საქართველოს პრეზიდენტი, სალომე ზურაბიშვილი “კახელების მარშს” შეუერთდა, რომელიც ორბელიანების სასახლის წინ შეჩერდა.

კახელები და ქიზიყელები ერეკლე II-ის მოედნიდან ორბელიანების სასახლემდე აქცია-მსვლელობით ლოზუნგით – „დინჯად, მაგრამ ჯიუტად ევროპისკენ!“ მივიდნენ. ისინი სასახლის წინ პრეზიდენტის მისამართით სკანდირებდნენ: „საქართველო“.

სალომე ზურაბიშვილი ამ წუთებში იმყოფება ორბელიანის მოედანზე, საახალწლო სოფელში დამონტაჟებულ სცენაზე იმყოფება და მსვლელობის მონაწილეებს მიმართავს.

„ზუსტად ერთ-ერთი ეს სიტყვები იყო წლების წინ, ეროვნული მთავრობის და ზვიადის განაჩენის საფუძველი.

ისტორია მეორდება, თავისთავად ჩვენი გზა არის ევროპული ოჯახისკენ,სადაც, ქრისტიანული ცივილიზაციის და კულტურის ნაწილი უნდა გავხდეთ

,ოღონდ ჩვენი რწმენის,ფასეულობების და ღირსების შენარჩუნებით“, – წერს გიორგი გამსახურდია X-ზე და ვიდეოს აქვეყნებს

ვერც ხორუმში ჩავერთე, ვერც ვიმღერე თქვენთან ერთად… თუმცა იქ ვარ, სადაც ხართ, – ამის შესახებ საქართველოს პრეზიდენტი, სალომე ზურაბიშვილი სოციალურ ქსელში წერს.

როგორც პრეზიდენტი განმარტავს, გამარჯვების ქალაქი იქნება თბილისი, გამარჯვებული კი საქართველო.

“კახელებს (ასევე, მეგრელებს, გურულებს, იმერლებს, აჭარლებს, ქართლელებს…) ვერ ვუერთდები, ვერც ხორუმში ჩავერთე, ვერც ვიმღერე თქვენთან ერთად … თუმცა იქ ვარ, სადაც ხართ, იქ ვიქნები, სადაც ვიდგებით და გამარჯვების ქალაქი იქნება თბილისი, გამარჯვებული კი საქართველო!,- წერს ზურაბიშვილი.

სასწორზე საქართველოს დემოკრატია დევს, – ამის შესახებ ამერიკის შეერთებული შტატების ეროვნული უშიშროების საბჭოს ევროპის მიმართულების უფროსმა დირექტორმა, მაიკლ კარპენტერმა „ამერიკის ხმის” ქართულ რედაქციასთან ინტერვიუში განაცხადა.

მისი შეფასებით, ყველაფერი, რისკენაც საქართველო წლების, ათწლეულების განმავლობაში მიისწრაფოდა, ახლა სასწორზე დევს და ყველაფერი კითხვის ნიშნის ქვეშ დგას.

“სასწორზე საქართველოს დემოკრატია დევს. მართლაც, ახლა სასწორზე ქვეყნის მომავალი დევს. ის, რასაც ქუჩებში ვხედავთ, შემაძრწუნებელია – ძალადობა, მთავრობის მიერ დაფინანსებული მოქმედი პირების გამოყენება, ე.წ ტიტუშკები, რომელიც დემონსტრანტებს, ჟურნალისტებს და სტუდენტებს სცემენ. ეს შემაძრწუნებელია და არაა იმგვარი მოქმედება, რაც დემოკრატიულ ქვეყანაში უნდა ვიხილოთ. ასე რომ, ყველაფერი, რისკენაც საქართველო წლების, ათწლეულების განმავლობაში მიისწრაფოდა – მომავალი ევროკავშირში, ნატოში, უსაფრთხოება, კეთილდღეობა, ევროპასა და დასავლეთთან ინტეგრაცია – ახლა სასწორზე დევს. ყველაფერი კითხვის ნიშნის ქვეშ დგას. შევზღუდეთ ჩვენი ყველანაირი ფინანსური მხარდაჭერა, შევაჩერეთ სტრატეგიული პარტნიორობა“, – განაცხადა მაიკლ კარპენტერმა.

