თბილისის მერიაში მეტროს თანამედროვე ვაგონების შესყიდვაზე გამოცხადებულ ტენდერში გამარჯვებული კომპანიის – შპს „ჯი-თი გრუპის“ წარმომადგენლებთან შეხვედრა გაიმართა, რომელსაც ვიცე-მერი გიორგი ტყემალაძე და საქართველოში ჩინეთის სახალხო რესპუბლიკის ელჩი ჭოუ ციენი ესწრებოდნენ.
შეხვედრის დასრულების შემდეგ გამარჯვებულ კომპანიასთან ხელშეკრულება გაფორმდა, რომელსაც შპს „თბილისის სატრანსპორტო კომპანიის“ დირექტორმა გიორგი შარკოვმა და „ჯი-თი გრუპის“ გენერალურმა დირექტორმა თემურ უსტიაშვილმა მოაწერეს ხელი.
თბილისის ვიცე-მერის განმარტებით, აღნიშნული სიახლე თბილისის მოსახლეობის კომფორტული და უსაფრთხო გადაადგილებისთვის მნიშვნელოვანი იქნება.
„საზოგადოებრივი ტრანსპორტის განვითარება ჩვენი სატრანსპორტო პოლიტიკის ერთ-ერთი მთავარი პრიორიტეტია. ამ წლების განმავლობაში ვახორციელებთ მეტროს მოდერნიზებას, მეტროსადგურების რეაბილიტაციას, ასევე, შეკეთდა მეტროს ვაგონები. დადგა ახალი ეტაპი – გადავედით ევროპული სტანდარტის ტიპის მეტროს ვაგონების შესყიდვაზე. ჩვენს ქალაქს 111 ვაგონი ხუთი წლის განმავლობაში მიეწოდება. მოქალაქეები მომავალში კიდევ უფრო უსაფრთხო და კომფორტული ტრანსპორტით ისარგებლებენ“, – განაცხადა გიორგი ტყემალაძემ.
ხელშეკრულების ფარგლებში, „ჯი-თი გრუპი“ მსოფლიოში ერთ-ერთ უმსხვილეს მეტროს ვაგონების მწარმოებელთან (კომპანია CRRC, ჩინეთი) თანამშრომლობით, მუნიციპალიტეტს 111 ვაგონს (სულ 25 მატარებელი, მათ შორის, 14 ერთეული 4-ვაგონიანი და 11 ერთეული 5-ვაგონიანი) მიაწვდის.
ახალი მატარებლები იქნება ე.წ. გამჭოლი ვაგონებით. „ახმეტელის თეატრი-ვარკეთილის“ ხაზს დღეს არსებული 4-ვაგონიანი მატარებლების ნაცვლად, 5-ვაგონიანი მატარებლები მოემსახურება, რითაც გაიზრდება მგზავრთა გადაყვანის მოცულობა და გაუმჯობესდება მომსახურების ხარისხი.
თანამედროვე ვაგონების შესყიდვაზე ტენდერი თბილისის მერიის, ცენტრალური ხელისუფლებისა და აზიის ინფრასტრუქტურის საინვესტიციო ბანკის (AIIB) მხარდაჭერით გამოცხადდა. პროექტის ჯამური ღირებულება შეადგენს 150 მლნ ევროს (დღგ-ს გარეშე).
აღსანიშნავია, რომ ბოლო წლებში მეტროში არსებულ ყველა ვაგონს სხვადასხვა მოცულობის სარეაბილიტაციო სამუშაო ჩაუტარდა, თუმცა იმის გათვალისწინებით, რომ ზოგიერთ ვაგონს ეტაპობრივად ეწურება საექსპლუატაციო რესურსი, აუცილებელია მათი ჩანაცვლება ახალი, თანამედროვე ვაგონებით.
დედაქალაქს ამ დროისთვის 48 მატარებელი (სულ 192 ვაგონი) ემსახურება. მეტროს ვაგონების შესყიდვის პროცესი მომავალშიც გაგრძელდება, რათა დღეს არსებული შემადგენლობები სრულად განახლდეს.
აშშ დოლარის ოფიციალური ღირებულება 2.7174 ლარი გახდა.
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7174 ლარი გახდა. კურსი, რომელიც დღეს მოქმედებდა, 2.7172 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0002 ლარი შეადგინა.
