ვერძი

ამ დღეს მნიშვნელოვანია საკუთარი მოქმედებები აკონტროლოთ და შეცდომები თავიდან აიცილოთ. გაითვალისწინეთ, რომ ერთმა პატარა შეცდომამაც კი შეიძლება გააფუჭოს შთაბეჭდილება, რომლის მოხდენასაც ცდილობთ. მოერიდეთ ადამიანებს, რომლებიც თქვენით მანიპულირებას ცდილობენ – ისინი ამ დღეს უჩვეულოდ აქტიურდებიან. გირჩევთ, ნაკლები ილაპარაკოთ და მეტი მოისმინოთ. გუნდურად მუშაობა ნაყოფიერი და წარმატებული იქნება.

კურო

ეს დღე რომ წარმატებული იყოს, სამოქმედო გეგმა უნდა შეადგინოთ და ნაბიჯ-ნაბიჯ მიჰყვეთ. მცირე უსიამოვნებებმა შეიძლება განწყობა გაგიფუჭოთ და ემოციური სტრესი გაზარდოს. გირჩევთ საკუთარი ქმედებები და შესრულებული სამუშაო საგულდაგულოდ აკონტროლოთ – ამ დღეს შეცდომების დაშვების უფლება არ გაქვთ. გარშემომყოფების ჩარევამ შეიძლება მნიშვნელოვანი გადაწყვეტილების მიღებაში ხელი შეგიშალოთ.

ტყუპები

მოერიდეთ ახალი საქმის დაწყებას, სანამ ძველი არ დაგისრულებიათ. შესაძლოა, მეგობრების დახმარებით იპოვოთ პასუხი კითხვაზე, რომელიც დიდი ხანია გაწუხებთ. გირჩევთ, საკუთარ პროექტში კოლეგები ან ის ადამიანები ჩართოთ, რომლებსაც ყველაზე მეტად ენდობით – ისინი დავალებას შესანიშნავად გაუმკლავდებიან. სასურველია, რომ ცოტა ხნით განმარტოვდეთ და საკუთარ ინტუიციას უსმინოთ.

კირჩხიბი

თქვენს წამოწყებას თავიდანვე უამრავი სირთულე და დაბრკოლება ელის. თუ სირთულეების მიუხედავად არ დანებდებით, მიზანს აუცილებლად მიაღწევთ. ეცადეთ, ვარსკვლავების კეთილგანწყობა თქვენთვის სასარგებლოდ გამოიყენოთ და თაროზე შემოდებული, გაჭიანურებული საქმეები დაასრულოთ. წარუმატებლობის შემთხვევაში, ეცადეთ, ბრაზი უდანაშაულო ადამიანებზე არ იყაროთ.

ლომი

თუ მოინდომებთ, ამ დღეს შეიძლება ძალიან საჭირო და სასარგებლო ადამიანების კეთილგანწყობა და მხარდაჭერა მოიპოვოთ. სევდიანი მოგონებები და წარსულის შეცდომებზე ფიქრი მუშაობაში ხელს გიშლით. გამონახეთ დრო საყვარელ ადამიანთან გულწრფელი საუბრისთვის – ეს ახლა ორივეს გჭირდებათ. გირჩევთ, წვრილმან უსიამოვნებებს დიდი მნიშვნელობა არ მიანიჭოთ, მით უმეტეს, რომ ხვალ მათ სხვა თვალით შეხედავთ. საკუთარ ჯანმრთელობას მეტი ყურადღება მიაქციეთ – იარეთ ფეხით და სწორად იკვებეთ.

ქალწული

დღის პირველი ნახევარი დაძაბული და ემოციურად რთული იქნება. ნათესავებთან დაპირისპირება და სამსახურში მოულოდნელი უსიამოვნებები გელით. ეცადეთ, რომ მარტივ და ნაცნობ აქტივობებს მეტი დრო დაუთმოთ. ამ დღეს ნებისმიერი ახალი საქმე ჩვეულებრივზე რთული იქნება. მარტოობა არ გემუქრებათ! პირიქით, თქვენ გვერდით ყოფნისთვის ნამდვილი კონკურსია გამოცხადებული. ეცადეთ ეს შესაძლებლობა სწორად გამოიყენოთ.

