დაახლოებით 100-მდე ქვეყანა იყო მიწვეული ამ ვახშამზე, რომელსაც აქვს გაფორმებული თუ გაუფორმებელი ავტოკრატია საკუთარ ქვეყანაში, მათ შორის, ერთპარტიული მმართველობა და სხვა, ისინი იყვნენ მიწვეული. აქ სად არის ლოგიკა, –  ამის შესახებ საქართველოს პრემიერ-მინისტრმა, ირაკლი კობახიძემ ბაიდენის მიღებაზე მიწვევის გაუქმებასთან დაკავშირებით დასმული კითხვის საპასუხოდ განაცხადა.

მთავრობის მეთაურის შეფასებით, ლოგიკა არის ერთადერთ რამეში, ამ შემთხვევაშიც ყველაფერში „გლობალური ომის პარტიის“ ხელი ურევია.

„იქ იყო მიწვეული პრაქტიკულად ყველა დელეგაცია, რამდენი ქვეყანაც არის გაერო-ში იცით, დაახლოებით 200 ქვეყანაა გაწევრიანებული და ამ 200 ქვეყნიდან რამდენია ავტორიტარული, მათ შორის, კონსტიტუციურად გაფორმებული ავტოკრატიით, არის დაახლოებით ნახევარი. ნახევარი არის თვითაღიარებული ავტოკრატია, ან სხვებისგან აღიარებული ავტოკრატია. დაახლოებით 100-მდე ქვეყანა იყო მიწვეული ამ ვახშამზე, რომელსაც აქვს გაფორმებული თუ გაუფორმებელი ავტოკრატია საკუთარ ქვეყანაში, მათ შორის, ერთპარტიული მმართველობა და .ა.შ., ისინი იყვნენ მიწვეული. აქ სად არის ლოგიკა. ლოგიკა არის ჩვენთვის ერთადერთ რამეში, ამ შემთხვევაშიც ურევია ყველაფერში „გლობალური ომის პარტიის“ ხელი. ვიღაცები არიან ძალიან განაწყენებული იმის გამო, რომ ჩვენ არ გადავდგით კონკრეტული ნაბიჯები 2022 წლიდან და ამ გაღიზიანების გამოხატულებაა ასეთი აქტები. სწორედ ამიტომ ვამბობთ, როდესაც დასრულდება უკრაინაში ომი, შეიცვლება ინტერესებიც საქართველოს მიმართ და ამის შემდეგ ჩვენ გვექნება იმის საშუალება, რომ თვისებრივად გადავტვირთოთ ურთიერთობები ამერიკის შეერთებულ შტატებთან. აქვე დავაკონკრეტებ, რომ ჩვენ ურთიერთობების გადატვირთვისთვის მზად ვართ აქედანვე, თუ იქნება შემხვედრი ნაბიჯები, კი ბატონო, მაგრამ ჩვენ ამის იმედი არ გვაქვს წლის ბოლომდე. მომავალი წლის დასაწყისიდან ჩვენ ვართ დარწმუნებული, რომ მას შემდეგ რაც გადაივლის ერთი არჩევნები, მეორე არჩევნები, მას შემდეგ, რაც დასრულდება ომი უკრაინაში, ურთიერთობები გადაიტვირთება თვისებრივად საქართველოსა და ამერიკის შეერთებულ შტატებს შორის“, – განაცხადა პრემიერ-მინისტრმა.

საქართველოს პრეზიდენტი, სალომე ზურაბიშვილი ევროკომისიის პრეზიდენტ ურსულა ფონ დერ ლაიენს ხვდება.

პრეზიდენტის ადმინისტრაციის ინფორმაციით, შეხვედრა ბრიუსელში ცოტა ხნის წინ დაიწყო.

მანამდე პრეზიდენტი ზურაბიშვილი ევროპული საბჭოს პრეზიდენტს შარლ მიშელს შეხვდა.

ინფორმაციით, პრეზიდენტი სალომე ზურაბიშვილი ევროპის რამდენიმე ქვეყანაში, მათ შორის საფრანგეთში იმყოფებოდა, სადაც დაესწრო დოკუმენტური ფილმის ჩვენებას: „ბუჩამდე იყო აფხაზეთი“. ასევე, პრეზიდენტი გერმანიას სტუმრობდა, სადაც პრეზიდენტ ფრანკ-ვალტერ შტაინმაიერს შეხვდა, გუშინ კი პოლონეთში იმყოფებოდა, სადაც პრეზიდენტ ანჯეი დუდასთან გამართა შეხვედრა.

ა

აშშ-ის საელჩოს მიერ გამოქვეყნებული ბანერი არის უხეშად მანიპულაციური და არ წარმოაჩენს სიმართლეს ისე, როგორც ეს მოხდა, – ამის შესახებ საქართველოს პრემიერ-მინისტრმა, ირაკლი კობახიძემ დღევანდელ ბრიფინგზე განაცხადა.

