომატოლოგების გამოცდილების და შთაბეჭდილებების გაზიარებით დასრულდა.

Curasept & PSP მხარდაჭერით წელს სპეციალისტებისთვის 2 განსხვავებული ღონისძიება ჩატარდა; საქართველოში ვიზიტის დასასრულს,  იტალიის ელჩი საქართველოში, მასიმილიანო დ’ანტუონო იტალიური კომპანია Curasept-ის წარმომადგენლებს, საერთაშორისო პროექტების დირექტორ ანდრეა ლემასა და რეგიონულ მენეჯერ პატრიცია პულსონეს შეხვდა.

 

არ შეიძლება პოლიტიკური პარტია ჩადიოდეს დანაშაულს, შემდეგ შეიცვალოს სახელი და კვლავ პოლიტიკურ ასპარეზზე დარჩეს -ვოლსკი

არ შეიძლება პოლიტიკური პარტია ჩადიოდეს დანაშაულს და კვლავ პოლიტიკურ ასპარეზზე დარჩეს, – განაცხადა საქართველოს პარლამენტის თავმჯდომარის პირველმა მოადგილემ, გიორგი ვოლსკიმ. დეპუტატმა კომენტარი გააკეთა საკანონმდებლო ინიციატივაზე, რომელიც „ნაციონალური მოძრაობისთვის“ პოლიტიკური საქმიანობის აკრძალვას მოიაზრებს.

„არ შეიძლება პოლიტიკური პარტია ჩადიოდეს დანაშაულს, პოლიტიკური პარტიიდან გადაიქცეს რევოლუციურ ჯგუფად, ხელისუფლებაში ყოფნის პერიოდში ჩადიოდეს ისეთ დანაშაულებს, რომელთან დაკავშირებითაც მთელმა საზოგადოება იცის და ამის მერე შეიცვალოს სახელი, შეცვალოს სახეები და კვლავ პოლიტიკურ ასპარეზზე დარჩეს“, – აცხადებს ვოლსკი.

იურიდიულ საკითხთა კომიტეტი დღეს მეორე მოსმენით განიხილავს საკანონმდებლო ინიციატივას, რომელიც „ნაციონალური მოძრაობის“ და მისი მემკვიდრე პარტიებისთვის პოლიტიკური საქმიანობის აკრძალვას ითვალისწინებს.

“ავერსის” სააფთიაქო ქსელი მთელი საქართველოს მასშტაბით მომხმარებელს  ქეშბექ აქციას სთავაზობს

ახალი თიბისი ბარათით, ახალი თიბისი კონცეპტ ბარათით ან ერთგული საკრედიტო ბარათით „ავერსის“ აფთიაქებში მინიმუმ 50 ლარის ღირებულების ნებისმიერი პროდუქტის შეძენისას მომხმარებელი მომენტალურად დაიბრუნებს გადახდილი თანხის 30%-ს, მაქსიმუმ 30 ლარს.

შეთავაზება ვრცელდება „ავერსის“ ონლაინ მაღაზიაზეც – https://shop.aversi.ge/ka/

ქეშბექს მიიღებთ როგორც ერთი, ისე რამდენიმე გადახდის შემთხვევაში. ქეშბექის მაქსიმლური თანხაა 30 ლარი.

(R)

პრეზიდენტი პუტინი ცეცხლის შეწყვეტას დასთანხმდა, მაგრამ გვინდა გარანტიები, რომ ეს აღარ იქნება გამოყენებული უკრაინის სამხედრო ძალების გასაძლიერებლად -სერგეი ლავროვი

რუსეთის საგარეო საქმეთა მინისტრის, სერგეი ლავროვის მტკიცებით, რუსეთის პრეზიდენტმა ვლადიმერ პუტინმა დაუყოვნებლივ დაუჭირა მხარი აშშ-ის პრეზიდენტის, დონალდ ტრამპის წინადადებას 30-დღიანი ცეცხლის შეწყვეტის შესახებ იმ პირობით, რომ წარსულის შეცდომები აღარ განმეორდება.

ლავროვმა ეს განცხადება CBS-თან ინტერვიუში გააკეთა, როდესაც დაუსვეს შეკითხვა, რატომ აგრძელებს რუსეთი უკრაინაზე თავდასხმებს იმ ფონზე, როცა უკრაინა მზად არის ცეცხლის შეწყვეტისთვის და აშშ-ის პრეზიდენტი, დონალდ ტრამპი აცხადებს : „ვლადიმერ, შეჩერდი!“.