რაც შეეხება ევროს, მისი კურსი 3.1875 ლარია. მაშინ, როცა დღეს მოქმედი კურსი 3.1805 ლარს შეადგენდა. შესაბამისად, ევროს ცვლილებამ 0.0070 ლარი შეადგინა.
ნახევარ წელიწადში, ახალ თიბისი ბარათს, რომელიც თავისი უნიკალური უპირატესობებით უპრეცენდენტო საბანკო პროდუქტია ბაზარზე, უკვე 500,000-ზე მეტი მომხმარებელი ჰყავს.
ახალი თიბისი ბარათი მომხმარებლის ყველა საჭიროებაზეა მორგებული და მათ ყოველდღიურობას მნიშვნელოვნად ცვლის.
მხოლოდ ერთი ბარათით, მათ შეუძლიათ:
ქულების ნაცვლად დააგროვონ პირდაპირ თანხა, თანაც ნებისმიერი ბანკის პოს ტერმინალზე გადახდისას. ახალი ბარათით გადახდილი თანხის 0.5 % მომხმარებლებს ერთგულ ყულაბაში მომენტალურად უბრუნდებათ, საიდანაც საკუთარ საბანკო ანგარიშზე გადარიცხვა ნებისმიერ დროს შეუძლიათ.
მობაილბანკში აირჩიონ სასურველი სამი კატეგორიიდან ერთ-ერთი: სურსათი, ფარმაცია ან საწვავი და არჩეული კატეგორიის ნებისმიერ ობიექტში გადახდისას, დააგროვონ სტანდარტულზე 2-ჯერ მეტი (1%). აღნიშნული კატეგორიების შეცვლა და ახლის არჩევა, მომხმარებლებს მობაილბანკიდან ყოველთვიურად შეუძლიათ.
უფასოდ გაანაღდონ თანხა საქართველოში არსებული ნებისმიერი ბანკის ბანკომატიდან (თვეში მაქსიმუმ 2000 ლარი).
მობაილბანკიდან, საკომისიოს გარეშე გადაიხადონ თვეში 5 კომუნალური გადასახადი.
საქართველოს მასშტაბით, ნებისმიერ ბანკში გადარიცხონ ლარი საკომისიო გადასახადის გარეშე .
ისარგებლონ მუდმივად მრავალფეროვანი და რეალურად სარგებლიანი შეთავაზებებით.
რაც ყველაზე მთავარია, ახალი თიბისი ბარათი არის სრულიად უფასო და მომხმარებელს არ ხვდება დაფარული საკომისიოები.
ახალი თიბისი ბარათის გაუმჯობესებული პირობებით სარგებლობა – სამმაგი დაგროვება, სამოგზაურო უპირატესობები და სხვა, თიბისის კონცეპტ და კონცეპტ 360 ბარათებითაა შესაძლებელი.
ადგილობრივი თვითმმართველობის არჩევნები 12 კვირაში გაიმართება. მოვინიშნოთ ევროპარლამენტის რეზოლუციაზე ევროკომისრის პოზიცია, როგორც, ამ საარჩევნო ციკლში, ბრიუსელის პირველი ჩარევა საქართველოს არჩევნებში, მისი ჩაშლის მიზნით, – ამის შესახებ საქართველოს პარლამენტის თავმჯდომარე, შალვა პაპუაშვილ წერს.
როგორც ის აღნიშნავს, ადგილობრივი თვითმმართველობის არჩევნები 12 კვირაში გაიმართება.
„ევროპარლამენტმა, გუშინდელი რეზოლუცია, რომელიც რადიკალურ ოპოზიციას მიუთითებს, მონაწილეობა არ მიიღონ თვითმმართველობის არჩევნებში, კომისარ მარტა კოსის მონაწილეობით და მისი მხრიდან, რეზოლუციის ავტორის, რასა იუკნევიჩიენეს მიმართ კომპლიმენტების ფონზე მიიღო.
ადგილობრივი თვითმმართველობის არჩევნები 12 კვირაში გაიმართება.
