გიორგი ბაჩიაშვილს 2025 წლის 26 მაისს საქართველოში იძულებით დაბრუნების შემდეგ წამების რისკი ემუქრება, – ამის შესახებ საერთაშორისო იურიდიული ფირმის, Amsterdam & Partners-ის განცხადებაშია აღნიშნული.

„ბატონი ბაჩიაშვილის საერთაშორისო იურიდიული გუნდი გამოიყენებს ყველა შესაძლო სამართლებრივ გზას, რათა საქართველომ პასუხი აგოს ბატონი ბაჩიაშვილის საქმეში ჩადენილი უკანონო ქმედებებისთვის, გააპროტესტოს საქართველოში მართლმსაჯულების მიმდინარე დამახინჯება და მოითხოვოს კომპენსაცია ბატონი ბაჩიაშვილის თვითნებური დაკავებისა და არასათანადო მოპყრობისთვის“, – აღნიშნულია განცხადებაში.

Amsterdam & Partners -ში აცხადებენ, რომ ბაჩიაშვილი გამუდმებით პოლიტიკური დევნის კამპანიის სამიზნეა, რომელსაც „საქართველოს დე ფაქტო მმართველი ბიძინა ივანიშვილი ხელმძღვანელობს“.

„ბატონი ბაჩიაშვილის წინააღმდეგ საქართველოში მიმდინარე სისხლის სამართლის საქმეები, მათ შორის უაზრო და ხანდაზმული ბრალდებები, რომლებიც ათწლეულზე მეტი ხნის წინ ლეგიტიმურ ბიზნეს საქმიანობას უკავშირდება, ასახავს სასამართლო სისტემის სისტემურ გამოყენებას პოლიტიკური კონტროლის ინსტრუმენტად. ბატონი ბაჩიაშვილის იძულებითი დაბრუნება საქართველოში მას თვითნებური დაკავების, იძულებითი დაკითხვისა და არასათანადო მოპყრობის უშუალო რისკის ქვეშ აყენებს“, – აღნიშნულია განცხადებაში.

Amsterdam & Partners-ში აცხადებენ, რომ საფრთხე რეალურია.

„საფრთხე რეალურია. გაერო-ს წამების წინააღმდეგ ბრძოლის კომიტეტმა მიუთითა საქართველოს სამართალდამცავი ორგანოების მიერ წამების „მრავალი და თანმიმდევრული ბრალდების“ შესახებ. ადამიანის უფლებათა ევროპულმა სასამართლომ არაერთხელ გამოიტანა გადაწყვეტილებები საქართველოს წინააღმდეგ ადამიანის უფლებათა ევროპული კონვენციის მე-3 მუხლის დარღვევის გამო. ხოლო ევროპის საბჭოს წამების პრევენციის კომიტეტმა (CPT) 2018 წლის საჯარო ანგარიშში საუბარია საქართველოში ცემის, იძულებითი დაკითხვისა და დაკავების დროს არასაკმარისი დაცვის მექანიზმების მუდმივი შემთხვევების შესახებ. ეს შეშფოთება განსაკუთრებით მწვავეა პოლიტიკურად მგრძნობიარე საქმეებში, როგორიცაა ბატონი ბაჩიაშვილის საქმე, სადაც სასამართლო სისტემის დამოუკიდებლობა მთლიანად კომპრომეტირებულია“, – აღნიშნულია განცხადებაში.

Amsterdam & Partners-ის მტკიცებით, ბაჩიაშვილის წინააღმდეგ საქართველოში წარმოებული სასამართლო პროცესები თავისთავად წარმოადგენს სათანადო სასამართლო პროცესის ძირითადი სტანდარტების დარღვევას და ის არის უფრო ფართო ნიმუშის ნაწილი, „რომლის მიხედვითაც პოლიტიკურად დაკავშირებული პროკურორები და მოსამართლეები რეჟიმის ოპონენტების გასაჩუმებლად და გავლენის დამოუკიდებელი ცენტრების დასაშლელად გამოიყენებიან“.

„საერთაშორისო საზოგადოება საქართველოს პასუხისმგებლობას დააკისრებს ბატონი ბაჩიაშვილის უფლებების ყველა დარღვევისთვის. საქართველომ უნდა შეასრულოს თავისი ვალდებულებები სასამართლო დამოუკიდებლობის უზრუნველყოფისა და ბატონი ბაჩიაშვილის და სხვა იმ პირების ფუნდამენტური უფლებების დაცვის მიმართულებით, რომლებიც პოლიტიკურად მოტივირებული დევნის წინაშე იმყოფებიან“, – აღნიშნულია განცხადებაში.

