აშშ-ი უკრაინას სამხედრო დახმარებას აღარ გაუწევს და პრიორიტეტში მხოლოდ სამშვიდობო მოლაპარაკებები იქნება, – განაცხადა თეთრი სახლის პრესმდივანმა კაროლინ ლევიტმა Fox-News-თან ინტერვიუში.

„ეს არ არის წინა ადმინისტრაცია. ჯო ბაიდენი აღარ არის ოვალურ კაბინეტში. ჩვენ აღარ ვაპირებთ უბრალოდ ცარიელი ჩეკების გამოწერას ომისთვის ძალიან შორს მყოფ ქვეყანაში რეალური და მყარი მშვიდობის გარეშე“, – აღნიშნა ლევიტმა.

მისი თქმით, ძალიან კარგია, რომ კამათი კამერების წინაშე მოხდა და ხალხს ჰქონდა შესაძლებლობა თავად ენახა ის რთული მოლაპარაკებები, რომლებიც დახურულ კარს მიღმა მიმდინარეობს.

„მშვენიერია, რომ კამერები ჩართული იყო იმიტომ, რომ ამერიკელმა ხალმა და მთელმა მსოფლიომ დაინახა, რასთან აქვთ საქმე პრეზიდენტ ტრამპსა და მის გუნდს დახურულ კარს მიღმა უკრაინელებთან მოლაპარაკებების დროს“, – აღნიშნა ლევიტმა.

უკრაინის პრეზიდენტის აპარატის ყოფილი მრჩეველი, ალექსეი არესტოვიჩი სოციალურ ქსელში აშშ-ის პრეზიდენტის დონალდ ტრამპისა და უკრაინის პრეზიდენტის ვოლოდიმირ ზელენსკის შეხვედრას ეხმიანება.

არესტოვიჩის თქმით, ზელენსკი თეთრ სახლში იმისთვის გაემგზავრა, რომ ხელშეკრულებისთვის მოეწერა ხელი, თუმცა ორი საათის შემდეგ ამერიკულ-უკრაინული ურთიერთობები ისეთი პრობლემური გახდა, როგორიც აქამდე არასდროს ყოფილა.

„უკრაინის არსებობის ასეთ კრიტიკულ მომენტში და ჩვენი მშვიდობისთვის ბრძოლის დროს ჩვენ გვჭირდება მოკავშირეები და არა მტრები. ჩვენ გვჭირდება მოკავშირეები, რომლებიც შეძლებენ მოგვცენ იარაღი ჩვენი ქალაქების დასაცავად და იარაღი, რომელსაც ჩვენი ჯარისკაცები წინა ხაზზე გამოიყენებენ. რაც ნამდვილად არ გვჭირდება ეს მეგობრების მტრებად გადაქცევაა. პრეზიდენტი ზელენსკი თეთრ სახლში იმისთვის გაემგზავრა, რომ ხელშეკრულებისთვის მოეწერა ხელი, რომელსაც უკრაინისთვის ახალი შესაძლებლობები უნდა გაეხსნა. ორი საათის შემდეგ უკრაინულ-ამერიკული ურთიერთობები ისეთი პრობლემური გახდა, როგორიც აქამდე არასდროს ყოფილა. ჩვენ ყოველთვის უნდა ვიყოთ მადლიერები ამერიკელი ხალხის იმ დახმარებისთვის, რომელიც მათ გაგვიწიეს“, – წერს არესტოვიჩი.

მისი თქმით, ზელენსკის ტრამპთან შეხვედრის შემდეგ უკრაინის არსებობა რისკის ქვეშ დადგა: ქალაქების ჰაერსაწინააღმდეგო თავდაცვის სისტემები, იარაღი ჯარისკაცებისთვის ფრონტის ხაზზე, ფინანსური დახმარება ბიუჯეტის სტაბილიზაციისთვის.

