„ქართული ოცნების“ საპატიო თავმჯდომარე საქართველოს კათოლიკოს-პატრიარქს აღსაყდრებიდან 47-ე წლისთავს ულოცავს.

ბიძინა ივანიშვილი წერს, რომ საქართველოს მართლმადიდებელი ეკლესიისთვის დღევანდელი დღე ისტორიული მნიშვნელობისაა.

„დიდი პატივისცემითა და სიყვარულით ვულოცავ სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, უწმინდესსა და უნეტარესს ილია მეორეს, აღსაყდრებიდან 47-ე წლისთავს.

საქართველოს მართლმადიდებელი ეკლესიისთვის დღევანდელი დღე ისტორიული მნიშვნელობისაა.

წლების სვლასთან ერთად, კიდევ უფრო თვალსაჩინოა, რომ 47 წლის წინ, საქართველოს მართლმადიდებელი სამოციქულო ეკლესიის ისტორიაში ახალი ერა დაიწყო.

ჩვენი უწმინდესი, ჩვეული სიბრძნით, ზნეობისა და ადამიანთა სიყვარულის დიდი უნარით კვლავ შეუდრეკლად დგას ჩვენი – მისი სულიერი შვილების სიმტკიცისა და ღირებულებებისადმი ერთგულების სადარაჯოზე. ვუსურვებ მას კიდევ მრავალი წელი საქართველოს ეკლესიის სათავეში ყოფნას ჩვენი სამშობლოსა და ხალხის საკეთილდღეოდ”, – წერს ბიძინა ივანიშვილი.

ყაზახეთის ქალაქ აქტაუსთან მომხდარ ავიაკატასტროფაში ექვსი ადამიანი გადარჩა. ინფორმაციას აზერბაიჯანული მედია ყაზახეთის ჯანდაცვის მინისტრზე აკმარალ ალნაზაროვაზე დაყრდნობით ავრცელებს.

ცნობისთვის, ცოტა ხნის წინ აქტაუსთან Azerbaijan Airlines-ის კუთვნილი Embraer-190 ტიპის სამგზავრო თვითმფრინავი ჩამოვარდა. თვითმფრინავი ბაქო-გროზნოს რეისს ასრულებდა. წინასწარი მონაცემებით, ბორტზე 67 მგზავრი და ეკიპაჟის ხუთი წევრი იმყოფებოდა. სავარაუდოდ, ავიაკატასტროფის მიზეზი ფრინველებთან თვითმფრინავის შეჯახება გახდა.

მარნეულის მუნიციპალიტეტში ჯარისკაცი გარდაიცვალა. თავდაცვის სამინისტროს ინფორმაციით, გამოძიება სამხედრო პოლიციის დეპარტამენტში სისხლის სამართლის 115-ე მუხლის პირველი ნაწილით დაიწყო.

„თავდაცვის სამინისტრო მწუხარებას გამოთქვამს ვადიანი სამხედრო მოსამსახურის ზიადინ არაზის ძე მამედოვის დაღუპვის გამო და უსამძიმრებს გარდაცვლილის ოჯახს. თავდაცვის სამინისტროს სამხედრო პოლიციის დეპარტამენტში დაიწყო გამოძიება სისხლის სამართლის 115-ე მუხლის პირველი ნაწილით.

ტარდება ყველა საჭირო საპროცესო და საგამოძიებო მოქმედებები“, -ნათქვამია თავდაცვის სამინისტროს მიერ გავრცელებულ ინფორმაციაში.

ვულოცავ მის უწმინდესობას აღსაყდრებიდან 47-ე წლისთავს და ვუსურვებ ჯანმრთელობას და დღეგრძელობას ჩვენი ხალხისა და ქვეყნის საკეთილდღეოდ, – ამის შესახებ საქართველოს პრემიერ-მინისტრი ირაკლი კობახიძე “ფეისბუქზე” წერს.

როგორც პრემიერი აღნიშნავს, ქართველ ერს წილად ხვდა უდიდესი ბედნიერება, რომ უახლესი ისტორია ილია II-ის სულიერი წინამძღოლობით გაევლო.

