სამარცხვინოა, რომ ამ ურთულეს ვითარებაშიც კი, ოპოზიცია და მისი მედია სამარცხვინო მანიპულაციებს მიმართავს, რომლის მიზანი, ისედაც რთულ დროს, ადამიანების ისედაც დამძიმებულ ემოციებზე თამაშია, – წერს სოციალურ ქსელში საქართველოს პარლამენტის თავმჯდომარე შალვა პაპიაშვილი.

როგორც შალვა პაპუაშვილი აღნიშნავს, ფაქტია, რომ არ არსებობს უბედურება, რომლით პოლიტიკურ მანიპულირებასაც ისინი ითაკილებენ.

„სამარცხვინოა, რომ ამ ურთულეს ვითარებაშიც კი, ოპოზიცია და მისი მედია სამარცხვინო მანიპულაციებს მიმართავს, რომლის მიზანი, ისედაც რთულ დროს, ადამიანების ისედაც დამძიმებულ ემოციებზე თამაშია.

ფაქტია, რომ არ არსებობს უბედურება, რომლით პოლიტიკურ მანიპულირებასაც ისინი ითაკილებენ.

სახელმწიფო მთელი რესურსით ჩართულია სტიქიის შედეგების აღმოფხვრაში, მიუხედავად იმისა, რომ თოვა არ წყდება, რაც როგორც გაწმენდით ისე სამაშველო სამუშაოებს აფერხებს.

მინდა მადლობა გადავუხადო პოლიციას, მაშველებს, ჯარს, ყველა უწყებას, რომლებიც ჩართული არიან სტიქიასთან ბრძოლის საქმეში.

ყველას მოვუწოდებ, გვერდზე გადავდოთ სტიქიური უბედურების პოლიტიზების მცდელობა და ძალისხმევა დაზარალებული მოსახლეობის თანაგრძნობისა და გამხნევებისკენ მივმართოთ“, – წერს იგი.

არ არსებობს მიზეზი, რომ რომელიმე ქართველი პოლიტიკოსი დასანქცირდეს პატრიოტიზმის ან კონსერვატიულობის გამო. არ არსებობს მიზეზი, რომ პოლიციის თანამშრომლები მოხვდნენ სიაში, რადგან, ბრიუსელის აზრით, ისინი საქართველოს ხელისუფლების ინსტრუქციებს მიჰყვებიან, – ამის შესახებ უნგრეთის საგარეო საქმეთა მინისტრმა, პიტერ სიიარტომ ჟენევაში ქართველ ჟურნალისტებს განუცხადა.

ამასთან, როგორც სიიარტომ აღნიშნა, მან ვეტო დაადო ქართველი პოლიტიკოსებისა და პოლიციის მაღალჩინოსნების სანქცირების სიას, რადგან უნგრეთისთვის ძალიან მიკერძოებული იყო.

