პრემიერ-მინისტრმა და პარლამენტის თავმჯდომარემ საქართველოს კალათბურთის ფედერაციის ხელმძღვანელობა და ვაჟ კალათბურთელთა ეროვნული ნაკრების წევრები ღირსების ორდენზე წარადგინეს. ამის შესახებ ინფორმაციას მთავრობის ადმინისტრაცია ავრცელებს.

„საქართველოს ისტორიაში პირველად კალათბურთში მსოფლიო ჩემპიონატის საგზურის მოპოვებისთვის, მსოფლიოს 16 საუკეთესო ნაკრებს შორის მოხვედრისა და კალათბურთში ევროპის ჩემპიონატზე მეექვსედ ასპარეზობის შესაძლებლობისთვის პრემიერ-მინისტრმა და პარლამენტის თავმჯდომარემ საქართველოს ვაჟ კალათბურთელთა ეროვნული ნაკრების წევრები ღირსების ორდენზე წარადგინეს.

სახელმწიფო ჯილდო გადაეცემა საქართველოს ვაჟ-კალათბურთელთა ეროვნული ნაკრების შემადგენლობას – მიხეილ ბერიშვილს, დუდა სანაძეს, რატი ანდრონიკაშვილს, გოგა ბითაძეს, ალექსანდრე მამუკელაშვილს, კახაბერ ჯინჭარაძეს, ბექა ბექაურს, ლუკა ლიკლიკაძეს, გიორგი ტურძილაძეს, დავით კაკუშაძეს, ბექა ბურჯანაძეს, გიორგი ცინცაძეს, თადუს მაქფადენს, გიორგი კორსანტიას, ალექსანდრე ფევაძეს, ლუკა მაზიაშვილს, მათე ხატიაშვილს, კამარ ბოლდუინს, გიორგი ოჩხიკიძეს, ოთარ ფხაკაძეს, ნიკოლოზ გაფრინდაშვილს, რევაზ როგავას, ჯოზეფ თომასონს;

ღირსების ორდენზე ასევე წარდგენილია საქართველოს ვაჟ-კალათბურთელთა ეროვნული ნაკრების სამწვრთნელო შტაბი – ილიას ზუროსი, ალექსანდარ ჯიკიჩი, მანუჩარ მარკოიშვილი, ანატოლი ბოისა, გეორგიოს ლიმნიატისი, დავიდ დუფორი, ფილიპ მიჰაილოვიჩი, მარკო ესპოსიტო, ირაკლი შიოშვილი, ნიკოლოზ ცინცაძე;

საქართველოს კალათბურთის ფედერაციის ხელმძღვანელობა – ფედერაციის პრეზიდენტი – ვიქტორ სანიკიძე; ფედერაციის გენერალური მდივანი – ლაშა გამყრელიძე; ფედერაციის პირველი ვიცე-პრეზიდენტი – დავით საყვარელიძე და ფედერაციის ვიცე-პრეზიდენტები – ნიკოლოზ ცქიტიშვილი და ვლადიმერ ბოისა.

სპორტის დარგში გამორჩეული მიღწევისა და გაწეული ღვაწლისთვის სახელმწიფო ჯილდოზე – ბრწყინვალების ორდენზე წარდგენილნი არიან საქართველოს ვაჟ-კალათბურთელთა ეროვნული ნაკრების ყველაზე ტიტულოვანი წევრები: ორგზის ევროლიგის გამარჯვებული და ორგზის ესპანეთის ჩემპიონატის სეზონის საუკეთესო მოთამაშე – გიორგი შერმადინი; 2019-2020 წლების კალათბურთში ესპანეთის ჩემპიონატის გამარჯვებული – თორნიკე შენგელია.

პრემიერ-მინისტრმა და პარლამენტის თავმჯდომარემ ღირსეული სამსახურისთვის ღირსების მედლით დაჯილდოების მიზნით პრეზიდენტს წარუდგინეს საქართველოს ვაჟ-კალათბურთელთა ეროვნული ნაკრების პერსონალი.