„ჩვენ მხოლოდ იმ ობიექტებს ვუტევთ, რომლებსაც სამხედროები იყენებენ. რაც შეეხება ცეცხლის შეწყვეტას და შეწყვეტისკენ მოწოდებას, რუსეთის პრეზიდენტმა ვლადიმერ პუტინმა დაუყოვნებლივ დაუჭირა მხარი აშშ-ის პრეზიდენტის, დონალდ ტრამპის მიერ რამდენიმე კვირის წინ გაკეთებულ წინადადებას 30-დღიანი ცეცხლის შეწყვეტის შესახებ იმ პირობით, რომ არ გავიმეორებთ ბოლო ათი წლის შეცდომებს, როდესაც ხელი მოეწერა შეთანხმებებს და უკრაინამ ისინი დაარღვია ჯო ბაიდენის ადმინისტრაციისა და ევროპული ქვეყნების მხარდაჭერითა და წახალისებით“, – განაცხადა ლავროვმა.

მისი თქმით, ეს იყო 2014 წლის თებერვლის შეთანხმების ბედი, შემდეგ კი -მინსკის შეთანხმებების ბედი და 2022 წლის აპრილში სტამბოლში მიღწეული შეთანხმების ბედი.

„ასე რომ, პრეზიდენტმა პუტინმა თქვა, რომ ცეცხლის შეწყვეტა – დიახ, მაგრამ ჩვენ გვინდა გარანტიები, რომ ცეცხლის შეწყვეტა აღარ იქნება გამოყენებული უკრაინის სამხედრო ძალების გასაძლიერებლად და რომ იარაღის მიწოდება უნდა შეწყდეს“, – აღნიშნა ლავროვმა.

28 აპრილის ასტროლოგიური პროგნოზი

ვერძი

ეს დღე ახალ ძალებს, მოქმედებისა და მიზნების მიღწევის სურვილს მოგიტანთ. თქვენს ხელთ არის ყველაფერი, რაც წარმატების მიღწევისთვის გჭირდებათ. ეს კვირა აპრილში დაწყებული ცვლილებების გაგრძელება იქნება, განსაკუთრებით მეწარმეებისა და ხელმძღვანელი პირებისთვის. სამუშაო პროცესები სწორი მიმართულებით განვითარდება, თუმცა შედეგების მისაღწევად შეიძლება იმაზე მეტი ლოდინი დაგჭირდეთ, ვიდრე გეგონათ. ამასთან, ფინანსური მდგომარეობა აშკარად გაუმჯობესდება.

კურო

ამ დღიდან მოვლენების განვითარებით კმაყოფილი იქნებით. მალე ყველაფერი თავის ადგილზე დადგება და მუშაობის რიტმი საგრძნობლად აჩქარდება. სხვა ქალაქებსა თუ ქვეყნებში მცხოვრებ პარტნიორებთან ურთიერთობა გეგმის მიხედვით განვითარდება. ზოგიერთი პარტნიორთან ნაყოფიერი თანამშრომლობის ჩამოყალიბებას შეძლებთ, თუმცა სხვები იმედებს გაგიცრუებენ. მიუხედავად ამისა, სამომავლო ურთიერთობის განვითარებისკენ მიმართული ყველა მცდელობა წარმატებული იქნება. იზრუნეთ ჯანმრთელობაზე და გამონახეთ დრო ფიზიკური ვარჯიშისთვის.

ტყუპები

გირჩევთ ეს კვირა სახლსა და საოჯახო კომფორტზე ზრუნვას დაუთმოთ. შესაძლოა, რემონტის დაწყების ან ავეჯის გადაადგილების სურვილი გაგიჩნდეთ, მაგრამ გირჩევთ ოჯახის წევრებთან შეთანხმების გარეშე მოქმედება არ დაიწყოთ. განახლების მასშტაბი დამოკიდებული იქნება ფინანსურ შესაძლებლობებზე. გარკვეული ხარჯების დაფარვაში შეიძლება მეუღლე, მშობლები ან სხვა ახლობლები დაგეხმარონ. საჯარო სექტორში დასაქმებულებისთვის ეს პერიოდი ორგანიზაციულ პროცესებში მონაწილეობასა და აღიარებას უკავშირდება.

