Home Blog Page 40

თიბისი კონცეპტი, Visa და Turkish Airlines ინოვაციურ სამოგზაურო ბარათს ქმნიან

ქვეყნის წამყვანი ფინანსური ინსტიტუტი – თიბისი, საერთაშორისო საგადახდო ქსელი -Visa და მსოფლიოში ერთ-ერთი წარმატებული ავიაკომპანია – Turkish Airlines უპრეცედენტო კოლაბორაციას იწყებენ.

ბრენდების სამმხრივი თანამშრომლობით, მალე, საქართველოს ბაზრისთვის ინოვაციური პროდუქტი – სამოგზაურო ბარათი შეიქმნება, რომელიც თიბისი კონცეპტ 360-ის და თიბისი Wealth Management-ის მომხმარებლებს მოგზაურობის სრულიად ახალ გამოცდილებას შესთავაზებს.

ურთიერთთანამშრომლობის მემორანდუმს ბრენდების წარმომადგენლებმა ხელი 12 ივნისს, სტამბოლში მოაწერეს.

„საქართველოში ასეთი მასშტაბის ბრენდების საერთო ღირებულებით გაერთიანება უპრეცედენტოა. ჩვენი ერთობლივი ხედვა მარტივ იდეაზეა დაფუძნებული – ქართველ მომხმარებლებს ისეთი პროდუქტები და მომსახურება შევთავაზოთ, რომელიც შეუქმნით კომფორტს მსოფლიოს ნებისმიერ წერტილში მოგზაურობისას”, – ვახტანგ ბუცხრიკიძე, თიბისის გენერალური დირექტორი.

აღნიშნული ბრენდების პარტნიორობით შექმნილი სამოგზაურო პროდუქტი Visa-ს სამოგზაურო უპირატესობებს, თიბისი ბანკის მოწინავე ფინანსურ სერვისებსა და Turkish Airlines-ის Miles & Smiles პროგრამას გააერთიანებს.

მომხმარებლები საზღვარგარეთ განხორციელებულ ტრანზაქციებზე, Turkish Airlines-ის მილების (Miles & Smiles) დაგროვებას შეძლებენ, რომელთა გამოყენებაც შესაძლებელი იქნება ავიაკომპანიის ბილეთების და სხვა სერვისების შესაძენად.

მომხმარებლებისთვის უპირატესობების შეთავაზება დაგეგმილია ისეთ სამოგზაურო კატეგორიებშიც, როგორიცაა: განსაკუთრებული შეთავაზება აეროპორტის ლაუნჯებზე, უსაფრთხოების კონტროლის სწრაფი გავლა, განსაკუთრებული ტარიფები ტაქსსა და ინტერნეტ როუმინგზე.

“მოხარულები ვართ, რომ თიბისისთან და Visa-სთან თანამშრომლობით ვქმნით ერთობლივ პროდუქტს- სამოგზაურო ბარათს, რომელიც მომხმარებლებს მისცემს ყოველდღიური ხარჯებიდან სარგებლის მიღების შესაძლებლობას. ეს კოლაბორაცია ზუსტად ასახავს ჩვენს მთავარ ფოკუსს- მგზავრებისათვის ფრენის მიღმა მოგზაურობის გამოცდილების გაუმჯობესებას და მათთვის დამატებითი ღირებულებების შექმნას“,  – Turkish Airlines-ის მარკეტინგის უფროსი ვიცე-პრეზიდენტი, არიფ ალი გეზმისოლუ.

უნიკალური უპირატესობების გარდა, მეტალის პრემიუმ მასალისაგან დამზადებული  სამოგზაურო ბარათი ქობრენდ დიზაინით იქნება გამორჩეული.

“მოხარული ვარ რომ საქართველოში პირველი ინოვაციური სამოგზაურო ბარათი  ექსკლუზიურად ყველაზე გამოცდილი მოგზაურებისთვის იქნება ხელმისაწვდომი. ჩვენს მომხმარებლებს უფრო კომფორტულ, სასიამოვნო და დასამახსოვრებელ გამოცდილებასთან ერთად, ახლა უკვე მნიშვნელოვანი ბენეფიტების მიღებაც შეეძლებათ. ეს კოლაბორაცია სრულ თანხვედრაშია ჩვენს სტრატეგიულ მიზანთან – განსაკუთრებული ღირებულება შევქმნათ მათთვის, ვისაც მოგზაურობა ასე ძალიან უყვარს “, – დიანა კიღურაძე, Visa-ს რეგიონული მენეჯერი კავკასიასა და მოლდოვაში.