ბოდბელი ეპისკოპოსი ქვეყანაში მიმდინარე პროცესებს გამოეხმაურა. წირვის დასრულების შემდეგ, ქადაგებისას მეუფე იაკობმა აღნიშნა, რომ არჩევნების შედეგებს ყველა უნდა შეეგუოს.

„ცოტა ხნის წინ ჩატარდა არჩევნები, ორ მილიონზე მეტი ადამიანი მივიდა. რა არის დემოკრატია, რომ ასე ხალხი გადაწყვეტილებას რომ მიიღებს, უმრავლესობის ნებას უნდა დაემორჩილო ხომ?! სჯობს სიმართლეს თვალი გავუსწოროთ ხოლმე. ვფიქრობ, ერის გამარჯვებით უნდა დამთავრდეს, გვიანი არ არის და 150-ვე კაცი [პარლამენტარი] უნდა დაჯდეს და იზრუნოს იმისთვის, რა სჭირდება ქვეყანას“, – აღნიშნა იაკობმა.

ირაკლი კობახიძე – ეუთო/ოდირმა დაადასტურა, რომ საქართველოში საპარლამენტო არჩევნები წარმატებით შედგა, შესაბამისად, უფრო დამძიმდა ემოციური ფონი ოპოზიციაში, კიდევ უფრო მეტად დაუმძიმდა ემოციური ფონი სალომე ზურაბიშვილს

ეუთო/ოდირმა კიდევ ერთხელ დაადასტურა მარტივი ჭეშმარიტება, რომ საქართველოში საპარლამენტო არჩევნები წარმატებით შედგა, შესაბამისად, კიდევ უფრო დამძიმდა ემოციური ფონი ოპოზიციაში, კიდევ უფრო მეტად დაუმძიმდა ემოციური ფონი სალომე ზურაბიშვილს, – ამის შესახებ საქართველოს პრემიერ-მინისტრმა ირაკლი კობახიძემ დღევანდელ პრესკონფერენციაზე განაცხადა. 

როგორც მთავრობის მეთაურმა აღნიშნა, ისტერიულ ფონზე გუშინ საინტერესო დისკუსია შედგა სალომე ზურაბიშვილსა და რადიკალური ოპოზიციის სხვა წარმომადგენლებს შორის, მათ შორის NGO-ების წარმომადგენლებს შორის.

„ჩვენ გვეუბნებიან, რომ არ ვიცი რა წრეში, მათ ჰქონდათ სერიოზული მსჯელობა არჩევნების დანიშვნასთან  დაკავშირებით და რეალურად შეკრიბა ოპოზიციური სპექტრი სალომე ზურაბიშვილმა სწორედ იმ განზრახვით, რომ მას გუშინ უნდა დაენიშნა საპარლამენტო არჩევნები. მიზანი იყო ცხადი, აჟიოტაჟის შექმნა. ხედავთ, რომ ხალხი აღარ მონაწილეობს შეკრებებში, გუშინ სრული მობილიზაცია ჰქონდათ გამოცხადებული და აქაც კი 3 ათას კაცამდე ძლივს შეკრიბეს. ნახეთ, რომ აზიარებდნენ შარშანდელი აქციის ფოტომასალას. პირველი – ხალხი აღარ დადის აქციებზე, ვერ მოახერხეს მთელი ამ კვირების განმავლობაში პოლიციის გამოწვევა, ვეღარ ახერხებენ ძალადობით პოლიციისთვის ასეთი გამოწვევის შექმნას. შესაბამისად არის მძიმე ემოციური ფონი და არის ერთგვარი ისტერიული მდგომარეობა რადიკალურ ოპოზიციაში და ეს აისახება სალომე ზურაბიშვილზეც. შედგა საბოლოო ჯამში ბრიფინგი, თუმცა ეს ინიციატივა ამ ბრიფინგზე არ გაჟღერდა, ვიღაც ჭკვიანმა ურჩია სალომე ზურაბიშვილს, ეს არ გაეკეთებინა”, – განაცხადა ირაკლი კობახიძემ.