კირჩხიბი

ამჟამად თქვენი ფინანსური მდგომარეობა სტაბილურია, მომავალში კი აშკარა გაუმჯობესება გელით. შემოსავლები შეიძლება სხვადასხვა წყაროდან მიიღოთ. ამის გარდა, მოსალოდნელია სასიამოვნო სიურპრიზი ან ფინანსური დახმარება. ურთიერთობა ნათესავებთან უფრო სასიამოვნო და ჰარმონიული გახდება. დიდი ალბათობით, ძველი უთანხმოების მოსაგვარებლად პირველი ნაბიჯის გადადგმას სწორედ თქვენ მოგიწევთ. დროა, დიდი ხნის უნახავი ნათესავისთვის მიცემული პირობა შეასრულოთ და მოინახულოთ.

ლომი

ეს კვირა ძალების მოზღვავებას და შინაგან თავდაჯერებას მოგიტანთ. გარშემო მყოფები თქვენს დამსახურებებს აღიარებენ და თქვენს რჩევებს ითვალისწინებენ. ყურადღება მიაქციეთ კვების რეჟიმს, განსაკუთრებით თუ აღიარებენ კუჭ-ნაწლავის სისტემასთან დაკავშირებული პრობლემები გაწუხებთ. მოგზაურობა წარმატებული იქნება — ბევრ ახალ ადგილს მოინახულებთ და ახალ ადამიანს გაიცნობთ. შეზღუდვები, მათ შორის ფინანსური, შესუსტდება და მგზავრობის დაგეგმვას თავისუფლად შეძლებთ.

ქალწული

შესანიშნავი დროა ძველი პრობლემების მოგვარებისა და საკუთარი პოზიციების გასამყარებლად. მოსალოდნელია მასშტაბური ღონისძიებები, მათ შორის ბიზნესის რესტრუქტურიზაცია ან მომავალი მშენებლობებისთვის მზადება. დასაქმებულებისთვის ეს კვირა შეიძლება ფიქრისა და ანალიზის პერიოდი გახდეს. ფინანსებთან დაკავშირებულ საკითხებში სიფრთხილე უნდა გამოიჩინოთ. მოერიდეთ შოპინგს, თუ რამის შეძენა ძალიან არ გჭირდებათ.

სასწორი

მეწარმეებისა და ხელმძღვანელებისთვის ეს კვირა საქმიანობის განვითარებაში მნიშვნელოვან ეტაპს აღნიშნავს. განსაკუთრებით დიდ როლს სხვა ქალაქში მცხოვრებ კოლეგებთან კავშირი ითამაშებს — მათი დახმარებით ძველი პრობლემის მოგვარებას შეძლებთ. ასევე მოგეცემათ შანსი, რომ ფინანსური პრობლემები მოაგვაროთ. ვარსკვლავები გირჩევენ, საყვარელ ადამიანს მეტი ყურადღება მიაქციოთ, წვრილმანებზე არ გაღიზიანდეთ და უმნიშვნელო მიზეზის გამო ურთიერთობა არ გაიფუჭოთ.

მორიელი

ამ დღეს საქმეებსა და მოლაპარაკებებში შეიძლება მცირე შეფერხებები წარმოიშვას. თვის პირველი ნახევარი ხელსაყრელია სამუშაო პროცესებიდან დისტანცირებისა და საკუთარ თავზე ზრუნვისთვის. ფინანსური მდგომარეობა სტაბილურია. შემოსავლები როგორც ოფიციალური, ასევე დამატებითი წყაროებიდან რეგულარულად შემოდის. ამ უკანასკნელთა შორის შეიძლება უძრავი ქონებიდან მიღებული სარგებელი, ნათესავების დახმარება ან მოულოდნელი საჩუქრებიც იყოს.

მშვილდოსანი

ხარჯები საკმაოდ ბევრი იქნება, თუმცა თუ ყველაფერს სწორად დაგეგმავთ, ისინი სრულად გამართლდება. მოსალოდნელია მნიშვნელოვანი ცვლილებები ოჯახურ ცხოვრებაში, მათ შორის — დიდი რემონტი. მეუღლეებს შორის ურთიერთობა გაზაფხულის ამინდს დაემსგავსება — მშვიდ პერიოდებს მოულოდნელი გაღიზიანების პერიოდი შეცვლის. განსაკუთრებით სიფრთხილე 30 აპრილს გმართებთ, როდესაც კონფლიქტი შეიძლება უმნიშვნელო მიზეზებითაც კი დაიწყოს.

