უარს ვაცხადებ ნებისმიერი სახის თანხის მიღებაზე სახელმწიფო ბიუჯეტიდან, – ამის შესახებ დმანისისა და აგარაკ-ტაშირის მთავარეპისკოპოსი, ზენონი (იარაჯული) სოციალურ ქსელში წერს.

მეუფე ზენონი „ფეისბუქზე“ გავრცელებულ „პოსტში“ საუბრობს უთანასწორობასა და უსამართლობაზე და აცხადებს, რომ მის პოზიციაში განსაკუთრებული არაფერია.

„სრულიად თვალსაჩინო უთანასწორობა, უსამართლობა. 18 მილიონი დემონსტრანტთა ჯარიმა. უარს ვაცხადებ ნებისმიერი სახის თანხის მიღებაზე სახელმწიფო ბიუჯეტიდან.

არაფერი განსაკუთრებული ჩემს პოზიციასა და განაცხადში. ეს უბრალოდ შეუძლებელია!

“ეს ხალხი გაძარცულია და დარბეული..საპყრობილეებში გამოკეტილნი; ტყვედ მიჰყავთ, მხსნელი კი არ არის.” / ეს. 42,22/“, – წერს მეუფე ზენონი.

უამინდობის გამო მატარებლების კიდევ რამდენიმე რეისი გაუქმდა. ინფორმაციას საქართველოს რკინიგზა ავრცელებს.

კერძოდ, საქართველოს რკინიგზა დამატებით გაცნობებთ, რომ გურიაში არსებული უამინდობის გამო, უქმდება მატარებლების რამდენიმე რეისი, კერძოდ:

23 თებერვალი – ქუთაისი-ბათუმი-ქუთაისის საღამოს რეისი;

25 თებერვალი – თბილისი-ოზურგეთი;

25 თებერვალი – რიონი-ქუთაისი-რიონი;

25 თებერვალი -ქუთაისი-ბათუმი-ქუთაისი;

25 თებერვალი -ბათუმი -ოზურგეთი-ბათუმი;

26 თებერვალი – ოზურგეთი-თბილისი;

26 თებერვალი – რიონი- ქუთაისი-რიონი;

„საქართველოს რკინიგზა ბოდიშს გიხდით შექმნილი დისკომფორტის გამო. მგზავრებს ბილეთის საფასური სრულად აუნაზღაურდებათ”, – წერია ინფორმაციაში.

ფოთის მუნიციპალიტეტში თოვლის სახით მოსულმა უხვმა ნალექმა პრობლემები შექმნა. ავტომანქანებს გადაადგილება უჭირთ, გარკვეულ უბნებს არ მიეწოდება ელექტროენერგია.

მერიის ინფორმაციით, ნალექისგან გზებისა და ტროტუარების გაწმენდა ინტენსიურად მიმდინარეობს, იყრება ტექნიკური მარილი.

მათივე ცნობით, ამ დროისთვის ელექტროენერგია არ მიეწოდება 6 000-მდე აბონენტს. აღდგენითი სამუშაოები უწყვეტ რეჟიმში გრძელდება და 17:00 საათისთვის სრულად აღდგება ელექტროენერგიის მიწოდება.

მოსალოდნელი უამინდობის გამო, 24 და 25 თებერვალს ფოთის საბავშვო ბაღებში სააღმზრდელო პროცესი დროებით შეჩერდება, ასევე მხოლოდ, 24 თებერვალს სასწავლო პროცესი შეჩერდება საჯარო სკოლებში.

მერიის ინფორმაციით, მუნიციპალური სამსახურები მუშაობას საგანგებო რეჟიმში აგრძელებენ.

გურიაში არსებული უამინდობის და დიდი თოვლის გამო, მატარებლების რამდენიმე რეისი უქმდება. ამის შესახებ ინფორმაციას „საქართველოს რკინიგზა ავრცელებს.

