გრანტების შესახებ“ კანონში მომზადებული ცვლილებებით, „აკრძალული გრანტის“ მიღებასთან დაკავშირებით პირის გამოკითხვის წესი და საფუძვლები იქნება განსაზღვრული.

ცვლილებების მიხედვით, უცხოური გრანტის მიღებას მთავრობის ან მთავრობის მიერ განსაზღვრული უფლებამოსილი პირის თანხმობა დასჭირდება. თანხმობის გარეშე გაცემული გრანტის მიღება კი, აკრძალული იქნება და პასუხისმგებლობის დაკისრებას გამოიწვევს.

აკრძალული გრანტის გაცემისა და მიღების მონიტორინგს ანტიკორუფციული ბიურო განახორციელებს. პროექტით, ფიზიკური პირი, რომელსაც შესაძლებელია, ანტიკორუფციული ბიუროს მიერ აკრძალული გრანტის მიღების მონიტორინგის განსახორციელებლად საჭირო ინფორმაცია ჰქონდეს, შეიძლება ანტიკორუფციულმა ბიურომ ნებაყოფლობით გამოკითხოს.

კანონპროექტით, აკრძალული იქნება, პირის იძულება მტკიცებულების წარდგენის ან ინფორმაციის გაცემისთვის. ასევე, გამოსაკითხ პირს უფლება ექნება, საკუთარი ხარჯით ადვოკატის მომსახურებით ისარგებლოს, არ გასცეს ინფორმაცია საკუთარი თავის ან ახლო ნათესავის წინააღმდეგ.

ინიციატივის გათვალისწინებით, გამოსაკითხი პირი ვალდებული იქნება, გამოკითხვისას ანტიკორუფციულ ბიუროს სწორი ინფორმაცია მიაწოდოს. თავის მხრივ, ანტიკორუფციულმა ბიურომ გამოსაკითხი პირი წერილობით უნდა გააფრთხილოს ცრუ ინფორმაციის მიწოდებისთვის მოსალოდნელი პასუხისმგებლობის თაობაზე, აგრეთვე გამოსაკითხ პირს უნდა განემარტოს მაგისტრატ მოსამართლესთან დასაკითხად შესაძლო დაბარების თაობაზე.

კანონპროექტით გათვალისწინებულია გამოსაკითხი პირისთვის წინასწარ ცნობის საფუძველზე, გამოკითხვისას ხმის ან გამოსახულების ჩამწერი ტექნიკური საშუალების გამოყენება. კანონპროექტი ასევე ითვალისწინებს გამოსაკითხი პირის დისტანციურად, ელექტრონული საშუალების გამოყენებით გამოკითხვის შესაძლებლობას.

ცვლილებებით, ასევე შემუშავებულია აკრძალული გრანტის მიღებასთან დაკავშირებული პასუხისმგებლობის დაკისრების წესი. კერძოდ, „გრანტების შესახებ“ კანონით გათვალისწინებულ ადმინისტრაციულ სამართალდარღვევასთან დაკავშირებით ანტიკორუფციული ბიუროს უფლებამოსილი პირი ადმინისტრაციული სამართალდარღვევის ოქმს დაადგენს, რომელიც განსახილველად სასამართლოს გაეგზავნება. ანტიკორუფციული ბიურო უფლებამოსილი იქნება, ადმინისტრაციული სამართალდარღვევის ოქმის შედგენასთან ერთად, სამართალდამრღვევის ქონებას – მათ შორის საბანკო ანგარიშებს, ყადაღა დაადოს. ყადაღა დაუყოვნებლივ ამოქმედდება და ადმინისტრაციული სამართალდარღვევის ოქმთან ერთად დასადასტურებლად სასამართლოს წარედგინება.

ჩვენ გავამკაცრეთ კანონმდებლობა ამ სფეროში და მნიშვნელოვანია, რომ ფეხდაფეხ ამას გაჰყვეს შსს-ს კიდევ უფრო მეტად გააქტიურება. არის ერთ-ერთი უმთავრესი გამოწვევა, რასაც ჩვენი ქვეყანა უნდა ებრძოდეს, – განაცხადა საქართველოს პრემიერ-მინისტრმა ირაკლი კობახიძემ ჟურნალისტებთან ბათუმში.

პრემიერის თქმით, აღნიშნულ საკითხზე მაქსიმალური ყურადღება იქნება მიმართული მომავალშიც.

„პრაქტიკაში კანონის რეალიზება კიდევ უფრო მნიშვნელოვანია, ვიდრე კანონის გამკაცრება. ჩვენ გავამკაცრეთ კანონმდებლობა ამ სფეროში და მნიშვნელოვანია, რომ ფეხდაფეხ გაჰყვეს ამას შსს-ს კიდევ უფრო მეტად გააქტიურება. ეს არის ერთ-ერთი უმთავრესი გამოწვევა, რასაც ჩვენი ქვეყანა უნდა ებრძოდეს და შესაბამისად, მომავალშიც მაქსიმალური ყურადღება იქნება მიმართული იქითკენ, რომ ჩვენ დავამარცხოთ ეს ძალიან მნიშვნელოვანი სენი. ეს საზოგადოებისთვის ძალიან მნიშვნელოვანია“, – განაცხადა პრემიერმა.

პარლამენტის საპროცედურო საკითხთა კომიტეტის თავმჯდომარე, დავით მათიკაშვილი ეხმიანება შეერთებული შტატების სენატის საგარეო ურთიერთობათა კომიტეტის წევრის, ჯინ შაჰინის გაკეთებულ განცხადებას, იმასთან დაკავშირებით, რომ იგი იმედგაცრუებულია „ ქართული ოცნების“ გადაწყვეტილებით ანაკლიის ღრმაწყლოვანი პორტის განვითარების უფლების ჩინური კომპანიისთვის გადაცემასთან დაკავშირებით.

მათიკაშვილის განცხადებით, ამერიკულ მხარეს სასათბურე პირობები ჰქონდათ საქართველოს მხრიდან შექმნილი, არაერთგზის მოხდა გადავადება ვალდებულებების შესრულების, იყო თხოვნა, ხვეწნა, ქართული სახელმწიფო სტრუქტურებიდან, რომ შეერთებულ შტატებს შეესრულებინა მასზე დაკისრებული ვალდებულებები და აეშენებინათ ანაკლიის პორტი, მაგრამ მათ უბრალოდ მონაწილეობა არ მიიღეს კონკურსში.

„ხელისგულზე დევს მოცემულობა, რომ ანაკლიის პორტში როდესაც კონსორციუმის ფარგლებში იყო მიღებული გადაწყვეტილება აეშენებინათ ანაკლიის პორტი, ფაქტობრივად მთელ ამ კონსორციუმს, მათ შორის, იმ ამერიკულ მხარეს სასათბურე პირობები ჰქონდათ საქართველოს მხრიდან შექმნილი, არაერთგზის მოხდა გადავადება ვალდებულებების შესრულების, იყო თხოვნა, ხვეწნა, ქართული სახელმწიფო სტრუქტურებიდან, რომ მათ შეესრულებინათ მათზე დაკისრებული ვალდებულებები და აეშენებინათ ეს პორტი. როგორ დასრულდა ეს ყველაფერი თქვენ კარგად იცით, მათ უბრალოდ არ მიიღეს მონაწილეობა ამ ყველაფერში, ამერიკულმა მხარემ არ ჩადო ფული ანაკლიის პორტის მშენებლობაში, ამიტომაც ვერ შეასრულა, კიდევ რაღაც წვრილმანი მიზეზებიც შეიძლება ყოფილიყო, მაგრამ ძირითადი მიზეზი იყო ის, რომ კონსორციუმმა თავისი ფინანსური ვალდებულებები, რომელიც ამერიკული მხარის სახსრებით უნდა შევსებულიყო ვერ შეასრულა სახელმწიფოს წინაშე და ვერ ააშენა პორტი“, – განაცხადა დავით მათიკაშვილმა.

მისივე თქმით, მეორედ გამოცხადებულ ღია კონკურსზეც არ მიიღო ამერიკულმა მხარემ მონაწილეობა, შესაბამისად კონკურსში გაიმარჯვა უკეთესი პირობების მქონე კომპანიამ და მისთვის უცნობია, თუ რაზე წყდება შეერთებულ შტატებს გული.

„აი ახლა, როდესაც ცხადი გახდა, რომ კონსორციუმი ვერ იფუნქციონირებდა ის არღვევდა მასზე დაკისრებულ ვალდებულებებს, ის ვერ ააშენებდა პორტს, უკვე მეორედ გამოცხადდა ღია კონკურსი, სადაც, ასევე სრულიად თავისუფლად შეეძლო მიეღოთ ამერიკელებს მონაწილეობა, ამერიკული კომპანიების საშუალებით და აქ მოეხდინათ ინვესტირება, ვთქვათ თუ კი წინა შემთხვევაში რაიმე ფორმით ვერ შეძლეს. ამ შემთხვევაშიც არავინ არ მიიღო მონაწილეობა, ამერიკელებს ვგულისხმობ, ხოლო კონკურსში გაიმარჯვა იმ კომპანიამ, რომელმაც უკეთესი პირობა შესთავაზა კონკურსის გამომცხადებელს. ამ შემთხვევაში რაზე სწყდებათ ამერიკელ კონგრესმენებს გული, რას არის გულდაწყვეტის საფუძველი, რომ ანაკლიის პორტი, რომელიც არის შუა დერეფნის უმნიშვნელოვანესი ნაწილი საბოლოოდ შენდება, კეთდება, ამაზე სწყდებათ გული?! როცა თვითონვე შეეძლოთ ძალიან მარტივად ის მილიარდობით დოლარი არა ენჯეო სექტორში და რადიკალიზმის დასაფინანსებლად კი არ გადმოეგზავნათ საქართველოში, არამედ საქმის გასაკეთებლად ჩაერიცხათ და მოეხდინათ ამ ფულის აკუმულირება, რომ ანაკლიის პორტი აშენებულიყო და არ დაეფინანსებინათ რადიკალიზმი და უსამართლობა საქართველოში და დემოკრატიის ნგრევა. ახალ როდესაც დადგა დრო და ეს პორტი შენდება ამაზე სწყდებათ გული?! საკვირველია ეს ყველაფერი“, – განაცხადა დავით მათიკაშვილმა.