თხის რქა

ამ დღეს სწრაფი მოქმედების სურვილი იმატებს, თუმცა სპონტანურ ხარჯებს სიფრთხილით უნდა მოეკიდოთ. არასტაბილურობა განსაკუთრებით რომანტიკულ ურთიერთობებში გამოვლინდება. შეყვარებულებში მოსალოდნელია მძაფრი ემოციები და წინააღმდეგობრივი გრძნობები. თითოეული საკუთარ ინტერესებზე იქნება ორიენტირებული, ამიტომ კომპრომისის მიღწევა უფრო გართულდება. გამორიცხული არ არის, რომ მოხუცი ნათესავის მოვლა მოგიწიოთ, რომელსაც მოულოდნელად ჯანმრთელობის პრობლემა შეექმნა.

მერწყული

ეს პერიოდი გონიერებას და ემოციების მართვის უნარს მოითხოვს, რათა პლანეტების გავლენები სასიკეთოდ გამოიყენოთ. ეს კვირა შესაძლებლობას მოგცემთ, რომ ურთიერთობები გადააფასოთ, მაგრამ გადაწყვეტილებების მიღებაში სიფრთხილე უნდა გამოიჩინოთ. თუ არსებობს გადაუჭრელი საკითხები, ჯობს ახლა მოაგვაროთ, რათა მომავალში არ გართულდეს. შეიძლება ფინანსური დავები კვლავ გააქტიურდეს. სწავლა, კომუნიკაცია, იდეების პოპულარიზაცია, მარკეტინგი და ლოგისტიკა წარმატებული იქნება.

თევზები

ამ დღეს მოულოდნელი აღიარებები და პირად ურთიერთობებში სწრაფი ცვლილებები გელით. ეს პერიოდი ხელსაყრელია ძალების აღდგენის, შემოქმედებითი საქმიანობის და გულწრფელი საუბრებისთვის. კვირის განმავლობაში მოსალოდნელია ძლიერი ემოციები, ვნებიანი ურთიერთობები და ფინანსური წარმატება. არსებობს დიდი შანსი, რომ ძველი პრობლემები საბოლოოდ მოაგვაროთ. ძველ მეგობართან შეხვედრა დამღლელი დღის საზრუნავს დაგავიწყებთ.

,,ხელისუფლებას დააბრალო, რომ მას უნდა საქართველოს მოქალაქეებს წაართვას უვიზო მიმოსვლა ევროკავშირთან, აბსურდულია”- მაკა ბოჭორიშვილი

ოლიტიკური მდგენელი ემატება შეჩერების მექანიზმებს, ანუ შესაძლოა დაემატოს ევროკავშირის გაუარესებული ურთიერთობა მესამე ქვეყანასთან და ეს შესაძლოა გახდეს ერთ-ერთი საფუძველი უვიზო მიმოსვლის რეჟიმის შეჩერების, – განაცხადა გადაცემაში „იმედის კვირა“ საქართველოს საგარეო საქმეთა მინისტრმა მაკა ბოჭორიშვილმა ევრობიუროკრატების მხრიდან პოლიტიკურ შანტაჟზე საუბრისას.

„ამ საკითხზე საინტერესო ის არის, რომ აჟიოტაჟი ატეხა იმ ხალხმა, ვინც დღე და ღამ მუშაობს იმისთვის, რომ სწორედ უვიზო რეჟიმი გამოიყენოს ევროკავშირმა პოლიტიკური შანტაჟის იარაღად საქართველოსთან მიმართებაში და ამისთვის არ იშურებენ ძალისხმევას საკუთარი პარტნიორების თუ მეგობრების მხრიდან, რომ ეს საკითხი იყოს დღის წესრიგში.

კარგად მახსოვს, როდესაც კანდიდატის სტატუსზე იყო საუბარი, იყო ხალხი ბრიუსელში, ვისაც ეგონა, რომ თუ კანდიდატის სტატუსს არ მიიღებდა საქართველო და ასეც გაკეთდა მაშინ, ეს გამოიწვევდა მასობრივ უკმაყოფილებას ქართულ საზოგადოებაში, რაც გახდებოდა საქართველოში ხელისუფლების შეცვლის საფუძველი. ასე მოაზროვნე ხალხი იყო ბიუროკრატებს შორის, ასე ფიქრობდნენ ვიღაცები. აქედან გამომდინარე გამორიცხული არ არის ვიღაც ფიქრობდეს, რომ ეს მექანიზმი შესაძლოა გამოყენებული იყოს შანტაჟის მექანიზმად”, – განაცხადა მინისტრმა.