„ქვეყნებს შორის ურთიერთობა უნდა დარჩეს მყარი. ჩვენ უნდა გავაგრძელოთ ძალისხმევა იმისკენ, რომ ამერიკულ-უკრაინული ურთიერთობები ეფექტური, პროგნოზირებადი და პარტნიორობაზე დაფუძნებული გახდეს“, – აღნიშნა არესტოვიჩმა.

აშშ-ის სახელმწიფო მდივანი მარკო რუბიო მიიჩნევს, რომ ვოლოდიმირ ზელენსკიმ ბოდიში უნდა მოიხადოს იმისთვის, რაც თეთრი სახლის ოვალურ კაბინეტში მოხდა. ამის შესახებ მარკო რუბიომ ტელეკომპანია „სიენენთან“ ინტერვიუში ისაუბრა.

ჟურნალისტმა სახელმწიფო მდივანს უთხრა, რომ უკრაინის პრეზიდენტი ვოლოდიმირ ზელენსკი არ ფიქრობს, რომ დონალდ ტრამპთან ბოდიში აქვს მოსახდელი და მარკო რუბიოს ჰკითხა, ფიქრობდა თუ არა ის საწინააღმდეგოდ.

„დიახ, რადგან თქვენ მხოლოდ დასასრული იხილეთ. თქვენ ნახეთ, რა მოხდა დღეს. თქვენ არ ხედავთ ყველაფერს, რამაც აქამდე მოგვიყვანა, ასე რომ, ნება მიბოძეთ, განვმარტო. პრეზიდენტი ძალიან მკაფიო იყო, მან ამაზე კამპანია აწარმოა. ის ფიქრობს, რომ ეს ომი არასდროს უნდა დაწყებულიყო. მას სჯერა და მე ვეთანხმები, რომ ის რომ პრეზიდენტი ყოფილიყო, ეს არასდროს მოხდებოდა. ახლა ჩვენ აქ ვართ. ის ცდილობს, ეს კონფლიქტი დაასრულოს. ჩვენ ძალიან მკაფიოდ განვმარტეთ, თუ რაში მდგომარეობს ჩვენი გეგმა, კერძოდ, ჩვენ გვსურს, რუსები მოლაპარაკებების მაგიდასთან დავსვათ. ჩვენ გვინდა გამოვიკვლიოთ, არის თუ არა მშვიდობა შესაძლებელი. მათ ეს ესმით. მათ ასევე ესმით, რომ ის შეთანხმება, რომელიც დღეს უნდა გაფორმებულიყო, უნდა ყოფილიყო შეთანხმება, რომელიც ამერიკას ეკონომიკურად უკრაინასთან აკავშირებს, რაც, ჩემთვის, როგორც მე ავხსენი და ვფიქრობ ამაზე დღეს პრეზიდენტმაც მიანიშნა, არის უსაფრთხოების გარანტია, რადგან ჩვენ ვართ ჩართული; ეს ჩვენ ვართ, ჩვენი ინტერესები. ეს ყველაფერი იყო განმარტებული. ეს იყო გაგებული. ამის მიუხედავად, ბოლო ათი დღის განმავლობაში უკრაინელებთან ჩვენს ურთიერთობაში იყო სირთულეები ამ აზრის მიტანასთან დაკავშირებით, მათ შორის პრეზიდენტ ზელენსკის მიერ გაკეთებულ საჯარო განცხადებებში. თუმცა, მათ მოითხოვეს ვაშინგტონში ჩამოსვლა. ამ შეთანხმებაზე ხელის მოწერა ხუთი დღის წინ შეიძლებოდა, თუმცა მათ მოითხოვეს ვაშინგტონში ჩამოსვლა და უნდა ყოფილიყო ძალიან მკაფიოდ გაცნობიერებული: ნუ ჩამოხვალთ აქ და ნუ შექმნით სცენარს, სადაც თქვენ დაიწყებთ ჩვენთვის ჭკუის სწავლებას იმასთან დაკავშირებით, თუ როგორ არ იმუშავებს დიპლომატია. პრეზიდენტი ზელენსკი ამ მიმართულებით წავიდა და შედეგად ეს დასრულდა მოსალოდნელი შედეგით. სამწუხაროა. ეს ასე არ უნდა ყოფილიყო, თუმცა ეს არის გზა, რომელიც მან აირჩია და გულწრფელად ვფიქრობ, ეს მის ქვეყანას აშორებს მშვიდობის მიღწევისგან, რაც საბოლოოდ პრეზიდენტს ტრამპს სურს, ეს არის ამ ომის დასრულება“, – განაცხადა რუბიომ.

