ნაციონალი“ გახარია არ წარმომიდგენია, გახარიას „გაშავება“ კი არ უნდათ, ბიძინას სათამაშო ოპოზიციაა ჩემთვის, – ამის შესახებ “ნაციონალური მოძრაობის” ერთ-ერთმა ლიდერმა, ლევან ხაბეიშვილმა „პალიტრანიუსის“ გადაცემაში „პოლიტ-ქალაქი“ განაცხადა.

როგორც ხაბეიშვილმა აღნიშნა, გიორგი გახარიას „ნაციონალს“ იმიტომ ეძახიან, რომ „ქართულ ოცნებას“ ხმები არ წაართვას.

„როდესაც რუსი გეძახის, რომ „ნაცი“ ხარ, მისთვის მიუღებელია, მაშინ კმაყოფილი უნდა იყო, რომ „ნაცს“ გეძახიან. გახარიას „გაშავება“ კი არ უნდათ, „ნაციონალი“ გახარია არ წარმომიდგენია. ჩემთვის ბიძინას სათამაშო ოპოზიციაა. „ქართული ოცნებისთვის“ შესაძლებლობაა, როდესაც „ნაციონალს“ ეძახიან გახარიას, რათა „ქართულ ოცნებას“ ხმები არ წაართვას.

ჩემი არგუმენტები მაქვს: თუ პრობლემები იყო, 14 წელია ხელისუფლებაში არიან და მოეგვარებინათ. ვიღაც დაეკავებინათ, ასე შემდეგ. ახლა რატომ ებრძვიან „ნაციონალურ მოძრაობას?! იმიტომ, რომ მთავარი გამწევი ძალაა. რომ არა „ნაციონალური მოძრაობა“, „მოქოცოებს“ არც საყდრისზე ამოუღიათ ხმა და არც მაჩალიკაშვილის მკვლელობაზე. გომელაურის მოადგილემ თქვა, რომ რუსი გენერლები ჩამოჰყავდა გომელაურს ხაჭაპურის საჭმელად“, – აღნიშნა ხაბეიშვილმა.

ამასთან, მან საქართველოს მესამე პრეზიდენტ მიხეილ სააკაშვილთან დაკავშირებითაც ისაუბრა.

„სააკაშვილის აქციებზე, “free mishaს“ აქციაზე 100 000 ადამიანი გამოსულა რუსთაველზე. როდესაც 50-100 000 ადამიანი გამოდის პოლიტიკური ლიდერის გათავისუფლების მოთხოვნით, დემოკრატიული სახელმწიფო ნორმალურ ქვეყანაში მინიმუმ დაფიქრდება, იქნებ რაიმეს არასწორად ვაკეთებთ. რუსული რეჟიმი, რომელმაც ფარცხალაძის ხელით შეთითხნა ბრალი და ამერიკის მიერ დასანქცირებულმა მუსურიძის სასამართლომ გამოუტანა განაჩენი, არ დაფიქრდება, უკან არ დაიხევს. “ნაციონალური მოძრაობის“ მომხრეების უმრავლესობა ყოველდღიურად არის წინააღმდეგობაში“, – აღნიშნა ხაბეიშვილმა

„კოლექტიური ნაციონალური მოძრაობისგან“ არაფერია გასაკვირი, როდესაც ისინი ასანქცირებდნენ თავის ქვეყანას წლების განმავლობაში, – განაცხადა საპარლამენტო უმრავლესობის წევრმა ირაკლი ჭეიშვილმა.

მისი თქმით, ქვეყნის მტრებისგან სხვა არაფერია მოსალოდნელი, თუ არა მოღალატეობრივი საქციელი. 

„ევროპარლამენტში, ევროსაბჭოში კაბინეტ-კაბინეტ დადიოდნენ და ითხოვდნენ, რომ კანდიდატის სტატუსი არ მიეღო ქვეყანას. კაბინეტ-კაბინეტ დადიოდნენ და ითხოვდნენ, რომ ვიზალიბერალიზაცია შეჩერებულიყო. აქედან გამომდინარე, ამ ქვეყნის მტრებისგან სხვა რას უნდა ველოდოთ, თუ არა მოღალატეობრივ საქციელს“, – აღნიშნა ირაკლი ჭეიშვილმა.

პარლამენტი პოლიტიკური პარტიების აკრძალვის თაობაზე ინიცირებული საკანონმდებლო პაკეტის განხილვას იწყებს.

ამ მიმართულებით “ქართული ოცნების” უმრავლესობამ “მოქალაქეთა პოლიტიკური გაერთიანებების შესახებ” კანონსა და “საკონსტიტუციო სასამართლოს შესახებ” კანონში ცვლილებები წარადგინა, რომელსაც 14 აპრილს, იურიდიულ საკითხთა კომიტეტი, პირველი მოსმენით განიხილავს.

პროექტის თანახმად, საკონსტიტუციო სასამართლოს შეეძლება აკრძალოს პარტია, რომლის გაცხადებული მიზანი, საქმიანობის არსი – მათ შორის პერსონალური შემადგენლობა სასამართლოს მიერ უკვე აკრძალული პარტიის გაცხადებულ მიზანს, საქმიანობის არსსა და პერსონალურ შემადგენლობას იმეორებს.

ამავე ცვლილებების ფარგლებში “ქართული ოცნება” პოლიტიკური პარტიის საქმიანობის კონსტიტუციურობის, ასევე, ამ პარტიის წარდგენით არჩეული დეპუტატის უფლებამოსილების შეწყვეტის შესახებ კონსტიტუციური სარჩელის თაობაზე გადაწყვეტილების გამოტანის ვადების შემჭიდროებას გეგმავს.

ცვლილებების გათვალისწინებით, პარტიის კონსტიტუციურობასთან დაკავშირებულ სარჩელზე გადაწყვეტილების გამოტანის ვადა სარჩელის შეტანიდან 9 თვეს არ უნდა აღემატებოდეს, ხოლო საარჩევნო პერიოდში – 14 დღეს.

საქართველოს კანონმდებლობით, პარტიის აკრძალვა მხოლოდ საკონსტიტუციო სასამართლოს გადაწყვეტილებით შეიძლება. “მოქალაქეთა პოლიტიკური გაერთიანებების შესახებ” მოქმედი კანონის გათვალისწინებით, საკონსტიტუციო სასამართლოს შეუძლია აკრძალოს პარტია, რომლის მიზანია საქართველოს კონსტიტუციური წყობილების დამხობა ან ძალადობით შეცვლა, ქვეყნის დამოუკიდებლობის ხელყოფა, ტერიტორიული მთლიანობის დარღვევა, ან რომელიც ეწევა ომის ან ძალადობის პროპაგანდას, აღვივებს ეროვნულ, კუთხურ, რელიგიურ ან სოციალურ შუღლს, ქმნის ან შექმნილი აქვს შეიარაღებული ფორმირება.

პარტიის საქმიანობა, ასევე, შეიძლება რეორგანიზაციის ან თვითლიკვიდაციის საფუძველზე შეწყდეს. პარტიის აკრძალვის ან თვითლიკვიდაციის შემდეგ დარჩენილი ქონება სახელმწიფო ხაზინას გადაეცემა.