მთავრობის მეთაურმა საქართველოში აშშ-ის ელჩს მიმართა, „კარგად ჩაუღრმავდეს მანიპულაციას, რომელიც განახორციელეს საელჩოს თანამშრომლებმა, რადგან საქმე ეხება არა 1,8, არამედ 2,5 პროცენტს“.

„1,8 პროცენტი არის 35 ათასზე მეტი ხმა. არ შეიძლება, საელჩოს ბანერზე მანიპულაცია იყოს მოცემული. როცა ამბობ, 1,8 პროცენტი, რა მოხდა, 1,8 პროცენტი არ იყო მაშინ. როდესაც საბოლოო ჯამში დაიდო იმ ოქმების მონაცემები, ის არ იყო მთელი ქვეყნის მასშტაბით – ცდომილება იყო არა 1,8, არამედ, თუ არ ვცდები, იყო 2,5. შესაბამის ოქმებს თუ დაადარებდით, „ქართული ოცნების“ შედეგის ცდომილება იყო არა 1,8, არამედ 2,5. ეს არის პირველი მანიპულაცია, რომელიც საელჩოს ბანერზეა და მინდა, ვთხოვო ელჩს, კარგად ჩაუღრმავდეს ამ მანიპულაციას, რომელიც განახორციელეს თავისი საელჩოს თანამშრომლებმა, როცა საქმე ეხება არა 1,8, არამედ 2,5 პროცენტს. 2,5 პროცენტი არის 50 ათასი ხმა. „ისფედი“ ამტკიცებდა, რომ „ქართულმა ოცნებამ“ გააყალბა 50 ათასი ხმა, ეს მეორე მანიპულაცია. ელჩს ვთხოვ, ყურადღებით დააკვირდეს ამ განცხადებას. ჯერ ერთი, არა 1,8, არამედ 2,5 და მეორე – არა 2,5 როგორც ასეთი, არამედ „ისფედი“ ჩვენ გვაბრალებდა და საზოგადოებას ატყუებდა, რომ „ქართულმა ოცნებამ“ გააყალბა 50 ათასი ხმა და ამ 50 ათასი ხმის გაყალბების საბაბით, რადიკალური ოპოზიცია გვიწყობდა რევოლუციას ამ ქვეყანაში, რასაც პირდაპირი მხარდაჭერა ჰქონდა „ენჯეოების“ და ორი ელჩის მხრიდან, რაც არ არის ნახსენები ამ ბანერზე. აქედან გამომდინარე, ეს ბანერი არის უხეშად მანიპულაციური და არ წარმოაჩენს სიმართლეს ისე, როგორც ეს მოხდა“, – განაცხადა ირაკლი კობახიძემ.

რატომ საუბრობენ საერთოდ არჩევნების ლეგიტიმაციაზე, როცა ამისთვის მინიმალური საბაბიც კი არ არსებობს, –  ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში განაცხადა.

პრემიერის შეფასებით, ეს ყველაფერი აბსოლუტურად გაუგებარია.

„საიდან ჩნდება საერთოდ საბაბიც კი ამაზე საუბრისთვის, არჩევნები ხომ კარგად წარიმართება, ელექტრონული ტექნოლოგიებით დაითვლება შედეგები და ა.შ. რატომ საუბრობენ საერთოდ არჩევნების ლეგიტიმაციაზე, როცა ამისთვის მინიმალური საბაბიც კი არ არსებობს. საინტერესოა ეს ყველაფერი, აბსოლუტურად გაუგებარია. რაც შეეხება კურსს. პირდაპირ ვაცხადებთ რას, რომ პირიქით, ჩვენ ვიხვეწებით, რომ გაგვიხსნან მოლაპარაკებები და ისინი არ გვიხსნიან მოლაპარაკებებს და ვინ უქმნის კურსს საფრთხეს? დავუბრუნდეთ  კანონს, ერთი არის კანონი ფსევდოლიბერალური პროპაგანდის წინააღმდეგ, რომლის ერთადერთი მიზანიც არის ტრადიციული ფასეულობების და არასრულწლოვანთან ინტერესების დაცვა, მეტს არაფერს არ ეხება ეს კანონი და არ შეიძლება ეს კანონი რაიმე ფორმით ეწინააღმდეგებოდეს ევროკავშირის პრინციპებს ან ამერიკის სულისკვეთებას და თუ ეწინააღმდეგება, მაშინ იქ ყოფილა პრობლემა. შეუძლებელია უბრალოდ, როდესაც საუბარი ეხება ტრადიციული ფასეულობების დაცვას და არასრულწლოვანთა ინტერესების დაცვას, შეუძლებელია ვიყოთ რაიმე წინააღმდეგობაში პრინციპებთან.

