სამეგრელოში თოვლის გაწმენდით სამუშაოები მიმდინარეობს, – ამის შესახებ ინფორმაციას სამეგრელო-ზემო სვანეთის სახელმწიფო რწმუნებულის ადმინისტრაცია ავრცელებს.

მათივე ცნობით, 24-საათიან რეჟიმში მუშაობენ მუნიციპალური სამსახურები, პროცესში ჩართულია გზების დეპარტამენტის ტექნიკა.

„იწმინდებოდა ქალაქის და სოფლებამდე მისასვლელი გზები. რეგიონში მოქმედ საკოორდინაციო შტაბს სამეგრელო-ზემო სვანეთის სახელმწიფო რწმუნებული დავით ვერავა ხელმძღვანელობს. რეგიონულთან ერთად, ასევე შექმნილია მუნიციპალური შტაბები.

რეგიონის მასშტაბით დიდთოვლობის გამო სასწავლო პროცესი გადაიდო რამდენიმე სკოლასა და საბავშვო ბაღში. მოქმედებს სამხარეო და მუნიციპალური ცხელი ხაზის ნომრები, რომლებსაც შეგიძლიათ გაეცნოთ სახელმწიფო რწმუნებულის ადმინისტრაციის ოფიციალურ გვერდზე“, – აღნიშნულია ინფორმაციაში.

ვერძი

ამ დღეს მთელი ყურადღება ოჯახისკენ უნდა მიმართოთ. სავარაუდოდ, ოჯახის რომელიღაც წევრს თქვენი დახმარება ან მხარდაჭერა სჭირდება, მაგრამ ამაზე ღიად არ საუბრობს. შეეცადეთ დეტალებს მეტი ყურადღება მიაქციოთ და სტრიქონებს შორის დაფარული აზრი ამოიკითხოთ. კარგი დღეა საყოფაცხოვრებო პრობლემების მოსაგვარებლად — თუ დიდი ხანია რემონტის გაკეთებას ან ავეჯის შეძენას გეგმავთ, ახლა ამის დროა.

რჩევა: ოჯახი თქვენი მთავარი საყრდენია. ყურადღება მიაქციეთ საყვარელი ადამიანების საჭიროებებს და თავს უფრო მშვიდად იგრძნობთ.

კურო

ეს დღე ხელსაყრელია პრაქტიკული საკითხების მოსაგვარებლად, განსაკუთრებით — ფინანსების მიმართულებით. სავსებით შესაძლებელია, მოულოდნელი შესაძლებლობა გამოჩნდეს და მოგებიანი შესყიდვა განახორციელოთ ან საცხოვრებელი პირობები გააუმჯობესოთ. მთავარია, არ იჩქაროთ და თითოეული ნაბიჯი გათვალოთ. თუ პირად ცხოვრებაში ყველაფრის გაკონტროლებას არ ეცდებით, ეს დღე მშვიდად ჩაივლის. მარტოხელა კუროს მოულოდნელი ნაცნობობა ელის, მაგრამ ვარსკვლავები გვირჩევენ, ნაჩქარევი დასკვნები არ გამოიტანოთ.

რჩევა: ფინანსური გადაწყვეტილებები დიდ სიფრთხილეს მოითხოვს. მოერიდეთ ნაჩქარევ შესყდვებს.

ტყუპები

ენერგიით სავსე ხართ, მაგრამ მნიშვნელოვანია, მისი სწორი მიმართულებით წარმართვა შეძლოთ. დიდი ალბათობით, საკუთარ ცხოვრებაში რაღაცის შეცვლა გსურთ, მაგრამ ვარსკვლავები გირჩევენ, სანამ მოქმედებას დაიწყებთ, მოსალოდნელი რისკები გათვალოთ. თქვენს საქმიანობაში შეიძლება ახალი ამოცანები გაჩნდეს, რომლებიც არასტანდარტულ მიდგომას მოითხოვს. კარგი იქნება, თუ რჩევას უფრო გამოცდილ კოლეგებს სთხოვთ.

რჩევა: ენდეთ თქვენს ინტუიციას, მაგრამ უფლებას ნუ მისცემთ ემოციებს, რომ დაგძლიონ. დღეს მნიშვნელოვანია, რომ ფხიზელი ხედვა შეინარჩუნოთ.

კირჩხიბი

ამ დღეს ვარსკვლავები გირჩევენ, მეგობრულ კავშირებს მეტი ყურადღება მიაქციოთ. შესაძლოა, ახლობელი ადამიანი დიდი ხანია, თქვენს ზარს ან თქვენთან შეხვედრას ელის, მაგრამ ამაზე ხმამაღლა არ საუბრობს. ეცადეთ, გამონახოთ დრო, რომ მხარი დაუჭიროთ მათ, ვინც თქვენთვის ძვირფასია. ხელსაყრელი დღეა გაწყვეტილი კავშირების აღსადგენად.