ბარათის ფუნქციონალის შესახებ დეტალური ინფორმაცია, ახლო მომავალში, მისი გამოშვების შემდეგ გახდება ცნობილი.

(R)

17 ივნისიდან PSP -აფთიაქებში წნევის უფასო მონიტორინგის დღეები იწყება

PSP-ს აფთიაქებში წნევის უფასო მონიტორინგის დღეები იწყება, რაც გულისხმობს მომხმარებლის სურვილის შემთხვევაში, შვეიცარიული კომპანიის „მიკროლაიფის“ უზუსტესი წნევის საზომი აპარატებით დიაგნოსტიკას.

„მიკროლაიფის“ მოწყობილობების სიზუსტე, სანდოობა და ინოვაციური ტექნოლოგიები, საშუალებას იძლევა, აღმოვაჩინოთ სხვა დარღვევები და დროულად მივმართოთ ექიმს.

ტონომეტრების მოდელების მრავალფეროვანი არჩევანი: მაჯის და მხრის, ავტომატური და ნახევრადავტომატური, PC კავშირით და სხვ. მარტივი და მოსახერხებელია სახლის პირობებში გამოყენებისთვისაც. ასე მაგ., AFIB ტექნოლოგია  გაზომვისას ამოიცნობს არითმიის რისკს. ამ უნიკალური ტექნოლოგიის გამო, ითვლება “Microlife” ინსულტის პრევენციის პირველ ნაბიჯად.

მარტივი და კომფორტული ინტერფეისი, Touch ეკრანები და დიდი ციფრები – შესაფერისია ყველა ასაკისთვის, მათ შორის უფროსი თაობისთვის. ტონომეტრი ავტომატურად აკეთებს სამ გაზომვას და აჩვენებს საშუალო მნიშვნელობას, რაც ამცირებს ცდომილებას.

ზოგ მოდელში ინტეგრირებული Bluetooth საშუალებას იძლევა მომხმარებელმა მარტივად გადაიტანოს მონაცემები მობილურში და/ან გაუზიაროს ექიმს. ყველა მოდელი ტესტირებულია კლინიკურად (ESH, BHS, MAM ) და გამოირჩევა მაღალი სიზუსტით როგორც ექიმებისთვის, ასევე საოჯახო გამოყენებისთვის.

მონიტორინგის შედეგად არითმიის რისკის აღმოჩენისას, აქციის ფარგლებში, მომხმარებელს გადაეცემა „ნიუ ჰოსპიტალსის“ კარდიოლოგის კონსულტაციის 50%-იანი ფასდაკლების ვაუჩერი, ივლისის ბოლომდე სარგებლობისთვის.

მონიტორინგის დღეები იწყება თბილისში, 17 ივნისს პეკინის N14-ში მდებარე PSP აფთიაქში და გავრცელდება სხვადასხვა უბანში, ასევე ეტაპობრივად ჩატარდება რეგიონებში. მომხმარებლებს განრიგის ნახვა შეუძლიათ PSP-ს ოფიციალურ გვერდებზე www.psp.ge და https://www.facebook.com/psp.ge

„მიკროლაიფი“ (Microlife) მსოფლიო ლიდერია სამედიცინო დიაგნოსტიკური აპარატურის წარმოებაში. არტერიული წნევის მონიტორების, ციფრული თერმომეტრების და ნებულაიზერების შვეიცარიული ხარისხი და სიზუსტე, განაპირობებს ამ აპარატურის მიმართ მსოფლიოს სხვადასხვა ქვეყანაში ექიმების მაღალ ნდობას.