სასწორი

ამ დღეს საკუთარ პრობლემებზე საუბრისა და გულწრფელობისგან თავის შეკავება ჯობს. სირთულეების მიუხედავად, ეცადეთ, ნებისყოფა გამოიჩინოთ და გარშემო მყოფების მიმართ პოზიტიური დამოკიდებულება შეინარჩუნოთ. ამ დღეს თქვენი ამოცანა ახლობელი ადამიანის დახმარებაა. ეცადეთ, მოთმინებით მოუსმინოთ და პრაქტიკული რჩევებით დაეხმაროთ. დასკვნების გამოტანამდე მეტი ინფორმაცია უნდა მოაგროვოთ. როდესაც მომხდარის ნამდვილ მიზეზებს გაიგებთ, შესაძლოა, აზრი შეიცვალოთ.

მორიელი

ამ დღეს რთული და მოსაწყენი საქმეების კეთება მოგიწევთ. დავალების სწრაფად შესრულებაში კოლეგები ან მეგობრები დაგეხმარებიან. მოულოდნელი სიახლე გეგმების შეცვლას გაიძულებთ. ეცადეთ, გარემოებებს მოერგოთ და ახალი, მოგებიანი შესაძლებლობები იპოვოთ. გირჩევთ, საღამო სასიამოვნო ადამიანების გარემოცვაში გაატაროთ, სტუმრად წახვიდეთ და მხიარულ ადამიანებთან ერთად გაერთოთ.

მშვილდოსანი

ამ დღეს ჩანაფიქრის განხორციელებისთვის პრინციპულობა და შეუპოვრობა უნდა გამოიჩინოთ. კოლეგებთან ურთიერთობა სასიამოვნოა და სავსეა სიურპრიზებით. ხელსაყრელი დღეა მოლაპარაკებების ან ურთიერთობების გარკვევისთვის. საკუთარი აზრების გამოხატვას და თანამოსაუბრის მოხიბვლას ადვილად ახერხებთ. ნებისმიერი საქმე, სადაც ურთიერთობების ცოდნაა საჭირო, თქვენი სრული გამარჯვებით დასრულდება.

თხის რქა

ემოციური თვალსაზრისით რთული დღეა, ამიტომ მნიშვნელოვანია, საკუთარი სიტყვები აკონტროლოთ და საყვარელ ადამიანებთან ურთიერთობა არ გაიფუჭოთ. კარგი განწყობა ნაყოფიერ მუშაობაში დაგეხმარებათ. ეცადეთ, თქვენ გარშემო მიმდინარე მოვლენებს ოპტიმისტურად შეხედოთ. ვარსკვლავები გირჩევენ, ახლობელ ადამიანებთან ურთიერთობაში არსებული პრობლემების გადასაჭრელად დრო გამონახოთ – გულწრფელი საუბარი ნებისმიერ გაუგებრობას გააქრობს.

მერწყული

ამ დღეს განწყობა მარტის ამინდივით სწრაფად გეცვლებათ, რაც მუშაობაში ხელს გიშლით. შესაძლოა, პარტნიორმა იმედები გაგიცრუოთ, მაგრამ ეს სამყაროზე გაბრაზების უფლებას არ გაძლევთ. სერიოზული გადაწყვეტილების მიღებამდე ეცადეთ, მომხდარის მიზეზი გაარკვიოთ. თავი შორს დაიჭირეთ ნეგატიურად განწყობილი ადამიანებისგან.

თევზები

წვილმანებს იმაზე მეტ ყურადღებას აქცევთ, ვიდრე საჭიროა და ამასობაში შეიძლება მნიშვნელოვანი მოვლენები ვერ შენიშნოთ. კარგი დღეა ძველი და უსიამოვნო საკითხის მოსაგვარებლად, რომელიც გამუდმებით თავს გახსენებთ. თქვენი სიტყვა ან საქციელი შეიძლება თქვენს კარიერასა და ფინანსურ შემოსავალზე აისახოს, ამიტომ ეცადეთ, მეტი სიფრთხილე და წინდახედულობა გამოიჩინოთ.

ქვეყნის მომავლის მშენებლობის საქმეში ემიგრაციის როლზე ისაუბრა ჟურნალისტებთან საუბრისას საპარლამენტო უმრავლესობის წევრმა სოზარ სუბარმა, რომელიც სალონიკიში ემიგრანტებს შეხვდა.