მოვინიშნოთ ევროპარლამენტის რეზოლუციაზე ევროკომისრის პოზიცია, როგორც, ამ საარჩევნო ციკლში, ბრიუსელის პირველი ჩარევა საქართველოს არჩევნებში, ამჯერად, მისი ჩაშლის მიზნით, რაც საქართველოს მოქალაქეებისთვის საარჩევნო უფლების წართმევის მცდელობის ტოლფასია“, – წერს პაპუაშვილი.
„მოსახლეობა კარგად ხედავს იმ ხელშესახებ ცვლილებებს, რომლებიც გამწვანებისა და გარემოს დაცვის მიმართულებით დედაქალაქში განხორციელდა“, – ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა.
მან ასევე, გარემოს დაცვის პოლიტიკის მიმართულებით დედაქალაქში მიმდინარე და განხორციელებული პროექტები შეაჯამა.
„დედაქალაქის ბიუჯეტის ზრდასთან ერთად, რა თქმა უნდა, გაიზარდა კონკრეტული, პრიორიტეტული მიმართულებების დაფინანსებაც, რაც საბოლოო ჯამში, დადებითად აისახება დედაქალაქის, როგორც ვიზუალურ მხარეზე, ისე მოქალაქეების ცხოვრების ყოველდღიურ ხარისხზე. მეტი გამწვანებული სივრცე, ტყე თუ სპორტული მოედანი, ავტომატურად ნიშნავს ჰაერის გაუმჯობესებულ ხარისხს, დასვენებისა თუ გართობის მეტ შესაძლებლობას, სიმშვიდესა და სილამაზეს ჩვენს დედაქალაქში“, – განაცხადა კახა კალაძემ.
მისივე თქმით, რეკრეაციული სამუშაოების ჩასატარებლად მუნიციპალიტეტს დიდი ძალისხმევის გაღება უწევს გასხვისებული ტერიტორიების გამოსასყიდად.
„ჩვენთვის იმდენად პრიორიტეტულია გამწვანებული სივრცების მოწყობა, მოსახლეობის საკეთილდღეოდ აღნიშნულ მოლაპარაკებებზე მივდივართ. ბევრი ტერიტორიის დაბრუნება მოგვიწია. ცუდი პრაქტიკა იყო. 2017 წლამდე ხდებოდა რეკრეაციული სივრცეების, სპორტული მოედნების გასხვისება, რომ შემდეგ სამშენებლო სამუშაოები ჩატარებულიყო. ასეთი იყო ვაკის პარკის, კუს ტბის მიმდებარე ტერიტორია და ა.შ. ეს პროცესი დღესაც მიმდინარეობს. მაგალითად, დიღმის ტყე-პარკის ტერიტორია“, – აღნიშნა კახა კალაძემ.
თბილისის მერმა დედაქალაქის განვითარების პროცესში ჩართულ ყველა პირს მადლობა გადაუხადა.
კომუნიკაციების კომისიამ „TV პირველი“, „ფორმულა“ და „მთავარი არხი“ ახალი ამბების გადაცემისას მიუკერძოებლობის პრინციპის დარღვევისთვის სამართალდამრღვევებად ცნო და სამივე მაუწყებელი ადმინისტრაციული პასუხისმგებლობისგან გაათავისუფლა. ამის შესახებ ინფორმაციას კომუნიკაციების კომისია ავრცელებს.
მათი ცნობით, მედიების წინააღდეგ საჩივარი „ქართული ოცნება – დემოკრატიული საქართველომ“ შეიტანა.
„საჩივრით დადგინა, რომ მაუწყებლებმა ახალი ამბების გაშუქების მომენტში საკუთარი პოზიცია გამოხატა, რაც ეწინააღმდეგება მაუწყებლობის მიუკერძოებლობის პრინციპს და „მაუწყებლობის შესახებ“ საქართველოს კანონის მოთხოვნებს არღვევს.
ამასთან ერთად, საჩივარში ასევე სადავოდ იყო გამხდარი „TV პირველის“, „ფორმულას“ და „მთავარი არხის“ მიერ სოციალურ ქსელში გავრცელებული ინფორმაციაც, რა შემთხვევაშიც, კანონის თანახმად, იდენტური სამართლებრივი რეგულაციები ვრცელდება, შესაბამისად, ComCom-ის შეფასებით, აღნიშნულ შემთხვევებშიც ადგილი ჰქონდა „მაუწყებლობის შესახებ“ საქართველოს კანონის დარღვევას.