“ჩვენს ერს წილად ხვდა უდიდესი ბედნიერება, რომ უახლესი ისტორია, დრამატულ ცვლილებათა და გამოწვევათა ეპოქა, მისი უწმინდესობის, საქართველოს კათოლიკოს-პატრიარქ ილია II-ის სულიერი წინამძღოლობით გაევლო. თითქმის ნახევარი საუკუნეა, მისი სიბრძნე, ღმერთის, სამშობლოსა და ადამიანისადმი უპირობო სიყვარული მაგალითს გვაძლევს, გვაერთიანებს და მომავლის რწმენით გვავსებს.

ვულოცავ მის უწმინდესობას აღსაყდრებიდან 47-ე წლისთავს და ვუსურვებ ჯანმრთელობას და დღეგრძელობას ჩვენი ხალხისა და ქვეყნის საკეთილდღეოდ”, – აღნიშნავს პრემიერი.

25 დეკემბრის ღამეს, საქართველოში მცხოვრები კათოლიკეები, ქრისტესშობის დღესასწაულის შესახვედრად, თბილისის მარიამ ღვთისმშობლის ამაღლების სახელობის კათოლიკურ ტაძარში შეიკრიბნენ.

რელიგიის საკითხთა სახელმწიფო სააგენტოს ინფორმაციით, სადღესასწაულო მესას ეპისკოპოსი ჯუზეპე პაზოტო უძღვებოდა.

სადღესასწაულოდ მორთულ ტაძარში ტრადიციული საშობაო რიტუალი შესრულდა – ღვთისმსახურების მსვლელობისას, ეკლესიაში ემანუელი, ბავშვის ქანდაკება, მშვიდობის ყრმა შეაბრძანეს, რაც, სიმბოლურად, მაცხოვრის შობას განასახიერებს.

ტაძარში შეკრებილ მრევლსა და სასულიერო პირებს, საქართველოს მთავრობის სახელით, შობა და დამდეგი ახალი წელი რელიგიის საკითხთა სახელმწიფო სააგენტოს თავმჯდომარემ, ზაზა ვაშაყმაძემ მიულოცა, მშვიდობა, სტაბილურობა და ბედნიერ ქვეყანაში ცხოვრება უსურვა.

„დღევანდელი დღის მადლი შეეწიოს საქართველოს, სრულიად მსოფლიოს, რაც მთავარია, იყოს სიყვარული, ის რწმენა და მადლი, რისთვისაც დღევანდელი დღე არსებობს, რისთვისაც მაცხოვარი მოევლინა სამყაროს და იმ ღირებულებებით ვიცხოვროთ, რომ არსებობდეს სიყვარული, ურთიერთგაგება და ურთიერთ მიტევება. რადგან უფალს თითოეული ჩვენგანი უყვარს“,- განაცხადა ზაზა ვაშაყმაძემ.

საზეიმო მსახურებას რელიგიის სააგენტოს სამართლებრივი უზრუნველყოფის სამსახურის იურისტი ალექსანდრე შეყილაძე დაესწრო.

ვერძი

მშვიდი და მუშაობისთვის შესაფერისი დღეა. დიდი ალბათობით, დაუსრულებელ დავალებებს დაუბრუნდებით, რათა ახალ წელს „ვალებით“ არ შეხვდეთ, თუმცა გაითვალისწინეთ – რაც უფრო მეტად იჩქარებთ, საქმეს უფრო მეტად გაირთულებთ. ყურადღება მიაქციეთ, რას და როგორ აკეთებთ და შესრულებული სამუშაო გულდასმით შეამოწმეთ. საღამოს მოსალოდნელია ზარი ან შეტყობინება ადამიანისგან, რომელიც დიდი ხანი არ გინახავთ. გირჩევთ, ადამიანებს, რომლებსაც არ ენდობით, თქვენთან დაახლოების საშუალება არ მისცეთ.