სოზარ სუბარის თქმით, ემიგრანტები განსაკუთრებულად გრძნობენ სამშობლოს განსაცდელს.

„დღეს საქართველოს გადის ბეწვის ხიდზე – შევინარჩუნებთ მშვიდობას, თუ არა. ამაზეა დამოკიდებული იარსებებს თუ არა საქართველო და ეს კარგად აქვს გასიგრძეგანებული ყველა ემიგრანტს. განსაკუთრებით ემიგრანტებს, რომლებიც მოწყვეტილები არიან სამშობლოს. მე იმედი მაქვს, რომ ეს ოფისი გააგრძელებს ფუნქციონირებას მას შემდეგაც, რაც არჩევნები ჩაივლის და ეს იქნება ერთგვარი ხიდი სამშობლოსა და სამშობლოს დროებით მოწყვეტილ ადამიანებს შორის,“ – განაცხადა სოზარ სუბარმა.

ევროპარლამენტარმა დანილო დელა ველემ მედიასთან საქართველოს საპარლამენტო არჩევნებში გარე ჩარევის დაუშვებლობაზე ისაუბრა.

ევროპარლამენტარს მიაჩნია, რომ ქართველ ხალხს უნდა მიეცეს უფლება, თავად გადაწყვიტოს საკუთარი მომავალი.

„იმედის კვირამ“ ევროპარლამენტარს გარე ჩარევის თავიდან არიდების მნიშვნელობის შესახებ დაუსვა კითხვა: „26 ოქტომბრის არჩევნების მოახლოებასთან ერთად , როგორ ფიქრობთ, არის თუ არა გადამწყვეტი მნიშვნელობის, რომ თავიდან ავირიდოთ ყველა ფორმის გარე ჩარევა, რომელმაც შესაძლოა ძირი გამოუთხაროს საქართველოს დემოკრატიულ პროცესებს? რა ზომები უნდა მიიღოს ევროკავშირმა იმისათვის რომ მხარი დაუჭიროს გამჭვირვალობის პროცესს ისე, რომ არ გამოიწვიოს უარყოფითი გავლენები, რაც საბოლოოდ რუსეთს მოუტანს სარგებელს?“

პასუხად ევროპარლამენტარმა განაცხადა:

„ვფიქრობ, ძალიან მარტივად – მიეცით უფლება ქართველ ხალხს რომ თავად გადაწყვიტონ საკუთარი მომავალი. არცერთი ქვეყანა არ უნდა ერეოდეს სხვა ქვეყანაში, არც შიგნით, არც გარეთ. არც რუსეთი, არც ევროკავშირი და არც ამერიკის შეერთებული შტატები არ უნდა ერეოდეს სხვა ქვეყნის არჩევნებში.“

ცალსახაა, არანაირი სამართლებრივი საფუძველი არ აქვთ, რომ “ქართული ოცნების“ საარჩევნო კლიპი არ გაუშვან. ეს არის აბსოლუტური თვითნებობა და კანონის დარღვევა, რომელსაც სამი ტელევიზია სჩადის, – ამის შესახებ საქართველოს პარლამენტის თავმჯდომარემ შალვა პაპუაშვილმა მედიასთან განაცხადა.

კერძოდ, პაპუაშვილმა კომენტარი გააკეთა სამი ტელევიზიის განცხადებაზე, რომლის თანახმად, „შესაძლო ჯარიმების დაკისრების საფრთხის მიუხედავად, ისინი არ აპირებენ ხელი შეუწყონ “”ქართული ოცნების” რუსულ პროპაგანდას და უკრაინელი ხალხის დაცინვას” და უარს აცხადებენ ვიდეორგოლების ეთერში განთავსებაზე.

პაპუაშვილმა წუხილი გამოთქვა და აღნიშნა, რომ არასამთავრობო ორგანიზაციებისა და ტელევიზიების აღნიშნული განცხადებების საფუძველი სწორედ საქართველოში ევროკავშირის ელჩის, პაველ ჰერჩინკის განცხადება გახდა.

პაპუაშვილი იმედოვნებს, რომ როგორი თამამიც იყო ელჩი ჰერჩინსკი სარეკლამო რგოლის შეფასებაში, ასევე თამამი იქნება საარჩევნო დარღვევის შეფასებაშიც.