პოლიტიკური გაერთიანება „ქართული ოცნება – დემოკრატიული საქართველო“ საჩივარში მიუთითებდა, რომ ახალი ამბების პროგრამაში მაუწყებლების მიერ არ მოხდა ფაქტისა და მოსაზრების გამიჯვნა, რითაც მათივე მტკიცებით ირღვეოდა „მაუწყებლობის შესახებ“ საქართველოს კანონის, კერძოდ 54-ე მუხლის მე-2 პუნქტის მოთხოვნები. თუმცა, საკითხის შესწავლის შედეგად კომუნიკაციების კომისიამ არარელევანტურად ჩათვალა ამ პუნქტის დარღვევაზე მსჯელობა, რადგანაც მაუწყებლის მიერ აღნიშნული პუნქტი ვერ დაირღვეოდა, იმის გათვალისწინებით, რომ „მაუწყებლობის შესახებ“ საქართველოს კანონის 54-ე მუხლის მე-5 პუნქტის თანახმად, მაუწყებლის მიერ ახალი ამბებისა და საზოგადოებრივ-პოლიტიკურ პროგრამაში რომელიმე პოლიტიკური პარტიის, საზოგადოებრივი, რელიგიური გაერთიანების ან სხვა ინტერესთა ჯგუფის მხარდამჭერი ან საწინააღმდეგო პოზიციის გამოხატვა საერთოდ აკრძალულია.
შესწავლილ გარემოებებზე დაყრდნობით, კომუნიკაციების კომისიამ დაადგინა, რომ მაუწყებლების მხრიდან დარღვეული იყო „მაუწყებლობის შესახებ“ საქართველოს კანონის 54-ე მუხლის მე-5 პუნქტისა და 591 მუხლის მე-5 პუნქტის მოთხოვნები. დარღვევის დადასტურების შემთხვევაში, კომუნიკაციების კომისია უფლებამოსილია, მაუწყებლებს შეუფარდოს კანონით გათვალისწინებული სანქცია, თუმცა, იმის გათვალისწინებით, რომ დარღვევა ჩადენილ იქნა „მაუწყებლობის შესახებ“ საქართველოს კანონის 764 მუხლით განსაზღვრულ გარდამავალ პერიოდში, ასევე, კომისიამ მხედველობაში მიიღო ის გარემოებაც, რომ მას აქამდე არ უმსჯელია მაუწყებლის მიუკერძოებლობის სტანდარტებზე, ასევე, არ შეუფასებია მაუწყებლის მიერ ახალი ამბების პროგრამაში მიუკერძოებლობის დაცვისა და საკუთარი მოსაზრების გამოხატვის აკრძალვის მოთხოვნები, ამ გარემოებათა ერთობლიობის საფუძველზე ComCom-მა მაუწყებლები სამართალდამრღვევებად ცნო, მაგრამ ადმინისტრაციული პასუხისმგებლობისგან გაათავისუფლა“, – ნათქვამია ინფორმაციაში.
„შემიძლია დაგპირდეთ, რომ კანონის აღსრულების ნაწილში, მაქსიმალურად ლოიალურები ვიქნებით, განსაკუთრებით იქამდე, ვიდრე პრაქტიკა დაინერგება. ჩვენ დაინტერესებული ვართ ისევე, როგორც საზოგადოება და თქვენც, რომ დეზინფორმაცია არ ვრცელდებოდეს და შეცდომაში არ იქნეს შეყვანილი ჩვენი საზოგადოება, ასევე არ მოხდეს ფაქტის არასწორად ინტერპრეტირება და არ დამახინჯდეს სპეციალურად, კონკრეტული მოსაზრება არ გასაღდეს ფაქტად და დავიცვათ მაყურებლის ინტერესები“, – განაცხადა კომუნიკაციების კომისიის თავმჯდომარემ, კახა ბექაურმა, კომისიის გასულ სხდომაზე.
