კახი კალაძეს ალტერნატივა არ ჰყავს, ორი ვადით მას უკვე იმდენი საქმე აქვს გაკეთებული, რაც ერთად აღებული სხვა ყველა დანარჩენ მერს არ აქვს თბილისის უახლეს ისტორიაში გაკეთებული, – ამის შესახებ „ქართული ოცნების“ წევრმა, არჩილ გორდულაძემ განაცხადა.

მისი თქმით, ინფრასტრუქტურული პროექტები თუ სოციალური საკითხები უალტერნატივო და მასშტაბურია.

„კახა კალაძე თავისი შემოსავლების მნიშვნელოვან ნაწილს ქველმოქმედებას ახმარას. ეს არის პიროვნება, რომელიც ადგილობრივი თვითმმართველობის არჩევნებში დამაჯერებლად გაიმარჯვებს. ამავდროულად, განაგრძობს თბილისის მოსახლეობაზე ზრუნვას. რაც შეეხება ბატონი კახის, როგორც მერობის კანდიდატის გეგმებს, ამაზე უახლოეს მომავალში საზოგადოებისთვის გახდება ცნობილი. რაც მთავარია, ერთი ამომავალი პრინციპია, რომ ზრუნვა თბილისის მოსახლეობაზე კვლავ გაგრძელდება. კვლავ გაგრძელდება ის ინფრასტრუქტურული პროექტები, რომელიც არაერთი განხორციელდა თბილისის მასშტაბით. ამავდროულად, გაგრძელდება დაზარალებულების თუ სხვა პირების დახმარებები“, – განაცხადა გორდულაძემ.

„ნაციონალური მოძრაობა“ კრიმინალური სინდიკატია. ლაშა ცანავა ამ პარტიის მსხვილი შემომწირველია, როგორც ჩანს, კრიმინალური გზით ნაშოვნი ფულით, – ამის შესახებ საპარლამენტო უმრავლესობის წევრმა, რატი იონათამიშვილმა განაცხადა.

მისივე თქმით, საზოგადოებისთვის გასაკვირი არ არის „ნაციონალური მოძრაობის“ წევრების კრიმინალური ქმედებები.

„„ნაციონალური მოძრაობა“ კრიმინალური სინდიკატია. შესაბამისად, კრიმინალური საქმიანობა ამ პარტიის წევრების, მით უმეტეს პოლიტსაბჭოს წევრების მხრიდან ჩვენს საზოგადოებას ნამდვილად არ უკვირს. აქ საინტერესოა, რომ ეს ბატონი „ნაციონალური მოძრაობის“ მსხვილი შემომწირველი ბრძანდება და, როგორც ჩანს, კრიმინალური გზით ნაშოვნი ფულით. ესეც არ გვიკვირს, საზოგადოებას გავახსენებ, რომ „ნაციონალური მოძრაობა“ და რადიკალური ოპოზიცია ზუსტად ის კრიმინალური სინდიკატია, რომელიც იკვებება კეზერაშვილის თანხებით, რომელიც ძარცვავდა ქართულ ჯარსა და ევროპელ პენსიონერებს. ეს არის მთლიანად სახე „ნაციონალური მოძრაობის“, რადიკალური ოპოზიციის და იმ ადამიანების, ვინც დღეს ჩვენს ქვეყანას ებრძვიან და მტრობენ“, – განაცხადა იონათამიშვილმა.

 სუს-მა ბინადრობის ნებართვის სანაცვლოდ უცხო ქვეყნის მოქალაქის ფულადი თანხის მოტყუებით დაუფლების ფაქტზე „ნაციონალური მოძრაობის“ პოლიტიკური საბჭოს წევრი, ლაშა ცანავა დააკავა.

„ნაციონალურ მოძრაობას“ ხელს რომ ართმევს ზოგიერთი ელჩი; ევროპის სახალხო პარტია, მიხეილ სააკაშვილისთვის ცარიელ სკამს რომ გამოყოფს-ხოლმე, ხომ აჩვენებს სინამდვილეში, რა უნდა ზოგიერთ უცხოელს ჩვენთვის – უნდათ, რომ გაგვიმეორონ 90-იანები, – განაცხადა საქართველოს პარლამენტის თავმჯდომარე შალვა პაპუაშვილმა ჟენევაში, ჟურნალისტებთან საუბრისას.

მან კომენტარი გააკეთა ლევან ხაბეიშვილის განცხადებაზე, რომ „4 ოქტომბერი არის ბუნებრივი თარიღი, როდესაც საქართველოს მოქალაქეები გარეთ უნდა გავიდნენ“. თინა ბოკუჩავამ კი ხაბეიშვილს უპასუხა, რომ „რევოლუციების თარიღები ასე წინასწარ არ ცხადდება, ბუნებრივად უნდა მოხდეს“. კითხვაზე, ეს ერთგვარი დაპირისპირება ხომ არ ადასტურებს იმას, რომ „ნაცმოძრაობაში“ ერთმანეთს უკვე საჯაროდაც აღარ ინდობენ, პაპუაშვილმა განაცხადა, რომ აქ არსში დაპირისპირება არ არის, თარიღების ტაქტიკა აქვთ, შესაძლოა სხვაგვარი.