კერძოდ გაუქმდა შემდეგი რეისები:

24 თებერვალი – ოზურგეთი-თბილისი;

24 თებერვალი – ბათუმი-ოზურგეთი ;

24 თებერვალი – რიონი-ქუთაისი-რიონი;

„შეგახსენებთ, რომ ქუთაისში მიმავალი მგზავრები, ოზურგეთის მიმართულებით მოძრავი მატარებლით რიონის სადგურამდე მგზავრობენ. ხოლო რიონის სადგურიდან ქუთაისი 1-ის სადგურამდე მგზავრობენ საგარეუბნო ელექტრომატარებლებით, რომელთა გრაფიკი მორგებულია თბილისი-ოზურგეთი-თბილისის მატარებლის განრიგს.

შესაბამისად, 24 თებერვალს ოზურგეთი -თბილისის სამგზავრო რეისის გაუქმების შედეგად უქმდება რიონი-ქუთაისი-რიონის ელექტრომატარებელიც.

საქართველოს რკინიგზა ბოდიშს გიხდით შექმნილი დისკომფორტის გამო.მგზავრებს ბილეთის საფასური სრულად აუნაზღაურდებათ“,- ნათქვამია ინფორმაციაში.

ვერძი

ეს დღე შეიძლება მშვიდად დაიწყოს, მაგრამ საღამო მოვლენები გააქტიურდება. გამორიცხული არ არის, რომ წვეულებაზე დაგპატიჟონ ან სიურპრიზი მოგიწყონ, რომელიც ჩვეული რიტმიდან გამოგიყვანთ. თუ დღესასწაულის აღნიშვნას გეგმავთ, ეცადეთ მეტი სიფრთხილე გამოიჩინოთ – თუ რამე გაღიზიანებთ, ჯობია ცოტა ხნით გაერიდოთ, ვიდრე კონფლიქტში მოხვდეთ.

რჩევა: მნიშვნელოვანია ყველაფერში ზომიერება დაიცვათ, რომ დღესასწაული სტრესის მიზეზი არ გახდეს.

კურო

მშვიდი დღეა, თუ თავად არ გადაწყვეტთ მასში ქაოსის შეტანას. შესაძლოა, რაღაც ინტრიგებში თქვენი ჩათრება სცადონ, მაგრამ ვარსკვლავები გირჩევენ, პროვოკაციებს არ აჰყვეთ და სხვა ადამიანების საქმეებში არ ჩაერიოთ. ამ დღეს თქვენს სხეულს ჩვეულებრივზე მეტი დასვენება სჭირდება, ამიტომ თავს ზედმეტი აქტიურობით ნუ დატვირთავთ.

რჩევა: თავი შორს დაიჭირეთ ადამიანებისგან, რომლებიც გაღიზიანებთ. ამ დღეს ძალების აღდგენა გჭირდებათ და არა დაპირისპირება.

ტყუპები

სადღესასწაულო ატმოსფერო იმაზე მეტად ჩაგითრევთ, ვიდრე საჭიროა. მნიშვნელოვანია ემოციები აკონტროლოთ და საკუთარი ძალები ობიექტურად შეაფასოთ, განსაკუთრებით მაშინ, როცა საქმე ალკოჰოლურ სასმელს ეხება. ეცადეთ გვერდით გყავდეთ ის ადამიანი, ვის გვერდითაც თავს კომფორტულად გრძნობ და არა ის, ვისაც გარკვეული როლის შესრულება ეკისრება.

რჩევა: ამ დღეს ყველაზე მეტად „ცხელ გულზე“ გადაწყვეტილებების მიღებას უნდა ერიდოთ. შესაძლოა, რაღაც ისეთი გააკეთოთ, რასაც დიდხანს ინანებთ.

