თიბისი კონცეპტის მულტიფუნქციური სივრცე, 15 ნოემბრის ჩათვლით, თბილისის არქიტექტურის ბიენალეს ფარგლებში მასპინძლობს საგარეო ურთიერთობათა ინსტიტუტის (Ifa-Institut für Auslandsbeziehungen) გამოფენას An Atlas of Commoning: კოლექტიური წარმოების ადგილები, ARCH+-თან თანამშრომლობით.  

სოციალური მედია და სხვა პლატფორმები, რომელთა ბიზნეს მოდელები ეფუძნება სოციალური ურთიერთობების კომერციალიზაციას, სიტყვებს, როგორებიცაა „საზოგადოება”, „გაზიარება” ან „ჩვენ”, გარდაქმნიან ცარიელ ცნებებად, რომლებიც თავის თავში აღარ მოიაზრებენ სოლიდარობას ან პროგრესულ სოციალურ დღის წესრიგს, არამედ ქმნიან პლატფორმებზე აღმოცენებული კაპიტალიზმის წარმოშობის საფუძველს. ეკონომიკური განვითარების ამგვარ მოდელს თან ახლავს გლობალური პოლიტიკური ცვლილებები, რომლებიც წახალისებულია იდენტობისა და მიკუთვნებულობის, გამორიცხვისა და დისკრიმინაციის ტრადიციული საზოგადოებრივი ცნებებით. ამის ფონზე, გამოფენა და პუბლიკაცია სახელწოდებით Atlas of Commoning მიზნად ისახავს დაიბრუნოს და ხელახლა განმარტოს “ჩვენ”-ის, როგორც ცნების ღია და განმათავისუფლებელი სივრცე.

პროექტის მთავარ ფოკუსს წარმოადგენს ურბანული საჯარო ქონება – აქ საერთო ქონება აღქმული უნდა იყოს, როგორც პრაქტიკების ნაკრები, რომელიც მიმართულია (მატერიალური და არამატერიალური) რესურსებისა და სივრცეების კოლექტიურ წარმოებასა და მართვაზე და არა მხოლოდ რესურსებზე, შესაბამისად, წინა პლანზე ექცევა “საერთოობა”, როგორც ზმნა. საერთოობა არის პროცესი, რომელიც მოიცავს განსხვავებებისა და კონფლიქტების მართვას ინდივიდს, თემსა და საზოგადოებას შორის. ეს არის სივრცითი ორგანიზების პროცესი წარმოებასა და კვლავწარმოებას, საკუთრებასა და რესურსებზე წვდომას შორის არსებულ ურთიერთობებში.

ეს არის პროცესი, რომელიც აერთიანებს სოლიდარობის ქსელებს და ხელახლა განმარტავს ინდივიდუალურ და კოლექტიურ უფლებებს. პროექტი კითხვის ნიშნის ქვეშ აყენებს არსებულ სოციალურ და პოლიტიკურ სტრუქტურებს და ეძებს კოლექტიური, თუმცა ამასთანავე პლურალისტური მართვის ახალ ფორმებს.

კურატორთა გუნდი: ან-ლინ ნგო, მირკო გატი, კრისტიან ჰილერი, მაქს კალდენჰოფი, ქრისტინ რუბი (ARCH+); ელკე აუს დემ მური (ifa); სტეფან გრუბერი (CMU).

კვლევის პარტნიორები: არქიტექტურის სკოლა, კარნეგი მელონის უნივერსიტეტი (CMU) პიტსბურგი, ქალაქების გარდაქმნის ინსტიტუტი (RCI), პროფესორი სტეფან გრუბერი და ბერლინის ტექნიკური უნივერსიტეტი, არქიტექტურის ინსტიტუტი, პროფ. რაინერ ჰელი.

თბილისის გამოშვების კურატორები: სტეფან გრუბერი (CMU), თინათინ გურგენიძე (TAB), მარიამ შერგელაშვილი. 

მეტი ინფორმაციისთვის ეწვიეთ ვებგვერდს.

გამოფენის დათვალიერებას შეძლებთ ორშაბათიდან შაბათის ჩათლის 10:00-დან 20:00 საათამდე, დასწრება თავისუფალია!

მისამართი: თიბისი კონცეპტის მულტიფუნქციური სივრცე, მარჯანიშვილის 7.