„ნაციონალური მოძრაობის“ ორივე ლიდერი გამოვიდა და დაადასტურა, რომ მათი მიზანია ხელისუფლების ძალადობრივი შეცვლა. არა არჩევნები, არა დემოკრატიული გზა, არამედ ხელისუფლების ძალადობრივი შეცვლაა მათი მიზანი. ორივე ლიდერმა ეს დაადასტურა.

ახლა ამ პარტიას ხელს რომ ართმევს ზოგიერთი ელჩი, ევროპის სახალხო პარტია, მიხეილ სააკაშვილისთვის ცარიელ სკამს რომ გამოყოფს-ხოლმე, ხომ აჩვენებს სინამდვილეში, რა უნდა ზოგიერთ უცხოელს ჩვენთვის. უნდათ, რომ გაგვიმეორონ 90-იანები აქ – თავის ყველაფრით, შიდა და გარე დაპირისპირებით. რა თქმა უნდა, ამას არ უშვებს საქართველო. ეს იყო სწორედ 26 ოქტომბერს ქართველი ხალხის პასუხი ყველა ამ ქართველისა და უცხოელისთვის, ვინც აქ ქუჩის ომების მოწყობას გვიპირებდა. ვნახეთ, ამ ქუჩის ომის იმიტაციაც შარშან, დეკემბერში, როდესაც მაშხალები დაიჭირეს ხელში და ლამის ტყვიამფრქვევივით ესროდნენ პოლიციელებს. ერთი ევროპელი ელჩი ვერ მოვძებნეთ დღისით, სანთლის შუქზე, რომ ერთს მაინც დაეგმო ეს ძალადობა პოლიციაზე, საქართველოს პარლამენტზე! დღემდე ევროკავშირის ელჩი ჩუმად არის, მაშინ, როდესაც მისი დაფინანსებული ადამიანები წვავდნენ პარლამენტს და თავს ესხმოდნენ პოლიციას“, – განაცხადა პაპუაშვილმა.

ცალსახად, გადაჭრით და პირდაპირ ითქვა, რომ „ქართული ოცნების“ მერობის კანდიდატი კახა კალაძე იქნება. ასე, რომ ალბათ ამ თემაზე დისკუსია უნდა დაიხუროს, – ამის შესახებ საპარლამენტო უმრავლესობის წევრმა, თენგიზ შარმანაშვილმა განაცხადა.

შარმანაშვილს კითხვა დაუსვეს, როგორ შეაფასებდა ოპოზიციაში გაკეთებულ განცხადებებს, რომ „ქართული ოცნება“ კახა კალაძეს თუ დაასახელებს, მათ კანდიდატის დასახელება გაუმარტივდებათ, რაზეც შარმანაშვილმა უპასუხა:

„დაასახელონ გამარტივებულად კანდიდატი და შემდეგ ამ კანდიდატზე ყველამ ერთად ვიცინოთ“.

საქართველოში უცხოური დაფინანსების გამჭვირვალობის ნაკლებობის შედეგები ვიხილეთ, რომლის მიზანსაც პოლიტიკურ პარტიებსა და არასამთავრობო ორგანიზაციებში უცხოური ინტერესების ჩანერგვა და არეულობის წახალისება წარმოადგენდა – პარადოქსულია, რომ ისეთი ტრადიციული ღირებულებები, როგორიცაა სუვერენიტეტი, დამოუკიდებლობა და დემოკრატია, დღესდღეობით ყველაზე დიდი ინოვაციაა, – ეს განცხადება პარლამენტის თავმჯდომარემ შალვა პაპუაშვილმა ჟენევაში, პარლამენტების თავმჯდომარეთა მსოფლიო კონფერენციის (IPU) ფარგლებში პანელურ დისკუსიაზე სიტყვით გამოსვლისას გააკეთა.

როგორც პაპუაშვილმა აღნიშნა, საქართველოს მთავრობა რჩება საქართველოს ტერიტორიული მთლიანობის მხოლოდ მშვიდობიანი გზით აღდგენის ერთგული და კონცენტირებულია ომით დაზარალებული საზოგადოებების შერიგებასა და ჩართულობაზე.

მისივე თქმით, სამშვიდობო ინიციატივები თანდათან ნდობის საფუძველს ქმნის, რაც მშვიდობის პირველ მნიშვნელოვან კომპონენტს წარმოადგენს.