„საქართველოს ხელისუფლება და „ქართული ოცნება“ შესანიშნავად მუშაობს. არ უნდა დანებდეთ იმის გამო, რომ ევროპიდან შეტევაა. ვფიქრობ, ევროპაში მალე პოლიტიკური ცვლილებები იქნება, როგორც შედეგი ახალი ტალღებისა, რომელიც ვაშინგტონიდან მოდის და პატრიოტული კონსერვატორული მთავრობები მომავალში მეტად გაძლიერდებიან. მე გუშინაც მკაფიო ვიყავი იმასთან დაკავშირებით, რომ უნგრეთი გააგრძელებს დიპლომატიური და სამსახურებრივი პასპორტებით უვიზო მიმოსვლის უზრუნველყოფას. ჩვენ არ ვაპირებთ ამის შეწყვეტას. ევროკავშირს მიღებული აქვს გადაწყვეტილება, რომ წევრმა ქვეყნებმა თავად უნდა გადაწყვიტონ, რაც ნიშნავს, რომ წევრი სახელმწიფოების კომპეტენციაა. ამიტომ, ჩვენ ჩვენით ვწყვეტთ. ძლიერი გავლენაა ბრიუსელიდან გაიდლაინზე და ეს ცხადია, მაგრამ ეს არ არის სამართლებრივი ვალდებულება და უნგრეთში ამის იმპლემენტაცია ამიტომაც არ მოხდება. მე ვეტო დავადე ქართველი პოლიტიკოსებისა და პოლიციის მაღალჩინოსნების სანქცირების სიას, რადგან ჩვენთვის ძალიან მიკერძოებული იყო. მესმის, რომ ვერ მოიძებნა ვერცერთი მტკიცებულება არჩევნების გაყალბებაზე საქართველოში. ჩვენმა დამკვირვებლებმა დადეს დასკვნა, რომ ყველაფერი კარგად ჩატარდა. ასე რომ, არ არსებობს არც იურიდიული და არც პოლიტიკური საფუძველი შეტევებისთვის. ამავდროულად, ვფიქრობ, რომ USAID-ის დაფინანსების შეწყვეტა კარგი ახალი ამბავია. ამასთან, აბსოლუტურად წინააღმდეგი ვარ, რომ ევროკომისიამ თავის თავზე აიღოს ეს თანხები. ამ თემაზე გუშინ ძალიან მკაფიოდ ვისაუბრე.

რაც შეეხება პერსონალურ სანქციებს, ევროკავშირის უმაღლესმა წარმომადგენელმა არ უნდა დახარჯოს ძალისხმევა და ენერგია, რომ დაგვარწმუნოს სანქციების საჭიროებაში, რადგან ეს პრინციპის საკითხია. არ არსებობს მიზეზი, რომ რომელიმე ქართველი პოლიტიკოსი დასანქცირდეს პატრიოტიზმის ან კონსერვატიულობის გამო. არ არსებობს მიზეზი, რომ პოლიციის თანამშრომლები მოხვდნენ სიაში, რადგან, ბრიუსელის აზრით, ისინი საქართველოს ხელისუფლების ინსტრუქციებს მიჰყვებიან“, – განაცხადა პიტერ სიიარტომ.

ნამდვილად არ არის დასამალი, რომ მდგომარეობა არის ძალიან მძიმე, იმდენად მასშტაბურია სტიქია, თუმცა სახელმწიფო შესაძლებლობის ზღვარს მიღმა აკეთებს ყველაფერს, რომ თითოეულ ადამიანთან და თითოეულ ოჯახთან მივიდეს და რაღაცნაირად შეუმსუბუქოს მას სტიქიისგან გამოწვეული პრობლემები, – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა. 

მდინარაძის თქმით, ყველა საქალაქო სამსახური ჩართულია, რომ მოსახლეობას დახმარება გაუწიოს.

„თავდაცვის ძალების დიდი ნაწილი უკვე ადგილზეა, ნაწილი მიემართება და თითოეულ ოჯახში შედიან, სადაც კი შესაძლებლობა აქვთ. არის ადგილები, სადაც ყველაზე მაღალი გამავლობის ტექნიკასაც კი უჭირს მიახლოება. ამ წუთამდე ცდილობენ, მიუახლოვდნენ მძიმე ტექნიკით და ეს პრაქტიკულად შეუძლებელია. იმდენად დიდი თოვლია, სხვაგან გადატანის საჭიროება დადგა. სახელმწიფო აკეთებს ყველაფერს, რომ თითოეულ ოჯახთან მივიდეს და მას ეს დიდი პრობლემები შეუმსუბუქოს. ძალიან ცუდია ისიც, რომ არ წყდება სპეკულაციები. ჩვენ გუშინ დაგვეღუპა ერთი ადამიანი, რომლის გარდაცვალებაც უშუალოდ სტიქიასთან იყო დაკავშირებული, თუმცა არაერთ ადამიანთან დაკავშირებით ვრცელდება ცრუ ინფორმაცია, რომ სტიქიით იყო გამოწვეული. სოფელ ნინოშვილში, ლანჩხუთში გარდაიცვალა 106 წლის ქალბატონი და ამაზე წერდნენ, რომ რაღაც ექსტრემალური სიტუაცია იყო და ვერ მიუსწრეს, გარდაიცვალა სტიქიის გამოო. წარმოიდგინეთ 106 წლის ქალბატონის გარდაცვალებასაც აწერდნენ სტიქიას. ამ ხალხს კიდევ დაპანიკება უნდა?! ცოტა ხანს მაინც გაჩერდნენ, რომ ზედმეტი პანიკა არ შექმნან. ისედაც რთული ვითარებაა“, – განაცხადა მდინარაძემ.