R

დღეს, პარლამენტის ეროვნული ბიბლიოთეკის საგამოფენო დარბაზში, ავთანდილ რეხვიაშვილის ნამუშევრების პერსონალური გამოფენა გაიხსნება მიმდინარე წლის 5-7 ნოემბერს, პარლამენტის ეროვნული ბიბლიოთეკის საგამოფენო დარბაზში (მის: გუდიაშვილის ქ. N7) გაიმართება აფხაზეთის ომის ვეტერანის, მხატვარ ავთანდილ (ნოდარ) რეხვიაშვილის ნამუშევრების პერსონალური გამოფენა. ექსპოზიციაზე წარმოდგენილი იქნება მხატვრის 100-მდე ფერწერული ტილო_ პეიზაჟები, პორტრეტები, ნატურმორტები და ომის თემატიკაზე შექმნილი ნამუშევრები.

აღსანიშნავია, რომ ბატონი ავთანდილ (ნოდარ) რეხვიაშვილი თვითნასწავლი მხატვარი გახლავთ. მან, ხატვა, 65 წლის ასაკში დაიწყო; როგორც თავად ამბობს, ფერწერა, მისთვის, ერთგვარი ფსიქოლოგიური რეაბილიტაციაცაა ომის შედეგად მიღებული და საყვარელი მეუღლის გარდაცვალებით გამოწვეული ტკივილის შემდეგ. ეს გამოფენა, რომელიც 7 ნოემბრამდე გასტანს, მისი რიგით მეშვიდე პერსონალური გამოფენაა. გამოფენა გაიხსნება 5 ნოემბერს, 17 საათზე და 2 დღე გასტანს.

სასამართლო საარჩევნო ადმინისტრაცია თეთრიწყაროსა და გორის რაიონული სასამართლოების გადაწყვეტილებებს სააპელაციო სასამართლოში ასაჩივრებს.

ამის შესაახებ ინფორმაციას ცესკო ავრცელებს.

„საარჩევნო ადმინისტრაცია ეხმაურება თეთრიწყაროს რაიონული სასამართლოს გადაწყვეტილებას წალკისა და თეთრიწყაროს მუნიციპალიტეტებში საარჩევნო უბნის შედეგების გაუქმების შესახებ. აღნიშნული გადაწყვეტილებით მოსამართლემ გააუქმა №25 წალკის საარჩევნო ოლქში შემავალი 18 საარჩევნო უბნის და №26 თეთრიწყაროს საარჩევნო ოლქში შემავალი 13 საარჩევნო უბნის შედეგი.

საარჩევნო ადმინისტრაცია დაუსაბუთებლად მიიჩნევს და არ იზიარებს თეთრიწყაროს რაიონული სასამართლოს გადაწყვეტილებას წალკისა და თეთრიწყაროს მუნიციპალიტეტების ზემოაღნიშნული საარჩევნო უბნების შედეგების გაუქმების შესახებ. ამასთან, აღნიშნული გადაწყვეტილება აშკარად წინააღმდეგობაში მოდის ანალოგიურ საკითხთან დაკავშირებით პირველი ინსტანციების სასამართლოებში წარმოებულ ყველა სხვა დავასთან.

შესაბამისად, თეთრიწყაროს რაიონული სასამართლოს მიერ 4 ნოემბერს მიღებული გადაწყვეტილება გასაჩივრებული იქნება სააპელაციო სასამართლოში. საოლქო საარჩევნო კომისიების მიერ კანონმდებლობით დადგენილი წესით წარდგენილი იქნება სააპელაციო საჩივრები.

ამასთან, საარჩევნო ადმინისტრაციის მიერ სააპელაციო სასამართლოში უკვე გასაჩივრებულია გორის რაიონული სასამართლოს გადაწყვეტილება, რომლის მიხედვითაც №32 გორის საოლქო საარჩევნო კომისიას ამავე ოლქში შემავალი 15 საარჩევნო უბნის ბათილი ბიულეტენების ხელახლა გადათვლა დაევალა.