„კანონის დარღვევა რა თქმა უნდა, შედეგს იწვევს. საგზაო მოძრაობაში არსებობს სიჩქარის ლიმიტი. ლიმიტს თუ გადააჭარბებთ, არის სანქციები. იმისთვის, რომ სანქციები არ იყოს, კანონს უნდა დაემორჩილოს და სიჩქარის ლიმიტს არ გადააჭარბოს. იგივე არის ამ შემთხვევაში. ცალსახაა, არანაირი სამართლებრივი საფუძველი არ აქვთ, რომ “ქართული ოცნების“ საარჩევნო კლიპი არ გაუშვან. ეს არის აბსოლუტური თვითნებობა და კანონის დარღვევა, რომელსაც სამი ტელევიზია სჩადის. ეს აჩვენებს ერთ რამეს, რომ უნდათ „ქართული ოცნებისთვის“ არათანაბარი საარჩევნო პირობები შექმნან.

ამავე დროს, სამწუხაროა და ჩვენ ვნახეთ, როგორც ტელევიზიების, ისევე არასამთავრობოების განცხადებაში, საფუძვლად აღებული იყო არა საქართველოს კანონმდებლობა, არამედ ევროკავშირის ელჩის განცხადება. ეს იმის დასტურია, რომ არჩევნებში საგარეო ჩარევას მავნე შედეგი აქვს. კერძოდ, ამ შემთხვევაში, ევროკავშირის ელჩის განცხადებამ გამოიწვია “ქართული ოცნების“ წინააღმდეგ კანონის დარღვევა, მათ შორის გამოიწვია ევროკავშირის მიერ დაფინანსებული NGO-ების მხრიდან ამის გამართლება. ამიტომ, როგორი თამამიც იყო ევროკავშირის ელჩი ამ სარეკლამო რგოლის შეფასებაში, იმედია, ასევე თამამი იქნება ის საარჩევნო დარღვევის შეფასებაში და ევროკავშირის მიერ დაფინანსებული არასამთავრობოების მხრიდან კანონდარღვევის გამართლების დაგმობაში“, – განაცხადა პაპუაშვილმა.

ამასთან, პარლამენტის თავმჯდომარის შეფასებით, ამ საკითხზე არასამთავრობო ორგანიზაციების ერთობლივი შეფასება მათ პარტიულობას ადასტურებს.

„ეს არის ადგილობრივი სადამკვირვებლო ორგანიზაციებისგან მათ პარტიულობის პირდაპირი დასტური, ვინაიდან, ისინი ამას არათუ დარღვევას ისე ასახავენ, არამედ ახალისებენ და იწონებენ ამ დარღვევას. გავეცანი ამ ფაქტთან დაკავშირებით არასამთავრობო ორგანიზაციების ერთობლივ შეფასებას. ეს ის NGO-ები არიან, რომლებმაც 2020 წლის 4 ნოემბერს ყალბი დასკვნა გამოაქვეყნეს საპარლამენტო არჩევნებთან დაკავშირებით. ვგულისხმობ, საია-ს, „გამჭვირვალობას“, „სამართლიან არჩევნებს“ და სხვებს. ყალბი დასკვნა, რომელშიც ისინი პარალელური დათვლის ყალბ შედეგებს იშველიებდნენ ისე, თითქოს არჩევნების შედეგები გვიან გამოქვეყნდა. თითქოს უბნების 8%-ში დისბალანსი იყო. აი, ამ ყალბი დასკვნის საფუძველზე ოპოზიციას რევოლუციურ სცენარის განვითარებისთვის საბაბი მისცეს. ახლაც ვხედავთ, თუ საით მიდიან ეს NGO-ები. ეს არის პირველი ყალბი დასკვნა ამ არჩევნებთან დაკავშირებით, რაც ჩვენ ახლა ვნახეთ, სადაც თუ არ ვცდები, 20-მდე არასამთავრობო ორგანიზაციამ პირდაპირ ყალბი დასკვნა გამოაქვეყნა და მოუწოდა, რომ სარეკლამო საარჩევნო რგოლი არ გაუშვან და ეს დარღვევა გაამართლა. ეს აჩვენებს, თუ რისთვის ემზადება ე.წ. ადგილობრივ დამკვირვებელთა ჯგუფი ამ არჩევნებზე. მოლოდინი არის, რომ 26 ოქტომბერს, დღის ბოლოს ან 27 ოქტომბერს იგივე სიყალბე იქნება“,- განაცხადა პაპუაშვილმა.