კურო

გარკვეული სირთულეები გელით, თუმცა არც ისე სერიოზული, როგორც შეიძლება თავიდან მოგეჩვენოთ. გირჩევთ მომავალს უფრო ოპტიმისტურად შეხედოთ. ადამიანებს თქვენთან ურთიერთობა, თქვენი ენერგეტიკის ქვეშ ყოფნა სიამოვნებთ. ადამიანი, რომელსაც ამ დღეს გაიცნობთ, შეიძლება თქვენი დამრიგებელი გახდეს და მოძრაობის მიმართულება გიკარნახოთ. მზად იყავით იმისთვის, რომ საყვარელ ადამიანებთან ურთიერთობაში სირთულეების გადალახვა მოგიწევთ.

ტყუპები

ამ დღეს ყველაფერში ზომიერება უნდა დაიცვათ. განსაკუთრებით მაშინ, როდესაც საქმე ადამიანების დახმარებას ეხება. სიკეთე და ქველმოქმედება, რა თქმა უნდა, მშვენიერია, მაგრამ არც საკუთარი საჭიროებების შესახებ უნდა დაივიწყოთ. გირჩევთ, ყურადღება მიმდინარე საქმეებზე გადაიტანოთ. არ არის საჭირო მომავალზე ფიქრი, როცა თავზე დაუსრულებელი საქმეები გაყრიათ. სავარაუდოდ, ოჯახს თქვენი ყურადღება აკლია, ამიტომ ეცადეთ, ეს დანაკლისი აანაზღაუროთ.

კირჩხიბი

ყველა თვალსაზრისით ხელსაყრელი დღეა. ცნობისმოყვარე ხართ, ცდილობთ სხვების მუშაობას თვალი ადევნოთ და საჭირო ინფორმაცია და გამოცდილება მიიღოთ. იპოვოთ. თავი შეიკავეთ კოლექტიურ ღონისძიებებში მონაწილეობისა და სტუმრების მიღებისგან, რადგან ახლა საუკეთესო ფორმაში არ ხართ. პირად ცხოვრებაში საყვარელ ადამიანს მეტი ყურადღება მიაქციეთ და ეცადეთ, ერთად მეტი დრო გაატაროთ.

ლომი

ის, რაც დიდი ხნის წინ დაგეგმეთ, დღეს შეიძლება განხორციელდეს. კარგი დღეა თანამოაზრეებთან შესახვედრად. ამ ადამიანების მხარდაჭერით, ნებისმიერ საქმეში წარმატებას მიაღწევთ. მათ იციან, რომ ჭკვიანი, საქმიანი და შრომისმოყვარე ხართ და ბევრი რამ შეგიძლიათ. შოპინგისთვის არახელსაყრელი დღეა – შეიძლება ფული უხარისხო ნივთებში გადაიხადოთ. გირჩევთ, საკუთარი გეგმების შესახებ არავის უამბოთ, თორემ ვიღაც თქვენთვის ხელის შეშლას ეცდება.

ქალწული

ამ დღეს პარტნიორებთან, თანამშრომლებთან, კოლეგებთან და თანამოაზრეებთან ურთიერთობაში თქვენი სიტყვის უთქმელად ესმით, რაც მუშაობის შედეგზე დადებითად აისახება. ზოგ ქალწულს რომანტიკული ნაცნობობა ელის, რომელსაც საინტერესო გაგრძელება ექნება. კარგი დროა ოჯახის წევრებთან ერთად შოპინგისთვის. სავარაუდოდ, საყვარელ ადამიანებთან ურთიერთობაში სირთულეების გადალახვა მოგიწევთ, თუმცა დამნაშავე თავად იქნებით.

სასწორი

არასტაბილური ემოციური ფონის გამო ზოგჯერ ძალიან დაბნეული, ზოგჯერ კი მეტისმეტად თავდაჯერებული ხართ. გამორიცხული არ არის, რომ ამ დღეს რაღაც ისეთი გააკეთოთ, რასაც მოგვიანებით ძალიან ინანებთ. ასეთ დროს მხარდაჭერა მნიშვნელოვანია იქნება – დაფიქრდით, იქნებ თქვენს გარემოცვაში არის ადამიანი, ვისაც თქვენი მოსმენა და რჩევის მოცემა შეუძლია.