შევახსენებთ საზოგადოებას, რომ ხმის ფარულობას უზრუნველყოფს სპეციალური ჩარჩო ფორმა, ინსტრუქციის შესაბამისად რომლის გამოყენებაც გამორიცხავს ამომრჩევლის ნების იდენტიფიცირებას. ბიულეტენის უკანა მხარეს მარკერის კვალი, არსებობის შემთხვევაში, ჩარჩო ფორმის დანიშნულების გათვალისწინებით, ვერ ჩაითვლება ნების იდენტიფიცირებად. ასევე აღსანიშნავია, რომ ამ საკითხზე კენჭისყრის და მომდევნო დღეს, ქვეყნის მასშტაბით მხოლოდ 7 საჩივარი იქნა წარმოდგენილი და არცერთ საერთაშორისო ორგანიზაციის დასკვნაში არ არის საუბარი დადასტურებულად არჩევანის ფარულობის დარღვევაზე“,- აღნიშნულია ინფორმაციაში.ოების გადაწყვეტილებებს სააპელაციო სასამართლოში ასაჩივრებს

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, დიდთოვლობის გამო, შიდასახელმწიფოებრივი მნიშვნელობის ბორჯომი-ბაკურიანი-ახალქალაქის საავტომობილო გზის კმ31-კმ63 (ანდეზიტი-ღადო) მონაკვეთზე აკრძალულია ყველა სახის ავტოტრანსპორტის მოძრაობა. საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

თოვის გამო, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ185-კმ192 (უშგული-ლასდილი) მონაკვეთზე, აკრძალულია ყველა სახის ავტოტრანსპორტის მოძრაობა, კმ141-კმ184   (მესტია-უშგული) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა.  ხოლო  დანარჩენი სახის ავტოტრანსპორტის გადაადგილება თავისუფალია. საავტომობილო გზის კმ1-კმ140 (ზუგდიდი-მესტია) მონაკვეთზე ავტოტრანსპორტის მოძრაობა თავისუფალია.

თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე, საჩხერე(სარეკი)-უზუნთა-შქმერი-ზუდალის გზაზე და  გომი-საჩხერე-ჭიათურა-ზესტაფონის საავტომობილო გზის კმ1-კმ52 (გომი-სავანე) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

5 ნოემბერს ქუთაისში +11 გრადუსი და წვიმიანი დღეა მოსალოდნელი, ღამით კი +3 გრადუსი იქნება. ოზურგეთში ნალექიანი ამინდია ნავარაუდევი. დღისით +12 გრადუსი დაფიქსირდება, ღამით კი +5. ბათუმში დღისით ჰაერი +12 გრადუსამდე გათბება, ხოლო ღამით +7 გრადუსი დაფიქსირდება. მოსალოდნელია წვიმა.

ნალექიანი დღეა ფოთშიც. დღისით +10 გრადუსი დაფიქსირდება, ღამით კი +5 გრადუსია მოსალოდნელი. ზუგდიდშიც ნალექიანი ამინდია მოსალოდნელი. დღისით ტემპერატურა +15 გრადუსს მიაღწევს, ღამით კი +3 გრადუსია ნავარაუდევი. წვიმაა მოსალოდნელი სოხუმშიც. +11 გრადუსია მოსალოდნელი დღისით, ღამით +2 გრადუსი დაფიქსირდება.

მესტიაში თოვლიანი დღეა ნავარაუდები. დღისით 0 გრადუსი იქნება, ღამით კი -8 გრადუსი დაფიქსირდება. ამბროლაურში დღეს ჰაერი +4 გრადუსამდე გათბება, ღამით კი -4 გრადუსი დაფიქსირდება. მოსალოდნელია თოვლი.

ჭიათურაშიც წვიმს. დღისით +10 გრადუსი, ღამით კი -2 გრადუსი დაფიქსირდება. ახალციხეში დღისით ჰაერი +4 გრადუსამდე გათბება, ღამით კი ტემპერატურა -3 გრადუსამდე დაიწევს. მოსალოდნელია თოვლი.

ბორჯომში ნალექიანი დღეა მოსალოდნელი. დღისით +4 იქნება, ღამით კი -2 გრადუსი დაფიქსირდება. ბაკურიანში დღისით 0 გრადუსია მოსალოდნელი, ღამით -6 გრადუსი დაფიქსირდება. მოსალოდნელია თოვლი.

გორში ნალექიანი დღე იქნება. დღისით +9 გრადუსი, ღამის განმავლობაში კი 0 გრადუსი დაფიქსირდება. ცხინვალში წვიმიან ამინდს ვარაუდობენ. დღისით ჰაერს ტემპერატურა +8 გრადუსი იქნება, ღამით კი -1 გრადუსი დაფიქსირდება.