„შეგახსენებთ, რომ 2025 წლის 1 აპრილს, „მაუწყებლობის შესახებ“ კანონში შესული ცვლილებებით ახლებურად მოწესრიგდა მაუწყებლების მიმართ არსებული მოთხოვნები, კერძოდ: ფაქტის ჯეროვანი სიზუსტე და პასუხის უფლება; სამართლიანობა და მიუკერძოებლობა; პირადი ცხოვრების ხელშეუხებლობა; მაუწყებლის მიერ ფარული მეთოდის გამოყენებით ინფორმაციის მოპოვება ან/და გადაცემა; შეიარაღებული დაპირისპირების, უბედური შემთხვევის ან/და სხვა საგანგებო ვითარების გაშუქება და პროგრამაში მონაწილე არასრულწლოვანი პირის დაცვის ცალკეული საკითხები. აღსანიშნავია, რომ კანონის ძალაში შესვლამდე, ჩამოთვლილი მოთხოვნების დიდი ნაწილი აღსრულდებოდა მხოლოდ მაუწყებლის თვითრეგულირების ორგანოს მიერ, რომლის გადაწყვეტილების სასამართლოში, კომისიაში ან სხვა ადმინისტრაციულ ორგანოში გასაჩივრება არ დაიშვებოდა. კანონში 1 აპრილს შესული ცვლილებების მიხედვით კი, ჩამოთვლილი მოთხოვნების დარღვევებზე კომუნიკაციების კომისიას სამართლებრივი რეაგირების უფლებამოსილება მიენიჭა“, – აღნიშნულია კომუნიკაციების კომისიის მიერ გავრცელებულ ინფორმაციაში.
ფარმაცევტული წარმოება ერთ-ერთი ყველაზე რეგულირებული და ტექნოლოგიურად მოწინავე ინდუსტრიაა, რომელიც მუდმივ ინოვაციასა და უპირობო ხარისხს მოითხოვს. GM PHARMA — საერთაშორისო ფარმაცევტული კომპანია, 600-ზე მეტ თანამშრომელს აერთიანებს როგორც საქართველოში, ისე მის ფარგლებს გარეთ და მუდმივად ცდილობს ხელი შეუწყოს დასაქმებულთა პროფესიულ განვითარებას. რეგულარული ტრენინგები უზრუნველყოფს, რომ კომპანიის გუნდი მუდმივად პასუხობდეს ინდუსტრიის უმაღლეს სტანდარტებს.
ამჟამად, კომპანიაში 3-დღიანი პრაქტიკული სემინარი ჩატარდა, რომელიც ფოკუსირებული იყო DoE-QbD კონცეფციაზე – ხარისხის დაგეგმვის ინტეგრირებულ მიდგომას ფარმაცევტული პროდუქტის განვითარების პროცესში. სემინარში მონაწილეობა მიიღეს კომპანიის კვლევისა და განვითარების, ხარისხის კონტროლისა და ხარისხის უზრუნველყოფის დეპარტამენტების წარმომადგენლებმა, რათა გაეღრმავებინათ ცოდნა ძირითადი მიმართულებებით: (DoE ექსპერიმენტების დიზაინი (DoE) და დიზაინზე დაფუძნებული ხარისხი (QbD).
Design of Experiments (DoE) წარმოადგენს სტრუქტურირებულ, სტატისტიკურად მართვად მიდგომას, რომელიც გამოიყენება პროცესის ან პროდუქტის გასაანალიზებლად და ოპტიმიზაციისთვის. ფარმაცევტული პრეპარატების განვითარების პროცესში DoE ეხმარება იმ ფაქტორების იდენტიფიცირებაში, როგორიცაა ინგრედიენტების შეფარდება ან დამუშავების პირობები, რაც გავლენას ახდენს პროდუქტის ხარისხზე. ამ ცვლადების ადრეულ ეტაპზე ოპტიმიზაცია კომპანიას საშუალებას აძლევს შექმნას გამართული ფორმულაციები და უზრუნველყოს ეფექტიანი ტექნოლოგიური პროცესები.
Quality by Design (QbD) არის მეცნიერული და რისკზე დაფუძნებული მიდგომა ფარმაცევტული პროდუქტის განვითარებასა და წარმოებაში. ხარისხის სისტემური დაგეგმვა QbD ნიშნავს, რომ ხარისხი არ მოწმდება მხოლოდ საბოლოო პროდუქტის ტესტირებით, არამედ ხარისხზე ფიქრი და ზრუნვა იწყება პრეპარატის შემუშავების, დაგეგმვის ადრეულ ეტაპზე და მოიცავს პრეპარატის სრულ სასიცოცხლო ციკლს.