 

(R)

ბრიტანეთის სადაზვერვო სამსახურს ქალი უხელმძღვანელებს- წარმოშობით ქართველი ბლეიზ მეტრეველი ოფიციალურად თანამდებობას ოქტომბრიდან დაიკავებს

ისტორიაში პირველად, ბრიტანეთის სადაზვერვო სამსახურის, MI6-ის ხელმძღვანელი ქალი იქნება. წარმოშობით ქართველი ბლეიზ მეტრეველი ოფიციალურად თანამდებობას ოქტომბრიდან დაიკავებს და მოქმედ ხელმძღვანელს, რიჩარდ მურის ჩაანაცვლებს. მეტრეველი ორგანიზაციის მე-18 ხელმძღვანელი იქნება.

აღნიშნულ გადაწყვეტილებას ბრიტანეთის პრემიერ-მინისტრმა, კირ სტარმერმა ისტორიული უწოდა. სტარმერმა ასევე განაცხადა, რომ ბლეიზ მეტრეველი აღნიშნულ თანამდებობას იკავებს იმ დროს, როდესაც გაერთიანებული სამეფო მზარდი საფრთხეების წინაშე დგას მოწინააღმდეგეების მხრიდან.

„მოუთმენლად ველოდები ამ სამუშაოს გაგრძელებას MI6-ის მამაც ოფიცრებთან და აგენტებთან და ჩვენს მრავალ საერთაშორისო პარტნიორთან ერთად“, – განაცხადა მეტრეველმა.

მეტრეველი სადაზვერვო სამსახურში 1999 წლიდან მუშაობს. ამ ეტაპზე Q დეპარტამენტის ტექნოლოგიებისა და ინოვაციების კრიტიკულად მნიშვნელოვანი განყოფილების ხელმძღვანელია. დეპარტამენტის მიზანია საიდუმლო აგენტების ვინაობის საიდუმლოდ შენახვა და მოწინააღმდეგეებისგან თავის დაღწევის ახალი გზების შემუშავება.

გერმანიის საელჩომ სცენა დაუთმო ირაკლი ხვადაგიანს, ძნელია, წარმოიდგინო იმაზე მეტი ცინიზმი, ვიდრე წარსულის გააზრებაზე სასაუბროდ სააკაშვილის პროპაგანდისტის მიმდევრის მიყვანაა-შალვა პაპუაშვილი

გერმანიის საელჩომ სცენა დაუთმო ირაკლი ხვადაგიანს. ძნელია, წარმოიდგინო იმაზე მეტი ცინიზმი, ვიდრე წარსულის გააზრებაზე სასაუბროდ სააკაშვილის პროპაგანდისტის და მისი ექსტრემისტული იდეების მიმდევრის მიყვანაა, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

როგორც პაპუაშვილი წერს, ამ ყველაფერს აორგანიზებს უცხოური საელჩო, რომელიც „სააკაშვილის რეჟიმის დანაშაულებს არ ხედავს“.

„მომავალი აქვს მას, ვინც იცნობს საკუთარ წარსულს“ – გერმანიის საელჩომ ჰუმბოლდტის ეს სიტყვები გაიმეორა და სცენა მიხეილ სააკაშვილის „ნაციონალური მოძრაობის“ საპარლამენტო სიის მე-8 ნომერს (!), ირაკლი ხვადაგიანს დაუთმო. ძნელია, წარმოიდგინო იმაზე მეტი ცინიზმი, ვიდრე წარსულის გააზრებაზე სასაუბროდ სააკაშვილის პროპაგანდისტის და მისი ექსტრემისტული იდეების მიმდევრის მიყვანაა. ამ ყველაფერს, პარლამენტის საგამოძიებო კომისიაში ადამიანური ტრაგედიების მოსმენის ფონზე, აორგანიზებს უცხოური საელჩო, რომელიც სააკაშვილის რეჟიმის ამ დანაშაულებს არ ხედავს. მართლაცდა, როგორც ჰუმბოლდტი იტყოდა: „ყველაზე საშიში მსოფლმხედველობა აქვთ მათ, რომელთაც მსოფლიოსთვის არასდროს შეუხედავთ“,- წერს შალვა პაპუაშვილი.