ჩვენ ინგლისურად კი გვქვია „ჯორჯია“, მაგრამ ჩვენ არ ვართ აშშ-ის შტატი ჯორჯია – ვერავინ გარედან საქართველოს შიდა საქმეებში ვერ ჩაერევა, – ამის შესახებ საქართველოს პარლამენტის თავმჯდომარემ, შალვა პაპუაშვილმა.

შალვა პაპუაშვილმა ისაუბრა ამერიკის შეერთებული შტატების მიერ განსაკუთრებულ დავალებათა დეპარტამენტის უფროსის, ზვიად ხარაზიშვილისა და მის მოადგილისთვის, მილერი ლაგაზაურისთვის დაწესებულ სანქციებზე და განაცხადა, რომ ეს „ იყო ტიპური დახურულ კარს მიღმა მიღებული გადაწყვეტილება“.

შალვა პაპუაშვილმა სანციებთან დაკავშირებით აშშ-ს გადაწყვეტილებას „თვითნებური და დაუსაბუთებელი“ უწოდა.

„რაც შეეხება ჩვენს პოლიციელებს, ის ბრალდებები, რომელიც ჩვენ მოვისმინეთ, არის უსაფუძვლო, ვერავინ ვერ ნახა მათ წინააღმდეგ წამოყენებული პრეტენზიების მტკიცებულება, მათ არ მიეცათ სამართლიანი სასამართლოს უფლება, მათ არ მიეცათ დაცვის უფლება. არცერთი რაიმე ფაქტი ან პრეტენზია, თუკი აქვს აშშ-ს, გასაჯაროებული არ იქნა. ამიტომ, ეს იყო ტიპური დახურულ კარს მიღმა მიღებული გადაწყვეტილება, რომელსაც არანაირი სამართლებრივი საფუძველი არ აქვს.

რაც შეეხება გადაწყვეტილებებს აშშ-ში, ჩვენ ინგლისურად კი გვქვია „ჯორჯია“, მაგრამ ჩვენ არ ვართ აშშ-ის შტატი ჯორჯია. ჩვენ ვართ დამოუკიდებელი სახელმწიფო – საქართველო, ჩვენი კონსტიტუციით, ჩვენი კანონმდებლობით და საქართველოში მოქმედებს საქართველოს იურისდიქცია. ვერავინ გარედან საქართველოს შიდა საქმეებში ვერ ჩაერევა მართლმსაჯულების მხრივ. თუკი აქვთ რაიმე პრეტენზია, მტკიცებულება საქართველოს რომელიმე მოქალაქესთან დაკავშირებით, ეს უნდა წარმოადგინონ.

ჩვენ, როგორც ადრე, გახსოვთ მოსამართლეებთან დაკავშირებით, ასევე, ახლა, ყოველ ჯერზე ვეუბნებით, წარმოგვიდგინეთ მტკიცებულებები. ფაქტია, რომ ამ მტკიცებულებების წარმოდგენა არ შეუძლიათ. შესაბამისად, ეს გადაწყვეტილება არის აბსოლუტურად თვითნებური და დაუსაბუთებელი“, – განაცხადა პაპუაშვილმა.

ოპოზიცია და სააკაშვილის მფარველები არიან სიყალბის მხარეს მყოფი ადამიანები. პოლონელი ექიმი იყო ჩამოსული, მთავრობის ნდობით აღჭურვილი ექიმთა ჯგუფი როგორც გახსოვთ. ისინი იყვნენ პოლონეთის მთავრობასთან არსებული ექიმების ჯგუფი, რომლებიც აქ შარლატანობით იყვნენ დაკავებული და წინდით გაჰქონდა ნიმუში. რომ არა სამსახურების სიფხიზლე, ვინ იცის რას ამზადებდნენ ამ დასკვნებით და ნიმუშის გაპარებით, – განაცხადა პარლამენტის თავმჯდომარე შალვა პაპუაშვილმა.

„სააკაშვილთან დაკავშირებით ყალბი დასკვნა დაწერეს ყოფილმა სახალხო დამცველმა ნინო ლომჯარიამ და მისმა თანამშრომლებმა, თითქოს მიხეილ სააკაშვილის ჯანმრთელობის მდგომარეობა იმდენად მძიმე იყო, რომ აკმაყოფილებდა გათავისუფლების პირობებს. სტრასბურგის სასამართლომ კი ნინო ლომჯარია სიყალბეში ამხილა.