ცნობისთვის, სახელმწიფო უსაფრთხოების სამსახურის ინფორმაციით, სუს-მა 2025 წლის 26 მაისს განხორციელებული ანონიმური შეტყობინებით წითელი ხიდისა და სადახლოს შორის არსებული ე.წ. მწვანე საზღვრის მონაკვეთის მიმდებარედ წითელი ცირკულარით ძებნილი და მსჯავრდებული გიორგი ბაჩიაშვილი დააკავა.

საქართველოს ფინანსთა სამინისტროს საგამოძიებო სამსახურმა, შემოსავლების სამსახურის საბაჟო დეპარტამენტის თანამშრომლებთან კოორდინაციით, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, საქართველოს საბაჟო საზღვარზე, განსაკუთრებით დიდი ოდენობით საქონლის საბაჟო წესების დარღვევით გადმოტანის ფაქტი გამოავლინა, რაზედაც დაკავებული იქნა ერთი პირი.

ჩატარებული გამოძიებით დადგინდა, რომ თურქეთის რესპუბლიკის მოქალაქემ, საბაჟო გამშვები პუნქტი „სარფი“-ს გავლით საბაჟო კონტროლისგან მალულად, კერძოდ, მისი მართვის ქვეშ მყოფი სამგზავრო ავტობუსის სალონში სპეციალურად მოწყობილი სამალავით, საქართველოს საბაჟო საზღვარზე გადმოიტანა 546 129,52 ლარის საბაჟო ღირებულების 3 197,18 გრამი ოქროს საიუველირო ნაკეთობები.

გამოძიება მიმდინარეობს საქართველოს სისხლის სამართლის კოდექსის 214-ე მუხლის მე-2 ნაწილით, რაც სასჯელის სახით ითვალისწინებს თავისუფლების აღკვეთას 5-დან 7-წლამდე ვადით.

ვერძი

ამ დღეს ბევრი საქმე გაქვთ. თუ პრიორიტეტებს სწორად განსაზღვრავთ, ყველაზე სასწრაფო და გადაუდებელ საკითხებს გაუმკლავდებით. ნებისმიერი წვრილმანი გაღიზიანებთ და უმიზეზოდ ნერვიულობთ. ეცადეთ, ნეგატიური ემოციები მოთოკოთ და საყვარელ ადამიანებთან კამათს მოერიდოთ. არახელსაყრელი დღეა დიდი შესყიდვებისა და რემონტისთვის.

კურო

სანამ რამეს იყიდით, დაფიქრდით – შესაძლოა, სრულიად უსარგებლო ნივთებზე მნიშვნელოვანი თანხა დახარჯოთ. ადამიანებთან, ვისთანაც საერთო საქმე გაკავშირებთ, მოსალოდნელია უთანხმოებები. ყველა ცდილობს პირველ ადგილზე საკუთარი ინტერესები დააყენოს და ამის გამო შეთანხმების მიღწევა გიჭირთ. საღამოს რომანტიკული შეხვედრა გელით.

ტყუპები

ცდილობთ საყვარელი ადამიანების მიმართ მომთმენი იყოთ, მაგრამ ყოველთვის არ გამოგდით. გაითვალისწინეთ, რომ მცირე კამათი შეიძლება დიდ კონფლიქტში გადაიზარდოს, ამიტომ ეცადეთ ემოციები აკონტროლოთ. არახელსაყრელი დღეა დიდი მოგზაურობის დასაწყებად.

კირჩხიბი

თუ სამსახურში მნიშვნელოვანი პრობლემების გადაჭრას აპირებთ, მხოლოდ საკუთარ თავს უნდა დაეყრდნოთ. სხვაბმა შესაძლოა, იმედი გაგიცრუონ. მცირე პრობლემები გელით, რომლებსაც სერიოზული შედეგები არ მოჰყვება, მაგრამ განწყობას გაგიფუჭებთ. ოპტიმიზმი დაგეხმარებათ, რომ სიტუაცია უკეთესობისკენ შეცვალოთ. ნუ ენდობით ადამიანებს, რომლებსაც კარგად არ იცნობთ.

ლომი

იღბლიანი შემთხვევა დაგეხმარებათ განახორციელოთ ის, რაზედაც დიდი ხანია ოცნებობთ. ყურადღებით მოუსმინეთ ახლობელი ქალის რჩევას. შესაძლოა, ახლობლებს თქვენი თანადგომა დასჭირდეთ და უარი არ უნდა უთხრათ. ამ ნიშნის ზოგიერთ წარმომადგენელს ოჯახური პრობლემის მოსაგვარებლად სახლიდან გამგზავრება მოუწევს.

