ევროკავშირის მიერ დაფინანსებული არასამთავრობო ორგანიზაციის, “სამართლიანი არჩევნებისა და დემოკრატიის საერთაშორისო ორგანიზაციის” (ISFED) აღმასრულებელი დირექტორი, ლევან ნატროშვილი, აღიარებს, რომ ევროკავშირის ფულს იყენებდა, რათა აქციის მონაწილეები სამართალდამცავებისთვის წინააღმდეგობის გასაწევად აღეჭურვა. ამის შესახებ ნატროშვილი სოციალურ ქსელში წერს.

კერძოდ, ლევან ნატროშვილის მიერ გამოქვეყნებულ პოსტში ვკითხულობთ: “საკუთარი თანამშრომლებისთვის ოცდაათამდე აირწინაღი და სათვალე ვიყიდეთ, ვინაიდან თანამშრომლების ნაწილი აქციებში რიგით დემონსტრანტად მონაწილეობდა”.
შესაბამისად, ერთ-ერთი გავლენიანი არასამთავრობო ორგანიზაციის ხელმძღვანელი, თავადვე აღიარებს, რომ აირწინაღები, რომელიც, როგორც წესი, დემონსტრანტებს პოლიციის მიერ სპეციალური საშუალებების გამოყენების დროს სჭირდებათ, ევროკავშირის ფულით შეიძინა.

ეს კი, თავის მხრივ აღიარებაა იმისა, რომ აქციები ძალადობრივი ხასიათის იყო და სამართალდამცავები საზოგადოებრივი წესრიგის მასობრივი დარღვევის, ვანდალიზმისა და აქციის მონაწილეთა ძალადობრივი ქმედებების აღსაკვეთად იყენებდნენ კანონით განსაზღვრულ სხვადასხვა სპეციალურ საშუალებას, მათ შორის, ცრემლსადენ გაზს.

ზემოაღნიშნულიდან გამომდინარე, ISFED-ის ხელმძღვანელის მიერ “ოცდაათამდე აირწინაღის და სათვალის” ყიდვა, ნათლად მიუთითებს, რომ აქციის ორგანიზატორებსა და მონაწილეებს ჰქონდათ იმის გათვლა და მოლოდინი, რომ პროცესები სწორედ მსგავსი საპოლიციო საშუალებების გამოყენებამდე მივიდოდა, ხოლო, დემონსტრანტები, თავის მხრივ, არ დაემორჩილებოდნენ სამართალდამცავების მოთხოვნას დაშლის შესახებ და სპეციალური აღჭურვილობით შეიარაღებულები, წინააღმდეგობას გაუწევნდნენ პოლიციელებს.

არ შეიძლება, არ მივმართო იმ პარტიებს, რომლებიც დღეს თამაშობენ რაღაც ადგილობრივ არჩევნებში მონაწილეობას, რაღაც კამპანიას, სად ვართ? სად არის ქვეყანა? სად არის რაღაც კამპანია, რომ ვინმე დავარწმუნოთ, ადგილობრივი არჩევნები რამეს შეცვლის ან ვინმე რამეს მიაღწევს ამ არჩევნებში, – ამის შესახებ საქართველოს ყოფილმა პრეზიდენტმა, სალომე ზურაბიშვილმა განაცხადა.

ზურაბიშვილის თქმით, დღევანდელი ამოცანა არის ქვეყნის მომავლის გადარჩენა და ეს არის მისი გზავნილი.

„არ შეიძლება, დღეს ყველას არ გვესმოდეს, რომ ხელისუფლებამ საქართველო წაიყვანა რუსულ მოდელზე, რუსული რეჟიმის ჩამოყალიბება გრძელდება ძალიან სწრაფად. ის ბრალდებები, რაც არის წამოყენებული სრულიად აბსურდამდეა მისული. ერთადერთი ის არის, რომ საქართველოში ეს ყველაფერი კიდევ უფრო სწრაფად ვითარდება, ვიდრე თავის დროზე რუსეთში. შუაგულ ზაფხულში ვხედავთ ამ შეტევას არასამთავრობოებზე. მეორე მხრივ, უკვე ცხრათვიანი პატიმრობის შემდგომ გადავდივართ დასკვნით პროცესებზე. აქაც მძიმე, სრულიად უსაფუძვლო, აბსურდული ბრალდებებით და თურმე, ამას უნდა შევეგუოთ. მგონი, დღეს მოდის საზოგადოებისთვის დრო, რომ მივხვდეთ – შეგუება ნიშნავს, რომ ჩვენ ამ ქვეყანას ჩავაბარებთ რუსეთს და არ მგონია, საქართველო მზად იყოს, რომ ჩაბარდეს. ეს რომ მჯეროდეს, აქ არ ვიქნებოდი. ხან პოლიტიკური ლიდერები დაიჭირეს, ხან აქტივისტები, ახლა – „ენჯეოები“. ჩვენ არ გვყავს ზურგში ძლიერი პარტნიორები. რამდენსაც არ უნდა ლაპარაკობდნენ რაღაც ომის პარტიაზე, არ არსებობს ეს ომის პარტია, არსებობს საქართველო, რომელიც ებრძვის რუსეთს. საქართველომ უკვე თავი უნდა დაიცვას და გადაარჩინოს დამოუკიდებლობა. ეს არის დღეს ჩვენი ამოცანა, ყველასი ერთად. აქ არ არის ლაპარაკი რომელიმე პოლიტიკურ პარტიაზე. არ შეიძლება, რომ არ მივმართო იმ პარტიებს, რომლებიც დღეს თამაშობენ რაღაც ადგილობრივ არჩევნებში მონაწილეობას, რაღაც კამპანიას. სად ვართ? სად არის ქვეყანა? სად არის რაღაც კამპანია, რომ ვინმე დავარწმუნოთ, ადგილობრივი არჩევნები რამეს შეცვლის ან ვინმე რამეს მიაღწევს ამ არჩევნებში. ჩვენი ამოცანა დღეს არის ნამდვილად ქვეყნის მომავლის ამოცანა, ქვეყნის მომავლის გადარჩენა, საქართველოს დამოუკიდებლობის გადარჩენა. ეს არის ჩემი გზავნილი ამ ზაფხულის დასასრულს“, – განაცხადა ზურაბიშვილმა.