რჩევა: ნამდვილი მეგობრობა ყურადღებას მოითხოვს. მხარი დაუჭირეთ მეგობრებს და სანაცვლოდ სითბოს იგრძნობთ.

ლომი

ვიღაც შეეცდება, სხვა ადამიანების კონფლიქტებსა თუ ინტრიგებში ჩაგითრიოთ, მაგრამ ვარსკვლავები გირჩევენ, სხვების საქმეში ჩარევისგან თავი შეიკავოთ. უფრო მნიშვნელოვანია, ყურადღება მეგობრულ ურთიერთობებზე გადაიტანოთ. ახლობელმა შეიძლება მნიშვნელოვანი რჩევა მოგცეთ ან სიტუაცია სხვა მხრიდან დაგანახვოთ. თუ დაუმთავრებელი საქმე გაქვთ, ეცადეთ, დღის ბოლომდე დაასრულოთ. საღამო ხელსაყრელია მეგობრებთან შესახვედრად, მაგრამ ხმაურიან ადგილებს მოერიდეთ — უმჯობესია, მშვიდად გაისეირნოთ.

რჩევა: ამ დღეს არა მხოლოდ საკუთარ თავს, არამედ გარშემომყოფებსაც უნდა უსმინოთ – მათ სიტყვებს შესაძლოა იმაზე მეტი აზრი ჰქონდეს, ვიდრე ფიქრობთ.

ქალწული

ამ დღეს თქვენი ყურადღება ოჯახურ საქმეებზეა გადატანილი. დიდი ალბათობით, ახლობელი ადამიანის დახმარება ან მნიშვნელოვანი საბუთების მოწესრიგება მოგიწევთ. ზოგადად, ეს კარგი დღეა საბუთებისა და სამუშაო სივრცის მოწესრიგებისთვის. თუ დიდი ხანია სახლში რაიმეს შეცვლას გეგმავთ, ახლა ამისთვის შესაფერისი დროა.

რჩევა: ოჯახი თქვენი დასაყრდენია. დაუთმეთ დრო საყვარელ ადამიანებს და იგრძნობთ, როგორ გეხმარებათ მათი ზრუნვა ძალების აღდგენაში.

სასწორი

ეს დღე მთლიანად საყვარელ ადამიანს უნდა დაუთმოთ. შეეცადეთ, რაიმე სასიამოვნო გააკეთოთ თქვენი პარტნიორისთვის. თუ მასთან მნიშვნელოვანი საკითხების განხილვას გეგმავთ, ეცადეთ საუბარი ზეწოლისა და კრიტიკის გარეშე შეძლოთ. მშვიდი საუბარი დაგეხმარებათ, გაუგებრობა აიცილოთ. მარტოხელა სასწორმა შეიძლება ყურადღება ისეთი ადამიანისგან იგრძნოს, რომელსაც პოტენციურ პარტნიორად არასოდეს მიიჩნევდა.

რჩევა: სიყვარული ყურადღებას მოითხოვს. გამონახეთ დრო მათთვის, ვინც გიყვართ და ეს შინაგან ჰარმონიას მოგიტანთ.

მორიელი

ამ დღეს ურთიერთობაში სიფრთხილე უნდა გამოიჩინოთ. ვიღაც თქვენი გარემოცვიდან თქვენს მანიპულირებას ან უსარგებლო საუბრებში ჩათრევას შეეცდება. ეცადეთ, პროვოკაციებს არ დანებდეთ და ემოციური დისტანცია შეინარჩუნოთ, განსაკუთრებით — თუ გრძნობთ, რომ ადამიანი არაგულწრფელია. მშვენიერი დღეა იმის გასარკვევად, თუ ვინ იმსახურებს თქვენს ნდობას.

რჩევა: გახსოვდეთ, ყველა, ვინც გიღიმით, თქვენი მეგობარი არაა.

მშვილდოსანი

ეს დღე ბევრ ოჯახურ საზრუნავს მოგიტანთ. ალბათ საყოფაცხოვრებო საკითხებში დახმარება ან რაიმე დავაში შუამავლის როლის აღება მოგიწევთ. ეცადეთ, არ გაღიზიანდეთ — ახლა თქვენი მონაწილეობა საყვარელი ადამიანებისთვის ნამდვილად მნიშვნელოვანია. პროფესიულ სფეროში მოსალოდნელია მცირე შეფერხებები, მაგრამ ეს საერთო შედეგზე არ იმოქმედებს.

რჩევა: ოჯახზე ზრუნვა რუტინა არ უნდა იყოს. შეხედეთ ამას, როგორც კავშირების განმტკიცების შესაძლებლობას.