ქალწული

ქაოსის მიუხედავად, რომელიც თქვენ გარშემო სუფევს, სიმშვიდეს ინარჩუნებთ და სწორ გადაწყვეტილებებს იღებთ. სწორედ სიმშვიდე და ლოგიკური აზროვნება გეხმარებათ, რომ მიზნისკენ უმოკლესი გზა მონახოთ, ძველი პრობლემები გადაჭრათ და ყველასთვის მნიშვნელოვან კითხვებზე პასუხები იპოვოთ. მოსალოდნელია საინტერესო ნაცნობობა და შეხვედრები ადამიანთან, ვისგანაც ბევრ რამეს ისწავლით.

სასწორი

დღის პირველი ნახევარი ხელსაყრელია სამსახურზე და ფინანსებზე ფიქრისთვის. შეძლებთ სიტუაცია სწორად შეაფასოთ და მოქმედების სტრატეგია შეადგინოთ. ძველ ნაცნობები რამდენიმე მნიშვნელოვანი პრობლემის გადაჭრაში დაგეხმარებიან. მოგვიანებით ახალი ამოცანები და საზრუნავი გაჩნდება და საღამომდე დასვენებისთვის წუთსაც ვერ იპოვით.

მორიელი

ამ დღეს საკუთარი თავისა თუ სხვებისთვის ბევრ კეთილ საქმეს გააკეთებთ, დაეხმარებით მათ, ვინც რთულ სიტუაციაში აღმოჩნდა. თქვენი პოზიტიური განწყობა გავლენიან ადამიანებს მიიზიდავს და შესაძლოა, თანამშრომლობის საინტერესო შეთავაზება მიიღოთ. მოსალოდნელია მცირე, მაგრამ სამწუხარო ფინანსური დანაკარგი.

მშვილდოსანი

ხელსაყრელი დღეა ოჯახთან ერთად სამომავლო გეგმების განხილვისთვის. თუ ამომწურავი პასუხის მიღება გსურთ, კითხვა სწორად და გასაგებად უნდა დასვათ. გაურკვევლობამ შეიძლება დაწყებული საქმე ჩიხში შეიყვანოს და დამატებითი სირთულეები შეგიქმნათ. არ ინერვიულოთ – ვარსკვლავები თქვენს მხარეს არიან და შეცდომის შანსი დაბალია. შესაძლოა ახალი იდეები და საინტერესო შესაძლებლობები გაჩნდეს.

თხის რქა

დღის დასაწყისი საკმაოდ რთულია, ამიტომ ამ დროს მნიშვნელოვანი საქმეები არ დაგეგმოთ. უმჯობესია წარსულზე დაფიქრდეთ და საკუთარი შეცდომები გააანალიზოთ. ეს დაგეხმარებათ სამომავლოდ, შეცდომები თავიდან აიცილოთ და მომხდარიდან სწორი დასკვნები გამოიტანოთ. ყურადღება მიაქციეთ ოჯახის უფროსი წევრების ჯანმრთელობას.

მერწყული

ყოველმხრივ ხელსაყრელი დღეა. გირჩევთ, ეს შესაძლებლობა რაღაც ახლისა და სასარგებლოს სწავლის და თანამოაზრეების მოსაძებნად გამოიყენოთ. ის ინფორმაციაც კი, რომელიც ახლა უსარგებლო გეჩვენებათ, ძალიან მალე გამოგადგებათ. მარტოხელა მერწყულს ვარსკვლავები რომანტიკული ურთიერთობის დასაწყისს ჰპირდებიან, რომელიც ბევრ ნათელ ემოციას მოგიტანთ.

თევზები

ნაყოფიერი დღეა. შესაძლოა, ისეთი ბიზნესგეგმა შეიმუშაოთ, რომელიც თქვენს შემოსავალს სწრაფად გაზრდის. სავარაუდოდ, მეგობრებს თქვენი რჩევა და დახმარება დასჭირდებათ. ეცადეთ, ყველას დაეხმაროთ, მაგრამ თქვენი სიკეთის ბოროტად გამოყენება არ დაუშვათ. ამ დღეს უჩვეულო, ორიგინალური ნივთების შეძენა სიამოვნებას მოგიტანთ და არც დახარჯულ ფულზე ინანებთ.