თბილისის მერის კახა კალაძის განცხადებით, გუშინდელ საპროტესტო აქციაზე ისმოდა მოწოდებები ხელისუფლების დამხობისკენ, რაც ნიშნავს, რომ პირდაპირ იხარჯება უცხოური ფული იმაში, რომ მოხდეს სახელმწიფო გადატრიალება.
„ევროკავშირი აფინანსებს აქციას, რომელზეც გაისმის პირდაპირი მოწოდებები ხელისუფლების დამხობაზე. ეს არის ის, რაზეც ვსაუბრობთ – პირდაპირ იხარჯება უცხოური ფული იმაში, რომ მოხდეს სახელმწიფო გადატრიალება და ხელისუფლების დამხობა. ვერ ეღირსებით, ვერც ქვეყნის შიგნით, ვერც ქვეყნის გარეთ“, – განაცხადა მერმა.
გახარია თან გაქცეულია, თან ქვეყანაში უნდა – მთელი ოპოზიცია, გახარიას პარტიაც და გახარიაც, სრულ გაურკვევლობაში არიან – აქამდე პატრონებმა მიიყვანეს, მაგრამ, რა თქმა უნდა, ჩვენც დავეხმარეთ,- ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
მისივე განცხადებით, რადგან არჩევნებში შანსები საკმაოდ შესუსტებულია, გახარიას არჩევნებში მონაწილეობა თან უნდა, თან არა.
„გახარია თვითონ ვერ ჩამოყალიბდა, რა უნდა. თან გაქცეულია, თან ქვეყანაში უნდა, თან ქვეყანაში არ უნდა. თან არჩევნებში მონაწილეობა უნდა, თან არ უნდა, გამომდინარე იქიდან, რომ შანსებიც საკმაოდ შესუსტებული აქვს. აქედან გამომდინარე, მთელი ოპოზიცია, ეს პოლიტიკური პარტია და ეს ადამიანიც არის სრულ გაურკვევლობაში. აქამდე პირველ რიგში, ეს პოლიტიკური პარტიები პატრონებმა მიიყვანეს. რა თქმა უნდა, ჩვენც დავეხმარეთ, მაგრამ პირველ რიგში, ამ ყველაფერში განსაკუთრებული დამსახურება მიუძღვის რადიკალური ოპოზიციის პატრონებს“,- განაცხადა კობახიძემ.
ამასთან, კობახიძის თქმით, პროექტი, რასაც „რადიკალურ ოპოზიციაში ზურაბიშვილის ლიდერობა“ ერქვა, აბსოლუტურად ჩავარდა.
„ამასთან არის დაკავშირებული ის შიდა დაპირისპირება, რომელიც არის მასსა და სხვა რადიკალურ პოლიტიკურ სუბიექტებს შორის. ეს მოსალოდნელი იყო და რა თქმა უნდა, ეს დაპირისპირება კიდევ უფრო გამწვავდება. იყო გარკვეული პროექტი, რომელიც სრული ფიასკოსთვის იყო განწირული და დასრულდა კიდეც ფიასკოთი“,- განაცხადა კობახიძემ.
დედაქალაქის მერიამ, სამედიცინო და სხვა სოციალური საჭიროებების დაფინანსების პროგრამით, ბოლო წლებში საქართველოსა და ქვეყნის გარეთ არსებულ კლინიკებში, ოპერაციებისა და კვლევების ჩატარების 100 000-ზე მეტი შემთხვევა დააფინანსა.
ამის შესახებ თბილისის მერის მოადგილე ანდრია ბასილაიამ დღეს ჯანდაცვისა და სოციალური პოლიტიკის მიმართულებით ბოლო წლებში განხორციელებული პროგრამების პრეზენტაციაზე განაცხადა.
„ერთ-ერთი ყველაზე საჭირო და მოთხოვნადი მიმართულებაა სამედიცინო და სხვა სოციალური საჭიროებების პროგრამა. ამ პროგრამის ფარგლებში, 100 ათასზე მეტი შემთხვევა უკვე დაფინანსდა. ეს არის სხვადასხვა ოპერაციები, ძვირადღირებული მკურნალობა, მედიკამენტები, რომელიც განაცხადის საფუძველზე ფინანსდება. ასევე ჩვენ მიგვაჩნია, რომ სოციალურად დაუცველი ოჯახების ბავშვებს უნდა ჰქონდეთ სრულფასოვანი წვდომა მუნიციპალურ სერვისებზე, რომლებიც დედაქალაქშია. შესაბამისად, 10 000-მდე ბავშვი იღებს ვაუჩერს და უფასოდ სარგებლობს სხვადასხვა შეთავაზებით, რაც გააჩნია მუნიციპალიტეტსმოსწავლე–ახალგაზრდობის ეროვნული სასახლის, სხვადასხვა სპორტული და სახელოვნებო წრეების სახით“, – განაცხადა ანდრია ბასილაიამ.
მან, ასევე ისაუბრა სოციალურად დაუცველი საპენსიო ასაკისპირებისთვის მედიკამენტების დაფინანსების, 100 წელს მიღწეულ მოქალაქეთა ერთჯერადი დახმარების, თბილისის მუნიციპალური თავშესაფრისმოვლა-პატრონობის, შინმოვლის თანადაფინანსების, შშმ პირთამხარდაჭერისა და საზოგადოებაში მათი ინტეგრაციის სხვადასხვა პროგრამაზე.
„ჩვენ დავნერგეთ სოციალურად დაუცველი პენსიონერებისთვის 500-ლარიანი ვაუჩერის პროგრამა და უკვე 70 000-ზე მეტმა ბენეფიციარმა ისარგებლა ამ პროგრამით. ასევე, მერის გადაწყვეტილებით, ათჯერ გაიზარდა 100 წელს მიღწეული მოქალაქეების ერთჯერადი დახმარება, რომელიც 1000 ლარი იყო და მიმდინარე წელს გახდა 10 000 ლარი“, – განაცხადა დედაქალაქის მერის მოადგილემ.
მისი თქმით, ასევე მნიშვნელოვანი მიმართულებაა შინმოვლის თანადაფინანსების პროგრამა, რომელიც ითვალისწინებს სოციალურად დაუცველი პირების საჭიროებას – სახლში გაეწიოთ გარკვეული მოვლა-პატრონობისა და სამედიცინო დახმარების სერვისი. აღნიშნული სერვისით ისარგებლა 7 768 ბენეფიციარმა.
„ჩვენთან ოპერირებს თბილისის მიუსაფართა მუნიციპალური თავშესაფარი, რომელიც არის ერთგვარი ალტერნატივა უსახლკარო ადამიანებისთვის, რომ არ დარჩნენ ღია ცის ქვეშ. თავშესაფარი ემსახურება 240 ბენეფიციარს და მობინადრეები უზრუნველყოფილი არიან: კვებით, პირადი მოხმარების ნივთებით,პირველადი სამედიცინო დახმარებით და სხვა საჭირო მომსახურებით”, – აღნიშნა მერის მოადგილემ.
კომუნალური სუბსიდირების პროგრამაზე საუბრისას, ანდრია ბასიალიამ აღნიშნა, რომ სოციალურად დაუცველი ოჯახებს ზამთრის თვეებში კომუნალური გადასახადები უფინანსდებათ. ამ პროგრამით 64 000-ზე მეტი აბონენტი სარგებლობს.
„სოციალური პოლიტიკის ერთ-ერთი მთავარიპრიორიტეტი შეზღუდული შესაძლებლობის მქონე პირებზე ზრუნვა და საზოგადოებაში მათი ინტეგრაციის უზრუნველყოფაა.ამ მიმართულებით ბევრი პროგრამა არსებობს, მაგალითად, როგორიცაა მკვეთრად შეზღუდული შესაძლებლობის მქონე პირებისთვის დახმარების პროგრამა, ასევე არასრულწლოვანი შშმ პირების დახმარების პროგრამა. ერთ-ერთი პოპულარული და მნიშვნელოვანი მიმართულებაა საზაფხულო ვაუჩერები. წელს უკვე გაზრდილი მოთხოვნიდან გამომდინარე, დაახლოებით, 3 200 ოჯახს მივეცით საკურორტო ვაუჩერები იმისთვის, რომ შშმ ბავშვებმა და მათ ოჯახებმა მოახერხონ სრულყოფილად დაისვენონ ზაფხულში. პარალელურად, ვაფინანსებთ სხვადასხვა შშმ პირთა ორგანიზაციას და ინდივიდუალურ განაცხადებს“, – აღნიშნა თბილისის მერის მოადგილემ.
ამასთანავე, ანდრია ბასილაიას თქმით, მერია ახორციელებს პერსონალური ასისტენტის მომსახურებით უზრუნველყოფის პროგრამას, რომლის სერვისიც შშმ პირის დამოუკიდებელი ცხოვრების ხარისხს აუმჯობესებს.
ყველა მშობელმა იცის, რომ შვილის აღზრდა არ შემოიფარგლება მხოლოდ საკვების მომარაგებით, ტანსაცმლის ყიდვით ან სკოლაში მისვლა-მოსვლით. ეს არის რთული გზა, სავსე სიხარულითა და ცრემლებით, დარდითა და იმედით, უძილო ღამეებითა და მოთმინებით, რომელიც სიყვარულის საზღვრებს სცდება.
ბავშვებს ენერგიის უშრეტი წყარო აქვთ და ხანდახან გვგონია, რომ არასოდეს იღლებიან. მათი ინტერესები და ცნობისმოყვარეობა დაუცხრომელია. მათი გონება სწრაფად იწოვს ყველაფერს – ემოციებს, სიტყვებს, გამოცდილებებს. ერთი შეხედვით უმნიშვნელო დეტალიც კი მათზე დიდ კვალს ტოვებს. ისინი ერთდროულად ფრთხილებიც არიან და თამამებიც. ამ შეუქცევად პროცესში კი მშობლის როლი ბევრად უფრო მეტია, ვიდრე უბრალოდ დამკვირვებლის. ჩვენ ვართ მათთვის გზამკვლევი – ის, ვინც უნდა დაეხმაროს შინაგანი რესურსების განვითარებაში, სხეულის, გონებისა და ემოციური ბალანსის გაწონასწორებაში.
სწორედ ამ პასუხისმგებლობების გააზრებისას ვიწყებთ უფრო ღრმა დაკვირვებას – რა სჭირდება ბავშვებს ენერგიის შესანარჩუნებლად, სწავლისთვის, გონებრივი განვითარებისთვის, როგორ დავეხმაროთ მათ კონცენტრაციაში, ემოციური სტაბილურობის შენარჩუნებასა და იმუნური სისტემის გაძლიერებაში?
ეს კითხვები მარტივი არ არის, რადგან ბავშვის განვითარება მრავალფაქტორიან პროცესს ეფუძნება – ჯანსაღ გარემოს, ემოციურ კავშირს, ფიზიკურ აქტიურობასა და დაბალანსებულ კვებას. მაგრამ, რაც არ უნდა იდეალურად ვზრუნავდეთ მათზე, ყოველთვის არსებობს მნიშვნელოვანი კომპონენტები, რომელთა ნაკლებობა დროთა განმავლობაში გავლენას ახდენს ბავშვის ენერგიულობაზე, გონებრივ სიმახვილესა და ემოციურ სტაბილურობაზე.
ერთ-ერთი ასეთი ელემენტი, რომელიც ხშირად რჩება „ჩრდილში“, მაგრამ უდიდეს როლს ასრულებს ბავშვის გონებრივ, ემოციურ და ფიზიკურ განვითარებაში, არის ომეგა-3-ის ცხიმოვანი მჟავები.
ბავშვის ტვინი საოცარი სისწრაფით ვითარდება და უკვე 5 წლის ასაკში ზრდასრული ადამიანის ტვინის 90-დან 95%-მდე მოცულობას აღწევს. ტვინის სტრუქტურის დაახლოებით 60% ცხიმოვანი ნივთიერებებისგან შედგება, რომელთაგან განსაკუთრებული მნიშვნელობა ომეგა-3-ის ცხიმოვან მჟავებს – DHA-სა (დოკოზაჰექსენის მჟავა) და EPA-ს (ეიკოზაპენტენის მჟავა) ენიჭებათ. აღნიშნული კომპონენტები სიცოცხლის პირველივე წლიდან აქტიურად მონაწილეობს ნეირონების განვითარებაში, სინაფსების ჩამოყალიბებასა და კოგნიტიური ფუნქციების გაძლიერებაში.
ბავშვებში ომეგა-3-ის დეფიციტი ფართოდ გავრცელებული პრობლემაა, რომელსაც მნიშვნელოვანი გავლენა აქვს მათი გონებრივი, ემოციური და ფიზიკური განვითარების პროცესზე. ბავშვებში ომეგა-3-ის დეფიციტი ხშირად იწვევს ისეთ სიმპტომებს, როგორიცაა კონცენტრაციის დაქვეითება, მეხსიერების გაუარესება, მეტყველების შეფერხება, აგრესიული ქცევა და ყურადღების დეფიციტი. ბავშვს უჭირს სტრესთან გამკლავება, ხდება ცვალებადი, გაღიზიანებული და უჭირს სწავლის პროცესში ჩართვა და დასწავლა, რაც მშობლებს ხშირად ჩვეულებრივ გადაღლილობად ეჩვენებათ. განსაკუთრებული ყურადღება საჭიროა იმ შემთხვევაში, თუ ბავშვი: ადვილად ღიზიანდება ან არის ჰიპერაქტიური, ხშირად ავადდება ან აღენიშნება ქრონიკული ანთებითი მდგომარეობები, აღენიშნება ზრდაში შეფერხება, დიდ დროს ატარებს ეკრანებთან და უჩივის თვალის სიმშრალეს, უკვე აქვს დადასტურებული ADHD-ის (ყურადღების დეფიციტის და ჰიპერაქტივობის სინდრომი) დიაგნოზი.
ომეგა-3-ის ცხიმოვანი მჟავები ორგანიზმში არ სინთეზირდება, სწორედ ამიტომ, ამ ასაკში განსაკუთრებით მნიშვნელოვანია ისეთი კვების რაციონი, რომელიც მდიდარია სასიცოცხლოდ აუცილებელი ნივთიერებებით და ხელს უწყობს ტვინისა და ნერვული სისტემის სრულფასოვან ჩამოყალიბებას. სწორედ ამიტომ, ჯანდაცვის სფეროს წარმომადგენლები მშობლებს ურჩევენ, რაციონში რაც შეიძლება ხშირად შეიტანონ ომეგა-3-ის ბუნებრივი წყაროები – თევზეული, თხილი, ზეითუნის ზეთი და ა.შ.
თუმცა, თანამედროვე აქტიური ცხოვრების დღის წესრიგიდან გამომდინარე, საკვების არჩევის სირთულისა და ბავშვების სენსიტიური გემოვნების ფონზე, ხშირად რთულია ისეთი საკვების რეგულარული მიწოდება ორგანიზმისთვის, რომელიც ომეგა-3-ზე ორგანიზმის მოთხოვნილებას სრულად დააკმაყოფილებს. სწორედ აქ შეგვიძლია მივმართოთ ალტერნატიულ და ეფექტურ გზას სპეციალურად ბავშვებისთვის შექმნილი ბიოლოგიურად აქტიური დანამატების სახით, რომლებიც არა მხოლოდ ხარისხიან და უსაფრთხო ომეგა-3-ს გვთავაზობს, არამედ გემრიელი და მარტივად მისაღები ფორმითაც მოეწონებათ ბავშვებს. ამ მოთხოვნებს კი სრულად აკმაყოფილებს GM PHARMA-ს გერმანული წარმოების (“WELTPHARMA”) ომესამის პროდუქტები: ომესამი ჟელი და ომესამი ჯუნიორი.
ომესამი ჟელი სპეციალურად ბავშვებისთვის შექმნილი ომეგა-3-ის პრეპარატია, რომელიც დათუნიის ფორმის გემრიელ ჟელიბონებს აერთიანებს სხვადასხვა ხილის არომატით, რაც მას პატარებისთვის მარტივად მისაღებს, ხოლო მშობლებისთვის კი მოსახერხებელს ხდის. ომესამი ჟელი შეიცავსშემდეგ აქტიურ მოქმედ ნივთიერებებს D3 ვიტამინი (80 სე), ალფა-ლინოლეინის მჟავა ALA (65 მგ), ვიტამინი C (10 მგ) და ვიტამინი E (1.2 მგ).
ომესამი ჟელი გამოიყენება 3 წლის ასაკიდან ბავშვის გონებრივი და ფიზიკური განვითარების, ტვინისა და მხედველობის სწორად ფუნქციონირების, ყურადღების კონცენტრაციისა და მეხსიერების გაუმჯობესების, კოგნიტური, წერისა და კითხვის უნარების განვითარების, იმუნური სისტემის გაძლიერების, ჰიპერაქტივობისა და ყურადღების დეფიციტის მართვის, თვალის ჯანმრთელობის და ძვლოვანი სისტემის გაუმჯობესებისთვის, მათ შორის რაქიტისა და მოტეხილობების რისკის შესამცირებლად.
მიღების წესი და დოზირება: 3-6 წელი – 1-2 ჟელიბონი დღეში, 6-12 წელი – 1-3 ჟელიბონი დღეში, 12 წლის ზევით – 1-5 ჟელიბონი დღეში.
მაგრამ, როდესაც ბავშვები იზრდებიან, ზრდასთან ერთად იცვლება მათი სხეულიც, გონებაც და საჭიროებებიც. დაახლოებით 6 წლის ასაკში, როცა პატარა უკვე იწყებს ახალ, სასკოლო ეტაპს – იძენს ახალ მეგობრებს, სწავლობს წერა-კითხვას, ფართოვდება სამყაროს აღქმა – მისი ტვინიც სულ სხვაგვარ დატვირთვას იღებს. ეს ის დროა, როცა ჩვენი პატარები სულ უფრო ხშირად სვამენ კითხვებს – თავის თავზეც, გარშემომყოფებზე, სამყაროზე. სწორედ ამიტომ სჭირდება მათ პატარა ორგანიზმს მტკიცე საფუძველი იმისთვის, რომ ფოკუსირდეს, იაზროვნოს, დასვას კითხვები და მოძებნოს პასუხები. ამიტომ, 6 წლის ასაკიდან ჩვენს პატარებს შეგვიძლია ყოველდღიურად მივაწოდოთ სპეციალურად მათთვის შექმნილი ომესამი ჯუნიორი.
ომესამი ჯუნიორი გამოიყენება 6 წლის ასაკიდან ბავშვის ჯანსაღი გონებრივი განვითარების და ორგანიზმის იმუნური გაძლიერებისთვის, იგი ხელს უწყობს ტვინისა და მხედველობის აპარატის სწორ განვითარებასა და ფუნქციონირებას მოზარდებში. მნიშვნელოვანია აღინიშნოს, რომ ომესამი ჯუნიორი ხელს უწყობს კოგნიტური უნარების, კითხვისა და წერის გაუმჯობესებას, მხედველობის, მეხსიერებისა და ყურადღების კონცენტრაციის ამაღლებას, ასევე ნერვული სისტემის სხვადასხვა დაავადების, მათ შორის მეხსიერების დარღვევის, ყურადღების დაქვეითების, დემენციის პროფილაქტიკასა და მართვას. ომესამი ჯუნიორი ხელს უწყობს ჰიპერტრიგლიცერიდემიის შემცირებას, რომელიც ხშირად დაკავშირებულია ჭარბ წონასთან, დიაბეტთან, ასევე უზრუნველყოფს დისლიპიდემიით გამოწვეული მდგომარეობების პრევენციას. ომესამი ჯუნიორი ეხმარება ძვალ-სახსართა სისტემის დაავადებების მართვას და პრევენციას (მათ შორის მოტეხილობები, ოსტეომიელიტი და ოსტეოპოროზი), ხელს უწყობს კანის სხვადასხვა დაავადების, როგორიცაა ფსორიაზი, ეგზემა, ნეიროდერმიტი, მკურნალობას.
ომესამი ჯუნიორის 1 საღეჭი კაფსულა შეიცავს 868 მგ ომეგა-3-ს (250 მგ DHA / 82 მგ EPA) და გამოიყენება 6 წლის ასაკიდან ბავშვის ჯანსაღი გონებისა და ძლიერი ორგანიზმისთვის.
მიღების წესი და დოზირება: 1 კაფსულა დღეში, ჭამის დროს ან ჭამის შემდეგ დასაღეჭად, მკურნალობის ხანგრძლივობა 1-3 თვე.
ომესამი – ბავშვების საიმედო მეგობარი ნებისმიერ ასაკში!
ჭიდაობას ჰგავდა ეს ყველაფერი, როდესაც ბრიუსელი დიდად არ იჩენდა სურვილს იმისა, რომ საქართველოს მარტივად მიეღო უვიზო რეჟიმი, ხელისუფლება არ მოსწონდა და ამიტომ, თუ სხვა რაღაც მიზეზის გამო, ეს საუბრის და კვლევის თემაა, – განაცხადა საქართველოს პარლამენტის დროებითი საგამიძიებო კომისიის თავმდჯომარე თეა წულუკიანმა, კომისიის სხდომაზე, სადაც 2012-2025 წლებში ზოგიერთი პოლიტიკოსის მიერ საქართველოს საგარეო პოლიტიკური ინტერესებისთვის ზიანის მიყენების საკითხი განიხილება.
წულუკიანის განცხადებით, საქართველო, უკრაინასა და განსაკუთრებით, მოლდოვაზე წინ იყო, მიუხედავად ამისა, მოლდოვას, რომელსაც „სკოჩით“ ჰქონდა ე.წ. ჩიპები ძველ პასპორტებზე მიკრული, უვიზო მიმოსვლის მოთხოვნას ბრიუსელი უკმაყოფილებდა, ამ ფონზე კი, ბიომეტრიული პასპორტის მქონე საქართველოს უცხადებდნენ, რომ ჯერ ვიზალიბერალიზაციისთვის მზად არ იყო.
„ერთ მაგალითს ვიტყვი. ჩვენ გვქონდა უკვე ბიომეტრიული პასპორტები, ახალი თაობის, არადა ბიომეტრიული პასპორტი არ არის მხოლოდ საბუთი, ამის უკან დგას მთელი სისტემა: მონაცემთა ბაზების, თანამედროვე ტექნოლოგიების და ა.შ. და ვიყავით ორივე ქვეყანაზე და განსაკუთრებით, მოლდოვაზე წინ. მოლდოვას უკმაყოფილებდნენ უვიზო რეჟიმის მოთხოვნას, რომელსაც ძველ, არაბიომეტრიულ პასპორტზე მაშინ, ე.წ. ჩიპი ჰქონდა უკანა გვერდზე „სკოჩით“ მიმაგრებული და ჩვენ გვეუბნებოდნენ, ჯერ არ ხარ მზადო. ასეთი მომენტებიც იყო მოლაპარაკებების მაგიდასთან, სადაც ყველაფერი მაგიდაზე დევს და მერე მიდის დავა, ვაჭრობა თუ მოლაპარაკება. ეს არის 2015-16 წლები“, – განაცხადა თეა წულუკიანმა.
უკანონო მიგრაციის წინააღმდეგ ბრძოლის ფარგლებში, მიგრაციის დეპარტამენტის თანამშრომლებმა, სპეციალური საიმიგრაციო კონტროლის ღონისძიება ჩაატარეს. ინფორმაციას შსს ავრცელებს. სამინისტროს ცნობითვე, მოპოვებული ინფორმაციის საფუძველზე, ღონისძიების ფარგლებში დეპარტამენტის თანამშრომლების მიერ გადამოწმდა კონკრეტული ლოკაციები, რაც მიზნად ისახავდა საქართველოში კანონიერი საფუძვლის გარეშე მყოფ უცხო ქვეყნის მოქალაქეთა გამოვლენას. კომპლექსური ღონისძიების შედეგად დაკავებულია უცხო ქვეყნის 14 მოქალაქე. მათ შორის არიან ინდოეთის, ნეპალის, პაკისტანისა და ლიბიის მოქალაქეები. დადგინდა, რომ ისინი ქვეყანაში იმყოფებოდნენ „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონით დადგენილ მოთხოვნათა დარღვევით.
„ამჟამად, აღნიშნული პირები მოთავსებულნი არიან მიგრაციის დეპარტამენტის დროებითი განთავსების ცენტრში. მიმდინარეობს შესაბამისი პროცედურები მათი ქვეყნიდან გაძევების მიზნით. მიგრაციის დეპარტამენტი სპეციალური საიმიგრაციო კონტროლის ღონისძიებას განახორციელებს რეგულარულად, რათა უზრუნველყოს „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის ეფექტიანი აღსრულება“, – წერია ინფორმაციაში.
განვიხილავთ 2003-2012 წლებში, ასევე 2012 წლიდან დღემდე ადამიანების მიერ ქვეყნის ღალატის პროცესს, ასევე როგორ ხდებოდა საქართველოს, როგორც სახელმწიფოს პირდაპირი წესით დამაზიანებელი განცხადებები ქვეყნის გარეთ, ბრიუსელში, ვაშინგტონში და ა.შ, – განაცხადა პარლამენტის დროებითი საგამოძიებო კომისიის წევრმა, გურამ მაჭარაშვილმა.
დეპუტატი ასევე გამოეხმაურა, გიორგი ვაშაძის, ნიკა გვარამიასა და მამუკა ხაზარაძის წერილობით უარს საგამოძიებო კომისიის დღევანდელ სხდომაზე ჩართვასთან დაკავშირებით.
„ეს ხალხი – ვაშაძე, გვარამია ახლაც უარს აცხადებს, იმიტომ რომ სათქმელი არ აქვთ არაფერი. თვითონ ამბობენ, რომ არიან დევნილები, მათ დევნიან. თვითონ იგდებენ თავს ისეთ მდგომარეობაში, რომ უნდათ საზოგადოებას შეასაღონ, რომ არიან დევნილები. პირიქით, დევნილი ადამიანი ცდილობს, რომ სადღაც მივიდეს და რაღაცა საჯაროდ თქვას“, – აცხადებს მაჭარაშვილი.
ამ დღეს ვერძის სასიცოცხლო პოტენციალი იზრდება. შესაძლებელია რამდენიმე ახალი, საქმიანი ურთიერთობა დაამყაროთ, რაც მომავალში დაგეხმარებათ. გაითვალისწინეთ, რომ წარმატების მიღწევას მხოლოდ იმ შემთხვევაში შეძლებთ, თუ სხვების მოსაზრებებს გაითვალისწინებთ და პარტნიორების საქმიან თვისებებს პატივს სცემთ. გამორიცხული არ არის, გავლენიანი მფარველი გამოგიჩნდეთ.
კურო
აქტიური დღეა, თუმცა ზედმეტი ენერგია შეიძლება დამანგრეველი იყოს. მოზღვავებულმა ენერგიამ შეიძლება გარშემო მყოფებთან კონფლიქტი და გაუგებრობა გამოიწვიოს. ფინანსური წარმატება, საპირისპირო სქესთან ურთიერთობა და ზოგადად, ემოციური ცხოვრება მხოლოდ თქვენს მოქმედებაზეა დამოკიდებული. ნუ მოდუნდებით და მეორეხარისხოვან საქმეებზე დროს ნუ დაკარგავთ. ახლა დაკარგულის დაბრუნება გაგიჭირდებათ.
ტყუპები
ამ დღეს სასიცოცხლო პოტენციალი მაღალია. მამაკაცებს ვურჩევთ, რომ ემოციები აკონტროლონ. წინააღმდეგ შემთხვევაში, ზედმეტი ენერგია შეიძლება დამანგრეველი გახდეს. მოერიდეთ უხეშობას, კატეგორიულ ტონს და ურთიერთობის გარკვევას. ვარსკვლავები გირჩევენ, ყურადღება საკუთარი და ახლობელი ადამიანების ჯანმრთელობის მდგომარეობას მიაქციოთ. გამორიცხეთ ფიზიკური დატვირთვა, რისკთან დაკავშირებული ქმედებები და ელექტრომოწყობილობებთან მუშაობა – დაზიანების ალბათობა მაღალია.
კირჩხიბი
ქაოსური დღეა, რომელიც ბევრ კირჩხიბს სანერვიულო მიზეზს მისცემს. თავშეუკავებლობა გარშემო მყოფებთან დაპირისპირებას გამოიწვევს, ამიტომ ეცადეთ, ნებისმიერი პრობლემა მშვიდად, ზედმეტი ემოციების გარეშე მოაგვაროთ. ფინანსური კეთილდღეობა, საპირისპირო სქესთან ურთიერთობა და ზოგადად, ემოციური ცხოვრება მთლიანად თქვენს მოქმედებებზეა დამოკიდებული.
ლომი
სასიცოცხლო პოტენციალი მაღალ დონეზეა, თუმცა სრულ წარმატებას მხოლოდ იმ შემთხვევაში მიაღწევთ, თუ სხვების მოსაზრებებს გაითვალისწინებთ და კოლეგების საქმიან თვისებებს პატივს სცემთ. უფროსობას ნუ ეცდებით – ამ დღეს თქვენი მოზღვავებული ენერგია შეიძლება დამანგრეველი იყოს. ეცადეთ პრიორიტეტები განსაზღვროთ, ურთიერთობები დაალაგოთ და დასახული მიზნისკენ თანმიმდევრულად იაროთ – წარმატებას აუცილებლად მიაღწევთ.
ქალწული
თავს მხნედ გრძნობთ, მაგრამ წარმატებას მხოლოდ იმ შემთხვევაში მიაღწევთ, თუ სხვების მოსაზრებებს გაითვალისწინებთ და კოლეგების საქმიან თვისებებს პატივს სცემთ. მიუხედავად იმისა, რომ პასუხისმგებლობით სავსე ხართ და შრომისმოყვარეობა გახასიათებთ, მოზღვავებულმა ენერგიამ შეიძლება, ცუდი სამსახური გაგიწიოთ.
სასწორი
ჭეშმარიტებაში წვდომისა და შემოქმედებითი პოტენციალის გამოვლენის დღეა. სასურველია სუფთა ჰაერზე ვარჯიში, მოგზაურობა და უძრავ ქონებასთან დაკავშირებული გარიგებები. თუ ამ დღეს ახალი საქმის დაწყება შემოგთავაზეს, დაეთანხმეთ – ვარსკვლავები ნებისმიერ საქმეში წარმატებასა და კეთილდღეობას გპირდებიან. მოსალოდნელია ახალი ნაცნობობა, რომელიც დროთა განმავლობაში სერიოზულ ურთიერთობად ჩამოყალიბდება.
მორიელი
დაძაბული სამუშაო დღე გელით. მატერიალური კეთილდღეობის გაუმჯობესებისკენ მიმართული შრომატევადი სამუშაო თქვენგან დამატებით ძალებს მოითხოვს. ეცადეთ, არ მოდუნდეთ და წვრილმანები არ გამოგეპაროთ. გირჩევთ, მთელი ყურადღება სამსახურებრივ პრობლემებზე გადაიტანოთ, რადგან ამაზე თქვენი ფინანსური მდგომარეობაა დამოკიდებული. გახსოვდეთ, რასაც ახლა ხელიდან გაუშვებთ, მომავალში ძალიან ძნელი მოსაპოვებელი იქნება.
მშვილდოსანი
სასიცოცხლო პოტენციალი მაღალ დონეზეა, მაგრამ ზოგჯერ მოზღვავებული ენერგია პრობლემებს გვიქმნის. ვარსკვლავები გაფრთხილებენ, რომ მოსალოდნელია ეჭვიანობის ნიადაგზე კონფლიქტი, ფარული მტრის ინტრიგები ან ღია აგრესია პარტნიორის მხრიდან. სავარაუდოდ, უაზრო და უსარგებლო კამათი დიდ დროს წაგართმევთ.
თხის რქა
პლანეტების არახელსაყრელი განლაგების გამო მუშაობის დროს არასწორი გათვლები და შეცდომებია მოსალოდნელი. ამან შეიძლება, გეგმების განხორციელებაში ხელი შეგიშალოთ და პარტნიორებთან კონფლიქტი გამოიწვიოს. გირჩევთ, ყველა ღონე იხმაროთ, რათა ამ სიტუაციიდან ღირსეულად გამოხვიდეთ. თუ თქვენს სამსახურებრივ ან სოციალურ მდგომარეობას საფრთხე დაემუქრა, ნუ ინერვიულობთ – დროთა განმავლობაში ყველაფერი მოგვარდება.
მერწყული
მშვიდი სამუშაო დღეა. გირჩევთ, ყურადღება პირად საქმეებზე და ჯანმრთელობის გაკაჟებაზე გაამახვილოთ. ყოველდღიურ ცხოვრებაში ცვლილებები გელით. ეს შესაძლოა, რემონტს ან ავეჯის შეძენას უკავშირდებოდეს, თუმცა ნურც მეზობლებთან კონფლიქტს გამორიცხავთ. მარტოხელა მერწყულს თანამოაზრეებთან საინტერესო შეხვედრები ელის.
თევზები
მძიმე დღეა. დაძაბულმა მუშაობამ შეიძლება, ჯანმრთელობასთან დაკავშირებული პრობლემები შეგიქმნათ. ამ ვითარებას საზოგადოებრივი ცხოვრების არახელსაყრელი ფონი გაართულებს. არ მოდუნდეთ და მეორეხარისხოვან საკითხებზე დრო არ დაკარგოთ. ახლა რასაც დაკარგავთ, იმის ანაზღაურება ძნელი იქნება.
29 ივნისის დღის ბოლოდან 30 ივნისის დღის მეორე ნახევრამდე, საქართველოს უმეტეს რაიონში მოსალოდნელია ხანმოკლე წვიმა, ზოგან ძლიერი, ელჭექი, შესაძლებელია სეტყვა, დროგამოშვებით ქარის გაძლიერება.
ინფორმაციას გარემოს ეროვნული სააგენტო ავრცელებს და მოსახლეობას აფრთხილებს. მათივე ცნობით, მოსალოდნელმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. (საფრთხის დონე საშუალო).
ხვიჩა კვარაცხელია ლიონელ მესის მეორედ 2025 წლის 29 ივნისს ხვდება. მისი პსჟ ლიონელის „ინტერ მაიამის“ მსოფლიოს საკლუბო ჩემპიონატზე ეთამაშება.
ხვიჩა ლეგენდასთან პირველ შეხვედრას ასე იხსენებს:
„ოქროს ბურთის გადაცემის ცერემონიაზე ლიონელ მესი ჩემგან მარჯვნივ იჯდა. ფეხბურთელებს გვითხრეს, რომ სარეკლამო პაუზისას ადგილზე დავრჩენილიყავით.
უცებ, მესი ადგა და ჩემკენ წამოვიდა, ვიყურებოდი და ვერ ვხვდებოდი, რა ხდებოდა. ხელი ჩამომართვა და თავის ადგილზე დაბრუნდა. საოცარი გრძნობაა, როცა ამხელა ფეხბურთელი დგება და გამარჯობის სათქმელად შენთან მოდის. მაგარი პიროვნებაა. ძალიან ვაფასებ“, – ვკითხულობთ სერია „ლეგენდების“ წიგნში „ლიონელ მესი“.
22 წლის ქართველი ვარსკვლავი 36 წლის არგენტინელს 2023 წელს პარიზის „შატალეს“ თეატრში შეხვდა. 30 ოქტომბერი იყო, დიეგო მარადონას დაბადების დღე.
აშშ აპირებს, აიძულოს რუსეთი, უკრაინაში ომის დასრულების მიზნით მოლაპარაკებების მაგიდასთან დაჯდეს. აშშ-ის პრეზიდენტმა დონალდ ტრამპმა შესაძლოა, შესაბამის კანონს ხელი მოაწეროს.
აშშ-ის სენატორმა ლინდსი გრეჰემმა ABC News-თან ინტერვიუში განაცხადა, რომ დიდი პროგრესია მიღწეული კანონპროექტთან დაკავშირებით, რომელიც რუსეთის წინააღმდეგ ახალი, მკაცრი შეზღუდვების დაწესებას ითვალისწინებს.
„რას ითვალისწინებს ეს კანონპროექტი? თუ თქვენ რუსეთიდან შეიძენთ პროდუქტებს და არ დაეხმარებით უკრაინას, მაშინ შეერთებულ შტატებში იმპორტირებული თქვენი პროდუქცია 500%-იან ტარიფებს დაექვემდებარება. ინდოეთი და ჩინეთი პუტინის ნავთობის 70%-ს ყიდულობენ. ისინი მის საომარ მანქანას უჭერენ მხარს. ჩემს კანონპროექტს 84 თანაავტორი ჰყავს. ის პრეზიდენტს საშუალებას მისცემს, ჩინეთის, ინდოეთის და სხვა ქვეყნების წინააღმდეგ ტარიფები დააწესოს, რათა ისინი აიძულოს, შეწყვიტონ პუტინის საომარი მანქანის მხარდაჭერა და მას მოლაპარაკებების მაგიდასთან დაჯდომისკენ უბიძგოს“, – განაცხადა ამერიკელმა სენატორმა.
მისი თქმით, აშშ-ის პრეზიდენტმა განაცხადა, რომ „მოქმედების დროა – კანონპროექტის წინ წასაწევად“. ამავდროულად, გრეჰემმა აღნიშნა, რომ ეს ინიციატივა ტრამპს მისცემს ინსტრუმენტს, რომელიც მას დღეს არ აქვს.
„ივლისის შესვენების შემდეგ ჩვენ ვაპირებთ კანონპროექტის მიღებას“, – აღნიშნა გრეჰემმა.
მისი აზრით, ტრამპი ხელს მოაწერს დოკუმენტს, თუმცა მას აქვს უარის თქმის უფლება.
რაც მეტია ზრუნვა მატერიალურ კეთილდღეობაზე და ნაკლებია ზრუნვა ღვთის სიმართლესა და სასუფეველზე, ეს მატერიალური სიკეთეები მით უფრო კი არ მატულობს, არამედ იკლებს, არ ჰყოფნით ადამიანებს…. რაც მეტია ღვთის სიმართლე და სულიერება, მით მეტია მატერიალური კეთილდღეობაც, კმაყოფილებაც და ბედნიერებაც, – ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) ქადაგებისას განაცხადა.
„ძვირფასო მამებო, ძმებო და დებო, გილოცავთ სულთმოფენობიდან მესამე კვირას. გადმოგცემთ სრულიად საქართველოს კათოლიკოს-პატრიარქ ილია II-ის ლოცვა-კურთხევას.
ორი ათასი წელი გავიდა უფალ იესო ქრისტეს ამ დედამიწაზე მოსვლიდან, მაგრამ მიუხედავად ამისა, მის ზოგიერთ გამონათქვამს დღესაც ძნელად იღებენ ადამიანები და ამის გამო ბრკოლდებიან.
დღეს წაკითხულ სახარებაში მაცხოვრის სწორედ ასეთი სიტყვები იყო მოტანილი. იგი ამბობს, რომ ზედმეტად არ უნდა ვიზრუნოთ საჭმელზე, სასმელზე, ფულზე, ცივილიზაციისა და კულტურის იმ სიკეთეებზე, რომლებიც ადამიანმა მოიპოვა, რომლებსაც აღმერთებს ადამიანი და თაყვანს სცემს, როგორც კერპებს.
როგორ შეიძლება, არ ვიზრუნოთ ამ ყველაფერზე და ვემსგავსოთ ზეციურ ფრინველებს და ველის შროშანებს? როგორც მოისმინეთ, ზუსტად ამას ამბობს მაცხოვარი, მაგრამ იგი ამბობს: „პირველად იზრუნეთ ღვთის სასუფეველზე და მის სიმართლეზე და ეს ყველაფერი შეგემატებათ თქვენ“ (მთ. 6, 33).
დღეს რა უფრო მნიშვნელოვანია ადამიანების დიდი უმრავლესობისთვის – ღვთის სიმართლე და სასუფეველზე ზრუნვა, თუ მატერიალურ კეთილდღეობასა და კომფორტზე ზრუნვა? ჩვენი ცხოვრების უმეტესობას განა ეს საზრუნავები არ ავსებს? განა პირველად არ ზრუნავენ ადამიანები ხორციელ და მშვინვიერ სიამოვნებაზე, ვიდრე ღმერთის სასუფეველსა და მის სიმართლეზე? და განა უფრო მეტად არ ზრუნავენ, როგორც გითხარით, კულტურისა და ცივილიზაციის სიკეთეების მოპოვებაზე, ვიდრე ღვთის სასუფეველსა და მის სიმართლეზე? შედეგად, ნახეთ, რას ვიღებთ: ჩვენი ყოველდღიური გამოცდილება გვიჩვენებს, ძვირფასო ძმებო და დებო, რომ რაც მეტია ზრუნვა მატერიალურ კეთილდღეობაზე და ნაკლებია ზრუნვა ღვთის სიმართლესა და სასუფეველზე, ეს მატერიალური სიკეთეები მით უფრო კი არ მატულობს, არამედ იკლებს, არ ჰყოფნით ადამიანებს. აქედან ვრწმუნდებით იესო ქრისტეს სიტყვების სისწორეში, რომ რაც მეტია ღვთის სიმართლე და სულიერება, მით მეტია მატერიალური კეთილდღეობაც, კმაყოფილებაც და ბედნიერებაც.
აი, დაუკვირდით, უფალი იესო ქრისტე არ ამბობს იმას, რომ ნუ მოიპოვებთ ამ მატერიალურ სიკეთეებს, ვინაიდან ხომ შეუძლებელია ცხოვრება საჭმლისა და ტანსაცმლის გარეშე? ამას არ ამბობს უფალი. არც ის უთქვამს, რომ არ იშრომოთ იმისთვის, რომ იქონიოთ ყველაფერი, რაც საჭიროა თქვენი ცხოვრებისთვის, არამედ ის ამბობს მხოლოდ ამას, რომ პირველად ეძიეთ სასუფეველი ღვთისა და სიმართლე მისი და ეს ყველაფერი თქვენ შეგემატებათ, რადგან ღმერთმა იცის, რა გჭირდება. შენ თუ პირველად ეძიებ მას – უფალს და სასუფეველს, ის მოგცემს ყველაფერ იმას, რაც საფუძველია შენი ცხოვრებისა (მატერიალურ საფუძველს ვგულისხმობ). ამას აუცილებლად მოგცემს. ამას ამბობს უფალი.
მაცხოვრის ამ გამონათქვამში დიდი მნიშვნელობა აქვს სიტყვას „პირველად“, რომელსაც რატომღაც არ აქცევენ ყურადღებას. ე. ი. ადამიანის შესახებ მაცხოვრის ქადაგების მთავარი აზრი იმაში მდგომარეობს, რომ არ უნდა ვეძიოთ პირველად ის, რასაც ჩვენ ვეძიებთ და თაყვანი არ უნდა ვცეთ პირველ რიგში იმას, რასაც ვეთაყვანებით. რა თქმა უნდა, მატერიალური დოვლათი კარგია, საჭიროც არის და მოითხოვს შრომას, მაგრამ უფალი ამბობს, რომ ეს შრომა დალოცვილი და ნაყოფიერია მხოლოდ მაშინ, როდესაც პირველად ეძიებ ღვთის სასუფეველს და მის სიმართლეს და არა – პირიქით. ღვთის სიმართლის ძიება კი სულ უფრო ნაკლებია თანამედროვე სამყაროში. შესაბამისად, იზრდება უკმაყოფილება. ჩვენ ვხედავთ, რომ დღეს შეძლებული ადამიანებიც, თუ არ ცხოვრობენ სულიერად, არიან უკმაყოფილონი, მიუხედავად იმისა, რომ თითქოს ყველა პირობა აქვთ ცხოვრებისთვის, მაინც უკმაყოფილონი არიან. რატომ ემართებათ ეს? იმიტომ, რომ მათი სულია უკმაყოფილო, სული არ არის დანაყრებული, სულს არ ეძლევა საზრდო, რადგან ადამიანი არ ფიქრობს ღმერთსა და მის სიმართლეზე. უფალმა კი გვითხრა, რომ თუ პირველად ეძიებთ სასუფეველს, იქნებით კმაყოფილიც, დანაყრებულიც, გექნებათ სიხარული და ბედნიერება.
ძვირფასო ძმებო და დებო, მაშასადამე, ჩვენი უკმაყოფილების მიზეზი თავად ჩვენშია, იმიტომ რომ, მიუხედავად მატერიალური პირობების გაუმჯობესებისა, ადამიანი მაინც უკმაყოფილოა, რადგან სულიერად არ უმჯობესდება, სულიერად არ ხდება უკეთესი და, შედეგად, ჩვენ ვხედავთ, რას დაემსგავსა ცხოვრება თანამედროვე სამყაროში.
ამიტომ, ძვირფასო ძმებო და დებო, ხშირად უნდა ვიხსენებდეთ და ყოველთვის გვახსოვდეს უფლის გამონათქვამი, რომელიც დღეს წავიკითხეთ სახარებაში: „პირველად ეძიებდეთ სასუფეველსა ღვთისასა და მის სიმართლეს და ეს ყოველივე შეგემატებათ თქვენ“, ამინ“, – განაცხადა მეუფე შიომ ქადაგებისას.
ამასთან, მეუფემ აბიტურიენტები დალოცა.
„დღეს ჩვენთან არიან მოსული ჩვენი ძვირფასი აბიტურიენტები. ძვირფასო აბიტურიენტებო, მინდა, მთელი გულით დაგლოცოთ თქვენი ცხოვრების ამ ერთ-ერთ უმნიშვნელოვანეს პერიოდში, როცა თქვენ დაამთავრეთ სკოლა და უნდა შეუდგეთ უმაღლესი განათლების სარბიელს. გახსოვდეთ, ძვირფასო ძმებო და დებო, რომ ცოდნა – ეს არის სინათლე, რომელიც ადამიანს აღამაღლებს და ამ ცხოვრების გზაზე წინსვლის საშუალებას აძლევს. ღმერთი შეგეწიოთ, რომ ღირსეულად ჩააბაროთ ეს ცხოვრებისეული გამოცდა და აისრულოთ თქვენი კეთილი სურვილები ღვთის წყალობით“, – აღნიშნა მეუფე შიო მუჯირმა.