საქართველოში გერმანიის საელჩომ 15 ივნისს გაავრცელა პოსტი, სადაც ნათქვამია, რომ საელჩომ საქართველოში მოიწვია ისტორიკოსი და აღმოსავლეთ გერმანიის (გდრ) დროინდელი მოვლენების მოწმე, პეტერ კოიპი. მათივე ცნობით, გორსა და ქუთაისში პეტერ კოიპის ლექციები მიმდინარეობდა. საელჩოს ინფორმაციით, ღონისძიებაში ასევე მონაწილეობდა ისტორიკოსი ირაკლი ხვადაგიანი.

https://www.facebook.com/photo.php?fbid=1343154071149690&set=a.328356269296147&type=3&ref=embed_post

16 ივნისიდან პეტრე-პავლობის მარხვა იწყება

16 ივნისს მარხვა იწყება, რომელიც პეტრე-პავლობის სახელით მოიხსენიება

დიდმარხვასთან შედარებით ეს მარხვა მსუბუქია და თევზით არის ხსნილი (ოთხშაბათისა და პარასკევის გარდა).

პეტრე-პავლობის მარხვის ხანგრძლივობა ცვალებადია და სულთმოფენობას უკავშირდება, რომელიც თავის მხრივ აღდგომის დღესასწაულზეა დამოკიდებული და აღდგომიდან 50-ე დღეს აღინიშნება. მარხვა კი სულთმოფენობიდან ერთ კვირაში იწყება. ამიტომ პეტრე-პავლობის მარხვის ხანგრძლივობა ყველაზე ცოტა 10 დღეა, ყველაზე ბევრი კი – ექვსი კვირა.

ქრისტეს მოწაფეთა შორის მართლმადიდებელი ეკლესია განსაკუთრებულ პატივს ორ მათგანს, წმინდა პეტრესა და პავლეს მიაგებს, სწორედ ამიტომ მათ “მოციქულთა თავნი“ ანუ მეთაურები ეწოდებათ. ისინი ერთდრულად აღესრულნენ იმპერატორ ნერონის დროს, 67 წელს, როდესაც პეტრე თავდაყირა გააკრეს ჯვარზე, ხოლო პავლეს თავი მოჰკვეთეს.

16 ივნისის ასტროლოგიური პროგნოზი

ვერძი

ყველაფერი მოიმოქმედეთ იმისთვის, რომ წარმატებით გაუმლკავდეთ სირთულეებს და კონკურენტებსაც დაუმტკიცოთ, რომ ღირსეული ადამიანი ხართ. შესაძლოა, გაკვირდებიან, ამიტომ „სუფთად“ იმოქმედეთ.

კურო

დღეს, ნაყოფიერი იქნება შეხვედრები და მოლაპარაკებები, ნუ იზარმაცებთ და აუცილებლად შეასრულეთ დანაპირები, რათა არ დაგჭირდეთ სხვებთან მობოდიშება და თავის მართლება.

ტყუპები

აკვიატებულმა მიზნებმა და იდეებმა შესაძლოა, საფრთხე შეუქმნას თქვენს ავტორიტეტს, სასურველია, თავი ხელში აიყვანოთ და ცივი გონებით კიდევ ერთხელ ჩაუღრმავდეთ თქვენს პროექტს, დახმარებისთვის სანდო თანამშრომლებს მიმართეთ.

კირჩხიბი

დღეს, ყველა გაუგებრობას შინ თუ გარეთ თავს წარმატებით გაართმევთ და ნებისმიერ სიტუაციას სათქვენოდ შემოაბრუნებთ. თქვენი მოხერხებულობა და გონიერება შექებას იმსახურებს.

ლომი

ნებისმიერი ოცნება ასრულებადია, თქვენ მხოლოდ იყავით მადლიერი იმით, რაც გაქვთ, სამყაროს არ უყვარს წუწუნა ადამიანები, ის ყურადღებით გისმენთ და დიდი შანსები გაქვთ, ფორტუნას კეთილგანწყობა დაიმსახუროთ.

ქალწული

ენდეთ ინტუიციას და თუ სხვებს თქვენი დახმარება ესაჭიროებათ, აუცილებლად გამოიჩინეთ ყურადღება, უანგაროდ დაეხმაროთ მათ. ნუ განსჯით ნურავის, უბრალოდ, იზრუნეთ გასაჭირში მყოფ ნებისმიერ ადამიანზე.