ირაკლი კობახიძისა და შალვა პაპუაშვილის ერთობლივი წარდგინება საქართველოს პრეზიდენტ მიხეილ ყაველაშვილს გაეგზავნა“, – ნათქვამია მთავრობის ადმინისტრაციის მიერ გავრცელებულ ინფორმაციაში.

ვერძი (21 მარტი – 19 აპრილი): დღეს შესაძლოა იგრძნოთ ენერგიის მოზღვავება და მოტივაციის ზრდა. მიუხედავად უქმე დღისა,  გამოიყენეთ ეს დრო ახალი პროექტების დასაწყებად ან არსებული საქმეების დასასრულებლად.

კურო (20 აპრილი – 20 მაისი): ფინანსურ საკითხებში სიფრთხილე გმართებთ. მოერიდეთ დიდ ინვესტიციებს და ყურადღებით განიხილეთ ყველა შეთავაზება.

ტყუპები (21 მაისი – 20 ივნისი): კომუნიკაციის უნარები დღეს განსაკუთრებით გამოგადგებათ. შესაძლოა მიიღოთ საინტერესო ინფორმაცია ან შეხვდეთ ადამიანს, რომელიც თქვენს მომავალზე დადებითად იმოქმედებს.

კირჩხიბი (21 ივნისი – 22 ივლისი): დღეს ყურადღება გაამახვილეთ საკუთარ ჯანმრთელობაზე და ემოციურ კეთილდღეობაზე. განიხილეთ მედიტაცია ან სხვა გამაჯანსაღებელი პრაქტიკები.

ლომი (23 ივლისი – 22 აგვისტო): შემოქმედებითი ენერგია პიკს მიაღწევს. გამოიყენეთ ეს დრო ახალი იდეების განსახორციელებლად ან ჰობიში ჩასართავად.

ქალწული (23 აგვისტო – 22 სექტემბერი): სახლთან და ოჯახთან დაკავშირებული საკითხები წინ წამოიწევს. შესაძლოა, დაგეგმოთ რემონტი ან ოჯახური შეკრება.

სასწორი (23 სექტემბერი – 22 ოქტომბერი): დღეს კომუნიკაცია და ურთიერთობები იქნება ყურადღების ცენტრში. შესაძლოა მიიღოთ საინტერესო შემოთავაზებები ან შეხვდეთ ძველ მეგობრებს.

მორიელი (23 ოქტომბერი – 21 ნოემბერი): ფინანსური საკითხები აქტუალური გახდება. ყურადღებით განიხილეთ ხარჯები და შემოსავლები, რათა თავიდან აიცილოთ არასასურველი სიურპრიზები.

მშვილდოსანი (22 ნოემბერი – 21 დეკემბერი): დღეს შესაძლოა იგრძნოთ მოგზაურობის ან ახალი ცოდნის მიღების სურვილი. განიხილეთ სწავლის ახალი შესაძლებლობები ან მცირე მოგზაურობა.

თხის რქა (22 დეკემბერი – 19 იანვარი): მიუხედავად უქმე დღისა, სამუშაოსთან დაკავშირებული საკითხები წინ წამოიწევს. შესაძლოა მიიღოთ ახალი პასუხისმგებლობები ან განიხილოთ კარიერული ცვლილებები.

მერწყული (20 იანვარი – 18 თებერვალი): დღეს სოციალური აქტივობები და მეგობრებთან ურთიერთობა იქნება პრიორიტეტული. შესაძლოა შეხვდეთ ახალ ადამიანებს ან ჩაერთოთ ჯგუფურ პროექტებში.

თევზები (19 თებერვალი – 20 მარტი): დღეს ყურადღება გაამახვილეთ საკუთარ მიზნებზე და გეგმებზე. შესაძლოა, მიიღოთ შთაგონება ახალი პროექტის დასაწყებად, ან არსებული იდეების განსახორციელებლად.

