გაზაფხულის დღესასწაულებისთვის თიბისიმ მომხმარებლებს, 50-ზე მეტ პარტნიორ ობიექტში, ტრადიციულად გამორჩეული შეთავაზებები მოუმზადა.

მხოლოდ 2-3 მარტს და 7-8 მარტს, თიბისის ტერმინალზე, ახალი თიბისი ბარათით, ახალი თიბისი კონცეპტ ბარათებითა და ერთგული საკრედიტო ბარათით გადახდისას, მათ გადახდილი თანხის 30% ერთგულის ყულაბაში მომენტალურად დაუბრუნდებათ.

ახალი თიბისი ბარათითა და ერთგული საკრედიტო ბარათით გადახდისას, მომხმარებლები ჯამურად მაქსიმუმ 150 ლარს დაიბრუნებენ. თიბისი კონცეპტის მომხმარებლებს კი, ახალი თიბისი კონცეპტ ბარათებით გადახდისას, შესაძლებლობა აქვთ მაქსიმუმ 300 ლარი დაიბრუნონ.  

ტრადიციულად მრავალფეროვანი და მომხმარებლების მოთხოვნებზე მორგებულია იმ პარტნიორი ობიექტების კატეგორიებიც, სადაც თიბისის მომხმარებლები საგაზაფხულო აქციებით ისარგებლებენ: თავის მოვლის საშუალებები, პარფიუმერია, აქსესუარები, სათვალეები, ტანსაცმელი და ფეხსაცმელი.

საგაზაფხულო შეთავაზებები მოქმედებს თბილისში, რუსთავში, ქუთაისში, ბათუმში, ზუგდიდში, თელავსა და გორში.

ინტენსიური თოვის შედეგად ლანჩხუთის მუნიციპალიტეტში რთული ვითარებაა, – ამის შესახებ მუნიციპალიტეტის მერმა ალექსანდრე სარიშვილმა განაცხადა.

მისი თქმით, დამატებითი ტექნიკა მობილიზებულია და შესაძლოა, მოსახლეობის ევაკუაცია განხორციელდეს.

„ინტენსიური თოვის შედეგად ლანჩხუთის მუნიციპალიტეტში რთული ვითარებაა, კვლავ გადაუღებლად თოვს. დამატებითი ტექნიკის მობილიზება უკვე მოვახდინეთ და ახლა სხვადასხვა მიმართულებით მიდის, რომ მაქსიმალურად მოვახდინოთ ხალხის ევაკუაცია, ან მოსახლეობამდე გზის გაყვანა. ელექტროენერგია არ მიეწოდება რამდენიმე ადმინისტრაციულ ერთეულს, მათ შორის: ჩოჩხათის, ღრმაღელისა და აცანას ადმინისტრაციულ ერთეულებს. მოსახლეობის გარკვეული ნაწილი უკვე გამოვიყვანეთ – ნაწილი სასტუმროებში, ნაწილი კი ნათესავებთან მოვათავსეთ. ამ დროის ინფორმაციით, ჩამონგრეულია ორმოცამდე სახლი. მართალია საცხოვრებელი სახლები დაზიანებულია, მაგრამ დაშავებულებზე ჯერჯერობით ინფორმაცია არ გვაქვს“, – აღნიშნა ალექსანდრე სარიშვილმა.

საბჭოთა ოკუპაციის დღესთან დაკავშირებით, პარლამენტის სასახლეზე სახელმწიფო დროშა დაეშვა.

საქართველოს პარლამენტის 2010 წლის 21 ივლისის დადგენილების თანახმად, 25 თებერვალი საბჭოთა ოკუპაციის დღედ არის გამოცხადებული.

ოკუპაციის მსხვერპლთა პატივსაცემად, ამ დღეს საქართველოს მთელ ტერიტორიაზე სახელმწიფო დროშები ეშვება.

1921 წლის 25 თებერვალს, რუსეთის წითელმა არმიამ თბილისი აიღო და საქართველოს საყოველთაო და თავისუფალი არჩევნების გზით არჩეული ხელისუფლება დაამხო, რის შედეგადაც განახორციელა საერთაშორისო სამართლის სუბიექტის – საქართველოს დემოკრატიული რესპუბლიკის ანექსია.

ვერძი

ამ დღეს სარისკო აქტივობებს უნდა მოერიდოთ, რათა რაღაც ძვირფასი არ დაკარგოთ. ეცადეთ, რომ მატყუარა და აგრესიულ ადამიანებთან ურთიერთობას თავი აარიდოთ – თუ თქვენი მოტყუება ვერ შეძლეს, განწყობას აუცილებლად გაგიფუჭებენ. თუ მოახერხებთ, მოსაწყენი საქმეების კეთება სამომავლოდ გადადეთ და ამ დღეს მხოლოდ ის აკეთეთ, რაც ნამდვილად გაინტერესებთ.

კურო

საქმის საბოლოო შედეგი თქვენს განწყობაზეა დამოკიდებული, ამიტომ ეცადეთ, დილიდან ოპტიმისტურად განეწყოთ და ყველაფერში დადებითი მხარე დაინახოთ. ამ დღეს ექსპერიმენტებისგან თავის შეკავება და კარგად ნაცნობი გზით სიარული სჯობს. უფრო მეტიც – უცნობ ადამიანებთან ურთიერთობასაც უნდა მოერიდოთ და მთელი დღე ოჯახის წევრების და მეგობრების გარემოცვაში გაატაროთ.

ტყუპები

ამ დღეს მიხვდებით, თუ რამდენად სწორი იყო თქვენი ძველი გადაწყვეტილებები. პრობლემების თავიდან ასაცილებლად ეცადეთ, ძველი შეცდომები გამოასწოროთ და მოძრაობის ვექტორი შეცვალოთ. ზოგი იდეა, რომელიც ამ დღეს თავში მოგივათ, შეიძლება ახლავე განახორციელოთ. ამ დღეს დაწყებული ნაცნობობა უამრავ სასიამოვნო ემოციას მოგიტანთ.

კირჩხიბი

ეცადეთ, ღრუბლებიდან მიწაზე დაეშვათ და მნიშვნელოვანი საქმეების კეთება დაიწყოთ. წინააღმდეგ შემთხვევაში, ბევრ დროს დაკარგავთ და დაწყებული საქმის დასრულება გაგიჭირდებათ. შესაძლოა, სამსახურში კოლეგების დახმარება დაგჭირდეთ, თუმცა შედეგი ნამდვილად გაგახარებთ. პირად ცხოვრებაში შეიძლება მნიშვნელოვანი გადაწყვეტილება მიიღოთ.

ლომი

სიფრთხილე გამოიჩინეთ ისეთ ადამიანებთან ურთიერთობაში, რომლებსაც კარგად არ იცნობთ – გამორიცხული არ არის, რომ ვიღაცამ თქვენი მოტყუება სცადოს. საყვარელ ადამიანებთან ურთიერთობა დღეს გაგილამაზებთ და განწყობას აგიმაღლებთ. ამ დღეს დაწყებული საქმიანი ურთიერთობა თქვენს კარიერულ ზრდას დაეხმარება. ყურადღება მიაქციეთ წვრილმანებს და უსმინეთ საკუთარ ინტუიციას.

ქალწული

ამ დღეს საკუთარი აზრის მტკიცება და ორატორობის დემონსტრირება მოგიწევთ. ეს პროფესიულ სფეროში დაგეხმარებათ და ახალ შესაძლებლობებს გააჩენს. მოერიდეთ გულწრფელ საუბრებს, რათა შემთხვევით საკუთარი ან სხვისი საიდუმლო არ გასცეთ და მოგვიანებით უსიამოვნო სიტუაციაში არ აღმოჩნდეთ.

სასწორი

მოემზადეთ რთული დღისთვის, როდესაც პრობლემა შეიძლება ყველაზე უწყინარ სიტუაციაშიც კი გაჩნდეს. არ მოგერიდოთ დახმარების თხოვნა ახლობელი ადამიანების ან კოლეგებისთვის – ეს საქმეს გაგიმარტივებთ და მიზნის მიღწევას გაგიადვილებთ. ყურადღება მიაქციეთ საკუთარ ჯანმრთელობას და უსიამოვნო სიმპტომების შემთხვევაში ექიმს მიმართეთ. უცნობებმა ადამიანმა შეიძლება შესანიშნავი იდეა მოგაწოდოთ.