სასწორი

სამსახურში, გარკვეული ცვლილებების გამო, შესაძლოა, თქვენი გეგმებიც შეიცვალოს, თქვენ კარგად გესმით შექმნილი მდგომარეობა, ამიტომ, გააკეთეთ ადეკვატური დასკვნები და შესაბამისად იმოქმედეთ.

მორიელი

იყავით ფრთხილად, თავგადასავლების ძიებაში საკუთარი თავი არ დაკარგოთ და ზღვარს არ გასცდეთ, შესაძლოა, უსიამოვნო ავანტიურის მსხვერპლი გახდეთ.

მშვილდოსანი

ნუ დაიშურებთ ძალისხმევას, ყველაფერი გააკეთეთ იმისათვის, რომ მოსალოდნელი ცვლილებები სასიკეთო მიმართულებით წარიმართოს და თქვენმა იდეებმა მარცხი არ განიცადოს.

თხის რქა

დღეს, შესაძლოა, უფროსობის დამოკიდებულებაში თქვენს მიმართ სასიკეთო ცვლილებები შეამჩნიოთ, გამოიჩინეთ კეთილგონიერება და მთელი არსებით შეეცადეთ, არ გაუცრუოთ მათ იმედები, მაქსიმალურად კეთილსინდისიერად შეასრულეთ თქვენი საქმე.

მერწყული

იყავით თავშეკავებული, შესაძლოა, გარშემომყოფებს უსამართლო საყვედურებით, ან კრიტიკული შენიშვნებით გული ატკინოთ. მოიქეცით ობიექტურად და საკუთარ წარუმატებლობაში სხვებს ნუ დაადანაშაულებთ.

თევზები

ნურაფერს უჩვეულოს ნუ მოიმოქმედებთ, რათა ახლობელ ადამიანებთან და კოლეგებთან ახსნა-განმარტებები და თავის მართლება არ მოგიწიოთ.

ღაზას სექტორში, საკვების განაწილების პუნქტთან, სულ მცირე, 8 ადამიანი დაიღუპა – The Guardian

ისრაელსა და ირანს შორის დაწყებული საომარი მოქმედებების ფონზე, ღაზას სექტორში მდგომარეობა გაუარესდა. დღეს, 15 ივნისს ტერიტორიაზე საკვების განაწილების პუნქტთან სროლას, სულ მცირე, 8 პალესტინელის სიცოცხლე ემსხვერპლა. დაჭრილად ცხადდება ათობით პირი. თემაზე The Guardian გვიამბობს. 

მიუხედავად იმისა, რომ ისრაელის განცხადებით, ღაზა ირანისთვის საომარი ოპერაციების „მეორეხარისხოვანი თეატრია“, პალესტინელების ცნობით, ძალადობა გრძელდება, მათ შორის, ცეცხლის გახსნა აშშ-ისა და ისრაელის მიერ მხარდაჭერილი დახმარების განაწილების პუნქტების გარშემო და არსებობს საშიშროება, რომ გლობალური ყურადღება ღაზას სექტორიდან ირანისკენ გადადის. 

„იყვნენ დაჭრილები, დაღუპულები და ნაწამები პირები“, – განუცხადა აჰმედ ალ-მასრიმ Associated Press-ს, როდესაც პუნქტიდან ხელცარიელი დაბრუნდა. „ეს ხაფანგია“. 

ერთ-ერთი თვითმხილველის თქმით, უბანში დახმარების პუნქტისკენ მიმავალ ადამიანებს დაახლოებით, დილის 4:30 საათზე შეუერთდა. სროლა მალევე დაიწყო და გაეროს ჰუმანიტარულ საკითხებში გენერალური მდივნის მოადგილის და საგანგებო დახმარების კოორდინატორის ტომ ფლეტჩერის განცხადებას მოჰყვა. 

მისი თქმით, „შიმშილს არასდროს უნდა უპასუხო ტყვიებით“. „ჰუმანიტარული დახმარების თანამშრომლებს საშუალება უნდა მიეცეთ, შეასრულონ საკუთარი საქმე და მიაღწიონ გაჭირვებულ ადამიანებამდე, ჰუმანიტარული პრინციპების შესაბამისად“. 

აღსანიშნავია, რომ საკვებ პუნქტთან ახლოს სროლა, თითქმის, ყოველდღიურ ხასიათს იძენს მას შემდეგ, რაც ობიექტი გაიხსნა. თვითმხილველები ირწმუნებიან, რომ ისრაელის სამხედრო ძალებმა არაერთხელ ისროლეს ადამიანების მიმართულებით. როგორც ისრაელი ამტკიცებს, ეს გამაფრთხილებელი გასროლა იყო ეჭვმიტანილების წინააღმდეგ, რომლებიც უშუალოდ მათ უახლოვდებოდნენ და არა – საკვებ პუნქტს. 

ბოლო პერიოდში განვითარებული მოვლენების[ისრაელისა და ირანის კონფლიქტი] პარალელურად, პალესტინაში მოსახლეობის შფოთვის მაჩვენებელი იზრდება, რადგან ისინი შიშობენ, რომ მათი გასაჭირი დავიწყებას მიეცემა. „დახმარებით დატვირთული მანქანების რაოდენობა მცირდება, მშვიდობიანი მოქალაქეები ახლა უფრო დიდი საფრთხის წინაშე არიან, ვიდრე მანამდე. ამ ხოცვა-ჟლეტვაზე აღარავინ საუბრობს“, – აცხადებს მუჰამედ ზუჰაირა, ბეით ლაჰიას რაიონის მცხოვრები. 

„მსოფლიოს ყურადღების გადატანა ირანთან დაკავშირებულ მოვლენებზე, კატასტროფაა ღაზას მოსახლეობისთვის, განსაკუთრებით ამჟამინდელი შიმშილობის ფონზე“, – დასძენს ის. 

„მას შემდეგ, რაც ისრაელსა და ირანს შორის კონფლიქტი დაიწყო, სიტუაცია უფრო გამწვავდა. ჩვენ ველოდით, რომ ღაზაზე ზეწოლა შემცირდებოდა, მაგრამ პირიქით მოხდა და ვითარება გაუარესდა. არავინ საუბრობს ამაზე – ყველა სიახლე ირანში მიმდინარე მოვლენებზეა“, – აღნიშნავს ზუჰაირა. 

ექსპერტები და ჰუმანიტარული დახმარების თანამშრომლები ამბობენ, რომ ისრაელის მრავალთვიანმა ბლოკადამ ფართომასშტაბიანი შიმშილობა გამოიწვია, ახალმა სამხედრო ოპერაციამ კი, შიმშილობის რისკი, კიდევ უფრო, გაზარდა. 

ცნობისთვის, მშვიდობიანი პალესტინელების დახმარების სისტემა მაისში ამოქმედდა და ისრაელმა დაწესებული სრული ბლოკადა ნაწილობრივ შეამსუბუქა. მიუხედავად ამისა, პროცესი ძალადობისა და სროლის ფონზე მიმდინარეობს. 

ღაზას ჯანდაცვის სამინისტროს მონაცემებით, ისრაელის სამხედრო კამპანიამ 55 000-ზე მეტი პალესტინელის სიცოცხლე იმსხვერპლა. 

,,ეს არის ლოგიკური ნაბიჯი ორ ქვეყანას შორის ახალი მიმართულებით ფრენების დაწყების შესახებ  და Air Serbia-ს თითქმის 100 წლიანი ისტორიის მანძილზე”- Air Serbia-ს წარმომადგენელი

საქართველოს ავიაბაზარზე, ახალი ევროპული ავიაკომპანია Air Serbia შემოვიდა. აქტიური მოლაპარაკებები საქართველოს აეროპორტების გაერთიანებამ სერბეთის ფლაგმანთან, ეკონომიკისა და მდგრადი განვითარების სამინისტროს ჩართულობით, წარმატებით დაასრულა. თბილისის საერთაშორისო აეროპორტში ახალ ევროპულ ავიაკომპანიასთან დაკავშირებით გამართულ მიღებაზე, Air Serbia-ს Air Serbia-ს ქსელის დაგეგმარების ხელმძღვანელმა, ბოიან არანჯელოვიჩმა აღნიშნა, რომ ფრენების დაწყება ორ ქვეყანას შორის არის ლოგიკური ნაბიჯი ავიაკომპანიის მხრიდან.