გაითვალისწინეთ, რომ ეს ზოგადი პროგნოზებია და ინდივიდუალური გამოცდილება შეიძლება განსხვავდებოდეს.

ბედნიერ უქმეებს გისურვებთ!

ბოლო პერიოდში საზოგადოება ნათლად ხედავს, რომ თბილისში, საქართველოს პარლამენტის წინ მიმდინარე აქცია/მანიფესტაციის მონაწილეები მიზანმიმართულად და ხელოვნურად ახდენენ რუსთაველის გამზირის გადაკეტვას, ისე, რომ ამას არ მოითხოვს შეკრების მონაწილეთა რაოდენობა, – ამის შესახებ განცხადებას შინაგან საქმეთა სამინისტრო ავრცელებს.

როგორც უწყების განცხადებაშია აღნიშნული, შსს-ს მოსამსახურეების მხრიდან მუდმივად ხდება ზემოაღნიშნულ სამართალდამრღვევ პირთა იდენტიფიცირება და სახდელის შეფარდება, ხოლო თითოეულ სამართალდამრღვევს განემარტება, რომ თუ იგი არ ეთანხმება საჯარიმო ქვითარს, უფლებამოსილია გაასაჩივროს.

„გვსურს გამოვეხმაუროთ მედიასაშუალებებით გავრცელებულ ინფორმაციას ბოლო პერიოდში მიმდინარე შეკრება/მანიფესტაციის მონაწილეთა ადმინისტრაციული წესით დაჯარიმების შესახებ.

საზოგადოების დამატებით ინფორმირების მიზნით განვმარტავთ, რომ „შეკრებებისა და მანიფესტაციების შესახებ“ საქართველოს კანონის თანახმად, დაუშვებელია ტრანსპორტის სავალი ნაწილის ხელოვნურად გადაკეტვა, თუ ამას არ მოითხოვს შეკრების ან მანიფესტაციის მონაწილეთა რაოდენობა. აღნიშნული ვალდებულების დარღვევა წარმოადგენს ადმინისტრაციულ სამართალდარღვევათა კოდექსის 174-ე პრიმა მუხლით გათვალისწინებულ გადაცდომას და ითვალისწინებს ჯარიმას 5 000 ლარის ოდენობით ან ადმინისტრაციულ პატიმრობას 15 დღემდე ვადით.

ბოლო პერიოდში საზოგადოება ნათლად ხედავს, რომ თბილისში, საქართველოს პარლამენტის წინ მიმდინარე აქცია/მანიფესტაციის მონაწილეები მიზანმიმართულად და ხელოვნურად ახდენენ რუსთაველის გამზირის გადაკეტვას, ისე, რომ ამას არ მოითხოვს შეკრების მონაწილეთა რაოდენობა.

შინაგან საქმეთა სამინისტროს მოსამსახურეების მხრიდან მუდმივად ხდება ზემოაღნიშნულ სამართალდამრღვევ პირთა იდენტიფიცირება და ადმინისტრაციულ სამართალდარღვევათა კოდექსის 174-ე პრიმა მუხლით გათვალისწინებული სახდელის შეფარდება.

დამატებით უნდა აღინიშნოს, რომ თითოეულ სამართალდამრღვევს განემარტება, რომ თუ იგი არ ეთანხმება საჯარიმო ქვითარს, უფლებამოსილია გაასაჩივროს საქართველოს კანონმდებლობით დადგენილი წესით და წარმოადგინოს მის ხელთ არსებული მტკიცებულებები.

საჩივრის განხილვის ფარგლებში, შინაგან საქმეთა სამინისტრო უზრუნველყოფს საქმის ყველა ფაქტობრივი გარემოების დამატებით დეტალურ გამოკვლევას და საჩივარზე შესაბამისი გადაწყვეტილების მიღებას“, – ნათქვამია განცხადებაში.