აშშ-ის სახელმწიფო მდივნის თქმით, ვოლოდიმირ ზელენსკიმ ბოდიში უნდა მოიხადოს იმის გამო, რომ ეს შეხვედრა თავისთვის ფიასკოდ აქცია და ასევე იმისთვის, რომ აშშ-ის პრეზიდენტის ადმინისტრაციის დრო გაფლანგა იმ შეხვედრისთვის, რომელიც დასრულდა ისე, როგორც დასრულდა.

„ის არ უნდა შესულიყო იქ და გამხდარიყო ანტაგონისტი. ყველაფერი ლიანდაგებიდან გადავიდა, როდესაც მან ვიცე-პრეზიდენტს უთხრა: ნება მომეცით, დაგისვათ შეკითხვა, რა დიპლომატიაზე მესაუბრებით?“ – თქვა რუბიომ.

შეკითხვაზე, შესაძლებელია თუ არა პუტინის ნდობა ასეთ მოლაპარაკებებში, მარკო რუბიომ აღნიშნა, რომ დონალდ ტრამპი მთელი თავისი ცხოვრება დებდა გარიგებებს და არ აპირებს ისეთი გარიგების დადებას, რომელიც ნამდვილი არ იქნება.

„მე გუშინ იქ ვიყავი, როდესაც პრეზიდენტმა მედიასთან თქვა, რომ ჩვენი მიდგომა იქნება – ენდე, მაგრამ გადაამოწმე. პრეზიდენტი ტრამპი გარიგებებს დებდა მთელი მისი ცხოვრების განმავლობაში, ის არ აპირებს, იყოს ჩათრეული რაღაც გარიგებაში, რომელიც არ არის რეალური გარიგება. ჩვენ ყველას გვესმის ეს. ჩვენ უნდა გამოვიკვლიოთ, შესაძლებელია თუ არა მშვიდობა. სხვაგვარად როგორ დასრულდება ეს ომი? მე კითხვას ვსვამ: რა არის ევროპული გეგმა ამ ომის დასასრულებლად? მე შემიძლია, გითხრათ, რა მითხრა ერთმა საგარეო საქმეთა მინისტრმა, მე არ დავასახელებ, ვინ იყო ის, თუმცა მან მითხრა, რომ ომი გაგრძელდება კიდევ ერთ წელს და მაშინ რუსეთი იქნება ისეთი დასუსტებული, რომ მშვიდობას შეეხვეწება. ეს არის მკვლელობის, გარდაცვალების, განადგურების კიდევ ერთი წელი და ჩემი აზრით, არ არის ძალიან რეალისტური გეგმა“, – თქვა რუბიომ.

შეთანხმებაზე ხელის მოწერა ხუთი დღის წინ შეიძლებოდა, თუმცა უკრაინელებმა მოითხოვეს ვაშინგტონში ჩამოსვლა და უნდა ყოფილიყო ძალიან მკაფიოდ გაცნობიერებული: ნუ ჩამოხვალთ აქ და ნუ შექმნით სცენარს, სადაც დაიწყებთ ჩვენთვის ჭკუის სწავლებას, თუ როგორ არ იმუშავებს დიპლომატია, პრეზიდენტი ზელენსკი ამ მიმართულებით წავიდა. სამწუხაროა, ეს მის ქვეყანას აშორებს მშვიდობისგან, – ამის შესახებ აშშ-ის სახელმწიფო მდივანმა, მარკო რუბიომ „სიენენთან“ ინტერვიუში განაცხადა.

მარკო რუბიოს თქმით, ვოლოდიმირ ზელენსკიმ ბოდიში უნდა მოიხადოს იმისთვის, რაც თეთრი სახლის ოვალურ კაბინეტში მოხდა.

„თქვენ ნახეთ, რა მოხდა დღეს. თქვენ არ ხედავთ ყველაფერს, რამაც აქამდე მოგვიყვანა, ასე რომ, ნება მიბოძეთ, განვმარტო. პრეზიდენტი ძალიან მკაფიო იყო, მან ამაზე კამპანია აწარმოა. ის ფიქრობს, რომ ეს ომი არასდროს უნდა დაწყებულიყო. მას სჯერა – და მე ვეთანხმები – ის რომ პრეზიდენტი ყოფილიყო, ეს არასდროს მოხდებოდა. ახლა ჩვენ აქ ვართ. ის ცდილობს, ეს კონფლიქტი დაასრულოს. ჩვენ ძალიან მკაფიოდ განვმარტეთ, თუ რაში მდგომარეობს ჩვენი გეგმა, კერძოდ, ჩვენ გვსურს, რუსები მოლაპარაკებების მაგიდასთან დავსვათ. ჩვენ გვინდა, გამოვიკვლიოთ, არის თუ არა მშვიდობა შესაძლებელი. მათ ეს ესმით. მათ ასევე ესმით, რომ ის შეთანხმება, რომელიც დღეს უნდა გაფორმებულიყო, უნდა ყოფილიყო შეთანხმება, რომელიც ამერიკას ეკონომიკურად უკრაინასთან დააკავშირებდა, რაც, ჩემთვის, როგორც მე ავხსენი – და ვფიქრობ ამაზე დღეს პრეზიდენტმაც მიანიშნა – არის უსაფრთხოების გარანტია, რადგან ჩვენ ვართ ჩართული; ეს ჩვენ ვართ, ჩვენი ინტერესები. ეს ყველაფერი იყო განმარტებული. ეს იყო გაგებული. ამის მიუხედავად, ბოლო ათი დღის განმავლობაში უკრაინელებთან ჩვენს ურთიერთობაში იყო სირთულეები ამ აზრის მიტანასთან დაკავშირებით, მათ შორის, პრეზიდენტ ზელენსკის მიერ გაკეთებულ საჯარო განცხადებებში. თუმცა მათ მოითხოვეს ვაშინგტონში ჩამოსვლა. ამ შეთანხმებაზე ხელის მოწერა ხუთი დღის წინ შეიძლებოდა, თუმცა მათ მოითხოვეს ვაშინგტონში ჩამოსვლა და უნდა ყოფილიყო ძალიან მკაფიოდ გაცნობიერებული: ნუ ჩამოხვალთ აქ და ნუ შექმნით სცენარს, სადაც თქვენ დაიწყებთ ჩვენთვის ჭკუის სწავლებას იმასთან დაკავშირებით, თუ როგორ არ იმუშავებს დიპლომატია. პრეზიდენტი ზელენსკი ამ მიმართულებით წავიდა და საბოლოოდ ეს დასრულდა მოსალოდნელი შედეგით. სამწუხაროა. ეს ასე არ უნდა ყოფილიყო, თუმცა ეს არის გზა, რომელიც მან აირჩია და გულწრფელად ვფიქრობ, ეს მის ქვეყანას აშორებს მშვიდობის მიღწევისგან. რაც საბოლოოდ პრეზიდენტს ტრამპს სურს, ეს არის ამ ომის დასრულება“, – განაცხადა რუბიომ.

თავისუფალ სამყაროს ახალი ლიდერი სჭირდება, – ასე გამოეხმაურა საგარეო საქმეთა საკითხებში ევროკავშირის უმაღლესი კომისარი კაია კალასი აშშ-ის პრეზიდენტს, დონალდ ტრამპსა და უკრაინის პრეზიდენტს, ვოლოდიმირ ზელენსკის შორის თეთრ სახლში გამართულ შეხვედრას.