გუდაურში თოვლს ვარაუდობენ. დღის განმავლობაში 0 გრადუსი დაფიქსირდება, ღამით კი ჰაერის ტემპერატურა -8 გრადუსი იქნება. ომალოშიც მოთოვს. დღისით -1, ღამით კი -6 გრადუსი დაფიქსირდება.

ლაგოდეხში უნალექო დღეა მოსალოდნელი. ჰაერის ტემპერატურა დღის განმავლობაში +11 გრადუსი იქნება, ღამით კი +4 გრადუსი დაფიქსირდება. თელავში წვიმიანი ამინდია მოსალოდნელი. +11 გრადუსი დაფიქსირდება, ღამით კი +1 გრადუსია ნავარაუდევი.

გურჯაანშიც წვიმიანი დღეა მოსალოდნელი. დღისით +12 გრადუსი, ღამით კი +2 გრადუსი დაფიქსირდება. სიღნაღში დღისით +13 გრადუსია მოსალოდნელი, ღამით +3 გრადუსი დაფიქსირდება. იწვიმებს.

რუსთავში დღისით +12 გრადუსია მოსალოდნელი, ღამით კი +2 გრადუსი დაფიქსირდება. მოსალოდნელია წვიმა.

თბილისში ხანმოკლე წვიმას ვარაუდობენ. ჰაერის ტემპერატურა დღისით +10 გრადუსს მიაღწევს, ღამით კი +2 გრადუსი იქნება.

ვერძი

ამ დღეს ფინანსურ საკითხებს მეტი ყურადღება უნდა მიაქციოთ. ეცადეთ, მაღაზიებში სიარულისგან თავი შეიკავოთ და საფულე რაც შეიძლება იშვიათად გახსნათ. ვარსკვლავები გაფრთხილებენ, რომ დაწყებული საქმეების დასრულება გაგიჭირდებათ და ამისთვის მზად უნდა იყოთ. მთავარია, არ დანებდეთ და ისევ და ისევ სცადოთ. შემდეგ ყველაფერი გამოვა. ურთიერთობებში მეტი სიფრთხილე უნდა გამოიჩინოთ, განსაკუთრებით – უცნობ ადამიანებთან.

კურო

მოერიდეთ რადიკალური გადაწყვეტილებების მიღებას, საქმიანი თუ მეგობრული კავშირების გაწყვეტას. გამოიჩინეთ სიბრძნე და მოვლენების განვითარებაში ნუ ჩაერევით. თუ ინიციატივას საკუთარ ხელში აიღებთ, შეიძლება ბევრი შეცდომა დაუშვათ, პრინციპულობის გამო კი შეიძლება საყვარელ ადამიანთან ურთიერთობა გაიფუჭოთ. საღამოს ვარჯიში ან სუფთა ჰაერზე სეირნობა დაძაბულობას მოგიხსნით.

ტყუპები

ეს დღე შემოსავლის მიღების და პროფესიული პოზიციის გაძლიერების საშუალებას მოგცემთ, მაგრამ ამისთვის მეტი აქტიურობა და სასარგებლო კავშირების დამყარება დაგჭირდებათ. შეიძლება გეგმების შეცვლა და შეხვედრების ხელახლა დაგეგმვა მოგიწიოთ. საღამოს საშუალება გექნებათ, საჭირო ადამიანები გაიცნოთ. ამ დღეს მიღებული გამოცდილება მოგვიანებით ბევრჯერ გამოგადგებათ.

კირჩხიბი

ვარსკვლავები გირჩევენ, რომ სამოქმედო გეგმა შეადგინოთ და პრიორიტეტები განსაზღვროთ. მალე ახალი პროექტების განხორციელება მოგიწევთ, ამიტომ კარგად უნდა მოემზადოთ. უსმინეთ საკუთარ ინტუიციას, რომელიც შეუმცდარად მიგანიშნებთ, თუ რა მიმართულებით უნდა იმოძრაოთ და როდის შეჩერდეთ. მთავარია, წესები არ დაარღვიოთ და საეჭვო მაქინაციებში არ ჩაერთოთ.

ლომი

ყურადღება მიაქციეთ ფინანსურ საკითხებს. სასურველია, რომ შოპინგი სამომავლოდ გადადოთ, ახლა კი ფული დაზოგოთ. შესანიშნავი დროა მოლაპარაკებების ან მეგობრული ურთიერთობებისთვის. თუ სიტუაციას სხვა მხრიდან შეხედავთ, შეიძლება უამრავი შეცდომა აღმოაჩინოთ. კოლეგებთან ურთიერთობა და მათი რჩევები რთული საქმის წარმატებით დასრულებაში დაგეხმარებათ.

ქალწული

სიახლეები, რომლებსაც ამ დღეს მიიღებთ, ძალიან გაგახარებთ. თქვენი მცდელობის მიუხედავად, ზოგიერთი საკითხის გადადება ან გაუქმება მოგიწევთ. საყვარელ ადამიანებთან ურთიერთობის დროს ეცადეთ, რთულ თემებზე საუბარი და კამათი თავიდან აიცილოთ. ეს დღე საშუალებას მოგცემთ, საკუთარი შრომის შედეგით დატკბეთ და დამსახურებული აღიარება მიიღოთ.

სასწორი

ფინანსური თვალსაზრისით ხელსაყრელი დღეა. შესაძლოა, ამ დღეს დამატებითი შემოსავალი და თანამშრომლობაზე საინტერესო შეთავაზება მიიღოთ. შოპინგი კი უმჯობესია სხვა დღისთვის გადადოთ – გამორიცხული არ არის, რომ შენაძენით იმედგაცრუებული დარჩეთ.

მორიელი

მოვლენებით დატვირთული დღეა. ყურადღებით მოუსმინეთ გარშემო მყოფთა საუბრებს და ეცადეთ თქვენთვის მნიშვნელოვანი თემები უფრო ხშირად განიხილოთ – არსებობს შანსი, რომ რაღაც ახალი, სასარგებლო ინფორმაცია მიიღოთ.

მშვილდოსანი

ამ დღეს შეიძლება თქვენს ცხოვრებაში წარსულიდან ვიღაც დაბრუნდეს, დიდი ხნის უნახავ მეგობრებს შეხვდეთ ან ადრე დაშვებული შეცდომების გამოსწორების საშუალება მოგეცეთ. დღის უდიდესი ნაწილში მოსაწყენი სამუშაოს შესრულება მოგიწევთ, მაგრამ მიზნის მისაღწევად ეს მნიშვნელოვანი იქნება. საღამოს მოგებიანი შეთავაზება ან სასიხარულო სიახლე გელით.

თხის რქა

შესაძლოა გეგმების კორექტირება მოგიწიოთ – ამ დღეს მნიშვნელოვან სიახლეებს გაიგებთ, რომლებიც მათზე გავლენას მოახდენს. მოემზადეთ სიურპრიზებისთვის – მათი უმეტესობა სასიამოვნო იქნება. არახელსაყრელი დღეა შოპინგისთვის – შეიძლება უხარისხო ნივთზე დიდი თანხა დახარჯოთ. გირჩევთ ჯანმრთელობას მეტი ყურადღება მიაქციოთ – ამინდის მიხედვით ჩაიცვათ და სწორად იკვებოთ.

მერწყული

რაღაც მნიშვნელოვანმა ინფორმაციამ შეიძლება აზრის შეცვლა გაიძულოთ. შეცდომების თავიდან ასაცილებლად, სხვა ადამიანების გამოცდილება უნდა გაითვალისწინოთ. ვარსკვლავები გირჩევენ, რომ 5 ნოემბერს საბუთებს ხელი არ მოაწეროთ და საბოლოო პასუხი არ გასცეთ.

თევზები

პიროვნული ხიბლის წყალობით ადამიანებზე წარუშლელ შთაბეჭდილებას ახდენთ და მაგნიტივით იზიდავთ. ეს საშუალებას გაძლევთ, რომ ნებისმიერი სიტუაცია თქვენს სასარგებლოდ შემოაბრუნოთ. ეცადეთ, საკუთარი ქმედებები კარგად აწონ-დაწონოთ და გადაწყვეტილება ოჯახის წევრებთან შეთანხმებით მიიღოთ. არახელსაყრელი დღეა შოპინგისა და მოგზაურობისთვის.