,,პირველ ფრენაზე ბელგრადიდან თბილისის მიმართულებით თვითმფრინავი სავსე იყო, რამაც ჩვენს მოლოდინს გადააჭარბა, თითქმის 130 მგზავრი იყო. საქართველოში ფრენების დაწყება Air Serbia-სთვის მომდევნო ლოგიკური ეტაპი იყო.  საქართველოსა და სერბეთს შორის პირდაპირი ფრენების დაწყების თაობაზე მოთხოვნის დეტალურად გაანალიზების შემდეგ ახალი მიმართულებით განვახორციელეთ ფრენა.

 ეს არის ლოგიკური ნაბიჯი ორ ქვეყანას შორის ახალი მიმართულებით ფრენების დაწყების შესახებ  და Air Serbia-ს თითქმის 100 წლიანი ისტორიის მანძილზე. ამავდროულად, ეს ყოველივე ხდება იმ წელს, როცა ჩვენ აღვნიშნავთ ორ ერს შორის 30 წლიანი დიპლომატიური ურთიერთობების დაწყებას,-‘’განაცხადა ბოიან არანჯელოვიჩმა.

Air Serbia პირველი სერბული ეროვნული ავიაკომპანია Aeroput-ის მემკვიდრეა, რომელიც 1927 წელს დაარსდა. 2024 წელს, საქართველოსა და სერბეთს შორის ჯამურმა მგზავრთნაკადმა 18,325 მგზავრი შეაედგინა. რაც 97 %-ით მეტია 2023 წლის მონაცემებთან შედარებით.

ბოიან არანჯელოვიჩი – Air Serbia-ს ქსელისა და განრიგის დაგეგმარების ხელმძღვანელი

,,საქართველოში ფრენების შესრულება კიდევ ერთმა ევროპულმა ავიაკომპანიამ Air Serbia-მ დაიწყო” – მარიამ ქვრივიშვილი

საქართველოს ავიაბაზარზე ოპერირება, ახალმა ევროპულმა ავიაკომპანია Air Serbia-მ დაიწყო, რომელიც ბელგრადი-თბილისი-ბელგრადის მიმართულებით რეისებს კვირაში სამჯერ შეასრულებს.

საქართველოსა და სერბეთს შორის ამ დრომდე პირდაპირი რეგულარული ავიამიმოსვლა არასდროს ყოფილა.

„მნიშვნელოვანია, რომ საქართველოს საავიაციო ბაზარზე კიდევ ერთი ევროპული ავიაკომპანია დაიწყებს რეგულარულ ფრენებს. მოხარული ვართ, რომ მოლაპარაკებები სერბეთის მხარესთან წარმატებით დასრულდა. Air Serbia-ს საქართველოში შემოსვლა ბაზრების დივერსიფიკაციის პოლიტიკის წარმატებული შედეგია, რომელსაც მთავრობა აქტიურად ახორციელებს!“, – განაცხადა ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა.

როგორც მინისტრის მოადგილემ განაცხადა, სერბეთის ავიაკომპანიის შემოსვლა საქართველოს ავიაბაზარზე ასევე ცალსახად მიანიშნებს საქართველოზე, როგორც მოთხოვნად ტურისტულ მიმართულებაზე.

„მოველით, რომ საქართველოში სერბეთიდან გაიზრდება ვიზიტორების რაოდენობა, რაც დადებითად აისახება როგორც ავიაციის, ისე ტურიზმის სექტორის განვითარებაზე“, – აღნიშნა მარიამ ქვრივიშვილმა.

ავიაკომპანია Air Serbia-ს ახალი მიმართულებებით ოპერირების ნებართვა საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ მიმდინარე წლის 11 ივნისს მიანიჭა.

ინდოეთში ვერტმფრენი ჩამოვარდა, დაიღუპა 7 ადამიანი

15 ივნისის დილას, ინდოეთში, უტარკჰანდის შტატში კერძო კომპანია Aryan Aviation-ის ვერტმფრენი ჩამოვარდა.

ავიაკატასტროფის მომენტში, ვერტმფრენის ბორტზე 7 ადამიანი იმყოფებოდა. შვიდივე მგზავრი დაიღუპა.

