საქართველოს 18-წლამდე მორაგბეთა ნაკრები საფრანგეთში, ქალაქ ვიშში გაემგზავრა, სადაც 6 ერის ფესტივალში მიიღებს მონაწილეობას.

ფესტივალზე, საქართველოსა და 6 ერის ქვეყნების (საფრანგეთი, უელსი, ინგლისი, ირლანდია, შოტლანდია, იტალია) გარდა, წელს ესპანეთის 18-წლამდე ნაკრებიც ითამაშებს.

საქართველოს ნაკრების საფესტივალო მატჩების კალენდარი ასეთია:

10 აპრილი – საქართველო Vs იტალია

14 აპრილი – საქართველო Vs უელსი

18 აპრილი – საქართველო Vs ირლანდია

ზურა ამონაშვილის გაწვრთნილი გუნდი საფრანგეთში შემდეგი შემადგენლობით გაემგზავრა:

ნიკოლოზ ბალანჩივაძე, გაბრიელ რაზმაძე, ალექსანდრე გამყრელიძე, ლუკა წიკლაური, გიორგი ბერძენიშვილი, დავით ხურციძე, ანდრია ბილანიშვილი, იოსებ ღვინჯილია, დავით ბარამია, ნიკოლოზ ჩხორთოლია, შოთა გვრიტიშვილი, მათე ბერუაშვილი, გიორგი ზაზაძე, გიორგი არძენაძე, გოგა უშვერიძე, გიორგი ხონელიძე, ლევან ბუცხრიკიძე, გიორგი გაბუნია, დათა ახვლედიანი, დემეტრე დევდარიანი, გიორგი კეკელია, ლუკა ტაბატაძე, ავთანდილ ზვიადაძე, ივა კვირიაშვილი, დავით არობელიძე, ლუკა ჭკადუა.

თიბისი აგრძელებს ქართული რაგბისა და ახალი თაობის მხარდაჭერას. მნიშვნელოვანია, რომ 6 ერის კარი, პირველად, სწორედ, ახალგაზრდებმა შეაღეს. ერთად ვუგულშემატკივროთ ქართული რაგბის მომავალ თაობას.
#ერთადგავიმარჯვებთ

„ეს იყო ნულოვანი ტოლერანტობა, ბატონი სააკაშვილის მიერ გამოცხადებული, რომ ხელი არ აგიკანკალდეთ, ესროლეთ, რასაც მოჰყვა სწორედ ახალგაზრდების ხოცვა ქუჩებში და 162 ბიჭი დახვრიტეს ასე ქუჩაში უდანაშაულოდ სწორედ იმიტომ, რომ ყოფილიყო შიში, შიშით ემართათ ქვეყანა“ – განაცხადა ია მეტრეველმა პარლამენტის დროებითი საგამოძიებო კომისიის სხდომაზე, სადაც ერთ-ერთი მთავარ თემად ამირან (ბუტა) რობაქიძის მკვლელობა განიხილება.

ია მეტრეველი იხსენებს მისი შვილის, ბუტა რობაქიძის მკვლელობის დეტალებს და აცხადებს, რომ განსაკუთრებით დიდი დანაშაული მიუძღვის “ნაციონალური მოძრაობის” დროინდელ საპატრულოს უფროსს მიქაძეს, რომლის აზრითაც, „სცენარი უნდა გათამაშებულიყო, რომ ვითომ ბუტამ ავტომატიდან ორჯერ გაისროლა და ამის შემდეგ მოხდა პატრულის მიერ გასროლა“.

„ეს იყო სააკაშვილის მიზანმიმართულად მართვის მეთოდი და სწორედ ასე გააგრძელა, ამ შიშით დაიწყეს ქვეყნის მართვა. როგორც კი გადაურეკეს ზემდგომებს და ერთ-ერთი მთავარი იყო ადეიშვილი, ოქრუაშვილი, იქიდან მიიღეს ბრძანება, რომ „ბოლომდე მიიყვანეთ ყველაფერი, პატრულის იმიჯი არ უნდა შეილახოს“, ეს იყო მათი ნაბრძანები. ამის მერე სცენარისტი დონაძე ჩაერთო ამ ყველაფერში და ვაკის პოლიციიდან იქ მოზიდეს უამრავი იარაღი. მთელი სისტემა ამუშავდა და დაგვიპირისპირდა (ამ ბავშვებს). მიიტანეს უამრავი იარაღი. ერთ-ერთ იარაღს ეწერა გია, რომელიც ამოიცნო პატრონმა, რომ 15-20 წლის წინ ჩამორთმეული ჰქონდა და მისი იყო ეს იარაღი. მოკლედ, მთელი არსენალი იყო, რომელიც ამ ბავშვებს დაულაგეს, ბუტას დაუდეს ავტომატი. ერთ-ერთი მთავარი მოქმედი გმირი იყო მიქაძე დონაძესთან ერთად, ყველაზე დიდი დანაშაული მათ მიუძღვით, განსაკუთრებით, მიქაძეს [ქალაქის საპატრულოს უფროსი], რომელმაც უთხრა, ასეთი სცენარი უნდა გათამაშებულიყო, რომ ვითომ ბუტამ ავტომატიდან ორჯერ გაისროლა და ამის შემდეგ მოხდა პატრულის მიერ გასროლა“, – განაცხადა ია მეტრეველმა.

მსოფლიოში ავტორიტეტულმა ფინანსურმა ჟურნალმა – Euromoney, თიბისი საქართველოში საუკეთესო პერსონალური საბანკო მომსახურებისთვის დააჯილდოვა.

ჯილდო ბანკმა თიბისი კონცეპტისა და თიბისი WM-ის მაღალშემოსავლიანი მომხმარებლებისთვის მათ მიზნებსა და საჭიროებებზე მორგებული, მუდმივად განვითარებადი, თანამედროვე მომსახურებისა და პროდუქტების შეთავაზებისთვის, ზედიზედ მესამედ მიიღო. ამასთანავე, თიბისი WM-მა, დამატებით, მაღალშემოსავლიანი კლიენტების მომსახურებისა და მდგრადობის ნომინაციებში გაიმარჯვა.

მდგრადობის ჯილდო თიბისი WM-მა ახალი ეკო ბარათებისთვის მიიღო. თიბისი WM მომხმარებლებისთვის, პირველი ეკომეგობრული, Visa Infinite საკრედიტო ბარათი შეიქმნა, რომელიც დამზადებულია გადამუშავებული მასალისგან. უმაღლესი კლასის ბარათის მომხმარებელს ავტომატურად შეაქვს წვლილი გარემოსდაცვითი, სოციალური და მმართველობითი (ESG) გლობალური და ადგილობრივი მიზნების მიღწევაში.

„მოხარული ვართ, რომ თიბისიმ პერსონალური საბანკო მომსახურებისთვის, მორიგი საერთაშორისო აღიარება მოიპოვა. ჩვენი მთავარი პრიორიტეტია ჩვენი მომხმარებლებისთვის ინდივიდუალურ საჭიროებებსა და ცხოვრების წესზე მორგებული მომსახურებისა და პროდუქტების შეთავაზება, რითიც ადამიანებს ცხოვრებას  ვუმარტივებთ. სწორედ ამ ღირებულებისა და გამოცდილების შექმნისთვის მივიღეთ აღნიშნული ჯილდო, რომელიც დაგროვილი კაპიტალის მართვისა და პერსონალური საბანკო მომსახურების მიმართულებით, ჩვენს მოწინავე პოზიციას უსვამს ხაზს და ადასტურებს, რომ მომხმარებლების საჭიროებებს სათანადოდ ვპასუხობთ და წარმატებით ვუბამთ ფეხს გლობალურ ტენდენციებს”, –  ვახტანგ ბუცხრიკიძე, თიბისის გენერალური დირექტორი.

Euromoney მსოფლიოს ერთ-ერთი წამყვანი გამოცემაა, რომელიც 50 წელია საერთაშორისო ფინანსურ მიმოხილვებს აქვეყნებს. დაჯილდოება, რომელიც 1992 წლიდან იმართება, ერთ-ერთი ყველაზე ავტორიტეტული ღონისძიებაა საბანკო-საფინანსო ინდუსტრიაში. პერსონალურ საბანკო მომსახურებასა და დაგროვილი კაპიტალი მართვის მიმართულებით, Euromoney უკვე 20 წელია საერთაშორისო საბანკო სექტორს იკვლევს.   Euromoney-ის ჯილდო ისეთ კომპანიებსა და ადამიანებს გადაეცემათ, რომლებიც ლიდერობითა და ინოვაციური მიდგომებით გამოირჩევიან.

R

ვაკის რაიონში, უნივერსიტეტისა და პეტრე ქავთარაძის ქუჩების დამაკავშირებელი გზის და გვირაბის მშენებლობის სამუშაოები დასასრულს უახლოვდება, – ამის შესახებ დღეს თბილისის მუნიციპალიტეტის მთავრობის სხდომაზე დედაქალაქის მერმა კახა კალაძემ განაცხადა.

მისი თქმით, დაახლოებით, ერთ თვეში მძღოლებს საშუალება ექნებათ, ბაგებიდან უმოკლესი გზით – ახალი ხიდისა და გვირაბის გამოყენებით გადაადგილდნენ.

„სამუშაოების პირველი ნაწილი იყო საავტომობილო ხიდის პროექტი, რომელიც დასრულებულია და დღეს უამრავი ადამიანი იყენებს ბაგებიდან უნივერსიტეტის ქუჩაზე გადასაადგილებლად. მეორე ეტაპი კი იყო უნივერსიტეტისა და ქავთარაძის ქუჩების ერთმანეთთან დაკავშირება გვირაბით. ეს სამუშაოები გასულ წელს დავიწყებთ და, დაახლოებით, ერთ თვეში დასრულდება. შესაბამისად, მძღოლებს ბაგებიდან უმოკლესი გზით, ახალი ხიდისა და გვირაბის საშუალებით გადაადგილების შესაძლებლობა ექნებათ. ეს მოგვცემს საშუალებას, რომ გადავანაწილოთ სატრანსპორტო ნაკადები და ის დიდი დატვირთვა, რაც უნივერსიტეტის ქუჩაზე მოდის, მოიხსნას“, – განაცხადა თბილისის მერმა.

მან ასევე აღნიშნა, რომ აღნიშნულ ობიექტზე მასშტაბური ინფრასტრუქტურული სამუშაოების ბოლო ეტაპი ინტენსიურ რეჟიმში მიმდინარეობს.

„დღეის მდგომარეობით, გვირაბის კონსტრუქციის მშენებლობის ძირითადი სამუშაოები დასრულებულია. ამჟამად, ხორციელდება გვირაბის შესასვლელ-გასასვლელის პანდუსების, ბეტონის კედლების მოწყობა და ჰიდროსაიზოლაციო სამუშაოები. ასევე, მიმდინარეობს სადრენაჟე და სანიაღვრე სისტემების მოწყობა და გვირაბში მონტაჟდება განათების სისტემა. პარალელურად, დაწყებულია მშენებარე გვირაბიდან პეტრე ქავთარაძის ქუჩამდე არსებული, შავიშვილის ქუჩის გარკვეული მონაკვეთის რეაბილიტაცია. აღნიშნულ ტერიტორიაზე ფართოვდება გზა, რისთვისაც საჭირო გახდა იქ არსებული ავტოფარეხების დემონტაჟი იმისთვის, რომ ავტოტრანსპორტი თავისუფლად გადაადგილდეს“, – განაცხადა დედაქალაქის მერმა.

როგორ შეიძლება დაგანახოს ომი  სატირიკოსმა მწერალმა და მონაცემთა მეცნიერმა? რა შეიძლება გასწავლოს ფილოსოფოსმა ამბის თხრობაზე? რას გვიყვებიან განსაკუთრებულს ჩვენი პლანეტის შესახებ არქიტექტორები და არტისტები? 

მზად ხარ დაუვიწყარი ისტორიების მოსასმენად და ინსპირაციის მისაღებად?

ZEG ამბის თხრობის საერთაშორისო ფესტივალი თიბისი კონცეპტის მხარდაჭერით, უკვე მეხუთედ ბრუნდება და წელს 13-15 ივნისს კვლავ თბილისში ჩატარდება. 

ჩვენ ვაგრძელებთ საქართველოს დაახლოებას ევროპასთან და დანარჩენ მსოფლიოსთან, ვაერთიანებთ მოაზროვნეებსა და სხვადასხვა დარგის პროფესიონალებს, ვსაუბრობთ ყველაფერზე –  მსოფლიოს ახალ პერსპექტივებზე, პირად ისტორიებზე, პოლიტიკაზე, ეკონომიკაზე, მხატვრობაზე, ფილოსოფიაზე, არქიტექტურაზე, მედიაზე, ფოტოგრაფიაზე, კინოსა თუ მედიცინაზე. 

იმდენად დიდი და მრავალფეროვანია ფესტივალის მომხსენებელთა სია, რომ ZEG-ზე ინსპირაციას ნებისმიერი ადამიანი იპოვის.

100-ზე მეტ მომხსენებელს შორის არიან ნობელიანტი ეკონომისტი ჯოზეფ სტიგლიცი; ლეგენდარული ბრიტანელი ფოტოგრაფი პლატონი; The New Yorker-ის ჟურნალისტი, მწერალი და ბესტსელერი წიგნის “The Moth and the Mountain” ავტორი ედ სიზარი; წამყვანი ამერიკელი პედიატრი სემა ჯილანი, რომელიც წლების განმავლობაში მუშაობდა ავღანეთში, ისრაელში, ღაზას სექტორში, სუდანსა და სხვა ქვეყნებში დაზარალებულებთან; ადამ ფეიზი, მწერალი, პროდიუსერი და რეჟისორი, ავტორი მოკლემეტრაჟიანი ფილმებისა „How Moving” და „River Fork”; ინოვაციური და მდგრადი ურბანული დიზაინის ცნობილი ჩილელი არქიტექტორი ალეხანდრო არავენა; წელს კვლავ ვუმასპინძლებთ სატირიკოსს, აღიარებული სატელევიზიო სერიალებისა და ფილმების, „Veep“-ის და “სტალინის სიკვდილის” ავტორს არმანდო იანუჩის; ასევე უკრაინელ ფილოსოფოსს ვოლოდიმირ ერმოლენკოს და უამრავ სხვა საინტერესო სპიკერს.  

სიტყვა ZEG იდეალურად ასახავს ჩვენს მისიას: აღმოვაჩინოთ და გავაზიაროთ ამბები, რომლებიც მნიშვნელოვანია არა მხოლოდ დღეს, არამედ მის მიღმაც. გვჯერა, რომ საინტერესო ამბის თხრობა მოითხოვს დისციპლინებს შორის ბარიერების დამსხვრევას და სწორედ ამიტომ ვაერთიანებთ ცნობილ მწერლებს, მოაზროვნეებს, კინორეჟისორებს, ჟურნალისტებს, მეწარმეებსა და ხელოვანებს ZEG-ის გარშემო.

წინასწარი გაყიდვის ფარგლებში, ახალი თიბისი კონცეპტ ბარათის მფლობელებს შესაძლებლობა გაქვთ, მხოლოდ 3 დღით, 7-9 აპრილს, 25%-იანი ფასდაკლებით შეიძინოთ ბილეთები. 10 აპრილიდან, თიბისი კონცეპტის ყველა ბარათზე გავრცელდება 15%-იანი ფასდაკლება.

ფესტივალის ორგანიზატორები:Impact Hub Tbilisi, Coda Story

ფესტივალის მხარდამჭერები: TBC Concept, UN Women, European Cultural Foundation, Coca-Cola, BMW, Culture of Solidarity Fund, Swiss Agency for Development and Cooperation, Windfor’s, Reckless, AI Accountability Network – Pulitzer Center, Adjara Group, Honore.

R

ვერძი

ბოლოს და ბოლოს, სამსახურში თქვენი ძალისხმევა ნელ-ნელა შედეგს მოიტანს. ეს დღე იდეალურია პრეზენტაციების, მნიშვნელოვანი განხილვების, განაცხადების წარდგენისა და სტრატეგიული დაგეგმვისთვის. ინიციატივის აღების ნუ შეგეშინდებათ – ამ დღეს შეგიძლიათ, თქვენი მაგალითით გარშემომყოფები შთააგონოთ. ხელსაყრელი დროა ხელმძღვანელობასთან მოლაპარაკებისთვის – ყურადღებით მოგისმენენ, განსაკუთრებით თუ საკუთარ შეხედულებებს გონივრულად ჩამოაყალიბებთ.

რჩევა: იმოქმედეთ მკაფიოდ და თავდაჯერებულად და საკუთარ თავში ნუ დაეჭვდებით. ეს დღე თქვენი შანსია, რომ კარიერული კიბის კიდევ ერთი, მნიშვნელოვანი საფეხური დაძლიოთ.

კურო

ეს დღე თბილ და ემოციურად დატვირთულ ატმოსფეროს გპირდებათ. პარტნიორთან ურთიერთობაში შეიძლება გაუგებრობების ეტაპი დასრულდეს და გაუგებრობის ეტაპი დაიწყოს. ხელსაყრელი დროა გულახდილი საუბრებისა და სულიერი კავშირების აღსადგენად. ამ დღეს ადამიანები უძლურები არიან თქვენი პიროვნული მომხიბვლელობის წინაშე.

რჩევა: თუ ბოლო დროს აუხსნელ დაღლილობას გრძნობთ, შეეცადეთ გარემო შეიცვალოთ, სუფთა ჰაერზე გაისეირნოთ და ის აკეთოთ, რაც მოგწონთ.

ტყუპები

ამ დღეს განსაკუთრებული ყურადღება თქვენს ფიზიკურ ჯანმრთელობას და ემოციურ მდგომარეობას უნდა მიაქციოთ. ამ დღის კეთილგანწყობილი ფონის მიუხედავად, შესაძლოა ნერვიულობა და მარტო დარჩენის სურვილი იგრძნოთ. ნერვიულობის მიზეზი არ გაქვთ – უბრალოდ, თქვენი ორგანიზმი „გადატვირთვას“ითხოვს. ეცადეთ, საქმეებით არ გადაიტვირთოთ და მხოლოდ ის აკეთოთ, რაც ნამდვილად მნიშვნელოვანია. ამ დღეს სასარგებლოა წყლის პროცედურები, სუნთქვითი ვარჯიშები, იოგა ან სხვა მსუბუქი ფიზიკური აქტივობა, რაც შინაგანი დაძაბულობის მოხსნაში დაგეხმარებათ.

რჩევა: მოიცილეთ გამაღიზიანებელი ხმაური და დღე იმ ქმედებებით შეავსეთ, რაც სხეულსა და სულს სიხარულს ანიჭებს.

კირჩხიბი

კირჩხიბები ამ დღეს პრაქტიკულობითა და რაციონალურობით გამოირჩევიან. შესაძლოა, სასწრაფოდ გეგმების შეცვლა, ახალ პირობებთან შეგუება ან მოულოდნელად წარმოქმნილი საკითხების მოგვარება მოგიწიოთ. მოსალოდნელია სასიამოვნო სიურპრიზებიც: ვალების დაბრუნება, მოულოდნელი პრემია ან მომგებიანი შეთავაზება.

რჩევა: გრძელვადიანი გეგმების არ შეგეშინდეთ. თუნდაც მცირე ნაბიჯები თავდაჯერებასა და შინაგან სიმშვიდეს მოგიტანთ.

ლომი

თქვენი პიროვნული მომხიბვლელობა და ქარიზმა ადამიანებს მაგნიტივით იზიდავს. თუ ურთიერთობებში სირთულეები გაჩნდა, დროა ცოტა გაახალისოთ: შესთავაზეთ პარტნიორს სადმე გასეირნება ან რომანტიკული სიურპრიზი მოუწყვეთ. საღამოს მოსალოდნელია არასტაბილური ემოციური ფონი, ამიტომ უმჯობესია დაძაბულ საუბრებს და კონფლიქტურ სიტუაციებს თავი აარიდოთ.

რჩევა: ითამაშეთ – სიტყვებით, მზერით, ემოციებით. ამით გრძნობებსაც გაახალისებთ და საკუთარ თავსაც გააკვირვებთ.

ქალწული

ამ დღეს შეიძლება მედიტაციის, კითხვის, შემოქმედების ან განმარტოების სურვილი გაგიჩნდეთ. ამ სურვილს არ შეეწინააღმდეგოთ – თქვენი სული სიჩუმესა და ღრმა ფიქრებს ითხოვს. გაძლიერებული ინტუიციის დახმარებით შესაძლებელია მოულოდნელად მიიღოთ პასუხი კითხვაზე, რომელიც დიდი ხანია გაწუხებთ. განსაკუთრებით მგრძნობიარეები იქნებიან ქალწულები, რომლებიც ახლახან ემოციურად რთული პერიოდი დაძლიეს – ახლა აღდგენის ეტაპი იწყება.

რჩევა: უსმინეთ საკუთარ ინტუიციას და ის სწორ გადაწყვეტილებას გიკარნახებთ. თუ პარტნიორთან ერთად რაიმეს განხილვას ან გრძნობების აღიარებას გეგმავთ, ახლა ამისთვის ხელსაყრელი დროა.

სასწორი

შესაძლოა, ლამაზი ნივთის შეძენის სურვილი გაგიჩნდეთ, მაგრამ ვარსკვლავები გაფრთხილებენ, რომ შოპინგისთვის არახელსაყრელი დროა. უმჯობესია, რომ ფინანსური შეცდომების გამოსწორებაზე იზრუნოთ: ვალები დააბრუნოთ, ხარჯებს გადახედოთ და ახალი შემოსავლის წყაროები ეძიოთ.

რჩევა: დაიმახსოვრეთ, რომ ფული მხოლოდ საშუალება კი არა, ენერგიაა, ამიტომ უსარგებლო ნივთების შესაძენად არ უნდა დახარჯოთ.

მორიელი

ამ დღეს თქვენს სხეულს განსაკუთრებული ყურადღება უნდა მიაქციოთ. თუ ბოლო დროს მძიმე შრომა მოგიწიათ და დიდი ხანია დაღლილობას უგულებელყოფთ, დროა დასვენებაზე და ძალების აღდგენაზე იფიქროთ. ხელსაყრელი დღეა ჯანმრთელობაზე ზრუნვისა და პროფილაქტიკური მკურნალობის დაწყებისთვის, არც სრულფასოვანი ძილის შესახებ დაივიწყოთ.

რჩევა: თქვენი სხეული ახლა მგრძნობიარე ბარომეტრია – მიეცით მას ყურადღება და ზრუნვა, სანაცვლოდ კი ენერგიასა და გონების სიწმინდეს მიიღებთ.

