თიბისი კონცეპტის მხარდაჭერით წინანდლის კლასიკური მუსიკის ფესტივალის მეშვიდე სეზონი წინანდლის ისტორიულ მამულში 4-14 სექტემბერს გაიმართება.  ტრადიციულად, წინანდლის ფესტივალი მუსიკის მოყვარულებს პანკავკასიურ ახალგაზრდულ ორკესტრთან ერთად, მსოფლიოს წამყვან მუსიკოსებს, გამოჩენილ დირიჟორებს და სოლისტებს წარუდგენს.

2025 წლის სეზონს პანკავკასიური ახალგაზრდული ორკესტრის თანხლებით გახსნიან ფესტივალის მხატვრული ხელმძღვანელი ჯანანდრეა ნოზედა და პიანისტი ბეჰზოდ აბდურაიმოვი, რომელიც მსოფლიოს წამყვან ორკესტრებთან და ცნობილ დირიჟორებთან თანამშრომლობს. ლეგენდარული დირიჟორი ზუბინ მეტა წელს წინანდალს კვლავ ეწვევა და მალერის პირველი სიმფონიით 14 სექტემბერს საზეიმოდ დახურავს ფესტივალს.

წლევანდელ სოლისტებს შორის არიან პიანისტები ბეჰზოდ აბდურაიმოვი, გიორგი გიგაშვილი, ალექსანდრა დოვგანი, ჟულიენ კვენტინი, ნიკოლაი ლუგანსკი, ანდრას შიფი და ცოტნე ზედგინიძე; მევიოლინეები მარკ ბუშკოვი, მიშელ გუტმანი, დანიელ ლოზაკოვიჩი და იემენ საადი; ვიოლონჩელისტები მიშა მაისკი, ჯინგ ჟაო და პაბლო ფერანდესი; კონტრაბასისტი ბრენდან კეინი და ალტისტი სარა ფერანდესი.

წინანდლის ფესტივალის მეშვიდე სეზონში იერუსალიმის კვარტეტი პირველად მიიღებს მონაწილეობას, სუხიშვილების ეროვნული ბალეტი კი ტრადიციულად წელსაც ესტუმრება ფესტივალს.

გაეცანით ფესტივალის დეტალურ პროგრამას.

თიბისი კონცეპტის Mastercard ბარათის მომხმარებლებს, წინასწარი გაყიდვების ფარგლებში, 15 მაისიდან 31 მაისის ჩათვლით, შესაძლებლობა გექნებათ შეიძინოთ ფესტივალის ფარგლებში გათვალისწინებული ნაკრებები* და ბილეთები 25%-მდე ფასდაკლებით.

*ნაკრების შესაძენად გთხოვთ, დაუკავშირდეთ კონცეპტ ასისტენტს.

ბილეთების შესაძენად, ეწვიეთ ბმულს.

წინასწარი გაყიდვის ამოწურვის შემდეგ, ნაკრებებსა და ბილეთებზე გავრცელდება 15%-მდე ფასდაკლება მხოლოდ თიბისი კონცეპტის Mastercard ბარათებზე.

®

GM PHARMA-ს ორგანიზებით პაციენტებს საქართველოს მასშტაბით უფასო სამედიცინო კონსულტაციით და კვლევებით სარგებლობა შეუძლიათ.

ჰიპერტენზიის მსოფლიო დღე არის გლობალური ჯანდაცვის საინფორმაციო ინიციატივა, რომელიც მიზნად ისახავს საზოგადოების ინფორმირებას მაღალი არტერიული წნევის რისკების შესახებ და ხაზს უსვამს რეგულარული მონიტორინგისა და ჯანმრთელი ცხოვრების წესის მნიშვნელობას. ჰიპერტენზია წარმოადგენს გულის დაავადებებისა და ინსულტის ერთ-ერთ მთავარ რისკფაქტორს და მსოფლიო მასშტაბით მილიარდზე მეტ ადამიანს აწუხებს.

მსოფლიო ჰიპერტენზიის დღე (WHD) 2005 წელს დაარსდა ჰიპერტენზიის მსოფლიო ლიგის (WHL) მიერ. მისი მთავარი მიზანია საზოგადოებრივი ცნობიერების ამაღლება ჰიპერტენზიის შესახებ და პრევენციული სკრინინგის წახალისება, განსაკუთრებით იმის გათვალისწინებით, რომ ეს მდგომარეობა ხშირად სიმპტომების გარეშე მიმდინარეობს და პაციენტები ექიმს უკვე სერიოზული გართულებებით მიმართავენ.

სწორედ ამიტომ, ჰიპერტენზიის მსოფლიო დღის მთავარ გზავნილს – „გაიზომე და აკონტროლე წნევა, გაიხანგრძლივე სიცოცხლე!“ – საერთაშორისო მულტინაციონალური ფარმაცევტული კომპანია GM PHARMA უკვე წლებია უერთდება. კომპანია აქტიურად აწყობს უფასო გამოკვლევებსა და სკრინინგებს, რაც მიზნად ისახავს მოსახლეობის აქტიურ ჩართულობასა და მათი ინფორმირებულობის გაზრდას.

GM PHARMA-ს მიერ ორგანიზებული უფასო გასინჯვების კამპანია ეტაპობრივად ტარდება საქართველოს მასშტაბით პარტნიორ კლინიკებში. აღსანიშნავია, რომ GM PHARMA, როგორც საერთაშორისო ფარმაცევტული კომპანია, მსგავს აქტივობებს პარალელურად უზბეკეთსა და ტაჯიკეთშიც ახორციელებს.

საქართველოში უფასო გასინჯვები უკვე დაიწყო რუსთავში, თელავში, ქუთაისსა და მესტიაში. თბილისში მოქალაქეებს უფასო კონსულტაციების მიღების შესაძლებლობა ექნებათ ორ კლინიკაში – „ნიუ ჰოსპიტალსსა“ და „ჩაფიძის გულის ცენტრში“. ჰიპერტენზიის მსოფლიო კამპანიას უერთდება გორიც.

GM PHARMA-ს შეთავაზების ფარგლებში, პაციენტებს შესაძლებლობა ექნებათ ისარგებლონ შემდეგი უფასო სამედიცინო მომსახურებით:

• კარდიოლოგის კონსულტაცია
• ელექტროკარდიოგრაფია (ე.კ.გ.)
• ექოკარდიოსკოპია (საჭიროებისამებრ)

როგორც GM PHARMA-ს აღმასრულებელი დირექტორი, ბ-ნი ლევან ვარდუაშვილი აღნიშნავს, „ჰიპერტენზია მრავალი კარდიოვასკულარული გართულების წინაპირობაა, ასევე ჰიპერტენზია გულ-სისხლძარღვთა იმ ქრონიკულ დაავადებას განეკუთვნება, რომლის პრეპარატები ქრონიკული დაავადებების სამკურნალო მედიკამენტებით უზრუნველყოფის სახელმწიფო პროგრამაშია ჩართული.

საყოველთაო ჯანმრთელობის დაცვის სახელმწიფო პროგრამაში აქტიურად არის წარმოდგენილი  GM PHARMA-ს მედიკამენტებიც. სახელმწიფო პროგრამით სარგებლობა სოციალურად დაუცველ პირებს, პენსიონერებს, ვეტერანებს, შშმ პირებსა და საქართველოს ოკუპირებულ ტერიტორიებთან გამყოფი ხაზის მიმდებარე სოფლებში მცხოვრებ მოსახლეობას შეუძლია. შესაბამისად ჩვენ ვეცადეთ, უფასო გასინჯვების პროექტის ფარგლებში მაქსიმალურად მოგვეცვა ყველა შესაძლო კატეგორია  და მაქსიმალურად ხელი შეგვეწყო უკვე არსებული ჰიპერტენზიის  გამოვლენისთვის და აგრეთვე ცნობიერების გაზრდისათვის.