DoE-QbD სემინარს ხელმძღვანელობდა დოქტორი შივანგ ჩაუდარი – ფარმაცევტულ მეცნიერებათა დოქტორი და საერთაშორისო აღიარების მქონე QbD ექსპერტი. ის არის QbD-Expert™ პლატფორმის დამფუძნებელი და ავტორი 150-მდე მზა ფორმულაციის შაბლონის, რომლებიც შექმნილია წამლების განვითარების პროცესის გასამარტივებლად. დოქტორი ჩაუდარის აღნიშნული პლატფორმა წარმატებით გამოიყენება როგორც ინოვაციური, ისე გენერიკული მედიკამენტების შექმნის პროცესში.
როგორც დოქტორი შივანგ ჩაუდარი აღნიშნავს:მოწინავე მიდგომების დანერგვით, როგორიცაა Design of Experiments (DoE) and Quality by Design (QbD), GM PHARMA ამაღლებს ახალი მედიკამენტების განვითარების პროცესის ეფექტიანობას, ამცირებს რისკებს და პარალელურად შეესაბამება საერთაშორისო რეგულატორი ორგანოების — FDA-ის, EMA-სა და ICH-ის — მკაცრ მოთხოვნებს. აღნიშნული სისტემები წარმოადგენენ ოქროს სტანდარტს ფარმაცევტულ წარმოებაში ხარისხის პრაქტიკული მართვისთვის და უზრუნველყოფენ გამართულ ტექნოლოგიურ პროცესებს, რომლებიც შეესაბამება გლობალურ მოლოდინებს ახალ პრეპარატებზე მუშაობის საწყისი ეტაპიდანვე.“
GM PHARMA-ს გენერალური დირექტორი, ლევან ვარდუაშვილი, აღნიშნავს: „DoE–QbD პრინციპების ინტეგრაცია მნიშვნელოვან წინ გადადგმულ ნაბიჯს წარმოადგენს GM PHARMA-ს კვლევისა და განვითარების მიმართულებისთვის. ფარმაცევტული ინდუსტრია, რომელიც ერთ-ერთ ყველაზე რეგულირებულ და ტექნოლოგიურად განვითარებულ სფეროდ ითვლება, მუდმივ განვითარებასა და სტანდარტების უპირობო დაცვას მოითხოვს. სწორედ ამგვარი ტრენინგები კიდევ ერთხელ ადასტურებს ჩვენს ერთგულებას ინოვაციის, რეგულაციური სრულყოფილებისა და გლობალური მასშტაბით მაღალი ხარისხის ფარმაცევტული პროდუქტების მიწოდებისადმი.“
შეგახსენებთ, რომ საერთაშორისო, მულტინაციონალური ფარმაცევტული კომპანია GM PHARMA-ს საწარმო თბილისში 25-წლიანი უწყვეტი განვითარების ისტორიის მქონე წამყვანი ფარმაცევტული წარმოებაა სამხრეთ კავკასიის რეგიონში და დღემდე რჩება ერთადერთ, მედიკამენტების მყარი სამკურნალო ფორმების წარმოების სრული ტექნოლოგიური ციკლის მქონე საწარმოდ საქართველოში.
კომპანია ფლობს ფარმაცევტული წარმოებისთვის აუცილებელ ყველა ნაციონალურ თუ საერთაშორისო სერტიფიკატსა და ნებართვას – საქართველოს ნაციონალური GMP სერტიფიკატი, საერთაშორისო PIC/S GMP სერტიფიკატი, ISO 9001:2017, ISO 17025 და სხვა.
დაარსებიდან 25 წლის შემდეგ, GM PHARMA კვლავ ინარჩუნებს ამბიციურ მიზნებს – ამჯერად კომპანიის მთავარი პრიორიტეტი ევროკავშირის კარგი საწარმოო პრაქტიკის EU GMP სერტიფიკატის მიღებაა, რაც გამოკვეთს კომპანიის ერთგულებას ხარისხის უმაღლესი სტანდარტებისადმი და მნიშვნელოვანი ფაქტორია ახალი ტერიტორიების ათვისების ხელშეწყობისთვის – GM PHARMA გეგმავს ოპერირების დაწყებას ევროკავშირის ქვეყნებში, სამხრეთ აღმოსავლეთ აზიაში, სამხრეთ და ცენტრალურ ამერიკაში, რაც კომპანიას სტრატეგიული ზრდის მიღწევასა და საერთაშორისო ფარმაცევტულ ინდუსტრიაში პოზიციების გამყარებაში დაეხმარება.