თხის რქა

ეს დღე თქვენგან გამძლეობას და თვითკონტროლს მოითხოვს. ვარსკვლავები გირჩევენ, ემოციებს არ აჰყვეთ და შინაგანი წონასწორობა შეინარჩუნოთ. თუ ხედავთ, რომ თქვენი სიკეთით ვიღაც სარგებლობს, ეცადეთ, თავაზიანად მიანიშნოთ, რომ ყველაფერს მიხვდით. სამსახურში ახალი საქმის დაწყებამდე უკვე დაწყებული უნდა დაასრულოთ.

რჩევა: ნუ ცდილობთ, რომ სხვების საკეთებელი საქმე აკეთოთ. ახლა შინაგანი ჰარმონიის შენარჩუნება და დაძაბულობის თავიდან აცილება უფრო მნიშვნელოვანია.

მერწყული

გირჩევთ, ეს დღე ოჯახთან ერთად დასვენებას და გულწრფელ საუბარს დაუთმოთ. თქვენი რჩევა საყვარელ ადამიანს სწორი გადაწყვეტილების მიღებაში დაეხმარება. მნიშვნელოვანია, მოთმინება გამოიჩინოთ და თქვენი აზრი თავზე არავის მოახვიოთ. სამსახურში დღე მშვიდად ჩაივლის. საღამოს მყუდრო ოჯახური ვახშამი ან მეგობრული საუბარი ძალების აღდგენაში დაგეხმარებათ.

რჩევა: თქვენი სიტყვები შეიძლება იმაზე მნიშვნელოვანი იყოს, ვიდრე ფიქრობთ. დაეხმარეთ ადამიანს, რომელსაც ეს სჭირდება.

თევზები

ამ დღეს მთელი ყურადღება სახლზე და საყოფაცხოვრებო პრობლემებზე უნდა გადაიტანოთ. შეგიძლიათ სახლი საგულდაგულოდ დაალაგოთ და ინტერიერი განაახლოთ — ეს თქვენს განწყობას გამოაკეთებს. თუ საცხოვრებელთან და ფინანსებთან დაკავშირებით პრობლემა გაქვთ, ეცადეთ, ახლავე მოაგვაროთ — ახლა გარემოებები თქვენ სასარგებლოდ მუშაობს.

რჩევა: თქვენ გარშემო არსებული კომფორტი თქვენს შინაგან მდგომარეობაზე აისახება. გამონახეთ დრო ჰარმონიული ატმოსფეროს შესაქმნელად.

კოორდინაცია არის აუცილებელი და ამისკენ მოვუწოდებ მოხალისეებს, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს ოზურგეთში, საკოორდინაციო შტაბის სხდომის დასრულების შემდეგ განუცხადა.

როგორც ირაკლი კობახიძემ აღნიშნა, იყო შემთხვევები, როდესაც მოხალისეები ჩაერთნენ საქმეში და შემდეგ დამატებითი რესურსის მობილიზება დასჭირდა სამაშველო სამსახურს ამ ადამიანების გამოსაყვანად.

„ძალიან მნიშვნელოვანია კოორდინაცია. იყო შემთხვევები, როდესაც მოხალისეები ჩაერთნენ საქმეში და შემდეგ დამატებითი რესურსის მობილიზება დასჭირდა სამაშველო სამსახურს იმისათვის, რომ მოეხდინა ამ ადამიანების გამოყვანა კონკრეტული ლოკაციებიდან. კოორდინაცია არის აუცილებელი და აქეთკენ მოვუწოდებ შესაბამის ადამიანებს, მოხალისეებს“, – განაცხადა პრემიერ-მინისტრმა.

საქართველოს პრემიერ-მინისტრი ირაკლი კობახიძე, მინისტრთა კაბინეტის წევრებთან ერთად, გურიის რეგიონში ჩავიდა.

ამ წუთებში საქართველოს მთავრობის მეთაური ოზურგეთში, გურიის მხარეში სახელმწიფო რწმუნებულის ადმინისტრაციაში საკოორდინაციო შტაბთან შეხვედრას მართავს.

მთავრობის მეთაური დიდთოვლობის შედეგად გამოწვეულ პრობლემებსა და იმ ღონისძიებებს ეცნობა, რომელსაც სხვადასხვა უწყების წარმომადგენლები მოსახლეობის დახმარების მიზნით ახორციელებენ.

მოსახლეობის დასახმარებლად მობილიზებულია მაქსიმალური ადამიანური რესურსი, ასევე მძიმე ტექნიკა. ინტენსიურად იწმინდება გზები. პრემიერ-მინისტრის ბრძანებით, დიდთოვლობით გამოწვეული პრობლემების მაქსიმალურად მოკლე ვადებში აღმოსაფხვრელად, პროცესში ჩაერთო თავდაცვის ძალები.