ასევე უნდა აღინიშნოს ის ფაქტიც, რომ კომპანიის კვლევა განვითარების ლაბორატორიაში მიმდინარეობს ახალ პრეპარატებზე მუშაობა, რაც იმას ნიშნავს რომ დამატებით ადგილობრივ და უცხოურ ბაზარზე სადაც GM PHARMA ოპერირებს გამოჩნდება ახალი პრეპარატები, რაც დაავადებებთან ბრძოლას კიდევ უფრო გაამარტივებს. ჩვენი მთავარი პრიორიტეტი ადამიანების ჯანმრთელობაა! GM PHARMA-ს სლოგანიც ხომ შესაბამისია: ვემსახურებით მათ ვისაც ყველაზე მეტად სჭირდება.“

®

ვერძი

დროა, როგორც სამსახურში, ისე ოჯახში დაგროვილი საკითხები საბოლოოდ გადაჭრათ. ნათესავების სიტყვებსა და საქციელში ბევრი რამ არ მოგწონთ, მაგრამ ეცადეთ, ამაში რაციონალური მარცვალი დაინახოთ. გადაწყვეტილების მიღებას ნუ იჩქარებთ და ემოციებით ნუ იმოქმედებთ. ამ დღეს შესაძლოა სამართლებრივ ნორმებთან შეხება მოგიწიოთ. მთავარია, შეცდომები არ დაუშვათ – ფრთხილად იმოქმედეთ და საკუთარ შესაძლებლობებს არ გადააჭარბოთ.

კურო

ამ დღეს იღბალი ზუსტი მეცნიერების მოყვარულ კუროებს გაუღიმებს. მათემატიკოსებსა და ფიზიკოსებს პერსონალური აღმოჩენები და პროფესიული წინსვლა ელოდება. ამ დღეს მხოლოდ საკუთარი ინტუიციის იმედად ნუ იქნებით და დახმარება კოლეგებს სთხოვეთ. ყურადღება მიაქციეთ ფინანსურ მდგომარეობას – მოსალოდნელია მცირე დანაკარგი, რაც განწყობას გაგიფუჭებთ. მოერიდეთ ორპირ ქარებს და ჯანმრთელობაზე იზრუნეთ.

ტყუპები

დილიდან სიზარმაცის შემოტევებს ებრძვით – თქვენი ორგანიზმი უბრალოდ ისვენებს და ამგვარად ძალების აღდგენას ცდილობს. ნუ უგულებელყოფთ წვრილმანებს – ისინი შეიძლება უფრო მნიშვნელოვანი იყოს, ვიდრე ერთი შეხედვით ჩანს. საქმიანი შეხვედრები და მოლაპარაკებები წარმატებით ჩაივლის, მთავარია, არ იჩქაროთ. ეცადეთ, კოლეგებთან ურთიერთობაში უფრო მეგობრული იყოთ და ყოველგვარ დაპირისპირებას მოერიდოთ.

კირჩხიბი

საკმაოდ მოსაწყენი და ერთფეროვანი დღეა, ამიტომ შეგიძლიათ თავს ცოტაოდენი სიზარმაცის უფლება მისცეთ. სახლში გარკვეული პრობლემებია მოსალოდნელი. მაგალითად, შეიძლება საყოფაცხოვრებო ტექნიკა გაფუჭდეს და დაუგეგმავი შესყიდვები მოგიწიოთ. ზოგი კირჩხიბი საყვარელი ადამიანისთვის დღესასწაულის მოწყობას შეძლებს.

ლომი

ამ დღეს კოლეგებთან მჭიდრო ურთიერთობა გელით. რამდენიმე მნიშვნელოვანი ამოცანის გადაწყვეტა მოგიწევთ, რაც თქვენგან სიმტკიცეს და გამჭრიახობას მოითხოვს. დაპირისპირებები გარდაუვალია, მაგრამ ეცადეთ, სერიოზულ კონფლიქტებში არ გაეხვიოთ. იზრუნეთ ნერვულ სისტემაზე – ამ დღეს ის განსაკუთრებით დაუცველია. ასევე, თავი შეიკავეთ ალკოჰოლის ჭარბი მიღებისგან.