დაფუძნების დღიდან კომპანიის ფასეულობები უცვლელია – მეცნიერულ მიდგომებზე, ინდუსტრიის საუკეთესო პრაქტიკაზე დაყრდნობით პროდუქტების ხარისხის მუდმივი სრულყოფა, ისეთი მედიკამენტების წარმოება-მიწოდება, რომელიც პაციენტების ცხოვრების ხარისხს გააუმჯობესებს და მათ სიცოცხლეს გაახანგრძლივებს.
GM PHARMA – ემსახურება მათ, ვისაც ყველაზე მეტად სჭირდება!
შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალებების უკანონო შეძენა – შენახვის ბრალდებით ისრაელის მოქალაქე 1984 წელს დაბადებული მ.კ., რუსეთის მოქალაქე 2004 წელს დაბადებული ე.მ. და ბელარუსის მოქალაქე 1997 წელს დაბადებული ვ.ნ. სხვადასხვა დროს დააკავეს. ინფორმაციას შინაგან საქმეთა სამინისტრო ავრცელებს.
დანაშაულები 20 წლამდე ან უვადო თავისუფლების აღკვეთას ითვალისწინებს.
სამართალდამცველებმა დაკავებულების პირადი და საცხოვრებელი ბინების ჩხრეკის შედეგად, ნივთმტკიცებად ამოიღეს განსაკუთრებით დიდი ოდენობით ნარკოტიკული საშუალებები: „მეფედრონ“, „მეთადონი“ და „ალფა -პვპ“. ასევე ამოღებულია ნარკოტიკული საშუალებების დაფასოებისთვის საჭირო ნივთები.
გამოძიება სისხლის სამართლის კოდექსის 260-ე მუხლით მიმდინარეობს.
რუსეთმა კიევს დრონებითა და რაკეტებით მასიურად დაარტყა.
როგორც კიევის საქალაქო სამხედრო ადმინისტრაციის ხელმძღვანელმა, თემურ ტკაჩენკომ განაცხადა, დაიღუპა 2 ადამიანი, 13 კი დაშავდა. უკრაინის დედაქალაქის ექვს რაიონში „იწვის საცხოვრებელი სახლები, ავტომობილები, საწყობები, საოფისე შენობები“.
ტკაჩენკომ ასევე დაწერა, რომ კიევში ჰაერის დაბინძურების დონე ამაღლებულია. მან მოუწოდა დედაქალაქის მცხოვრებლებს, არ გააღონ ფანჯრები. კიევის ოლქში რუსების თავდასხმა თითქმის 10 საათს გაგრძელდა, როგორც ადგილობრივი ხელისუფლება იუწყება, დაშავდა ერთი ადამიანი.
რუსების მიერ კიევზე განხორციელებული მასიური იერიშის შედეგად, სულ მცირე, 2 ადამიანი დაიღუპა და 16 დაშავდა, – ამის შესახებ ინფორმაციას უკრაინული მედია ავრცელებს.
უკრაინის შინაგან საქმეთა სამინისტროს ცნობით, 10 ივლისის ღამეს, რუსული ძალების მიერ კიევზე განხორციელებული მასიური საჰაერო იერიშის შედეგად, ორი ქალბატონი დაიღუპა, 68 წლის ადგილობრივი მცხოვრები და 22 წლის პოლიციის კაპრალი.
ასევე, უკრაინის შინაგან საქმეთა უწყებაში განაცხადეს, რომ ქვეყნის დედაქალაქის 8 რაიონში საცხოვრებელი, სამედიცინო, საგანმანათლებლო, კომერციული და სატრანსპორტო ინფრასტრუქტურა დაზიანდა.
კიევის მერის, ვიტალი კლიჩკოს ინფორმაციით, დაშავებულთა რაოდენობა 16-მდე გაიზარდა.
