აშშ დოლარის ოფიციალური ღირებულება 2.6920 ლარი გახდა.
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6920 ლარი გახდა. კურსი, რომელიც დღეს მოქმედებდა, 2.6921 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0001 ლარი შეადგინა.
რაც შეეხება ევროს, მისი კურსი 3.1502 ლარია. მაშინ, როცა დღეს მოქმედი კურსი 3.1651 ლარს შეადგენდა. შესაბამისად, ევროს ცვლილებამ 0.0149 ლარი შეადგინა.
საქართველოს ცენტრალურ საარჩევნო კომისიასა (ცესკო) და აჭარის ავტონომიური რესპუბლიკის უმაღლესი საარჩევნო კომისიის (უსკო) წარმომადგენლებს შორის სამუშაო შეხვედრა გაიმართა. ინფორმაციას ამის შესახებ ცესკო ავრცელებს.
უწყების ცნობით, შეხვედრა ცესკო-ს თავმჯდომარე გიორგი კალანდარიშვილმა და უსკო-ს თავმჯდომარე პარმენ ჯალაღონიამ გახსნეს.
„გიორგი კალანდარიშვილის განცხადებით, უსკო ადმინისტრაციის მნიშვნელოვან ნაწილს წარმოადგენს, სწორედ ამიტომ მნიშვნელოვანია სხვადასხვა საარჩევნო საკითხის შესახებ არსებული პრაქტიკა აქტიურად იყოს განხილული ორ უწყებას შორის. მისივე თქმით, ასეთი ტიპის სამუშაო შეხვედრები ხელს უწყობს ინსტიტუციებს შორის მჭიდრო კოორდინაციას, კომუნიკაციის გაძლიერებასა და საარჩევნო პრაქტიკის განვითარებას. თავის მხრივ, უსკო-ს თავმჯდომარემ აღნიშნა, რომ შეხვედრის ორგანიზების ერთ-ერთი მთავარი მიზანია თანამშრომლობის კიდევ უფრო მეტად გაძლიერება და საარჩევნო საკითხების შესახებ ინფორმაციის გაცვლა.
სამუშაო შეხვედრისას ცესკო- ს თავმჯდომარემ აღნიშნა, რამდენად მნიშვნელოვანია 4 ოქტომბრის არჩევნებისთვის მზადების პროცესში აჭარის ავტონომიური რესპუბლიკის უმაღლესი საარჩევნო კომისიის ჩართულობა, განსაკუთრებით საარჩევნო პროცედურების ადმინისტრირებისა და ამომრჩეველთა ინფორმირების მიმართულებით. ამასთან, გიორგი კალანდარიშვილმა უსკო-ს წარმომადგენლებთან ერთად დეტალურად განიხილა 26 ოქტომბრის საპარლამენტო არჩევნები და მიღებული გამოცდილება. განსაკუთრებული ყურადღება გამახვილდა დეზინფორმაციასთან დაკავშირებულ გამოწვევებზე და მის წინააღმდეგ ერთობლივად ბრძოლის სტრატეგიაზე.
ამასთან, საუბარი შეეხო ინფორმირების კამპანიასა და საგანმანათლებლო პროექტებს, რომლებსაც ორი უწყება ამომრჩევლებისთვის მასშტაბურად ახორციელებს.
სამუშაო შეხვედრის ერთ-ერთი მთავარი თემა ასევე იყო 2025 წლის მუნიციპალიტეტის ორგანოთა არჩევნები და საკანონმდებლო ცვლილებები. აღნიშნულ საკითხებზე დეტალურად ისაუბრა ცენტრალური საარჩევნო კომისიის აპარატის/იურიდიული დეპარტამენტის უფროსმა გიორგი სანტურიანმა. სამუშაო შეხვედრის მონაწილეებმა იმსჯელეს სხვადასხვა საარჩევნო რეგულაციის შესახებ და განიხილეს ამ მიმართულებით არსებული მნიშვნელოვანი საკითხები. სამუშაო შეხვედრა აჭარის ავტონომიური რესპუბლიკის უმაღლესი საარჩევნო კომისიის ორგანიზებით 10-12 სექტემბერს საირმეში გაიმართა“, – ნათქვამია ცესკო-ს გავრცელებულ ინფორმაციაში.
სუს-მა ლევან ხაბეიშვილი ქრთამის სახით მოხელეებისთვის ფულადი თანხების საჯარო დაპირების ბრალდებით დააკავა
სახელმწიფო უსაფრთხოების სამსახურმა „ნაციონალური მოძრაობის“ პოლიტსაბჭოს წევრი ლევან ხაბეიშვილი ქრთამის სახით მოხელეებისთვის ფულადი თანხების საჯარო დაპირების ბრალდებით დააკავა.
აღნიშნულის შესახებ სახელმწიფო უსაფრთხოების სამსახურში გამართულ ბრიფინგზე გახდა ცნობილი.
„საქმე ეხება ქრთამის სახით მოხელეებისთვის ფულადი თანხების საჯარო დაპირების ფაქტს. კერძოდ, ერთ-ერთი პოლიტიკური პარტიის წარმომადგენელი, ლევან ხაბეიშვილი საჯარო სივრცეში ტელევიზიასა და სოციალურ ქსელებში ავრცელებდა მოწოდებებს და ძალოვანის სისტემის თანამშრომლებს ჰპირდებოდა ქრთამის მიცემას იმ შემთხვევაში, თუ ხელისუფლების წინააღმდეგ გამართულ აქციებზე შსს-ს განსაკუთრებულ დავალებათა დეპარტამენტის თანამშრომლები უარს იტყოდნენ მასზე დაკისრებული მოვალეობების შესრულებაზე. ასევე, თუ არ გამოიყენებდნენ მათ ხელთ არსებულ კანონით ნებადართულ სპეციალურ საშუალებებს.
ვინც ასეთ ქმედებას განახორციელებდა, ლევან ხაბეიშვილი საჯაროდ ჰპირდებოდა 200 000 აშშ დოლარის გადახდას. გარდა ამისა, ლევან ხაბეიშვილი 200 000 აშშ დოლარის ქრთამის სახით გადახდას საჯაროდ დაჰპირდა პოლიციის იმ თანამშრომლებსაც, რომლებიც მიაწვდიდნენ სამსახურებრივ საქმიანობასთან დაკავშირებულ სხვადასხვა სახის ინფორმაციასა და საიდუმლო მასალას. იგი დასახელებულ თანხას ქრთამის სახით დაჰპირდა განსაკუთრებულ დავალებათა დეპარტამენტის თანამშრომლებს წვრთნასა და ვარჯიშზე უარის თქმის სანაცვლოდაც.
ლევან ხაბეიშვილმა ასევე საჯაროდ განაცხადა, რომ პოლიციელებისთვის დაპირებული თანხის გადახდა მიაჩნია მიზანშეწონილად, რადგან ნებისმიერი მეთოდი უნდა იქნას გამოყენებული ხელისუფლების შესაცვლელად. ვინაიდან ხაბეიშვილის მიერ ჩადენილ ქმედებაში, რომელსაც ჰქონდა განგრძობითი, სისტემატური ხასიათი, იკვეთება იმ დანაშაულის ყველა ნიშანი, რომელიც გათვალისწინებულია საქართველოს სისხლის სამართლის კოდექსის 339-ე მუხლის მეორე ნაწილით. იგი დაკავებულ იქნა ჩვენ მიერ, ბრალდებულის სახით, მოსამართლის განჩინების საფუძველზე. დანაშაული სასჯელის სახით 4-დან 7 წლამდე თავისუფლების აღკვეთას ითვალისწინებს“, – განაცხადა სახელმწიფო უსაფრთხოების სამსახურის უფროსის პირველმა მოადგილემ, ლაშა მაღრაძემ.
სახელმწიფო უსაფრთხოების სამსახურმა „ნაციონალური მოძრაობის“ პოლიტსაბჭოს წევრ ლევან ხაბეიშვილთან ერთად „ნაციონალური მოძრაობის“ წევრი მურთაზ ზოდელავაც დააკავა.
ამის შესახებ სახელმწიფო უსაფრთხოების სამსახურში გამართულ ბრიფინგზე გახდა ცნობილი.
„ლევან ხაბეიშვილის დაკავებისას მასთან ერთად დაკავებულია მურთაზ ზოდელავა, რომელსაც ხაბეიშვილმა დაკავებისთანავე მიაწოდა თავისი მობილური ტელეფონი, ზოდელავამ კი, აღნიშნული ტელეფონის გადამალვის მიზნით სცადა გაქცევა, რა დროსაც გაუწია ფიზიკური წინააღმდეგობა ანტიკორუფციული სააგენტოს თანაშრომლებს და იძალადა ერთ-ერთ მათგანზე. მისი ქმედება სსკ-ის 353-ე მუხლით კვალიფიცირდება, რაც 2-დან 5-წლამდე თავისუფლების აღკვეთას ითვალისწინებს. სახელმწიფო უსაფრთხოების სამსახური აქტიურად და პრიორიტეტულად გააგრძელებს ოპერატიულ და საგამოძიებო მოქმედებებს იმ დანაშაულების გამოვლენისა და პრევენციის მიზნით, რომელიც მიმართულია ქართული სახელმწიფოს წინააღმდეგ და ატარებს კორუფციულ ხასიათს“, – განაცხადეს სუს-ში.
ცნობისთვის, ცოტა ხნის წინ სახელმწიფო უსაფრთხოების სამსახურმა „ნაციონალური მოძრაობის“ პოლიტსაბჭოს წევრი ლევან ხაბეიშვილი ქრთამის სახით მოხელეებისთვის ფულადი თანხების საჯარო დაპირების ბრალდებით დააკავა.
სახელმწიფო უსაფრთხოების სამსახურმა ჯუანშერ ბურჭულაძე დააკავა. ამის შესახებ სახელმწიფო უსაფრთხოების სამსახურში გამართულ ბრიფინგზე გახდა ცნობილი.
„ჩატარებული ოპერატიულ-სამძებრო და საგამოძიებო მოქმედებების შედეგად, სახელმწიფო-პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენებისა და უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება, სასამართლოს განჩინების საფუძველზე დაკავებულია საქართველოს თავდაცვის ყოფილი მინისტრი ჯუანშერ ბურჭულაძე.
ჩატარებული გამოძიებით დადგენილია, რომ ჯუანშერ ბურჭულაძის მითითებით, თავისთვის და ვ.მ.-სთვის გამორჩენის მისაღებად, საქართველოს თავდაცვის მინისტრის იმდროინდელმა მოადგილემ – გ.ხ-მ და ამავე სამინისტროს შესყიდვების დეპარტამენტის იმდროინდელმა უფროსმა – ვ. ღ. – მ, მინისტრის ახლო ნათესავის – ვ. მ.-ის დახმარებით, საქართველოს თავდაცვის სამინისტროს მიერ მაგნიტურ-რეზონანსული ტომოგრაფის აპარატის შეძენის პროცესში მიზანმიმართული ქმედებებით შექმნეს არაკონკურენტული გარემო, რის შედეგადაც, არარეალური გარიგებების დადების გზით, ხელოვნურად გაიზარდა აპარატის რეალური საბაზრო ღირებულება და 2 606 272 ლარად ღირებული მაგნიტურ-რეზონანსული ტომოგრაფის აპარატი საქართველოს თავდაცვის სამინისტროსთვის მიწოდებული იქნა 3 940 000 ლარად. დანაშაულებრივი ქმედებების შედეგად, საქართველოს თავდაცვის სამინისტროს მიადგა 1 333 728 ლარის ქონებრივი ზიანი.
ამასთან, ჯუანშერ ბურჭულაძემ მიღებული განსაკუთრებით დიდი ოდენობით უკანონო ან/და დაუსაბუთებელი ქონებისათვის წარმოშობის წყაროს დამალვისა და შენიღბვის მიზნით, რომლის ლეგალურ წარმომავლობას იგი ვერ დაასაბუთებდა, ამ ქონებისთვის კანონიერი სახის მისაცემად განახორციელა შემდეგი ქმედებები:
2025 წლის იანვარში, ჯუანშერ ბურჭულაძის ოჯახმა 544 000 ევროდ შეიძინა ესპანეთში, მალაგას პროვინციაში მდებარე მიწის ნაკვეთი მასზე განთავსებული საცხოვრებელი სახლით. ვინაიდან აღნიშნული თანხის კანონიერი წარმომავლობა ჯუანშერ ბურჭულაძეს და მის მეუღლეს არ უფიქსირდებოდათ, აღნიშნული თანხის რეალური წარმომავლობის დამალვა/შენიღბვის მიზნით, 2024 წლის 9 დეკემბერს ჯუანშერ ბურჭულაძის მეუღლესა და მესამე პირს შორის გაფორმდა ფიქტიური ნასყიდობის ხელშეკრულება დაბა წყნეთში, ნუშის ბაღების ქუჩაზე მდებარე უძრავი ქონების 620 000 ევროდ მიყიდვის შესახებ. რეალურად კი ჯუანშერ ბურჭულაძის ოჯახს აღნიშნული ქონება არ გაუსხვისებია და ხელშეკრულების მიზანი იყო მხოლოდ ესპანეთში გადასარიცხი თანხის წარმომავლობის შენიღბვა. ამასთან, დამატებით, გამოყენა ფიქტიური სესხის ხელშეკრულებები. აღსანიშნავია ისიც, რომ ჯუანშერ ბურჭულაძემ დასახელებული 544 000 ევროს უკანონო წარმოშობის დამალვის მიზნით, 2025 წლის მარტში, თანამდებობის პირის ქონებრივი მდგომარეობის დეკლარაციაში საერთოდ არ მიუთითა ესპანეთში შეძენილი უძრავი ქონება. ხსენებული მეთოდებით, ჯუანშერ ბურჭულაძემ განახორციელა განსაკუთრებით დიდი ოდენობით 1 593 212 ლარის უკანონო/დაუსაბუთებელი შემოსავლის ლეგალიზაცია.
ზემოაღნიშნულ დანაშაულებრივ ქმედებებთან დაკავშირებით გამოძიება მიმდინარეობს საქართველოს სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტითა და 332-ე მუხლის მე-2 ნაწილით, რაც სასჯელის სახედ და ზომად ითვალისწინებს თავისუფლების აღკვეთას 9-დან 12 წლამდე ვადით“, – განაცხადეს სუს-ში.
ჯუანშერ ბურჭულაძე თავდაცვის მინისტრის თანამდებობას 2021-2024 წლებში იკავებდა.
მიღებული ოპერატიული ინფორმაციის საფუძველზე, საქართველოს სახელმწიფო უსაფრთხოების სამსახურმა და შინაგან საქმეთა სამინისტრომ, ჩატარებული ოპერატიული და საგამოძიებო მოქმედებების შედეგად, უკრაინის ორი მოქალაქე დააკავა. ამის შესახებ სახელმწიფო უსაფრთხოების სამსახურში გამართულ ბრიფინგზე გახდა ცნობილი.
როგორც ბრიფინგზე აღინიშნა, მიმდინარე წლის 10 სექტემბერს, უკრაინული სანომრე ნიშნებით მოძრავმა, MERCEDES-BENZ-ის მარკის სატვირთო ავტომანქანამ, უკრაინიდან საქართველოს მიმართულებით, რუმინეთის და ბულგარეთის გავლით, თურქეთიდან გადმოკვეთა სახელმწიფო საზღვარი და საბაჟო გამშვები პუნქტის სარფის გავლით ქვეყანაში შემოვიდა. მისი შეჩერების და გადამოწმების შედეგად, ავტომანქანაში ნაპოვნია წინასწარ საგულდაგულოდ შენიღბულ სამალავებში მოთავსებული 2.4 კილოგრამის ოდენობით ასაფეთქებელი ნივთიერება „ჰექსოგენი“.
„საზოგადოებისთვის განვმარტავთ, რომ საქმე ეხება ასაფეთქებელ ნივთიერება „ტროტილზე“ ძლიერმოქმედ ნივთიერებას. გამოძიებით ამ ეტაპზე დგინდება, რომ ასაფეთქებელი ნივთიერება უკრაინის მოქალაქეს, ზემოთ ხსენებული ავტომანქანის მძღოლს მ.ს.-ს, უკრაინის ტერიტორიაზე დაუდგენელმა პირმა გადასცა შენიღბულ კასრებში მოთავსებული ასაფეთქებელი ნივთიერება და განუმარტა, რომ საქართველოს საზღვრის გადაკვეთის შემდგომ, მათთან კავშირზე მყოფი სხვა პირი გამოართმევდა აღნიშნულ ნივთიერებას.უკვე დაკავებულია, ასევე უკრაინის მოქალაქე დ.ჟ., რომელმაც მიაკითხა მძღოლ მ.ს.-ს და გამოართვა, სამალავებში განთავსებული დიდი ოდენობით ასაფეთქებელი ნივთიერება.
ჩატარებული ჩხრეკების შედეგად ამოღებულია რვა ერთეული მობილური ტელეფონი, კომპიუტერი, ელექტრონული ინფორმაციის მატარებელი მოწყობილობები, დიდი ოდენობით ფულადი თანხა, სხვადასხვა ქვეყნის მობილური ოპერატორის სიმბარათები და ნარკოტიკული ნივთიერება „კოკაინი“.
გამოძიება საქართველოს სისხლის სამართლის კოდექსის 236-ე მუხლით მიმდინარეობს, რაც ფეთქებადი ნივთიერების მართლსაწინააღმდეგო შეძენას, შენახვას და გადაზიდვას გულისხმობს. დაკავებულებს ბრალად 260-ე მუხლით გათვალისწინებული ბრალდებაც წარედგინებათ მათი ჩხრეკისას ამოღებულ ნარკოტიკულ საშუალებებთან დაკავშირებით.
ბუნებრივია, გამოძიება გაგრძელდება საქართველოში შემოტანილი დიდი ოდენობით ასაფეთქებელი ნივთიერების საბოლოო დანიშნულების დასადგენად – მზადდებოდა ტერორისტული აქტი საქართველოში, საქართველო გამოიყენებოდა სატრანზიტო ქვეყნად თუ სხვა. შესაბამისად მოხდება დაკავებული პირების მიმართ სამართლებრივი კვალიფიკაციის დაზუსტება და საჭიროების შემთხვევაში საზოგადოების შემდგომი ინფორმირება. სახელმწიფო უსაფრთხოების სამსახური მადლობას უხდის შინაგან საქმეთა სამინისტროს და პროკურატურის თანამშრომლებს ჩატარებულ წარმატებულ ღონისძიებაში ძალიან მნიშვნელოვანი წვლილის შეტანისთვის“, – განაცხადეს სახელმწიფო უსაფრთხოების სამსახურში გამართულ ბრიფინგზე.
„მეგობარი აქტი“ რეალურად მტრული იყო და მეგობრობის იქ არაფერი ეწერა, – ამის შესახებ თბილისის მერმა, კახა კალაძემ დემოკრატი კონგრესმენის, სტივ კოენის მიერ ჰელსინკის კომისიაში გაკეთებული იმ განცხადების შეფასებისას აღნიშნა, რომლის თანახმადაც, ამერიკის შეერთებული შტატების სენატი „მეგობარი აქტის“ მიღებას არ აპირებს.
კახა კალაძის შეფასებით, საქართველოსთან დაკავშირებული კანონპროექტი სიცრუით იყო გაჯერებული.
„რეალურად მტრული აქტი იყო და მეგობრობის იქ არაფერი ეწერა. მხოლოდ და მხოლოდ იყო მტრული, ქართველი ხალხისა და სახელმწიფოს წინააღმდეგ მიმართული. ყველაზე მძიმე და მთავარი რაც არის, დოკუმენტი გაჯერებული იყო ტყუილებით, ცილისწამებაზე იყო დაფუძნებული. მაშინ, როდესაც გამოვდივართ და ვამბობთ, რომ მნიშვნელოვანია, ამერიკის შეერთებულ შტატებთან ურთიერთობები ახალი ფურცლიდან დაიწყოს, გადაიტვირთოს, რომ მეგობრობა, პარტნიორობა მნიშვნელოვანია, რა თქმა უნდა, მსგავსი ტიპის აქტის მიღება ძალიან მძიმე იქნება – აქტის, რომელიც მხოლოდ ტყუილებზეა დაფუძნებული“, – განაცხადა თბილისის მერმა.
მარტვილის მუნიციპალიტეტში მიკედლებულ ძაღლს ცოფი დაუდასტურდა, ადგილზე გამოცხადდა კარანტინი და დაიწყო ცოფის სალიკვიდაციო ღონისძიებები. ინფორმაციას ამის შესახებ სურსათის ეროვნული სააგენტო ავრცელებს.