მშვილდოსანი

მშვილდოსნები დღეს ყურადღების ცენტრში აღმოჩნდებიან – დღე იდეალურია პირადი კავშირების გასამყარებლად. უამრავი საინტერესო შეხვედრა, ახალი ადამიანის გაცნობა და დიდი რაოდენობის ინფორმაციის შესწავლა მოგიწევთ. გირჩევთ საკუთარ პრინციპებს არ უღალატოთ და დებატებში არ დანებდეთ. თქვენი მცდელობის მიუხედავად, ზოგიერთი საკითხის გადადება ან გაუქმება მოგიწევთ. ახალი ინფორმაცია გაიძულებთ, სამომავლო გეგმებს გადახედოთ ან საგნების მიმართ მიდგომა შეცვალოთ.

რჩევა: იყავით გულწრფელი და გულღია – ურთიერთობები გაძლიერებას მოითხოვს და არა თამაშს.

თხის რქა

ეს დღე დაგეხმარებათ, რომ მკაფიოდ დაინახოთ, როგორ შეიძლება კარიერა პირად სურვილებს შეუთავსოთ. შესაძლოა ისეთ სიტუაციაში აღმოჩნდეთ, სადაც საკუთარი პოზიციების დაცვა მოგიწევთ. ასევე შესაძლებელია საინტერესო შეთავაზება, რომელიც კარიერულ წინსვლაში დაგეხმარებათ. პირად ცხოვრებაში გულწრფელი საუბარი გელით, რომელიც დაგეხმარებათ საკუთარი თავი და პარტნიორი უკეთ გაიცნოთ.

რჩევა: იფიქრეთ იმაზე, რა გაძლევთ სტაბილურობისა და თვითშეფასების შეგრძნებას – ამ დღეს თქვენში ბევრი რესურსი იღვიძებს.

მერწყული

შესანიშნავი დროა იმისთვის, რომ ახალი ცოდნით დაინტერესდეთ, შთაგონებულ ადამიანებს მოუსმინოთ ან სხვებისთვის მოტივაციის წყარო თავად გახდეთ. შესაძლოა იგრძნოთ, რომ ნაცრისფერი ყოველდღიურობიდან გაქცევა და ახალი ახალი ადგილების მონახულება გსურთ. თუ მარტოხელა ხართ, გამორიცხული არ არის, რომ ასეთ ადგილზე იმას შევხვდეთ, ვისაც მთელი ცხოვრება ელოდით. ამიტომ სახლიდან გასვლა არ დააგვიანოთ.

რჩევა: ეს დღე როგორც პიროვნულ, ისე სულიერ ზრდაში დაგეხმარებათ.

თევზები

ემოციური განახლების დროა. შესაძლოა, შეხვდეთ ადამიანს ან მოხვდეთ სიტუაციაში, რომელიც ძველი განცდების ახლებურად აღქმაში დაგეხმარებათ. კარგი დროა მედიტაციისთვის ან საყვარელ ადამიანთან გულწრფელი საუბრისთვის. მნიშვნელოვანია, რომ გადაწყვეტილების მიღება სამომავლოდ არ გადადოთ — თუ გრძნობთ, რომ მომენტი დადგა, უნდა იმოქმედოთ.

რჩევა: ამ დღეს მნიშვნელოვანია არა მოქმედების სიხშირე, არამედ — ხარისხი. ჯობია ნაკლები გააკეთოთ, მაგრამ სწორად, ვიდრე მეტი და უხარისხოდ.

გარემოს ეროვნული სააგენტოს ცნობით, 8 აპრილიდან 11 აპრილამდე საქართველოში მოსალოდნელია წვიმა, ზოგან ძლიერი, მაღალმთაში ზოგან თოვლი, დასავლეთის მიმართულების ძლიერი ქარი, ზღვაზე 4-5 ბალიანი შტორმი.

 მოსალოდნელმა ძლიერმა წვიმებმა შესაძლებელია მდინარეებზე წყლის დონეების მნიშვნელოვანი მატება, ხოლო პატარა მდინარეებზე წყალმოვარდნები გამოიწვიოს. ქვეყნის მაღალმთიან რაიონებში შესაძლებელია ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა – გააქტიურება (საფრთხის დონე საშუალო).