კირჩხიბი

ეს დღე უამრავ სასიამოვნო წუთს გპირდებათ. შესაძლოა, მიგიწვიონ შეხვედრაზე, სადაც თბილი და მეგობრული ატმოსფერო იქნება ან ზეიმის მოწყობა თავად გადაწყვიტოთ. მთავარია, ზედმეტი პასუხისმგებლობა არ აიღოთ და ყველაფრის გაკონტროლება არ სცადოთ. თუ ხმაურმა დაგღალათ, შეიძლიათ რამდენიმე წუთი განმარტოვდეთ და დაისვენოთ.

რჩევა: ნუ ეცდებით ყველას ასიამოვნოთ – მიეცით საკუთარ თავს უფლება მომენტით დატკბეთ და სხვების კომფორტზე არ იზრუნოთ.

ლომი

ამ დღეს ყურადღების ცენტრში აღმოჩნდებით, თუნდაც ეს არ დაგეგმოთ. შესაძლოა ვიღაცამ თქვენი მიღწევები საჯაროდ აღიაროს, რაც ძალიან გაგახარებთ. მშვენიერი დღეა საყვარელ ადამიანებთან შეხვედრისთვის, მაგრამ ეცადეთ საკუთარი აზრები თავზე არავის მოახვიოთ. ვარსკვლავები მარტოხელა ლომებს ურჩევენ, ახალი ნაცნობის შესახებ ნაჩქარევი დასკვნები არ გააკეთონ – ახლა ობიექტური აღქმა გაკლიათ.

რჩევა: დატკბით ყურადღებით, რომელსაც გარშემო მყოფებისგან გრძნობთ, მაგრამ უხმოდ და პასიურად. ზოგჯერ ჯობია, უბრალოდ დააკვირდე და მომენტით ისიამოვნო.

ქალწული

დროა, სამომავლოდ გადადებული საქმეების დასრულებაზე იზრუნოთ. ყურადღება მიაქციეთ ადამიანებს, რომლებსაც დღეს შეხვდებით – სასარგებლო ნაცნობობა და მოულოდნელი შეთავაზებები გელით. ამ დღეს ზედმეტი აურზაურის ასაცილებლად გააზრებულად უნდა იმოქმედოთ.

რჩევა: ხელსაყრელი დღეა შემოქმედებითი საქმიანობისთვის, განსაკუთრებით თუ ახალ შთაგონებას ეძებთ. მიეცით საკუთარ თავს და ახლობლებს ცოტა სითბო და სიხარული – ეს ენერგიით აგავსებთ.

სასწორი

პრობლემები შეიძლება დილიდანვე დაიწყოს, ამიტომ რთული და გრძელი დღისთვის უნდა მოემზადოთ. შეადღეს შეიძლება ენერგიის დონემ მკვეთრად დაიკლოს და დაწყებული საქმეების დასრულება გაგიჭირდეთ. არ ინერვიულოთ, საღამოს სიტუაცია გამოსწორდება და შეიძლება წვეულებაც კი მოაწყოთ. თუ შაბათ-კვირასაც მუშაობა გიწევთ, უმჯობესია მკაფიო გეგმის მიხედვით იმოქმედოთ. ეცადეთ კონფლიქტები როგორც სახლში, ისე სამსახურში თავიდან აიცილოთ. თუ ვინმეს ანაწყენინეთ, უნდა აღიაროთ და მოიბოდიშოთ.

რჩევა: მოერიდეთ მგრძნობიარე თემებს და არასაჭირო კამათს. დღეს თქვენი ამოცანაა თქვენს გარშემო სიმსუბუქე და ჰარმონია შეინარჩუნოთ.

მორიელი

გულწრფელობა ყოველთვის გამართლებული არაა. შესაძლოა, სადღესასწაულო ატმოსფეროს გავლენით რაღაც ისეთი თქვათ, რასაც მოგვიანებით ინანებთ. ეს განსაკუთრებით მეგობრების ან ოჯახის წევრების გარემოცვაში პირად თემებზე საუბარს ეხება. თუ მნიშვნელოვანი ამბის გაზიარება გსურთ, ეს მასთან უნდა გააკეთოთ, ვისაც ნამდვილად ენდობით. ემოციები მხოლოდ ხელს შეგიშლით, ეცადეთ მშვიდად გაერკვეთ სიტუაციაში, რომელიც გაღელვებთ.

რჩევა: ეცადეთ ემოციები აკონტროლოთ. ზოგჯერ ჯობია უბრალოდ გაჩუმდეთ, ვიდრე შემდეგ საკუთარი სიტყვების გამო ბოდიშები იხადოთ.

მშვილდოსანი

ამ დღეს მნიშვნელოვანია, პირველ შთაბეჭდილებას არ ენდოთ. შეიძლება ,ვიღაც თქვენზე კარგი შთაბეჭდილების მოხდენას ცდილობს, მაგრამ ლამაზი სიტყვების მიღმა რაღაც სხვა იმალება და შეიძლება, სრულიად განსხვავებული იყოს იმისგან, რაც ჩანს. ეს განსაკუთრებით ახალ ნაცნობებს ეხება. თუ დღესასწაულის აღნიშვნას გეგმავთ, ეცადეთ ალკოჰოლმა ძალიან არ გაგიტაცოთ და სიფხიზლე არ დაკარგოთ. შესაძლოა, რაღაც ისეთი თქვათ ან გააკეთოთ, რასაც მოგვიანებით ინანებთ.

რჩევა: ადამიანებს სწრაფად და დაუფიქრებლად ნუ ენდობით. სჯობს, უფრო ახლოს დააკვირდეთ და სიტუაცია შეაფასოთ, ვიდრე მოგვიანებით იმედგაცრუებული იყოთ.

თხის რქა

შესაძლოა, მოულოდნელად ყურადღების ცენტრში მოექცეთ და რაღაც საქმის ორგანიზატორობა მოგიწიოთ. ეს, ერთი მხრივ, სასიამოვნოა, მაგრამ, მეორე მხრივ, შეიძლება დამღლელი იყოს. თუ გრძნობთ, რომ დავალებას თავს ვეღარ ართმევთ, შეგიძლიათ ლიდერობა სხვას გადაულოცოთ. თუ სამსახურში, რაღაც საკითხების მოულოდნელად მოგვარება გიწევთ, ჯობია ეს დილით გააკეთოთ, რათა საღამო არ გაგიფუჭოთ.

რჩევა: ნუ აიღებთ ზედმეტ პასუხისმგებლობას. მიეცით საკუთარ თავს უფლება, რომ უბრალოდ ამ დღით დატკბეთ.

მერწყული

ეს დღე შეიძლება საინტერესო და მოვლენებით დატვირთული იყოს. თქვენში წინააღმდეგობის სურვილი იმდენად ძლიერია, რომ ნებისმიერ საკითხზე კამათობთ და საკუთარი პოზიციის დაცვას ცდილობთ მაშინაც, როცა არავინ გედავებათ. თუ ხმაურიან წვეულებაზე აღმოჩნდით, ნუ ეცდებით, რომ ყველას მოეწონოთ. მთავარია, ამ დღემ სიამოვნება მოგიტანოთ და არა დაღლა .

რჩევა: ნუ მისცემთ სხვებს უფლებას, გიკარნახონ, სად და როგორ გაატაროთ ეს დღე.

თევზები

თუ თავს მოდუნების უფლებას მისცემთ, ეს დღე შეიძლება საკმაოდ რთული და დამღლელი იყოს. გახსოვდეთ, რომ ბევრი ალკოჰოლი არა მხოლოდ ჯანმრთელობის პრობლემებს, არამედ უხერხულობასაც იწვევს. ეცადეთ, სიტუაცია აკონტროლოთ და გახსოვდეთ, რომ ხვალ სამსახურში დატვირთული დღე გელით.

რჩევა: აკონტროლეთ თქვენი ქმედებები და ემოციები. უმჯობესია, თავშეკავება გამოიჩინოთ, ვიდრე მოგვიანებით ნათქვამი ან გაკეთებული ინანოთ.