მორიელი

ეცადეთ, შესაძლებლობა გამოიყენოთ – პერსპექტიული ნაცნობობა შეიძლება ხანგრძლივ და ნაყოფიერ ურთიერთობაში გადაიზარდოს. ინტუიცია უსიამოვნებებისგან გიხსნით, ამიტომ ყურადღებით უნდა უსმინოთ. გახსოვდეთ, რომ ამ დღეს დაწყებული კავშირი შეიძლება ძალიან სასარგებლო იყოს და თქვენს ცხოვრებაში მნიშვნელოვანი როლი შეასრულოს.

მშვილდოსანი

დიდია იმის ალბათობა, რომ ვიღაცამ არასწორი ინფორმაციით თქვენი მოტყუება სცადოს. გირჩევთ, ფაქტები კარგად შეამოწმოთ და ალტერნატიული წყაროები მოძებნოთ. ოპტიმიზმი და კარგი განწყობა პრობლემასთან გამკლავებაში დაგეხმარებათ.

თხის რქა

ხელსაყრელი და წარმატებული დღეა. ნებისმიერ საქმეში, რომელსაც ხელს მოჰკიდებთ, წარმატებას მიაღწევთ. თუ საქმესთან გამკლავება გიჭირთ, დახმარება ახლობელ ადამიანებს უნდა სთხოვოთ. ვარსკვლავები გირჩევენ, რომ გადაწყვეტილების მიღებამდე მოსაფიქრებელი დრო ითხოვოთ. ნუ შეგეშინდებათ პასუხისმგებლობის აღების – ინტუიცია დაგეხმარებათ, რომ მოვლენების განვითარება იწინასწარმეტყველოთ.

მერწყული

ამ დღეს საფულეს გახსნას უნდა მოერიდოთ. შეიძლება იმაზე მეტი დახარჯოთ, ვიდრე საჭიროა და რთულ ფინანსურ მდგომარეობაში აღმოჩნდეთ. კრიტიკულად შეაფასეთ ყველაფერი, რასაც დღეს შემოგთავაზებენ და ყველა ინფორმაცია გადაამოწმეთ. კითხვების დასმის ნუ მოგერიდებათ, რათა სიტუაციაში კარგად გაერკვეთ.

თევზები

თუ შესაძლებელია, ამ დღეს მნიშვნელოვან გადაწყვეტილებებს ნუ მიიღებთ და ასეთი საქმეები სხვა დროისთვის გადადეთ. ოჯახის წევრები პრობლემებს თავიდან აგარიდებენ, ამიტომ შეგიძლიათ, დახმარება სთხოვოთ. უსმინეთ თქვენს შინაგან ხმას და ის გამოსავალს დაგანახვებთ. ამ დღეს თავში ბევრი ახალი იდეა მოგივათ და უახლოეს მომავალში მათი განხორციელების საშუალებაც მოგეცემათ. 

 25 თებერვალს, საქართველოს უმეტეს ქალაქში თოვლია მოსალოდნელი. სინოპტიკოსების პროგნოზით, ყველაზე დაბალი ტემპერატურა, -12 გრადუსი გუდაურშია მოსალოდნელი.

ამინდის პროგნოზი ქალაქების მიხედვით:

გაგრა +2 – თოვლი

სოხუმი +2- თოვლი

ზუგდიდი +2 – თოვლი

მესტია -7 – თოვლი

ფოთი +5 – წვიმა

ბათუმი +5 – წვიმა

ოზურგეთი +3 – წვიმა

ქუთაისი +1 – თოვლი

ამბროლაური -2 – თოვლი

ახალციხე -1 – თოვლი

ბორჯომი -4 – თოვლი

ბაკურიანი -7 – თოვლი

გორი -1- თოვლი

ცხინვალი -3 – თოვლი

სტეფანწმინდა -8 –  მოღრუბლული

გუდაური -12 – თოვლი

თელავი -1 – მოღრუბლული

რუსთავი +5 – მოღრუბლული

თბილისი +2 – თოვლი

გარემოს ეროვნული სააგენტოს ინფორმაციით, საქართველოში უამინდობა 28 თებერვლამდე გაგრძელდება. 

მათივე ცნობით, 3 მარტამდე საქართველოს უმეტეს რეგიონში გამოიდარებს, 3 მარტიდან კი კვლავ ამინდის გაუარესებაა მოსალოდნელი.