“ევროპისა და აზიის გზაჯვარედინზე მდებარე საქართველო დაძაბულობითა და არასტაბილურობით ცნობილ რეგიონს მიეკუთვნება და მშვიდობის მიღწევის მუდმივი გამოწვევების წინაშე დგას. ომისა და ოკუპაციის გამოცდილების მიუხედავად, ჩვენ ავირჩიეთ მშვიდობის, რეფორმების, დემოკრატიული განვითარებისა და ინოვაციების გზა.

გვჯერა, რომ ძლიერი დემოკრატიული ინსტიტუტები არასტაბილურობისგან დაცვის მნიშვნელოვანი საშუალებაა და ამ მიმართულებით წინსვლისთვის ბევრი ნაბიჯი გადავდგით.

სამწუხაროდ, დღესდღეობით მშვიდობის მიღწევის გზაზე არსებული საფრთხეები მოიცავს არა მხოლოდ ომებსა და კონფლიქტებს, არამედ სერიოზულ გამოწვევებს, რომლებიც ერების სუვერენიტეტის უპატივცემულობისა და მათ შიდა საქმეებში ჩარევიდან მომდინარეობს.

საქართველოში ჩვენ ვიხილეთ უცხოური დაფინანსების გამჭვირვალობის ნაკლებობის შედეგები, რომლის მიზანსაც პოლიტიკურ პარტიებსა და არასამთავრობო ორგანიზაციებში უცხოური ინტერესების ჩანერგვა, არეულობის წახალისება და დემოკრატიულად არჩეული ხელისუფლების დასამხობად ძალადობრივი დემონსტრაციების ხელშეწყობა წარმოადგენდა.

ხანგრძლივი მხოლოდ დემოკრატიული მშვიდობაა. ის უნდა ეფუძნებოდეს გამჭვირვალობას, ანგარიშვალდებულებასა და სამართლიანობას. მშვიდობა ეფუძნება არა მხოლოდ სამხედრო კონფლიქტების არარსებობას, არამედ ერების სუვერენიტეტის, მათი ეროვნული ინტერესების, კულტურისა და ტრადიციების პატივისცემას.

პარადოქსულია, რომ ისეთი ტრადიციული ღირებულებები, როგორიცაა სუვერენიტეტი, დამოუკიდებლობა და დემოკრატია, დღესდღეობით ყველაზე დიდი ინოვაციაა.

კიდევ ერთხელ ვადასტურებ მზაობას, ვითანამშრომლოთ თითოეულ თქვენგანთან ყველა იმ ინიციატივაზე, რომლებიც მიზნად ისახავს ისეთი მომავლის შექმნას, სადაც მშვიდობა, სუვერენიტეტი და დემოკრატია საერთო და დაფასებული რეალობაა“, – განაცხადა შალვა პაპუაშვილმა.

საქართველოში ჩვენ ვიხილეთ უცხოური დაფინანსების გამჭვირვალობის ნაკლებობის შედეგები, რომლის მიზანსაც პოლიტიკურ პარტიებსა და არასამთავრობო ორგანიზაციებში უცხოური ინტერესების ჩანერგვა, არეულობის წახალისება და დემოკრატიულად არჩეული ხელისუფლების დასამხობად ძალადობრივი დემონსტრაციების ხელშეწყობა წარმოადგენდა,- განაცხადა საქართველოს პარლამენტის თავმჯდომარე შალვა პაპუაშვილმა ჟენევაში, პარლამენტების თავმჯდომარეთა მსოფლიო კონფერენციის (IPU) ფარგლებში პანელურ დისკუსიაზე სიტყვით გამოსვლისას.

როგორც პარლამენტის თავმჯდომარემ აღნიშნა, დემოკრატიული მშვიდობაა უნდა ეფუძნებოდეს გამჭვირვალობას, ანგარიშვალდებულებასა და სამართლიანობას.

,,ხანგრძლივი, მხოლოდ დემოკრატიული მშვიდობაა. ის უნდა ეფუძნებოდეს გამჭვირვალობას, ანგარიშვალდებულებასა და სამართლიანობას. მშვიდობა ეფუძნება არა მხოლოდ სამხედრო კონფლიქტების არარსებობას, არამედ ერების სუვერენიტეტის, მათი ეროვნული ინტერესების, კულტურისა და ტრადიციების პატივისცემას. პარადოქსულია, რომ ისეთი ტრადიციული ღირებულებები, როგორებიცაა სუვერენიტეტი, დამოუკიდებლობა და დემოკრატია, დღესდღეობით ყველაზე დიდი ინოვაციაა.

კიდევ ერთხელ ვადასტურებ ჩვენს მზაობას, ვითანამშრომლოთ თითოეულ თქვენგანთან ყველა იმ ინიციატივაზე, რომლებიც მიზნად ისახავს ისეთი მომავლის შექმნას, სადაც მშვიდობა, სუვერენიტეტი და დემოკრატია საერთო და დაფასებული რეალობაა“, – განაცხადა შალვა პაპუაშვილმა.