მისი თქმით, უკრაინის მიმართ მხარდაჭერას გააძლიერებენ.

„უკრაინა ევროპაა. ჩვენ უკრაინის გვერდით ვდგავართ. გავაძლიერებთ ჩვენს მხარდაჭერას უკრაინის მიმართ, რათა მათ შეძლონ, განაგრძონ აგრესორთან ბრძოლა. დღეს ნათელი გახდა, რომ თავისუფალ სამყაროს ახალი ლიდერი სჭირდება. ჩვენ, ევროპელებს მოგვიწევს ამ გამოწვევის მიღება“, – წერს კალასი.

ჩეხეთის პრეზიდენტი პეტრ პაველი აშშ-ისა და უკრაინის პრეზიდენტებს შორის თეთრ სახლში გამართულ შეხვედრას გამოეხმაურა.

როგორც პაველი აღნიშნავს, ჩეხეთი უკრაინის გვერდით დგას.

„ჩვენ უკრაინის გვერდით ვდგავართ, ისე, როგორც არასდროს. დროა, ევროპამ გაააქტიუროს თავისი ძალისხმევა“, – წერს პეტრ პაველი.

უკრაინის პრეზიდენტის ვოლოდიმირ ზელენსკის თქმით, ის „ძალიან მადლიერია ამერიკელების მთელი მათი მხარდაჭერისთვის“. ამის შესახებ ზელენსკიმ „ფოქს ნიუსთან“ ინტერვიუში ისაუბრა.

გადაცემის წამყვანმა, ბრეტ ბაიერმა უკრაინის პრეზიდენტს ჰკითხა, ავლენს თუ არა ის უპატივცემულობას დონალდ ტრამპის, ჯეი დი ვენსის ან ამერიკის მიმართ, რაზეც ზელენსკიმ აღნიშნა, რომ პატივს სცემს პრეზიდენტს და ამერიკელ ხალხს.

„ჩვენ ერთ მხარეს უნდა ვიყოთ. მე პატივს ვცემ პრეზიდენტს და ამერიკელ ხალხს. ვფიქრობ, ჩვენ ძალიან ღია და გულწრფელი უნდა ვიყოთ“, – განაცხადა ზელენსკიმ.

მისივე შეფასებით, თეთრ სახლში კამათი კარგი არც ერთი მხარისთვის არ ყოფილა.

„მე არ მინდა ჩვენი უდიდესი პარტნიორის დაკარგვა აშშ-ში“, – აღნიშნა ზელენსკიმ.

კითხვაზე, აპირებს თუ არა თეთრ სახლში დაბრუნებას, ზელენსკი განაცხადა, რომ „არა“.

კიდევ ერთ კითხვაზე – უნდა მოუხადოს თუ არა ბოდიში ტრამპს, ზელენსკიმ აღნიშნა, რომ არ არის დარწმუნებული, რამე ცუდი ჩაიდინა. თუმცა, კითხვაზე, ნანობს თუ არა იმას, რაც დღეს მოხდა, განაცხადა: „დიახ, ეს კარგი არ იყო“.

ამასთან, როგორც ზელენსკიმ აღნიშნა, ხელი უნდა მოეწეროს მინერალების შესახებ შეთანხმებას, თუმცა ეს „საკმარისი არ არის“.

უკრაინის პრეზიდენტის თქმით, არ შეუძლია რუსეთის მიმართ დამოკიდებულების შეცვლა.

„ჩვენთვის ისინი მკვლელები არიან“, – განაცხადა ზელენსკიმ.

მისივე თქმით, უკრაინას სურს მშვიდობა და დიპლომატია, თუმცა, მოლაპარაკებებში ჩართული უნდა იყოს ევროპა, ანუ, უნდა მოიცავდეს უკრაინას, რუსეთს, აშშ-სა და ევროპას.

„ჩვენ არ გვსურს ევროპის დაკარგვა“, – აღნიშნა უკრაინის პრეზიდენტმა.