ცნობისთვის, პროკურატურაში მიმდინარე გამოძიების ფარგლებში რამდენიმე არასამთავრობო ორგანიზაციის საბანკო ანგარიშებს ყადაღა დაედო.

მიუხედავად იმ დიდი სკანდალისა, რაც ვნახეთ ტრამპის და მისი ადმინისტრაციის ხელისუფლებაში მოსვლის შემდეგ და ვნახეთ, რომ USAID-ის საქმიანობა, ფაქტობრივად შეჩერებულია, ყოველ შემთხვევაში 90 % პროგრამებისა დახურულია და დახურულია სწორედ, იმ არაპროფილური საქმიანობის გამო, რის თვითმხილებაც ახლა მოვისმინეთ სამანტა პაუერისგან, რომელიც იყო ერთ-ერთი მაღალჩინოსანი და თანხების განმკარგავი USAID-ში, მიუხედავად ამისა, ისინი ჯიუტად მსოფლიო საზოგადოებას თვალში აყრიან კიდევ ერთხელ ნაცარს,- ამის შესახებ საპარლამენტო ფრაქცია „ქართული ოცნების“ თავმჯდომარის პირველმა მოადგილემ, ირაკლი კირცხალიამ განაცხადა.

ირაკლი კირცხალიას თქმით, USAID ამტკიცებდა, რომ არასამთავრობო ორგანიზაციები ემსახურებოდნენ სამოქალაქო სექტორის გაძლიერებას, რეალობა კი ის აღმოჩნდა, რომ ეს ყოველივე პროქსი სახელმწიფოებში ხელისუფლების შენარჩუნებას უზრუნველყოფდა, რისი მაგალითიც მოლდოვაა. „ამტკიცებენ, რომ ეს არასამთავრობო ორგანიზაციები, ყველა ის დონორი ორგანიზაციები, რომლებიც ფინანსდებოდა USAID – ის მხრიდან სხვადასხვა ქვეყანაში, ემსახურებოდა სამოქალაქო სექტორის გაძლიერებას და მეორე მხრიდან ვხედავთ პირდაპირ გაშიფრულ სქემას ამ ქალბატონისაგან [სამანტა პაუერი], თუ რეალურად როგორ ხმარდებოდა ის თანხები არა პროფილურად, რეალურად პროქსი სახელმწიფოებში ხელისუფლების შენარჩუნებას, რომლის მაგალითად მოლდოვა ჰყავს მოყვანილი, ან როგორ ხმარდებოდა ეს თანხები არასასურველი ხელისუფლებების ჩამოშორებას, ეს არის პირდაპირი აღიარება“,- აცხადებს ირაკლი კირცხალია.

ირაკლი კირცხალიას განცხადებით, მიუხედავად საქართველოს ხელისუფლების და ტრამპის ადმინისტრაციის არასამთავრობო ორგანიზაციებთან დაკავშირებით თანხვედრისა, ჩნდება ლეგიტიმური კითხვა, თუ რატომ არ იცვლება აშშ-ის დამოკიდებულება საქართველოს მიმართ. „როდესაც ჯერ კიდევ წინასაარჩევნო პერიოდი იყო აშშ-ში წლებით ადრე ჩვენ დავიწყეთ ამაზე საუბარი, სწორედ მათ ბინძურ ქმედებებზე, მათ არაპროფილურ დაფინასებებზე და მათ პირდაპირ სურვილზე ჩვენი ქვეყანაც, როგორც მას მაგალითებში ჰყავს მოყვანილი, ქცეულიყო პროქსი სახელმწიფოდ. მაგრამ რას ვხედავთ დღეს? ამ ყველაფრის ფონზე, იმ დიდი სკანდალისა, რაც არასამთავრობოებთან დაკავშირებით მოხდა, იმ მხილების ფონზე, აღიარებას რასაც პირდაპირ ეთერში ვისმენთ ჩვენ, რას ვხედავთ? – ისევ დუმილს და გვიჩნდება კითხვა, ჩვენ მმართველ გუნდს, საზოგადოების უდიდეს ნაწილს, რომ რა ხდება ჩვენს ქვეყანასთან მიმართებაში და რატომ გრძელდება იგივე უსამართლო დამოკიდებულება, იგივე ბინძური მიდგომები, რატომ გრძელდება ჩვენს ქვეყანასთან მიმართებაში? რატომ არ კეთდება მინიმუმ განცხადება? და ყველაზე მთავარი აშშ-ის საელჩოდან, თუნდაც, არ ვამბობ არაფერს განცხადებაზე, რატომ გვესმის დუმილი? დუმილი, რომელიც ხშირ შემთხვევაში და ამ კონკრეტულ გლობალურ შემთხვევებში, რომლებიც იმართებოდა ამ ერთ-ერთი ყველაზე დიდი დონორი ორგანიზაციის მხრიდან, აი ის დუმილი რაც გვესმის საელჩოსგან არის უფრო მრავლისმეტყველი, ვიდრე რაიმე განცხადება? – აი ეს კითხვა გვიჩნდება როგორც მმართველ გუნდს, ისე საზოგადოების დიდ ნაწილს“,- აცხადებს ირაკლი კირცხალია.