რაც შეეხება გამჭვირვალობის კანონს, თან კონტექსტიც ხომ მნიშვნელოვანია, იყო ორი მცდელობა რევოლუციის ამ ქვეყანაში „ენჯეოების“  პირდაპირი ჩართულობით, 2021 წელს და 2022 წელს. პირდაპირ სცენაზე ავიდნენ „ენჯეოები“ და ითხოვდნენ მთავრობის გადადგომას. ამ ფონზე მიიღება კანონი, რომელიც ერთადერთ რამეს ითვალისწინებს, ეს არის გამჭვირვალობა, მათ შორის, რევოლუციის გამჭვირვალობა. ეს არ არის კანონი რევოლუციის წინააღმდეგაც კი, ეს არის კანონი რევოლუციის გამჭვირვალობის შესახებ მაგალითად. ეს არის კანონი ისეთი გამჭვირვალობის შესახებ, რომელსაც შეიძლება გარკვეული რისკები ახლდეს თან და ეს რისკები თან არის ფაქტობრივი მტკიცებულებებით დადასტურებული, საზოგადოებას აქვს ამაზე მტკიცებულებები“, –  აღნიშნა ირაკლი კობახიძემ.

ყველა მიმართულებით, იქნება ეს დემოკრატია, ეკონომიკა, სოციალური საკითხები თუ ა.შ ქვეყანას აქვს ძალიან დიდი პროგრესი და სწორედ ეს პროგრესი აისახება შესაბამის ინდექსებსა და რეიტინგებში, – ამის შესახებ საქართველოს პრემიერ-მინისტრმა ირაკლი კობახიძემ დღევანდელ ბრიფინგზე „კეთილსინდისიერების ინდექსში” საქართველოს დაწინაურებასთან დაკავშირებით დასმული კითხვის საპასუხოდ განაცხადა.

მთავრობის მეთაურის შეფასებით, ეს არის მხოლოდ ერთ-ერთი ინდექსი, სადაც საქართველოს წინსვლა ფიქსირდება.

„2012 წლიდან მოყოლებული, მათ შორის ბოლო წლების განმავლობაში, არ არსებობს არც ერთი სფერო, არც ერთი სექტორი, სადაც ქვეყანამ არ განიცადა პროგრესი, იქნება ეს ეკონომიკური საკითხები, მმართველობის საკითხები, დემოკრატიის საკითხები თუ ა.შ. ყველა მიმართულებით ქვეყანას აქვს პროგრესი, რაც აისახება ხოლმე შესაბამისი ობიექტური საერთაშორისო ორგანიზაციების მიერ მომზადებულ ინდექსებში, რეიტინგებში, ეს არის აბსოლუტურად ლოგიკური. ამას საზოგადოების ძალიან დიდი ნაწილიც ხედავს. ყველა მიმართლებით, იქნება ეს დემოკრატია, ეკონომიკა, სოციალური საკითხები თუ ა.შ ქვეყანას აქვს ძალიან დიდი პროგრესი და სწორედ ეს პროგრესი აისახება შესაბამის ინდექსებსა და რეიტინგებში”, – აღნიშნა პრემიერმა.

რაც უფრო მეტად იაქტიურებს მიხაილ როთი რადიკალური ოპოზიციის სასარგებლოდ, მით უფრო დაბალ შედეგს მიიღებს რადიკალური ოპოზიცია, – ამის შესახებ საქართველოს პრემიერ-მინისტრმა ირაკლი კობახიძემ დღევანდელ პრესკონფერენციაზე განაცხადა.

როგორც მთავრობის მეთაურმა აღნიშნა, არ შეიძლება, უცხოელი პირდაპირი და უხეში ფორმით ერეოდეს საქართველოში საარჩევნო პროცესებში, ვინაიდან, სამართლებრივი თვალსაზრისით, ეს საარჩევნო პრინციპების უხეში დარღვევაა.

„ეს არის ჩვენი კონსტიტუციური პრინციპების უპატივცემულობა, რადგან არ შეიძლება, უცხოელი პირდაპირი და უხეში ფორმით ერეოდეს საარჩევნო პროცესებში. პრაქტიკული თვალსაზრისით, ამას ვერ ექნება ვერავითარი ეფექტი. პირიქით – მიხაილ როთი მოგეხსენებათ, არის ძალიან დიდი საჩუქარი მმართველი გუნდისთვის მისი რეპუტაციიდან გამომდინარე, რაც უფრო მეტად იაქტიურებს მიხაილ როთი რადიკალური ოპოზიციის სასარგებლოდ, მით უფრო დაბალ შედეგს მიიღებს რადიკალური ოპოზიცია”, – განაცხადა ირაკლი კობახიძემ.