მორიელი

ნუ იქნებით ეჭვით შეპყრობილი – ამით შეიძლება შეურაცხყოთ ის ადამიანი, ვონც თქვენში მეგობარს და თანამოაზრეს ხედავს. ნუ უპასუხებთ კრიტიკას აგრესიით, ჯობია დაფიქრდეთ, იქნებ კრიტიკა სამართლიანია? ნუ მოჰკიდებთ ხელს ისეთ საქმეს, რომლის გაკეთებაც არ შეგიძლიათ, რადგან ეს მძიმე ტვირთად დაგაწვებათ. ზოგადად, გადაღლა შეიძლება თქვენი ჯანმრთელობისთვის ძალიან საზიანო იყოს.

მშვილდოსანი

ემოციებით სავსე ხართ, ხმაური გააღიზიანებთ, სიწყნარეში განმარტოება და მშვიდად მუშაობა გსურთ. ხანდახან გეჩვენებათ, რომ ყველა თქვენი ნერვების მოშლას და მუშაობაში ხელის შეშლას ცდილობს. ყველაფრის მიუხედავად, კრიტიკულ სიტუაციებში კონცენტრირებას და აქტიურად მოქმედებას შესანიშნავად ახერხებთ.

თხის რქა

კარგი დღეა, მაგრამ ნაჩქარევმა და დაუფიქრებლად ნათქვამმა სიტყვებმა შეიძლება ყველაფერი გააფუჭოს. არ არის გამორიცხული, რომ ძველი, გამოცდილი ნაცნობის რჩევა დაგჭირდეთ, რომელიც ძალიან დაგეხმარებათ.
იმ ადამიანთან, ვისაც კარგად არ იცნობთ, სიფრთხილე უნდა გამოიჩინოთ – შეიძლება მოგატყუოთ და თქვენი სიკეთე ბოროტად გამოიყენოს. დღის მეორე ნახევარი ხელსაყრელია ინფორმაციის შეგროვებისა და ანალიზისთვის.

მერწყული

თუ დროს არ დაკარგავთ და დილიდან მოქმედებას დაიწყებთ, სასურველი შედეგის მიღწევას შეძლებთ. მოსალოდნელია შეხვედრა, რომელიც საქმიან თუ პირად ცხოვრებაში საბედისწერო იქნება. დროა, წარსული შეაფასოთ და მომავალი დაგეგმოთ. ეცადეთ, საკუთარი სურვილები რეალობას და შესაძლებლობას შეუთავსოთ.

თევზები

ურთიერთობებისთვის ხელსაყრელი დღეა. ადამიანებთან საერთო ენის პოვნას ადვილად ახერხებთ, განსაკუთრებით – არაფორმალური შეხვედრების დროს. საქმიან ქაღალდებთან და სამთავრობო უწყებებთან მუშაობა ნაყოფიერი იქნება, მაგრამ არც დასვენების შესახებ დაივიწყოთ. მოერიდეთ ზედმეტ დატვირთვას – ეს შეიძლება თქვენი ჯანმრთელობისთვის საზიანო იყოს.

თბილისის მერი კახა კალაძე მოქალაქეებს მოუწოდებს, „საახალწლო სოფელში“ შეკრებილ საზოგადოებას შეურაცხყოფას ნუ მიაყენებენ.

ამის შესახებ მან საახალწლო ღონისძიებებზე ე.წ. ტიტუშკების შესაძლო მიყვანასთან დაკავშირებით დასმულ შეკითხვაზე განაცხადა.

„„საახალწლო სოფელში“ უამრავი ადამიანია შეკრებილი. ტელეკომპანია „პირველის“ ჟურნალისტი გამოდის და აქ შეკრებილ საზოგადოებას აყენებს შეურაცხყოფას. ჩემი თხოვნა იქნება, ცოტა ზრდილობა იქონიეთ. ძალიან გთხოვთ, ერთმანეთს შეურაცხყოფას ნუ მივაყენებთ“, – განაცხადა კახა კალაძემ.