„ექიმებმა 10 მათგანი საავადმყოფოებში გადაიყვანეს, ხოლო დანარჩენებს დახმარება ადგილზე გაუწიეს“, – წერს ვიტალი კლიჩკო „ტელეგრამის“ არხზე.
გამთენიისას, თელ-ავივში საჰაერო განგაშის ხმა ისმოდა. ისრაელის მიმართულებით იემენიდან ბალისტიკური რაკეტა ჰუსიტების რადიკალურმა დაჯგუფებამ გაუშვა. თავდასხმის მოგერიება რკინის გუმბათმა შეძლო.
ამავე დროს, ისრაელი ღაზაში სამხედრო მოქმედებებს განაგრძობს. ბოლო 24 საათის განმავლობაში, “ცაჰალის” დარტყმებს 74 ადამიანი ემსხვერპლა. არიან დაჭრილები.
“ჰამასი” აცხადებს, რომ ცეცხლის შეწყვეტის სანაცვლოდ, მზადაა, 10 ისრაელელი მძევალი გაათავისუფლოს.
როგორც Fox News-თან საუბრის დროს, ისრაელის პრემიერ-მინისტრმა, ბენიამინ ნეთანიაჰუმ განაცხადა, ღაზაში პროცესები ცეცხლის შეწყვეტის ფაზას უახლოვდება.
გააანალიზეთ განვლილი პერიოდი თავისი შედეგებით. კარგი იქნება, თუ მშვიდ გარემოში გაატარებთ საღამოს, მნიშვნელოვანი კვირა იწყება, ამიტომ, დაისვენეთ.
კურო
აქტიური დასვენება ახლა ყველაზე მეტად გჭირდებათ. ხვალიდან მნიშვნელოვანი კვირა იწყება.
ტყუპები
ფერადი მოვლენებით დახუნძლული დღეა. იყავით წინდახედული, შესაძლოა ვერ შეასრულოთ მნიშვნელოვანი დაპირება. სერიოზულ საკითხების გადაჭრაც ნუ იჩქარებთ.
კირჩხიბი
თავდაჯერბულობა და მტკიცე ხასიათი! სწორედ ეს თვისებები გჭირდებათ ახლა, რათა იზეიმოთ გამარჯვება. ნუ ჩაიკეტებით სახლში, კარგია აქტიური დასვენება.
ლომი
დიდია იმის შანსი, რომ გაფართოვდეს თქვენი გავლენისა და მოქმედების სფერო, ამაში დაგეხმარებიან ძველი და ახალი თანამოაზრეები. მოიწვიეთ მეგობრები სახლში და გაერთეთ.
ქალწული
შესაძლოა, დღეიდან გაუმჯობესდეს თქვენი ფინანსური მდგომარეობა. მოემზადეთ კარიერული წინსვლისთვის. ახალი სფეროების ან ტექნოლოგიების ათვისება ახლა მეტად შედეგიანია.
სასწორი
შეეცადეთ, აღადგინოთ ძველი მეგობრული კავშირები და ურთიერთობები, საქმიანი კონტაქტები, რათა დადებითად გადაჭრათ ნებისმიერი პრაქტიკული ამოცანა.
მორიელი
შესაძლოა, გავლენიანი ნაცნობები და მფარველებიც შეიძინოთ. უარი არ თქვათ აქტიურ დასვენებაზე.
მშილდოსანი
თქვენი შეუპოვრობა დაგეხმარებათ გაუგებრობების გადალახვასა და ოჯახის წევრებთან დაპირისპირების თავიდან აცილებაში.
თხის რქა
მოაწესრიგეთ გარემო, შეცვალეთ სახლის დიზაინი, საღამოს კი დაისვენეთ, ახლა ეს ძალიან გჭირდებათ.
მერწყული
სასურველია, გამოიყენოთ მომენტი და იზრუნოთ ფინანსურ მოგებაზე, თქვენ ძალიან დიდი პოტენციალი გაქვთ. ამასთან, არ დაგავიწყდეთ, რომ უქმე დღეა.
თევზები
ნუ იქნებით სხვების იმედად, დარწმუნებული იყავით რომ საკუთარი ძალებითაც მშვენივრად გაართმევთ თავს პრობლემებსა თუ სირთულეებს, გამოიყენეთ თქვენი შემოქმედებითი პოტენციალი და მოქნილობა.