მისი შეფასებით, ხელისუფლებას დააბრალო, რომ მას უნდა საქართველოს მოქალაქეებს წაართვას უვიზო მიმოსვლა ევროკავშირთან, აბსურდულია.

„მართლაც უსუსურად გამოიყურებიან, აღარ იციან რაზე ააგონ პოლიტიკური დღის წესრიგი და მსგავსი რაღაცების მოგონება კიდევ ერთხელ ხაზს უსვამს თუ რამდენად გამოუვალ მდგომარეობაში არიან, რომ ასეთ საკითხებს წევენ და მსგავს აბსურდულ ბრალდებებს უყენებენ საქართველოს ხელისუფლებას. არანაირ ლოგიკაში არ ჯდება, რომ ეს სურდეს საქართველოს ხელისუფლებას და სასაცილოც კი არის ამაზე საუბარი.

საქართველოს ხელისუფლებისთვის მიუღებელია ნებისმიერი საკითხით შანტაჟი და მათ შორის უვიზო რეჟიმის თემის გამოყენება საქართველოს წინააღმდეგ შანტაჟის მექანიზმად“, – აღნიშნა მაკა ბოჭორიშვილმა.

,, ტრამპს ესმის, რომ რუსეთი არ აწარმოებს მოლაპარაკებებს თავისი ტერიტორიის მთლიანობის შესახებ”- სერგეი ლავროვი

აშშ-ის პრეზიდენტმა, დონალდ ტრამპმა სიმართლე თქვა ყირიმის შესახებ, როდესაც აღნიშნა, რომ უკრაინამ ყირიმი მრავალი წლის წინ დაკარგა, ეს განხილვის საგანიც კი არ არის – ამის შესახებ რუსეთის საგარეო საქმეთა მინისტრმა, სერგეი ლავროვმა „სიბიეს ნიუსთან“ ინტერვიუში განაცხადა.

ლავროვის თქმით, ტრამპს ესმის, რომ რუსეთი არ აწარმოებს მოლაპარაკებებს თავისი ტერიტორიის მთლიანობის შესახებ.

„აშშ-ის პრეზიდენტმა, დონალდ ტრამპმა სიმართლე თქვა. რუსეთი არ აწარმოებს მოლაპარაკებებს თავისი ტერიტორიის მთლიანობის შესახებ. პრეზიდენტ ტრამპს ეს ესმის. ეს გადაწყვეტილი საქმეა“, – აღნიშნა ლავროვმა.

ამასთან, ლავროვის თქმით, რუსეთისა და აშშ-ის შეხვედრები მხარეებს საშუალებას აძლევს, უკეთ გაიგონ ერთმანეთის მიდგომები, ვაშინგტონს გულწრფელად სურს, გაიგოს მოსკოვის პოზიცია.

„დონალდ ტრამპის ადმინისტრაცია დაინტერესებულია ინტერესთა ბალანსის პოვნით. მათ გულწრფელად სურთ, უკეთ გაიგონ რუსეთის პოზიცია და ჩვენც უკეთ ვიგებთ ამერიკის პოზიციას მოლაპარაკებების, შეხვედრებისა და დისკუსიების საშუალებით, რომლებსაც ვატარებთ“, – განაცხადა ლავროვმა.

ამასთან, რუსეთის საგარეო საქმეთა მინისტრმა უარყო, რომ რუსული მხარე არ არის მზად რაიმე დათმობისთვის უკრაინის საკითხში.

კერძოდ, ჟურნალისტის კითხვაზე, რომ რუსეთი დღეს არ არის მზად რაიმე დათმობისთვის, ლავროვმა უპასუხა: „ეს ასე არ არის“.

„მოკლედ გიპასუხებთ: თქვენ არ ხართ მართალი. მე არაერთხელ გავუსვი ხაზი როგორც უკრაინის, ისე აშშ-თან სტრატეგიული ურთიერთობების მიმართ ჩვენს მზადყოფნას, ვეძებოთ ინტერესთა ბალანსი. თუ ეს არ არის ის, რასაც თქვენი ტელეკომპანია მიიჩნევს მოლაპარაკებებისთვის მზადყოფნად, მაშინ არ ვიცი, როგორ უნდა ვთქვა უფრო გასაგებად“, – აღნიშნა ლავროვმა.

რუსეთის საგარეო საქმეთა მინისტრმა განაცხადა, რომ მოსკოვს ვაშინგტონისგან არ მიუღია სანქციების გაუქმების შესახებ წინადადებები, მაგრამ აშშ დაინტერესებულია ერთობლივი ბიზნესის წარმოებით.

„ეს მათზეა დამოკიდებული“, – განმარტა სერგეი ლავროვმა.

,,მაშინ იყო ძალიან მძიმე ვითარება ქვეყანაში ყველა მიმართულებით”- ირაკლი კობახიძე 

პოლიტიკაში შემოვიდა ბატონი ბიძინა ივანიშვილი, რომელმაც გააკეთა განაცხადი ცვლილებებთან დაკავშირებით და საზოგადოება გაჰყვა სწორედ ამ გზავნილებს, –  ამის შესახებ საქართველოს პრემიერ-მინისტრმა ირაკლი კობახიძემ „იმედის კვირის“ ეთერში განაცხადა.

მთავრობის მეთაურის თქმით, მაშინ იყო ძალიან მძიმე ვითარება ქვეყანაში ყველა მიმართულებით.

„ეს ეხებოდა, პირველ რიგში,  ადამიანის უფლებებს, დემოკრატიას, სამართლის უზენაესობას, სამართლებრივი სახელმწიფოს პრინციპს. ყველა თვალსაზრისით იყო ურთულესი ვითარება და ასეთ დროს საზოგადოებას ჰქონდა ერთგვარად იმედიც კი გადაწურული, რომ ეს მდგომარეობა შეიძლებოდა შეცვლილიყო, თუმცა ზუსტად ამ დროს, პოლიტიკაში შემოვიდა ბატონი ბიძინა ივანიშვილი, რომელმაც გააკეთა განაცხადი ცვლილებებთან დაკავშირებით და საზოგადოება გაჰყვა სწორედ ამ გზავნილებს. იგივე, რომ ავიღოთ მდგომარეობა, როგორიც იყო მაგალითად სასჯელაღსრულების დაწესებულებებში, სადაც ფიქსირდებოდა სისტემური წამების პრაქტიკა, არაადამიანური მოპყრობა, დღეს ვითარება, ყველამ იცის, რომ არის რადიკალურად განსხვავებული. იგივე ხდებოდა ქუჩაშიც, სადაც, მაგალითად 150-ზე მეტი ადამიანი უბრალოდ ქუჩაში მოკლეს. ხშირ შემთხვევაში იყვნენ ადამიანები, რომლებსაც არავითარი კავშირი არ ჰქონდათ კრიმინალთან, თუმცა მათ იმეტებდნენ ძალიან მარტივად იმიტომ, რომ ეს იყო მაშინდელი რეჟიმის დაკვეთა“, –  განაცხადა პრემიერმა.

 ,,ევროინტეგრაცია რჩება უმთავრეს საგარეო პოლიტიკურ პრიორიტეტად”- პრემიერი

მიუხედავად იმისა, რომ კანდიდატის სტატუსი იყო მოაზრებული, როგორც შანტაჟის ინსტრუმენტი საქართველოს წინააღმდეგ, ჩვენ არც შანტაჟს დავექვემდებარეთ და თან კანდიდატის სტატუსი მივიღეთ, – ამის შესახებ საქართველოს პრემიერ-მინისტრმა ირაკლი კობახიძემ „იმედის კვირის“ ეთერში განაცხადა.

პრემიერის თქმით, ბუნებრივია, ევროინტეგრაცია რჩება უმთავრეს საგარეო პოლიტიკურ პრიორიტეტად.

„ჩვენ ვფიქრობთ, რომ 2030 წლისთვის საკმაოდ რეალური იქნება ამაზე ფიქრი, კერძოდ, 2030 წლისთვის  ჩვენ ვიქნებით ყველა კანდიდატ ქვეყანაზე მეტად მზად ევროკავშირში გასაწევრიანებლად. ყველა თვალსაზრისით, ეს ეხება, როგორც დემოკრატიას, ადამიანის უფლებებს, სამართლის უზენაესობას, ასევე – ეკონომიკას და ზოგად მზაობას ევროკავშირში გაწევრიანებისთვის. შესაბამისად, ჩვენ ძალიან ოპტიმისტურად ვუყურებთ ჩვენი ქვეყნის მომავალს ყველა კუთხით“, –  აღნიშნა ირაკლი კობახიძემ.

საქართველოს ნაკრები ევროპის გუნდური ჩემპიონატის გამარჯვებულია

საქართველოს ძიუდოისტთა ნაკრები შერეულ გუნდურ ჩათვლაში ევროპის ჩემპიონატის გამარჯვებულია. ტურნირის ფინალში ქართველი ძიუდოისტები იტალიის ნაკრებს დაუპირისპირდნენ და 4:0 გაიმარჯვეს.

პირველი 6 ბრძოლიდან გუნდებმა 3-3 ბრძოლა მოიგეს. საქართველოს ნაკრებიდან თავის შეხვედრები გამარჯვება მარიამ ჭანტურიამ, გურამ თუშიშვილმა და ეთერ ლიპარტელიანმა შეძლეს. საგულისხმოა, რომ იტალიელები 3:1 იგებდნენ, თუმცა საქართველოს ნაკრებმა ბოლო ორ ბრძოლაში, გურამ თუშიშვილისა და ეთერ ლიპარტელიანის გამარჯვებებით ანგარიშის გათანაბრება შეძლო. შესაბამისად, შემთხვევითობის პრინციპით გადამწყვეტი, მე-7 ბრძოლა ჩაინიშნა, რომლის ბედიც +70 კგ.

წონით კატეგორიაში სოფიო სომხიშვილს ერგო. სომხიშვილმა იტალიელ მეტოქესთან პირველი ბრძოლა წააგო, თუმცა, გადამწყვეტ ბრძოლაში რამდენიმე წამში შეძლო შედეგიანი გდების გაკეთება, რის შედეგადაც საქართველოს ნაკრებს ისტორიაში მესამედ ერგო ევროპის ჩემპიონის ტიტული.

ფინალამდე, საქართველოს ნაკრები ნახევარფინალში გერმანიის ნაკრებს შეხვდა და 4:0 დაამარცხა, 1/4 ფინალში ავსტრიას 4:1 მოუგო, 1/8 ფინალში კი აზერბაიჯანის ნაკრებს 4:0 სძლია.

,,2012 წლამდე ქვეყანას სრულად ჰქონდა დაკარგული სუვერენიტეტი”- ირაკლი კობახიძე

დღეს საქართველო არის დამოუკიდებელი და სუვერენული, როგორც არასდროს. ესეც არის ერთ-ერთი მთავარი მიღწევა, რაც ჩვენს ქვეყანას აქვს 2012 წლის შემდეგ, – ამის შესახებ საქართველოს პრემიერ-მინისტრმა ირაკლი კობახიძემ გადაცემა „იმედის კვირაში” განაცხადა.

პრემიერის თქმით,  2012 წლამდე ქვეყანას სრულად ჰქონდა დაკარგული სუვერენიტეტი.

„ჩვენ გვიწევდა ძალდატანებული კოჰაბიტაციის რეჟიმში ცხოვრება წლების განმავლობაში. რაღაც დონეზე დღემდე შენარჩუნდა ეს რეჟიმი, თუმცა, დღეს გვაქვს რადიკალურად განსხვავებული ვითარება. ამას ბუნებრივია, დრო დასჭირდა. დღეს ჩვენ გვაქვს იმის საშუალება, რომ ბოლომდე დავამტკიცოთ ჩვენი დამოუკიდებლობა და სუვერენიტეტი. წლიდან წლამე მივდიოდით ჩვენ აქამდე. დღეს საქართველო არის დამოუკიდებელი და სუვერენული, როგორც არასდროს. ესეც არის ერთ-ერთი მთავარი მიღწევა, რაც ჩვენს ქვეყანას აქვს 2012 წლის შემდეგ. 2012 წლამდე ქვეყანას სრულად ჰქონდა დაკარგული სუვერენიტეტი. 9 წლის განმავლობაში ქვეყანას მართავდა უცხოური აგენტურა. დღეს არის ფუნდამენტურად განსხვავებული ვითარება, როდესაც ქვეყანამ დაიბრუნა რეალური სუვერენიტეტი და დამოუკიდებლობა”, – განაცხადა პრემიერმა.

1...456...2,714Page 5 of 2,714
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი