„საქართველოს რკინიგზას“ ლაშა აბაშიძე უხელმძღვანელებს – გენერალური დირექტორი კომპანიაში დღეს პირველმა ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა და მინისტრის მოადგილემ, გურამ გურამიშვილმა წარადგინეს. როგორც პირველმა ვიცე-პრემიერმა ლევან დავითაშვილმა განაცხადა, ლაშა აბაშიძეს აქვს რკინიგზის სექტორში და საჯარო სამსახურში ხელმძღვანელ პოზიციებზე მუშაობის გამოცდილება, რაც ნიშნავს, რომ ადაპტაციის ეტაპი მოკლე და ეფექტური იქნება. მან წარმატება უსურვა ლაშა აბაშიძეს „საქართველოს რკინიგზის“ ხელმძღვანელის პოსტზე და მადლობა გადაუხადა კომპანიის ყოფილ გენერალურ დირექტორს, დავით ფერაძეს გაწეული საქმიანობისთვის.

„რკინიგზის გამართული ფუნქციონირება უმნიშვნელოვანესია ქვეყნის ეკონომისთვის. განსაკუთრებით, შუა დერეფნის განვითარების კონტექსტში. ჩვენი ინტერესია, გაიზარდოს როგორც გადაზიდვების მოცულობა, ისე შემოსავლები,“ – აღნიშნა პირველმა ვიცე-პრემიერმა.

ლაშა აბაშიძეს „საქართველოს რკინიგზაში“ მუშაობის გამოცდილება აქვს. ის 2006-2009 წლებში კომპანიაში სხვადასხვა თანამდებობას იკავებდა, მათ შორის იყო შესყიდვების სააგენტოს უფროსი, სატვირთო გადაზიდვების დირექტორის მოადგილე და ოპერაციათა მართვის ხელმძღვანელი. ლაშა აბაშიძე პროფესიით იურისტია, ხოლო მაგისტრის ხარისხი დაცული აქვს საჯარო ადმინისტრაციის მართვის მიმართულებით.

2015-2017 წლებში ლაშა აბაშიძე თბილისის ვიცე-მერი იყო, 2014-2015 წლებში – ვაკის გამგებელი, ხოლო 2013-2014 წლებში პრეზიდენტის ადმინისტრაციის ხელმძღვანელი. ლაშა აბაშიძემ „საქართველოს რკინიგზის“ გენერალური დირექტორის თანამდებობაზე დავით ფერაძე შეცვალა, რომელიც აღნიშნულ პოსტს 2017 წლიდან იკავებდა.

თიბისი ბიზნესის მხარდაჭერით, მაისის თვეში, ხუთი სხვადასხვა თემატიკის შეხვედრა გაიმართება. ბიზნესების წარმომადგენლებს შესაძლებლობა ექნებათ, პროფესიონალი  ტრენერებისგან მათთვის საინტერესო საკითხებზე მიიღონ ამომწურავი ინფორმაცია და მიღებული ცოდნით, საკუთარი ბიზნესის განვითარებას შეუწყონ ხელი. 

მაისის შეხვედრების განრიგი:

• პირველი ტრენინგი 16 მაისს, ონლაინ ფორმატში, სტრატეგიული მენეჯმენტის თემატიკაზე ჩატარდება და მას ბიზნესკონსულტანტი, მირანდა მანჯგალაძე გაუძღვება.
• მეორე შეხვედრა 20 და 23 მაისს, ასევე, ონლაინ ფორმატში გაიმართება და ის შემდეგ თემატიკას დაეთმობა – SOE და AI ციფრულ მარკეტინგში. ტრენინგს ციფრული მარკეტინგის სპეციალისტი, ალექსანდრე ჩომახიძე ჩაატარებს.
• მესამე ტრენინგი, ფიზიკურ სივრცეში,  22 მაისს გაიმართება და ის ESG თემატიკას  – „ბიზნესის გზა მდგრადობისკენ – შექმენი მწვანე მომავალი” დაეთმობა. შეხვედრას  საერთაშორისო კომპანია „დეველორი“ გაუძღვება. ტრენინგის ფარგლებში, განხილული იქნება ისეთი საკითხები, როგორებიცაა: მწვანე დაფინანსება, მწვანე ინიციატივების უპირატესობები და გამოწვევები.
• 22 მაისს გაიმართება კიდევ ერთი ონლაინ ტრენინგი საგადასახადო საკითხების თემატიკაზე. ტრენერი, დავით პაპიაშვილი საქართველოში მოქმედი გადასახადების გადახდის ვალდებულებების წარმოშობის ძირითად პრინციპებზე ისაუბრებს და მათი გამოანგარიშების პრაქტიკულ მაგალითებს განიხილავს.
• მაისის  თვის ბოლო, მეხუთე ტრენინგი, 27 და 28 მაისს, საცალო ქსელებთან მოლაპარაკების სტრატეგიების შეეხება  და მას ბიზნესკონსულტანტი, ია ნადირაშვილი გაუძღვება.

თიბისის ბიზნესგანათლების პროგრამაში ჩართვა თიბისის ბიზნესმომხმარებლებს   წინასწარი რეგისტრაციით შეუძლიათ, ბმულზე: https://tbcbank.ge/ka/business/education ,სადაც კურსების შესახებ დეტალური ინფორმაციის მიღებაცაა შესაძლებელი.

კურსებზე დასწრება უფასოა და ის ბიზნესგანათლების ხელმისაწვდომობასთან ერთად, ბიზნესის წარმომადგენლებისთვის უახლესი და მათთვის სასარგებლო ინფორმაციის გაზიარებას ისახავს მიზნად.

R

ვერძი

ხელსაყრელი დღეა. თქვენი ფინანსური მდგომარეობა გაუმჯობესდება, თუმცა გაუთვალისწინებელ ხარჯებზე ან დაგროვილ დავალიანებაზე მთელ შემოსავალს დახარჯავთ. ამ დღეს შესაძლებლობა გექნებათ, თქვენი ნიჭი და უნარები გამოავლინოთ.

კურო

ხელსაყრელი დღეა. თუ ამ დღეს მსხვილი გარიგება ან ან მოგებიანი შეთანხმება შემოგთავაზეს, უყოყმანოდ დათანხმდით. სწრაფი შედეგების იმედი ნუ გექნებათ – გადაწყვეტილების მიღება, სავარაუდოდ, შეფერხდება, მაგრამ საბოლოო შედეგი ძალიან სასარგებლო იქნება. მეგობრებისა და ახლობლების დახმარებაზე უარი არ უნდა თქვათ- ეს თქვენი პრობლემების გადაჭრის გასაღებია. ფრთხილად იყავით – მოულოდნელი შეხვედრა ან ახალი ამბავი გელით, რომელმაც შეიძლება, მწყობრიდან გამოგიყვანოთ. ეცადეთ, სიმშვიდე შეინარჩუნოთ და ემოციები აკონტროლოთ.

ტყუპები

ხელსაყრელი სამუშაო დღეა, აქტიური ბრძოლისა და ახალი მიღწევების პერიოდი. პლანეტები გირჩევენ თავი შეიკავოთ უსარგებლო კამათისგან. წვრილმანები დათმეთ, რათა მთავარი მოიგოთ.

კირჩხიბი

მოემზადეთ ბედის უეცარი შემობრუნებისთვის და ძალები დაზოგეთ. ახლა ყველაზე მეტად მეგობრების მხიარული კამპანია, საინტერესო მოგზაურობა და გასართობი გჭირდებათ. ფრთხილად იყავით – დღეს ემოციების შეკავება გაგიჭირდებათ.

