გარემოს ეროვნული სააგენტოს მოკლევადიანი პროგნოზის განყოფილების უფროსის, დოდო გვაზავას განცხადებით, საქართველოში 29 დეკემბრამდე ზამთრის თბილი ამინდებია მოსალოდნელი.

გვაზავას თქმით, ღამის ყინვის გამო, შედარებით ეციება აღმოსავლეთ საქართველოში.

 გასული კვირა იყო ძალიან რთული მეტეოროლოგიური სიტუაციებით. განსაკუთრებით, ძლიერი ნალექი აღინიშნა დასავლეთ საქართველოში, ნაკლები ნალექი მოვიდა აღმოსავლეთ საქართველოს დასავლეთ რაიონებში, ეს არის ბაკურიანი, ახალციხის მიდამოები. ნალექი თითქმის არ აღნიშნულა კახეთის რეგიონში. დედაქალაქში, შედარებით, მცირე ნალექი დაფიქსირდა.

დღეიდან, 29 დეკემბრის ჩათვლით, საქართველოში ზამთარი თბილი ამინდებია მოსალოდნელი. დასავლეთ საქართველოში, მაქსიმალური ტემპერატურა დაბლობ რაიონებში, დაახლოებით, 19-20 გრადუსს მიაღწევს, მთიან რაიონებში 11-13 გრადუსს და მაღალ მთაში 8-10 გრადუსს. ტემპერატურა გათბება აღმოსავლეთ საქართველოს ბარში და მთიან რაიონებში.

ღამის საათებში, დასავლეთის მთიან და მაღალმთიან რაიონებში ნარჩუნდება ყინვა. ყინვიანი ამინდები მოსალოდნელია, ღამის საათებში, აღმოსავლეთ საქართველოს როგორც ბარში და მთაში, ასევე მაღალ მთაშიც.

ამ კვირას, განსაკუთრებით 27 დეკემბრის ჩათვლით, საქართველოს უმეტეს რაიონში, უნალექო ამინდია მოსალოდნელი, შესაძლოა სამცხე-ჯავახეთში აღინიშნოს მცირე ნალექი თოვლის სახით.

ხვალ,დილის საათებში, დღის პირველ ნახევარში, საქართველოს ცალკეულ რაიონებში მოსალოდნელია წვიმა, მთიან და მაღალ მთიან რაიონებში თოვლი და თოვლჭყაპი.

რაც შეეხება აღმოსავლეთ საქართველოს, ღამის ყინვების გამო, შედარებით ეციება. ცალკეულ დღეებში ღრუბლიანი ამინდი შეიძლება ჭარბობდეს, 27 დეკემბრამდე, ეს იმოქმედებს მაქსიმალურ ტემპერატურაზე და ამიტომ, აქ დასავლეთთან შედარებით რამდენიმე გრადუსით ნაკლები იქნება, მაგრამ მგრძნობელობა იქნება სითბოსი”, – განაცხადა დოდო გვაზავამ.

მისივე თქმით, 28-29 დეკემბრიდან საქართველოს უმეტეს რეგიონში მოსალოდნელია ამინდის მკვეთრი გაუარესება. უმეტეს რაიონში იქნება ნალექი, მთიან და მაღალ მთიან რაიონებში თოვა.

“შესაძლოა დედაქალაქში, 24 დეკემბერს დილას მცირე ნალექი აღინიშნოს წვიმის სახით. 25-26 დეკემბერს, შესაძლოა, თბილისში ღამის ტემპერატურამ 2-3 გრადუს ყინვამდე დაიკლოს. დღის მაქსიმალური ტემპერატურა აქ მოსალოდნელია 12-14 გრადუსი. 27-მდე ამაზე მეტი არაფერია მოსალოდნელი. ცალკეულ დღეებში, შესაძლოა ჭარბობდეს ღრუბლიანი ამინდი, მაგრამ ეს ნალექს არ მოგვცემს”, – განაცხადა დოდო გვაზავამ.