ჩვენ ვნახეთ ე.წ. არასამთავრობო ორგანიზაცია „ემპათია“ და მისი ხელმძღვანელი, რომელიც ყალბ დასკვნებს წერდა სააკაშვილთან დაკავშირებით და ამ სერიის გაგრძელებაა ზუსტად. ჩვენ ვნახეთ პოლონელი ექიმი ყალბი დასკვნის დამწერი თუ წინდით გამტანი, ასევე ვნახეთ ყალბი ნობელის პრემიის ლაურეატი ამერიკელი ექიმი.

სააკაშვილის გარშემო რაც ხდება, ეს არის დიდი ჯგუფების მიერ დაგეგმილი და განხორციელებული სიყალბე. მას შემდეგ რაც ის დააკავეს, არის ყველანაირი მცდელობა შიგნით თუ გარეთ, რომ რამენაირად დაიხსნან სამართლიანი სასჯელისგან,“ – აღნიშნა შალვა პაპუაშვილმა.

„ქრონიკამ“ მოიპოვა დოკუმენტები, რომლითაც დასტურდება, რომ სტომატოლოგმა მამუკა გოგიბერიძემ, რომელიც სტომატოლოგიურ კლინიკა „დენტეფექტში“ მუშაობს, ჯანმრთელობის მდგომარეობის შესახებ ცნობა ისე გასცა, სააკაშვილი საერთოდ არ უნახავს და კლინიკურად არ შეუფასებია.

საქართველო არასდროს დააყენებს ეჭვქვეშ ქვეყნის მთლიანობის საკითხს! ერთიანი საქართველოს იდეა, ეს არის ჩვენი ქართული ოცნება, რომელიც აუცილებლად ახდება! არანაირი აღიარება და მსგავსი ანტიეროვნული საკითხები არ განიხილება!,- ასე ეხმიანება “ქართული ოცნების” აღმასრულებელი მდივანი, მამუკა მდინარაძე, ოპონენტების მიერ გავრცელებულ ინფორმაციას, თითქოს, მმართველი პარტია ქვეყნის გაერთიანებას აფხაზეთის და ე.წ. სამხრეთ ოსეთის დამოუკიდებლობის აღიარებით აპირებს.

მდინარაძის განცხადებით, საქართველო არასოდეს დააყენებს ეჭვქვეშ ქვეყნის მთლიანობის საკითხს და ასევე, გამორიცხულია კონფედერაციაზე დათანხმება.

როგორც მან აღნიშნა, საქართველო დეოკუპაციას განახორციელებს მხოლოდ მშვიდობით, განვითარებით, შერიგების და ურთიერთმიტევების გზით.

“აგენტურა არჩევნებზე გავლენის მოხდენას ანტიეროვნული ჭორების გავრცელებით ცდილობს – ქართული ოცნება ქვეყნის გაერთიანებას აფხაზეთისა და ე. წ. სამხრეთ ოსეთის დამოუკიდებლობის აღიარებით და ქვეყნის კონფედერაციულ მოწყობაზე გადაყვანით აპირებსო…

ყველამ კარგად დაიმახსოვროს ქართველი ხალხის და ჩვენი პოზიცია:

საქართველოარასდროსდააყენებსეჭვქვეშქვეყნისმთლიანობისსაკითხს! ერთიანისაქართველოსიდეა, ესარისჩვენიქართულიოცნება, რომელიცაუცილებლადახდება!

არანაირიაღიარებადამსგავსიანტიეროვნულისაკითხებიარგანიხილება! მათშორისგამორიცხულიაკონფედერაციაზედათანხმება, რაცასევენიშნავსოკუპირებულიტერიტორიებისდამოუკიდებლობისაღიარებას!

ვინცდარაგზებითაცარუნდაგანიზრახოსამქვეყნისომშიჩართვა, საქართველოდეოკუპაციასგანახორციელებსმხოლოდმშვიდობით, განვითარებით, შერიგებისდაურთიერთმიტევებისგზით!

#აფხაზეთისაქართველოა

#სამაჩაბლოსაქართველოა”, – წერს მამუკა მდინარაძე სოციალურ ქსელში.