ლომი

ვარსკვლავების ხელსაყრელი მდებარეობა ფინანსურ მდგომარეობაში სასიკეთო ცვლილებებს გპირდებათ, მაგრამ მოულოდნელი ხარჯები ან ახლობელი ადამიანის მიმართ გამოჩენილი გულუხვობა მთელ შემოსავალს წაიღებს. სიამაყე და სიზარმაცე ამ დღეს საშუალებას არ მოგცემთ, საკუთარი ნიჭი და შესაძლებლობები გამოავლინოთ.

ქალწული

ამ დღეს ნებისმიერი გადაწყვეტილების მიღებისას სიფრთხილე უნდა გამოიჩინოთ. დაწყებული სამუშაოს ბოლომდე მისაყვანად ეცადეთ, ძალები გონივრულად გაანაწილოთ. დღის მეორე ნახევარში, სავარაუდოდ, ძველ მეგობრებთან შეხვედრა გელით.

სასწორი

ხელსაყრელი დღე აქტიური ბრძოლისა და ახალი მიღწევებისთვის. ეცადეთ, სამოქმედო გეგმა შეადგინოთ და თანმიმდევრულად მიჰყვეთ. ეს დღე თქვენს სიმტკიცეს და საქმიან უნარებს გამოცდას მოუწყობს. გირჩევთ, ურთიერთობებში ზომიერება დაიცვათ, ზედმეტი დავა და პრეტენზიები თავიდან აიცილოთ.

მორიელი

სავარაუდოდ, ამ დღის პრობლემები და გაუთვალისწინებელი ფინანსური ხარჯები ნანატრი მოგზაურობის დაწყებაში ხელს შეგიშლით. მოვალეობისა და საკუთარი ღირსების გრძნობა თქვენი ქცევის საფუძველია. მოსალოდნელია სექსუალური პოტენციალისა და მომხიბვლელობის ზრდა, რაც მიზნების მიღწევას და ბიზნესში ახალი პარტნიორების მოზიდვას გაგიადვილებთ.

მშვილდოსანი

აქტიური ბრძოლისა და ახალი მიღწევების პერიოდია. წარმატებისთვის მეტი სიმტკიცე და პრინციპულობა გმართებთ. პლანეტები გირჩევენ, უსარგებლო და არაპრინციპული კამათისგან თავი შეიკავოთ. მოზღვავებულმა ემოციებმა და ფეთქებადმა ხასიათმა შეიძლება, უახლოეს ადამიანებთან კონფლიქტი გამოიწვიოს, რაც თქვენს სასარგებლოდ არ დასრულდება და ჯანმრთელობასთან დაკავშირებულ პრობლემებს გამოიწვევს.

თხის რქა

ამ დღეს ძალების გონივრულად განაწილება გმართებთ, რათა დაწყებული სამუშაო ბოლომდე მიიყვანოთ. ხელსაყრელი დღეა ახალი პროექტების დაწყებისა და შემოსავლის ახალი წყაროების მოძებნისთვის. მშვენიერი შანსი მოგეცემათ, რომ პირად ცხოვრებაში დაშვებული შეცდომები გამოასწოროთ.

მერწყული

მოულოდნელი გარემოებები ზეგანაკვეთური სამუშაოს შესრულებას და სრულიად უცხო საქმის კეთებასაც კი გაიძულებთ. თქვენი საქმიანობის საბოლოო შედეგი მხოლოდ სწრაფი რეაგირების უნარზეა დამოკიდებული. დღის მეორე ნახევარში მოსალოდნელია ფინანსური მდგომარეობის უმნიშვნელო გაუმჯობესება.

თევზები

ეს დღე ცხოვრების ახალ ეტაპის დაწყებას განასახიერებს. სავარაუდოდ, ის სასიამოვნო სიახლით დაიწყება, დიდი მოულოდნელობით გაგრძელდება და საყოველთაო აღიარებით დასრულდება. ეცადეთ, მნიშვნელოვანი საქმე დროულად დაასრულოთ და ნათესავებთან ხანგრძლივი დავა შეწყვიტოთ.