ვერძი

შესაძლოა, ისეთ სიტუაციაში აღმოჩნდეთ, როცა ყველაფერი იმაზეა დამოკიდებული, შეძლებთ თუ არა სიმშვიდის და საღი აზრის შენარჩუნებას. ამ ამოცანას შესანიშნავად გაუმკლავდებით, რასაც თქვენი კოლეგები ღირსეულად დააფასებენ. სხვა ადამიანების პრობლემებში კარგად ერკვევით და მათი დახმარებაც მშვენივრად შეგიძლიათ. ამ თვისებების დახმარებით რომელიღაც მეგობარს ფასდაუდებელ სამსახურს გაუწევთ. უსმინეთ საკუთარ ინტუიციას, რომელიც შეცდომებისა და იმპულსური ქმედებებისგან დაგიცავთ.

კურო

თავს მშვიდად და გაწონასწორებულად გრძნობთ. სამსახურში, კოლეგებს შრის არსებულ უთანხმოებას მარტივად მოაგვარებთ. ამის გამო თქვენი ავტორიტეტი გაძლიერდება და ყველა მენტორად ჩაგთვლით, რომელსაც საჭირო რჩევის მიცემა შეუძლია. ახალი, საინტერესო ურთიერთობების დასაწყებად შესანიშნავი დღეა, ამიტომ სახლში ნუ ჩაიკეტებით და ხალხმრავალ ადგილებს ეწვიეთ. თქვენი პიროვნული თვისებები ადამიანებს მაგნიტივით იზიდავს.

ტყუპები

კარგი დღეა, მაგრამ ნაჩქარევმა გადაწყვეტილებებმა და დაუფიქრებლად ნათქვამმა სიტყვებმა შეიძლება ყველაფერი გააფუჭოს. არ არის გამორიცხული, რომ ძველი, გამოცდილი ნაცნობის რჩევა დაგჭირდეთ, რომელიც ძალიან დაგეხმარებათ.
იმ ადამიანთან ურთიერთობაში, ვისაც კარგად არ იცნობთ, სიფრთხილე უნდა გამოიჩინოთ. ამ ადამიანმა შეიძლება მოგატყუოთ და თქვენი სიკეთე ბოროტად გამოიყენოს. დღის მეორე ნახევარი ხელსაყრელია ინფორმაციის შეგროვებისა და ანალიზისთვის.

კირჩხიბი

თქვენი დახვეწილი იუმორი და საინტერესო ისტორიები მოწონებას იმსახურებს, ამიტომ ადამიანებს ამხიარულებთ და მაგნიტივით იზიდავთ. ლოგიკური მსჯელობით გარშემო მყოფებს გააოცებთ და შესაძლოა, მენეჯმენტის ქებაც კი დაიმსახუროთ. ეცადეთ, ურთიერთობისას მეტი წინდახედულობა გამოიჩინოთ, რადგან თქვენმა მახვილგონივრულმა შენიშვნებმა შეიძლება პრობლემა შეგიქმნათ. არახელსაყრელი დღეა ვარჯიშისა და ფიზიკური აქტივობისთვის, ამიტომ ეცადეთ, საღამო მშვიდად გაატაროთ.

ლომი

ამ დღეს შეიძლება დაღლილობა იგრძნოთ, რაც თქვენს განწყობაზე და ფსიქიკურ მდგომარეობაზე აისახება. ნუ აიძულებთ საკუთარ თავს იმის გაკეთებას, რისი გაკეთებაც არ გსურთ და ეცადეთ დასვენების დრო გამონახოთ. მნიშვნელოვანია გახსოვდეთ, რომ საუბარში დაუფიქრებელ სიტყვებს მოერიდოთ. ბევრისთვის სიმართლე ძალიან მტკივნეულია და შესაძლოა, თქვენი პირდაპირობა სანანებლად გაგიხდეთ.

ქალწული

სოციალურმა ქსელებმა შეიძლება თქვენი შრომის ნაყოფიერება მნიშვნელოვნად შეამციროს. ეცადეთ, ტელეფონს მოწყდეთ და ყურადღება მნიშვნელოვანი პროექტის დასრულებისკენ გადაიტანოთ. ქალწულებს ეკონომიურობა ახასიათებთ, მათ ურჩევნიათ ფული საყვარელ ადამიანებზე და არა საკუთარ კომფორტზე, რაშიც თქვენი ახლობელი ადამიანები კიდევ ერთხელ დარწმუნდებიან.

სასწორი

სიახლეები, ექსპერიმენტებისა და ცვლილებების სურვილი თქვენს მუშაობაზე სასიკეთოდ აისახება. ეს დღე უამრავ ენერგიას მოგიტანთ, რომელიც შეიძლება ვარჯიშისთვის გამოიყენოთ. ერთადერთი რაც გჭირდებათ მოტივაციაა. ხელსაყრელი დროა თვითგანათლებისთვის, ამიტომ შეგიძლიათ თქვენთვის საინტერესო კურსებზე დარეგისტრირდეთ. ვარსკვლავები მოგიწოდებენ ზედმეტი ფიქრი შეწყვიტოთ და ის აკეთოთ, რაც თავად გინდათ.

მორიელი

ზოგჯერ ადამიანს უმნიშვნელო წვრილმანები აბედნიერებს და დღეს ზუსტად ასეთი დღეა. გსურთ, რომ საკუთარი თავი ლამაზი ნივთებით გაანებივროთ და მაღაზიების შემოვლას იწყებთ. ზოგჯერ შოპინგი საუკეთესო ფსიქოთერაპიაა, მაგრამ ახალი წლის წინ მთელი დანაზოგის ერთად დახარჯვას მაინც არ გირჩევთ. ყურადღება მიაქციეთ უფროს ნათესავებს, სავარაუდოდ, მათგან ერთ-ერთ ექიმთან ვიზიტი და ხანმოკლე მკურნალობა სჭირდება.

მშვილდოსანი

მზად იყავით იმისთვის, რომ დიდი მოცულობის სამუშაოს შესრულება მოგიწევთ. საქმეების უმეტესობა უინტერესო იქნება, მაგრამ დაწყებული მაინც უნდა დაასრულოთ. შესაძლოა, ამ დღეს თქვენი ცხოვრებიდან ვიღაც ან რაღაც წავიდეს. ეს შეიძლება როგორც ადამიანი, ისე რაღაც მოვლენა იყოს. შემოქმედი მშვილდოსნები შთაგონების მოზღვავებას იგრძნობენ. ყველა მნიშვნელოვანი საქმე ხვალისთვის გადადეთ – ამ დღეს სასურველი შედეგის მიღება გაგიჭირდებათ.

თხის რქა

ეცადეთ ურთიერთობები მაქსიმალურად შეზღუდოთ. სხვისი პრობლემები არ გაინტერესებთ, რადგან საკუთარიც გყოფნით. გუნდურ მუშაობაზე წარმატებული და ნაყოფიერი ინდივიდუალური იქნება, ამიტომ შეგიძლიათ განმარტოვდეთ და საქმეს შეუდგეთ. იჩქარეთ, რომ ახალ წლამდე ყველა საქმე დაასრულოთ და სუფთა ნამუსით დაისვენოთ. საღამოს შეგიძლიათ ხალხმრავალი ადგილები მოინახულოთ – ეს განწყობას აგიმაღლებთ.

მერწყული

გირჩევთ მთელი ყურადღება საყვარელ ადამიანებზე გადაიტანოთ. რომელიღაც მათგან თქვენი მხარდაჭერა და დახმარება სჭირდება. თქვენთვის ყველაზე მთავარი საყვარელი ადამიანების სახეზე ღიმილია, ამიტომ მზად ხართ მათთვის მთელ სამყაროს ომი გამოუცხადოთ. დამშვიდდით, ამის გაკეთება საჭირო არაა. საკმარისია, მაღაზიაში შეხვიდეთ და ლამაზი საჩუქრები შეიძინოთ. მოახლოებული დღესასწაულის წინ სახლის განახლების დაუძლეველ სურვილს გრძნობთ. სულ ერთია, მარტო ცხოვრობთ თუ ოჯახთან ერთად, ახალ წლამდე ახალი იდეების განხორციელება მოგიწევთ.

თევზები

ვარსკვლავები გირჩევენ, რომ დღესასწაულების წინ დიდი ხნის უნახავი ნათესავები მოინახულოთ. სამსახურში უკვე ახალი წლის განწყობა იგრძნობა, ამიტომ მუშაობა გიჭირთ. მნიშვნელოვანი საუბარი ან საქმიანი მივლინება წარმატებული იქნება და სასურველ შედეგს მოგიტანთ. დღის მეორე ნახევარში მნიშვნელოვანი საუბარი გელით, რომელიც თქვენს მომავალზე გავლენას მოახდენს.