მამუკა მდინარაძის განცხადებით, სახელმწიფო აკეთებს ყველაფერს, რომ დაეხმაროს ადამიანებს.

„მავნებლობას 2-3 დღით მაინც დაანებონ თავი და 106 წლის ქალბატონის გარდაცვალებას მაინც ნუ მიაწერენ სტიქიას, ნუ დააპანიკებენ დანარჩენ ადამიანებს, რომლებიც ყოველ წუთს ელოდებიან დახმარებას სახელმწიფოსგან. ეს დახმარება მიდის ყველა ოჯახში, სადაც კი ოდნავ მაინც, თეორიულ დონეზეც კი შესაძლებელია. მიდიან ოჯახებში და ცდილობენ რაღაცნაირად გაკვალონ გზა, შექმნან კვალი, რომ მივიდნენ, დაეხმარონ ოჯახებს. მათ შორის არის ასევე სურსათით დახმარების საჭიროება“, – განაცხადა მდინარაძემ.

იმის გამო, რომ არჩევნებზე სალომე ზურაბიშვილის იდეებმა და გვარამიამ ვერ გაიმარჯვეს, ქვეყანა რუსეთის ორბიტაზე გასულად გამოაცხადეს, რაც თავისი შინაარსით აბსოლუტურად უტიფარია, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

მისი თქმით, ახლა აქციებს ერთი მიზანი აქვს, რომ როგორმე, „ნაციონალური მოძრაობის“ „სისხლიანი სეგმენტი ჩამოაშორონ“ და სალომე ზურაბიშვილი წინ წამოწიონ, როგორც ოპოზიციის ლიდერი.

„ერთადერთი ლოზუნგი დარჩათ, თითქოს საქართველო რუსეთის გუბერნია უნდა გახდეს. არადა, საქართველოს ხელისუფლება სამშვიდობო პროცესის განვითარებას ითხოვს, რომელიც უკრაინის მიერ შემოთავაზებულ რეზოლუციას შეუერთდა გაერო-ს გენერალურ ასამბლეაზე. იმის გამო, რომ არჩევნებზე სალომე ზურაბიშვილის იდეებმა და გვარამიამ ვერ გაიმარჯვეს, ქვეყანა რუსეთის ორბიტაზე გასულად გამოაცხადეს, რაც თავისი შინაარსით აბსოლუტურად უტიფარია. ახლა ამ აქციებს ერთი მიზანი აქვს – როგორმე ამ წინააღმდეგობის მოძრაობას „ნაციონალური მოძრაობის“ სისხლიანი სეგმენტი ჩამოაშორონ და სალომე ზურაბიშვილი – ეს ჩვეულებრივი, რიგითი, ნომრიანი აგენტი და მისი გარემოცვა წინ წამოწიონ, როგორც ოპოზიციის ლიდერი. ნებისმიერი აქცია სწორედ ამ მიზანს ემსახურება. სამწუხაროა, რომ ამაში ჩართული არიან ახალგაზრდები, რომლებსაც რეალურად არ ესმით, რა პროცესები ვითარდება მსოფლიოში და რა ძალისხმევაა საჭირო, რათა საქართველო გადაურჩეს იმ მზაკვრულ გეგმას, რაც, მათ შორის, სალომე ზურაბიშვილს გააჩნია“, – განაცხადა ვოლსკიმ.