ქალწული

ხელსაყრელი დროა, რომ მცირე შესვენება გამოაცხადოთ და ყოველდღიურ რუტინას მოსწყდეთ. სავარაუდოდ, გარშემომყოფები თქვენს სიკეთეს ბოროტად იყენებენ. დროა, სხვისი საქმეების კეთება შეწყვიტოთ და საკუთარ თავს მეტი დრო დაუთმოთ. გაატარეთ დრო მეგობრებთან ერთად, დაისვენეთ და თავს უფლება მიეცით, ის აკეთოთ, რაც გსურთ. გამორიცხული არ არის, რომ მალე ახალი მოკავშირეები იპოვოთ და ახალი შესაძლებლობები აღმოაჩინოთ.

სასწორი

ენერგეტიკული თვალსაზრისით, ეს დღე სასწორებისთვის ნაკლებად ხელსაყრელია. გარშემომყოფები თითქოს ენერგიას გაცლიან, ამიტომ მაქსიმალურად შეამცირეთ კონტაქტები და არ გადაიღალოთ. წინააღმდეგ შემთხვევაში გადაღლამ შეიძლება იმუნიტეტზეც იმოქმედოს. თუ რაიმე პრობლემა გაქვთ, გირჩევთ, პარტნიორს ამაზე გულწრფელად ესაუბროთ.

მორიელი

იქნებ დროა, სამსახურის შეცვლაზე დაფიქრდეთ – მით უფრო, თუკი ამჟამინდელი საქმიანობა აღარ გაკმაყოფილებთ ან სამომავლო პერსპექტივას ვერ ხედავთ. აუცილებელი არ არის, რომ ახალი სამსახური იმავე სფეროში იყოს – შეგიძლიათ ცხოვრება რადიკალურად შეცვალოთ. მალე ბევრი თავისუფალი დრო გექნებათ, რომელიც შეგიძლიათ მეგობრებსა და ახლობლებს დაუთმოთ.

მშვილდოსანი

ამ დღეს უმჯობესია, თქვენი გეგმები არავის გაანდოთ – შესაძლოა, შურიან ადამიანებს შეხვდეთ, რომლებიც თქვენი გეგმების ჩაშლას შეეცდებიან. ახალი საქმეები სასურველია დღის პირველ ნახევარში დაიწყოთ, როდესაც ჯერ კიდევ ენერგიითა და ენთუზიაზმით ხართ სავსე. ენდეთ საკუთარ ინტუიციას და ყველაფერი შესანიშნავად გამოგივათ. დღეს ვარსკვლავები თქვენს მხარეს არიან.

თხის რქა

თქვენი ნიჭი და საქმიანი თვისებები აუცილებლად დაფასდება. გამორიცხული არ არის, რომ მოკავშირეები იპოვოთ და ახალი შესაძლებლობები აღმოაჩინოთ. მოსალოდნელია ფინანსური შემოსავალი და წარმატებული შესყიდვები. ხელმძღვანელობა თქვენდამი განსაკუთრებით კეთილგანწყობილია, ასე რომ, თუ დიდი ხანია ხელფასის მომატება ან დაწინაურება გსურდათ, ამ დღეს შანსი გექნებათ – იღბალი თქვენს მხარესაა.

მერწყული

ამ დღეს სამსახურში არაერთი პრობლემა დაგატყდებათ თავზე და ვითარების შესაცვლელად როგორც საკუთარი შეცდომების გამოსწორება, ისე სხვებისთვის დახმარების გაწევა მოგიწევთ. ამ სირთულეების მიუხედავად, ეცადეთ, საღამო ოჯახსა და საყვარელ ადამიანებს დაუთმოთ.

თევზები

ამ დღეს სამსახურში მეტი უნდა იაქტიუროთ, რომ ახალი პროექტის მიმდინარეობა არ შეაფერხოთ. ზოგადად, ეცადეთ, რომ შემოქმედებითი და პროფესიული შესაძლებლობები განავითაროთ და კარიერული მდგომარეობა გაიუმჯობესოთ. არც ჯანმრთელობა დაგავიწყდეთ – სუფთა ჰაერზე იარეთ და მსუბუქი ფიზიკური აქტივობით დაკავდით. ხანმოკლე მოგზაურობა ახალ ემოციებს და შთაბეჭდილებებს მოგიტანთ.