ვერტმფრენი ჩამოვარდნის სავარაუდო მიზეზად ამინდით გამოწვეული ცუდი ხილვადობა სახელდება.

ადგილობრივი ხელისუფლება ვერტმფრენების ტექნიკური მდგომარეობის კონტროლის გამკაცრებას აპირებს, ვინაიდან ბოლო პერიოდში უტარკჰანდის შტატში რამდენიმე მსგავსი შემთხვევა მოხდა.

12 ივნისს, ახმადაბადში სამგზავრო თვითმფრინავი ჩამოვარდა, ავიაკატასტროფის შედეგად ბორტზე მყოფი 242 მგზავრიდან, მხოლოდ ერთი გადარჩა.

ისრაელის მოიერიშე თვითმფრინავებმა ღამით თეირანში 80 სამიზნეს დაარტყეს, სამხედრო ოპერაციის დაწყებიდან კი – 170-ზე მეტს – ისრაელის თავდაცვის ძალები

ისრაელის თავდაცვის ძალების ცნობით, მათმა ათობით მოიერიშე თვითმფრინავმა ღამით თეირანში სულ მცირე 80 სამიზნეს დაარტყა, – ინფორმაციას BBC-ი ავრცელებს.

ისრაელის თავდაცვის ძალებში აცხადებენ, რომ აღნიშნულ სამიზნეებს შორის იყო ირანის თავდაცვის სამინისტროს შტაბ-ბინა, სამხედრო კვლევისა და განვითარების განყოფილება და ობიექტები, სადაც ირანის რეჟიმმა ბირთვული არქივი დამალა.

ამასთან, საინფორმაციო სააგენტო Reuters-ი სამხედრო ჩინოვნიკზე დაყრდნობით იუწყება, რომ სამიზნეებს შორის ასევე იყო ორმაგი დანიშნულების ორი საწვავის ობიექტი, რომლებიც სამხედრო და ბირთვული ოპერაციებისთვის გამოიყენებოდა.

ისრაელის თავდაცვის ძალების ცნობით, ირანში, სამხედრო ოპერაციის დაწყების შემდეგ, სამ დღეზე ნაკლებ პერიოდში, 170-ზე მეტ სამიზნეს და სამხედრო ინფრასტრუქტურის 720 კომპონენტს დაარტყეს.

ირანის თავდასხმის შედეგად, ბოლო ორი დღის განმავლობაში, სხვადასხვა ასაკის 13 ისრაელელი დაიღუპა – რაკეტები არ არჩევენ ებრაელებს, მუსლიმებს და ქრისტიანებს – ისააკ ჰერცოგი

ბათ-იამში იმ ტერიტორიის მოსანახულებლად, სადაც ირანის სარაკეტო დარტყმა განხორციელდა, ისრაელის პრემიერ-მინისტრი ბენიამინ ნეთანიაჰუ და პრეზიდენტი ისააკ ჰერცოგი იმყოფებოდნენ , – ინფორმაციას The Times of Israel-ი ავრცელებს.

„ამ ტერიტორიაზე ათობით სახლი მთლიანად დაზიანდა ირანიდან გამოშვებული რაკეტის შედეგად. ბოლო ორი დღის განმავლობაში სხვადასხვა ასაკის 13 ისრაელელი დაიღუპა – ბავშვები, ზრდასრულები, მოხუცები და ახალი მიგრანტები. რაკეტები არ არჩევენ ებრაელებს, მუსლიმებს და ქრისტიანებს. ეს ისრაელის ისტორიაში ძალიან მნიშვნელოვანი მომენტია. უნდა გამოვავლინოთ ის ემოციური და გონებრივი მდგრადობა, რომელიც ყოველთვის გვაქვს“, – აღნიშნა ისრაელის პრეზიდენტმა.

შეგახსენებთ, ირანის მიერ ისრაელის ქალაქ ბათ-იამზე განხორციელებულ სარაკეტო თავდასხმის შედეგად 6 ადამიანი დაიღუპა და ასზე მეტი დაშავდა. სამაშველო ოპერაციები გრძელდება. მაშველები სამ დაკარგულ მოქალაქეს ეძებენ.

1...394041...2,856Page 40 of 2,856
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი