საქართველოს პრემიერ-მინისტრი ირაკლი კობახიძე არაბთა გაერთიანებულ საამიროებში გაემგზავრა. ვიზიტის ფარგლებში მთავრობის მეთაური შეხვედრას გამართავს არაბთა გაერთიანებული საამიროების პრეზიდენტთან, შეიხ მოჰამედ ბინ ზაიედ ალ ნაჰიანთან, ასევე არაბთა გაერთიანებული საამიროების ტოლერანტობის მინისტრთან, შეიხ ნაჰიან ბინ მუბარაქ ალ ნაჰიანთან.

ვიზიტის ფარგლებში, ხელი მოეწერება თანამშრომლობის მემორანდუმს ერთ-ერთ უმსხვილეს დეველოპერულ კომპანია EMAAR-თან, რომლის ფარგლებში საქართველოში მრავალმილიარდიანი ინვესტიცია განხორციელდება.

ამასთან, დაგეგმილია შეხვედრა აბუ-დაბის სახელმწიფო საინვესტიციო კომპანიასთან და მის ლოგისტიკურ მიმართულებასთან, აბუ-დაბი პორტის ჯგუფთან, რომელიც აქტიურად არის ჩართული შუა დერეფნის განვითარებაში. კომპანია ახორციელებს თბილისის მშრალი პორტის პროექტს, რომელიც 2025 წელს დასრულდება. იგეგმება კომპანიასთან თანამშრომლობის შემდგომი გაფართოება სტრატეგიულ, ლოგისტიკურ და სატრანსპორტო პროექტებში.

საქართველოს პრემიერ-მინისტრი აბუ დაბიში დელეგაციასთან ერთად გაემგზავრა, რომლის შემადგენლობაში პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საგარეო საქმეთა მინისტრი მაკა ბოჭორიშვილი, თბილისის მერი კახა კალაძე, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე და მთავრობის ადმინისტრაციის უფროსი ლევან ჟორჟოლიანი არიან.

დარწმუნებული ვარ, რომ ოპოზიციის აქციები გაგრძელდება, რადგან ეს არის მათი დამკვეთების ნება, გადაწყვეტილება, რომ როგორმე ავნონ საქართველოს სახელმწიფოს, – განაცხადა პარლამენტის ვიცე-სპიკერმა, „ხალხის ძალის“ თავმჯდომარემ სოზარ სუბარმა.

„დღეს ისინი ხედავენ, რომ მათ ძალა უკვე აღარ აქვთ, თუმცა, მიუხედავად ამისა, დარწმუნებული ვარ, რომ მათი აქციები გაგრძელდება, რადგან ეს არის მათი დამკვეთების ნება, გადაწყვეტილება, რომ როგორმე ავნონ საქართველოს სახელმწიფოს. ხედავენ, რომ დღეს მათ ვერ შეძლეს ქართული სახელმწიფოს შერყევა და ახლაც, მთელი აქცენტი გადატანილი აქვთ ეკონომიკაზე, რომ როგორმე შეანელონ ეკონომიკური ზრდა. ამ აქციებს რომ მიზანი, გეგმა არ აქვს, ამას ვხედავთ, მათ ლაპარაკშიც სულ უფრო ხშირად ეს სასოწარკვეთილი ტონები იმატებს“, – აღნიშნა სუბარმა.

პარტია „ხალხის ძალის“ წევრი დავით ქართველიშვილი ამერიკის ახალი პრეზიდენტის დონალდ ტრამპის მიერ ქვეყანაში გასატარებელი შიდა და საერთაშორისო ამოცანების შესახებ სოციალურ ქსელში დეტალურად წერს.

ექსპერტი იმედოვნებს, რომ საქართველოს მთავარ პარტნიორ ქვეყანასთან ბაიდენის ადმინისტრაციის მმართველობის დროს გაფუჭებული ურთიერთობა მალე გადაიტვირთება.

„დასრულდა აშშ-ის 47-ე პრეზიდენტის ინაუგურაცია და ჩაირთო მისი ამბიციური გეგმების ხორცშესხმის წამმზომი. ჩაირთო „ნუმეროლოგიაც“ − პირველი 100 დღის განმავლობაში დონალდ ტრამპი გეგმავს შემდეგი პრიორიტეტული ამოცანების შესრულებას, რომლებიც მოიცავენ როგორც შიდა, ისე საერთაშორისო მნიშვნელოვან ინიციატივებს:

შიდა ამოცანები: მასობრივი დეპორტაცია: აშშ-ის ისტორიაში უმსხვილესი კამპანიის ჩატარება არალეგალი იმიგრანტების დეპორტაციისთვის, განსაკუთრებით მათთვის, ვინც ქვეყნის ტერიტორიაზე დანაშაული ჩაიდინა;

საზღვრის უსაფრთხოების გაძლიერება: სამხრეთ საზღვარზე საგანგებო მდგომარეობის გამოცხადება, საზღვრის ჩაკეტვა და დამცავი კედლის მშენებლობის დასრულება;
აშშ-ში დაბადების ფაქტის საფუძველზე მოქალაქეობის მინიჭებაზე უარის თქმა: მოქალაქეობის ავტომატური მინიჭების შეწყვეტა იმ არალეგალი იმიგრანტების შვილებისთვის, რომლებიც აშშ-ში დაიბადნენ, რაც კონსტიტუციაში მე-14 შესწორების გადახედვას მოითხოვს;
ახალი სატარიფო პოლიტიკის შემოღება: ახალი ტარიფების დაწესება მთელი რიგი ქვეყნებიდან იმპორტზე, რათა გაძლიერდეს ადგილობრივი წარმოება და შემცირდეს დამოკიდებულება უცხოურ პროდუქტებზე;

ენერგეტიკული პოლიტიკა: ნავთობისა და გაზის მოპოვებაზე შეზღუდვების გაუქმება, „მწვანე“ ენერგიის სუბსიდიების შეწყვეტა და „პარიზის კლიმატის შეთანხმებიდან“ გასვლა;
ფედერალური ბიუროკრატიის რეფორმა: ფედერალური თანამშრომლების შემცირება, „მრავალფეროვნების“ პროგრამების გაუქმება და მხოლოდ დამსახურებაზე დაფუძნებული საკადრო შერჩევის სისტემის დანერგვა;

საგადასახადო რეფორმის განხორციელება: საგადასახადო შეღავათების გახანგრძლივება და გაფართოება, კორპორაციული გადასახადების შემცირება და ზოგიერთი სახის საშემოსავლო გადასახადის გაუქმება;

წინა ადმინისტრაციის განკარგულებების გაუქმება: ჯო ბაიდენის მიერ გამოცემული განკარგულებების გაუქმება, რომლებიც ეხება გარემოს დაცვას, ენერგეტიკას და სოციალურ პროგრამებს;

6 იანვრის მოვლენების მონაწილეების შეწყალება: კაპიტოლიუმის 2021 წლის არეულობაში მონაწილე პირებთან მიმართებით;

განათლების სისტემის რეფორმა: ფედერალური დაფინანსების შემცირება სკოლებისთვის, რომლებიც ხელს უწყობენ კრიტიკულ რასობრივ თეორიას და ტრანსგენდერების უფლებებს, სასწავლო პროგრამებზე კონტროლის გაძლიერებისთვის.

საერთაშორისო ამოცანები:

ჩინეთთან მიმართებით პრაგმატული და სამშვიდობო პოლიტიკის შემუშავება: რაც არ გამორიცხავს ჩინურ საქონელზე არსებული სატარიფო პოლიტიკის გადახედვას, ჩინური კომპანიებისთვის ტექნოლოგიებზე ხელმისაწვდომობის შეზღუდვას და სავაჭრო შეთანხმებების „გადატვირთვას“;

საერთაშორისო სამხედრო ვალდებულებების გადახედვა: საერთაშორისო სამხედრო მისიებზე ხარჯების შემცირება და NATO-ს ხელშეკრულებების გადახედვა, რაც პარტნიორების პასუხისმგებლობის გაზრდას ითვალისწინებს;

ირანის იზოლაცია: სანქციების გამკაცრება ირანის წინააღმდეგ და დიპლომატიური ძალისხმევის გაძლიერება მისი ბირთვული პროგრამის შეზღუდვის მიზნით;
გაეროსთან ახალი პოლიტიკა: გაეროს დაფინანსების შემცირება და მრავალმხრივ დიპლომატიაში „ეროვნული ინტერესების“ პრიორიტეტი;

მეგობრულ ქვეყნებთან შეთანხმებები: ორმხრივი სავაჭრო შეთანხმებების განვითარება მოკავშირე ქვეყნებთან, მათ შორის გაერთიანებულ სამეფოსთან, ისრაელთან და ინდოეთთან;
გლობალისტური დღის წესრიგის წინააღმდეგ ბრძოლა: აშშ-ის მონაწილეობაზე უარის თქმა საერთაშორისო შეთანხმებებში, საერთაშორისო ორგანიზაციების დაფინანსებაზე, რაც, ტრამპის აზრით, ქვეყნის სუვერენიტეტს და მის ეკონომიკურ მდგრადობას უქმნის საფრთხეს (მაგალითად, „პარიზის კლიმატის შეთანხმება“);

მექსიკაზე ზემოქმედება: მექსიკაზე ეკონომიკური ზემოქმედების გაძლიერება მიგრაციის კრიზისის პრევენციისა და ნარკოტრეფიკთან ბრძოლაში თანამშრომლობის გაფართოების მიზნით;

ურთიერთობების გაძლიერება რუსეთთან და უკრაინაში ომის დასასრული: უკრაინაში სამშვიდობო პროცესის ხელშეწყობის პარალელურად, რუსეთთან ურთიერთობის გაუმჯობესების მცდელობა სტრატეგიული პარტნიორობის ფარგლებში, საერთაშორისო ტერორიზმთან ბრძოლის ჩათვლით;

გლობალური ტერორიზმის წინააღმდეგ ბრძოლა: ტერორისტული ჯგუფების, როგორიცაა „ისლამური სახელმწიფო“, წინააღმდეგ სამხედრო ოპერაციების გაძლიერება და ახლო აღმოსავლეთის მოკავშირეებთან თანამშრომლობის გაფართოება;
აშშ-ის ახალი პრიორიტეტი მსოფლიო პოლიტიკაში: „ამერიკა უპირველეს ყოვლისა“ და

„გახადე ამერიკა კვლავ დიადი“, დოქტრინების გამოცხადება, რაც გულისხმობს აშშ-ის მონაწილეობას გლობალური კონფლიქტების შემცირებაში და ეროვნული ინტერესების პრიორიტეტულობას.

ეს და სხვა ტიპის ამოცანები ასახავენ ტრამპის სწრაფვას, განახორციელოს როგორც შიდა, ისე საგარეო იმგვარი პოლიტიკა, რომელიც მიმართულია ეროვნული სუვერენიტეტისა და ამერიკული ინტერესების დაცვაზე. მათ შორის მეტწილად თანხვედრაშია საქართველოს დეკლარირებულ მზადყოფნასა და მოლოდინზე, ჩვენს სტრატეგიულ პარტნიორ აშშ-თან ბაიდენის ადმინისტრაციის დროს დახარვეზებული ურთიერთობების „გადატვირთვის“ თვალსაზრისით“, – წერს დავით ქართველიშვილი.

დარწმუნებული ვარ, რომ ოპოზიციის აქციები გაგრძელდება, რადგან ეს არის მათი დამკვეთების ნება, გადაწყვეტილება, რომ როგორმე ავნონ საქართველოს სახელმწიფოს, – განაცხადა პარლამენტის ვიცე-სპიკერმა, „ხალხის ძალის“ თავმჯდომარემ სოზარ სუბარმა.

„დღეს ისინი ხედავენ, რომ მათ ძალა უკვე აღარ აქვთ, თუმცა, მიუხედავად ამისა, დარწმუნებული ვარ, რომ მათი აქციები გაგრძელდება, რადგან ეს არის მათი დამკვეთების ნება, გადაწყვეტილება, რომ როგორმე ავნონ საქართველოს სახელმწიფოს. ხედავენ, რომ დღეს მათ ვერ შეძლეს ქართული სახელმწიფოს შერყევა და ახლაც, მთელი აქცენტი გადატანილი აქვთ ეკონომიკაზე, რომ როგორმე შეანელონ ეკონომიკური ზრდა. ამ აქციებს რომ მიზანი, გეგმა არ აქვს, ამას ვხედავთ, მათ ლაპარაკშიც სულ უფრო ხშირად ეს სასოწარკვეთილი ტონები იმატებს“, – აღნიშნა სუბარმა.