უწყების ცნობით, დაწყებულია დაავადების ამთვისებელი ცხოველების ვაქცინაცია, დეზინფექცია, ცხოველთა გადაადგილების შეზღუდვა და უპატრონო და ცოფის ამთვისებელი ცხოველების ჯანმრთელობაზე ზედამხედველობა.
„მარტვილის მუნიციპალიტეტის სოფელ ნაჯახავოში ცოფის შემთხვევა დაფიქსირდა. 2 თვის ლეკვმა, რომლის დედა ოჯახმა რამდენიმე თვის წინ მიიკედლა, დაკბინა მიმკედლებელი. სურსათის ეროვნულმა სააგენტომ, ინფორმაციის მიღებისთანავე, პათოლოგიური მასალა დიაგნოსტიკისთვის ლაბორატორიაში გადააგზავნა. ლაბორატორიული გამოკვლევით, ცოფი დადასტურდა. აღნიშნული ფაქტის გამო, ტერიტორიაზე გამოცხადდა კარანტინი და დაიწყო ცოფის სალიკვიდაციო ღონისძიებები – დაავადების ამთვისებელი ცხოველების ვაქცინაცია, დეზინფექცია, ცხოველთა გადაადგილების შეზღუდვა და უპატრონო და ცოფის ამთვისებელი ცხოველების ჯანმრთელობაზე ზედამხედველობა.
მიმდინარე წელს, მთელი ქვეყნის მასშტაბით, ცოფის 5 შემთხვევაა გამოვლენილი. სურსათის ეროვნული სააგენტო ყოველწლიურად ატარებს უფასო პროფილაქტიკურ ვაქცინაციას ცოფის საწინააღმდეგოდ და 300 ათასამდე შინაურ ბინადარ ცხოველს (ძაღლი/კატა) ცრის.
სააგენტო მოუწოდებს მოსახლეობას, დროულად ჩაუტარონ საკუთარ შინაურ ცხოველებს (ძაღლი, კატა) ვაქცინაცია, რათა თავიდან აიცილონ ცხოველების ცოფით დაავადება და საფრთხე არ შეუქმნან საკუთარ სიცოცხლეს; ასევე, მიმართავს ცხოველთა დამცველ ორგანიზაციებს, რომლებიც ეწინააღმდეგებიან უპატრონო/მიკედლებული ცხოველების (ძაღლი, კატა) პოპულაციის მართვის საპილოტე პროგრამას, თავი შეიკავონ დაუსაბუთებელი ბრალდებებისაგან და ცხოველების სიყვარული გამოხატონ აღნიშნული პროექტის მხარდაჭერით, რადგან ცოფის კონტროლის საერთაშორისო გამოცდილება და კვლევები ერთხმად მიუთითებს, რომ უპატრონო და მიკედლებული ძაღლების პოპულაციის კონტროლი და მათი ვაქცინაცია მნიშვნელოვან როლს ასრულებს დაავადების გავრცელების შემცირებასა და აღმოფხვრაში.
საქართველოს მთავრობის განკარგულებით (N 1019, 2025 წლის 26 ივნისი), გარემოს დაცვისა და სოფლის მეურნეობის სამინისტროს კოორდინაციით, სურსათის ეროვნულმა სააგენტომ უპატრონო/მიკედლებული ცხოველების (ძაღლი, კატა) პოპულაციის მართვის საპილოტე პროგრამა დაიწყო. პროგრამა ითვალისწინებს უპატრონო/მიკედლებული ცხოველების იდენტიფიკაცია-რეგისტრაციას, კასტრაცია-სტერილიზაციას, ცოფის საწინააღმდეგო ვაქცინაციას და დიაგნოსტიკურ ტესტირებას..
აღნიშნული ღონისძიებები ხელს შეუწყობს ცხოველთა პოპულაციის მართვას, მათ ჯანმრთელობაზე ზედამხედველობას, ცოფის და სხვა დაავადებების პრევენციას. ამავდროულად, ადამიანების ჯანმრთელობის დაცვას და უსაფრთხოებას.
პროგრამა, პირველ ეტაპზე, აჭარას, იმერეთისა და კახეთის რეგიონებს მოიცავს და ადგილობრივი თვითმმართველობების ჩართულობით ხორციელდება. პროგრამის ფარგლებში, განსაზღვრულია 9000 უპატრონო/მიკედლებული ცხოველის ქუჩებიდან აყვანა, ადგილობრივი თვითმმართველობების მიერ განსაზღვრულ თავშესაფარში გადაყვანა შესაბამისი მანიპულაციების ჩასატარებლად და შემდგომ მათი გარემოში დაბრუნება. დღეის მდგომარეობით, კასტრაცია/სტერილიზაცია და ცოფის საწინააღმდეგო ვაქცინაცია 2000-ზე მეტ უპატრონო/მიკედლებულ ძაღლს ჩაუტარდა. საპილოტე პროგრამით გათვალისწინებული ღონისძიებები გრძელდება“, – ნათქვამია სურსათის ეროვნული სააგენტოს მიერ გავრცელებულ ინფორმაციაში.
დასვენებისა და თავგადასავლებით სავსე ზაფხულის შემდეგ, ჩვენი პატარები უკვე ახალი სასწავლო წლის ზღურბლზე დგანან. სექტემბრის დასაწყისიდან მშობლებისთვის აქტიური სასკოლო მზადება იწყება. ჩანთების, რვეულების, ფანქრების და ახალი ტანსაცმლის არჩევასთან ერთად, თითოეული მშობელისთვის მთავარი პრიორიტეტი ბავშვების ფიზიკური და გონებრივი მომზადებაა.
ახალი სასწავლო წელი საინტერესო გამოწვევების დასაწყისია, ამიტომ მნიშვნელოვანია ენერგიის, კონცენტრაციისა და სიმშვიდის შენარჩუნება. სწორად ორგანიზებული ძილი, ჯანსაღი კვება და ძლიერი იმუნიტეტი მტკიცე საფუძველია, რომელიც საშუალებას აძლევს პატარებს თავდაჯერებულად, ენერგიულად და სიხარულით შეხვდნენ ცხოვრების ახალ ეტაპს.
ამ პროცესში განსაკუთრებული მნიშვნელობა აქვს ბიოლოგიურად აქტიურ საკვებ დანამატებს, მათ შორის ვიტამინებსა და მინერალებს, რომლებიც ეხმარება ბავშვის სხეულის და ტვინის განვითარებას, ემოციური სტაბილურობის შენარჩუნებას: მაგალითად, D ვიტამინი – იმუნიტეტის მხარდასაჭერად, ან ომეგა 3 – ყურადღების კონცენტრაციისა და მეხსიერების გაუმჯობესების, კოგნიტური, წერისა და კითხვის უნარების განვითარებისთვის, ასევე B ჯგუფის ვიტამინები – ენერგიის შენარჩუნებისთვის. სწორად შერჩეული საკვები დანამატები დამატებით ხელს შეუწყობს თქვენს შვილებს წარმატებით გაართვან თავი სასწავლო თუ სხვა ყოველდღიურ გამოწვევებს.
სწორედ ამიტომ, Back to School-ის კამპანიას საერთაშორისო მულტინაციონალური კომპანია GM PHARMA უერთდება და 10-დან 18 სექტემბრის ჩათვლით მომხმარებლებს ევროპული ხარისხის ბიოლოგიურად აქტიურ საკვებ დანამატებზე 1+1 აქციას სთავაზობს. დაიწყეთ სასწავლო წელი ჯანსაღი გონებით და ძლიერი იმუნიტეტით GM PHARMA-ს ცნობილ ევროპულ ბრენდებთან ერთად!
მომხმარებლებს საშუალება ექნებათ 1+1 აქციით შეიძინონ ომესამის ბიოლოგიურად აქტიური საკვები დანამატები.
ყურადღების კონცენტრაციის დეფიციტი, კოგნიტური ფუნქციების (დასწავლის, ანალიზის უნარი) დაქვეითება, მშრალი თვალის სინდრომის ტიპური სიმპტომები, ხშირი ავადობა – ყველა ამ პრობლემის მოგვარებაში, რომელიც ყველაფერთან ერთად, სასწავლო პროცესსაც მნიშვნელოვნად აფერხებს, ომეგა 3-ს მნიშვნელოვანი როლი აკისრია.
✔️ ომესამი D3 კაფს. 1000 სე №20 (ომეგა-3 1000 მგ / ვიტამინი D3 1000 სე) – უნიკალური კომბინაცია, ომეგა-3-ისა და D ვიტამინის ბალანსის აღდგენა
✔️ ომესამი D3 კაფს. 2000 სე №20 (ომეგა-3 1000 მგ / ვიტამინი D3 2000 სე) – უნიკალური კომბინაცია, ომეგა-3-ისა და D ვიტამინის ბალანსის აღდგენა
✔️ ომესამი D3 კაფს. 5000 სე №20 (ომეგა-3 1000 მგ / ვიტამინი D3 5000 სე) – უნიკალური კომბინაცია, ომეგა-3-ისა და D ვიტამინის ბალანსის აღდგენა
✔️ ომესამი ჟელი №50 (ALA 65 მგ / ვიტამინი C 10 მგ / ვიტამინი D3 80 სე / ვიტამინი E 1.2 მგ) – ბავშვის ფიზიკური და გონებრივი განვითარების ხელშეწყობა
მოგეხსენებათ, რა დიდი მნიშვნელობა აქვს D ვიტამინს ბავშვის ნორმალური ზრდისა და განვითარებისთვის – ხელს უწყობს ძვლებისა და კბილების ჯანმრთელობას, იმუნური სისტემის გაძლიერებას და ორგანიზმის სრულფასოვან ფუნქციონირებას. სწორედ ამიტომ, 10-18 სექტემბრის ჩათვლით მომხმარებლებს შეუძლიათ 1+1 აქციით სარგებლობა ე.წ. „მზის ვიტამინზე“ – დეტრივიტზე, რომელიც უსაფრთხო და ეფექტური არჩევანია ბავშვის ყოველდღიური D3 ვიტამინის საჭიროების უზრუნველსაყოფად.
✔️ დეტრივიტი კაფს. 1000 სე №60 (ვიტამინი D3 1000 სე) – D ვიტამინის დეფიციტის პრევენცია და შევსება
✔️ დეტრივიტი კაფს. 2000 სე №30 (ვიტამინი D3 2000 სე) – D ვიტამინის დეფიციტის პრევენცია და შევსება
✔️ დეტრივიტი ფორტე კაფს. №30 (ვიტამინი D3 5000 სე) – D ვიტამინის დეფიციტის შევსება
✔️ დეტრივიტი დროპსი, ფლაკონი 30 მლ. (ვიტამინი D3, 1 მლ – 400 სე) – გაუმჯობესებული გემოვნური თვისებების მქონე D3 ვიტამინის წვეთები ბავშვებში რაქიტის და ძვლოვანი პათოლოგიების საპრევენციოდ
✔️ დეტრი-დროპსი, ფლაკონი 10 მლ. (ვიტამინი D3, 15000 სე/მლ) – მაღალი კონცენტრაციით D3 ვიტამინის შემცველი წვეთები D ვიტამინის დეფიციტის საპრევენციოდ და სამკურნალოდ, როგორც ბავშვთა, ისე მოზრდილთა ასაკში
✔️ დეტრივიტი ჟელი, ჟელი №50 (ვიტამინი D3 400 სე) – D3 ვიტამინი 3 წლის ასაკიდან მყარი ძვლების, კბილებისა და ძლიერი იმუნიტეტისთვი
1+1 აქციის ფარგლებში GM PHARMA თავის მომხმარებელს ასევე სთავაზობს სხვა ევროპულ ბრენდებს, როგორიცაა:
✔️ ჟელი-ვიტი, ჟელი №50 – ვიტამინებისა და მინერალების კომპლექსი სპეციალურად ბავშვებისთვის, იმუნიტეტის გასაძლიერებლად და მადის დასარეგულირებლად
✔️ ჰილსი ბეიბიკიდსი, ცხვირის სპრეი 20 მლ (ზღვის მარილის იზოტონური ხსნარი და სიმბიოფილმი) – ინოვაციური კომბინაცია გაციებისა და ნებისმიერი ტიპის რინიტის დროს მოზრდილებსა და ბავშვებში 2 წლის ასაკიდან
✔️ ისმი-კიდი, ფლაკონი 10 მლ. (Lactobacillus Rhamnosus – 1,8 მლრდ; Streptococcus Oralis – 0,2 მლრდ; ვიტამინი D3 – 2,5 მკგ (100სე); ფოლის მჟავა – 100 მკგ) – პირის ღრუს მიკრობიოტის აღსადგენად
მომხმარებლები აქციით სარგებლობას 10-18 სექტემბერს, PSP-ს სააფთიაქო ქსელში შეძლებენ!
(R)
„თუ გული გულობს, ქადა ორი ხელით იჭმევა“, თუ დაკვირვების სურვილი ჰქონდათ, საკმარისი დროა იმისთვის, რომ დააკვირდნენ – ასე უპასუხა პარლამენტის თავმჯდომარემ, შალვა პაპუაშვილმა ჟურნალისტების შეკითხვას, რომელიც ეუთო/ოდირის იმ გადაწყვეტილებას შეეხებოდა, რომლის მიხედვითაც ისინი ადგილობრივი თვითმმართველობის არჩევნებზე სადამკვირვებლო მისიის გამოგზავნას ვერ შეძლებენ.
როგორც მან აღნიშნა, ახლა დაკვირვებას არაფერი წინ არ უდგას, რადგან აქტიური საარჩევნო კამპანია ერთი კვირის წინ დაიწყო.
„რაც შეეხება ეუთო/ოდირის განცხადებას დროსთან დაკავშირებით, „თუ გული გულობს, ქადა ორი ხელით იჭმევა“. თუ დაკვირვების სურვილი ჰქონდათ, საკმარისი დროა იმისთვის, რომ დააკვირდნენ. იცით, რომ სულ რაღაც ერთი კვირაა, რაც აქტიური საარჩევნო კამპანია დაიწყო და ერთ თვეში ვაპირებთ ჩვენც და სხვა პარტიებიც, რომ საარჩევნო კამპანია ჩავატაროთ. ახლა დაკვირვებას არაფერი წინ არ უდგას. ასე რომ, „თუ გული გულობს, ქადა ორი ხელით იჭმევა“. არანაირი პრობლემა არ იყო, ჩამოსულიყვნენ და დაჰკვირვებოდნენ. გუშინ ვნახე შვედეთის საგარეო საქმეთა სამინისტროს განცხადება, რომ წუხან, დაკვირვებას ვერ შეძლებს ეუთოო. მოსახლეობას ვეტყვი, რომ შვედეთს არც ერთხელ არ მოუწვევია ეუთო/ოდირი ადგილობრივ არჩევნებზე დასაკვირვებლად. ისტორიაში არც ერთხელ, არასდროს მოუწვევია. შვედეთის საგარეო საქმეთა სამინისტროს კომპეტენცია არ არის სხვა ქვეყნის არჩევნები, არანაირად არ ეხება შვედეთის საგარეო საქმეთა სამინისტროს საქართველოს არჩევნებს ვინ დააკვირდება და ვინ არა. მეტიც, შვედეთის ხელისუფლების წარმომადგენელი, 2024 წლის 11 თუ 12 ნოემბერს იდგა ანტისამთავრობო მიტინგზე, არ აღიარებდა ეუთო/ოდირის დასკვნას და რადიკალურ ოპოზიციას მოუწოდებდა „მაიდნისკენ“. ასე რომ, ეს არის ფარისევლური განცხადება ამასთან დაკავშირებით“, – განაცხადა შალვა პაპუაშვილმა.
ცნობისთვის, ეუთოს დემოკრატიული ინსტიტუტებისა და ადამიანის უფლებათა ოფისის (ოდირი) დირექტორმა, მარია ტელალიანმა განაცხადა, რომ საქართველოსგან არჩევნებამდე მოკლე დროში მოწვევა ეფექტიან დაკვირვებას შეუძლებელს ხდის. კერძოდ, ეუთო/ოდირის განცხადებაში აღნიშნულია, რომ საქართველოს ხელისუფლების მიერ 4 ოქტომბერს დაგეგმილ ადგილობრივ არჩევნებზე, არჩევნების დღემდე ერთ თვეზე ნაკლები დროით ადრე დამკვირვებელთა მოწვევა არ ტოვებს საკმარის დროს სანდო და შინაარსიანი დაკვირვებისთვის. როგორც ეუთო/ოდირის დირექტორმა განაცხადა, ოდირი ვერ შეძლებს საარჩევნო სადამკვირვებლო მისიის გაგზავნას საქართველოში.
თბილისის მერი კახა კალაძე აცხადებს, რომ ოპოზიცია ადგილობრივი თვითმმართველობის არჩევნებში მერობისა და საკრებულოს წევრობის კანდიდატებს ვერ აკომპლექტებს, რაც იმის ნიშანია, რომ მათ გამარჯვების არანაირი შესაძლებლობა არ აქვთ.
როგორც მან შესაბამისი შეკითხვის საპასუხოდ აღნიშნა, ქართველი ამომრჩეველი კარგად ხედავს, რომელი პოლიტიკური პარტია ვის ინტერესს ემსახურება.
„ოპოზიციური პარტიების მხრიდან კანდიდატების არდაყენება იმაზე მიუთითებს, რომ ამ პოლიტიკურ ძალებს არანაირი შესაძლებლობა, მხარდაჭერა არ აქვთ. ყველანაირად დემოტივირებული, რესურსობრივად განულებულები არიან. ქართველი ხალხი ხომ ხედავს და გრძნობს ამ ყველაფერს? დღეს ხომ არ არის 2012 წლამდე არსებული პერიოდი, როდესაც ერთი კაცის ჯიბეში იყო ტელევიზია, სააგენტოები. სოციალური მედია შეიძლება მაშინ არ იყო, დღეს კი უკვე სხვადასხვა პლატფორმა არსებობს და ადამიანი ინფორმაციას სხვადასხვა საკითხზე აბსოლუტურად ყოველგვარი პრობლემის გარეშე იღებს. ხალხი ანალიზს აკეთებს, ვინ ვინ არის, ვინ რა პოლიტიკას ახორციელებს და ვინ ვის ინტერესს ემსახურება“, – განაცხადა კახა კალაძემ.
მისივე შეფასებით, ყველა მუნიციპალიტეტში, როგორც მერობის, ისე საკრებულოს დონეზე, „ქართული ოცნება“ გაიმარჯვებს.
„მეამეყება, რომ ჩვენ ქართველ ხალხს ვემსახურებით. ქართველი ხალხი არის ჩემთვის მთავარი პრიორიტეტი. რა თქმა უნდა, მათ უფლებებს დავიცავთ ყველგან, სადაც და როგორც არ უნდა ვიყოთ. შესაბამისად, ოპოზიციას არანაირი რესურსი არ გააჩნია. იციან, რომ დამარცხებულები არიან ყველგან. ყველა მუნიციპალიტეტში, როგორც მერობის, ისე საკრებულოს დონეზე, გაიმარჯვებს „ქართული ოცნება – დემოკრატიული საქართველო“, – აღნიშნა თბილისის მერმა.
სხვისი ქონების დაზიანება, თუ შესაბამისი ნივთი 150 ლარის ზევით ღირებულების არის, სისხლის სამართლის დანაშაულია. ჩვენ არ მოგვიგონია, 35 წელია ასეა, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტის კითხვის საპასუხოდ განაცხადა, რომელიც აქტივისტის, მეგი დიასამიძის დაკავებას ეხებოდა.
როგორც პრემიერმა აღნიშნა, დანაშაულისთვის ნებისმიერი ადამიანი უნდა დაისაჯოს.
„მე არ ვიცი, 5 წელი იქნება თუ რამდენი, ამას გადაწყვეტს სასამართლო. 35 წელია ასეთი რამ ითვლება სისხლის სამართლის დანაშაულად, ჩვენ არ მოგვიგონია. სხვისი ქონების დაზიანება, თუ შესაბამისი ნივთი 150 ლარზე მეტი ღირებულების არის, სისხლის სამართლის დანაშაულია. ჩვენ არ მოგვიგონია, 35 წელია ასეა.
დანაშაული არის დანაშაული და დანაშაულისთვის ნებისმიერი ადამიანი უნდა დაისაჯოს”, – განაცხადა პრემიერმა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge